% Text title : naaraayaniiyam % File name : nArAyaNIyam.itx % Category : vishhnu, stotra, vishnu % Location : doc\_vishhnu % Author : melpattUr Narayanabhatta % Proofread by : M.K. Krishnaswamy, M.G.Vasudevan, PSA Easwaran, Aparna Sai Ganesh % Description-comments : Includes pArAyaNasankalpam, dhyAnam, concluding anubandham and maNgalam % Acknowledge-Permission: Pandanus, http://iu.ff.cuni.cz/pandanus/electronictexts/ % Latest update : December 27, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Narayaniyam ..}## \itxtitle{.. nArAyaNIyam ..}##\endtitles ## OM namo bhagavate vAsudevAya | OM namo nArAyaNAya | \section{pArAyaNasa~Nkalpam} shuklAmbaradharaM viShNuM shashivarNaM chaturbhujam | prasannavadanaM dhyAyetsarvavighnopashAntaye || nArAyaNa nArAyaNa nArAyaNa nArAyaNa | nArAyaNa nArAyaNa nArAyaNa nArAyaNa || \section{dhyAnam} pItAmbaraM karavirAjitasha~NkhachakrakaumodakIsarasijaM karuNAsamudram | rAdhAsahAyamatisundaramandahAsaM vAtAlayeshamanishaM hR^idi bhAvayAmi || mUkaM karoti vAchAlaM pa~NguM la~Nghayate girim | yatkR^ipA tamahaM vande paramAnandamAdhavam || vande nandavrajastrINAM pAdareNumabhIkShNashaH | yAsAM harikathodgItaM punAti bhuvanatrayam || komaLaM kUjayan veNuM shyAmaLo.ayaM kumArakaH | vedavedyaM paraM brahma bhAsatAM purato mama || dhyAnashlokAni OM namaHshrIgaNeshashAradAgurubhyo namaH | avighnamastu | agajAnanapadmArkaM gajAnanamaharnisham | anekadantaM bhaktAnAmekadantamupAsmahe || shrImahAgaNapataye namaH | gurave sarvalokAnAM bhiShaje bhavarogiNAm | nidhayo sarvavidyAnAM shrIdakShiNAmUrtaye namaH || asmadgurucharaNAravindAbhyAM namaH | j~nAnAnandamayaM devaM nirmalasphaTikAkR^itim | AdhAraM sarvavidyAnAM hayagrIvamupAsmahe || shrIhayagrIvamUrtaye namaH | sarasvati namastubhyaM varade kAmarUpiNi | vidyArambhaM kariShyAmi siddhirbhavatu me sadA || shrImahAsarasvatyai namaH | umAkomaLahastAbjasambhAvitalalATakam | hiraNyakuNDalaM vande kumAraM puShkalasrajam || shaktidharashrIsubrahmaNyasvAmine namaH | bhUtanAtha sadAnanda sarvabhUtadayApara | rakSha rakSha mahAbAho shAstre tubhyaM namo namaH || svAmi shrIshabarIshashAstAraM sharaNaM gachChAmi | komaLaM kUjayan veNuM shyAmaLo.ayaM kumArakaH | vedavedyaM paraM brahma bhAsatAM purato mama || yaM brahmA varuNendrarudramarutaH stunvanti divyaiH stavaiH vedaissA~NgapadakramopaniShadairgAyanti yaM sAmagAH | dhyAnAvasthitatadgatenamanasA pashyanti yaM yogino yasyAntaM na viduH surAsuragaNAH devAya tasmai namaH || kR^iShNAya vAsudevAya devakInandanAya cha | nandagopakumArAya govindAya namo namaH || sAya~NkAle vanAnte kusumitasamaye saikate chandrikAyAM trailokyAkarShaNA~NgaM suravaragaNikAmohanApA~NgamUrtim | sevyaM shR^i~NgArabhAvairnavarasabharitairgopakanyAsahasraiH vande.ahaM rAsakeLIratamatisubhagaM vashyagopAlakR^iShNam || AnIlashlakShNakeshaM jvalitamakarasatkuNDalaM mandahAsa\- syandArdraM kaustubhashrIparigatavanamAloruhArAbhirAmam | shrIvatsA~NkaM subAhuM mR^idulasadudaraM kA~nchanachChAyachelaM chArusnigdhorumambhoruhalalitapadaM bhAvayeyaM bhavantam || shrIkR^iShNa govinda hare murAre shrInAtha nArAyaNa vAsudeva || \- (trivAram) sarvatra govindanAmasa~NkIrtanaM \- govinda govinda govinda | mokShAbdhisAramayabhAgavatAkhyadadhno nArAyaNIyanavanItamaho gR^ihItvA | mAyAmayaughaparitaptajanAya yogAt nArAyaNAvanisurAya namo.astu tasmai || ga~NgA gItA cha gAyatryapi cha tulasikA gopikAchandanaM tat sAlagrAmAbhipUjA parapuruSha tathaikAdashI nAmavarNAH | etAnyaShTApyayatnAnyayi kalisamaye tvatprasAdapravR^id.h{}dhyA kShipraM muktipradAnItyabhidadhurR^iShayasteShu mAM sajjayethAH || sarvatra govindanAmasa~NkIrtanaM \- govinda govinda govinda | ##After this intial prayer, chant Narayanakavacham from Shrimad Bhagavatam (6th Skandha - Chapter 8) and then Narayaneeya Arati as given at the end of the book, before starting the NarayaneeyaM Stotram.## \iti \chapter{nArAyaNIyaM stotram} \yyy{melpattUr nArAyaNabhaTTatirivaryavirachitaM shrImannArAyaNIyaM stotram} \section{prathamadashakam (1)} \yyy{bhagavataH svarUpaM tathA mAhAtmyam | ## 1 Form and Glory of the Lord##} sAndrAnandAvabodhAtmakamanupamitaM kAladeshAvadhibhyAM nirmuktaM nityamuktaM nigamashatasahasreNa nirbhAsyamAnam | aspaShTaM dR^iShTamAtre punarurupuruShArthAtmakaM brahmatattvaM tattAvadbhAti sAkShAdgurupavanapure hanta bhAgyaM janAnAm || 1\-1|| evaM durlabhyavastunyapi sulabhatayA hastalabdhe yadanyat tanvA vAchA dhiyA vA bhajati bata janaH kShudrataiva sphuTeyam | ete tAvadvayaM tu sthirataramanasA vishvapIDApahatyai nishsheShAtmAnamenaM gurupavanapurAdhIshamevAshrayAmaH || 1\-2|| sattvaM yattatparAbhyAmaparikalanato nirmalaM tena tAvad\- bhUtairbhUtendriyaiste vapuriti bahushaH shrUyate vyAsavAkyam | tatsvachChatvAdyadachChAditaparasukhachidgarbhanirbhAsarUpaM tasmin dhanyA ramante shrutimatimadhure sugrahe vigrahe te || 1\-3|| niShkampe nityapUrNe niravadhi paramAnandapIyUSharUpe nirlInAnekamuktAvalisubhagatame nirmalabrahmasindhau | kallolollAsatulyaM khalu vimalataraM sattvamAhustadAtmA kasmAnno niShkalastvaM sakala iti vachastvatkalAsveva bhUman || 1\-4|| nirvyApAro.api niShkAraNamaja bhajase yatkriyAmIkShaNAkhyAM tenaivodeti lInA prakR^itirasatikalpA.api kalpAdikAle | tasyAH saMshuddhamaMshaM kamapi tamatirodhAyakaM sattvarUpaM sa tvaM dhR^itvA dadhAsi svamahimavibhavAkuNTha vaikuNTharUpam || 1\-5|| tatte pratyagradhArAdharalalitakalAyAvalIkelikAraM lAvaNyasyaikasAraM sukR^itijanadR^ishAM pUrNapuNyAvatAram | lakShmInishsha~NkalIlAnilayanamamR^itasyandasandohamantaH si~nchatsa~nchintakAnAM vapuranukalaye mArutAgAranAtha || 1\-6|| kaShTA te sR^iShTicheShTA bahutarabhavakhedAvahA jIvabhAjA\- mityevaM pUrvamAlochitamajita mayA naivamadyAbhijAne | no chejjIvAH kathaM vA madhurataramidaM tvadvapushchidrasArdraM netraiH shrotraishcha pItvA paramarasasudhAmbhodhipUre rameran || 1\-7|| namrANAM sannidhatte satatamapi purastairanabhyArthitAna\- pyarthAn kAmAnajasraM vitarati paramAnandasAndrAM gatiM cha | itthaM nishsheShalabhyo niravadhikaphalaH pArijAto hare tvaM kShudraM taM shakravATIdrumamabhilaShati vyarthamarthivrajo.ayam || 1\-8|| kAruNyAtkAmamanyaM dadati khalu pare svAtmadastvaM visheShA\- daishvaryAdIshate.anye jagati parajane svAtmano.apIshvarastvam | tvayyuchchairAramanti pratipadamadhure chetanAH sphItabhAgyAs\- tvaM chAtmArAma evetyatulaguNagaNAdhAra shaure namaste || 1\-9|| aishvaryaM sha~NkarAdIshvaraviniyamanaM vishvatejoharANAM tejassaMhAri vIryaM vimalamapi yasho nispR^ihaishchopagItam | a~NgAsa~NgA sadA shrIrakhilavidasi na kvApi te sa~NgavArtA tadvAtAgAravAsin murahara bhagavachChabdamukhyAshrayo.asi || 1\-10|| iti prathamadashakaM samAptam | \iti \section{dvitIyadashakam (2)} \yyy{bhagavataH svarUpamAdhuryaM tathA bhaktimahattvam | ## 2 Form of the Lord And Greatness of Devotion##} sUryaspardhikirITamUrdhvatilakaprodbhAsiphAlAntaraM kAruNyAkulanetramArdrahasitollAsaM sunAsApuTam | gaNDodyanmakarAbhakuNDalayugaM kaNThojjvalatkaustubhaM tvadrUpaM vanamAlyahArapaTalashrIvatsadIpraM bhaje || 2\-1|| keyUrA~Ngadaka~NkaNottamamahAratnA~NgulIyA~Nkita\- shrImadbAhuchatuShkasa~NgatagadAsha~NkhAripa~NkeruhAm | kA~nchitkA~nchanakA~nchilA~nChitalasatpItAmbarAlambinI\- mAlambe vimalAmbujadyutipadAM mUrtiM tavArtichChidam || 2\-2|| yattrailokyamahIyaso.api mahitaM sammohanaM mohanAt kAntaM kAntinidhAnato.api madhuraM mAdhuryadhuryAdapi | saundaryottarato.api sundarataraM tvadrUpamAshcharyato.a\- pyAshcharyaM bhuvane na kasya kutukaM puShNAti viShNo vibho || 2\-3|| tattAdR^i~NmadhurAtmakaM tava vapuH samprApya sampanmayI sA devI paramotsukA chirataraM nA.aste svabhakteShvapi | tenAsyA bata kaShTamachyuta vibho tvadrUpamAnoj~naka\- premasthairyamayAdachApalabalAchchApalyavArtodabhUt || 2\-4|| lakShmIstAvakarAmaNIyakahR^itaiveyaM pareShvasthire\- tyasminnanyadapi pramANamadhunA vakShyAmi lakShmIpate | ye tvad.h{}dhyAnaguNAnukIrtanarasAsaktA hi bhaktA janA\- steShveShA vasati sthiraiva dayitaprastAvadattAdarA || 2\-5|| evambhUtamanoj~natAnavasudhAniShyandasandohanaM tvadrUpaM parachidrasAyanamayaM chetoharaM shR^iNvatAm | sadyaH prerayate matiM madayate romA~nchayatya~NgakaM vyAsi~nchatyapi shItabAShpavisarairAnandamUrchChodbhavaiH || 2\-6|| evambhUtatayA hi bhaktyabhihito yogaH sa yogadvayAt karmaj~nAnamayAdbhR^ishottamataro yogIshvarairgIyate | saundaryaikarasAtmake tvayi khalu premaprakarShAtmikA bhaktirnishramameva vishvapuruShairlabhyA ramAvallabha || 2\-7|| niShkAmaM niyatasvadharmacharaNaM yatkarmayogAbhidhaM taddUretyaphalaM yadaupaniShadaj~nAnopalabhyaM punaH | tattvavyaktatayA sudurgamataraM chittasya tasmAdvibho tvatpremAtmakabhaktireva satataM svAdIyasI shreyasI || 2\-8|| atyAyAsakarANi karmapaTalAnyAcharya niryanmalAH bodhe bhaktipathe.athavApyuchitatAmAyAnti kiM tAvatA | kliShTvA tarkapathe paraM tava vapurbrahmAkhyamanye puna\- shchittArdratvamR^ite vichintya bahubhiH sidhyanti janmAntaraiH || 2\-9|| tvadbhaktistu kathArasAmR^itajharInirmajjanena svayaM sid.h{}dhyantI vimalaprabodhapadavImakleshatastanvatI | sadyaH siddhikarI jayatyayi vibho saivAstu me tvatpada\- premaprauDhirasArdratA drutataraM vAtAlayAdhIshvara || 2\-10|| iti dvitIyadashakaM samAptam | \iti \section{tR^itIyadashakam (3)} \yyy{uttamabhaktasya guNAH | ## 3 The Qualities of the Perfect Devotee##} paThanto nAmAni pramadabharasindhau nipatitAH smaranto rUpaM te varada kathayanto guNakathAH | charanto ye bhaktAstvayi khalu ramante paramamU\- nahaM dhanyAnmanye samadhigatasarvAbhilaShitAn || 3\-1|| gadakliShTaM kaShTaM tava charaNasevArasabhare.a\- pyanAsaktaM chittaM bhavati bata viShNo kuru dayAm | bhavatpAdAmbhojasmaraNarasiko nAmanivahA\- nahaM gAyaM gAyaM kuhachana vivatsyAmi vijane || 3\-2|| kR^ipA te jAtA chetkimiva na hi labhyaM tanubhR^itAM madIyakleshaughaprashamanadashA nAma kiyatI | na ke ke loke.asminnanishamayi shokAbhirahitA bhavadbhaktA muktAH sukhagatimasaktA vidadhate || 3\-3|| muniprauDhA rUDhA jagati khalu gUDhAtmagatayo bhavatpAdAmbhojasmaraNavirujo nAradamukhAH | charantIsha svairaM satataparinirbhAtaparachit\- sadAnandAdvaitaprasaraparimagnAH kimaparam || 3\-4|| bhavadbhaktiH sphItA bhavatu mama saiva prashamaye\- dasheShakleshaughaM na khalu hR^idi sandehakaNikA | na chedvyAsasyoktistava cha vachanaM naigamavacho bhavenmithyA rathyApuruShavachanaprAyamakhilam || 3\-5|| bhavadbhaktistAvatpramukhamadhurA tvadguNarasAt kimapyArUDhA chedakhilaparitApaprashamanI | punashchAnte svAnte vimalaparibodhodayamila\- nmahAnandAdvaitaM dishati kimataH prArthyamaparam || 3\-6|| vidhUya kleshAnme kuru charaNayugmaM dhR^itarasaM bhavatkShetraprAptau karamapi cha te pUjanavidhau | bhavanmUrtyAloke nayanamatha te pAdatulasI\- parighrANe ghrANaM shravaNamapi te chArucharite || 3\-7|| prabhUtAdhivyAdhiprasabhachalite mAmakahR^idi tvadIyaM tadrUpaM paramasukhachidrUpamudiyAt | uda~nchadromA~ncho galitabahuharShAshrunivaho yathA vismaryAsaM durupashamapIDAparibhavAn || 3\-8|| marudgehAdhIsha tvayi khalu parA~ncho.api sukhino bhavatsnehI so.ahaM subahu paritapye cha kimidam | akIrtiste mA bhUdvarada gadabhAraM prashamayan bhavadbhaktottaMsaM jhaTiti kuru mAM kaMsadamana || 3\-9|| kimuktairbhUyobhistava hi karuNA yAvadudiyA\- dahaM tAvaddeva prahitavividhArtapralapitaH | puraH kL^ipte pAde varada tava neShyAmi divasAn yathAshakti vyaktaM natinutiniShevA virachayan || 3\-10|| iti tR^itIyadashakaM samAptam | \iti \section{chaturthadashakam (4)} \yyy{yogAbhyAsaH tathA yogasiddhiH | ## 4 Yoga And Its Attainment##} kalyatAM mama kuruShva tAvatIM kalyate bhavadupAsanaM yayA | spaShTamaShTavidhayogacharyayA puShTayA.a.ashu tava tuShTimApnuyAm || 4\-1|| brahmacharyadruDhatAdibhiryamairAplavAdiniyamaishcha pAvitAH | kurmahe druDhamamI sukhAsanaM pa~NkajAdyamapi vA bhavatparAH || 4\-2|| tAramantaranuchintya santataM prANavAyumabhiyamya nirmalAH | indriyANi viShayAdathApahR^ityA.a.asmahe bhavadupAsanonmukhAH || 4\-3|| asphuTe vapuShi te prayatnato dhArayema dhiShaNAM muhurmuhuH | tena bhaktirasamantarArdratAmudvahema bhavada~NghrichintakAH || 4\-4|| visphuTAvayavabhedasundaraM tvadvapussuchirashIlanAvashAt | ashramaM manasi chintayAmahe dhyAnayoganiratAstvadAshrayAH || 4\-5|| dhyAyatAM sakalamUrtimIdR^ishImunmiShanmadhuratAhR^itAtmanAm | sAndramodarasarUpamAntaraM brahmarUpamayi te.avabhAsate || 4\-6|| tatsamAsvadanarUpiNIM sthitiM tvatsamAdhimayi vishvanAyaka | AshritAH punarataH parichyutAvArabhemahi cha dhAraNAdikam || 4\-7|| (parichyutau Arabhemahi) itthamabhyasananirbharollasattvatparAtmasukhakalpitotsavAH | muktabhaktakulamaulitAM gatAH sa~ncharema shukanAradAdivat || 4\-8|| tvatsamAdhivijaye tu yaH punarma~NkShu mokSharasikaH krameNa vA | yogavashyamanilaM ShaDAshrayairunnayatyaja suShumnayA shanaiH || 4\-9|| li~Ngadehamapi santyajannatho lIyate tvayi pare nirAgrahaH | UrdhvalokakutukI tu mUrdhatassArdhameva karaNairnirIyate || 4\-10|| agnivAsaravalarkShapakShagairuttarAyaNajuShA cha daivataiH | prApito ravipadaM bhavatparo modavAn dhruvapadAntamIyate || 4\-11|| Asthito.atha maharAlaye yadA sheShavaktradahanoShmaNArdyate | Iyate bhavadupAshrayastadA vedhasaH padamataH puraiva vA || 4\-12|| tatra vA tava pade.athavA vasan prAkR^itapralaya eti muktatAm | svechChayA khalu purA vimuchyate saMvibhidya jagadaNDamojasA || 4\-13|| tasya cha kShitipayomaho.aniladyomahatprakR^itisaptakAvR^itIH | tattadAtmakatayA vishan sukhI yAti te padamanAvR^itaM vibho || 4\-14|| archirAdigatimIdR^ishIM vrajan vichyutiM na bhajate jagatpate | sachchidAtmaka bhavadguNodayAnuchcharantamanilesha pAhi mAm || 4\-15|| iti chaturthadashakaM samAptaM \iti \section{pa~nchamadashakam (5)} \yyy{virAT\-puruShotpattiH | ## 5 Cosmic Evoluion##} vyaktAvyaktamidaM na ki~nchidabhavatprAkprAkR^itaprakShaye mAyAyAM guNasAmyaruddhavikR^itau tvayyAgatAyAM layam | no mR^ityushcha tadAmR^itaM cha samabhUnnAhno na rAtreH sthiti\- statraikastvamashiShyathAH kila parAnandaprakAshAtmanA || 5\-1|| kAlaH karmaguNAshcha jIvanivahA vishvaM cha kAryaM vibho chillIlAratimeyuShi tvayi tadA nirlInatAmAyayuH | teShAM naiva vadantyasatvamayi bhoH shaktyAtmanA tiShThatAM no chet kiM gaganaprasUnasadR^ishAM bhUyo bhavetsambhavaH || 5\-2|| evaM cha dviparArdhakAlavigatAvIkShAM sisR^ikShAtmikAM bibhrANe tvayi chukShubhe tribhuvanIbhAvAya mAyA svayam | mAyAtaH khalu kAlashaktirakhilAdR^iShTaM svabhAvo.api cha prAdurbhUya guNAnvikAsya vidadhustasyAssahAyakriyAm || 5\-3|| mAyAsannihito.apraviShTavapuShA sAkShIti gIto bhavAn bhedaistAM pratibimbato vivishivAn jIvo.api naivAparaH | kAlAdipratibodhitA.atha bhavatA sa~nchoditA cha svayaM mAyA sA khalu buddhitattvamasR^ijadyo.asau mahAnuchyate || 5\-4|| tatrAsau triguNAtmako.api cha mahAn sattvapradhAnaH svayaM jIve.asmin khalu nirvikalpamahamityudbodhaniShpAdakaH | chakre.asmin savikalpabodhakamahantattvaM mahAn khalvasau sampuShTaM triguNaistamo.atibahulaM viShNo bhavatpreraNAt || 5\-5|| so.ahaM cha triguNakramAttrividhatAmAsAdya vaikAriko bhUyastaijasatAmasAviti bhavannAdyena sattvAtmanA | devAnindriyamAnino.akR^ita dishAvAtArkapAshyashvino vahnIndrAchyutamitrakAn vidhuvidhishrIrudrashArIrakAn || 5\-6|| bhUmanmAnasabud.h{}dhyaha~NkR^itimilachchittAkhyavR^ityanvitaM tachchAntaHkaraNaM vibho tava balAtsattvAMsha evAsR^ijat | jAtastaijasato dashendriyagaNastattAmasAMshAtpuna\- stanmAtraM nabhaso marutpurapate shabdo.ajani tvadbalAt || 5\-7|| shabdAdvyoma tataH sasarjitha vibho sparshaM tato mArutaM tasmAdrUpamato maho.atha cha rasaM toyaM cha gandhaM mahIm | evaM mAdhava pUrvapUrvakalanAdAdyAdyadharmAnvitaM bhUtagrAmamimaM