% Text title : Paulastyaprokto Mangalya Stava % File name : mangalyastavaHpaulastyaprokto.itx % Category : vishhnu, mangala % Location : doc\_vishhnu % Proofread by : PSA Easwaran % Description/comments : from Vishnudharma Upapurana. Adhyaya 39 % Latest update : December 25, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Paulastyaprokto Mangalya Stava ..}## \itxtitle{.. paulastyaprokto ma~NgalyastavaH ..}##\endtitles ## dAlbhya uvAcha \- kAryArambheShu sarveShu duHsvapneShu cha sattama | ama~NgalyeShu sarveShu yajjaptavyaM taduchyatAm || 1|| yenArambhAshcha sid.hdhyanti duHsvapnaM chopashAmyati | ama~NgalAnAM sarveShAM pratighAtashcha jAyate || 2|| pulastya uvAcha \- janArdanaM bhUtapatiM jagadguruM smaranmanuShyaH satataM mahAmune | duShTAnyasheShANyapahanti sAdhayatyasheShakAryANi tathA yadichChati || 3|| shR^iNuShva chAnyadvadato mamAkhilaM vadAmi yatte dvijavarya ma~Ngalam | sarvArthasiddhiM pradadAti yaH sadA nihantyasheShANi cha pAtakAni || 4|| pratiShThitaM yatra jagachcharAcharaM jagachcha yo yo jagatashcha hetuH | jagachcha pAtyatti cha yaH sa sarvadA mamAstu ma~NgalyavivR^iddaye hariH || 5|| vyomAmbuvAyvagnimahIsvarUpairvistAravAnyo.aNutaro.aNubhAgAt | sa sthUlasUkShmaH satataM sureshvaro mamAstu ma~NgalyavivR^iddhaye hariH || 6|| yasmAtparastAtpuruShAdanantAdanAdimadhyAdakhilaM na ki~nchit | sa hetuhetuH parameshvareshvaro mamAstu ma~NgalyavivR^iddhaye hariH || 7|| hiraNyagarbhAchyutarudrarUpI sR^ijatyasheShaM paripAti hanti | guNAshrayI yo bhagavAnsa sarvadA mamAstu ma~NgalyavivR^iddhaye hariH || 8|| paraH surANAM paramo.asurANAM paro munInAM paramo yatInAm | paraH samastasya cha yaH sa devo mamAstu ma~NgalyavivR^iddhaye hariH || 9|| dhyAto yatInAmapakalmaShairyo dadAti muktiM parameshvareshvaraH | manobhirAdyaH puruShaH sa sarvadA mamAstu ma~NgalyavivR^iddhaye hariH || 10|| surendra vaivasvatavittapAmbupasvarUparUpI paripAti yo jagat | sa shuddhasattvaH parameshvareshvaro mamAstu ma~NgalyavivR^iddhaye hariH || 11|| yannAmakIrtanato vimuchyate anekajanmArjitapApasa~nchayaiH | pApendhanAgniH sa sadaiva nirmalo mamAstu ma~NgalyavivR^iddhaye hariH || 12|| yenoddhR^iteyaM dharaNI rasAtalAdasheShasattvasthitikAraNAdidam | bibharti vishvaM jagataH sa mUlavAn mamAstu ma~NgalyavivR^iddhaye hariH || 13|| pAdeShu vedA jaThare charAcharaM romasvasheShA munayo mukhe makhAH | yasyeshvareshasya sa sarvadA prabhurmamAstu ma~NgalyavivR^iddhaye hariH || 14|| samastayaj~nA~NgamayaM vapurvibhoryasyA~NgamIsheshvarasaMstutasya | varAharUpo bhagavAnsa sarvadA mamAstu ma~NgalyavivR^iddhaye hariH || 15|| vikShobhya sarvodadhitoyasampadaM dadhAra dhAtrIM jagatashcha yodbhavaH | yaj~neshvaro yaj~napumAnsa