% Text title            : nArAyaNAShTakam
% File name             : nArAyaNAShTaka.itx
% Category              : aShTaka, vishhnu, narayana, vishnu
% Location              : doc\_vishhnu
% Author                : Kuresha Swami
% Transliterated by     : Gayathri V vgayu at yahoo.com
% Proofread by          : Gayathri V vgayu at yahoo.com
% Latest update         : May 31, 2011
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Narayana Ashtakam ..}##
\itxtitle{.. nArAyaNAShTakam ..}##\endtitles ##

vAtsalyAdabhayapradAnasamayAdArttArtinirvApaNAd\-
       audAryyAdaghashoShaNAdagaNitashreyaH padaprApaNAt |
sevyaH shrIpatireka eva jagatAmete.abhavansAkShiNaH
       prahlAdashcha vibhIShaNashcha karirAT pA~nchAlyahalyAdhruvaH || 1||

prahlAdAsti yadIshvaro vada hariH sarvatra me darshaya
       sta.nbhe chaivamiti bruvantamasura.n tatrAvirAsIddhariH |
vakShastasya vidArayannijanakhairvAtsalyamApAdayan\-
       nArttatrANaparAyaNaH sa bhagavAnnArAyaNo me gatiH || 2||

shrIrAmo.atra vibhIShaNo.ayamanagho rakShobhayAdAgataH
       sugrIvAnaya pAlayainamadhunA paulastyamevAgatam |
ityuktvA.abhayamasya sarvavidita.n yo rAghavo dattavAn\-
       ArttatrANaparAyaNaH sa bhagavAnnArAyaNo me gatiH || 3||

nakragrastapada.n samuddhR^itakaraM brahmAdayo bhoH surA
       rakShantAmiti dInavAkyakariNa.n deveShvashakteShu yaH |
mA bhaiShIriti tasya nakrahanane chakrAyudhaH shrIdharo\-
       hyArttatrANaparAyaNaH  sa bhagavAnnArAyaNo me gatiH || 4||

bhoH kR^iShNAchyutaH bhoH kR^ipAlaya hare bhoH pANDavAnA.n sakhe
       kvAsi kvAsi suyodhanAdhyapahR^itAM bho rakSha mAmAturAm |
ityuktto.akShayavastrasa.nbhR^itatanuryo.apAlayaddraupadIm\-
       ArttatrANaparAyaNaH sa bhagavAnnArAyaNo me gatiH || 5||

yatpAdAbjanakhodaka.n trijagatAM pApaughavidhva.nsana.n
       yannAmAmR^itapUraka.n cha pibatA.n sa.nsArasantArakam |
pAShANo.api yada~Nighrapa~NkarajasA shApAnmunermochito
       hyArttatrANaparAyaNaH  sa bhagavAnnArAyaNo me gatiH || 6||

pitrA bhrAtaramuttamAsanagata.n hyauttAnapAdirdhruvo
       dR^iShTvA tatsamamArurukShuradhikaM mAtrA.avamAna.n gataH |
ya.n gatvA sharaNa.n yadApa tapasA hemAdrisi.nhAsana.n
       hyArttatrANaparAyaNaH  sa bhagavAnnArAyaNo me gatiH || 7||

ArttA viShaNNAH shithilAshcha bhItA ghoreshu cha vyAdhishu vartamAnAH |
sa.nkIrtya nArAyaNashabdamAtra.n vimuktaduHkhAH sukhino bhavanti || 8||

iti shrIkUreshasvAmivirachita.n nArAyaNAShTaka.n sampUrNam |
##
Encoded and proofread by Gayathri V vgayu at yahoo.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}