% Text title            : Muralidhara Stotram
% File name             : muralIdharastotram.itx
% Category              : vishhnu, krishna
% Location              : doc\_vishhnu
% Author                : gAyatrisvarUpa brahmachari
% Proofread by          : Vani V
% Description/comments  : shrI bhagavat samarchA uttarArdhaH. Author/publisher comment mentions the cost of the book as bhagavadbhakti
% Latest update         : March 13, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ashtottarashata Shlokatmakam Muralidhara Stotram ..}##
\itxtitle{.. aShTottarashatashlokAtmakaM muralIdharastotram ..}##\endtitles ##
shrIgaNeshAya namaH |
atha dhyAnam\-
hR^idayasukhadamekaM nityamAnandakandaM
      paramapadamanantaM pUrNabodhAtmarUpam |
aguNasaguNamevaM shyAmalaM divyamUrtiM
      kamalanayanakR^iShNaM brahmarUpaM namAmi ||
atha stotram\-
jagadvandyaM jagadpUjyaM jagatkAraNakAraNam |
jagadAdhAra shrIkR^iShNaM taM vande muralIdharam || 1||
saguNaM sundaraM shyAmaM darshanIyaM manoharam |
hR^itpadmAShTadalAvAsaM taM vande muralIdharam || 2||
mukhaM chandrasamaM yasya jyotiHsUryasamaM param |
sAkShAt nArAyaNaM kR^iShNaM taM vande muralIgharam || 3||
raktapadmasamaM netraM raktapadmasamaM padam |
nIlAmbujashyAmalA~NgaM taM vande muralIdharam || 4||
padmasya mAlayA chaiva shobhitaM vanamAlayA |
tulasImAlayAyuktaM taM vande muralIdharam || 5||
mudrikAka~NkaNaM ramyaM ratnairjaTitakuNDalam |
suvarNapAdukA yasya taM vande muralIdharam || 6||
mayUrapu~NkhasaMyuktaM nAnAratnaishva nirmitam |
mukuTaM kAntidaM yasya taM vande muralIdharam || 7||
karayoH ka~NkaNaM veNuH shivAtprAptaM sudarshanam |
kaustubhaM hR^idaye yasya taM vande muralIdharam || 8||
sugandhidravyasaMyuktaM shrIkhaNDAkhyaM pavitrakam |
lalATe shobhitaM yasya taM vande muralIdharam || 9||
kastUrItilakaM divyaM pItAmbaradharaM prabhum |
kR^iShNaM cha paramAnandaM taM vande maralIgharam || 10||
shyAmaM naTavaraM kR^iShNaM bAlalIlAkaraM prabhum |
pitroshcha sukhadaM nityaM taM vande muralIgharam || 11||
kadAchit shakaTasyA.api pAdAbhyAM tADanAtparam |
pAtanaM vititaM yena taM vande muralIdharam || 12||
pUtanAyAH payaH pItvA prANaM saMshoShya tatkShaNAt |
shAntirvitaritA yena taM vande muralIdharam || 13||
kadAchit mR^ittikAM bhuktvA naiva bhuktaM mayeti vai
mAtaraM ChalakartAraM taM vande muralIdharam || 14||
dR^ishyatAM vadanaM mAtaH kathayitvaiva mAtaram |
vishvasya darshakaM devaM taM vande muralIdharam || 15||
kadAchiditi he mAtaH! svAdviShTaM dadhidIyatAm |
dadhiyAchanakartAraM taM vande maralIdharam || 16||
kadAchijjAtaroShaH san dadhidugdhasya bhAjanam |
bhitvA rodanakartAraM taM vande muralIdharam || 17||
kadAchitghR^itachauryAthaM gopIgehamupAgatam |
ghR^itadadhyAdi bhoktAraM taM vande muralIdharam || 18||
mAtuH parishramaM j~nAtvA svayaM dAmnaivabandhanAt |
dAmodara iti khyAtaM taM vande muralIdharam || 19||
yashodA prA~NgaNe nityaM vaMshIvAdanapUrvakam |
nartanaM kR^itavantaM cha taM vande muralIdharam || 20||
kadAchit \-nartanAnte tu dhUlidhUsaravigraham |
devakyAH prA~NgaNe.aTantaM taM vande muralIdharam || 21||
gopInAM bAlakAn sarvAnAhUya nartanAya vai |
divyanartanakartAraM taM vande muralIdharam || 22||
saveNuM nartanaM kR^itvA gopImAnasamohanam |
svayaM mohanarUpaM cha taM vande muralIdharam || 23||
mathurAyAmabhUdjanma lIlA yasya cha gokule |
vR^indAvanakishora~ncha taM vande muralIdharam || 24||