sarvadA mamAstu ma~NgalyavivR^iddhaye hariH || 16|| pAtAlamUleshvarabhogisaMhatau vinyasya pAdau pR^ithivIM cha bibhrataH | yasyopamAnaM na babhUva so.achyuto mamAstu ma~NgalyavivR^iddhaye hariH || 17|| vighargharaM yasya cha bR^iMhato muhuH sanandanAdyairjanalokasaMsthitaiH | shrutaM jayetyuktiparaiH sa sarvadA mamAstu ma~NgalyavivR^iddhaye hariH || 18|| ekArNavAdyasya mahIyaso mahImAdAya vegena samutpatiShyataH | nutaM vapuryogivaraiH sa sarvadA mamAstu ma~NgalyavivR^iddhaye hariH || 19|| hato hiraNyAkShamahAsuraH purA purANapuMsA parameNa yena | varAharUpaH sa patiH prajApatermamAstu ma~NgalyavivR^iddhaye hariH || 20|| daMShTrAkarAlaM surabhItinAshanaM kR^itvA vapurdivyanR^isiMharUpiNam | trAtaM jagadyena sa sarvadA prabhurmamAstu ma~NgalyavivR^iddhaye hariH || 21|| daityendra vakShaHsthaladAradAruNaiH karoruhaiH shatrurujAnukAribhiH | chichCheda lokasya bhayAni chAvyayo mamAstu ma~NgalyavivR^iddhaye hariH || 22|| dantAntadIptidyutinirmalAni chakAra sarvANi dishaM mukhAni | ninAdavitrAsitadAnavo hyasau mamAstu ma~NgalyavivR^iddhaye hariH || 23|| yannAmasa~NkIrtanato mahAbhayAdvimokShamApnoti na saMshayaM naraH | samastalokArtiharo nR^ikesarI mamAstu ma~NgalyavivR^iddhaye hariH || 24|| saTAkalApabhramaNAnilAhatAH sphuTanti yasyAmbudharAH samantataH | sa divyasiMhaH sphuritAkulekShaNo mamAstu ma~NgalyavivR^iddhaye hariH || 25|| yadIkShaNajyotiShi rashmimaNDalaM pralInameva na rarAja bhAsvataH | kutaH shashA~Nkasya sa siMharUpadhR^i~NmamAstu ma~NgalyavivR^iddhaye hariH || 26|| dravanti daityAH praNamanti devatA nashyanti rakShAMsyapayAnti chArayaH | yatkIrtanAtso.adbhutarUpakesarI mamAstu ma~NgalyavivR^iddhaye hariH || 27|| asheShadeveshanareshvareshvaraiH sadA stutaM yachcharitaM mahAdbhutam | sa sarvalokArtiharo mahAharirmamAstu ma~NgalyavivR^iddhaye hariH || 28|| R^ikkAritaM yo yajuShAtishAntimatsAmadhvanidhvastasamastapAtakam | chakre jagadvAmanakaH sa sarvadA mamAstu ma~NgalyavivR^iddhaye hariH || 29|| yatpAdavinyAsapavitratAM mahI yayau viyaddR^igyajuShAmudIraNAt | sa vAmano divyasharIradhR^ik sadA mamAstu ma~NgalyavivR^iddhaye hariH || 30|| yasminprayAte surabhUbhR^ito.adhvaraM nanAma khedAdavaniH sasAgarA | sa vAmanaH sarvajaganmayaH sadA mamAstu ma~NgalyavivR^iddhaye hariH || 31|| mahAdyutau daityapatermahAdhvaraM yasminpraviShTe kShubhitaM mahAsuraiH | sa vAmano.antasthitasaptalokadhR^i~NmamAstu ma~NgalyavivR^iddhaye hariH || 32|| samastadeveShTimayaM mahAdyutirdadhAra yo rUpamatIndriyaM prabhuH | trivikramAkrAntajagattrayaH sadA mamAstu ma~NgalyavivR^iddhaye hariH || 33|| sa~NghaiH surANAM divi bhUtale sthitaistathA manuShyairgagane sa sarvadA | stutaH kramAdyaH pradade sa sarvadA mamAstu