% Text title            : nAmaratnAkhyastotram
% File name             : nAmaratnAkhyastotram.itx
% Category              : vishhnu, krishna, puShTimArgIya, raghunAthajI
% Location              : doc\_vishhnu
% Author                : raghunAthajI
% Proofread by          : PSA Easwaran psawaswaran at gmail.com
% Description/comments  : puShTimArgIya stotraratnAkara
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. nAmaratnAkhyastotram ..}##
\itxtitle{.. nAmaratnAkhyastotram ..}##\endtitles ##

yannAmArkodayAtpApadhvAntarAshiH prashAmyati |
vikasanti hR^ida~njAni tannAmAni sadA.a.ashraye || 1||
AnuShTubhamiha chChanda R^iShiragnikumArajaH |
sarvashaktisamAyukto devaH shrIvallabhAtmajaH || 2||
viniyogaH samasteShTasiddhyarthe vinirUpitaH |
shrIviThThalaH kR^ipAsindhurbhaktavashyo.atisundaraH || 3||
kR^iShNalIlArasAviShTaH shrImAnvallabhanandanaH |
durdR^ishyo bhaktasandR^ishyo bhaktigamyo bhayApahaH || 4||
ananyabhaktahR^idayo dInAnAthaikasaMshrayaH |
rAjIvalochano rAsalIlArasamahodadhiH || 5||
dharmaseturbhaktisetuH sukhasevyo vrajeshvaraH |
bhaktashokApahaH shAntaH sarvaj~naH sarvakAmadaH || 6||
rukyiNIramaNaH shrIsho bhaktaratnaparIkShakaH |
bhaktarakShaikadakShaH shrIkR^iShNabhaktipravartakaH || 7||
mahAsuratiraskartA sarvashAstravidagraNIH |
karmajADyabhiduShNAMshurbhaktanetrasudhAkaraH || 8||
mahAlakShmIgarbharatnaM kR^iShNavartmasamudbhavaH |
bhaktachintAmaNirbhaktikalpadrumanavA~NkuraH || 9||
shrIgokulakR^itAvAsaH kAlindIpulinapriyaH |
govardhanAgamarataH priyavR^indAvanAchalaH || 10||
govardhanAdrimakhakR^inmahendramadabhitpriyaH |
kR^iShNalIlaikasarvasvaH shrIbhAgavatabhAvavit || 11||
pitR^ipravartitapathaprachArasuvichArakaH |
vrajeshvaraprItikartA tannimantraNabhojanaH || 12||
bAlalIlAdisuprIto gopIsambandhisatkathaH |
atigambhIratAtparyaH kathanIyaguNAkaraH || 13||
pitR^ivaMshodadhivibhuH svAnurUpasutaprasUH |
dikchakravartI satkIrtirmahojjvalacharitravAn || 14||
anekakShitipashreNImUrdhA.a.asiktapadAmbujaH |
vipradAridryadAvAgnirbhUdevAgniprapUjakaH || 15||
gobrAhyaNaprANarakShAparaH satyaparAyaNaH |
priyashrutipathaH shashvanmahAmakhakaraH prabhuH || 16||
kR^iShNAnugrahasaMlabhyo mahApatitapAvanaH |
anekamArgasa~NkliShTajIvasvAsthyaprado mahAn || 17||
nAnAbhramanirAkartA bhaktAj~nAnabhiduttamaH |
mahApuruShasatkhyAtirmahApuruShavigrahaH || 18||
darshanIyatamo vAgmI mAyAvAdanirAsakR^it |
sadA prasannavadano mugdhasthitamukhAmbujaH || 19||
premArdradR^igvishAlAkShaH kShitimaNDalamaNDanaH |
trijagadvyApisatkIrtirdhavalIkR^itamechakaH || 20||
vAksudhA.a.akR^iShTabhaktAntaHkaraNaH shatrutApanaH |
bhaktasamprArthitakaro dAsadAsIpsitapradaH || 21||
achintyamahimA.ameyo vismayAspadavigrahaH |
bhaktakleshAsahaH sarvasaho bhaktakR^ite vashaH || 22||
AchAryaratnaM sarvAnugrahakR^inmantravittamaH |
sarvasvadAnakushalo gItasa~NgItasAgaraH || 23||
govardhanAchalasakho gopagogopikApriyaH |
chintitaj~no mahAbuddhirjagadvandyapadAmbujaH || 24||
jagadAshcharyarasakR^it sadA kR^iShNakathApriyaH |
sukhodarkakR^itiH sarvasandehachChedadakShiNaH || 25||
svapakSharakShaNe dakShaH pratipakShabhaya~NkaraH |
gopikAvirahAviShTaH kR^iShNAtmA svasamarpakaH || 26||
nivedibhaktasarvasvasharaNAdhvapradarshakaH |
shrIkR^iShNAnugR^ihItaikaprArthanIyapadAmbujaH || 27||
imAni nAmaratnAni shrIviThThalapadAmbujam |
dhyAtvA tadekasharaNo yaH paThetsa hariM labhet || 28||
yadyanmanasyabhidhyAyettattadApnotyasaMshayam |
nAnAratnAbhidhabhidaM stotraM yaH prapaThetsudhIH || 29||
tadIyatvaM gR^ihANAshu prArthyametanmama prabho |
shrIviThThalapadAmbhojamakarandajuSho.anisham || 30||

iti shrIraghunAthajIvirachitanAmaratnAkhyaM stotraM samAptam |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}