vR^indAvanavihArAya vR^indAvananivAsinam |
vR^indAvanAtmarUpaM cha taM vande muralIdharam || 25||
suramyaM madhuraM svachChaM vaMshIvAdanapUrvakam |
gopInAM chittahartAraM taM vande muralIdharam || 26||
rAdhayA lAlitaM yasya charaNAmbujamakShayam |
gopIbhirveShTitaM kR^iShNaM taM vande muralIdharam || 27||
gopImadhye svayaM kR^iShNo gopIkR^iShNasya chAntare |
rAsalIlAkaraM kR^iShNaM taM vande muralIdharam || 28||
sarvasaundaryasampannaM mAdhuryAchittahArakam |
sarvaishvaryasusampannaM taM vande muralIdharam || 29||
vasudevasuputraM cha lokavandyaM jagatpriyam |
shrInAthaM dvArikAnAthaM taM vande muralIdharam || 30||
balarAmAnujaM vandyaM pUjanIyaM manoharam |
rAdhikA.a.arAdhitaM kR^iShNaM taM vande muralIdharam || 31||
jAmbavatyAHpatiM kAntaM divyaM shyAmalakomalam |
devakItanayaM kR^iShNaM taM vande muralIdharam || 32||
dvibhujaM rukmiNInAthaM pradyumnajanakaM harim |
AdhAraM jagatAmekaM taM vande muralIdharam || 33||
mAyAmohinIrUpeNa mohanArthAya sha~Nkaram |
prasiddhamohinIrUpaM taM vande muralIdharam || 34||
mArkaNDeyamuniM mAyAdarshanArthaM subAlakam |
shayAnaM vaTapatre cha taM vande muralIdharam || 35||
govindaM gopikAnAthaM gopAlaM gosurakShakam |
govardhanadharaM devaM taM vande muralIdharam || 36||
keshavaM mAdhavAkhyAtaM rAmanArAyaNAtmakam |
vyApakaM viShNurUpaM cha taM vadai muralIdharam || 37||
sarvendriyANAM draShTAraM sarveshaM garuDadhvajam |
sarvasyAtmasvarUpaM cha taM vande muralIdharam || 38||
guruM sarvatra sarveShAM prANinAM svAminaM tathA |
pUjyapAdasvarUpaM cha taM vande muralIdharam || 39||
suma~NgalaM padaM yasya sAdhavashchAdhikAriNaH |
pashyanti bhagavadbhaktAH taM vande muralIdharam || 40||
sukomalasvarUpaM yaM dhyAyanti yoginaH sadA |
gAyanti sasvarA vedAstaM vande muralIdharam || 41||
brahmA tathaiva rudrashva indrAgnivaruNAhiyam |
jAnanti dvAdashAdityAstaM vande muralIdharam || 42||
nAradAtribhR^igubrahmavasiShThasanakAdayaH
dhyAyanti yatpadaM nityaM taM vande muralIdharam || 43||
mArkaNDeyastathAgArgyo vAlmIkiH kapilomuniH |
smaranti yatpadaM nityaM taM vande muralIdharam || 44||
R^iShayo manasAdhyAtvA pashyanti charaNAmbujam |
yasyArchayanti vai devAstaM vande muralIdharam || 45||
vyAsashcha shukadevashcha dhruvaH prahlAdaH eva cha |
namanti yatpadaM nityaM taM vande muralIdharam || 46||
ShaDaishvarya susampannaM j~nAnavairAgyadaM shivam |
uttamaM bhaktiyuktaM cha taM vande muralIdharam || 47||
parambrahma svayaM kR^iShNaM dharmasthApanakAraNam |
nAnA rUpadharaM divyaM taM vande muralIdharam || 48||
pralayAbdhijalAdvedamutthApya sthApanaM kR^itaM
mInarUpadhR^itaM yena taM vande muralIdharam || 42||
devakAryasya sidhyarthaM malayAchala dhArakam |
kUrmarUpadharaM kR^iShNaM taM vande muralIgharam || 50||
pAtAlAtpR^ithivIM dhR^itvA daMShTrAbhyAM sthApanaM kR^itam |
yena vArAharUpeNa taM vande maralIgharam || 51||
na mAnuShaM na siMhaM cha nR^isiMharUpadhArakam |
prahlAdarakShakaM devaM taM vande muralIdharam || 52||
trilokaM vyApya padbhyAM vai balimAnavimardanam |
vaTuM vAmanarUpaM cha taM vande muralIdharam || 53||
jamadagnisuputraM cha parashurAmanAmakam |
tapasvinaM j~nAnavantaM taM vande muralIdharam || 54||
rAkShasaM rAvaNaM hantuM rakShituM jAnakImapi |
rAmarUpadharaM devaM taM vande muralIgharam || 55||
ramante yogino yasmin rAmAkhyaM paramaM prabhum |
maryAdApurUShaM devaM taM vande muralIdharam || 56||
