% Text title            : Muchukundakritam Shri Krishnastutinirupanam
% File name             : muchukundakRRitaMshrIkRRiShNastutinirUpaNam.itx
% Category              : vishhnu, vishnu, krishna, brahmapurANa, stuti
% Location              : doc\_vishhnu
% Proofread by          : PSA Easwaran
% Description/comments  : brahmapurANa | adhyAya 196/26-45||
% Latest update         : September 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Muchukundakritam Shri Krishnastutinirupanam ..}##
\itxtitle{.. muchukundakR^itaM shrIkR^iShNastutinirUpaNam ..}##\endtitles ##
muchukunda uvAcha |
purA gArgyeNa kathitamaShTAviMshatime yuge |
dvAparAnte harerjanma yaduvaMshe bhaviShyati || 26||
sa tvaM prApto na sandeho martyAnAmupakArakR^it |
tathA hi sumahattejo nAlaM soDhumahaM tava || 27||
tathA hi sumahAmbhodadhvanidhIrataraM tataH |
vAkyaM tamiti hovAcha yuShmatpAdasulAlitam || 28||
devAsure mahAyuddhe daityAshcha sumahAbhaTAH |
na shekuste mahattejastattejo na sahAmyaham || 29||
saMsArapatitasyaiko jantostvaM sharaNaM param |
samprasIda prapannArtihartA hara mamAshubham || 30||
tvaM payonidhayaH shailAH satirashcha vanAni cha |
modinI gaganaM vAyurApo.agnistvaM tathA pumAn || 31||
puMsaH parataraM sarvaM vyApya janma vikalpavat |
shabdAdihInamajaraM vR^iddhikShayavivarjitam || 32||
tvatto.amarAstu pitaro yakShagandharvarAkShasAH |
siddhAshchApsarasastvatto manuShyAH pashavaH khagAH || 33||
sarIsR^ipA mR^igAH sarve tvattashchaiva mahIruhAH |
yachcha bhUtaM bhaviShyadvA ki~nchidatra charAchare || 34||
amUrtaM mUrtamathavA sthUlaM sUkShmataraM tathA |
tatsarvaM tvaM jagatkartarnAsti ki~nchittvayA vinA || 35||
mayA saMsArachakre.asmin bhramatA bhagavansadA |
tApatrayAbhibhutena na prAptA nirvR^itiH kvachit || 36||
duHkhAnyeva sukhAnIti mR^igatR^iShNA jalAshayaH |
mayA nAtha gR^ihItAni tAni tApAya me.abhavan || 37||
rAjyamurvI balaM kosho mitrapakShastathA.a.atmajAH |
bhAryA bhR^ityajanA ye cha shabdAdyA viShayAH prabho || 38||
sukhabud.hdhyA mayA sarvaM gR^ihItamidamavyaya |
pariNAme cha devesha tApAtmakamabhUnmama || 39||
devalokagatiM prApto nAtha devagaNo.api hi |
mattaH sAhAyyakAmo.abhUchchaChAshvatI kutra nirvR^itiH || 40||
tvAmanArAdhya jagatAM sarveShAM prabhavAspadam |
shAshvatI prApyate kena parameshvara nirvR^itiH || 41||
tvanmAyAmUDhamanaso janmamR^ityujarAdikAn |
avApya pApAn pashyanti pretarAjAnamantarA || 42||
tataH pAshashatairbaddhA narakeShvatidAruNam |
prApnuvanti mahadduHkhaM vishvarUpamidaM tava || 43||
ahamatyantaviShayI mohitastava mAyayA |
mamatvAgAdhagartAnte bhramAmi parameshvara || 44||
so.ahaM tvAM sharaNamapAramIshamIDyaM
samprAptaH paramapadaM yato na ki~nchit |
saMsArashramaparitApataptachetA
nirviNNe pariNatadhAmni sAbhilAShaH || 45||

iti brahmapurANe ShaNNavatyadhikashatatamAdhyAyAntargataM
         muchukundakR^itaM shrIkR^iShNastutinirUpaNaM samAptam || 196||

brahmapurANa | adhyAya 196/26\-45||
##
brahmapurANa . adhyAya 196/26-45..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}