% Text title            : nArAyaNAShTottarashatanAmastotram
% File name             : nArAyaNAShTottarashatanAmastotram.itx
% Category              : aShTottarashatanAma, vishhnu, vishnu
% Location              : doc\_vishhnu
% Proofread by          : PSA Easwaran
% Description-comments  : Brihatstotraratnakara 1, Narayana Ram Acharya, Nirnayasagar, stotrasankhyA 211
% Latest update         : January 19, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. nArAyaNAShTottarashatanAmastotram ..}##
\itxtitle{.. nArAyaNAShTottarashatanAmastotram ..}##\endtitles ##

shrIgaNeshAya namaH |
nArAyaNAya suramaNDanamaNDanAya nArAyaNAya sakalasthitikAraNAya |
nArAyaNAya bhavabhItinivAraNAya nArAyaNAya prabhavAya namo namaste || 1||
nArAyaNAya shatachandranibhAnanAya nArAyaNAya maNikuNDaladhAraNAya |
nArAyaNAya nijabhaktaparAyaNAya nArAyaNAya subhagAya namo namaste || 2||
nArAyaNAya suralokaprapoShakAya nArAyaNAya khaladuShTavinAshakAya |
nArAyaNAya ditiputravimardanAya nArAyaNAya sulabhAya namo namaste || 3||
nArAyaNAya ravimaNDalasaMsthitAya nArAyaNAya paramArthapradarshanAya |
nArAyaNAya atulAya atIndriyAya nArAyaNAya virajAya namo namaste || 4||
nArAyaNAya ramaNAya ramAvarAya nArAyaNAya rasikAya rasotsukAya |
nArAyaNAya rajovarjitanirmalAya nArAyaNAya varadAya namo namaste || 5||
nArAyaNAya varadAya murottamAya nArAyaNAya akhilAntarasaMsthitAya |
nArAyaNAya bhayashokavivarjitAya nArAyaNAya prabalAya namo namaste || 6||
nArAyaNAya nigamAya nira~njanAya nArAyaNAya cha harAya narottamAya |
nArAyaNAya kaTisUtravibhUShaNAya nArAyaNAya haraye mahate namaste || 7||
vArAyaNAya kaTakA~NgadabhUShaNAya nArAyaNAya maNikaustubhashobhanAya |
nArAyaNAya tulamauktikabhUShaNAya nArAyaNAya cha yamAya namo namaste || 8||
nArAyaNAya ravikoTipratApanAya nArAyaNAya shashikoTisushItalAya |
nArAyaNAya yamakoTidurAsadAya nArAyaNAya karuNAya namo namaste || 9||
nArAyaNAya mukuTojjvalasojjvalAya nArAyaNAya maNinUpurabhUShaNAya |
nArAyaNAya jvalitAgnishikhaprabhAya nArAyaNAya haraye gurave namaste || 10||
nArAyaNAya dashakaNThavimardanAya nArAyaNAya vinatAtmajavAhanAya |
nArAyaNAya maNikaustubhabhUShaNAya nArAyaNAya paramAya namo namaste || 11||
nArAyaNAya vidurAya cha mAdhavAya nArAyaNAya kamaThAya mahIdharAya |
nArAyaNAya uragAdhipama~nchakAya nArAyaNAya virajApataye namaste || 12||
nArAyaNAya ravikoTisamAmbarAya nArAyaNAya cha harAya manoharAya |
nArAyaNAya nijadharmapratiShThitAya nArAyaNAya cha makhAya namo namaste || 13||
nArAyaNAya bhavarogarasAyanAya nArAyaNAya shivachApapratoTanAya |
nArAyaNAya nijavAnarajIvanAya nArAyaNAya subhujAya namo namaste || 14||
nArAyaNAya surathAya suhR^ichChritAya nArAyaNAya kushalAya dhurandharAya |
nArAyaNAya gajapAshavimokShaNAya nArAyaNAya janakAya namo namaste || 15||
nArAyaNAya nijabhR^ityaprapoShakAya nArAyaNAya sharaNAgatapa~njarAya |
nArAyaNAya puruShAya purAtanAya nArAyaNAya supathAya namo namaste || 16||
nArAyaNAya maNisvAsanasaMsthitAya nArAyaNAya shatavIryashatAnanAya |
nArAyaNAya pavanAya cha keshavAya nArAyaNAya ravibhAya namo namaste || 17||
shriyaHpatiryaj~napatiH prajApatirdhiyAmpatirlokapatirdharApatiH |
patirgatishchAndhakavR^iShNisAttvatAM prasIdatAM me bhagavAn satAmpatiH || 18||
tribhuvanakamanaM  tamAlavarNaM ravikaragauravarAmbaraM dadhAne |
vapuralakakulAvR^itAnanAbjaM vijayasakhe ratirastu me.anavadyA || 19||
aShTottarAdhikashatAni sukomalAni nAmAni ye sukR^itinaH satataM smaranti |
te.anekajanmakR^itapApachayAdvimuktA nArAyaNe.avyavahitAM gatimApnuvanti || 20||

iti nArAyaNAShTottarashatanAmastotraM sampUrNam ||
##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}