% Text title : Mahadevaproktam Stavapradana Stotram % File name : mahAdevaproktaMstavapradAnastotram.itx % Category : vishhnu, vishnu, krishna, brahmavaivartapurANa, stotra % Location : doc\_vishhnu % Proofread by : PSA Easwaran % Description/comments : brahmavaivartapurANa | gaNapatikhaNDa | adhyAya 32/10-15|| % Latest update : March 5, 2025 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Mahadevaproktam Stavapradana Stotram ..}## \itxtitle{.. mahAdevaproktaM stavapradAnastotram ..}##\endtitles ## bhR^iguruvAcha | samprAptaM kavachaM nAma shashvatsarvA~NgarakShaNam | sukhadaM mokShadaM sAraM shatrusaMhArakAraNam || 1|| adhunA bhagavanmantraM stotraM pUjAvidhiM prabho | dehi mahyamanAthAya sharaNAgatapAlaka || 2|| mahAdeva uvAcha | OM shrIM namaH shrIkR^iShNAya paripUrNatamAya svAhA | mantreShu mantrarAjo.ayaM mahAnsaptadashAkSharaH || 3|| siddho.ayaM pa~nchalakSheNa japena munipu~Ngava | taddashAMshaM cha havanaM taddashAMshAbhiShechanam | tarpaNaM taddashAMshaM cha taddashAMshaM cha mArjanam | suvarNAnAM cha shatakaM purashcharaNadakShiNA || 4|| mantrasiddhasya puMsashcha vishvaM karatale mune | shaktaH pAtuM samudrAMshcha vishvaM saMhartumIshvaraH || 9|| pA~nchabhautikadehena vaikuNThaM gantumIshvaraH | tasya saMsparshamAtreNa padapa~NkajareNunA | pUtAni sarvatIrthAni sadyaH pUtA vasundharA || 6||| dhyAnaM cha sAmavedoktaM shR^iNu manmukhato mune | sarveshvarasya kR^iShNasya bhaktimuktipradAyi cha || 7|| navInajaladashyAmaM nIlendIvaralochanam | sharatpArvaNachandrAsyamIShaddhAsyaM manoharam || 8|| koTikandarpalAvaNyalIlAdhAmamanoharam | ratnasiMhAsanasthaM taM ratnabhUShaNabhUShitam || 9|| chandanokShitasarvA~NgaM pItAmbaradharaM varam | vIkShyamANaM cha gopIbhiH sasmitAbhishcha santatam || 10|| praphullamAlatImAlAvanamAlAvibhUShitam | dadhataM kundapuShpADhyAM chUDAM chandrakacharchchitAm || 11|| prabhAM kShipantIM nabhasashchandratArAnvitasya cha | ratnabhUShitasarvA~NgaM rAdhAvakShaHsthalasthitam || 12|| siddhendraishcha munIndraishcha devendraiH parisevitam | brahmaviShNumaheshaishcha shrutibhishcha stutaM bhaje || 13|| dhyAnenAnena taM dhyAtvA chopachArAMstu ShoDasha | dattvA bhaktyA cha sampUjya sarvaj~natvaM labhetpumAn || 14|| arghyaM pAdyaM chAsanaM cha vasanaM bhUShaNaM tathA | gAmarghyaM madhuparkaM cha yaj~nasUtramanuttamam || 15|| dhUpadIpau cha naivedyaM punarAchamanIyakam | nAnAprakArapuShpANi tAmbUlaM cha suvAsitam || 16|| manoharaM divyatalpaM kastUryagaruchandanaiH | bhaktyA bhagavate deyaM mAlyaM puShpA~njalitrayam || 17|| tataH ShaDa~NgaM sampUjya pashchAtsampUjayedgaNam | shrIdAmAnaM sudAmAnaM vasudAmAnameva cha || 18|| haribhAnuM chandrabhAnuM sUryabhAnuM subhAnukam | pArShadapravarAnsapta pUjayedbhaktibhAvataH || 19|| gopIshvarIM rAdhikAM cha mUlaprakR^itimIshvarIm | kR^iShNashaktiM kR^iShNapUjyAM pUjayedbhaktipUrvakam || 20|| gopagopIgaNaM shAntaM mAM brahmANaM cha pArvatIm | lakShmIM sarasvatIM pR^ithvIM sarvadevaM sapArShadam || 21|| devaShaTkaM samabhyarchya punaH pa~nchopachArataH | pashchAdevaM krameNaiva shrIkR^iShNaM pUjayetsudhIH || 22|| gaNeshaM cha