% Text title            : nAmaratnamAlAvalistotram
% File name             : nAmaratnamAlAvalistotram.itx
% Category              : vishhnu, krishna, puShTimArgIya, nAmAvalI, kRiShNarAya
% Location              : doc\_vishhnu
% Author                : kRRiShNarAya
% Proofread by          : PSA Easwaran psawaswaran at gmail.com
% Description/comments  : puShTimArgIya stotraratnAkara
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. nAmaratnamAlAvalistotram ..}##
\itxtitle{.. nAmaratnamAlAvalistotram ..}##\endtitles ##

natvA shrIvallabhAchAryAnnaumi shrIviThThalaM prabhum |
tataH shrIvallabhaM staumi tannAmAShTashatoditaiH || 1||
R^iShirnirUpitashchAtra viThThaleshAtmajAsutaH |
Chando.api cha tathA.anuShTubdevatA gokuleshvaraH || 2||
mahAkAruNikAdhIsho bIjaM chAtra nirUpyate |
viniyogo bhaktiyoge siddhiH svaprabhusa~NgamaH || 3||
shrIvallabhAryarUpaH shrImadviThThalanandanaH |
shrIvallabhaH sadAnandaH sachchidAnandavigrahaH || 4||
rukyiNInandanaH shrImAn pArvatIprANavallabhaH |
sarvasadguNasampannaH putraviThThalarAyayuk || 5||
pautragovarddhaneshADhyastadatiprItikArakaH |
saMlAlitavrajapatirvrajAdhIshekShaNotsukaH || 6||
putrapautraprapautradisamastakulamodakaH |
bhUyo nijakulAdhAraH sarvasvakulapoShakaH || 7||
nijAshritAkhilaj~nAtiprItipUrvakapAlakaH |
yAchanochitasamprAptaprANimAtraprapoShakaH || 8||
sarvAdhAro mahodAraH sadAnandapravAhavAn |
samprAptapaNDitavrAtamAnapUrvakadAnakR^it || 9||
gokulAvAsakartA cha bhUyo govarddhane sthitaH |
gosvAmI gokulAdhIsho gopriyo gokuleshvaraH || 10||
gokulAnandakartA cha gokulAdhikabhUShaNam |
govallabho gokulesho gokulaprItikArakaH || 11||
AchAryakR^itasiddhAntagrandhavyAkhyAnakArakaH |
pitAmahapadAsaktaH pitR^ipAdAbjabhaktimAn || 12||
pitAmahasvarUpatvaj~nApakaikasvanAmadhR^ik |
pitR^ipUrNakarUpatvakhyApakAtmasthaShaDguNaH || 13||
atimAnuShakarmAdikR^itiH shrIkR^iShNarUpadhR^ik |
dharmaglAnikR^itAdharmanAshanArthAvatAravAn || 14||
pAShaNDidaNDisamproktaprachaNDAdharmakhaNDanaH |
svadharmasthApako.akhaNDadharAmaNDalamaNDanam || 15||
yo.atikopitapR^idhvIshAkAritastatsamIpagaH |
ulla~NghitatadIyAj~naH satyasandho vraje sthitaH || 16||
AbAlavR^iddhatulasImAlAtilakadhArakaH |
kAlindIpatirIshastadvirahAnubhavapradaH || 17||
kShmeshoktivyAjavArAhakShetraga~NgAsamIpagaH |
punastadAhutivyAjatvaritaprAptagokulaH || 18||
kAlindIsa~NgamotsukyatadIyavirahAkShamaH |
nityaM shrIgokulasthAnayamunArasabhogakR^it || 19||
AnandakandasandohashR^i~NgArarasamUrttimAn |
sarvendriyasukhAsAdyarasarUpaphalAtmakaH || 20||
mukhanikShiptatAmbUlacharvitAruNasaddvijaH |
pakvabimbAdharo.ananyabhaktadattAdharAmR^itaH || 21||
sumukhaH sundaragrIvaH sukapolaH sunAsikaH |
sukarNayugavinyastasuvarNamaNikuNDalaH || 22||
tilakAtilasadbhAlI rAjIvadalalochanaH |
snigdhanIlAlakavR^itaH sundarabhrUyugAnvitaH || 23||
shubhalakShaNasarvA~NgasarvAvayavasauShThavaH |
samphullapadmavaktrashrIdarshanAkR^iShTabhaktahR^it || 24||
susnigdhamadhurAlApo vachanAmR^itapoShakaH |
mahAkAruNikAdhIshaH kaTAkShAkR^iShTamAnasaH || 25||
charaNapraNatAsheShalokasharaNadAgraNIH |
trailaukyAbharaNIbhUtaH saMsArataraNAshrayaH || 26||
lakShmIvilAsanilayastAtapAdAbjasevakaH |
giridhAripadAmbhojasa~nchAribhramarAyitaH || 27||
harigAnapriyo dAnashIlaH sanmAnakArakaH |
nityotsavamanAH prIto vanitAnayanotsavaH || 28||
nijajanmotsavakaraH svajanAhR^itama~NgalaH |
dvijabhojanasuprIto vrajama~NgaladAyakaH || 29||
R^iShipUjAdipUrvoktama~NgalAchArakArakaH |
suvAsinIsumuktAktapAtranIrAjanA~nchitaH || 30||
nArAyaNakalotpannaratnAbharaNabhUShitaH |
tatkulastrya~njalikShiptahemapuShpaprapUjitaH || 31||
nijAlayakR^itAnekagItavAdyamahotsavaH |
sugandhiku~NkamAlepakAritAsheShama~NgalaH || 32||
mahAnubhAvaH paramo bhavyamUrtirmahAdyutiH |
shubhasmR^itiH shubhadhyAnaH shubhakR^innAmakIrtanaH || 33||
aShTottarashatashrImannAmamAleyamadbhutA |
shrIvallabhagaNeShvevaM kR^iShNarAyeNa gumphitA || 34||
dhAryA kaNThagatA nityaM prabhusa~NgarasapradA |
visheShatastu japyeyaM tadIyAnanyasevakaiH || 35||

iti shrIkR^iShNarAyeNa virachitaM shrInAmaratnamAlAvalistotraM sampUrNam |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}