% Text title : muralInAdadhArAstotram % File name : muralInAdadhArAstotram.itx % Category : vishhnu, krishna % Location : doc\_vishhnu % Transliterated by : PSA Easwaran % Proofread by : PSA Easwaran % Latest update : January 3, 2019 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Murali Nadadhara Stotram ..}## \itxtitle{.. muralInAdadhArAstotram ..}##\endtitles ## sAndrAmbhodharanIlabAlavapuShA gogopagopImanaH\- kAntaH kAntakarAravindavilasadvaMshIvinodapriyaH | govindaH kamanIyapItavasanaH gopAlabAlAvR^itaH kAlindItaTachAridivyacharaNaH pAyAdyashodAshishuH || 1|| deyAchChreyAMsi bhUyAMsyakhilajanamanomohanAnandanAdaH mugdhasmerAsyapadmAruNashubhakalikopAttamaitrIvinodaH | nAnAratnapradIpto maNimayavalayAvItahastAbjamadhye bhrAjannAlolatAmrA~NgulimilitavapurveNukhaNDo murAreH || 2|| pItaM vAso vasAnaH maNimayamakuTAbaddhapi~nChAvachUDaH vR^indAraNye kadambadrumagahanagatassAndranIlAmbudAbhaH | nAnAratnAMshuchitrIkR^itadhR^itatapanIyA~NgabhUShAsahasraH smerAsye saMyuyukShurmadhurasamuralIM pAtu devo mukundaH || 3|| AlolAruNapallavA~Ngulimiladrandhro maNiprojjvalo martyAmartyasamAjakarShaNakarassammohano dehinAm | mandaM mandamamandamodasarasaprekShAkShaNodbhAvito/tthAvito bhUyAdasmadabhIShTapUraNavidhau veNuryadUnAM pateH || 4|| sammUrChadveNunAdAmR^itasarasi sukhaM majjatA devadaitya\- martyAnAM vA tirashachAM tvamahamiti bhidA leshalesho.api kAmam | nAsIddehatrayAdapyuparatamanasassachchidAnandarUpe bhUmnaH pAre mahimni svanigamashikharotthArthabodhAnnimagnAH || 5|| shlAghAcha~nchalamaulinA karalasatsauvarNavaMshIbhR^itA govindena sudhAnidhAnamadhurAtAmrAdharApUritaH | vedAntAmbudhitIrachArisujanavrAtAmitAnandakR^i\- nnAdo gAnasudhAbhivarShimuralIkhaNDodgataH pAtu vaH || 6|| ramyAlolAruNA~NgulyapihitavivR^itadvAraveNupragIrNo mUrchChatsaptasvarashrImilitasumadhuro nAdavedapraghoShaH | shrotR^INAM bhAgyayogAt\-/pAkAtparamagurumukhAnnirgato lIlayaiva shrutvaivApAkaroti pratibhayabhavadurgATavIchArakhedam || 7|| AchAryAnnetinetishrutanigamashikhAvAkyasArAnabhij~naH bho martyA martyavargAH shR^iNuta sumadhuraM veNugAnaM murAreH | sthUlaM hrasvaM cha dIrghaM mahadaNu yaduta prekShyate yachcha yAva\- nnaivaitatsarvamIkShAM kuruta cha muralInAdapIyUShamagnAn || 8|| mAyAmartyasya mAyAmadhumayamuralIgAnalInAshayAnAM mAyApAshopashAntyA jagadidamakhilaM bhAti sAndrapramodam | na tvaM mene na vAhaM na mama na cha tavetyastasarvaprapa~nchAH shrutvaivAkhaNDasachchitsukhaparamahasi prApuraikyAparokShyam || 9|| jAgratsvapnasuShuptibhedakalanA bAlyAdyavasthAstathA varNAdyAshramabhedabodhaviShayAH puMstrIviveko.api vA | anye chApi bhidAstadA na hi babhurvaMshImukhAnargalA mandAnandanidhAnanAdajaladhau magnA yadA mAnavAH || 10|| grAvANo.api dravanti pravahati na nadI naiva vAyushcha vAti siMho naivAbhihanti dvipavaramibharADyogacharyAM tanoti | mAtApatyaM na vetti priyamiti gR^ihiNI nandanashchApi tAtaM bimboShThAshliShTavaMshIsravadamR^itarave mAyinA gIyamAne || 11|| nAdAntAntargataM yatparamamahaditi prochyate yogivR^indaiH vedAntAntargataishcha svamahAtavachanaiH sphoritaM yad.hdhyaNIyaH | vAdAntAviShkR^itaM tatsaditi chiditi chAnanda ityabhyupetaM nAdaM te nandasUno muralinigaditaM kiM kadA.a.akarNayAmi || 12|| daityAssantrastachittAssuramuninikarAH kautukArdrAntara~NgAH sendrA devAH pramodAmR^itajalanilaye magnabhAvAH prakAmam | siddhAssAdhyAshcha siddhiM paramamiva gatA mAnuShA martyabhAvA\- petAH kR^iShNasya vaMshIninadasamAkarNanAdeva chAsan || 13|| dhyAyetkalpadrumUle navaghanasubhagaM bhAnukoTiprakAshaM ambhojAkShaM ratIshAyutalalitatamaM barhibarhAvataMsam | vyatyastA~NghriMvinodAtkaradhR^itamuralIM nyasya bimbAdharoShThe lIlAbAlaM tribha~NgyA vilasitavapuShaM nAdadhArAbhivarSham || 14|| vAmAMsAlambiratnojjvalamakaralasatkuNDalaH ku~nchitoShTha\- prodyanmandAnilena svanigamamuralIM pUrayan mandamandam | unnaddhabhrUvilAsasphuradurukaruNApA~NgadhArAbhivarShI nAdAlApAnukhelachchalamakuTataTaH pAtu pItAmbaro naH || 15|| govindo mitravR^indaiH parivR^ita uShasi prasthitassundareNa veSheNAbhUShitassankutukitamanasA ghoShayan shR^i~NgamuchchaiH | govR^indaM kAlayan shrIyadukulatilakaH kAnane gopagobhi\- rAvIto gItaveNurvitaratu sakalaM chintitArthaM mukundaH || 16|| rUpe yasya tvanante nadajaladhinadIkUpavApIgirIndra\- grAmagrAmINapuryAdyacharacharagaNA vR^indashaH prAdurAsan | tatsarvaM saMhR^itaM cha priyatamavapuShA modabodhaM prayachCha\- nnevaM