tvameva bhagavan prAkAshayastAmasAt || 5\-8|| ete bhUtagaNAstathendriyagaNA devAshcha jAtA pR^itha~N\- no shekurbhuvanANDanirmitividhau devairamIbhistadA | tvaM nAnAvidhasUktibhirnutaguNastattvAnyamUnyAvishaM\- shcheShTAshaktimudIrya tAni ghaTayan hairaNyamaNDaM vyadhAH || 5\-9|| aNDaM tatkhalu pUrvasR^iShTasalile.atiShThatsahasraM samAH nirbhindannakR^ithAshchaturdashajagadrUpaM virADAhvayam | sAhasraiH karapAdamUrdhanivahairnishsheShajIvAtmako nirbhAto.asi marutpurAdhipa sa mAM trAyasva sarvAmayAt || 5\-10|| iti pa~nchamadashakaM samAptam | \iti \section{ShaShThadashakam (6)} \yyy{virAT\-svarUpavarNanam | ## 6 The Cosmos as the Form of the Lord##} evaM chaturdashajaganmayatAM gatasya pAtAlamIsha tava pAdatalaM vadanti | pAdordhvadeshamapi deva rasAtalaM te gulphadvayaM khalu mahAtalamadbhutAtman || 6\-1|| ja~Nghe talAtalamatho sutalaM cha jAnU ki~nchorubhAgayugalaM vitalAtale dve | kShoNItalaM jaghanamambarama~Nga nAbhirvakShashcha shakranilayastava chakrapANe || 6\-2|| grIvA mahastava mukhaM cha janastapastu bhAlaM shirastava samastamayasya satyam | evaM jaganmayatano jagadAshritairapyanyairnibaddhavapuShe bhagavannamaste || 6\-3|| tvadbrahmarandhrapadamIshvara vishvakanda ChandAMsi keshava ghanAstava keshapAshAH | ullAsichilliyugalaM druhiNasya gehaM pakShmANi rAtridivasau savitA cha netre || 6\-4|| nishsheShavishvarachanA cha kaTAkShamokShaH karNau disho.ashviyugalaM tava nAsike dve | lobhatrape cha bhagavannadharottaroShThau tArAgaNashcha dashanAH shamanashcha daMShTrA || 6\-5|| mAyA vilAsahasitaM shvasitaM samIro jihvA jalaM vachanamIsha shakuntapa~NktiH | siddhAdayassvaragaNA mukharandhramagnirdevA bhujAH stanayugaM tava dharmadevaH || 6\-6|| pR^iShThaM tvadharma iha deva manassudhAMshuravyaktameva hR^idayAmbujamambujAkSha | kukShissamudranivahA vasanaM tu sandhye shephaH prajApatirasau vR^iShaNau cha mitraH || 6\-7|| shroNIsthalaM mR^igagaNAH padayornakhAste hastyuShTrasaindhavamukhA gamanaM tu kAlaH | viprAdivarNabhavanaM vadanAbjabAhuchArUruyugmacharaNaM karuNAmbudhe te || 6\-8|| saMsArachakramayi chakradhara kriyAste vIryaM mahAsuragaNo.asthikulAni shailAH | nADyassaritsamudayastaravashcha roma jIyAdidaM vapuranirvachanIyamIsha || 6\-9|| IdR^igjaganmayavapustava karmabhAjAM karmAvasAnasamaye smaraNIyamAhuH | tasyAntarAtmavapuShe vimalAtmane te vAtAlayAdhipa namo.astu nirundhi rogAn || 6\-10|| iti ShaShThadashakaM samAptam || \iti \section{saptamadashakam (7)} \yyy{brahmaNaH janma, tapaH tathA vaikuNThadarshanam || ## 7 Bahma's Origin, Penance And Vision of Vaikuntha##} evaM deva chaturdashAtmakajagadrUpeNa jAtaH puna\- stasyordhvaM khalu satyalokanilaye jAto.asi dhAtA svayam | yaM shaMsanti hiraNyagarbhamakhilatrailokyajIvAtmakaM yo.abhUt sphItarajovikAravikasannAnAsisR^ikShArasaH || 7\-1|| so.ayaM vishvavisargadattahR^idayassampashyamAnassvayaM bodhaM khalvanavApya vishvaviShayaM chintAkulastasthivAn | tAvattvaM jagatAmpate tapatapetyevaM hi vaihAyasIM vANImenamashishravaH shrutisukhAM kurvaMstapaHpreraNAm || 7\-2|| ko.asau mAmavadatpumAniti jalApUrNe jaganmaNDale dikShUdvIkShya kimapyanIkShitavatA vAkyArthamutpashyatA | divyaM varShasahasramAttatapasA tena tvamArAdhita\- stasmai darshitavAnasi svanilayaM vaikuNThamekAdbhutam || 7\-3|| mAyA yatra kadApi no vikurute bhAte jagadbhyo bahi\- shshokakrodhavimohasAdhvasamukhA bhAvAstu dUraM gatAH | sAndrAnandajharI cha yatra paramajyotiHprakAshAtmake tatte dhAma vibhAvitaM vijayate vaikuNTharUpaM vibho || 7\-4|| yasminnAma chaturbhujA harimaNishyAmAvadAtatviSho nAnAbhUShaNaratnadIpitadisho rAjadvimAnAlayAH | bhaktiprAptatathAvidhonnatapadA dIvyanti divyA janA\- statte dhAma nirastasarvashamalaM vaikuNTharUpaM jayet || 7\-5|| nAnAdivyavadhUjanairabhivR^itA vidyullatAtulyayA vishvonmAdanahR^idyagAtralatayA vidyotitAshAntarA | tvatpAdAmbujasaurabhaikakutukAllakShmIH svayaM lakShyate yasmin vismayanIyadivyavibhavaM tatte padaM dehi me || 7\-6|| tatraivaM pratidarshite nijapade ratnAsanAdhyAsitaM bhAsvatkoTilasatkirITakaTakAdyAkalpadIprAkR^iti | shrIvatsA~NkitamAttakaustubhamaNichChAyAruNaM kAraNaM vishveShAM tava rUpamaikShata vidhistatte vibho bhAtu me || 7\-7|| kAlAmbhodakalAyakomalaruchIchakreNa chakraM dishA\- mAvR^iNvAnamudAramandahasitasyandaprasannAnanam | rAjatkambugadAripa~NkajadharashrImadbhujAmaNDalaM sraShTustuShTikaraM vapustava vibho madrogamudvAsayet || 7\-8|| dR^iShTvA sambhR^itasambhramaH kamalabhUstvatpAdapAthoruhe harShAveshavashaMvado nipatitaH prItyA kR^itArthIbhavan | jAnAsyeva manIShitaM mama vibho j~nAnaM tadApAdaya dvaitAdvaitabhavatsvarUpaparamityAchaShTa taM tvAM bhaje || 7\-9|| AtAmre charaNe vinamramatha taM hastena haste spR^ishan bodhaste bhavitA na sargavidhibhirbandho.api sa~njAyate | ityAbhAShya giraM pratoShya nitarAM tachchittagUDhaH svayaM sR^iShTau taM samudairayassa bhagavannullAsayollAghatAm || 7\-10|| iti saptamadashakaM samAptam | \iti \section{aShTamadashakam (8)} \yyy{pralayavarNanam | ## 8 Description of Pralaya##} evaM tAvatprAkR^itaprakShayAnte brAhme kalpe hyAdime labdhajanmA | brahmA bhUyastvatta evApya vedAn sR^iShTiM chakre pUrvakalpopamAnAm || 8\-1|| so.ayaM chaturyugasahasramitAnyahAni tAvanmitAshcha rajanIrbahusho ninAya | nidrAtyasau tvayi nilIya samaM svasR^iShTairnaimittikapralayamAhurato.asya rAtrim || 8\-2|| asmAdR^ishAM punaraharmukhakR^ityatulyAM sR^iShTiM karotyanudinaM sa bhavatprasAdAt | prAgbrAhmakalpajanuShAM cha parAyuShAM tu suptaprabodhanasamA.asti tadA.api sR^iShTiH || 8\-3|| pa~nchAshadabdamadhunA svavayo.ardharUpamekaM parArdhamativR^itya hi vartate.asau | tatrAntyarAtrijanitAnkathayAmi bhUman pashchAddinAvataraNe cha bhavadvilAsAn || 8\-4|| dinAvasAne.atha sarojayoniH suShuptikAmastvayi sannililye | jaganti cha tvajjaTharaM samIyustadedamekArNavamAsa vishvam || 8\-5|| tavaiva veShe phaNirAji sheShe jalaikasheShe bhuvane sma sheShe | AnandasAndrAnubhavasvarUpaH svayoganidrAparimudritAtmA || 8\-6|| kAlAkhyashaktiM pralayAvasAne prabodhayetyAdishatA kilAdau | tvayA prasuptaM parisuptashaktivrajena tatrAkhilajIvadhAmnA || 8\-7|| chaturyugANAM cha sahasramevaM tvayi prasupte punaradvitIye | kAlAkhyashaktiH prathamaprabuddhA prAbodhayattvAM kila vishvanAtha || 8\-8|| vibudhya cha tvaM jalagarbhashAyin vilokya lokAnakhilAnpralInAn | teShveva sUkShmAtmatayA nijAntaHsthiteShu vishveShu dadAtha dR^iShTim || 8\-9|| tatastvadIyAdayi nAbhirandhrAduda~nchitaM ki~nchana divyapadmam | nilInanishsheShapadArthamAlAsa~NkSheparUpaM mukulAyamAnam || 8\-10|| tadetadambhoruhakuDmalaM te kalevarAttoyapathe prarUDham | bahirnirItaM paritaH sphuradbhiH svadhAmabhirdhvAntamalaM nyakR^intat || 8\-11|| samphullapatre nitarAM vichitre tasminbhavadvIryadhR^ite saroje | sa padmajanmA vidhirAvirAsIt svayamprabuddhAkhilavedarAshiH || 8\-12|| asminparAtman nanu pAdmakalpe tvamitthamutthApitapadmayoniH | anantabhUmA mama rogarAshiM nirundhi vAtAlayavAsa viShNo || 8\-13|| iti aShTamadashakaM samAptam || \iti \section{navamadashakam (9)} \yyy{brahmaNaH tapaH tathA lokasR^iShTiH | ## 9 Description of Creation##} sthitaH sa kamalodbhavastava hi nAbhipa~Nkeruhe kutaH svididamambudhAvuditamityanAlokayan | tadIkShaNakutUhalAtpratidishaM vivR^ittAnana\- shchaturvadanatAmagAdvikasadaShTadR^iShTyambujAm || 9\-1|| mahArNavavighUrNitaM kamalameva tatkevalaM vilokya tadupAshrayaM tava tanuM tu nAlokayan | ka eSha kamalodare mahati nissahAyo hyahaM kutaH svididamambujaM samajanIti chintAmagAt || 9\-2|| amuShya hi saroruhaH kimapi kAraNaM sambhave\- diti sma kR^itanishchayaH sa khalu nAlarandhrAdhvanA | svayogabalavidyayA samavarUDhavAnprauDhadhIH tvadIyamatimohanaM na tu kalevaraM dR^iShTavAn || 9\-3|| tatassakalanAlikAvivaramArgago mArgayan prayasya shatavatsaraM kimapi naiva sandR^iShTavAn | nivR^itya kamalodare sukhaniShaNNa ekAgradhIH samAdhibalamAdadhe bhavadanugrahaikAgrahI || 9\-4|| shatena parivatsarairdR^iDhasamAdhibandhollasat\- prabodhavishadIkR^itaH sa khalu padminIsambhavaH | adR^iShTacharamadbhutaM tava hi rUpamantardR^ishA vyachaShTa parituShTadhIrbhujagabhogabhAgAshrayam || 9\-5|| kirITamukuTollasatkaTakahArakeyUrayu~N\- maNisphuritamekhalaM suparivItapItAmbaram | kalAyakusumaprabhaM galatalollasatkaustubhaM vapustadayi bhAvaye kamalajanmane darshitam || 9\-6|| shrutiprakaradarshitaprachuravaibhava shrIpate hare jaya jaya prabho padamupaiShi diShTyA dR^ishoH | kuruShva dhiyamAshu me bhuvananirmitau karmaThA\- miti druhiNavarNitasvaguNabaMhimA pAhi mAm || 9\-7|| labhasva bhuvanatrayIrachanadakShatAmakShatAM gR^ihANa madanugrahaM kuru tapashcha bhUyo vidhe | bhavatvakhilasAdhanI mayi cha bhaktiratyutkaTe\- tyudIrya giramAdadhA muditachetasaM vedhasam || 9\-8|| shataM kR^itatapAstataH sa khalu divyasaMvatsarA\- navApya cha tapobalaM matibalaM cha pUrvAdhikam | udIkShya kila kampitaM payasi pa~NkajaM vAyunA bhavadbalavijR^imbhitaH pavanapAthasI pItavAn || 9\-9|| tavaiva kR^ipayA punaH sarasijena tenaiva saH prakalpya bhuvanatrayIM pravavR^ite prajAnirmitau | tathAvidhakR^ipAbharo gurumarutpurAdhIshvara tvamAshu paripAhi mAM gurudayokShitairIkShitaiH || 9\-10|| iti navamadashakaM samAptam || \iti \section{dashamadashakam (10)} \yyy{sR^iShTivaividhyam | ## 10 The Variety of Creation##} vaikuNTha vardhitabalo.atha bhavatprasAdA\- dambhojayonirasR^ijatkila jIvadehAn | sthAsnUni bhUruhamayAni tathA tirashchAM jAtIrmanuShyanivahAnapi devabhedAn || 10\-1|| mithyAgrahAsmimatirAgavikopabhIti\- raj~nAnavR^ittimiti pa~nchavidhAM sa sR^iShTvA | uddAmatAmasapadArthavidhAnadUna\- stene tvadIyacharaNasmaraNaM vishud.h{}dhyai || 10\-2|| tAvatsasarja manasA sanakaM sanandaM bhUyassanAtanamuniM cha sanatkumAram | te sR^iShTikarmaNi tu tena niyujyamAnA\- stvatpAdabhaktirasikA jagR^ihurna vANIm || 10\-3|| tAvatprakopamuditaM pratirundhato.asya bhrUmadhyato.ajani mR^iDo bhavadekadeshaH | nAmAni me kuru padAni cha hA viri~nche\- tyAdau ruroda kila tena sa rudranAmA || 10\-4|| ekAdashAhvayatayA cha vibhinnarUpaM rudraM vidhAya dayitA vanitAshcha dattvA | tAvantyadatta cha padAni bhavatpraNunnaH prAha prajAvirachanAya cha sAdaraM tam || 10\-5|| rudrAbhisR^iShTabhayadAkR^itirudrasa~Ngha\- sampUryamANAbhuvanatrayabhItachetAH | mA mA prajAH sR^ija tapashchara ma~NgalAye\- tyAchaShTa taM kamalabhUrbhavadIritAtmA || 10\-6|| tasyAtha sargarasikasya marIchiratri\- statrA~NgirAH kratumuniH pulahaH pulastyaH | a~NgAdajAyata bhR^igushcha vasiShThadakShau shrInAradashcha bhagavan bhavada~NghridAsaH || 10\-7|| dharmAdikAnabhisR^ijannatha kardamaM cha vANIM vidhAya vidhira~Ngajasa~Nkulo.abhUt | tvadbodhitaiH sanakadakShamukhaistanUjai\- rudbodhitashcha virarAma tamo vimu~nchan || 10\-8|| vedAnpurANanivahAnapi sarvavidyAH kurvannijAnanagaNAchchaturAnano.asau | putreShu teShu vinidhAya sa sargavR^iddhi\- maprApnuvaMstava padAmbujamAshrito.abhUt || 10\-9|| jAnannupAyamatha dehamajo vibhajya strIpuMsabhAvamabhajanmanutadvadhUbhyAm | tAbhyAM cha mAnuShakulAni vivardhayaMstvaM govinda mArutapuresha nirundhi rogAn || 10\-10|| iti dashamadashakaM samAptam || \iti \section{ekAdashadashakam (11)} \yyy{sanakAdInAM vaikuNThadarshanam | hiraNyAkShasya tathA hiraNyakashipoH jananam | ## 11 - Entry of Sanaka And Others Into Vaikuntha and Birth of Hiranyaksha And Hiranyakashipu##} krameNa sarge parivardhamAne kadApi divyAH sanakAdayaste | bhavadvilokAya vikuNThalokaM prapedire mArutamandiresha || 11\-1|| manoj~nanaishreyasakAnanAdyairanekavApImaNimandiraishcha | anopamaM taM bhavato niketaM munIshvarAH prApuratItakakShyAH || 11\-2|| bhavaddidR^ikShUnbhavanaM vivikShUndvAHsthau jayastAn vijayo.apyarundhAm | teShAM cha chitte padamApa kopaH sarvaM bhavatpreraNayaiva bhUman || 11\-3|| vaikuNThalokAnuchitapracheShTau kaShTau yuvAM daityagatiM bhajetam | iti prashaptau bhavadAshrayau tau harismR^itirno.astviti nematustAn || 11\-4|| tadetadAj~nAya bhavAnavAptaH sahaiva lakShmyA bahirambujAkSha | khageshvarAMsArpitachArubAhurAnandayaMstAnabhirAmamUrtyA || 11\-5|| prasAdya gIrbhiH stuvato munIndrAnananyanAthAvatha pArShadau tau saMrambhayogena bhavaistribhirmAmupetamityAttakR^ipaM nyagAdIH || 11\-6|| tvadIyabhR^ityAvatha kAshyapAttau surArivIrAvuditau ditau dvau | sandhyAsamutpAdanakaShTacheShTau yamau cha lokasya yamAvivAnyau || 11\-7|| hiraNyapUrvaH kashipuH kilaikaH paro hiraNyAkSha iti pratItaH | ubhau bhavannAthamasheShalokaM ruShA nyarundhAM nijavAsanAndhau || 11\-8|| tayorhiraNyAkShamahAsurendro raNAya dhAvannanavAptavairI | bhavatpriyAM kShmAM salile nimajya chachAra garvAdvinadan gadAvAn || 11\-9|| tato jaleshAtsadR^ishaM bhavantaM nishamya babhrAma gaveShayaMstvAm | bhaktaikadR^ishyaH sa kR^ipAnidhe tvaM nirundhi rogAn marudAlayesha || 11\-10|| iti ekAdashadashakaM samAptam || \iti \section{dvAdashadashakam (12)} \yyy{varAhAvatAram | ## 12 - The Boar Incarnation ##} svAyambhuvo manuratho janasargashIlo dR^iShTvA mahImasamaye salile nimagnAm | sraShTAramApa sharaNaM bhavada~NghrisevAtuShTAshayaM munijanaiH saha satyaloke || 12\-1|| kaShTaM prajAH sR^ijati mayyavanirnimagnA sthAnaM sarojabhava kalpaya tatprajAnAm | ityevameSha kathito manunA svayambhUrambhoruhAkSha tava pAdayugaM vyachintIt || 12\-2|| hA hA vibho jalamahaM nyapibaM purastAdadyApi majjati mahI kimahaM karomi | itthaM tvada~NghriyugalaM sharaNaM yato.asya nAsApuTAtsamabhavaH shishukolarUpI || 12\-3|| a~NguShThamAtravapurutpatitaH purastAdbhUyo.atha kumbhisadR^ishaH samajR^imbhathAstvam | abhre tathAvidhamudIkShya bhavantamuchchairvismeratAM vidhiragAtsaha sUnubhiH svaiH || 12\-4|| ko.asAvachintyamahimA kiTirutthito me nAsApuTAtkimu bhavedajitasya mAyA | itthaM vichintayati dhAtari shailamAtraH sadyo bhavankila jagarjjitha ghoraghoram || 12\-5|| taM te ninAdamupakarNya janastapaHsthAH satyasthitAshcha munayo nunuvurbhavantam | tatstotraharShulamanAH pariNadya bhUyastoyAshayaM vipulamUrtiravAtarastvam || 12\-6|| UrdhvaprasAriparidhUmravidhUtaromA protkShiptavAladhiravA~NmukhaghoraghoNaH | tUrNapradIrNajaladaH parighUrNadakShNA stotR^InmunIn shishirayannavateritha tvam || 12\-7|| antarjalaM tadanu sa~NkulanakrachakraM bhrAmyattimi~NgilakulaM kaluShormimAlam | Avishya bhIShaNaraveNa rasAtalasthAnAkampayanvasumatImagaveShayastvam || 12\-8|| dR^iShTvA.atha daityahatakena rasAtalAnte saMveshitAM jhaTiti kUTakiTirvibho tvam | ApAtukAnavigaNayya surArikheTAn daMShTrA~NkureNa vasudhAmadadhAH salIlam || 12\-9|| abhyuddharannatha dharAM dashanAgralagnamustA~NkurA~Nkita ivAdhikapIvarAtmA | uddhUtaghorasalilAjjaladheruda~nchan krIDAvarAhavapurIshvara pAhi rogAt || 12\-10|| iti dvAdashadashakaM samAptam || \iti \section{trayodashadashakam (13)} \yyy{hiraNyAkShavadham | ## 13 - The Slaying of HiranyakSha##} hiraNyAkShaM tAvadvarada bhavadanveShaNaparaM charantaM sAMvarte payasi nijaja~NghAparimite | bhavadbhakto gatvA kapaTapaTudhIrnAradamuniH shanairUche nandan danujamapi nindaMstava balam || 13\-1|| sa mAyAvI viShNurharati bhavadIyAM vasumatIM prabho kaShTaM kaShTaM kimidamiti tenAbhigaditaH | nadan kvAsau kvAsAviti sa muninA darshitapatho bhavantaM samprApaddharaNidharamudyantamudakAt || 13\-2|| aho AraNyo.ayaM mR^iga iti hasantaM bahutarai\- rduruktairvidhyantaM ditisutamavaj~nAya bhagavan | mahIM dR^iShTvA daMShTrAshirasi chakitAM svena mahasA payodhAvAdhAya prasabhamudayu~NkthA mR^idhavidhau || 13\-3|| gadApANau daitye tvamapi hi gR^ihItonnatagado niyuddhena krIDanghaTaghaTaravodghuShTaviyatA | raNAlokautsukyAnmilati surasa~Nghe drutamamuM nirundhyAH sandhyAtaH prathamamiti dhAtrA jagadiShe || 13\-4|| gadonmarde tasmiMstava