dineshaM cha vahniM viShNuM shivaM shivAm | devaShaTkaM samabhyarchya cheShTadevaM cha pUjayet || 23|| gaNeshaM vighnanAshAya vyAdhinAshAya bhAskaram | AtmanaH shuddhaye vahniM shrIviShNuM muktihetave || 24|| j~nAnAya sha~NkaraM durgAM paramaishvaryahetave | sampUjane phalamidaM viparItamapUjane || 25|| tataH kR^itvA parIhAramiShTadevaM cha bhaktitaH | stotraM cha sAmavedoktaM paThedbhaktyA cha tachChR^iNu || 26|| mahAdeva uvAcha | paraM brahma paraM dhAma paraM jyotiH sanAtanam | nirliptaM paramAtmAnaM namAmyakhilakAraNam || 27|| sthUlAtsthUlatamaM devaM sUkShmAtsUkShmatamaM param | sarvadR^ishyamadR^ishyaM cha svechChAchAraM namAmyaham || 28|| sAkAraM cha nirAkAraM saguNaM nirguNaM prabhum | sarvAdhAraM cha sarvaM cha svechChArUpaM namAmyaham || 29|| atIva kamanIyaM cha rUpaM nirupamaM vibhum | karAlarUpamatyantaM bibhrataM praNamAmyaham || 30|| karmaNaH karmarUpaM taM sAkShiNaM sarvakarmaNaH | phalaM cha phaladAtAraM sarvarUpaM namAmyaham || 31|| sraShTA pAtA cha saMhartA kalayA mUrtibhedataH | nAnAmUrtiH kalAMshena yaH pumAMstaM namAmyaham || 32|| svayaM prakR^itirUpashcha mAyayA cha svayaM pumAn | tayoH paraM svayaM shashvattannamAmi parAtparam || 33|| strIpunnapuMsakaM rUpaM yo bibharti svamAyayA | svayaM mAyA svayaM mAyI yo devastaM namAmyaham || 34|| tArakaM sarvaduHkhAnAM sarvakAraNakAraNam | dhArakaM sarvavishvAnAM sarvabIjaM namAmyaham || 35|| tejasvinAM raviryo hi sarvajAtiShu vADavaH | nakShatrANAM cha yashchandrastaM namAmi jagatprabhum || 36|| rudrANAM vaiShNavAnAM cha j~nAninAM yo hi sha~NkaraH | nAgAnAM yo hi sheShashcha taM namAmi jagatpatim || 37|| prajApatInAM yo brahmA siddhAnAM kapilaH svayam | sanatkumAro muniShu taM namAmi jagadgurum || 38|| devAnAM yo hi viShNushcha devInAM prakR^itiH svayam | svAyambhuvo manUnAM yo mAnaveShu cha vaiShNavaH | nArINAM shatarUpA cha bahurUpaM namAmyaham || 39|| R^itUnAM yo vasantashcha mAsAnAM mArgashIrShakaH | ekAdashI tithInAM cha namAmyakhilarUpiNam || 40|| sAgaraH saritAM yashcha parvatAnAM himAlayaH | vasundharA sahiShNUnAM taM sarvaM praNamAmyaham || 41|| patrANAM tulasIpatraM dArurUpeShu chandanam | vR^ikShANAM kalpavR^ikSho yastaM namAmi jagatpatim || 42|| puShpANAM pArijAtashcha sasyAnAM dhAnyameva cha | amR^itaM bhakShyavastUnAM nAnArUpaM namAmyaham || 43|| airAvato gajendrANAM vainateyashcha pakShiNAm | kAmadhenushcha dhenUnAM sarvarUpaM namAmyaham || 44|| taijasAnAM suvarNaM cha dhAnyAnAM yava eva cha | yaH kesarI pashUnAM cha vararUpaM namAmyaham || 49|| yakShANAM cha kubero yo grahANAM cha bR^ihaspatiH | dikpAlAnAM mahendrashcha taM namAmi paraM varam || 46|| vedasa~Nghashcha shAstrANAM paNDitAnAM sarasvatI | akSharANAmakAro yastaM pradhAnaM namAmyaham || 47|| mantrANAM viShNumantrashcha tIrthAnAM jAhnavI svayam | indriyANAM mano yo hi sarvashreShThaM namAmyaham || 48|| sudarshanaM cha shastrANAM vyAdhinAM vaiShNavo jvaraH | tejasAM brahmatejashcha vareNyaM taM namAmyaham || 49|| balaM yo vai balavatAM mano vai shIghragAminAm | kAlaH kalayatAM yo hi taM namAmi vilakShaNam || 50|| j~nAnadAtA gurUNAM cha mAtR^irUpashcha bandhuShu | mitreShu janmadAtA yastaM sAraM praNamAmyaham || 51|| shilpInAM vishvakarmA yaH kAmadevashcha rUpiNAm | pativratA cha patnInAM namasyaM taM namAmyaham || 52|| priyeShu putrarUpo yo nR^iparUpo nareShu cha | shAlagrAmashcha yantrANAM taM vishiShTaM namAmyaham || 53|| dharmmaH kalyANabIjAnAM vedAnAM sAmavedakaH | dharmANAM satyarUpo yo vishiShTaM taM namAmyaham || 54|| jale shaityasvarUpo yo gandharUpashcha bhUmiShu | shabdarUpashcha gagane taM praNamya namAmyaham || 55|| kratUnAM rAjasUyo yo gAyatrI ChandasAM cha yaH | gandharvANAM chitrarathastaM gariShThaM namAmyaham || 56|| kShIrasvarUpo gavyAnAM pavitrANAM cha pAvakaH | puNyadAnAM cha yaH stotraM taM namAmi shubhapradam || 57|| tR^iNAnAM kusharUpo yo vyAdhirUpashcha vairiNAm | guNAnAM shAntarUpo yashchitrarUpaM namAmyaham || 58|| tejorUpo j~nAnarUpaH sarvarUpashcha yo mahAn | sarvAnirvachanIyaM cha taM namAmi svayaM vibhum || 59|| sarvAdhAreShu yo vAyuryathA.a.atmA nityarUpiNAm | AkAsho vyApakAnAM yo vyApakaM taM namAmyaham || 60|| vedAnirvachanIyaM yanna stotuM paNDitaH kShamaH | yadanirvachanIyaM cha ko vA tatstotumIshvaraH || 61|| vedA na shaktA yaM stotuM jaDIbhUtA sarasvatI | taM cha vA~NmanasApAraM ko vidvAn stotumIshvaraH || 62|| shuddhatejassvarUpaM cha bhaktAnugrahavigraham | atIva kamanIyaM cha shyAmarUpaM namAmyaham || 63|| dvibhujaM muralIvaktraM kishoraM sasmitaM mudA | shashvadgopA~NganAbhishcha vIkShyamANaM namAmyaham || 64|| rAdhayA dattatAmbUlaM bhuktavantaM manoharam | ratnasiMhAsanasthaM cha tamIshaM praNamAmyaham || 65|| ratnabhUShaNabhUShADhyaM sevitaM shvetachAmaraiH | pArShadapravarairgopakumAraistaM namAmyaham || 66|| vR^indAvanAntare ramye rAsollAsasamutsukam | rAsamaNDalamadhyasthaM namAmi rasikeshvaram || 67|| shatashR^i~Nge mahAshaile goloke ratnaparvate | virajApuline ramye praNamAmi vihAriNam || 68|| paripUrNatamaM shAntaM rAdhAkAntaM manoharam | satyaM brahmasvarUpaM cha nityaM kR^iShNaM namAmyaham || 69|| shrIkR^iShNasya stotramidaM trisandhyaM yaH paThennaraH | dharmArthakAmamokShANAM sa dAtA bhArate bhavet || 70|| haridAsyaM harau bhaktiM labhetstotraprasAdataH | iha loke jagatpUjyo viShNutulyo bhaveddhruvam || 71|| sarvasiddheshvaraH shAnto.apyante yAti hareH padam | tejasA yashasA bhAti yathA sUryo mahItale || 72|| jIvanmuktaH kR^iShNabhaktaH sa bhavennAtra saMshayaH | arogI guNavAnvidvAnputravAndhanavAnsadA || 73|| ShaDabhij~no dashabalo manoyAyI bhaveddhruvam | sarvaj~naH sarvadashchaiva sa dAtA sarvasampadAm | kalpavR^ikShasamaH shashvadbhavetkR^iShNaprasAdataH || 74|| ityevaM kathitaM stotraM vatsa tvaM gachCha puShkaram | tatra kR^itvA mantrasiddhiM pashchAtprApsyasi vA~nChitam || 75|| trissaptakR^itvo nirbhUpAM kuru pR^ithvIM yathAsukham | mamAshiShA munishreShTha shrIkR^iShNasya prasAdataH || 76|| iti shrIbrahmavaivartapurANe gaNapatikhaNDe dvAtriMshAdhyAyAntargataM mahAdevaproktaM stavapradAnastotraM samAptam | brahmavaivartapurANa | gaNapatikhaNDa | adhyAya 32/10\-15|| ## brahmavaivartapurANa . gaNapatikhaNDa . adhyAya 32/10-15.. Proofread by PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}