vaMshIninAde.apyabhavadiha bhidA shAntavishvasvarUpam || 17|| vishveshe vishvarUpaM kalayati vijaye pashyati svAbhipakShaM vishvAdhIshasya vaktraM vishadatha sabhayaM prAptabodho vyaraMsat | tasmAjjAtAni jIvantyapi paramahasA yatprayantIti bhUma\- gIto bodho ya AsItsa hi muralikayA gIta evAbhavatprAk || 18|| sArathyaM pANDavasya svacharaNasharaNasyAcharannAjibhUmau sAraM svaM shAtravaM chAkalayati nitarAM phalgune syandanasthe | sArambhAn bandhumitrapriyagurunivahAn vIkShya chApe niraste sAraM bodhAya yo.adAtsa gururiha mude gItavAn veNunAdam || 19|| pArthasyApArthabhAvaprashamanamiShatassAtvatAnAM sharaNyaH pArthakyaM pArthivashrImadakR^itamiti yadbodhayAmAsa gItAm | pArtha tvaM karmamAtraM kuru phalaviShaye mu~ncha chintAM durantAM pArthapreShTho yadUche tadanu cha gaditaM veNugAnena pUrvam || 20|| nityo mukto.amR^ito.ayaM parashivasukhachichChAshvato vA purANaH AtmA tasmAchCharIre hatimupalabhate naiva chAhanyamAne | taddhitvA jIrNavastraM navamivapuruSho dehamanyadbibharti ko mohastatra shokaH vijaya itIvAha veNupraNAdaH || 21|| gopImaNDalamaNDano muralikAM pANidvayenonnaman AtAmrAdharabimbamandamarutA mandaM mudA pUrayan | gopIchandanakalpitordhvatilakaM vaktraM samudyotayan pAyAllokamamandamodajaladhAvAmajjayan keshavaH || 22|| vaMshInAde murArervanabhuvi madhure mUrchChati shrotrayugmaM kartuM padmodbhavasya shramamativitathaM manyate sarvalokaH | svaM svaM kartavyamarthaM jhaTiti cha vigaNayyaiva tatraiva lIno lagnashchitre yadAsIdiva cha nigamavAgbhAtayogapratiShThaH || 23|| nAdArohAvarohairmadhuripumuralIprotthitaiH kAlachakre bhrAmyajjIvavrajasya prataraNavidhaye yoga evopadiShTaH | gAnArUDhasya nasto janimR^itidurite pashyatAsheShajIvAH brahmaprApto vimR^ityuH kila bhavati yathA tattvamasyAdi vAkyAt || 24|| AlApArohavIchIchaladurushikharAnmandamandAvaroha\- bha~NgyA niShyandamAne yadupativadanAdveNunAdAmR^itode | tApAttIre payodherviharaNasharaNAstattara~NgArdravAta\- siktA hR^iShTA yathAtrApyaparimitasukhAstApamuktA bhavanti || 25|| pIyUShAsvAdalole divi suranikare modamagne munIndre vINAgAnaikalIle suravaragaNikAmaNDale nR^ityati drAk | udyukte svasvakarmaNyacharacharagaNe gIyamAno manoj~na\- nAdo.atAnItsameShAmmadhuripumuralIkvANaghoShAntarAyam || 26|| vikShipyAsheShahaimAmR^itabhR^itachaShakAnyambarasthAssuraughA nishcheShTAdhvastavINassa khalu suramuniH shlAghayA maulikampI | chitrArabdhA ivAsan kutukitahR^idayAdevavadhvo murAri\- kAntAtAmrAdharoShThArpitamadhumuralImohanAlApamagnAH || 27|| kelIlole kadAchinmarakatamaNisachChAyakAye nishIthe nidrA.a.akrAnte janaughe shashisubhagatame yAmune saikate cha | deve padmAsanasthe karayugalasamunnItaveNuprakANDa\- gAnasvAnaprabuddhAssuranaranikarAH pAdamApuH parasya || 28|| vedairvedyo.ahamevipyakhilajanamanassanniviShTaH shrutInA\- mUrdhnAM kartAvaboddhA prakR^itiguNagaNAsa~Ngashuddho.atha nityaH | tanmAM vedAntavIthyavichinutahR^idaye sAdhavassAdhanAya svAnte shAntyeti bodhaM dishati hi bhagavAn veNuvedopadeshAt || 29|| sarve vedAH padaM yatparamamabhivadantyAptukAmAH phalaM ya\- dAsevante tapAMsi priyamiti kimu vA brahmacharyaM charanti | tatsatyaM dhAmamAtrAtritayasuvivR^itabrahmanAdAkhyaveda\- bIjodgItho murArermuralinigaditassiddhimR^iddhAM vidhattAm || 30|| bhUShAdiprendrachApo yadukulagiribhUrbhaktipaurastyavAta\- nunno haimAmbarashrIkShaNalasitavR^itashchArupi~nChAvachUDaH | shrIkR^iShNAkhyA prasiddhaH karadhR^itamuralInAdapIyUShavarShI snigdhashyAmAmbuvAhaH kalayatu kushalaM yogikekiprakarShaH || 31|| kAntaM tAtaM sutaM vA duhitaramathavA mAtaraM vAnyabandhUn etyAnandena yuktA ruShamatha cha gatA veshmadharme nirUDhAH | shrutvA kasmAttu lIlAmanujamadhuriporveNunAdAmR^itaM tat pAyaM pAyaM na tR^iptAshcharaNamupagatA gopikAshchakrapANeH || 32|| vR^indAraNye vihArI suranarasharaNo gopikAjIvadhAtu\- rgovindAkhyAprasiddho vrajabhuvi vilasan sundaro nIlameghaH | bhaktAnaM kAmavarShI kanakamayalasachchelavidyutparItaH shreyo dadyAtkarAbjoddhR^itamuralikayA nAdadhArAbhivarShI || 33|| mandaM mandamupetya susmitasharatpUrNendubimbollasa\- dvaktraM projjvalachAruratnaviraNanma~njIrapAdAmbujam | snigdhashyAmalakomalAbhratulitAna~NgAyutashrIdharaM devaM hastagR^ihItaveNushakalaM bAlaM kadA.a.alokaye || 34|| mA mA martya viShIda mAmakamidaM rUpaM samAlokaya vIkShasvAmalashAradAkhilashashipraspardhi vaktraM mama | majjApA~NgakR^ipodake shR^iNu ravaM ma~njIrajaM pIyatAM vaMshInAdasudhA