khalu gadAyAM ditibhuvo gadAghAtAdbhUmau jhaTiti patitAyAmahaha ! bhoH ! | mR^idusmerAsyastvaM danujakulanirmUlanachaNaM mahAchakraM smR^itvA karabhuvi dadhAno ruruchiShe || 13\-5|| tataH shUlaM kAlapratimaruShi daitye visR^ijati tvayi ChindatyenatkarakalitachakrapraharaNAt | samAruShTo muShTyA sa khalu vitudaMstvAM samatanot galanmAye mAyAstvayi kila jaganmohanakarIH || 13\-6|| bhavachchakrajyotiShkaNalavanipAtena vidhute tato mAyAchakre vitataghanaroShAndhamanasam | gariShThAbhirmuShTiprahR^itibhirabhighnantamasuraM svapAdA~NguShThena shravaNapadamUle niravadhIH || 13\-7|| mahAkAyasso.ayaM tava karasarojapramathito galadrakto vaktrAdapatadR^iShibhiH shlAghitahatiH | tadA tvAmuddAmapramadabharavidyotihR^idayA munIndrAssAndrAbhiH stutibhiranuvannadhvaratanum || 13\-8|| tvachi chChando romasvapi kushagaNashchakShuShi ghR^itaM chaturhotAro.a~Nghrau srugapi vadane chodara iDA | grahA jihvAyAM te parapuruSha karNe cha chamasA vibho somo vIryaM varada galadeshe.apyupasadaH || 13\-9|| munIndrairityAdistavanamukharairmoditamanA mahIyasyA mUrtyA vimalatarakIrtyA cha vilasan | svadhiShNyaM samprAptaH sukharasavihArI madhuripo nirundhyA rogaM me sakalamapi vAtAlayapate || 13\-10|| iti trayodashadashakaM samAptam || \iti \section{chaturdashadashakam (14)} \yyy{kapilAvatAram | ## 14 - The Kapila Incarnation ##} samanusmR^itatAvakA~NghriyugmaH sa manuH pa~NkajasambhavA~NgajanmA | nijamantaramantarAyahInaM charitaM te kathayansukhaM ninAya || 14\-1|| samaye khalu tatra kardamAkhyo druhiNachChAyabhavastadIyavAchA | dhR^itasargaraso nisargaramyaM bhagavaMstvAmayutaM samAH siSheve || 14\-2|| garuDopari kAlameghakamraM vilasatkelisarojapANipadmam | hasitollasitAnanaM vibho tvaM vapurAviShkuruShe sma kardamAya || 14\-3|| stuvate pulakAvR^itAya tasmai manuputrIM dayitAM navApi putrIH | kapilaM cha sutaM svameva pashchAtsvagatiM chApyanugR^ihya nirgato.abhUH || 14\-4|| sa manushshatarUpayA mahiShyA guNavatyA sutayA cha devahUtyA | bhavadIritanAradopadiShTassamagAtkardamamAgatipratIkSham || 14\-5|| manunopahR^itAM cha devahUtiM taruNIratnamavApya kardamo.asau | bhavadarchananirvR^ito.api tasyAM dR^iDhashushrUShaNayA dadhau prasAdam || 14\-6|| sa punastvadupAsanaprabhAvAddayitAkAmakR^ite kR^ite vimAne | vanitAkulasa~Nkulo navAtmA vyaharaddevapatheShu devahUtyA || 14\-7|| shatavarShamatha vyatItya so.ayaM nava kanyAH samavApya dhanyarUpAH | vanayAnasamudyato.api kAntAhitakR^ittvajjananotsuko nyavAtsIt || 14\-8|| nijabhartR^igirA bhavanniShevA niratAyAmatha deva devahUtyAm | kapilastvamajAyathA janAnAM prathayiShyanparamAtmatattvavidyAm || 14\-9|| vanameyuShi kardame prasanne matasarvasvamupAdisha~njananyai | kapilAtmaka vAyumandiresha tvaritaM tvaM paripAhi mAM gadaughAt || 14\-10|| iti chaturdashadashakaM samAptam || \iti \section{pa~nchadashadashakam (15)} \yyy{kapilopadesham | ## 15 - The Teachings of Kapila##} matiriha guNasaktA bandhakR^itteShvasaktA tvamR^itakR^iduparundhe bhaktiyogastu saktim | mahadanugamalabhyA bhaktirevAtra sAdhyA kapilatanuriti tvaM devahUtyai nyagAdIH || 15\-1|| prakR^itimahadaha~NkArAshcha mAtrAshcha bhUtA\- nyapi hR^idapi dashAkShI pUruShaH pa~nchaviMshaH | iti viditavibhAgo muchyate.asau prakR^ityA kapilatanuriti tvaM devahUtyai nyagAdIH || 15\-2|| prakR^itigataguNaughairnAjyate pUruSho.ayaM yadi tu sajati tasyAM tadguNAstaM bhajeran | madanubhajanatattvAlochanaiH sApyapeyAt kapilatanuriti tvaM devahUtyai nyagAdIH || 15\-3|| vimalamatirupAttairAsanAdyairmada~NgaM garuDasamadhirUDhaM divyabhUShAyudhA~Nkam | ruchitulitatamAlaM shIlayetAnuvelaM kapilatanuriti tvaM devahUtyai nyagAdIH || 15\-4|| mama guNagaNalIlAkarNanaiH kIrtanAdyaiH mayi surasaridoghaprakhyachittAnuvR^ittiH | bhavati paramabhaktiH sA hi mR^ityorvijetrI kapilatanuriti tvaM devahUtyai nyagAdIH || 15\-5|| ahaha bahulahiMsAsa~nchitArthaiH kuTumbaM pratidinamanupuShNan strIjito bAlalAlI | vishati hi gR^ihasakto yAtanAM mayyabhaktaH kapilatanuriti tvaM devahUtyai nyagAdIH || 15\-6|| yuvatijaTharakhinno jAtabodho.apyakANDe prasavagalitabodhaH pIDayolla~Nghya bAlyam | punarapi bata muhyatyeva tAruNyakAle kapilatanuriti tvaM devahUtyai nyagAdIH || 15\-7|| pitR^isuragaNayAjI dhArmiko yo gR^ihasthaH sa cha nipatati kAle dakShiNAdhvopagAmI | mayi nihitamakAmaM karma tUdakpathArthaM kapilatanuriti tvaM devahUtyai nyagAdIH || 15\-8|| iti suviditavedyAM deva he devahUtiM kR^itanutimanugR^ihya tvaM gato yogisa~NghaiH | vimalamatirathA.asau bhaktiyogena muktA tvamapi janahitArthaM vartase prAgudIchyAm || 15\-9|| parama kimu bahUktyA tvatpadAmbhojabhaktiM sakalabhayavinetrIM sarvakAmopanetrIm | vadasi khalu dR^iDhaM tvaM tadvidhUyAmayAnme gurupavanapuresha tvayyupAdhatsva bhaktim || 15\-10|| iti pa~nchadashadashakaM samAptam || \iti \section{ShoDashadashakam (16)} \yyy{naranArAyaNAvatAraM tathA dakShayAgaH | ## 16 - Nara Narayana And DakShayaga##} dakSho viri~nchatanayo.atha manostanUjAM labdhvA prasUtimiha ShoDasha chApa kanyAH | dharme trayodasha dadau pitR^iShu svadhAM cha svAhAM havirbhuji satIM girishe tvadaMshe || 16\-1|| mUrtirhi dharmagR^ihiNI suShuve bhavantaM nArAyaNaM narasakhaM mahitAnubhAvam | yajjanmani pramuditAH kR^itatUryaghoShAH puShpotkarAnpravavR^iShurnunuvuH suraughAH || 16\-2|| daityaM sahasrakavachaM kavachaiH parItaM sAhasravatsaratapassamarAbhilavyaiH | paryAyanirmitatapassamarau bhavantau shiShTaikaka~NkaTamamuM nyahatAM salIlam || 16\-3|| anvAcharannupadishannapi mokShadharmaM tvaM bhrAtR^imAn badarikAshramamadhyavAtsIH | shakro.atha te shamatapobalanissahAtmA divyA~NganAparivR^itaM prajighAya mAram || 16\-4|| kAmo vasantamalayAnilabandhushAlI kAntAkaTAkShavishikhairvikasadvilAsaiH | vidhyanmuhurmuhurakampamudIkShya cha tvAM bhItastvAyAtha jagade mR^iduhAsabhAjA || 16\-5|| bhItyAlama~NgajavasantasurA~NganA vo manmAnasantviha juShadhvamiti bruvANaH | tvaM vismayena paritaH stuvatAmathaiShAM prAdarshayaH svaparichArakakAtarAkShIH || 16\-6|| sammohanAya militA madanAdayaste tvaddAsikAparimalaiH kila mohamApuH | dattAM tvayA cha jagR^ihustrapayaiva sarvasvarvAsigarvashamanIM punarurvashIM tAm || 16\-7|| dR^iShTvorvashIM tava kathAM cha nishamya shakraH paryAkulo.ajani bhavanmahimAvamarshAt | evaM prashAntaramaNIyatarAvatAtarAttvatto.adhiko varada kR^iShNatanustvameva || 16\-8|| dakShastu dhAturatilAlanayA rajo.andho nAtyAdR^itastvayi cha kaShTamashAntirAsIt | yena vyarundha sa bhavattanumeva sharvaM yaj~ne cha vairapishune svasutAM vyamAnIt || 16\-9|| kruddhe shamarditamakhaH sa tu kR^ittashIrSho devaprasAditaharAdatha labdhajIvaH | tvatpUritakratuvaraH punarApa shAntiM sa tvaM prashAntikara pAhi marutpuresha || 16\-10|| iti ShoDashadashakaM samAptam || \iti \section{saptadashadashakam (17)} \yyy{dhruvacharitam | ## 17 - The Story of Dhruva##} uttAnapAdanR^ipatermanunandanasya jAyA babhUva suruchirnitarAmabhIShTA | anyA sunItiriti bharturanAdR^itA sA tvAmeva nityamagatiH sharaNaM gatA.abhUt || 17\-1|| a~Nke pituH suruchiputrakamuttamaM taM dR^iShTvA dhruvaH kila sunItisuto.adhirokShyan | AchikShipe kila shishuH sutarAM suruchyA dussantyajA khalu bhavadvimukhairasUyA || 17\-2|| tvanmohite pitari pashyati dAravashye dUraM duruktinihataH sa gato nijAmbAm | sA.api svakarmagatisantaraNAya puMsAM tvatpAdameva sharaNaM shishave shashaMsa || 17\-3|| AkarNya so.api bhavadarchananishchitAtmA mAnI niretya nagarAtkila pa~nchavarShaH | sandR^iShTanAradaniveditamantramArgastvAmArarAdha tapasA madhukAnanAnte || 17\-4|| tAte viShaNNahR^idaye nagarIM gatena shrInAradena parisAntvitachittavR^ittau | bAlastvadarpitamanAH kramavardhitena ninye kaThoratapasA kila pa~ncha mAsAn || 17\-5|| tAvattapobalaniruchChvasite digante devArthitastvamudayatkaruNArdrachetAH | tvadrUpachidrasanilInamateH purastAdAvirbabhUvitha vibho garuDAdhirUDhaH || 17\-6|| tvaddarshanapramadabhAratara~NgitaM taM dR^igbhyAM nimagnamiva rUparasAyane te | tuShTUShamANamavagamya kapoladeshe saMspR^iShTavAnasi dareNa tathA.a.adareNa || 17\-7|| tAvadvibodhavimalaM praNuvantamenamAbhAShathAstvamavagamya tadIyabhAvam | rAjyaM chiraM samanubhUya bhajasva bhUyaH sarvottaraM dhruva padaM vinivR^ittihInam || 17\-8|| ityUchiShi tvayi gate nR^ipanandano.asAvAnanditAkhilajano nagarImupetaH | reme chiraM bhavadanugrahapUrNakAmastAte gate cha vanamAdR^itarAjyabhAraH || 17\-9|| yakSheNa deva nihate punaruttame.asmin yakShaiH sa yuddhanirato virato manUktyA | shAntyA prasannahR^idayAddhanadAdupetAt tvadbhaktimeva sudR^iDhAmavR^iNonmahAtmA || 17\-10|| ante bhavatpuruShanItavimAnayAto mAtrA samaM dhruvapade mudito.ayamAste | evaM svabhR^ityajanapAlanaloladhIstvaM vAtAlayAdhipa nirundhi mamAmayaughAn || 17\-11|| iti saptadashadashakaM samAptam || \iti \section{aShTAdashadashakam (18)} \yyy{pR^ithucharitam | ## 18 - The Story of Prithu##} jAtasya dhruvakula eva tu~NgakIrtera~Ngasya vyajani sutaH sa venanAmA | taddoShavyathitamatiH sa rAjavaryastvatpAde nihitamanA vanaM gato.abhUt || 18\-1|| pApo.api kShititalapAlanAya venaH paurAdyairupanihitaH kaThoravIryaH | sarvebhyo nijabalameva samprashaMsan bhUchakre tava yajanAnyayaM nyarautsIt || 18\-2|| samprApte hitakathanAya tApasaughe matto.anyo bhuvanapatirna kashchaneti | tvannindAvachanaparo munIshvaraistaiH shApAgnau shalabhadashAmanAyi venaH || 18\-3|| tannAshAtkhalajanabhIrukairmunIndraistanmAtrA chiraparirakShite tada~Nge | tyaktAghe parimathitAdathorudaNDAddordaNDe parimathite tvamAvirAsIH || 18\-4|| vikhyAtaH pR^ithuriti tApasopadiShTaiH sUtAdyaiH pariNutabhAvibhUrivIryaH | venArtyA kabalitasampadaM dharitrImAkrAntAM nijadhanuShA samAmakArShIH || 18\-5|| bhUyastAM nijakulamukhyavatsayuktairdevAdyaiH samuchitachArubhAjaneShu | annAdInyabhilaShitAni yAni tAni svachChandaM surabhitanUmadUduhastvam || 18\-6|| AtmAnaM yajati makhaistvayi tridhAmannArabdhe shatatamavAjimedhayAge | spardhAluH shatamakha etya nIchaveSho hR^itvA.ashvaM tava tanayAt parAjito.abhUt || 18\-7|| devendraM muhuriti vAjinaM harantaM vahnau taM munivaramaNDale juhUShau | rundhAne kamalabhave kratoH samAptau sAkShAttvaM madhuripumaikShathAH svayaM svam || 18\-8|| taddattaM varamupalabhya bhaktimekAM ga~NgAnte vihitapadaH kadApi deva | satrasthaM muninivahaM hitAni shaMsannaikShiShThAH sanakamukhAn munIn purastAt || 18\-9|| vij~nAnaM sanakamukhoditaM dadhAnaH svAtmAnaM svayamagamo vanAntasevI | tattAdR^ikpR^ithuvapurIsha satvaraM me rogaughaM prashamaya vAtagehavAsin || 18\-10|| iti aShTAdashadashakaM samAptam || \iti \section{ekonaviMshadashakam (19)} \yyy{prachetR^INAM charitam | ## 19 -The Story of Pracetas##} pR^ithostu naptA pR^ithudharmakarmaThaH prAchInabarhiryuvatau shatadrutau | prachetaso nAma suchetasaH sutAnajIjanattvatkaruNA~NkurAniva || 19\-1|| pituH sisR^ikShAniratasya shAsanAdbhavattapasyAbhiratA dashApi te | payonidhiM pashchimametya tattaTe sarovaraM sandadR^ishurmanoharam || 19\-2|| tadA bhavattIrthamidaM samAgato bhavo bhavatsevakadarshanAdR^itaH | prakAshamAsAdya puraH prachetasAmupAdishadbhaktatamastavastavam || 19\-3|| stavaM japantastamamI jalAntare bhavantamAseviShatAyutaM samAH | bhavatsukhAsvAdarasAdamIShviyAnbabhUva kAlo dhruvavanna shIghratA || 19\-4|| tapobhireShAmatimAtravardhibhiH sa yaj~nahiMsAnirato.api pAvitaH | pitA.api teShAM gR^ihayAtanAradapradarshitAtmA bhavadAtmatAM yayau || 19\-5|| kR^ipAbalenaiva puraH prachetasAM prakAshamAgAH patagendravAhanaH | virAji chakrAdivarAyudhAMshubhirbhujAbhiraShTAbhiruda~nchitadyutiH || 19\-6|| prachetasAM tAvadayAchatAmapi tvameva kAruNyabharAdvarAnadAH | bhavadvichintA.api shivAya dehinAM bhavatvasau rudranutishcha kAmadA || 19\-7|| avApya kAntAM tanayAM mahIruhAM tayA ramadhvaM dashalakShavatsarIm | suto.astu dakSho nanu tatkShaNAchcha mAM prayAsyatheti nyagado mudaiva tAn || 19\-8|| tatashcha te bhUtalarodhinastarUnkrudhA dahanto druhiNena vAritAH | drumaishcha dattAM tanayAmavApya tAM tvaduktakAlaM sukhino.abhiremire || 19\-9|| avApya dakShaM cha sutaM kR^itAdhvarAH prachetaso nAradalabdhayA dhiyA | avApurAnandapadaM tathAvidhastvamIsha vAtAlayanAtha pAhimAm || 19\-10|| iti ekonaviMshadashakaM samAptam || \iti \section{viMshadashakam (20)} \yyy{R^iShabhayogIshvaracharitam | ## 20 - The Story of Rishabhayogishvara##} priyavratasya priyaputrabhUtAdAgnIdhrarAjAdudito hi nAbhiH | tvAM dR^iShTavAniShTadamiShTimadhye tavaiva tuShTyai kR^itayaj~nakarmA || 20\-1|| abhiShTutastatra munIshvaraistvaM rAj~naH svatulyaM sutamarthyamAnaH | svayaM janiShye.ahamiti bruvANastirodadhA barhiShi vishvamUrte || 20\-2|| nAbhipriyAyAmatha merudevyAM tvamaMshato.abhUrR^iShabhAbhidhAnaH | alokasAmAnyaguNaprabhAvaprabhAvitAsheShajanapramodaH || 20\-3|| tvayi trilokIbhR^iti rAjyabhAraM nidhAya nAbhiH saha merudevyA | tapovanaM prApya bhavanniShevI gataH kilAnandapadaM padaM te || 20\-4|| indrastvadutkarShakR^itAdamarShAdvavarSha nAsminnajanAbhavarShe | yadA tadA tvaM nijayogashaktyA svavarShamenadvyadadhAH suvarSham || 20\-5|| jitendradattAM kamanIM jayantImathodvahannAtmaratAshayo.api | ajIjanastatra shataM tanUjAneShAM kShitIsho bharato.agrajanmA || 20\-6|| navAbhavanyogivarA navAnye tvapAlayanbhAratavarShakhaNDAn | saikA tvashItistava sheShaputrAstapobalAdbhUsurabhUyamIyuH || 20\-7|| uktvA sutebhyo.atha munIndramadhye viraktibhaktyanvitamuktimArgam | svayaM gataH pAramahaMsyavR^ittimadhA jaDonmattapishAchacharyAm || 20\-8|| parAtmabhUto.api paropadeshaM kurvanbhavAnsarvanirasyamAnaH | vikArahIno vichachAra kR^itsnAM mahImahInAtmarasAbhilInaH || 20\-9|| shayuvrataM gomR^igakAkacharyAM chiraM charannApya paraM svarUpam | davAhR^itA~NgaH kuTakAchale tvaM tApAnmamApAkuru vAtanAtha || 20\-10|| iti viMshadashakaM samAptam || \iti \section{ekaviMshadashakam (21)} \yyy{nava varShAH tathA saptadvIpAH | jambUdvIpAdiShu upAsanApaddhatiH | ## 21 - Mode of Worship In Jambudvipa Etc##} madhyodbhave bhuva ilAvR^itanAmni varShe gaurIpradhAnavanitAjanamAtrabhAji | sharveNa mantranutibhiH samupAsyamAnaM sa~NkarShaNAtmakamadhIshvara saMshraye tvAm || 21\-1|| bhadrAshvanAmaka ilAvR^itapUrvavarShe bhadrashravobhirR^iShibhiH pariNUyamAnam | kalpAntagUDhanigamoddharaNapravINaM dhyAyAmi deva hayashIrShatanuM bhavantam || 21\-2|| dhyAyAmi dakShiNagate harivarShavarShe prahlAdamukhyapuruShaiH pariShevyamANam | uttu~NgashAntadhavalAkR^itimekashuddhaj~nAnapradaM narahariM bhagavan bhavantam || 21\-3|| varShe pratIchi lalitAtmani ketumAle lIlAvisheShalalitasmitashobhanA~Ngam | lakShmyA prajApatisutaishcha niShevyamANaM tasyAH priyAya dhR^itakAmatanuM bhaje tvAm || 21\-4|| ramye hyudIchi khalu ramyakanAmni varShe tadvarShanAthamanuvaryasaparyamANam | bhaktaikavatsalamamatsarahR^itsu bhAntaM matsyAkR^itiM bhuvananAtha bhaje bhavantam || 21\-5|| varShaM hiraNmayasamAhvayamauttarAhamAsInamadridhR^itikarmaThakAmaThA~Ngam | saMsevate pitR^igaNapravaro.aryamAyaM taM tvAM bhajAmi bhagavan parachinmayAtman || 21\-6|| kiM chottareShu kuruShu priyayA dharaNyA saMsevito mahitamantranutiprabhedaiH | daMShTrAgraghR^iShTaghanapR^iShThagariShThavarShmA tvaM pAhi vij~nanutayaj~navarAhamUrte || 21\-7|| yAmyAM dishaM bhajati kimpuruShAkhyavarShe saMsevito hanumatA dR^iDhabhaktibhAjA | sItAbhirAmaparamAdbhutarUpashAlI rAmAtmakaH parilasanparipAhi viShNo || 21\-8|| shrInAradena saha bhAratakhaNDamukhyaistvaM sA~NkhyayoganutibhiH samupAsyamAnaH | AkalpakAlamiha sAdhujanAbhirakShI nArAyaNo narasakhaH paripAhi bhUman || 21\-9|| plAkShe.arkarUpamayi shAlmala indurUpaM dvIpe bhajanti kushanAmani vahnirUpam | krau~nche.amburUpamatha vAyumayaM cha shAke tvAM brahmarUpamayi puShkaranAmni