% Text title            : matsyastutiH
% File name             : matsyastutiH.itx
% Category              : vishhnu, dashAvatAra
% Location              : doc\_vishhnu
% Proofread by          : PSA Easwaran psawaswaran at gmail.com
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : May 13, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Matsyastutih ..}##
\itxtitle{.. matsyastutiH ..}##\endtitles ##

magne merau patati tapane toyabindAvivendau
antarlIne jaladhisalile vyAkule devaloke |
mAtsyaM rUpaM mukhapuTataTAkR^iShTanirmuktavArdhi
shrIkAntasya sthalajalagataM vetyalakShyaM punAtu || 1||
viyatpuchChAtuchChochChalitajalagarbhaM nidhirapAM
apAnnAthaH pAthaH pR^ithulalavadustho viyadabhUt |
nidhirbhAsAmaurvo dinapatirabhUdaurvadahanaH
chalatkAye yasminsa jayati harirmInavapuShA || 2||
jIyAsuH shakulAkR^iterbhagavataH puchChachChaTAchChoTanAt
udyantaH shatachandritAmbaratalaM te bindavaH saindhavAH |
yairvyAvR^itya patadbhiraurvashikhinastejojaTAlaM vapuH
pAnAdhmAnavashAdarochakarujAM chakre chirAyAspadam || 3||
dishyAdvaH shakulAkR^itiH sa bhagavAnnaiHshreyasIM sampadaM
yasya sphUrjadatuchChapuchChashikharapre~NkholanakrIDanaiH |
viShvagvArdhisamuchChalajjalabharairmandAkinIsa~NgataiH
ga~NgAsAgarasa~NgamapraNayinI jAtA vihAyaHsthalI || 4||
mAyAmInatanostanotu bhavatAM puNyAni pa~NkasthitiH
puchChAchChoTasamuchChalajjalaguruprAgbhArariktodadheH |
pAtAlAvaTamadhyasa~NkaTatayA paryAptakaShTasthiteH
vedoddhAraparAyaNasya satataM nArAyaNasya prabhoH || 5||
jR^imbhAvistR^itavaktrapa~NkajavidherhR^itvA shrutIH sAgare
lInaM trastasamastanakranikaraM sha~NkhaM jaghAnAjire |
puchChotkShiptajalotkaraiH pratidishaM santarpya yo vai dharAM
pAyAdvaH sa mR^iNAlakomalatanurmInAbhidhAno hariH || 6||
haMho mInatano hare kimudadhe kiM vepase shaityataH
svinnaH kiM vaDavAnalAtpulakitaH kasmAtsvabhAvAdaham |
itthaM sAgarakanyakAmukhashashivyAlokanenAdhika\-
prodyatkAmajachihnanihnutiparaH shauriH shivAyAstu vaH || 7||
puchChaM chedahamunnayAmyanavadhistuchCho bhavedambudhiH
krIDAM chetkalaye manAgapi jale pIDA paraM yAdasAm |
nispando bhR^ishamAmR^ishanniti bharabrahmANDabhANDakShaya\-
kShobhAku~nchitaveSha eSha bhagavAnprINAtu mInAkR^itiH || 8||
chandrAdityorunetraH kamalabhavabhavasphArapR^iShThapratiShTho
bhAsvatkAlAgnijihmaH pR^ithulagalaguhAdR^iShTaniHsheShavishvaH |
adbhiH puchChotthitAbhishchakitasuravadhUnetrasaMsUchitAbhiH
matsyashChinnAbdhivelaM gaganatalamalaM kShAlayanvaH punAtu || 9||
yaM dR^iShTvA mInarUpaM sphuradanalashikhAyuktasaMraktanetraM
loladvistIrNakarNakShubhitajalanidhiM nIlajImUtavarNam |
shvAsochChvAsAnilaughaiH prachalitagaganaM pItavAriM murAriM
di~NmUDho.abhUtsa sha~NkhaH sa bhavatu bhavatAM bhUtaye mInarUpaH || 10||
di~NmUDhaM taM surAriM kila shitadashanaiH pIDyamAnaM raTantaM
hR^itvA tIre payodheH karatalakalitaM pUrayAmAsa sha~Nkham |
nAdenAkShobhya vishvaM pramuditavibudhaM trastadaityaM sa devaiH
dattArghaH padmayoneH prahasitavadanaH pAtu vo dattavedaH || 11||

iti matsyastutiH sampUrNA |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}