cha mAdhava kadA mAmityaho vakShyasi || 35|| AvirbhUya mamAgratashshatasahasrArkAdhikaprojjvalaH nIlAmbhodharachArutAharavapuH pItAmbarAla~NkR^itaH | nAnAratnavichitrabhUShaNadharo veNuM rasAtkUjayan gopImaNDalamadhyago mama kadA kuryAnmudaM chakShuShoH || 36|| Adau bhANDIravR^ikShaM tadanu cha parito gosahasraM sakhIMshcha gopAn gopIshcha madhye yadukulatilakaM vR^ikShamUle niShaNNam | meghashyAmaM shubhA~NgaM karadhR^itamuralIgAnalolaM kR^ipAluM dInaM mAM sAntvayantaM januShi mama kadA netrapAtrIkaromi || 37|| vAmAMsA~nchitavAmakuNDalabharo dabhronnatabhrUlatA\- ramyodbhrAntasudIrghapadmanayanasusmeravaktrAmbujaH | barhApIDachalachChirAH karasamunnItAryaveNuM mudA ku~njattAmrashubhAdharArpitapadaM gAyan sa pAyAchChishuH || 38|| tejaHpu~njaM purastAnnavaghanavapuShaM sarvabhUShAdiramyaM vidyudvidyotichelaM bhujadhR^itamuralIM nAdayantaM smarAmi | devo dInArtihantA mama kaluShabharaM bha~njayannabjanAbhaH AvirbhUyAtkadA nu praNavamayasudhAnAdamodaM vitanvan || 39|| shR^iNvan vaMshIninAdaM nimiShamiva nayan vAsarAn vatsarAn vA gAnAnandAmR^itAbdhAvanupamasukhade gADhajAtAvagAhaH | vismR^ityAsheShalokAn bhavavipinagatiM tApavargaM cha hitvA pAdaM dAmodarasya dhruvashishuviShayaM prApnuyAM bhAgyataH kim || 40|| (kAruNyAbdhe kathaM vA tava charaNaratiM prApnuyAM nAtha dInaH || 40||) aj~ne me nigamAdikarturanaghe vedasmR^itIshAshvate yastUlla~Nghya yathechChamatra viharatyApnoti ghorAM gatim | ityudghuShya jagatparIkShaNavidhau veNuM kvaNannAdarA\- nnAdAmagnacharAcharaM sa bhagavAn pashyannanR^ityanmudA || 41|| tAtparyaM paramaM hi pANDavasakhe sarvashrutInAM mataM pArAsharyavachassu tatpratipadaM vidyotate susphuTam | tatsAkShAdiha kartumAshritajanatrAtA svavaMshIvaraM gAyannAdavashIkR^itAkhilajanaM pAdAshritaM praikShata || 42|| gAyantaM veNumuchchairvanabhuvi dayitaM vallavIsundarINA\- mAvItaM nAradAdyairasurasuragaNaissiddhasAd.hdhyaishcha nAke | gopIgogopavR^indairvalayitamatasIguchChasachChAyakAyaM mAyAbAlaM kadA vA nayanayugamudAlapsyase nandasUnum || 43|| rAseshaM rAsagoShThyAM vrajakulayuvatImantareNAntareNa nR^ityantaM nartayantaM karadhR^itamuralIM kUjayantaM jayantam | pashyeyaM bhAgadheyAdbhavajaladhimahAdurgapotaM vareNyaM mAyAgopAlabAlaM kalaravakalitAnandasAndraM mukundam || 44|| jAraM matvApi gopyo yadupatimuralInAdamodAtibhAra\- stabdhA~Ngyo nandasUnuM navaghanasubhage barhibarhAvataMse | sammagnAshchArurUpe shuchamapi vijahuH prApuraikyaM padAbje tatsadbud.hdhyA prapannAH kimu charaNatariM nApnuyuH keshavasya || 45|| bhaktyA tvayyAdideva vrajakulavanitAstvAmabadhnan mahesha tvadbhaktAgresaratvaM jagati hi sakale lebhire rAdhikesha | tAdR^ikkAruNyasindho nirupamakR^ipayA devakIbhagadheya dInaM mAM pAhi pAhi svakaradhR^itanadadveNumantropadeshAt || 46|| kandarpAyutakoTikoTisubhagaM pItAmbarAla~NkR^itaM graiveyA~Ngadaka~NkaNAdilasitaM chArukvaNannUpuram | vismR^ityApi bhavantamIsha bhavatastAmrAdharAropita\- shrIveNUchcharadArdranAdalaharIM no vismareyaM vibho || 47|| mA gA mA gA viShAdaM tyaja manasi bhayaM shAntimantarbhajasva matpAdAbjaM prapanno na hi bhajati jano durgatiM tAta satyam | tattvaM tattvaM madIyaM shR^iNu parasukhadaM mA rudo mA rudeti nAdAlApena veNormama manasi kadA modamIsho vidad.hdhyAt || 48|| shrotavyo mantumarhastadupari nitarAM dhyAnagamyashcha vede\- ShvAtmAvAreti martyaM vipadi nipatitaM prekShya sUtraM dayArdram | tatra shrotavyameva pravaramiti yatastattvabodho vibhAtI\- tyevaM shrIveNunAdashrutidhR^itamanasAM kR^iShNabhaktyA sphuTaM hi || 49|| shrutyA shrutyantagIrbhirbhavabhayadalane brahmavidyaiva gamye\- tyevaM tAtparyadhR^ityA sphuTataramapi yA bodhitA mAdhavena | labdhA chetsadgurossA vidadhikashubhadAsyAditIrtthaM janAnA\- mantarbodhAya modAtparamagururasau veNunAdaM jughoSha || 50|| AtmArAmA munIndrAssatatamananatashChinnapAshAH prashAntAH nirdvandvA apyanante ratimadhikamudA tanvate chitrametat | tanmUlaM vanyamAlAlalitajaladanIlAbhamAyAkishora\- kUjadveNupramUrchChanmadhuraninaditAmagnatAM manmahe cha || 51|| yogenAntarnirudhyAnilamatha yamino modanAdAnubandhaM preShThaM labdhvA viraktAH paramahasi yutA ityayaM suprasiddhaH | tAdR^i~NnAdAnubhAvaM sthiracharanikaraprItaye dAtukAmaH kAmAkalpAbhirAmaH kalaravamuralInAdamodaM vitene || 52|| dAsIputro.atibAlo dvijavarakR^ipayA prAptasevAnubhAvo dhyAyan devaM mukundaM sakR^idiha sarasaM praikShatAkSheNa sAkShAt | bhUyo draShTuM sa yatto na hi punariha