lokAH || 21\-10|| sarvairdhruvAdibhiruDuprakarairgrahaishcha puchChAdikeShvavayaveShvabhikalpyamAnaiH | tvaM shiMshumAravapuShA mahatAmupAsyaH sandhyAsu rundhi narakaM mama sindhushAyin || 21\-11|| pAtAlamUlabhuvi sheShatanuM bhavantaM lolaikakuNDalavirAjisahasrashIrSham | nIlAmbaraM dhR^itahalaM bhujagA~NganAbhirjuShTaM bhaje hara gadAngurugehanAtha || 21\-12|| iti ekaviMshadashakaM samAptam || \iti \section{dvAviMshatidashakam (22)} \yyy{ajAmilopAkhyAnam | ## 22 - The Story of Ajamila##} ajAmilo nAma mahIsuraH purA charanvibho dharmapathAn gR^ihAshramI | gurorgirA kAnanametya dR^iShTavAnsudhR^iShTashIlAM kulaTAM madAkulAm || 22\-1|| svataH prashAnto.api tadAhR^itAshayaH svadharmamutsR^ijya tayA samAraman | adharmakArI dashamI bhavanpunardadhau bhavannAmayute sute ratim || 22\-2|| sa mR^ityukAle yamarAjaki~NkarAn bhaya~NkarAMstrInabhilakShayanbhiyA | purA manAktvatsmR^itivAsanAbalAjjuhAva nArAyaNanAmakaM sutam || 22\-3|| durAshayasyApi tadA tvanirgatatvadIyanAmAkSharamAtravaibhavAt | puro.abhipeturbhavadIyapArShadAshchaturbhujA pItapaTA manoramAH || 22\-4|| amuM cha sampAshya vikarShato bhaTAn vimu~nchatetyArurudhurbalAdamI | nivAritAste cha bhavajjanaistadA tadIyapApaM nikhilaM nyavedayan || 22\-5|| bhavantu pApAni kathaM tu niShkR^ite kR^ite.api bho daNDanamasti paNDitAH | na niShkR^itiH kiM viditA bhavAdR^ishAmiti prabho tvatpuruShA babhAShire || 22\-6|| shrutismR^itibhyAM vihitA vratAdayaH punanti pApaM na lunanti vAsanAm | anantasevA tu nikR^intati dvayImiti prabho tvatpuruShA babhAShire || 22\-7|| anena bho janmasahasrakoTibhiH kR^iteShu pApeShvapi niShkR^itiH kR^itA | yadagrahInnAma bhayAkulo hareriti prabho tvatpuruShA babhAShire || 22\-8|| nR^iNAmabud.h{}dhyApi mukundakIrtanaM dahatyaghaughAnmahimAsya tAdR^ishaH | yathAgniredhAMsi yathauShadhaM gadAniti prabho tvatpuruShA babhAShire || 22\-9|| itIritairyAmyabhaTairapAsR^ite bhavadbhaTAnAM cha gaNe tirohite | bhavatsmR^itiM ka~nchana kAlamAcharanbhavatpadaM prApi bhavadbhaTairasau || 22\-10|| svaki~NkarAvedanasha~Nkito yamastvada~NghribhakteShu na gamyatAmiti | svakIyabhR^ityAnashishikShaduchchakaiH sa deva vAtAlayanAtha pAhi mAm || 22\-11|| iti dvAviMshadashakaM samAptaM \iti \section{trayoviMshatidashakam (23)} \yyy{dakShacharitaM tathA chitraketUpAkhyAnam | ## 23 - The Stories of DakSha, Chitraketu, Etc##} prAchetasastu bhagavannaparo.ahi dakShastvatsevanaM vyadhita sargavivR^iddhikAmaH | AvirbabhUvitha tadA lasadaShTabAhustasmai varaM daditha tAM cha vadhUmasiknIm || 23\-1|| tasyAtmajAstvayutamIsha punaH sahasraM shrInAradasya vachasA tava mArgamApuH | naikatravAsamR^iShaye sa mumocha shApaM bhaktottamastvR^iShiranugnahameva mene || 23\-2|| ShaShTyA tato duhitR^ibhiH sR^ijataH kulaughAn dauhitrasUnuratha tasya sa vishvarUpaH | tvatstotravarmitamajApayadindramAjau deva tvadIyamahimA khalu sarvajaitraH || 23\-3|| prAkshUrasenaviShaye kila chitraketuH putrAgrahI nR^ipatira~NgirasaH prabhAvAt | labdhvaikaputramatha tatra hate sapatnIsa~Nghairamuhyadavashastava mAyayAsau || 23\-4|| taM nAradastu samama~NgirasA dayAluH samprApya tAvadupadarshya sutasya jIvam | kasyAsmi putra iti tasya girA vimohaM tyaktvA tvadarchanavidhau nR^ipatiM nyayu~Nkta || 23\-5|| stotraM cha mantramapi nAradato.atha labdhvA toShAya sheShavapuSho nanu te tapasyan | vidyAdharAdhipatitAM sa hi saptarAtre labdhvApyakuNThamatiranvabhajadbhavantam || 23\-6|| tasmai mR^iNAladhavalena sahasrashIrShNA rUpeNa baddhanutisiddhagaNAvR^itena | prAdurbhavannachirato nutibhiH prasanno dattvA.a.atmatattvamanugR^ihya tirodadhAtha || 23\-7|| tvadbhaktamauliratha so.api cha lakShalakShaM varShANi harShulamanA bhuvaneShu kAmam | sa~NgApayanguNagaNaM tava sundarIbhiH sa~NgAtirekarahito lalitaM chachAra || 23\-8|| atyantasa~NgavilayAya bhavatpraNunno nUnaM sa rUpyagirimApya mahatsamAje | nishsha~Nkama~NkakR^itavallabhama~NgajAriM taM sha~NkaraM parihasannumayAbhishepe || 23\-9|| nissambhramastvayamayAchitashApamokSho vR^itrAsuratvamupagamya surendrayodhI | bhaktyA.a.atmatattvakathanaissamare vichitraM shatrorapi bhramamapAsya gataH padaM te || 23\-10|| tvatsevanena ditirindravadhodyatA.api tAnpratyutendrasuhR^ido maruto.abhilebhe | duShTAshaye.api shubhadaiva bhavanniShevA tattAdR^ishastvamava mAM pavanAlayesha || 23\-11|| iti trayoviMshadashakaM samAptam || \iti \section{chaturviMshadashakam (24)} \yyy{prahlAdacharitam | ## 24 - The Story of Prahlada##} hiraNyAkShe potripravaravapuShA deva bhavatA hate shokakrodhaglapitaghR^itiretasya sahajaH | hiraNyaprArambhaH kashipuramarArAtisadasi pratij~nAmAtene tava kila vadhArthaM muraripo || 24\-1|| variation \- madhuripo vidhAtAraM ghoraM sa khalu tapasitvA nachirataH puraH sAkShAtkurvansuranaramR^igAdyairanidhanam | varaM labdhvA dR^ipto jagadiha bhavannAyakamidaM parikShundannindrAdaharata divaM tvAmagaNayan || 24\-2|| nihantuM tvAM bhUyastava padamavAptasya cha ripo\- rbahirdR^iShTerantardadhitha hR^idaye sUkShmavapuShA | nadannuchchaistatrApyakhilabhuvanAnte cha mR^igayan bhiyA yAtaM matvA sa khalu jitakAshI nivavR^ite || 24\-3|| tato.asya prahlAdaH samajani suto garbhavasatau munervINApANeradhigatabhavadbhaktimahimA | sa vai jAtyA daityaH shishurapi sametya tvayi ratiM gatastvadbhaktAnAM varada paramodAharaNatAm || 24\-4|| surArINAM hAsyaM tava charaNadAsyaM nijasute sa dR^iShTvA duShTAtmA gurubhirashishikShachchiramamum | guruproktaM chAsAvidamidamabhadrAya dR^iDhami\- tyapAkurvan sarvaM tava charaNabhaktyaiva vavR^idhe || 24\-5|| adhIteShu shreShThaM kimiti paripR^iShTe.atha tanaye bhavadbhaktiM varyAmabhigadati paryAkuladhR^itiH | gurubhyo roShitvA sahajamatirasyetyabhividan vadhopAyAnasmin vyatanuta bhavatpAdasharaNe || 24\-6|| sa shUlairAviddhaH subahu mathito diggajagaNai\- rmahAsarpairdaShTo.apyanashanagarAhAravidhutaH | girIndrAvakShipto.apyahaha paramAtmannayi vibho tvayi nyastAtmatvAtkimapi na nipIDAmabhajata || 24\-7|| tataH sha~NkAviShTaH sa punaratiduShTo.asya janako gurUktyA tadgehe kila varuNapAshaistamaruNat | guroshchAsAnnidhye sa punaranugAndaityatanayAn bhavadbhaktestattvaM paramamapi vij~nAnamashiShat || 24\-8|| pitA shR^iNvanbAlaprakaramakhilaM tvatstutiparaM ruShAndhaH prAhainaM kulahataka kaste balamiti | balaM me vaikuNThastava cha jagatAM chApi sa balaM sa eva trailokyaM sakalamiti dhIro.ayamagadIt || 24\-9|| are kvAsau kvAsau sakalajagadAtmA haririti prabhinte sma stambhaM chalitakaravAlo ditisutaH | ataH pashchAdviShNo na hi vaditumIsho.asmi sahasA kR^ipAtman vishvAtman pavanapuravAsin mR^iDaya mAm || 24\-10|| iti chaturviMshadashakaM samAptam || \iti \section{pa~nchaviMshadashakam (25)} \yyy{narasiMhAvatAram | ## 25 - Incarnation As Narasimha##} stambhe ghaTTayato hiraNyakashipoH karNau samAchUrNaya\- nnAghUrNajjagadaNDakuNDakuharo ghorastavAbhUdravaH | shrutvA yaM kila daityarAjahR^idaye pUrvaM kadApyashrutaM kampaH kashchana sampapAta chalito.apyambhojabhUrviShTarAt || 25\-1|| daitye dikShu visR^iShTachakShuShi mahAsaMrAmbhiNi stambhataH sambhUtaM na mR^igAtmakaM na manujAkAraM vapuste vibho | kiM kiM bhIShaNametadadbhutamiti vyudbhrAntachitte.asure visphUrjaddhavalograromavikasadvarShmA samAjR^imbhathAH || 25\-2|| taptasvarNasavarNaghUrNadatirUkShAkShaM saTAkesara\- protkampapranikumbitAmbaramaho jIyAttavedaM vapuH | vyAttavyAptamahAdarIsakhamukhaM khaDgogravalganmahA\- jihvAnirgamadR^ishyamAnasumahAdaMShTrAyugoDDAmaram || 25\-3|| utsarpadvalibha~NgabhIShaNahanuM hrasvasthavIyastara\- grIvaM pIvaradoshshatodgatanakhakrUrAMshudUrodbaNam | vyomolla~NghighanAghanopamaghanapradhvAnanirdhAvita\- spardhAluprakaraM namAmi bhavatastannArasiMhaM vapuH || 25\-4|| nUnaM viShNurayaM nihanmyamumiti bhrAmyadgadAbhIShaNaM daityendraM samupAdravantamadhR^ithA dorbhyAM pR^ithubhyAmamum | vIro nirgalito.atha khaDgaphalake gR^ihNanvichitrashramAn vyAvR^iNvanpunarApapAta bhuvanagrAsodyataM tvAmaho || 25\-5|| bhrAmyantaM ditijAdhamaM punarapi prodgR^ihya dorbhyAM javAd\- dvAre.athoruyuge nipAtya nakharAnvyutkhAya vakShobhuvi | nirbhindannadhigarbhanirbharagaladraktAmbu baddhotsavaM pAyaM pAyamudairayo bahujagatsaMhArisiMhAravAn || 25\-6|| tyaktvA taM hatamAshu raktalaharIsiktonnamadvarShmaNi pratyutpatya samastadaityapaTalIM chAkhAdyamAne tvayi | bhrAmyadbhUmivikampitAmbudhikulaM vyAlolashailotkaraM protsarpatkhacharaM charAcharamaho duHsthAmavasthAM dadhau || 25\-7|| tAvanmAMsavapAkarAlavapuShaM ghorAntramAlAdharaM tvAM madhyesabhamiddharoShamuShitaM durvAragurvAravam | abhyetuM na shashaka ko.api bhuvane dUre sthitA bhIravaH sarve sharvaviri~nchavAsavamukhAH pratyekamastoShata || 25\-8|| bhUyo.apyakShataroShadhAmni bhavati brahmAj~nayA bAlake prahlAde padayornamatyapabhaye kAruNyabhArAkulaH | shAntastvaM karamasya mUrdhni samadhAH stotrairathodgAyata\- stasyAkAmadhiyo.api tenitha varaM lokAya chAnugraham || 25\-9|| evaM nATitaraudracheShTita vibho shrItApanIyAbhidha shrutyantasphuTagItasarvamahimannatyantashuddhAkR^ite | tattAdR^i~NnikhilottaraM punaraho kastvAM paro la~Nghayet prahlAdapriya he marutpurapate sarvAmayAtpAhi mAm || 25\-10|| iti pa~nchaviMshadashakaM samAptam || \iti \section{ShaDviMshadashakam (26)} \yyy{gajendramokSham | ## 26 - The Liberation of Gajendra##} indradyumnaH pANDyakhaNDAdhirAjastvadbhaktAtmA chandanAdrau kadAchit | tvatsevAyAM magnadhIrAluloke naivAgastyaM prAptamAtithyakAmam || 26\-1|| kumbhodbhUtissambhR^itakrodhabhAraH stabdhAtmA tvaM hastibhUyaM bhajeti | shaptvAthainaM pratyagAtso.api lebhe hastIndratvaM tvatsmR^itivyaktidhanyam || 26\-2|| dugdhAmbhodhermadhyabhAji trikUTe krIDan shaile yUthapo.ayaM vashAbhiH | sarvAnjantUnatyavartiShTa shaktyA tvadbhaktAnAM kutra notkarShalAbhaH || 26\-3|| svena sthemnA divyadeshatvashaktyA so.ayaM khedAnaprajAnan kadAchit | shailaprAnte gharmatAntaH sarasyAM yUthaiH sArdhaM tvatpraNunno.abhireme || 26\-4|| hUhUstAvaddevalasyApi shApadgrAhIbhUtastajjale vartamAnaH | jagrAhainaM hastinaM pAdadeshe shAntyarthaM hi shrAntido.asi svakAnAm || 26\-5|| tvatsevAyA vaibhavAddurnirodhaM yudhyantaM taM vatsarANAM sahasram | prApte kAle tvatpadaikAgryasid.h{}dhyai nakrAkrAntaM hastivaryaM vyadhAstvam || 26\-6|| ArtivyaktaprAktanaj~nAnabhaktiH shuNDotkShiptaiH puNDarIkaissamarchan | pUrvAbhyastaM nirvisheShAtmaniShThaM stotrashreShThaM so.anvagAdItparAtman || 26\-7|| shrutvA stotraM nirguNasthaM samastaM brahmeshAdyairnAhamityaprayAte | sarvAtmA tvaM bhUrikAruNyavegAttArkShyArUDhaH prekShito.abhUH purastAt || 26\-8|| hastIndraM taM hastapadmena dhR^itvA chakreNa tvaM nakravaryaM vyadArIH | gandharve.asminmuktashApe sa hastI tvatsArUpyaM prApya dedIpyate sma || 26\-9|| etadvR^ittaM tvAM cha mAM cha prage yo gAyetso.ayaM bhUyase shreyase syAt | ityuktvainaM tena sArdhaM gatastvaM dhiShNyaM viShNo pAhi vAtAlayesha || 26\-10|| iti ShaDviMshadashakaM samAptam || \iti \section{saptaviMshadashakam (27)} \yyy{kShIrAbdhimathanaM tathA kUrmAvatAram | ## 27 - Churning of the Milk Ocean and Tortoise Incarnation##} durvAsAssuravanitA.a.aptadivyamAlyaM shakrAya svayamupadAya tatra bhUyaH | nAgendrapratimR^idite shashApa shakraM kA kShAntistvaditaradevatAMshajAnAm || 27\-1|| shApena prathitajare.atha nirjarendre deveShvapyasurajiteShu niShprabheShu | sharvAdyAH kamalajametya sarvadevA nirvANaprabhava samaM bhavantamApuH || 27\-2|| brahmAdyaiH stutamahimA chiraM tadAnIM prAduShShanvarada puraH pareNa dhAmnA | he devA ditijakulairvidhAya sandhiM pIyUShaM parimathateti paryashAstvam || 27\-3|| sandhAnaM kR^itavati dAnavaiH suraughe manthAnaM nayati madena mandarAdrim | bhraShTe.asminbadaramivodvahankhagendre sadyastvaM vinihitavAn payaHpayodhau || 27\-4|| AdhAya drutamatha vAsukiM varatrAM pAthodhau vinihitasarvabIjajAle | prArabdhe mathanavidhau surAsuraistairvyAjAttvaM bhujagamukhe.akaroH surArIn || 27\-5|| kShubdhAdrau kShubhitajalodare tadAnIM dugdhAbdhau gurutarabhArato nimagne | deveShu vyathitatameShu tatpriyaiShI prANaiShIH kamaThatanuM kaThorapR^iShThAm || 27\-6|| vajrAtisthiratarakarpareNa viShNo vistArAtparigatalakShayojanena | ambhodheH kuharagatena varShmaNA tvaM nirmagnaM kShitidharanAthamunninetha || 27\-7|| unmagne jhaTiti tadA dharAdharendre nirmethurdR^iDhamiha sammadena sarve | Avishya dvitayagaNe.api sarparAje vaivashyaM parishamayannavIvR^idhastAn || 27\-8|| uddAmabhramaNajavonnamadgirIndranyastaikasthiratarahastapa~NkajaM tvAm | abhrAnte vidhigirishAdayaH pramodAdudbhrAntA nunuvurupAttapuShpavarShAH || 27\-9|| daityaughe bhujagamukhAnilena tapte tenaiva tridashakule.api ki~nchidArte | kAruNyAttava kila deva vArivAhAH prAvarShannamaragaNAnna daityasa~NghAn || 27\-10|| udbhrAmyadbahutiminakrachakravAle tatrAbdhau chiramathite.api nirvikAre | ekastvaM karayugakR^iShTasarparAjaH saMrAjan pavanapuresha pAhi rogAt || 27\-11|| iti saptaviMshadashakaM samAptam || \iti \section{aShTAviMshadashakam (28)} \yyy{lakShmIsvayaMvaraM tathA amR^itotpattiH | ## 28 - Self-Choice Marriage of Lakshmi and Emergence of Nectar.##} garalaM taralAnalaM purastAjjaladherudvijagAla kAlakUTam | amarastutivAdamodanighno girishastannipapau bhavatpriyArtham || 28\-1|| vimathatsu surAsureShu jAtA surabhistAmR^iShiShu nyadhAstridhAman | hayaratnamabhUdathebharatnaM dyutarushchApsarasaH sureShu tAni || 28\-2|| jagadIsha bhavatparA tadAnIM kamanIyA kamalA babhUva devI | amalAmavalokya yAM vilolaH sakalo.api spR^ihayAmbabhUva lokaH || 28\-3|| tvayi dattahR^ide tadaiva devyai tridashendro maNipIThikAM vyatArIt | sakalopahR^itAbhiShechanIyairR^iShayastAM shrutigIrbhirabhyaShi~nchan || 28\-4|| abhiShekajalAnupAtimugdhatvadapA~NgairavabhUShitA~NgavallIm | maNikuNDalapItachelahArapramukhaistAmamarAdayo.anvabhUShan || 28\-5|| varaNasrajamAttabhR^i~NganAdAM dadhatI sA kuchakumbhamandayAnA | padashi~njitama~njunUpurA tvAM kalitavrIlavilAsamAsasAda || 28\-6|| girishadruhiNAdisarvadevAn guNabhAjo.apyavimuktadoShaleshAn | avamR^ishya sadaiva sarvaramye nihitA tvayyanayApi divyamAlA || 28\-7|| urasA tarasA mamAnithainAM bhuvanAnAM jananImananyabhAvAm | tvadurovilasattadIkShaNashrI parivR^iShTyA paripuShTamAsa vishvam || 28\-8|| atimohanavibhramA tadAnIM madayantI khalu vAruNI nirAgAt | tamasaH padavImadAstvamenAmatisammAnanayA mahAsurebhyaH || 28\-9|| taruNAmbudasundarastadA tvaM nanu dhanvantarirutthito.amburAsheH | amR^itaM kalashe vahankarAbhyAmakhilArtiM hara mArutAlayesha || 28\-10|| iti aShTAviMshadashakaM samAptam || \iti \section{ekonatriMshadashakam (29)} \yyy{mohinyavatAraM Adi | ## 29 - Mohini Incarnation, Etc##} udgachChatastava karAdamR^itaM haratsu daityeShu tAnasharaNAnanunIya devAn | sadyastirodadhitha deva bhavatprabhAvAdudyatsvayUthyakalahA ditijA babhUvuH || 29\-1|| shyAmAM ruchApi vayasApi tanuM tadAnIM prApto.asi tu~NgakuchamaNDalabha~NgurAM tvam | pIyuShakumbhakalahaM parimuchya sarve tR^iShNAkulAH pratiyayustvadurojakumbhe || 29\-2|| kA tvaM mR^igAkShi vibhajasva sudhAmimAmityArUDharAgavivashAnabhiyAchato.amUn | vishvasyate mayi kathaM kulaTAsmi daityA ityAlapannapi suvishvasitAnatAnIH || 29\-3|| modAtsudhAkalashameShu dadatsu sA tvaM dushcheShTitaM mama sahadhvamiti bruvANA | pa~NktiprabhedaviniveshitadevadaityA lIlAvilAsagatibhiH samadAH sudhAM tAm || 29\-4|| asmAsviyaM praNayinItyasureShu teShu joShaM sthiteShvatha samApya sudhAM sureShu | tvaM bhaktalokavashago nijarUpametya svarbhAnumardhaparipItasudhaM vyalAvIH || 29\-5|| tvattaH sudhAharaNayogyaphalaM pareShu dattvA gate tvayi suraiH khalu te vyagR^ihNan | ghore.atha mUrChati raNe balidaityamAyAvyAmohite suragaNe tvamihAvirAsIH || 29\-6|| tvaM