% Text title            : Mukundaprasada Stavaraja
% File name             : mukundaprasAdastavarAjaH.itx
% Category              : vishhnu, stavarAja
% Location              : doc\_vishhnu
% Proofread by          : Rajesh Thyagarajan
% Description/comments  : From Stotrasamuchchaya 2, Edited by Pandit K. Parameshwara Aithal
% Latest update         : May 10, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mukundaprasada Stavaraja ..}##
\itxtitle{.. mukundaprasAdastavarAjaH ..}##\endtitles ##
ala~NkAramo~NkArama~njUShikAyA\-
      strilokInidAnaM trivedI nidhAnam |
maNiM ka~nchidIDe suma~NgalyashIlaM
      yashodAnashUraM yashodAkishoram || 1||
?? AndrAbhamindvarashyAmagAtraM
      sanandAdiyogIndravandyaM pavitram |
sharaNyaM sahasrAMshushItAMshunetra
      prapadye.anavadyA~NgamakrUramitram || 2||
prakAshaikarUpaM hR^idAkAshadIpaM
      pramAtAravindaprabhAchorapAdam |
mahAratnavinyastama~njIrabhUShA\-
      mayUkhAvalIliptapAdA~NgulIkam || 3||
samuttaptachAmIkarAkAravastraM
      kanaddivyamANikyakA~nchIkalApam |
sphuratkaustubhashrIparivyAptavakShaH\-
      sthalIlolahArAvalIrAjamAnam || 4||
bR^ihatka~NkaNAbaddhashoNAshmamAlA\-
      ruchistomasaMraktahastAravindam |
suvarNA~NgadajyotirudbhAsitAMsaM
      pariShkAraniShkeNa paryAptakaNTham || 5||
gadAsha~NkhachakrAsikodaNDasevyaM
      bhuja~NgAdhirAjAbhirAmorubAhum |
lasatkambubimbokahR^itkandharAbhaM
      navInapravAlapravAhAruNoShTham || 6||
suvR^ittAtishuddhadyutisnigdhadanta\-
      pratikShiptasambhinnakundaprasUnam |
hasatkarNikArasphuratkarNikAra\-
      prabhAma~njarIpi~njarIbhUtagaNDam || 7||
prabuddhAravindapratIkAranetraM
      prakR^iShTaprakAshendudAyAdavaktram |
kirITadyutikShiptasauvarNagAtraM
      kR^ipAluM paraM naumi padmAkalatram || 8||
samAkarNitodIrNagandharvachATu\-
      prabandhaH pata~NgapradhAnAdhirUDhaH |
prapannartihAraH praNodapravINaH
      purastAdadastAt purANaH pumAn naH || 9||
sudhAsArasushvetayA dehabhAsA
      samantAnniShi~nchan sa pa~nchAyudho naH |
sadA sannidhAnaM nidhAnaM budhAnAM
      vidheyAdameyAgamAntAvidheyaH || 10||
jagannAtha janmAdayaste na santI\-
      tyaneke gR^iNanti shrutInAM nigumbhAH |
asaktasvabhaktAnukampI purastvaM
      darIdR^ishyase deva nandAdigehe || 11||
ihAjAyamAno muhurjAyate.apI\-
      tyasAvAdidevaH shrutiH kAchidindhe |
na cheyaM virodhaprasaktiryataste
      na khalvIdR^ishaM janmakarmAdi divyam || 12||
ya eSho.antarAditya udyatprakAshaH
      suvarNAruNashmashrukeshaH suparNaH |
jvaladdivyabhUShAMshudedIpyamAnaH
      sa eveti nishchIyate sAdhubhistvam || 13||
na tatra prakAshatyasau tIvrabhAnu\-
      rna vA shItabhAnurna tArAkulAni |
imA vidyuto naiva vahniH kuto.ayaM
      tvadIyena sarvaM prakAshana bhAti || 14||
raso.asi tvamapsu prabhA chaNDamAnau
      sugandho.asi bhUmau sudhA shItadhAmni |
bhavAn puMsi chaitanyamUShmA kR^ishAnau
      dhanurvyAni cha tvaM samIre cha sattvam || 15||
narendraM narANAM surendraM surANAM
      dharitrIdharANAM cha sauvarNashailam |
kavInAM cha shukraM surAyeM gurUNAM
      bhR^iguM tvAmR^iShINAM budhAH sa~Ngirante || 16||
kumAro bhavAn nAtha senApatInAM
      munInAM bhavAn vyAsanAmA munIndraH |
bhavAna sthAvarANAM tuShArAdriruchai\-
      rbhavAn pArijAto.asti kalpadrumANAm || 17||
bhavAn sha~Nkaro nAma rudveShu bhadro
      bhavAn kApilI yogasiddheShu mUrtiH |
bhavAn vAsukiH pannageShu pravIro
      bhavAnuttamaujAH pata~NgeShu tArkShyaH || 18||
bhavAnakSharANAmakAraH pratIto
      bhavAn pANDavAnAmapi shvetavAhaH |
bhavAn pAdapAnAM varaH pippaladru\-
      rbhavAn sAmavedo.asti vedeShu shaure || 19||
tvamuchchaiHshravA vAjinAM vAraNAnAM
      tvamairAvatastvaM gavAM kAmadhenuH |
tvamambhodhijanmAsi ratnaM maNInAM
      tvamo~NkAranAmAsi mantro manUnAm || 20||
shriyA saMvidA vA balenApi shaktyA