mAM drakShyasItIrito.atha bhUtvA vINAmunIndro muraripumuralIgAnalolo.ajaniShTha || 53|| nAdAsvAdAnubhAvaM vibudhamunivaraH prAptukAme yashodA\- sUnoshChAtratvamAdAvabhajata muralIgAnamAkarNayachcha | tattattvAnishchayenAkaluShitahR^idayaH vINayA sAdhayan yaH kAlenAnantalIlArasakathanamahAgAyakatvaM prapede || 54|| antarNAdapraNAlIparichayavidhaye prAgyashodAsutasya vaMshInAdAnusandhAmakuruta suchiraM nAradashChAtrabhAve | AchAryasyeti veNuM karaparikalane nAsmyahaM shaknuyAmi\- tyAchAreNAdareNa svanigamadamataM vINayaivAjughoSha || 55|| devasyaiva prasAdAdakhilajanimatAM deshikendrasya kAmaM trailokyAntaryathechChaM viharaNaparamo vINayAbodhayachcha | veNornAdaprabhAvaM muraripugaditaM martyavargasya shAntyai nAdAnte bodhadaM chAkalayata muralIhastamityabhranIlam || 56|| sAmodaM hastapadmonnamitashubhalasatpakvabimbAdharoShThaM nyastashrInAdadhAnImaNimayamuralIgAnalIlAvilolaH | dhAma svaM nAdadhArApatitaparavashapreShThapAdAshritAnAM jIvAnAM sandadAnaH karivaravaradaH pAtu devo mukundaH || 57|| yadveNuprANanAdashravaNahR^itadhiyAM sthAvarANAM charANAM nAsIdbhedo na chAbhUjjanikR^itaviShamapratyayo vA tadAtve | sadyaste dhUtapApAssakutukakaruNApA~NgadhArAbhiShiktAH kAmaM nAdAmR^itAdAssatatamapi tathA bhAvamAvavrire cha || 58|| yadyadvA madhusUdanasya charitammAdhuryadhuryammataM tatrApi priyamekameva bahushaH preshkShyApi vIkShAmahe | yanmAyAshishubhAvametya sadayaM gogopagopA~NganAH sadyaH shrImuralIninAdavijitatrailokyabodhaM vyadhAt || 59|| vR^indAraNyasthaleShu prakaTitakapaTashyAmaDimbhaM kadAchit govatsAMshchArayantaM madhumathanavibhuM gopabAlairlalantam | prekShyAjo.ajAvashaM taM nikhilamapi harannapyasau sveshashaktyA sR^iShTvA sarvaM pureva svaritamadhujharIM veNunesho vavarSha || 60|| abdAnte mAyi mAyAM sunipuNamavalokyeshitustAM vibhUtiM dhAtAbhUchChAntadarpaHsvakalitaduritaM kShantumIshaM yayAche | astaudvaMshIninAdAmR^itabhaNitisamAkarNanAnandamagno bhUmnastatpAdapa~NkeruhavirahabhiyAnindadAdyassvadhAma || 61|| karmaj~nAneshabhaktiprakaraNagahanApAravedAmburAshiM svechChAmanthAnadaNDAvalitaguNavidA yatnahastA~nchalena | mathnan mAyAkishorAkR^itiriha jagatIbAlakasyArtishAntyai vaMshyAdAnnAdavedAmR^itamatimadhurammmodayannAdidevaH || 62|| prANAnAyamya samya~NniyamitamanasA yegibhiH svAdyamAno nAdashchAnAhatAkhyaH kimu sukhada iti prAptasha~NkAkulAnAm | vaishadyAyAntaraM taM ninaditamamR^itAsvAdaveNupragIrNaM sammodAyAjughoSha vrajabhuvi viharan ko.api gopImanoj~naH || 63|| vedo dharmArthakAmAmR^itapadagamakastattadichChAnurUpa\- sArassevyajjanAnAmiti tu suviditastadvadatrApi martyAH | vedaprokturmurArermuralininaditAnandanAdAkhyaveda\- sevAlolA bhajante phalamaparimitaM pAdabhaktiM cha bhUmnaH || 64|| omityevaM praNAdastrividhanigamavAksArabhUtojaviShNu\- rudrAtmA lokarUpI shrutimaya ubhayabrahmarUpI prasiddhaH | taM nAdaM veNunAsau sarasamanunadan nAdavedArtharUpI turyaM svaM dhAma bhaktAn pratinigamayati shrIhariH pAdabhaktyA || 65|| gAnAkR^iShTAstadante madhurasavirahAtpAdamUlaM prapannAH tvaM vai sarvaM tvadanyaM na hi nikhilaguro vedmi mAM pAhi dInam | itthaM nAdAntadIptaM paramapi puruShaM bodhayitvA~njasaiva nAdasyo~NkAratattvaM sphuTamapi kalayan vAsudevo babhAse || 66|| shi~njadratnapradIptapraNipatitajanAbhItidAnaikadakShaM ma~njIraM ma~njupAdAmbujalasitatamaM tAladAne niyujya | devo dInArtihantA mama manasi mudaM syandayan veNugAnaM lIlAlApaprakAraM kimu mama purataH svIkariShyatyanantam || 67|| AtmA sachchitsukhAtmA vyapagatakaluShadvandvamohaH svadIptyA sarvaM vyApyAvatiShThannakR^itakavachanairvedyarUpo vibhAti | taM chAtmAnaM raso vai sa iti rasaghanaM yaM samAshritya yAti chAnandaM cheti vedaM nigamayitumasau veNunAdaM jughoSha || 68|| rAkAchandrAbhiramyairnishi vipinataTe veNumuchchairvinAdya sadyassa.nprAptagopIjananivahavR^itastAbhirIshastu reme | tAstyaktvAntardhimApa prabhuriti mahatA shokabhAreNa gopya\- stAmyantyastattu nAdaM maNimuralibhavaM shushruvuH shrIdharasya || 69|| shrutvA nAdaM muralyAH kvanu kila muralIgAnalolo bhavedi\- tyevaM nAdAkhyatantyA niyamitamatayastatsamIpaM yayustAH | yAtAryAH mAtravAsaM kuruta kulavadhUdUShaNaM cheti gopa\- bAloktAshshokatAntAH kalamuraliravaistoShayAmAsa tanvIH || 70|| chandra tvaM pUrNachandrapratibhaTavadanaM heta(??)mAlAmalAbhaM kunda tvaM kundadantaM nalini tu nalinIpatranetraM tvapashyaH | evaM gopyassakAmA yadujaladhishashiM devamanviShya yAtAH kAntyA kandarpatulyaM