kAlanemimatha mAlimukhA~njaghantha shakro jaghAna balijambhavalAn sapAkAn | shuShkArdraduShkaravadhe namuchau cha lUne phenena nAradagirA nyaruNo raNaM tvam || 29\-7|| yoShAvapurdanujamohanamAhitaM te shrutvA vilokanakutUhalavAnmaheshaH | bhUtaissamaM girijayA cha gataH padaM te stutvAbravIdabhimataM tvamatho tirodhAH || 29\-8|| ArAmasImani cha kandukaghAtalIlAlolAyamAnanayanAM kamanIM manoj~nAm | tvAmeSha vIkShya vigaladvasanAM manobhUvegAdana~Ngaripura~Nga samAlili~Nga || 29\-9|| bhUyo.api vidrutavatImupadhAvya devo vIryapramokShavikasatparamArthabodhaH | tvanmAnitastava mahatvamuvAcha devyai tattAdR^ishastvamava vAtaniketanAtha || 29\-10|| iti ekonatriMshadashakaM samAptam || \iti \section{triMshadashakam (30)} \yyy{vAmanAvatAram | ## 30 - Vamana Incarnation##} shakreNa saMyati hato.api balirmahAtmA shukreNa jIvitatanuH kratuvardhitoShmA | vikrAntimAn bhayanilInasurAM trilokIM chakre vashe sa tava chakramukhAdabhItaH || 30\-1|| putrArtidarshanavashAdaditirviShaNNA taM kAshyapaM nijapatiM sharaNaM prapannA | tvatpUjanaM taduditaM hi payovratAkhyaM sA dvAdashAhamacharattvayi bhaktipUrNA || 30\-2|| tasyAvadhau tvayi nilInamateramuShyAH shyAmashchaturbhujavapuH svayamAvirAsIH | namrAM cha tAmiha bhavattanayo bhaveyaM gopyaM madIkShaNamiti pralapannayAsIH || 30\-3|| tvaM kAshyape tapasi sannidadhattadAnIM prApto.asi garbhamaditeH praNuto vidhAtrA | prAsUta cha prakaTavaiShNavadivyarUpaM sA dvAdashIshravaNapuNyadine bhavantam || 30\-4|| puNyAshramaM tamabhivarShati puShpavarShairharShAkule surakule kR^itatUryaghoShe | bad.hdhvA~njaliM jaya jayeti nutaH pitR^ibhyAM tvaM tatkShaNe paTutamaM vaTurUpamAdhAH || 30\-5|| tAvatprajApatimukhairupanIya mau~njIdaNDAjinAkShavalayAdibhirarchyamAnaH | dedIpyamAnavapurIsha kR^itAgnikAryastvaM prAsthithA baligR^ihaM prakR^itAshvamedham || 30\-6|| gAtreNa bhAvimahimochitagauravaM prAgvyAvR^iNvateva dharaNIM chalayannayAsIH | ChatraM paroShmatiraNArthamivAdadhAno daNDaM cha dAnavajaneShviva sannidhAtum || 30\-7|| tAM narmadottarataTe hayamedhashAlAmAseduShi tvayi ruchA tava ruddhanetraiH | bhAsvAnkimeSha dahano nu sanatkumAro yogI nu ko.ayamiti shukramukhaiH shasha~Nke || 30\-8|| AnItamAshu bhR^igubhirmahasAbhibhUtaistvAM ramyarUpamasuraH pulakAvR^itA~NgaH | bhaktyA sametya sukR^itI pariNijya pAdau tattoyamanvadhR^ita mUrdhani tIrthatIrtham || 30\-9|| prahlAdavaMshajatayA kratubhirdvijeShu vishvAsato nu tadidaM ditijo.api lebhe | yatte padAmbu girishasya shirobhilAlyaM sa tvaM vibho gurupurAlaya pAlayethAH || 30\-10|| iti triMshadashakaM samAptam || \iti \section{ekatriMshadashakam (31)} \yyy{balidarpaharaNam | ## 31 - Humbling of Bali##} prItyA daityastava tanumahaHprekShaNAtsarvathA.api tvAmArAdhyannajita rachayanna~njaliM sa~njagAda | mattaH kiM te samabhilaShitaM viprasUno vada tvaM vittaM bhaktaM bhavanamavanIM vApi sarvaM pradAsye || 31\-1|| tAmakShINAM baligiramupAkarNya kAruNyapUrNo.a\- pyasyotsekaM shamayitumanA daityavaMshaM prashaMsan | bhUmiM pAdatrayaparimitAM prArthayAmAsitha tvaM sarvaM dehIti tu nigadite kasya hAsyaM na vA syAt || 31\-2|| vishveshaM mAM tripadamiha kiM yAchase bAlishastvaM sarvAM bhUmiM vR^iNu kimamunetyAlapattvAM sa dR^ipyan | yasmAddarpAttripadaparipUrtyakShamaH kShepavAdAn bandhaM chAsAvagamadatadarho.api gADhopashAntyai || 31\-3|| pAdatrayyA yadi na mudito viShTapairnApi tuShye\- dityukte.asminvarada bhavate dAtukAme.atha toyam | daityAchAryastava khalu parIkShArthinaH preraNAttaM mA mA deyaM harirayamiti vyaktamevAbabhAShe || 31\-4|| yAchatyevaM yadi sa bhagavAnpUrNakAmo.asmi so.ahaM dAsyAmyeva sthiramiti vadan kAvyashapto.api daityaH | vindhyAvalyA nijadayitayA dattapAdyAya tubhyaM chitraM chitraM sakalamapi sa prArpayattoyapUrvam || 31\-5|| nissandehaM ditikulapatau tvayyasheShArpaNaM tad\- vyAtanvAne mumuchurR^iShayaH sAmarAH puShpavarSham | divyaM rUpaM tava cha tadidaM pashyatAM vishvabhAjA\- muchchairuchchairavR^idhadavadhIkR^itya vishvANDabhANDam || 31\-6|| tvatpAdAgraM nijapadagataM puNDarIkodbhavo.asau kuNDItoyairasichadapunAdyajjalaM vishvalokAn | harShotkarShAtsubahu nanR^ite khecharairutsave.asmin bherIM nighnan bhuvanamacharajjAmbavAn bhaktishAlI || 31\-7|| tAvaddaityAstvanumatimR^ite bharturArabdhayuddhA devopetairbhavadanucharaiH sa~NgatA bha~NgamApan | kAlAtmAyaM vasati purato yadvashAtprAgjitAH smaH kiM vo yuddhairiti baligirA te.atha pAtAlamApuH || 31\-8|| pAshairbaddhaM patagapatinA daityamuchchairavAdI\- stArttIyIkaM disha mama padaM kiM na vishveshvaro.asi | pAdaM mUrdhni praNaya bhagavannityakampaM vadantaM prahlAdastaM svayamupagato mAnayannastavIttvAm || 31\-9|| darpochChittyai vihitamakhilaM daitya siddho.asi puNyai\- rlokaste.astu tridivavijayI vAsavatvaM cha pashchAt | matsAyujyaM bhaja cha punarityanvagR^ihNA baliM taM vipraissantAnitamakhavaraH pAhi vAtAlayesha || 31\-10|| iti ekatriMshadashakaM samAptam || \iti \section{dvAtriMshadashakam (32)} \yyy{matsyAvatAram | ## 32 - Matsya Avatar##} purA hayagrIvamahAsureNa ShaShThAntarAntodyadakANDakalpe | nidronmukhabrahmamukhAddhR^iteShu vedeShvadhitsaH kila matsyarUpam || 32\-1|| satyavratasya dramilAdhibharturnadIjale tarpayatastadAnIm | karA~njalau sa~njvalitAkR^itistvamadR^ishyathAH kashchana bAlamInaH || 32\-2|| kShiptaM jale tvAM chakitaM vilokya ninye.ambupAtreNa muniH svageham | svalpairahobhiH kalashIM cha kUpaM vApIM sarashchAnashiShe vibho tvam || 32\-3|| yogaprabhAvAdbhavadAj~nayaiva nItastatastvaM muninA payodhim | pR^iShTo.amunA kalpadidR^ikShumenaM saptAhamAsveti vadannayAsIH || 32\-4|| prApte tvadukte.ahani vAridhArApariplute bhUmitale munIndraH | saptarShibhiH sArdhamapAravAriNyudghUrNamAnaH sharaNaM yayau tvAm || 32\-5|| dharAM tvadAdeshakarImavAptAM naurUpiNImAruruhustadA te | tatkampakampreShu cha teShu bhUyastvamambudherAvirabhUrmahIyAn || 32\-6|| jhaShAkR^itiM yojanalakShadIrghAM dadhAnamuchchaistaratejasaM tvAm | nirIkShya tuShTA munayastvaduktyA tvattu~NgashR^i~Nge taraNiM babandhuH || 32\-7|| AkR^iShTanauko munimaNDalAya pradarshayanvishvajagadvibhAgAn | saMstUyamAno nR^ivareNa tena j~nAnaM paraM chopadishannachArIH || 32\-8|| kalpAvadhau saptamunInpurovatprasthApya satyavratabhUmipaM tam | vaivasvatAkhyaM manumAdadhAnaH krodhAddhayagrIvamabhidruto.abhUH || 32\-9|| svatu~NgashR^i~NgakShatavakShasaM taM nipAtya daityaM nigamAngR^ihItvA | viri~nchaye prItahR^ide dadAnaH prabha~njanAgArapate prapAyAH || 32\-10|| iti dvAtriMshadashakaM samAptam || \iti \section{trayastriMshadashakam (33)} \yyy{ambarIShacharitam | ## 33 - The Story of Ambarisha##} vaivasvatAkhyamanuputranabhAgajAtanAbhAganAmakanarendrasuto.ambarIShaH | saptArNavAvR^itamahIdayito.api reme tvatsa~NgiShu tvayi cha magnamanAssadaiva || 33\-1|| tvatprItaye sakalameva vitanvato.asya bhaktyaiva deva nachirAdabhR^ithAH prasAdam | yenAsya yAchanamR^ite.apyabhirakShaNArthaM chakraM bhavAnpravitatAra sahasradhAram || 33\-2|| sa dvAdashIvratamatho bhavadarchanArthaM varShaM dadhau madhuvane yamunopakaNThe | patnyA samaM sumanasA mahatIM vitanvan pUjAM dvijeShu visR^ijanpashuShaShTikoTim || 33\-3|| tatrAtha pAraNadine bhavadarchanAnte durvAsasA.asya muninA bhavanaM prapede | bhoktuM vR^itashcha sa nR^ipeNa parArtishIlo mandaM jagAma yamunAM niyamAnvidhAsyan || 33\-4|| rAj~nAtha pAraNamuhUrtasamAptikhedAdvAraiva pAraNamakAri bhavatpareNa | prApto munistadatha divyadR^ishA vijAnan kShipyan krudhoddhR^itajaTo vitatAna kR^ityAm || 33\-5|| kR^ityAM cha tAmasidharAM bhuvanaM dahantImagre.abhivIkShya nR^ipatirna padAchchakampe | tvadbhaktabAdhamabhivIkShya sudarshanaM te kR^ityAnalaM shalabhayanmunimanvadhAvIt || 33\-6|| dhAvannasheShabhuvaneShu bhiyA sa pashyan vishvatra chakramapi te gatavAnviri~ncham | kaH kAlachakramatila~NghayatItyapAstaH sharvaM yayau sa cha bhavantamavandataiva || 33\-7|| bhUyo bhavannilayametya muniM namantaM proche bhavAnahamR^iShe nanu bhaktadAsaH | j~nAnaM tapashcha vinayAnvitameva mAnyaM yAhyambarIShapadameva bhajeti bhUman || 33\-8|| tAvatsametya muninA sa gR^ihItapAdo rAjA.apasR^itya bhavadastramasAvanauShIt | chakre gate muniradAdakhilAshiSho.asmai tvadbhaktimAgasi kR^ite.api kR^ipAM cha shaMsan || 33\-9|| rAjA pratIkShya munimekasamAmanAshvAn sambhojya sAdhu tamR^iShiM visR^ijanprasannam | bhuktvA svayaM tvayi tato.api dR^iDhaM rato.abhUt sAyujyamApa cha sa mAM pavanesha pAyAH || 33\-10|| iti trayastriMshadashakaM samAptam || \iti \section{chatustriMshadashakam (34)} \yyy{shrIrAmAvatAram\-1 ## 34 - Sri Rama Avatar-1##} gIrvANairarthyamAno dashamukhanidhanaM kosale.aShvR^iShyashR^i~Nge putrIyAmiShTimiShTvA daduShi dasharathakShmAbhR^ite pAyasAgryam | tadbhuktyA tatpurandhrIShvapi tisR^iShu samaM jAtagarbhAsu jAto rAmastvaM lakShmaNena svayamatha bharatenApi shatrughnanAmnA || 34\-1|| kodaNDI kaushikasya kratuvaramavituM lakShmaNenAnuyAto yAto.abhUstAtavAchA munikathitamanudvandvashAntAdhvakhedaH | nR^INAM trANAya bANairmunivachanabalAttATakAM pATayitvA labdhvAsmAdastrajAlaM munivanamagamo deva siddhAshramAkhyam || 34\-2|| mArIchaM drAvayitvA makhashirasi sharairanyarakShAMsi nighnan kalyAM kurvannahalyAM pathi padarajasA prApya vaidehageham | bhindAnashchAndrachUDaM dhanuravanisutAmindirAmeva labdhvA rAjyaM prAtiShThathAstvaM tribhirapi cha samaM bhrAtR^ivIraiH sadAraiH || 34\-3|| ArundhAne ruShAndhe bhR^igukulatilake sa~Nkramayya svatejo yAte yAto.asyayodhyAM sukhamiha nivasankAntayA kAntamUrte | shatrughnenaikadAtho gatavati bharate mAtulasyAdhivAsaM tAtArabdho.abhiShekastava kila vihataH kekayAdhIshaputryA || 34\-4|| tAtoktyA yAtukAmo vanamanujavadhUsaMyutashchApadhAraH paurAnArudhya mArge guhanilayagatastvaM jaTAchIradhArI | nAvA santIrya ga~NgAmadhipadavi punastaM bharadvAjamArA\- nnatvA tadvAkyahetoratisukhamavasashchitrakUTe girIndre || 34\-5|| shrutvA putrArtikhinnaM khalu bharatamukhAtsvargayAtaM svatAtaM tapto dattvAmbu tasmai nidadhitha bharate pAdukAM medinIM cha | atriM natvAtha gatvA vanamativipulAM daNDakaM chaNDakAyaM hatvA daityaM virAdhaM sugatimakalayashchAru bhoH shArabha~NgIm || 34\-6|| natvA.agastyaM samastAsharanikarasapatrAkR^itiM tApasebhyaH pratyashrauShIH priyaiShI tadanu cha muninA vaiShNave divyachApe | brahmAstre chApi datte pathi pitR^isuhR^idaM vIkShya bhUyo jaTAyuM modAdgodAtaTAnte pariramasi purA pa~nchavaTyAM vadhUTyA || 34\-7|| prAptAyAH shUrpaNakhyA madanachaladhR^iterarthanairnissahAtmA tAM saumitrau visR^ijya prabalatamaruShA tena nirlUnanAsAm | dR^iShTvainAM ruShTachittaM kharamabhipatitaM dUShaNaM cha trimUrdhaM vyAhiMsIrAsharAnapyayutasamadhikAMstatkShaNAdakShatoShmA || 34\-8|| sodaryA proktavArtAvivashadashamukhAdiShTamArIchamAyA\- sAra~NgaM sArasAkShyA spR^ihitamanugataH prAvadhIrbANaghAtam | tanmAyAkrandaniryApitabhavadanujAM rAvaNastAmahArShIt tenArto.api tvamantaH kimapi mudamadhAstadvadhopAyAyalAbhAt || 34\-9|| bhUyastanvIM vichinvannahR^ita dashamukhastvadvadhUM madvadhene\- tyuktvA yAte jaTAyau divamatha suhR^idaH prAtanoH pretakAryam | gR^ihNAnaM taM kabandhaM jaghanitha shabarIM prekShya pampAtaTe tvaM samprApto vAtasUnuM bhR^ishamuditamanAH pAhi vAtAlayesha || 34\-10|| iti chatustriMshadashakaM samAptam || \iti \section{pa~nchatriMshadashakam (35)} \yyy{shrIrAmAvatAram\-2 ## 35 - Sri Rama Avatar contd.##} nItassugrIvamaitrIM tadanu hanumatA dundubheH kAyamuchchaiH kShiptvA~NguShThena bhUyo lulavitha yugapatpatriNA sapta sAlAn | hatvA sugrIvaghAtodyatamatulabalaM vAlinaM vyAjavR^ittyA varShAvelAmanaiShIrvirahataralitastvaM mata~NgAshramAnte || 35\-1|| sugrIveNAnujoktyA sabhayamabhiyatA vyUhitAM vAhinIM tA\- mR^ikShANAM vIkShya dikShu drutamatha dayitAmArgaNAyAvanamrAm | sandeshaM chA~NgulIyaM pavanasutakare prAdisho modashAlI mArge mArge mamArge kapibhirapi tadA tvatpriyA saprayAsaiH || 35\-2|| tvadvArtAkarNanodyadgarudurujavasampAtisampAtivAkya\- prottIrNArNodhirantarnagari janakajAM vIkShya dattvA.a~NgulIyam | prakShudyodyAnamakShakShapaNachaNaraNaH soDhabandho dashAsyaM dR^iShTvA pluShTvA cha la~NkAM jhaTiti sa hanumAnmauliratnaM dadau te || 35\-3|| tvaM sugrIvA~NgadAdiprabalakapichamUchakravikrAntabhUmI\- chakro.abhikramya pArejaladhi nishicharendrAnujAshrIyamANaH | tatproktAM shatruvArtAM rahasi nishamayanprArthanApArthyaroSha\- prAstAgneyAstratejastrasadudadhigirA labdhavAnmadhyamArgam || 35\-4|| kIshairAshAntaropAhR^itagirinikaraiH setumAdhApya yAto yAtUnyAmardya daMShTrAnakhashikharishilAsAlashastraiH svasainyaiH | vyAkurvansAnujastvaM samarabhuvi paraM vikramaM shakrajetrA vegAnnAgAstrabaddhaH patagapatigarunmArutairmochito.abhUH || 35\-5|| saumitristvatra shaktiprahR^itigaladasurvAtajAnItashaila\- ghrANAtpraNAnupeto vyakR^iNuta kusR^itishlAghinaM meghanAdam | mAyAkShobheShu vaibhIShaNavachanahR^itastambhanaH kumbhakarNaM samprAptaM kampitorvItalamakhilachamUbhakShiNaM vyakShiNostvam || 34\-6|| gR^ihNan jambhArisampreShitarathakavachau rAvaNenAbhiyudhyan brahmAstreNAsya bhindan galatatimabalAmagnishuddhAM pragR^ihNan | devashreNIvarojjIvitasamaramR^itairakShatairR^ikShasa~Nghai\- rla~NkAbhartrA cha sAkaM nijanagaramagAH sapriyaH puShpakeNa || 35\-7|| prIto divyAbhiShekairayutasamadhikAnvatsarAnparyaraMsI\- rmaithilyAM pApavAchA shiva shiva kila tAM garbhiNImabhyahAsIH | shatrughnenArdayitvA lavaNanishicharaM prArdayaH shUdrapAshaM tAvadvAlmIkigehe kR^itavasatirupAsUta sItA sutau te || 35\-8|| vAlmIkestvatsutodgApitamadhurakR^iterAj~nayA yaj~navATe sItAM tvayyAptukAme kShitimavishadasau tvaM cha kAlArthito.abhUH | hetoH saumitrighAtI svayamatha sarayUmagnanishsheShabhR^ityaiH sAkaM nAkaM prayAto nijapadamagamo deva vaikuNThamAdyam || 35\-9|| so.ayaM martyAvatArastava khalu niyataM martyashikShArthamevaM vishleShArtirnirAgastyajanamapi bhavetkAmadharmAtisaktyA | no chetsvAtmAnubhUteH kvanu tava manaso vikriyA chakrapANe sa tvaM sattvaikamUrte pavanapurapate vyAdhunu vyAdhitApAn || 35\-10|| iti pa~nchatriMshadashakaM samAptam || \iti \section{ShaTtriMshadashakam (36)} \yyy{parashurAmAvatAram | ## 36 - Parasurama Avatar##} atreH putratayA purA tvamanasUyAyAM hi dattAbhidho jAtaH shiShyanibandhatandritamanAH svasthashcharankAntayA | dR^iShTo bhaktatamena hehayamahIpAlena tasmai varA\- naShTaishvaryamukhAnpradAya daditha svenaiva chAnte vadham || 36\-1|| satyaM kartumathArjunasya cha varaM tachChaktimAtrAnataM brahmadveShi tadAkhilaM nR^ipakulaM hantuM cha bhUmerbharam | sa~njAto jamadagnito bhR^igukule tvaM reNukAyAM hare rAmo nAma tadAtmajeShvavarajaH pitroradhAH sammadam || 36\-2|| labdhAmnAyagaNashchaturdashavayA gandharvarAje manA\- gAsaktAM kila mAtaraM prati pituH krodhAkulasyAj~nayA | tAtAj~nAtigasodaraiH samamimAM ChitvAtha shAntAtpitu\- steShAM jIvanayogamApitha varaM mAtA cha te.adAdvarAn || 36\-3|| pitrA mAtR^imude stavAhR^itaviyaddhenornijAdAshramAt prasthAyAtha bhR^igorgirA himagirAvArAdhya gaurIpatim | labdhvA tatparashuM taduktadanujachChedI mahAstrAdikaM prApto mitramathAkR^itavraNamuniM prApyAgamaH svAshramam || 36\-4|| AkheTopagato.arjunaH suragavIsamprAptasampadgaNai\- stvatpitrA paripUjitaH puragato durmantrivAchA punaH | gAM kretuM sachivaM nyayu~Nkta kudhiyA tenApi rundhanmuni\- prANakShepasaroShagohatachamUchakreNa vatso hR^itaH || 36\-5|| shukrojjIvitatAtavAkyachalitakrodho.atha sakhyA samaM bibhrad.h{}dhyAtamahodaropanihitaM chApaM kuThAraM sharAn | ArUDhaH sahavAhayantR^ikarathaM mAhiShmatImAvishan vAgbhirvatsamadAshuShi kShitipatau samprAstuthAH sa~Ngaram || 36\-6|| putrANAmayutena saptadashabhishchAkShauhiNIbhirmahA\- senAnIbhiranekamitranivahairvyAjR^imbhitAyodhanaH | sadyastvatkakuThArabANavidalannishsheShasainyotkaro