saMsArasArarUpaM cha sarveShAM prANinAM priyam |
tArakaM rAmanAmnaiva taM vande muralIdham || 57||
kaMsaM hantuM jagatsarvaM rakShaNArthaM sanAtanam |
svayaM shrIkR^iShNarUpaM cha taM vande muralIdharam || 58||
nAstikAnAM mataM hantuM kartuM dharmasyapAlanam |
dhR^itabuddhAvatAraM cha taM vande muralIdharam || 59||
mlechChAn vinAshya satyasya sthApanAya nR^ivigraham |
dhR^itakalkyavatArashcha taM vande muralIdharam || 60||
j~nAninAmagragaNyaM cha trimUrtirUpadhArakam |
dattAtreyasvarUpaM cha taM vande muralIdharam || 61||
R^iShabhashchaiva haMsashcha shukashcha kapilAdayaH |
yasyAvatArabhUtAva taM vande muralIdharam || 62||
aShTAdashapurANAni yena saMrachitAni cha |
prasiddhaM vyAsanAmAnaM taM vande muralIdharam || 63||
yAnyanyAnya cha rUpANi khyAtAni jagatItale |
tAni yasyaiva sarvANi taM vande muralIdharam || 64||
teShAM madhye.avatArANAM sAkShAt viShNoH svarUpakam |
kR^iShNanAmnA samAkhyAtaM taM vande muralIdharam || 65||
alaukikamidaM rUpaM kR^iShNanAmnA samIritam |
kalAShoDashasampannaM taM vande muralIdharam || 66||
chinmAtramekaM sR^iShTayAdau parabrahma dvitIyakam |
svechChayAtta trirUpaM vai taM vande muralIdharam || 67||
maheshashcha harirbrahmA trayamekAtmakevalam |
sR^iShTayartha triguNAtmAnaM taM vande muralIdharam || 68||
utpattau brahmarUpaM cha harirUpa~ncha pAlane |
pralaye shivarUpaM cha taM vande muralIdharam || 69||
sarveShAM prANinAM prANamAdhAraM chaiva kevalam |
jagatAmAtmarUpaM cha taM vande muralIdharam || 70||
aj~nAnAM mAnavadR^ishAM dUramaprAptikAraNam |
j~nAninAM hR^idi saMviShTaM taM vande muralIdharam || 71||
antarvahishcha sarvatrAdhashchordhva~nchaiva sarvataH |
vyApakaM hyAtmarUpeNa taM vande muralIdharam || 72||
yasmAdAkAshavAyUshcha analashcha jalaM tathA |
jAyante pR^ithivI kR^iShNAt taM vande muralIdharam || 73||
chitta~nchAha~NkR^itibuddhishchendriyANi manastathA |
yasmAt kR^iShNAt prajAyante taM vande muralIdharam || 74||
sarve devAshcha vedAshcha shAstrANi vividhAni cha |
yasmAtkR^iShNAt prajAyante taM vande muralIdharam || 75||
bhuvanAni cha sarvANi saptalokAshcha sAgarAH |
yasyAddevAt prajAyante taM vande muralIdharam || 76||
sthAvarA ja~NgamAH sarve prANino bhogakAriNaH |
yasmAddevAt prajAyante taM vande muralIdharam || 77||
ete sarve vilIyante yasmin traikokyakAraNe |
sarveShAmAtmani kR^iShNe taM vande muralIdharam || 78||
arUpaM cha svarUpaM cha nAnArUpaM cha kevalam |
ashakyaM kathituM devaM taM vande muralIdharam || 79||
vedAntavedyaM chintamAtraM brahmAkhyaM paramampadam |
advitIyasvarUpaM cha taM vande muralIdharam || 80||
shreShThAH brahmavidashchaiva brahmajAnanti yatpadam |
sAkShAtsarvAtmarUpaM cha taM vande muralIdharam || 81||
sarvadAsmR^itivAkyaishcha kathyate yatparAtparam |
kevalaM brahmachidrUpaM taM vande muralIdharam || 82||
AtmapradIparUpaM cha sAkShirUpaM sanAtanam |
anantashaktirUpaM cha taM vande muralIdharam || 83||
mUlaprakR^itirUpaM cha tathaiva prakR^iteH param |
parabrahmasvarUpa~ncha taM vande muralIdharam || 84||
kaivalyanAthamavyaktamajaM kuTasthamavyayam |
nirvANe paramAnandaM taM vande muralIdharam || 85||
parAtparaM parokSha~ncha sAkShAdbrahma paraM padam |
chinmAtraM kevalAnandaM taM vande muralIdharam || 86||
svayamAnandarUpaM cha jyotirUpaM sanAtanam |
nijamekAkSharaM brahma taM vande muralIdharam || 87||
AdyantarahitaM pUrNaM kevalaM paramaM padam |
parAnandaM parakAShThaM taM vande muralIdharam || 88||