ma~NgalyavivR^iddhaye hariH || 34|| krAntvA dharitrIM gaganaM tathA divaM marutpateryaH pradadau triviShTapam | sa devadevo bhuvaneshvareshvaro mamAstu ma~NgalyavivR^iddhaye hariH || 35|| anugrahaM chApi baleranuttamaM chakAra yashchendrapadopalakShaNam | surAMshcha yaj~nasya bhujaH sa sarvadA mamAstu ma~NgalyavivR^iddhaye hariH || 36|| rasAtalAdyena purA samAhR^itAH samastavedA varavAjirUpiNA | sa kaiTabhArirmadhusUdano mahAn mamAstu ma~NgalyavivR^iddhaye hariH || 37|| niHkShatriyAM yashcha chakAra medinImanekasho bAhuvanaM tathAChinat | yaH kArtavIryasya sa bhArgavottamo mamAstu ma~NgalyavivR^iddhaye hariH || 38|| nihatya vAliM cha kapIshvaraM hi yo nibadhya setuM jaladhau dashAnanam | jaghAna chAnyAnrajanIcharAnasau mamAstu ma~NgalyavivR^iddhaye hariH || 39|| chikShepa bAlaH shakaTaM babha~nja yo yamalArjunau kaMsamariM jaghAna | mamarda chANUramukhaM sa sarvadA mamAstu ma~NgalyavivR^iddhaye hariH || 40|| prAtaH sahasrAMshumarIchinirmalaM kareNa bibhradbhagavAnsudarshanam | kaumodakIM chApi gadAmanuttamAM mamAstu ma~NgalyavivR^iddhaye hariH || 41|| himendukundasphaTikAbhrakomalaM mukhAnilApUritamIshvareshvaraH | madhyAhnakAle cha sa sha~NkhamuttamaM mamAstu ma~NgalyavivR^iddhaye hariH || 42|| tathAparAhne pravikAsipa~NkajaM vakShaHsthalena shriyamudvahadvibhuH | vistAripadmotpalapatralochano mamAstu ma~NgalyavivR^iddhaye hariH || 43|| sarveShu kAleShu samastadesheShvasheShakAryeShu tatheshvareshvaraH | sarvaiH svarUpairbhagavAnanAdimAn mamAstu ma~NgalyavivR^iddhaye hariH || 44|| phalashrutiH \- etatpaThandAlbhya samastapApairvimuchyate viShNuparo manuShyaH | sidhyanti kAryANi tathAsya sarvANyarthAnavApnoti tathA yatheShTam || 45|| duHsvapnaM prashamamupaiti paThyamAne stotre.asmin shravaNavidhau sadotthitasya | prArambho drutamupayAti siddhimIshaH pApAni kShapayati chAsya vAsudevaH || 46|| ma~NgalyaM paramamidaM sadArthasiddhiM nirvighnaM tvadhikaphalaM sadA dadAti | kiM loke tadiha paratra chAsti puMsAM yadviShNupravaNadhiyA na dAlbhya sAdhyam || 47|| devendrastribhuvanamarthamekapi~NgaH sarvarddhiM tribhuvanagAM cha kArtavIryaH | vaidehaH paramapadaM prasAdya viShNuM samprAptaH sakalaphalaprado hi viShNuH || 48|| sarvArambheShu dAlbhyaitadduHsvapneShu cha paNDitaH | japedekamatirviShNau tathAma~Ngalyadarshane || 49|| shamaM prayAnti duShTAni grahapIDAshcha dAruNAH | karmArambhAshcha sidhyanti puNyamApnoti chottamam || 50|| harirdadAti bhadrANi ma~NgalyastutisaMstutaH | karotyakhilarUpaishcha rakShAmakShatashaktidhR^ik || 51|| iti viShNudharmeShu ekonachatvAriMsho.adhyAyAntargataH paulastyaprokto ma~NgalyastavaH sampUrNaH | ## Proofread by PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}