bhItipradrutanaShTashiShTanayastvAmApataddhehayaH || 36\-7|| (Apatat heyayaH) lIlAvAritanarmadAjalavalalla~NkeshagarvApaha\- shrImadbAhusahasramuktabahushastrAstraM nirundhannamum | chakre tvayyatha vaiShNave.api viphale bud.hdhvA hariM tvAM mudA dhyAyantaM ChitasarvadoShamavadhIH so.agAtparaM te padam || 36\-8|| bhUyo.amarShitahehayAtmajagaNaistAte hate reNukA\- mAghnAnAM hR^idayaM nirIkShya bahusho ghorAM pratij~nAM vahan | dhyAnAnItarathAyudhastvamakR^ithA vipradruhaH kShatriyAn dikchakreShu kuThArayanvishikhayan niHkShAtriyAM medinIm || 36\-9|| tAtojjIvanakR^innR^ipAlakakulaM triHsaptakR^itvo jayan santarpyAtha samantapa~nchakamahAraktahR^idaughe pitR^In | yaj~ne kShmAmapi kAshyapAdiShu dishan sAlvena yudhyan punaH kR^iShNo.amuM nihaniShyatIti shamito yuddhAt kumArairbhavAn || 36\-10|| var \- kuThArairbhavAn nyasyAstrANi mahendrabhUbhR^iti tapastanvanpunarmajjitAM gokarNAvadhi sAgareNa dharaNIM dR^iShTvArthitastApasaiH | dhyAteShvAsadhR^itAnalAstrachakitaM sindhuM sruvakShepaNA\- dutsAryoddhR^itakeralo bhR^igupate vAtesha saMrakSha mAm || 36\-11|| iti ShaTtriMshadashakaM samAptam | iti navamaskandhaM samAptam | dashamaskandham | \iti \section{saptatriMshadashakam (37)} \yyy{shrIkR^iShNAvatAropakramam | ## 37 - Prelude To the Incarnation As Krishna##} sAndrAnandatano hare nanu purA daivAsure sa~Ngare tvatkR^ittA api karmasheShavashato ye te na yAtA gatim | teShAM bhUtalajanmanAM ditibhuvAM bhAreNa durArditA bhUmiH prApa viri~nchamAshritapadaM devaiH puraivAgataiH || 37\-1|| hA hA durjanabhUribhAramathitAM pAthonidhau pAtukA\- metAM pAlaya hanta me vivashatAM sampR^ichCha devAnimAn | ityAdiprachurapralApavivashAmAlokya dhAtA mahIM devAnAM vadanAni vIkShya parito dadhyau bhavantaM hare || 37\-2|| Uche chAmbujabhUramUnayi surAH satyaM dharitryA vacho nanvasyA bhavatAM cha rakShaNavidhau dakSho hi lakShmIpatiH | sarve sharvapurassarA vayamito gatvA payovAridhiM natvA taM stumahe javAditi yayuH sAkaM tavAketanam || 37\-3|| te mugdhAnilashAlidugdhajaladhestIraM gatAH sa~NgatA yAvattvatpadachintanaikamanasastAvatsa pAthojabhUH | tvadvAchaM hR^idaye nishamya sakalAnAnandayannUchivA\- nAkhyAtaH paramAtmanA svayamahaM vAkyaM tadAkarNyatAm || 37\-4|| jAne dInadashAmahaM diviShadAM bhUmeshcha bhImairnR^ipai\- statkShepAya bhavAmi yAdavakule so.ahaM samagrAtmanA | devA vR^iShNikule bhavantu kalayA devA~NganAshchAvanau matsevArthamiti tvadIyavachanaM pAthojabhUrUchivAn || 37\-5|| shrutvA karNarasAyanaM tava vachaH sarveShu nirvApita\- svAnteShvIsha gateShu tAvakakR^ipApIyUShatR^iptAtmasu | vikhyAte mathurApure kila bhavatsAnnidhyapuNyottare dhanyAM devakanandanAmudvahadrAjA sa shUrAtmajaH || 37\-6|| udvAhAvasitau tadIyasahajaH kaMso.atha sammAnaya\- nnetau sUtatayA gataH pathi rathe vyomotthayA tvadgirA | asyAstvAmatiduShTamaShTamasuto hanteti hanteritaH santrAsAtsa tu hantumantikagatAM tanvIM kR^ipANImadhAt || 37\-7|| gR^ihNAnashchikureShu tAM khalamatiH shaureshchiraM sAntvanai\- rno mu~nchanpunarAtmajArpaNagirA prIto.atha yAto gR^ihAn | AdyaM tvatsahajaM tathArpitamapi snehena nAhannasau duShTAnAmapi deva puShTakaruNA dR^iShTA hi dhIrekadA || 37\-8|| tAvattvanmanasaiva nAradamuniH proche sa bhojeshvaraM yUyaM nanvasurAH surAshcha yadavo jAnAsi kiM na prabho | mAyAvI sa harirbhavadvadhakR^ite bhAvI suraprArthanA\- dityAkarNya yadUnadUdhunadasau shaureshcha sUnUnahan || 37\-9|| prApte saptamagarbhatAmahipatau tvatpreraNAnmAyayA nIte mAdhava rohiNIM tvamapi bhoH sachchitsukhaikAtmakaH | devakyA jaTharaM viveshitha vibho saMstUyamAnassuraiH sa tvaM kR^iShNa vidhUya rogapaTalIM bhaktiM parAM dehi me || 37\-10|| iti saptatriMshadashakaM samAptam | \iti \section{aShTAtriMshadashaka (38)} \yyy{shrIkR^iShNAvatAram | ## 38 - Incarnation of Sri Krishna##} AnandarUpa bhagavannayi te.avatAre prApte pradIptabhavada~NganirIyamANaiH | kAntivrajairiva ghanAghanamaNDalairdyA\- mAvR^iNvatI viruruche kila varShavelA || 38\-1|| AshAsu shItalatarAsu payodatoyai\- rAshAsitAptivivasheShu cha sajjaneShu | naishAkarodayavidhau nishi madhyamAyAM kleshApahastrijagatAM tvamihA.avirAsIH || 38\-2|| bAlyaspR^ishApi vapuShA dadhuShA vibhUtI\- rudyatkirITakaTakA~NgadahArabhAsA | sha~NkhArivArijagadAparibhAsitena meghAsitena parilesitha sUtigehe || 38\-3|| vakShaHsthalIsukhanilInavilAsilakShmI\- mandAkShalakShitakaTAkShavimokShabhedaiH | tanmandirasya khalakaMsakR^itAmalakShmI\- munmArjayanniva virejitha vAsudeva || 38\-4|| shauristu dhIramunimaNDalachetaso.api dUrasthitaM vapurudIkShya nijekShaNAbhyAm | AnandabAShpapulakodgamagadgadArdra\- stuShTAva dR^iShTimakarandarasaM bhavantam || 38\-5|| deva prasIda parapUruSha tApavallI\- nirlUnadAtra samanetra kalAvilAsin | khedAnapAkuru kR^ipAgurubhiH kaTAkShai\- rityAdi tena muditena chiraM nuto.abhUH || 38\-6|| mAtrA cha netrasalilAstR^itagAtravallyA stotrairabhiShTutaguNaH karuNAlayastvam | prAchInajanmayugalaM pratibodhya tAbhyAM mAturgirA dadhitha mAnuShabAlaveSham || 38\-7|| tvatpreristatadanu nandatanUjayA te vyatyAsamArachayituM sa hi shUrasUnuH | tvAM hastayoradhR^ita chittavidhAryamAryai\- rambhoruhasthakalahaMsakishoraramyam || 38\-8|| jAtA tadA pashupasadmani yoganidrA nidrAvimudritamathAkR^ita pauralokam | tvatpreraNAtkimiha chitramachetanairyad\- dvAraiH svayaM vyaghaTi sa~NghaTitaissugADham || 38\-9|| sheSheNa bhUriphaNavAritavAriNA.atha svairaM pradarshitapatho maNidIpitena | tvAM dhArayan sa khalu dhanyatamaH pratasthe so.ayaM tvamIsha mama nAshaya rogavegAn || 38\-10|| iti aShTAtriMshadashakaM samAptam | \iti \section{ekonachatvAriMshadashakam (39)} \yyy{yogamAyA prAdurbhAvaM tathA gokule kR^iShNajanmotsavam || ## 39 - Manifestation of Yogamaya and Celebration of Birth of Shrikrishna at Gokula##} bhavantamayamudvahan yadukulodvaho nissaran dadarsha gaganochchalajjalabharAM kalindAtmajAm | aho salilasa~nchayaH sa punaraindrajAlodito jalaugha iva tatkShaNAtprapadameyatAmAyayau || 39\-1|| prasuptapashupAlikAM nibhR^itamArudadbAlikA\- mapAvR^itakavATikAM pashupavATikAmAvishan | bhavantamayamarpayan prasavatalpake tatpadA\- dvahan kapaTakanyakAM svapuramAgato vegataH || 39\-2|| tatastvadanujAravakShapitanidravegadrava\- dbhaTotkaraniveditaprasavavArtayaivArtimAn | vimuktachikurotkarastvaritamApatan bhojarA\- DatuShTa iva dR^iShTavAn bhaginikAkare kanyakAm || 39\-3|| dhruvaM kapaTashAlino madhuharasya mAyA bhave\- dasAviti kishorikAM bhaginikAkarAli~NgitAm | dvipo nalinikAntarAdiva mR^iNAlikAmAkShipa\- nnayaM tvadanujAmajAmupalapaTTake piShTavAn || 39\-4|| tato bhavadupAsako jhaTiti mR^ityupAshAdiva pramuchya tarasaiva sA samadhirUDharUpAntarA | adhastalamajagmuShI vikasadaShTabAhusphuran\- mahAyudhamaho gatA kila vihAyasA didyute || 39\-5|| nR^ishaMsatara kaMsa te kimu mayA viniShpiShTayA babhUva bhavadantakaH kvachana chintyatAM te hitam | iti tvadanujA vibho khalamudIrya taM jagmuShI marudgaNapaNAyitA bhuvi cha mandirANyeyuShI || 39\-6|| prage punaragAtmajAvachanamIritA bhUbhujA pralambabakapUtanApramukhadAnavA mAninaH | bhavannidhanakAmyayA jagati babhramurnirbhayAH kumArakavimArakAH kimiva duShkaraM niShkR^ipaiH || 39\-7|| tataH pashupamandire tvayi mukunda nandapriyA\- prasUtishayaneshaye rudati ki~nchida~nchatpade | vibudhya vanitAjanaistanayasambhave ghoShite mudA kimu vadAmyaho sakalamAkulaM gokulam || 39\-8|| aho khalu yashodayA navakalAyachetoharaM bhavantamalamantike prathamamApibantyA dR^ishA | punaH stanabharaM nijaM sapadi pAyayantyA mudA manoharatanuspR^ishA jagati puNyavanto jitAH || 39\-9|| bhavatkushalakAmyayA sa khalu nandagopastadA pramodabharasa~Nkulo dvijakulAya kiM nAdadAt | tathaiva pashupAlakAH kimu na ma~NgalaM tenire jagatritayama~Ngala tvamiha pAhi mAmAmayAt || 39\-10|| iti ekonachatvAriMshadashakaM samAptam | \iti \section{chatvAriMshadashakam (40)} \yyy{pUtanAmokSham | ## 40 - Salvation of Putana##} tadanu nandamamandashubhAspadaM nR^ipapurIM karadAnakR^ite gatam | samavalokya jagAda bhavatpitA viditakaMsasahAyajanodyamaH || 40\-1|| ayi sakhe tava bAlakajanma mAM sukhayate.adya nijAtmajajanmavat | iti bhavatpitR^itAM vrajanAyake samadhiropya shashaMsa tamAdarAt || 40\-2|| iha cha santyanimittashatAni te kaTakasImni tato laghu gamyatAm | iti cha tadvachasA vrajanAyako bhavadapAyabhiyA drutamAyayau || 40\-3|| avasare khalu tatra cha kAchana vrajapade madhurAkR^itira~NganA | taralaShaTpadalAlitakuntalA kapaTapotaka te nikaTaM gatA || 40\-4|| sapadi sA hR^itabAlakachetanA nishicharAnvayajA kila pUtanA | vrajavadhUShviha keyamiti kShaNaM vimR^ishatIShu bhavantamupAdade || 40\-5|| lalitabhAvavilAsahR^itAtmabhiryuvatibhiH pratiroddhumapAritA | stanamasau bhavanAntaniSheduShI pradaduShI bhavate kapaTAtmane || 40\-6|| samadhiruhya tada~Nkamasha~Nkitastvamatha bAlakalopanaroShitaH | mahadivAmraphalaM kuchamaNDalaM pratichuchUShitha durviShadUShitam || 40\-7|| asubhireva samaM dhayati tvayi stanamasau stanitopamanisvanA | nirapatadbhayadAyi nijaM vapuH pratigatA pravisArya bhujAvubhau || 40\-8|| bhayadaghoShaNabhIShaNavigrahashravaNadarshanamohitavallave | vrajapade taduraHsthalakhelanaM nanu bhavantamagR^ihNata gopikAH || 40\-9|| bhuvanama~NgalanAmabhireva te yuvatibhirbahudhA kR^itarakShaNaH | tvamayi vAtaniketananAtha mAmagadayan kuru tAvakasevakam || 40\-10|| iti chatvAriMshadashakaM samAptam | \iti \section{ekachatvAriMshadashakam (41)} \yyy{pUtanAdahanaM tathA kR^iShNalALanAhlAdam | ## 41 - Cremation of Putana and Joy of Caressing Krishna##} vrajeshvaraH shaurivacho nishamya samAvrajannadhvani bhItachetAH | niShpiShTanishsheShataruM nirIkShya ka~nchitpadArthaM sharaNaM gatastvAm || 41\-1|| nishamya gopIvachanAdudantaM sarve.api gopA bhayavismayAndhAH | tvatpAtitaM ghorapishAchadehaM dehurvidUre.atha kuThArakR^ittam || 41\-2|| tvatpItapUtastanatachCharIrAtsamuchchalannuchchataro hi dhUmaH | sha~NkAmadhAdAgaravaH kimeSha kiM chAndano gaulgulavo.athaveti || 41\-3|| mada~Ngasa~Ngasya phalaM na dUre kShaNena tAvadbhavatAmapi syAt | ityullapanvallavatallajebhyastvaM pUtanAmAtanuthAssugandhim || 41\-4|| chitraM pishAchyA na hataH kumArashchitraM puraivAkathi shauriNedam | iti prashaMsankila gopaloko bhavanmukhAlokarase nyamA~NkShIt || 41\-5|| dine dine.atha prativR^iddhalakShmIrakShINamA~Ngalyashato vrajo.ayam | bhavannivAsAdayi vAsudeva pramodasAndraH parito vireje || 41\-6|| gR^iheShu te komalarUpahAsamithaH kathAsa~NkulitAH kamanyaH | vR^itteShu kR^ityeShu bhavannirIkShAsamAgatAH pratyahamatyanandan || 41\-7|| aho kumAro mayi dattadR^iShTiH smitaM kR^itaM mAM prati vatsakena | ehyehi mAmityupasArya pANiM tvayIsha kiM kiM na kR^itaM vadhUbhiH || 41\-8|| bhavadvapuHsparshanakautukena karAtkaraM gopavadhUjanena | nItastvamAtAmrasarojamAlAvyAlambilolambatulAmalAsIH || 41\-9|| nipAyayantI stanama~NkagaM tvAM vilokayantI vadanaM hasantI | dashAM yashodA katamAnna bheje sa tAdR^ishaH pAhi hare gadAnmAm || 41\-10|| iti ekachatvAriMshadashakaM samAptam || \iti \section{dvichatvAriMshadashakam (42)} \yyy{shakaTAsuravadham | ## 42 - Slaying of Shakatasura##} kadApi janmarkShadine tava prabho nimantritaj~nAtivadhUmahIsurA | mahAnasastvAM savidhe nidhAya sA mahAnasAdau vavR^ite vrajeshvarI || 42\-1|| tato bhavattrANaniyuktabAlakaprabhItisa~Nkrandanasa~NkulAravaiH | vimishramashrAvi bhavatsamIpataH parisphuTaddAruchaTachchaTAravaH || 42\-2|| tatastadAkarNanasambhramashramaprakampivakShojabharA vrajA~NganAH | bhavantamantardadR^ishuH samantato viniShpataddAruNadArumadhyagam || 42\-3|| shishoraho kiM kimabhUditi drutaM pradhAvya nandaH pashupAshcha bhUsurAH | bhavantamAlokya yashodayA dhR^itaM samAshvasannashrujalArdralochanAH || 42\-4|| kasko nu kautaskuta eSha vismayo visha~NkaTaM yachChakaTaM vipATitam | na kAraNaM ki~nchidiheti te sthitAH svanAsikAdattakarAstvadIkShakAH || 42\-5|| kumArakasyAsya payodharArthinaH prarodane lolapadAmbujAhatam | mayA mayA dR^iShTamano viparyagAditIsha te pAlakabAlakA jaguH || 42\-6|| bhiyA tadA ki~nchidajAnatAmidaM kumArakANAmatidurghaTaM vachaH | bhavatprabhAvAvidurairitIritaM manAgivAsha~Nkyata dR^iShTapUtanaiH || 42\-7|| pravAlatAmraM kimidaM padaM kShataM sarojaramyau nu karau virojitau | iti prasarpatkaruNAtara~NgitAstvada~NgamApaspR^ishura~NganAjanAH || 42\-8|| aye sutaM dehi jagatpateH kR^ipAtara~NgapAtAtparipAtamadya me | iti sma sa~NgR^ihya pitA tvada~NgakaM muhurmuhuH shliShyati jAtakaNTakaH || 42\-9|| anonilInaH kila hantumAgataH surArirevaM bhavatA vihiMsitaH | rajo.api no dR^iShTamamuShya tatkathaM sa shuddhasattve tvayi lInavAndhruvam || 42\-10|| prapUjitaistatra tato dvijAtibhirvisheShato lambhitama~NgalAshiShaH | vrajaM nijairbAlyarasairvimohayanmarutpurAdhIsha rujAM jahIhi me || 42\-11|| iti dvichatvAriMshadashakaM samAptam | \iti \section{trichatvAriMshadashakam (43)} \yyy{tR^iNAvartavadham | ## 43 - The Slaying of Trinavarta##} tvAmekadA gurumarutpuranAtha voDhuM gADhAdhirUDhagarimANamapArayantI | mAtA nidhAya shayane kimidaM bateti dhyAyantyacheShTata gR^iheShu niviShTasha~NkA || 43\-1|| tAvadvidUramupakarNitaghoraghoSha\- vyAjR^imbhipAMsupaTalIparipUritAshaH | vAtyAvapuH sa kila daityavarastR^iNAva\- rtAkhyo jahAra janamAnasahAriNaM tvAm || 43\-2|| uddAmapAMsutimirAhatadR^iShTipAte draShTuM kimapyakushale pashupAlaloke | hA bAlakasya kimiti tvadupAntamAptA mAtA bhavantamavilokya bhR^ishaM ruroda || 43\-3|| tAvatsa dAnavavaro.api cha dInamUrti\- rbhAvatkabhAraparidhAraNalUnavegaH | sa~NkochamApa tadanu kShatapAMsughoShe ghoShe vyatAyata bhavajjananIninAdaH || 43\-4|| rodopakarNanavashAdupagamya gehaM krandatsu nandamukhagopakuleShu dInaH | tvAM dAnavastvakhilamuktikaraM mumukShu\- stvayyapramu~nchati papAta viyatpradeshAt || 43\-5|| rodAkulAstadanu gopagaNA bahiShTha\- pAShANapR^iShThabhuvi dehamatisthaviShTham | praikShanta hanta nipatantamamuShya vakSha\- syakShINameva cha bhavantamalaM hasantam || 43\-6|| grAvaprapAtaparipiShTagariShThadeha\- bhraShTAsuduShTadanujopari dhR^iShTahAsam | AghnAnamambujakareNa bhavantametya gopA dadhurgirivarAdiva nIlaratnam || 43\-7|| ekaikamAshu parigR^ihya nikAmananda\- nnandAdigopaparirabdhavichumbitA~Ngam | AdAtukAmaparisha~NkitagopanArI\- hastAmbujaprapatitaM praNumo bhavantam || 43\-8|| bhUyo.api kinnu kR^iNumaH praNatArtihArI govinda eva paripAlayatAtsutaM naH | ityAdi mAtarapitR^ipramukhaistadAnIM samprArthitastvadavanAya vibho tvameva || 43\-9|| vAtAtmakaM danujamevamayi pradhUnvan vAtodbhavAnmama gadAnkimu no dhunoShi | kiM vA karomi puranapyanilAlayesha nishsheSharogashamanaM muhurarthaye tvAm || 43\-10|| iti trichatvAriMshadashakaM samAptam | \iti \section{chatushchatvAriMshadashakam (44)} \yyy{nAmakaraNasaMskArAdi | ## 44 - Naming Ceremony Etc##} gUDhaM vasudevagirA kartuM te niShkriyasya saMskArAn | hR^idgatahorAtatvo gargamunistvadgR^ihaM vibho gatavAn || 44\-1|| nando.atha nanditAtmA vR^indiShTaM mAnayannamuM yaminAm | mandasmitArdramUche tvatsaMskArAn vidhAtumutsukadhIH || 44\-2|| yaduvaMshAchAryatvAtsunibhR^itamidamArya kAryamiti kathayan | gargo nirgatapulakashchakre tava sAgrajasya nAmAni || 44\-3|| kathamasya nAma kurve sahasranAmno hyanantanAmno vA | iti nUnaM gargamunishchakre tava nAma nAma rahasi vibho || 44\-4|| kR^iShidhAtuNakArAbhyAM sattAnandAtmatAM kilAbhilapat | jagadaghakarShitvaM vA kathayadR^iShiH kR^iShNanAma te vyatanot || 44\-5|| anyAMshcha nAmabhedAn vyAkurvannagraje cha rAmAdIn | atimAnuShAnubhAvaM nyagadattvAmaprakAshayanpitre || 44\-6|| snihyati yastava putre muhyati sa na mAyikaiH punashshokaiH | druhyati yassa tu nashyedityavadatte