maNimayamuralIgAnalolaM svapashyan || 71|| sharvabrahmendramukhyA gaganabhuvitatA vyomayAnairnilimpA\- shchitranyastA ivAsan sthiradhR^itakaraNAH kautukAkampishIrShAH | rAdhAkAntasya kAntasvanitamuralikAnAdamAdhuryasakta\- chittAshshaktA na tattvaM sunipuNamanuchintyApi vaktuM cha vettum || 72|| AnandodrekarUpAnmadhurasamadhurAdyanmanoj~nAnmanoj~na\- mAnandaM svAdu hR^idyaM madhuripumuralInAdamAdhuryadhAma | nityaM satyaM vidhattAM mama hR^idi kutukaM mattamattebhahantA svAntaM me gAnashailIparichayavishadaM chAstu shAntaM nitAntam || 73|| gAne pIyUShadhArAdhikamadhuratame syandamAne mukunda\- sevAhevAkidevaprakaramunijanAnandasandaharUpe | ko devaH ko manuShyaH kimu jaDamitarachcheti vibhraShTabheda\- bhAvAllInaM yathAbhUduparatasakalaM yatpurAbhAsata drAk || 74|| matsye dR^iShTaM na chaitatsakaruNacharite kachChape naiva dR^iShTaM evaM kole nR^isiMhe suramunivinute vAmane nApi jAtam | rAme rAme na rAme.apyabhavadiha yaduShveSha kR^iShNeti nAmnA yachchakre chakrapANirmaNimayamuralIgAnalIlAvinodAt || 75|| trAtuM devAn kamalanayana tvaM purA kalpasindhau dhR^itvA mAtsyaM vapurapi vibho chitracharyAM kR^ito.asi | kiM chApAstvaM ravisutamanuM chAkShuShe samplave cha sarvaM bhUman tava muralikAnAdadhArAsamaM kim || 76|| uddhR^itya kShmAM ditasutabalaprApitAM shrIvarAha\- mUrtiM dhR^itvA jalanidhitaTaM prApya daityaM cha hatvA | dhAtrIM yaj~naH punarapi purevAbdhimadhye niveshya yatkR^ityaM te nanu muralikAnAdadhArAsamAnam || 77|| pIyUShaM prAptukAme ditijasuragaNe kShIrapAthonidhAnaM mathnatyA magnamanthakShitidharamadharaH pR^iShThataH kUrmamUrtiH | chitraM yattatkR^ipAbdhe tava shubhacharitaM shyAmamUrte tathApi kR^iShNassan veNunAdAmR^itarasakalanAchitra tulyaM nu bhAti || 78|| daiteyAnAmaghaM drAk shamayitumakhilatrAsti devo mukunda\- ityuktiM bhaktavashyaH padakamalabhR^itassatyamevAtha kartum | bhitvA stambhaM sabhAyAM naraharivapuShAbhyetya daityaM vidIryan devAMshchApAditIdaM charitamapi vibho veNunAde.adhamarNam || 79|| upendraH prAgbhUmiM divamatha cha shIrShaM svakapadai\- stribhiH krAntvA daityaM balimatha rurodhAtalabhuvi | purA kharvaH pashchAdurudhR^itasharIrassurapatiH vyadhAchchitraM vR^ittaM tadanu muralInAdatulitam || 80|| ayodhyAyAM shrImAn dasharathasuto rAma iti cha svayaM jAtastAtaprakathitamR^itaM kartumaTavIm | aTannabdhiM bad.hdhvA dashavadanamAjau cha hatavAn charan devAbhIShTaM tadapi na tulA veNuvihR^iteH || 81|| kR^iShTe dushshAsanena drupadatanubhuvaH kauravANAM sabhAyAM keshe kausheyake cha vrajapatisharaNAM keshava dvArakesha | hA kR^iShNetyArudantIM sakaruNahR^idayastAmanAthAmarakShaH kiM mAM dInaM na pAsi priyamadhumuralInAdadhArAmR^itena || 82|| yUthairmodAttaTAkaM dviradakulapatau gAhamAne mahogra\- grAhAkrAnteti dIne bahutaramabhiyujyApi vaiphalyabhAji | trAyasvAnAthabandho varada iti nadatyAttachakro.atha nakraM bhitvA rakShAM vyatAnIH kimu mama sharaNaM veNugAnaM na rAsi || 83|| kaMsaprekShyAM kadAchittava sadanagatAmindirAsundarA~NgIM DolAyAM rAjamAnaM marakatavapuShaM ChadmagopAlabAlam | dhR^itvA stanyaM dishantImahanadapi dadau yo gatiM yogigamyAM dIne kiM vA kR^ipAbdhe na kirasi muralInAdadhArAmR^itodam || 84|| ArtAnAmArtishAntyai jagati suviditAbhIShTadA nAdadhArA tatte hR^idyaM padAbjaM bhavakaluShaharaM he murAre bhaje.aham | tanmahyaM kShutpipAsAparavashitahR^ide dehi te bAlakAya kShipraM tvadveNunAdAmR^itamadhurapayaHpUramAnandarUpam || 85|| kaishore veNugItaM sarasamupanishamyApi kAlAtipAtAt pArtho naShTasmR^itistvAM suhR^idamatha raNe syandanasthaM hyapR^ichChat | sarvaM tadgItikArthaM yadukulatilako bodhayastvaM hi sAkShAt tanmUsaM veNunAdaM kvanu kila sukR^itI mAdhavAkarNayeyam || 86|| mAyAmartyasya mAyAmayacharitashateShvapyasa~NghyeShu jAgra\- tsvatra shrIgopanArIjanaramaNakR^itaM chitrametachcharitram | tatrApi shrIyashodAsutavadanamarutpUritAnandanAda\- dhArAsAreNa veNoH kalimalamathanaM yachcharitraM pavitram || 87|| mAtrA kAlakalAkalApavivR^iteShUchchAvachatvaM gate\- ShUchchaistAlalayAdijAtivilasadrAgeShu naikeShu cha | mUrchChatsUtsukadevakIsutamukhAmbhojochcharadvaMshikA\- nAdAnandasudhAjharIShu viharan dhanyo bhaveyaM kimu || 88|| pArAvArAtpragadbhattaralataratara~NgAlimAleva ramyo bhUyo bhUyo.anugachChadgatilayalalitodgItarAgaprakANDaH | lIlAgopAlabAlasmitasubhagatamAraktabimbAdharoShTha\- nyastashrIveNunAdaH shravaNapuTagataH syAdyadi syAM hi dhanyaH || 89|| nAdAnandAmR^itodA