% Text title            : Muchukundakritam 1 Shri Krishna Stotram
% File name             : muchukundakRRitaM1shrIkRRiShNastotram.itx
% Category              : vishhnu, vishnu, krishna, viShNupurANa, stotra
% Location              : doc\_vishhnu
% Proofread by          : PSA Easwaran
% Description/comments  : viShNupurANa | adhyAya 5/23/31-47||
% Latest update         : October 2, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Muchukundakritam 1 Shri Krishna Stotram ..}##
\itxtitle{.. muchukundakR^itaM 1 shrIkR^iShNastotram ..}##\endtitles ##
muchukunda uvAcha |
saMsArapatitasyaiko jantostvaM sharaNaM param |
prasIda tvaM prapannArttihara nAshaya me.ashubham || 31||
tvaM payonidhayashshailasaritastvaM vanAni cha |
medinI gaganaM vAyurApo.agnistvaM tathA manaH || 32||
buddhiravyAkR^itaprANAH prANeshastvaM tathA pumAn |
puMsaH parataraM yachcha vyApya janma vikAravat || 33||
shabdAdihInamajaramameyaM kShayavarjitam |
avR^iddhinAshaM tadbrahma tvamAdyantavivarjitam || 34||
tvatto.amarAssapitaro yakShagandharvakinnarAH |
siddhAshchApsarasastvatto manuShyAH pashavaH khagAH || 35||
sarIsR^ipA mR^igAssarve tvattassarve mahIruhAH |
yachcha bhUtaM bhaviShyaM cha ki~nchidatra charAcharam || 36||
mUrttAmUrttaM tathA chApi sthUlaM sUkShmataraM tathA |
tatsarvaM tvaM jagatkarttA nAsti ki~nchittvayA vinA || 37||
mayA saMsArachakre.asminbhramatA bhagavaMstadA |
tApatrayAbhibhUtena na prAptA nirvR^itiH kvachit || 38||
duHkhAnyeva sukhAnIti mR^igatR^iShNAjalAshayAH |
mayA nAtha gR^ihItAni tAni tApAya me.abhavan || 39||
rAjyamurvI balaM kosho mitrapakShastathAtmajAH |
bhAryA bhR^ityajanA ye cha shabdAdyA viShayAH prabho || 40||
sukhabud.hdhyA mayA sarvaM gR^ihItamidamavyayam |
pariNAme tadevesha tApAtmakamabhUnmama || 41||
devalokagatiM prApto nAtha devagaNo.api hi |
mattassAhAyyakAmobhUchChAshvatI kutra nirvR^itiH || 42||
tvAmanArAdhya jagatAM sarveShAM prabhavAspadam |
shAshvatI prApyate kena parameshvara nirvR^itiH || 43||
tvanmAyAmUDhamanaso janmamR^ityujarAdikAn |
avApya tApAnpashyanti pretarAjamanantaram || 44||
tato nijakriyAsUtinarakeShvatidAruNam |
prApnuvanti narA duHkhamasvarUpavidastava || 45||
ahamatyantaviShayI mohitastava mAyayA |
mamatvagarvagarttAntarbhramAmi parameshvara || 46||
so.ahaM tvAM sharaNamapAramaprameyaM
samprAptaH paramapadaM yato na ki~nchit |
saMsArabhramaparitApataptachetA
nirvANe pariNatadhAmni sAbhilAShaH || 47||

iti shrIviShNumahApurANe pa~nchamAMshe trayoviMsho.adhyAyAntargataM
       muchukundakR^itaM shrIkR^iShNastotraM samAptam |

viShNupurANa | adhyAya 5/23/31\-47||
##
viShNupurANa . adhyAya 5/23/31-47..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}