mahattvamR^iShivaryaH || 44\-7|| jeShyati bahutaradaityAn neShyati nijabandhulokamamalapadam | shroShyati suvimalakIrtIrasyeti bhavadvibhUtimR^iShirUche || 44\-8|| amunaiva sarvadurgaM taritAstha kR^itAsthamatra tiShThadhvam | harirevetyanabhilapannityAdi tvAmavarNayatsa muniH || 44\-9|| garge.atha nirgate.asmin nanditanandAdinandyamAnastvam | madgadamudgatakaruNo nirgamaya shrImarutpurAdhIsha || 44\-10|| iti chatushchatvAriMshadashakaM samAptam | \iti \section{pa~nchachatvAriMshadashakam (45)} \yyy{shrIkR^iShNasya bAlalIlAH | ## 45 - Krishna's Childhood Pranks##} ayi sabala murAre pANijAnuprachAraiH kimapi bhavanabhAgAn bhUShayantau bhavantau | chalitacharaNaka~njau ma~njuma~njIrashi~njA\- shravaNakutukabhAjau cheratushchAru vegAt || 45\-1|| mR^idu mR^idu vihasantAvunmiShaddantavantau vadanapatitakeshau dR^ishyapAdAbjadeshau | bhujagalitakarAntavyAlagatka~NkaNA~Nkau matimaharatamuchchaiH pashyatAM vishvanR^INAm || 45\-2|| anusarati janaughe kautukavyAkulAkShe kimapi kR^itaninAdaM vyAhasantau dravantau | valitavadanapadmaM pR^iShThato dattadR^iShTI kimiva na vidadhAthe kautukaM vAsudeva || 45\-3|| drutagatiShu patantAvutthitau liptapa~Nkau divi munibhirapa~NkaiH sasmitaM vandyamAnau | drutamatha jananIbhyAM sAnukampaM gR^ihItau muhurapi parirabdhau drAgyuvAM chumbitau cha || 45\-4|| snutakuchabharama~Nke dhArayantI bhavantaM taralamati yashodA stanyadA dhanyadhanyA | kapaTapashupa madhye mugdhahAsA~NkuraM te dashanamukulahR^idyaM vIkShya vaktraM jaharSha || 45\-5|| tadanu charaNachArI dArakaiH sAkamArA\- nnilayatatiShu khelan bAlachApalyashAlI | bhavanashukabiDAlAn vatsakAMshchAnudhAvan kathamapi kR^itahAsairgopakairvArito.abhUH || 45\-6|| haladharasahitastvaM yatra yatropayAto vivashapatitanetrAstatra tatraiva gopyaH | vigalitagR^ihakR^ityA vismR^itApatyabhR^ityA murahara muhuratyantAkulA nityamAsan || 45\-7|| pratinavanavanItaM gopikAdattamichChan kalapadamupagAyan komalaM kvApi nR^ityan | sadayayuvatilokairarpitaM sarpirashnan kvachana navavipakvaM dugdhamapyApibastvam || 45\-8|| mama khalu baligehe yAchanaM jAtamAstA\- miha punarabalAnAmagrato naiva kurve | iti vihitamatiH kiM deva santyajya yAch~nAM dadhighR^itamaharastvaM chAruNA choraNena || 45\-9|| tava dadhighR^itamoShe ghoShayoShAjanAnA\- mabhajata hR^idi roSho nAvakAshaM na shokaH | hR^idayamapi muShitvA harShasindhau nyadhAstvaM sa mama shamaya rogAnvAtagehAdhinAtha || 45\-10|| iti pa~nchachatvAriMshadashakaM samAptam | \iti \section{ShaTchatvAriMshadashakam (46)} \yyy{vishvarUpadarshanam | ## 46 - Revelation of the Cosmic Form##} ayi deva purA kila tvayi svayamuttAnashaye stanandhaye | parijR^imbhaNato vyapAvR^ite vadane vishvamachaShTa vallavI || 46\-1|| punarapyatha bAlakaiH samaM tvayi lIlAnirate jagatpate | phalasa~nchayava~nchanakR^idhA tava mR^idbhojanamUchurarbhakAH || 46\-2|| ayi te pralayAvadhau vibho kShititoyAdisamastabhakShiNaH | mR^idupAshanato rujA bhavediti bhItA jananI chukopa sA || 46\-3|| ayi durvinayAtmaka tvayA kimu mR^itsA bata vatsa bhakShitA | iti mAtR^igiraM chiraM vibho vitathAM tvaM pratijaj~niShe hasan || 46\-4|| ayi te sakalairvinishchite vimatishchedvadanaM vidAryatAm | iti mAtR^ivibhartsito mukhaM vikasatpadmanibhaM vyadArayaH || 46\-5|| api mR^illavadarshanotsukAM jananIM tAM bahu tarpayanniva | pR^ithivIM nikhilAM na kevalaM bhuvanAnyapyakhilAnyadIdR^ishaH || 46\-6|| kuhachidvanamambudhiH kvachit kvachidabhraM kuhachidrasAtalam | manujA danujAH kvachitsurA dadR^ishe kiM na tadA tvadAnane || 46\-7|| kalashAmbudhishAyinaM punaH paravaikuNThapadAdhivAsinam | svapurashcha nijArbhakAtmakaM katidhA tvAM na dadarsha sA mukhe || 46\-8|| vikasadbhuvane mukhodare nanu bhUyo.api tathAvidhAnanaH | anayA sphuTamIkShito bhavAnanavasthAM jagatAM batAtanot || 46\-9|| dhR^itatattvadhiyaM tadA kShaNaM jananIM tAM praNayena mohayan | stanamamba dishetyupAsajan bhagavannadbhutabAla pAhi mAm || 46\-10|| iti ShaTchatvAriMshadashakaM samAptam | \iti \section{saptachatvAriMshadashakam (47)} \yyy{ulUkhalabandhanam | ## 47 - Tying Krishna To the Mortar##} ekadA dadhivimAthakAriNIM mAtaraM samupasedivAn bhavAn | stanyalolupatayA nivArayanna~Nkametya papivAnpayodharau || 47\-1|| ardhapItakuchakuDmale tvayi snigdhahAsamadhurAnanAmbuje | dugdhamIsha dahane parisrutaM dhartumAshu jananI jagAma te || 47\-2|| sAmipItarasabha~Ngasa~NgatakrodhabhAraparibhUtachetasA | manthadaNDamupagR^ihya pATitaM hanta deva dadhibhAjanaM tvayA || 47\-3|| uchchalad.hdhvanitamuchchakaistadA sannishamya jananI samAdR^itA | tvadyashovisaravaddadarsha sA sadya eva dadhi vistR^itaM kShitau || 46\-4|| vedamArgaparimArgitaM ruShA tvAmavIkShya parimArgayantyasau | sandadarsha sukR^itinyulUkhale dIyamAnanavanItamotave || 46\-5|| tvAM pragR^ihya bata bhItibhAvanAbhAsurAnanasarojamAshu sA | roSharUShitamukhI sakhIpuro bandhanAya rashanAmupAdade || 47\-6|| bandhumichChati yameva sajjanastaM bhavantamayi bandhumichChati | sA niyujya rashanAguNAnbahUn dvya~NgulonamakhilaM kilaikShata || 47\-7|| vismitotsmitasakhIjanekShitAM svinnasannavapuShaM nirIkShya tAm | nityamuktavapurapyaho hare bandhameva kR^ipayAnvamanyathAH || 47\-8|| sthIyatAM chiramulUkhale khaletyAgatA bhavanameva sA yadA | prAgulUkhalabilAntare tadA sarpirarpitamadannavAsthitAH || 47\-9|| yadyapAshasugamo bhavAnvibho saMyataH kimu sapAshayAnayA | evamAdi divijairabhiShTuto vAtanAtha paripAhi mAM gadAt || 47\-10|| iti saptachatvAriMshadashakaM samAptam | \iti \section{aShTachatvAriMshadashakam (48)} \yyy{naLakUbara\-maNigrIvayoH shApamokSham | ## 48 - Redemption of Nalakubara And Manigriva##} mudA suraughaistvamudArasammadairudIrya dAmodara ityabhiShTutaH | mR^idUdaraH svairamulUkhale lagannadUrato dvau kakubhAvudaikShathAH || 48\-1|| kuberasUnurnalakUbarAbhidhaH paro maNigrIva iti prathAM gataH | maheshasevAdhigatashriyonmadau chiraM kila tvadvimukhAvakhelatAm || 48\-2|| surApagAyAM kila tau madotkaTau surApagAyadbahuyauvatAvR^itau | vivAsasau keliparau sa nArado bhavatpadaikapravaNo niraikShata || 48\-3|| bhiyA priyAlokamupAttavAsasaM puro nirIkShyApi madAndhachetasau | imau bhavadbhaktyupashAntisiddhaye munirjagau shAntimR^ite kutassukham || 48\-4|| yuvAmavAptau kakubhAtmatAM chiraM hariM nirIkShyAtha padaM svamApnutam | itIritau tau bhavadIkShaNaspR^ihAM gatau vrajAnte kakubhau babhUvatuH || 48\-5|| atandramindradruyugaM tathAvidhaM sameyuShA mantharagAminA tvayA | tirAyitolUkhalarodhanirdhutau chirAya jIrNau paripAtitau tarU || 48\-6|| abhAji shAkhidvitayaM yadA tvayA tadaiva tadgarbhatalAnnireyuShA | mahAtviShA yakShayugena tatkShaNAdabhAji govinda bhavAnapi stavaiH || 48\-7|| ihAnyabhakto.api sameShyati kramAdbhavantametau khalu rudrasevakau | muniprasAdAdbhavada~NghrimAgatau gatau vR^iNAnau khalu bhaktimuttamAm || 48\-8|| tatastarUddAraNadAruNAravaprakampisampAtini gopamaNDale | vilajjitatvajjananImukhekShiNA vyamokShi nandena bhavAnvimokShadaH || 48\-9|| mahIruhormadhyagato batArbhako hareH prabhAvAdaparikShato.adhunA | iti bruvANairgamito gR^ihaM bhavAnmarutpurAdhIshvara pAhi mAM gadAt || 48\-10|| iti aShTachatvAriMshadashakaM samAptam | \iti \section{ekonapa~nchAshattamadashakam (49)} \yyy{vR^indAvanapravesham | ## 49 - Journey To Vrindavana##} bhavatprabhAvAvidurA hi gopAstaruprapAtAdikamatra goShThe | ahetumutpAtagaNaM visha~Nkya prayAtumanyatra mano vitenuH || 49\-1|| tatropanandAbhidhagopavaryo jagau bhavatpreraNayaiva nUnam | itaH pratIchyAM vipinaM manoj~naM vR^indAvanaM nAma virAjatIti || 49\-2|| bR^ihadvanaM tatkhalu nandamukhyA vidhAya gauShThInamatha kShaNena | tvadanvitatvajjananIniviShTagariShThayAnAnugatA vicheluH || 49\-3|| anomanoj~nadhvanidhenupAlIkhurapraNAdAntarato vadhUbhiH | bhavadvinodAlapitAkSharANi prapIya nAj~nAyata mArgadairghyam || 49\-4|| nirIkShya vR^indAvanamIsha nandatprasUnakundapramukhadrumaugham | amodathAshshAdvalasAndralakShmyA harinmaNIkuTTimapuShTashobham || 49\-5|| navAkanirvyUDhanivAsabhedeShvasheShagopeShu sukhAsiteShu | vanashriyaM gopakishorapAlIvimishritaH paryavalokathAstvam || 49\-6|| arAlamArgAgatanirmalApAM marAlakujAkR^itanarmalApAm | nirantarasmerasarojavaktrAM kalindakanyAM samalokayastvam || 49\-7|| mayUrakekAshatalobhanIyaM mayUkhamAlashabalaM maNInAm | viri~nchalokaspR^ishamuchchashR^i~NgairgiriM cha govardhanamaikShathAstvam || 49\-8|| samaM tato gopakumArakaistvaM samantato yatra vanAntamAgAH | tatastatastAM kR^iTilAmapashyaH kalindajAM rAgavatImivaikAm || 49\-9|| tathAvidhe.asminvipine pashavye samutsuko vatsagaNaprachAre | charansarAmo.atha kumArakaistvaM samIragehAdhipa pAhi rogAt || 49\-10|| iti ekonapa~nchAshattamadashakaM samAptam | \iti \section{pa~nchAshattamadashakam (50)} \yyy{vatsAsura\-bakAsurayoH vadham | ## 50 - Slaying of VatsAsura And BakAsura##} taralamadhukR^idvR^inde vR^indAvane.atha manohare pashupashishubhissAkaM vatsAnupAlanalolupaH | haladharasakho deva shrIman vicheritha dhArayan gavalamuralIvetraM netrAbhirAmatanudyutiH || 50\-1|| vihitajagatIrakShaM lakShmIkarAmbujalAlitaM dadati charaNadvandvaM vR^indAvane tvayi pAvane | kimiva na babhau sampatsampUritaM taruvallarI\- saliladharaNIgotrakShetrAdikaM kamalApate || 50\-2|| vilasadulape kAntArAnte samIraNashItale vipulayamunAtIre govardhanAchalamUrdhasu | lalitamuralInAdassa~nchArayankhalu vAtsakaM kvachana divase daityaM vatsAkR^itiM tvamudaikShathAH || 50\-3|| rabhasavilasatpuchChaM vichChAyato.asya vilokayan kimapi valitaskandhaM randhrapratIkShamudIkShitam | tamatha charaNe bibhradvibhrAmayanmuhuruchchakaiH kuhachana mahAvR^ikShe chikShepitha kShatajIvitam || 50\-4|| nipatati mahAdaitye jAtyA durAtmani tatkShaNaM nipatanajavakShuNNakShoNIruhakShatakAnane | divi parimiladvR^indA vR^indArakAH kusumotkaraiH shirasi bhavato harShAdvarShanti nAma tadA hare || 50\-5|| surabhilatamA mUrdhanyUrdhvaM kutaH kusumAvalI nipatati tavetyukto bAlaiH sahelamudairayaH | jhaTiti danujakShepeNordhvaM gatastarumaNDalAt kusumanikarasso.ayaM nUnaM sameti shanairiti || 50\-6|| kvachana divase bhUyo bhUyastare paruShAtape tapanatanayApAthaH pAtuM gatA bhavadAdayaH | chalitagarutaM prekShAmAsurbakaM khalu vismR^itaM kShitidharagaruchChede kailAsashailamivAparam || 50\-7|| pibati salilaM gopavrAte bhavantamabhidrutaH sa kila nigilannagniprakhyaM punardrutamudvaman | dalayitumagAttroTyAH koTyA tadA tu bhavAnvibho khalajanabhidA chu~nchushcha~nchU pragR^ihya dadAra tam || 50\-8|| sapadi sahajAM sandraShTuM vA mR^itAM khalu pUtanA\- manujamaghamapyagre gatvA pratIkShitumeva vA | shamananilayaM yAte tasminbake sumanogaNe kirati sumanovR^indaM vR^indAvanAdgR^ihamaiyathAH || 50\-9|| lalitamuralInAdaM dUrAnnishamya vadhUjanai\- stvaritamupagamyArAdArUDhamodamudIkShitaH | janitajananInandAnandassamIraNamandira\- prathitavasate shaure dUrIkuruShva mamAmayAn || 50\-10|| iti pa~nchAshattamashakaM samAptaM \iti \section{ekapa~nchAshattamashakam (51)} \yyy{aghAsuravadham | ## 51 - Slaying of AghAsura##} kadAchana vrajashishubhiH samaM bhavAn vanAshane vihitamatiH pragetarAm | samAvR^ito bahutaravatsamaNDalaiH satemanairniragamadIsha jemanaiH || 51\-1|| viniryatastava charaNAmbujadvayAduda~nchitaM tribhuvanapAvanaM rajaH | maharShayaH pulakadharaiH kalevarairudUhire dhR^itabhavadIkShaNotsavAH || 51\-2|| prachArayatyaviralashAdvale tale pashUnvibho bhavati samaM kumArakaiH | aghAsuro nyaruNadaghAya vartanIM bhayAnakaH sapadi shayAnakAkR^itiH || 51\-3|| mahAchalapratimatanorguhAnibhaprasAritaprathitamukhasya kAnane | mukhodaraM viharaNakautukAdgatAH kumArakAH kimapi vidUrage tvayi || 51\-4|| pramAdataH pravishati pannagodaraM kvathattanau pashupakule savAtsake | vidannidaM tvamapi viveshitha prabho suhR^ijjanaM visharaNamAshu rakShitum || 51\-5|| galodare vipulitavarShmaNA tvayA mahorage luThati niruddhamArute | drutaM bhavAnvidalitakaNThamaNDalo vimochayanpashupapashUn viniryayau || 51\-6|| kShaNaM divi tvadupagamArthamAsthitaM mahAsuraprabhavamaho maho mahat | vinirgate tvayi tu nilInama~njasA nabhaHsthale nanR^ituratho jagussurAH || 51\-7|| savismayaiH kamalabhavAdibhiH surairanudrutastadanu gataH kumArakaiH | dine punastaruNadashAmupeyuShi svakairbhavAnatanuta bhojanotsavam || 51\-8|| viShANikAmapi muralIM nitambake niveshayankabaladharaH karAmbuje | prahAsayankalavachanaiH kumArakAn bubhojitha tridashagaNairmudA nutaH || 51\-9|| sukhAshanaM tviha tava gopamaNDale makhAshanAtpriyamiva devamaNDale | iti stutastridashavarairjagatpate marutpurInilaya gadAtprapAhi mAm || 51\-10|| iti ekapa~nchAshattamadashakaM samAptam | \iti \section{dvipa~nchAshattamadashakam (52)} \yyy{vatsasteyaM tathA brahmagarvashamanam | ## 52 - The Stealing of the Calves By Brahma And Humbling of Brahma's Pride.##} anyAvatAranikareShvanirIkShitaM te bhUmAtirekamabhivIkShya tadAghamokShe | brahmA parIkShitumanAH sa parokShabhAvaM ninye.atha vatsakagaNAnpravitatya mAyAm || 52\-1|| vatsAnavIkShya vivashe pashupotkare tAnAnetukAma iva dhAtR^imatAnuvartI | tvaM sAmibhuktakabalo gatavAMstadAnIM bhuktAMstirodhita sarojabhavaH kumArAn || 52\-2|| vatsAyitastadanu gopagaNAyitastvaM shikyAdibhANDamuralIgavalAdirUpaH | prAgvadvihR^itya vipineShu chirAya sAyaM tvaM mAyayAtha bahudhA vrajamAyayAtha || 52\-3|| tvAmeva shikyAgavalAdimayaM dadhAno bhUyastvameva pashuvatsakabAlarUpaH | gorUpiNIbhirapi gopavadhUmayIbhirAsAdito.asi jananIbhiratipraharShAt || 52\-4|| jIvaM hi ka~nchidabhimAnavashAtsvakIyaM matvA tanUja iti rAgabharaM vahantyaH | AtmAnameva tu bhavantamavApya sUnuM prItiM yayurna kiyatIM vanitAshcha gAvaH || 52\-5|| evaM pratikShaNavijR^imbhitaharShabhAranishsheShagopagaNalAlitabhUrimUrtim | tvAmagrajo.api bubudhe kila vatsarAnte brahmAtmanorapi mahAnyuvayorvisheShaH || 52\-6|| varShAvadhau navapurAtanavatsapAlAn dR^iShTvA vivekamasR^iNe druhiNe vimUDhe | prAdIdR^ishaH pratinavAnmakuTA~NgadAdibhUShAMshchaturbhujayujaH sajalAmbudAbhAn || 52\-7|| pratyekameva kamalAparilAlitA~NgAn bhogIndrabhogashayanAnnayanAbhirAmAn | lIlAnimIlitadR^ishaH sanakAdiyogivyAsevitAnkamalabhUrbhavato dadarsha || 52\-8|| nArAyaNAkR^itimasa~NkhyatamAM nirIkShya sarvatra sevakamapi svamavekShya dhAtA | mAyAnimagnahR^idayo vimumoha yAvadeko babhUvitha tadA kabalArdhapANiH || 52\-9|| nashyanmade tadanu vishvapatiM muhustvAM natvA cha nUtavati dhAtari dhAma yAte | potaiH samaM pramuditaiH pravishanniketaM vAtAlayAdhipa vibho paripAhi rogAt || 52\-10|| iti dvipa~nchAshattamadashakaM samAptaM \iti \section{tripa~nchAshattamadashakam (53)} \yyy{dhenukAsuravadham | ## 53 - Slaying of Dhenukasura##} atItya bAlyaM jagatAM pate tvamupetya paugaNDavayo manoj~nam | upekShya vatsAvanamutsavena prAvartathA gogaNapAlanAyAm || 53\-1|| upakramasyAnuguNaiva seyaM marutpurAdhIsha tava pravR^ittiH | gotrAparitrANakR^ite.avatIrNastadeva devArabhathAstadA yat || 53\-2|| kadApi rAmeNa samaM vanAnte vanashriyaM vIkShya charansukhena | shrIdAmanAmnaH svasakhasya vAchA modAdagA dhenukakAnanaM tvam || 53\-3|| uttAlatAlInivahe tvaduktyA balena dhUte.atha balena dorbhyAm | mR^iduH kharashchAbhyapatatpurastAt phalotkaro dhenukadAnavo.api || 53\-4|| samudyato dhainukapAlane.ahaM vadhaM kathaM dhainukamadya kurve | itIva matvA dhruvamagrajena suraughayoddhAramajIghatastvam || 53\-5|| tadIyabhR^ityAnapi jambukatvenopAgatAnagrajasaMyutastvam | jambUphalAnIva tadA nirAsthastAleShu khelanbhagavan nirAsthaH || 53\-6|| vinighnati tvayyatha jambukaughaM sanAmakatvAdvaruNastadAnIm | bhayAkulo jambukanAmadheyaM shrutiprasiddhaM vyadhiteti manye || 53\-7|| tavAvatArasya phalaM murAre sa~njAtamadyeti surairnutastvam | satyaM phalaM jAtamiheti hAsI bAlaiH samaM tAlaphalAnyabhu~NkthAH || 53\-8|| madhudravasrunti bR^ihanti tAni phalAni medobharabhR^inti bhuktvA | tR^iptaishcha dR^iptairbhavanaM phalaughaM vahadbhirAgAH khalu bAlakaistvam || 53\-9|| hato hato dhenuka ityupetya phalAnyadadbhirmadhurANi lokaiH | jayeti jIveti nuto vibho tvaM marutpurAdhIshvara pAhi rogAt || 53\-10|| iti tripa~nchAshattamadashakaM samAptam | \iti \section{chatuHpa~nchAshattamadashakam (54)} \yyy{kAliyasya kAlindIprAptiH tathA viShabAdhA ## 54 - Reason For Kaliya Coming To the Yamuna And Affliction by Poison.