navarasabharitA rAgakallolamAlA mAtrAtAlaprapa~nchaprakaTitavividhAvartagartA manoj~nA | nAdArohAvarohakramasamaviShamA gItikAbudbudA cha veNudvAreNa divyA nipatati taTinI bhUtaye naH kR^ipArdreH || 90|| nAde vaMshIsamutthe shravaNapuTagate devatirya~NnarANAM siddhAnAM chAraNAnAM sthiracharajagatAM svAntapadmAni jagmuH | sarvaM brahmeti tattvaM bhavasi cha manaso yanmanashcheti tattvaM modAdAlagnabhAvAH paramahasi ratA vAsudevAbhidhAne || 91|| yachChreyaH shreyaso.api priyatamaviShayaM preyaso.apIShTamiShTAt kAntaM kAntAnmR^idimno mR^iduguruguruNo yad.hdhyaNorapyaNIyaH | mUrchChannAbhIrayoShitpriyashishumuralImohanAlApanAdo bhUyAH kAmAya naH syAdabhimatasakalAbhIShTadassarvadApi || 92|| rAkAchandrasamujjvalAchChayamunAtIre sa gopairvR^itaH mUle nIpatarornavInajaladashyAmo murArirmudA | mandraM ma~njukarA~NgulIrvivarakeShvAlolayan yAdava\- prANo mohanaveNugAnarasikaH pAyAdyashodAshishuH || 93|| vR^indAraNye tR^iNacharagaNAnudrutashshakranIla\- chChAyAdIpyanmadanamadano nandagagopAlasUnuH | veNuM kUjan vanabhuvi charanmugdhagopAlabAla\- mitrairvItaH prahasitamukhaH pAtu vaMshIvinodaH || 94|| gopIkAmAvatArassulalitavichalanmUrdhanetrAbhirAmaH bimboShThanyastavaMshImadhumadhuragirA modayan yogivR^indam | vyatyastA~NghrirmurArirvrajakulavanitAmaNDalAntarvilAsA\- nnR^ityannatyantamIshaH pradishatu sakalaM ma~NgalaM gAnalolaH || 95|| nIpaskandhaM kisalayasumavrAtasaMvItachAru\- kashchitsthitvA surapatimaNishyAmakAmAbhirAmaH | hastAbjena svaradasuShirAn ChAdayannanyahaste\- noShThaprAnte parichayavatA veNunA sa~nchukUja || 96|| paryAyeNa svayamabhimR^ishan hastashAkhAbhireva dvArANyArAdupari madhure nyasya bimbAdharoShThe | veNuM gAyan kamalanayanaH ko.api tApi~nChavarNaH kAmAn dugdhe kalaravasudhAnAdamagnAshayAnAm || 97|| vaMshIratnaM nalinasubhagenAgrahastena chAru bimbastambhAharaNamasR^iNArajyadoShThe nidhAya | dantAnIShachChashikaranibhAn bhAsayannantareNa vaktrenduste jayati jagatAmmohakaste pragAtuH || 98|| (gAnArambhe tava mukhashashI rAjate me hR^idabje) lokAn saptApyamitanijasannAdabhUmnAmR^itena si~nchan randhrAkalitaruchirAgrA~NgulInyAsamitraH | vaktrAbje te bhramarasuShamaM nR^ityara~Nge sunR^itya\- nnetradvandvaM bahu vijayate lokatApApahArI || 99|| nAdAkrAnte jagati hi janassadya evAtimohA\- dAviShTAntAssamamanupatantyarbhakairdAravargaiH | bhuktvA duktvA niravadhisukhaM bhUya evAtitR^iptAH sa~NkalpenApyaviditabhidastvAM hi nAthaM bhajante || 100|| AruhyAmandamodAtprasavabharalasannIpavR^ikShaM samantA\- chChItAMshoraMshujAlairdhavalitaviShaye hanta dikchakravAle | jAte kasmAnnishIthe janaravarahite shyAmagambhIraveSho vishveShAmmohanAya shritakapaTanayo veNunA sa~nchukUja || 101|| rAkAkhaNDendubimbadyutiharavadanollAsi bimbAdharoShThe mandaM mandaM kareNa prakhachitamaNimadveNukhaNDaM niveshya | sAndrAnandAmR^itAbdhirmukhalavamarutApUrya sammohanAkhyaM rAgaM rAgeddharandhrArpitakarakaliko mohayan sannanAda || 102|| gatvA vR^indAvanAntaM taruvaranibiDaM gopayoShAvibhUShAH nIpaskandhAdhirUDhaM maNimuralidharaM bAlagopAlaveSham | nIlApA~NgaistaruNyassurapatimaNisachChAyakAyaM kirantyaH premNA kandarpadarpapramathanavapuShaH pAdapadmaM prapannAH || 103|| veNudvAreShu saptasvavahitamanasA chArayanna~NgulInAM vR^indaM gAnAmR^itenatrabhuvanamapi sammohayan shyAmadhAma | gopAnAM kAmapUraM jhaTiti cha kalayan kampramUrdhekShaNashcha jIyAdgopAlabAlaH smitaruchiramukho gopikAvR^indamadhye || 104|| AkarNyAkAlagItaM muralinigalitaM ChadmagopAlabAla\- jalpaM mugdhAH pramugdhA vrajakulavanitAH sambhramAttyaktanidrAH | muktvA kAle.api gehaM patisutanikaraM sarvamevAvashAstA\- ssa~ncheluryatravaMshIvilasitanipuNashyAmakAmAbhirAmaH || 105|| premNA bAlaM svakIyaM stanakalashayugasyandi dugdhaM suhR^idyaM narmoktyA pAyayantI parichitamashR^iNoddivyagAnaM samantAt | jImUtadhvAnanR^ityachChivigaNa iva chAtyantamodAtibhArAt prAyAdvaMshIdharasyAntikamatikutukAttyaktabAlA tu kApi || 106|| ArtaM kAntaM hi kAchitparicharaNaparA bhojanAdyaiH prasAdya shayyAyAM svAstR^itAyAM shayanavidhimukhe veNugAnaM nishamya | santyajya drAgupetA yadukulatilakasyAntikaM gopakAntA mantreNevAvakR^iShTA phaNikulavanitA jAtarAgAvatasthe || 107|| kAchidvyatyastavastrAbharaNasamudayA veNugAnashraveNa kShipraM gopAlabAlAnanashashisuShamAM draShTukAmA hi vAmA | svairaM yAntI lalajje na hi pathi dayite shyAmale baddhabhAvA dR^iShTvA kAmAbhirAmaM kalimalaharaNaM modapUre mamajja || 