      ruchA vApi yuktaM paraM vastu yadyat |
tadetat samastaM purANapravINa
      tvadIyAMshasambhUtamevAmananti || 21||
jvalatyagnirUrdhvaM marud vAti divyaM
      tapatyeSha bhAnuH sR^ijatyabhramambhaH |
bhuja~NgAdhirAjo bhuvaM chApi dhatte
      tavaiva shriyeti shrutiH prAha shaure || 22||
ramAnAtha madhyehR^idambhojamadhye
      sadA sanniviShTaM bhavantaM smarantaH |
apAraM samuttIrya saMsAravArdhiM
      paraM tatpadaM te bhajante hi santaH || 23||
salakShmIkamambhodhimadhyAdhivAsaM
      samullAsikalhAramAlAbhirAmam |
ghanashyAmavarNaM kadAchid bhavantaM
      paraM bhAvayanto bhavantIha dhanyAH || 24||
bhavAn sha~Nkhachakre dadhad bhAnuchakre
      sarojAkSha saMvIkShyate yena sAkShI |
sa nirdhUtapApastathA chAkashIti
      prakR^iShTo.anikR^iShTo yathA bhAnukAntaH || 25||
yadA chintyase yairhare chandrabimbe
      suvAbhiH prabhAbhiH prapa~nchaM niShi~nchan |
tadA tvaM purastAnmanastApamAlA\-
      mashevAmamIShAM dhunIShe nimeShAt || 26||
varaM pustakaM chAbhayaM hastapadme\-
      rvahannakShamAlAmapi sphATikIM tvam |
sudhAnAtha sambhAvyase yena shubhraH
      sa kartA bhavedAshu kAvyAvalInAm || 27||
muhurvallavInAM gaNaM mohayantaM
      pralambAlakAntaM kadambAdhirUDham |
nidhatte yadA kR^iShNa chitte sthitaM tvAM
      tadA kAminInAM bhavedeva kAmaH || 28||
mahAnIlagotraprabhAmitragAtraM
      mahAchitramAyUrapi~nChAvataMsam |
mahAnandagovR^indamadhyasthitaM tvAM
      mahAntaH smaranto mahIpA bhavanti || 29||
samAkramya pAdena duShTaM bhuja~NgaM
      samAlambya hastena puchChaM tadIyam |
salIlaM phaNAmaNDale tasya nR^ityan
      samAdhIyase sAdhuchitte viShArte || 30||
samuddhR^itya govardhanaM ChatrarUpaM
      samastAni bhUtAni bhItAni varShAt |
avantaM bhavantaM sakR^ichchintayanto
      durantAnanantApadabdhIMstaranti || 31||
pavitraM vichitraM tvadIyaM charitraM
      samAkarNya karNAmR^itaM pUrNakAmAH |
galattoyanetrAH sphuradromagAtrAH
      praharShaprakarShapravAhaM prayAnti || 32||
kR^itI jIrNachelaH kuchelaH kR^ishastvAM
      prapede yadA devabhAvAnabhij~naH |
samastAni bhAgyAni tasmai tadAnI\-
      madAstvaM durApAni tattAdR^ishAni || 33||
hare kR^iShNa kR^iShNeti kR^iShNAM vadantI\-
      marakShaH samakShaM ripUNAM sabhAyAm |
araNye sharaNyo.abhavaH pANDavAnAM
      sarasyAM gajasyApi jIvAturAsIH || 34||
aho devadeva prabho kaiTabhAre
      kumAraM chiraprAptakInAshalokam |
mukundrAdishastvaM mudaM chApyapUrvA\-
      mupAdhyAyavaryAya vidyApradAya || 35||
ihAnekashokAvalIDhAya gADhaM
      prataptAya vittAnilashleShmapUgaiH |
hR^iShIkesha hInAya dInAya mahyaM
      prasIda prasIda prasIda prasIda || 36||
vadeyaM vadeyaM bhavannAma divyaM
      bhajeyaM bhajeyaM tvadIyaM prapannam |
japeyaM japeyaM manuM tAvakInaM
      smareyaM smareyaM tavaivA~Nghripadmam || 37||
hare chakradhArin hare hlAdakArin
      mahAnakravairin mahIbhArahArin |
ahaM tvatkathAdugdhapAnaM vinAnyat
      tyajeyaM tyajeyaM tyajeyaM tyajeyam || 38||
idaM deva dR^iShTidvayaM mAmakInaM
      tavaivA~NgasaundaryamIkSheta sAkShAt |
aso nAsikApi prajighret pavitraM
      bhavatpAdamUlArpitaM patrapuShpam || 39||
namedeSha mUrchA padAmbhoruhaM te
      tavaivArchayet tAvimau chApi hastau |
tvadIyAni puNyAni dhAmAni gachChet
      padadvandvametanmamAnanta viShNo || 40||
pure vA bane vA girau vA samudre
      yadA yatra kutrApi yAyAjjano.ayam |
tadA tatra tatrApi pakShIndraketo
      bhavAneva bhadraM vidheyAdameyam || 41||
tanoti shriyaM tAvadAdhiM dhunIte
      karoti drutaM sharma karmANi dogdhi |
pratApaM durApaM cha vij~nAnaratnaM
      pradatte cha muktiM mukundaprasAdaH || 42||

iti mukundaprasAdo nAma stotrarAjaH sampUrNaH |
stotrasamuchchayaH 2 (67)
##
Proofread by Rajesh Thyagarajan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}