% Text title            : Markandeyaproktam Hariharabhinnatavarnana Stotram
% File name             : mArkaNDeyaproktaMhariharAbhinnatAvarNanastotram.itx
% Category              : vishhnu, vishnu, shiva, harivaMsha
% Location              : doc\_vishhnu
% Proofread by          : PSA Easwaran
% Description/comments  : harivaMsha | anubandha - parishiShTa | adhyAya a37/40-113||
% Latest update         : September 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Markandeyaproktam Hariharabhinnatavarnana Stotram ..}##
\itxtitle{.. mArkaNDeyaproktaM hariharAbhinnatAvarNanastotram ..}##\endtitles ##
mArkaNDeya uvAcha |
shivAya viShNurUpAya viShNave shivarUpiNe |
yathAntaraM na pashyAmi tena tau dishataH shivam || 1||
anAdimadhyanidhanametadakSharamavyayam |
tadeva te pravakShyAmi rUpaM hariharAtmakam || 2||
yo vai viShNuH sa vai rudro yo rudraH sa pitAmahaH |
ekA mUrtistrayo devA rudraviShNupitAmahAH || 3||
varadA lokakartAro lokanAthAH svayaMbhuvaH |
ardhanArIshvarAste tu vrataM tIvraM samAshritAH || 4||
yathA jale jalaM kShiptaM jalameva tu tadbhavet |
rudraM viShNuH praviShTastu tathA rudramayo bhavet || 5||
agnimagniH praviShTastu agnireva yathA bhavet |
tathA viShNuM praviShtastu rudro viShNumayo bhavet || 6||
rudramagnimayaM vidyAdviShNuH somAtmakaH smR^itaH |
agniShTomAtmakaM chaiva jagatsthAvarajaMgamam || 7||
kartArau chApahartArau sthAvarasya charasya cha |
jagataH shubhakartArau prabhU viShNumaheshvarau || 8||
kartR^ikAraNakartArau kartR^ikAraNakArakau |
bhUtabhavyabhavau devau nArAyaNamaheshvarau || 9||
etau tau cha pravaktArAvetau tau cha prabhAmayau |
jagataH pAlakAvetAvetau sShR^iTikarau smR^itau || 10||
ete chaiva pravarShanti bhAnti vAnti sR^ijanti cha |
etatparataraM guhyaM kathitaM te pitAmaha || 11||
yashchainaM paThate nityaM yashchainaM shR^iNuyAnnaraH |
prApnoti paramaM sthAnaM viShNurudraprasAdajam || 12||
devau hariharau stoShye brahmaNA saha saMgatau |
etau cha paramau devau jagataH prabhavApyAyau || 13||
rudrasya paramo viShNurviShNoshcha paramaH shivaH |
eka eva dvidhA bhUto loke charati nityashaH || 14||
na vinA shaMkaraM viShNurna vinA keshavaM shivaH |
tasmAdekatvamayAtau rudropendrau tu tau purA || 15||
namo rudrAya kR^iShNAya namaH saMhatachAriNe |
namaH ShaDardhanetrAya dvinetrAya cha vai namaH || 16||
namaH pi~NgalanetrAya padmanetrAya vai namaH |
namaH kumAragurave pradyumnagurave namaH || 17||
namo dharaNIdharAya ga~NgAdharAya vai namaH |
namo mayUrapichChAya namaH keyUradhAriNe || 18||
namaH kapAlamAlAya vanamAlAya vai namaH |
namastrishUlahastAya chakrahastAya vai namaH || 19||
namaH kanakadaNDAya namaste vratadaNDine |
namashcharmanivAsAya namaste pItavAsase || 20||
namo.astu lakShmIpataye umAyAH pataye namaH |
namaH khaTvA~NgadhArAya namo musaladhAriNe || 21||
namo bhasmA~NgarAgAya namaH kR^iShNA~NgadhAriNe |
namaH shmashAnavAsAya namo.astvAshramavAsine || 22||
namo vR^iShabhavAhAya namo garuDavAhine |
namo.astvanekarUpAya bahurUpAya vai namaH || 23||
namaH pralayakartre cha namaH sR^iShTikarAya cha |
namo.astu bahurUpAya namo bhairavarUpiNe || 24||
virUpAkShAya devAya namaH saumyekShaNAya cha |
dakShayaj~navinAshAya balerniyamanAya cha || 25||
namaH parvatavAsAya namaH sAgaravAsine |
namaH suraripughnAya tripuraghnAya vai namaH || 26||
namo.astu narakaghnAya namaH kAmA~NganAshine |
puShpadantavinAshAya namo madhuvighAtine || 27||
namo.astvandhakanAshAya namaH kaiTabhaghAtine |
namaH sahasrahastAya namo.asaMkhyeyabAhave || 28||
namaH sahasrashIrShAya bahushIrShAya vai namaH |
dAmodarAya devAya mu~njamekhaline namaH || 29||
namaste bhagavan viShNo namaste bhagavan shiva |
namaste bhagavan deva namaste devapUjita || 30||
namaste sAmabhirgIta namaste yajurbhiH saha |
namaste surashatrughna namaste.asurapUjita || 31||
namaste karmiNAM karma namo.amitaparAkrama |
hR^iShIkesha namaste.astu svarNakesha namo.astu te || 32||
imaM stavaM yo rudrasya viShNoshchaiva mahAtmanaH |
sametya R^iShibhiH sarvaiH stutau tau sumahAtmabhiH || 33||
vyAsena devaviduShA nAradena cha dhImatA |
bhAradvAjena gArgyeNa vishvAmitreNa vai tathA || 34||
vishvAmitreNa vAtsyena tathA chaiva sumantunA |
agastyena pulastyena dhaumyena cha mahAtmanA || 35||
yashchedaM paThate stotraM nityaM hariharAtmakam |
arogo balavAMshchaiva jAyate nAtra saMshayaH || 36||
shriyaM cha labhate nityaM na cha svargAnnivartate |
aputro labhate putraM kanyA vindati satpatim || 37||
gurviNI shR^iNute yA tu varaM putraM prasUyate |
rAkShasAshcha pishAchAshcha bhUtAni cha vinAyakAH |
bhayaM tatra na kurvanti yatrAyaM paThyate stavaH || 38||

iti harivaMshAntargataM mArkaNDeyaproktaM hari\-harAbhinnatAvarNanastotraM sampUrNam |

harivaMsha | anubandha \- parishiShTa | adhyAya a37/40-113||
##
harivaMsha . anubandha - parishiShTa . adhyAya a37/40-113..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}