108|| pIThaM pIThe.adhiropya prabhurupari samAruhya haiya~NgavInaM kR^itsnaM mR^iShTvAtha dR^iShTAM tvaritamupagatAM kA~nchidAbhIranArIm | mAtaH kiM shrotukAmA madhuramuralikAnAdasaubhAgyadhAme\- tyuktvA kopaM taruNyAssarasamapanayan pAtu devo hi gAyan || 109|| govindo gopanArIbhavanamanuvishan mitragopAlabAlai\- rAvItaH kAmaveShaH kapaTashatapaTushchauranATyaM vitanvan | shikyasthAdgavyabhANDAddadhighR^itanavanItAdisarvaM muShitvA santR^iptastarpayaMshcha svaramayamuralImUrchChanAmAlalApa || 110|| shyAmA~NgaH kvApi bhANDaM navanalinadalaspardhinetrassamIkShya prAMshuprAlambiyantrasthitamatha kutukAddaNDapAtaiH prabhidya | taddvAropAntadhArAnipatitamakhilaM mitravR^indaiH pibantaM gavyaM dR^iShTvA gatAnyA sarabhasamuralIgAnalInA vimUDhA || 111|| anyatrAnandarUpI dadhighR^itanavanItAdikAlAbharoSha\- doShAviShTo babha~nchAntikanihitamasau bhAjanAnAM sahasram | kroshantIM chorachoretyabhimukhapatitAM vIkShya koNe nilInaH mugdhAM sadyaH sa veNukvaNitamadhuvashAM rAdhikesho vitene || 112|| dhR^itvA govardhanAdriM navaghanasubhagaH padmapatrAyatAkShaH svA~NgulyA lIlayaiva priyapadasharaNAn trAtumevAnukampI | bAlo.ayaM pArayedvA girimiti tamasA dainyabhAjAM viShAda\- shAntyai kAntAnanenduH kalaravamuralImuchchakairAjughoSha || 113|| (kR^itsnaM bhANDAtpramuShNan tvaritamupagatAM kA~nchidAlokya gopIM) muShNantaM kR^iShNamArAttvaritamatiruShA bad.hdhya mAturnayantI sAnnid.hdhyaM mArgamadhye sumahati sadasi preShThavaMshIninAdam | kUjantaM modayantaM sthiracharanikaraM majjayantaM sudhAbdhau gAnAkhye nandabhAgyaM sakutukanayanA prekShya tasthau shileva || 114|| gopimaNDalamadhyago.atilalitastiShThaMstribha~NgyA kara\- prAntonnItashubhAruNAdharapuTanyastA mudA vaMshikA | nAdAnandasudhAmayIM shrutisukhAM vR^iShTiM supuNyAtmanAM saMsArAnalataptachittajanatAmodAya varShan babhau || 115|| gopyaH kShIrAdigavyAbhR^itakalashachayaM shIrShNi kAmaM vahantyaH vikretuM vIthikAsu priyavachanashatairAlibhissaMvrajantyaH | dR^iShTAH kR^iShNena mandaM taruvaramadhiruhyAhR^ite gavyakumbha\- stome santrastagopIshravaNapuTayuge veNunAdaM jughoSha || 116|| shrutvA kasmAnnishIthe muralimadhuravaM gADhanindrAprabuddhA gantuM sajjAtha ruddhA nijajananivahairveshmano.abhyantarAle | ichChAbha~NgAnnirIhA hR^idi ghanasubhagaM chandrakoTiprakAshaM dhyAyaM dhyAyaM prashAntA madhupaticharaNAmbhojasAyujyamApa || 117|| grIShme mArtANDabimbe tapativanabhuvi svograrashmipratAnaiH gAvo glAniM prayAtA mR^idutR^iNakabalabhrAntabhAsvanmarIchyaH | tAmyantIstAHkR^ipArdrastaruvaranibiDachChAyamabhyetya ramya\- mAhvAtuM veNumuchchairaraNayadanagho gopakanyAbhuja~NgaH || 118|| nAde modaprapUre shrutipathapatite preShThagopAlabAla\- dhenvaH kR^iShTAntara~NgA yadupatinikaTaM pratyadhAvan praharShAt | utpuchChAssatvarAstA muralimadhuravAnandamagnAH prakAmaM dhyAnAmIladR^i(ddR^i?)shastatpadakamalapuTaM yogicharyAH samIyuH || 119|| gAnAnande nimagnA vanacharanivahA sthAvarA ja~NgamA vA jIvAssAphalyamIyurjanikR^itamakhilaM kashmalaM tatyajushcha | kShuttR^iTkAmAnupetAH paramasukhasudhAmbhodhimagnAH parasya puMsaH shrIveNunAdAmR^itajaladabhave vallavIbhAgadheye || 120|| siddhAssAdhyAssuraughA munijananivahAH shrImadAbhIranArI\- jArodgItAtidhIrashrutimadhuramadhusyandiveNupraNAde | magnA lagnAshcha lInA vanabhuvi yamunAtIrapuNyapradeshe\- Shveko vA syAM tR^iNo.apItyatha hR^idi nitarAM menire bhAgyametat || 121|| spR^iShTe bhANDe pareNa svanamukharachalachChikyasaMsaktakhaNDA\- sannAdodbuddhagopyAssachakitanayanaprekShaNIyorubhItim | bad.hdhvA pAshairnayantyA pathi tamanuyayurveshma nandasya yAtAH dR^iShTvA veNuM kvaNantaM chiramatha nibhR^itAstasthuratyadbhutena || 122|| deva shrIghoShanArIramaNa madhupate mAmakAbhyarthanAM tvaM kAruNyAchChrotumarhasyakhilaguNanidhe kartumapyarhasIsha | pApiShTho.ahaM tathApi praNatajanakR^ipAsAgarAnAthabandho dInaM mAM veNunAdAmR^itasarasi sukhaM snApaya shrImukunda || 123|| Apadbandho praNaShTaM niravadhiduritadhvAntadurddAntabhUmiM trAyasvAkarNayesha praruditagaditaM prArthaye pArthabandho | ChindImaM bhindicheti prakaTakaTugirA bhartsyamAne kR^itAnta\- dUtApAte.antakAle maNimuraliravAnandanenAshu pAhi || 124|| nAdaM vA.a.akarNayeyaM madhumuraligaladgAnamAdhuryadhAma sAndrAnandAmR^itodaM sakR^idapi kalanAchChrotramAtreNa bhavyam | pashyeyaM bhAgyayogAtkimu paramahaso vAsudevasya lIlA\- ra~NgaM vR^indAvanaM vA harimaNimahasaM chApi veNuM kvaNantam || 