trikAlAvAdhya sadrUpaM chidrUpaM j~nAna nirmalam |
AnandaM sukharUpaM cha taM vande muralIdharam || 89||
chidrUpaM sukhamAnandaM sachchidAnandalakShaNam |
evaM lakShaNasampannaM taM vande muralIdharam || 90||
akAraM vishvarUpa~ncha hyukAraM taijasAtmakam |
prAj~naM makArarUpa~ncha taM vande muralIdharam || 91||
omityakSharamAnandamekaM chaivAdvitIyakam |
sarveShAM bIjarUpaM vai taM vande muralIdharam || 92||
sarvAtmarUpamekaM cha nijAtmAnandamavyayam |
hR^idyAkAshasthitaM nityaM taM vande muralIdharam || 93||
jAgradAditrayAvasthAvyApakaM bhinnameva cha |
kevalaM sAkShimAtraM cha taM vande muralIdharam || 94||
shabdAdiviShayAdbhinnamindriyAtItamadvayam |
sAkShirUpa~nchasarveShAM taM vande muralIdharam || 95||
bhaviShyAdvartamAnAchcha bhUtakAlAchcha yat param |
tATasthyena vidyamAnaM taM vande muralIdharam || 96||
sUkShmAdatyantasUkShmaM cha chinmayaM mAnasAtparam |
sthUle mahAvirATaM cha taM vande muralIdharam || 97||
ajarAmaramekaM cha niShkriyaM nirguNaM tathA |
nijabodhasvarUpaM cha taM vande muralIdharam || 98||
eka nityaM cha pUrNa cha brahmachinmAtrakevalam |
sadA.a.anandasvarUpaM cha taM vande muralIdharam || 99||
niShkala~Nka nirAkhyAtaM nirmalaM cha nira~njanam |
nirvikalpasvarUpaM cha taM vande muralIdharam || 100||
UrdhvaM hyadhovahishchAntaranantaM chaiva kevalam |
dUrAntikaM cha sarvatra taM vande muralIdharam || 101||
sarvadA nirguNaM nityaM saguNaM chApi karhichit |
dvibhujaM sundaraM kR^iShNaM taM pande muralIdharam || 102||
buddherantarguhAmadhye kamale.aShTadalAtmake |
koTisUryasamAbhAsaM taM vande muralIdharam || 103||
bhaktAnAM nirmale chitte vasantaM j~nAnadaM shubham |
mokShadaM kR^iShNanAmAnaM taM vande muralIdharam || 104||
yatra gatvApunarjanma naiva prApnoti mAnavaH |
kaivalyamuktidhAmAkhyaM taM vande muralIdharam || 105||
niShkAmA bhagavadbhaktA gachChanti brahmayatpadam |
tadpadaM brahmadhAmAkhyaM taM vande muralIdharam || 106||
sakalAdhAramAtmAnaM bhartAraM prANinAM sadA |
guhyAdguhyataraM kR^iShNaM taM vande muralIdharam || 107||
atyantAnandarUpaM cha shobhanAnAM cha shobhanam |
prasannavadanaM kR^iShNaM taM vande muralIgharam || 108||
aShTottara shlokashataM pavitraM
      hare prapannaH muralIdharAtmakam |
badhvA~njaliM kR^iShNa parAtparAya
      sachchitsvarUpAya samarpayAmi || 109||
kR^iShNasya divyaM muralIdharAkhya\-
      maShTottarashlokashatAtmakaM stavam |
paThanti baddhA~njaliyojanA ye
      mukundapAdAmbujachintane ratAH || 110||
shR^iNvanti shraddhAsahitaM dine dine
      gAyanti vA bhaktajanasya sannidhau |
ichChanti yadyat phalamApya tattad
      gachChanti vaikuNThapadaM hareH priyam || 111||
aShTottarashatAvR^ittiM paThanti vidhipUrvakam |
ye te sarvavidhAM siddhiM prApnuvanti na saMshayaH || 112||
janmAShTamyAM hariM natvA nirAhAravratI naraH |
shatAvR^itiM paThitvA cha phalamIpsitamApsyati || 113||
niShkAmabhAvasaMyukto paThan janmAShTamI dine |
vaikuNThavAsamApnoti naivajanma punarbhavet || 114||
uttame kArtike mAse muralIdhara sa.nj~nakam |
stotraM paThanti ye teShAM prasannobhagavAn hariH || 115||
paThanti haribodhinyAM shatAvR^ittiM tu ye janAH |
ihaishvaryasukhaM bhuktvA yAntyante shrIhareH padam || 116||

iti shrIgAyatrIsvarUpa brahmachAriNA virachita\-
maShTottarashatashlokAtmakaM muralIdharastotraM sampUrNam ||

##
Proofread by Vani V

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}