125|| shyAmA~NgAnmArakoTijvaladatulalasatsAralAvaNyapUrAt shi~njAnA ma~njuratnaprakaravilasitashrIpadAmbhojayugmAt | devAnmodAtkarAbjoddhR^italalitasutAmroShThavinyastaveNu\- gAnAdAbhIranArIsukR^itasamudayAddevamanyaM na jAne || 126|| ArtatrANaparAyaNAkhilaguro tvAmarthaye.ahaM punaH pApaikAvasatirmuhuH kalilatAM prApto nirAsho.avashaH | kaNThAskandikaphAdidoShanichayo prochchaNDadaNDAyudha\- preShyAbhartsanatADanAdivikale mAM pAhi veNusvanAt || 127|| prANApAyadashopayAtayamarADuchchaNDadUtArdite kAle saMvR^itabandhumitraruditaprAye mahAdItide | ashruvyAkulalochanoghanichayaM smR^itvAhitaM nAcharan dIno.ayaM nanu yAdavendramuralIgAnena santoShyatAm || 128|| pashyeyaM vA kadAhaM navaghanasubhagaM pItakausheyavAsaM shrIvatsA~NkaM suhAraM padadhR^itaviraNanma~njuma~njIraramyam | gopAlaM kaustubhashrIyutaruchiramahAvakShasaM svakShamIshaM dhanyashrIvanyamAlAdharamahamanishaM veNugAnaikalolam || 129|| gAyan veNuM kanakarashanAdAmadIpyatkaTishrI\- bhAsvaddhemAmbarasulalito nIlameghAbhirAmaH | nR^ityantAlakramamanusaran vikShipan pAdapadme bhAyAdAyAnmama tu purataH vallavIbhAgyaratnam || 130|| nAhaM prIye surapatipadAvAptimaishvaryasiddhiM sAmrAjyaM vA nikhilamapi vA bhogayogaM murAre | prIye hrIye muhurapi vibho sAndranAdAmR^itoda\- vaMshInAde mahati sariti snAnamAnandarUpam || 131|| mandaM mandaM padakamalake vikShipan chAruveNu\- gAnaM kurvannanu cha madhuraM modayan mAM vrajeshaH | AgachChedvA duritanichayaM bha~njayanna~njanAbhaH saudhImakShNoH kimu sa vitaredvR^iShTimAnandarUpAm || 132|| yAvajjIvaM muralyA madhumayasarasAnandagAnAmR^itodA\- sAreNAsiktakarNaH kimu hR^idikamale devadevaM vareNyam | dhyAtvAkhaNDapramodaM niratishayamaho kinnu lapsye kR^ipAbdhe ChitvA nishsheShatApaprakaramahamaho tvatpade kinnu yu~njyAm || 133|| pAdAbjAnnissarantI sagarasutagatipreShTasopAnapa~NktiH ga~NgA bhAgIrathIti trijagati viditA pApahantrI narANAm | nAdAkhyeyaM tu ga~NgA vrajayuvatijanapremapAtrAmbujAta\- vaktraprotAryaveNusravadamR^itarasA mokShadA bhAti hR^idyA || 134|| (vaktrapadmonnItAryaveNukvaNitamadhujharI mokShadA bhAti hR^idyA) kAruNyAbdhe murAre muralininada bho tvAmahaM naumi sAkShA\- nnAdajyotissvarUpaM sakalamunimanodhyAnagamyaM susUkShmam | deva tvA mUrtamantarmama hR^idi kutukAnmUrtimAkalpya lIlA\- lolaM modAmburAshiM parasukhanilayaM dhArayAmyAdareNa || 134|| pAyaM pAyaM na tR^ipyAmyatimadhuratayA deva te veNugIta\- nAdAnandAmR^itAmbhaHshravaNapuTabhR^itaM svAdu naH svAdu bhUri | tadbho govinda mohAdduritashatakR^ito.apyasya nAde.atibhakti\- rbhUyAtkAruNyasindho sharaNada bhagavan janmajanmAntareShu || 135|| gAyantaM veNumuchchairghanaruchimamalaM sUryakoTiprakAshaM nR^ityantaM nartayantaM padakamalaraNanma~njuma~njIraghoSham | AyAntaM mA bibhIhi tyaja manasi rujaM so.ahamasmyabhyupeta ityevaM mAM gadantaM yadukulatilakaM kiM kadA vA nirIkShe || 136|| aj~no.ahaM te guNAnAmaNumapi nitarAmmantumIsho na chAsmi boddhuM vaktuM cha devi shritasakalajanatrANadIkShe namaste | kShantavyaM sAhasaM me nirupadhikaruNe dInadInasya mAtaH sAndrAnandAvabodhe yadupatimuralInAdadhAre namaste || 137|| namaste pIyUShapriya madhurasaubhAgyavibhave chirAtpuNyairlabhye mayi kuru kR^ipAmamba sadaye | puraste pashchAtte svaramayi namaH pArshvata idaM kR^itaM chordhvaM mAtaH kalamuralikAnAdalahari || 138|| mukundAkhaNDendupratimavadanAhaM tava vibho sudhAdhArAhR^idyAM tava muralikAnAdalaharIm | durantAmalpaj~naH kimapi kaNamAtraM gaditavAn kShamasvAgAMsyasya shritacharaNapadma dayayA || 139|| kimapi vachanamIShadvaktukAmaH parasya priyamuralininAdAnandadhArAprabhAve | akaravamidamasmin doShapa~NkaM pramR^ijya priyajanaparidattaM svIkuruShvAmareDya || 140|| AbhIravAranArIjArasyAmandamuralininadaM me modaM sadA dadAtu gItaravAshliShTamohananinAdam || 141|| bAlA vR^iddhAssakalamapi gokulaM yasya nAtha\- syAkarNya drAgamR^itamadhuraM veNugAnaM manoj~nam | prApuH premNA sakalajagatAM nAyakasyAbhirAma\- pAdAmbhojaM vivashahR^idayAstyaktakAryaprapa~nchAH || 142|| veNuM kvaNantaM gopAlabAlamAnandavigraham | namAmi jagatAmmUlaM mukundamakhileshvaram || 143|| muralImadhuradhvAnamadhuniShyandadAyine | muralInAdadhArAkhyAmarpayAmi madhudviShe || 144|| rachitaM subbarAmAkhyadvijena bhaktipUrvakam | muralIdharaprItyarthaM tada~NghriShu samarpitam || 145|| iti muralInAdadhArAstotraM sampUrNam | ## Encoded and proforead by PSA Easwaran psaweswaran at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}