##} tvatsevotkaH saubharirnAma pUrvaM kAlindyantardvAdashAbdaM tapasyan | mInavrAte snehavAnbhogalole tArkShyaM sAkShAdaikShatAgre kadAchit || 54\-1|| tvadvAhaM taM sakShudhaM tR^ikShasUnuM mInaM ka~nchijjakShataM lakShayan saH | taptashchitte shaptavAnatra chettvaM jantUn bhoktA jIvitaM chApi moktA || 54\-2|| tasminkAle kAliyaH kShveladarpAtsarpArAteH kalpitaM bhAgamashnan | tena krodhAttvatpadAmbhojabhAjA pakShakShiptastaddurApaM payo.agAt || 54\-3|| ghore tasminsUrajAnIravAse tIre vR^ikShA vikShatAH kShvelavegAt | pakShivrAtAH peturabhre patantaH kAruNyArdraM tvanmanastena jAtam || 54\-4|| kAle tasminnekadA sIrapANiM muktvA yAte yAmunaM kAnanAntam | tvayyuddAmagrIShmabhIShmoShmataptA gogopAlA vyApiban kShvelatoyam || 54\-5|| nashyajjIvAn vichyutAn kShmAtale tAn vishvAn pashyannachyuta tvaM dayArdraH | prApyopAntaM jIvayAmAsitha drAk pIyUShAmbhovarShibhiH shrIkaTAkShaiH || 54\-6|| kiM kiM jAto harShavarShAtirekaH sarvA~NgeShvityutthitA gopasa~NghAH | dR^iShTvA.agre tvAM tvatkR^itaM tadvidantastvAmAli~Ngan dR^iShTanAnAprabhAvAH || 54\-7|| gAvashchaivaM labdhajIvAH kShaNena sphItAnandAstvAM cha dR^iShTvA purastAt | drAgAvavruH sarvato harShabAShpaM vyAmu~nchantyo mandamudyanninAdAH || 54\-8|| romA~ncho.ayaM sarvato naH sharIre bhUyasyantaH kAchidAnandamUrChA | Ashcharyo.ayaM kShvelavego mukundetyukto gopairnandito vandito.abhUH || 54\-9|| evaM bhaktAnmuktajIvAnapi tvaM mugdhApA~NkairastarogAMstanoShi | tAdR^igbhUtasphItakAruNyabhUmA rogAtpAyA vAyugehAdhinAtha || 54\-10|| iti chatuHpa~nchAshattamadashakaM samAptam | \iti \section{pa~nchapa~nchAshattamadashakam (55)} \yyy{kAliyanartanam | ## 55 - Krishna's Dance On Kaliya##} atha vAriNi ghorataraM phaNinaM prativArayituM kR^itadhIrbhagavan | drutamAritha tIraganIpataruM viShamArutashoShitaparNachayam || 55\-1|| adhiruhya padAmburuheNa cha taM navapallavatulyamoj~naruchA | hradavAriNi dUrataraM nyapataH parighUrNitaghoratara~NgagaNe || 55\-2|| bhuvanatrayabhArabhR^ito bhavato gurubhAravikampivijR^imbhijalA | parimajjayati sma dhanuHshatakaM taTinI jhaTiti sphuTaghoShavatI || 55\-3|| atha dikShu vidikShu parikShubhitabhramitodaravArininAdabharaiH | udakAdudagAduragAdhipatistvadupAntamashAntaruShAndhamanAH || 55\-4|| phaNashR^i~NgasahasravinissR^imarajvaladagnikaNograviShAmbudharam | purataH phaNinaM samalokayathA bahushR^i~NgiNama~njanashailamiva || 55\-5|| jvaladakShiparikSharadugraviShashvasanoShmabharaH sa mahAbhujagaH | paridaMshya bhavantamanantabalaM samaveShTayadasphuTacheShTamaho || 55\-6|| avilokya bhavantamathAkulite taTagAmini bAlakadhenugaNe | vrajagehatale.apyanimittashataM samudIkShya gatA yamunAM pashupAH || 55\-7|| akhileShu vibho bhavadIyadashAmavalokya jihAsuShu jIvabharam | phaNibandhanamAshu vimuchya javAdudagamyata hAsajuShA bhavatA || 55\-8|| adhiruhya tataH phaNirAjaphaNAnnanR^ite bhavatA mR^idupAdaruchA | kalashi~nchitanUpurama~nchumilatkaraka~NkaNasa~Nkulasa~NkvaNitam || 55\-9|| jahR^iShuH pashupAstutuShurmunayo vavR^iShuH kusumAni surendragaNAH | tvayi nR^ityati mArutagehapate paripAhi sa mAM tvamadAntagadAt || 55\-10|| iti pa~nchapa~nchAttamadashakaM samAptam | \iti \section{ShaTpa~nchAshattamadashakam (56)} \yyy{kAliyagarvashamanaM tathA bhagavadanugraham | ## 56 - Humbling of Kalia's Pride And Lord Blessing Kaliya##} ruchirakampitakuNDalamaNDalaH suchiramIsha nanartitha pannage | amaratADitadundubhisundaraM viyati gAyati daivatayauvate || 56\-1|| namati yadyadamuShya shiro hare parivihAya tadunnatamunnatam | parimathanpadapa~NkaruhA chiraM vyaharathAH karatAlamanoharam || 56\-2|| tvadavabhagnavibhugnaphaNAgaNe galitashoNitashoNitapAthasi | phaNipatAvavasIdati sannatAstadabalAstava mAdhava pAdayoH || 56\-3|| ayi puraiva chirAya parishrutatvadanubhAvavilInahR^ido hi tAH | munibhirapyanavApyapathaiH stavairnunuvurIsha bhavantamayantritam || 56\-4|| phaNivadhUjanabhaktivilokanapravikasatkaruNAkulachetasA | phaNipatirbhavatAchyuta jIvitastvayi samarpitamUrtiravAnamat || 56\-5|| ramaNakaM vraja vAridhimadhyagaM phaNiripurna karoti virodhitAm | iti bhavadvachanAnyatimAnayan phaNipatirniragAduragaiH samam || 56\-6|| phaNivadhUjanadattamaNivrajajvalitahAradukUlavibhUShitaH | taTagataiH pramadAshruvimishritaiH samagathAH svajanairdivasAvadhau || 56\-7|| nishi punastamasA vrajamandiraM vrajitumakShama eva janotkare | svapati tatra bhavachcharaNAshraye davakR^ishAnurarundha samantataH || 56\-8|| prabudhitAnatha pAlaya pAlayetyudayadArtaravAn pashupAlakAn | avitumAshu papAtha mahAnalaM kimiha chitramayaM khalu te mukham || 56\-9|| shikhina varNata eva hi pItatA parilasatyudhanA kriyayA.apyasau | iti nutaH pashupairmuditairvibho hara hare duritaiH saha me gadAn || 56\-10|| iti ShaTpa~nchAshattamadashakaM samAptaM \iti \section{saptapa~nchAshattamadashakam (57)} \yyy{pralambAsuravadham | ## 57 - Slaying of Pralambasura##} rAmasakhaH kvApi dine kAmada bhagavan gato bhavAnvipinam | sUnubhirapi gopAnAM dhenubhirabhisaMvR^ito lasadveShaH || 57\-1|| sandarshayanbalAya svairaM vR^indAvanashriyaM vimalAm | kANDIraiH saha bAlairbhANDIrakamAgamo vaTaM krIDan || 57\-2|| tAvattAvakanidhanaspR^ihayAlurgopamUrtiradayAluH | daityaH pralambanAmA pralambabAhuM bhavantamApede || 57\-3|| jAnannapyavijAnanniva tena samaM nibaddhasauhArdaH | vaTanikaTe paTupashupavyAbaddhaM dvandvayuddhamArabdhAH || 57\-4|| gopAnvibhajya tanvansa~NghaM balabhadrakaM bhavatkamapi | tvadbalabhIruM daityaM tvadbalagatamanvamanyathA bhagavan || 57\-5|| kalpitavijetR^ivahane samare parayUthagaM svadayitataram | shrIdAmAnamadhatthAH parAjito bhaktadAsatAM prathayan || 57\-6|| evaM bahuShu vibhUman bAleShu vahatsu vAhyamAneShu | rAmavijitaH pralambo jahAra taM dUrato bhavadbhItyA || 57\-7|| tvaddUraM gamayantaM taM dR^iShTvA halini vihitagarimabhare | daityaH svarUpamAgAdyadrUpAtsa hi balo.api chakito.abhUt || 57\-8|| uchchatayA daityatanostvanmukhamAlokya dUrato rAmaH | vigatabhayo dR^iDhamuShTyA bhR^ishaduShTaM sapadi piShTavAnenam || 57\-9|| hatvA dAnavavIraM prAptaM balamAlili~Ngitha premNA | tAvanmilatoryuvayoH shirasi kR^itA puShpavR^iShTiramaragaNaiH || 57\-10|| Alambo bhuvanAnAM prAlambaM nidhanamevamArachayan | kAlaM vihAya sadyo lolambaruche hare hara kleshAn || 57\-11|| iti saptapa~nchAshattamadashakaM samAptaM \iti \section{aShTapa~nchAshattamadashakam (58)} \yyy{dAvAgnisaMrakShaNaM tathA R^ituvarNanam | ## 58 - Rescue From Forest Fire and Description of Seasons##} tvayi viharaNalole bAlajAlaiH pralamba\- pramathanasavilambe dhenavaH svairachArAH | tR^iNakutukaniviShTA dUradUraM charantyaH kimapi vipinamaiShIkAkhyamIShAmbabhUvuH || 58\-1|| anadhigatanidAghakrauryavR^indAvanAntAt bahiridamupayAtAH kAnanaM dhenavastAH | tava virahaviShaNNA UShmalagrIShmatApa\- prasaravisaradambhasyAkulAH stambhamApuH || 58\-2|| tadanu saha sahAyairdUramanviShya shaure galitasaraNimu~njAraNyasa~njAtakhedam | pashukulamabhivIkShya kShipramAnetumArAt tvayi gatavati hI hI sarvato.agnirjajR^imbhe || 58\-3|| sakalahariti dIpte ghorabhA~NkArabhIme shikhini vihatamArgA ardhadagdhA ivArtAH | ahaha bhuvanabandho pAhi pAhIti sarve sharaNamupagatAstvAM tApahartAramekam || 58\-4|| alamalamatibhItya sarvato mIlayadhvaM bhR^ishamiti tava vAchA mIlitAkSheShu teShu | kvanu davadahano.asau kutra mu~njATavI sA sapadi vavR^itire te hanta bhaNDIradeshe || 58\-5|| jaya jaya tava mAyA keyamIsheti teShAM nutibhiruditahAso baddhanAnAvilAsaH | punarapi vipinAnte prAcharaH pATalAdi\- prasavanikaramAtragrAhyagharmAnubhAve || 58\-6|| tvayi vimukhavimochchaistApabhAraM vahantaM tava bhajanavadantaH pa~NkamuchChoShayantam | tava bhujavaduda~nchadbhUritejaHpravAhaM tapasamayamanaiShIryAmuneShu sthaleShu || 58\-7|| tadanu jaladajAlaistvadvapustulyabhAbhi\- rvikasadamalavidyutpItavAsovilAsaiH | sakalabhuvanabhAjAM harShadAM varShavelAM kShitidharakuhareShu svairavAsI vyanaiShIH || 58\-8|| kuharatalaniviShTaM tvAM gariShThaM girIndraH shikhikulanavakekAkAkubhiH stotrakArI | sphuTakuTajakadambastomapuShpA~njaliM cha pravidadhadanubheje deva govardhano.asau || 58\-9|| atha sharadamupetAM tAM bhavadbhaktacheto\- vimalasalilapUrAM mAnayankAnaneShu | tR^iNamamalavanAnte chAru sa~nchArayan gAH pavanapurapate tvaM dehi me dehasaukhyam || 58\-10|| iti aShTapa~nchAshattamadashakaM samAptam | \iti \section{ekonaShaShTitamadashakam (59)} \yyy{veNugAnavarNanam | ## 59 - Krishna Playing the Flute##} tvadvapurnavakalAyakomalaM premadohanamasheShamohanam | brahmatattvaparachinmudAtmakaM vIkShya sammumuhuranvahaM striyaH || 59\-1|| manmathonmathitamAnasAH kramAttvadvilokanaratAstatastataH | gopikAstava na sehire hare kAnanopagatimapyaharmukhe || 59\-2|| nirgate bhavati dattadR^iShTayastvadgatena manasA mR^igekShaNAH | veNunAdamupakarNya dUratastvadvilAsakathayAbhiremire || 59\-3|| kAnanAntamitavAnbhavAnapi snigdhapAdapatale manorame | vyatyayAkalitapAdamAsthitaH pratyapUrayata veNunAlikAm || 59\-4|| mArabANadhutakhecharIkulaM nirvikArapashupakShimaNDalam | drAvaNaM cha dR^iShadAmapi prabho tAvakaM vyajani veNukUjitam || 59\-5|| veNurandhrataralA~NgulIdalaM tAlasa~nchalitapAdapallavam | tatsthitaM tava parokShamapyaho saMvichintya mumuhurvrajA~NganAH || 59\-6|| nirvisha~Nkabhavada~NgadarshinIH khecharIH khagamR^igAnpashUnapi | tvatpadapraNayi kAnanaM cha tAH dhanyadhanyamiti nanvamAnayan || 59\-7|| ApibeyamadharAmR^itaM kadA veNubhuktarasasheShamekadA | dUrato bata kR^itaM durAshayetyAkulA muhurimAH samAmuhan || 59\-8|| pratyahaM cha punaritthama~NganAshchittayonijanitAdanugrahAt | baddharAgavivashAstvayi prabho nityamApuriha kR^ityamUDhatAm || 59\-9|| rAgastAvajjAyate hi svabhAvAnmokShopAyo yatnataH syAnna vA syAt | tAsAM tvekaM tad.hvayaM labdhamAsIdbhAgyaM bhAgyaM pAhi mAM mArutesha || 59\-10|| iti ekonaShaShTitamadashakaM samAptam | \iti \section{ShaShTitamadashakam (60)} \yyy{gopIvastrApaharaNam | ## 60 - Stealing the Clothes of the Gopikas##} madanAturachetaso.anvahaM bhavada~NghridvayadAsyakAmyayA | yamunAtaTasImni saikatIM taralAkShyo girijAM samArchichan || 60\-1|| tava nAmakathAratAH samaM sudR^ishaH prAtarupAgatA nadIm | upahArashatairapUjayan dayito nandasuto bhavediti || 60\-2|| iti mAsamupAhitavratAstaralAkShIrabhivIkShya tA bhavAn | karuNAmR^idulo nadItaTaM samayAsIttadanugrahechChayA || 60\-3|| niyamAvasitau nijAmbaraM taTasImanyavamuchya tAstadA | yamunAjalakhelanAkulAH puratastvAmavalokya lajjitAH || 60\-4|| trapayA namitAnanAsvatho vanitAsvambarajAlamantike | nihitaM parigR^ihya bhUruho viTapaM tvaM tarasAdhirUDhavAn || 60\-5|| iha tAvadupetya nIyatAM vasanaM vaH sudR^isho yathAyatham | iti narmamR^idusmite tvayi bruvati vyAmumuhe vadhUjanaiH || 60\-6|| ayi jIva chiraM kishora nastava dAsIravashIkaroShi kim | pradishAmbaramambujekShaNetyuditastvaM smitameva dattavAn || 60\-7|| adhiruhya taTaM kR^itA~njalIH parishuddhAH svagatIrnirIkShya tAH | vasanAnyakhilAnyanugrahaM punarevaM giramapyadA mudA || 60\-8|| viditaM nanu vo manIShitaM vaditArastviha yogyamuttaram | yamunApuline sachandrikAH kShaNadA ityabalAstvamUchivAn || 60\-9|| upakarNya bhavanmukhachyutaM madhuniShyandi vacho mR^igIdR^ishaH | praNayAdayi vIkShya vIkShya te vadanAbjaM shanakairgR^ihaM gatAH || 60\-10|| iti nanvanugR^ihya vallavIrvipinAnteShu pureva sa~ncharan | karuNAshishiro hare hara tvarayA me sakalAmayAvalim || 60\-11|| iti ShaShTitamadashakaM samAptaM \iti \section{ekaShaShTitamadashakam (61)} \yyy{viprapatnyanugraham | ## 61 - Blessing the Wives of the Performers of Vedic Sacrifices##} tatashcha vR^indAvanato.atidUrato vanaM gatastvaM khalu gopagokulaiH | hR^idantare bhaktataradvijA~NganAkadambakAnugrahaNAgrahaM vahan || 61\-1|| tato nirIkShyAsharaNe vanAntare kishoralokaM kShudhitaM tR^iShAkulam | adUrato yaj~naparAn dvijAnprati vyasarjayo dIdiviyAchanAya tAn || 61\-2|| gateShvatho teShvabhidhAya te.abhidhAM kumArakeShvodanayAchiShu prabho | shrutisthirA apyabhininyurashrutiM na ki~nchidUchushcha mahIsurottamAH || 61\-3|| anAdarAtkhinnadhiyo hi bAlakAH samAyayuryuktamidaM hi yajvasu | chirAdabhaktAH khalu te mahIsurAH kathaM hi bhaktaM tvayi taiH samarpyate || 61\-4|| nivedayadhvaM gR^ihiNIjanAya mAM disheyurannaM karuNAkulA imAH | iti smitArdraM bhavateritA gatAste dArakA dArajanaM yayAchire || 61\-5|| gR^ihItanAmni tvayi sambhramAkulAshchaturvidhaM bhojyarasaM pragR^ihya tAH | chiraM dhR^itatvatpravilokanAgrahAH svakairniruddhA api tUrNamAyayuH || 61\-6|| vilolapi~nChaM chikure kapolayoH samullasatkuNDalamArdramIkShite | nidhAya bAhuM suhR^idaMsasImani sthitaM bhavantaM samalokayanta tAH || 61\-7|| tadA cha kAchittvadupAgamodyatA gR^ihItahastA dayitena yajvanA | tadaiva sa~nchintya bhavantama~njasA vivesha kaivalyamaho kR^itinyasau || 61\-8|| AdAya bhojyAnyanugR^ihya tAH punastvada~Ngasa~NgaspR^ihayojjhatIrgR^iham | vilokya yaj~nAya visarjayannimAshchakartha bhartR^Inapi tAsvagarhaNAn || 61\-9|| nirUpya doShaM nijama~NganAjane vilokya bhaktiM cha punarvichAribhiH | prabuddhatattvaistvamabhiShTuto dvijairmarutpurAdhIsha nirundhi me gadAn || 61\-10|| iti ekaShaShTitamadashakaM samAptam | \iti \section{dviShaShTitamadashakam (62)} \yyy{indrayaj~nanirodhanaM tathA govardhanayAgam | ## 62 - Blocking of the Sacrifice To Indra And Performance of Sacrifice to Govardhana##} kadAchidgopAlAn vihitamakhasambhAravibhavAn nirIkShya tvaM shaure maghavamadamudhvaMsitumanAH | vijAnannapyetAn vinayamR^idu nandAdipashupA\- napR^ichChaH ko vAyaM janaka bhavatAmudyama iti || 62\-1|| babhAShe nandastvAM suta nanu vidheyo maghavato makho varShe varShe sukhayati sa varSheNa pR^ithivIm | nR^iNAM varShAyattaM nikhilamupajIvyaM mahitale visheShAdasmAkaM tR^iNasalilajIvA hi pashavaH || 62\-2|| iti shrutvA vAchaM piturayi bhavAnAha sarasaM dhigetanno satyaM maghavajanitA vR^iShTiriti yat | adR^iShTaM jIvAnAM sR^ijati khalu vR^iShTiM samuchitAM mahAraNye vR^ikShAH kimiva balimindrAya dadate || 62\-3|| idaM tAvatsatyaM yadiha pashavo naH kuladhanaM tadAjIvyAyAsau balirachalabhartre samuchitaH | surebhyo.apyutkR^iShTA nanu dharaNidevAH kShititale tataste.apyArAdhyA iti jagaditha tvaM nijajanAn || 62\-4|| bhavadvAchaM shrutvA bahumatiyutAste.api pashupA dvijendrAnarchanto balimadaduruchchaiH kShitibhR^ite | vyadhuH prAdakShiNyaM subhR^ishamanamannAdarayutA\- stvamAdaH shailAtmA balimakhilamAbhIrapurataH || 62\-5|| avochashchaivaM tAnkimiha vitathaM me nigaditaM girIndro nanveShu svabalimupabhU~Nkte svavapuShA | ayaM gotro gotradviShi cha kupite rakShitumalaM samastAnityuktA jahR^iShurakhilA gokulajuShaH || 62\-6|| pariprItA yAtAH khalu bhavadupetA vrajajuSho vrajaM yAvattAvannijamakhavibha~NgaM nishamayan | bhavantaM jAnannapyadhikarajasA.a.akrAntahR^idayo na sehe devendrastvaduparachitAtmonnatirapi || 62\-7|| manuShyatvaM yAto madhubhidapi deveShvavinayaM vidhatte chennaShTastridashasadasAM ko.api mahimA | tatashcha dhvaMsiShye pashupahatakasya shriyamiti pravR^ittastvAM jetuM sa kila maghavA durmadanidhiH || 62\-8|| tvadAvAsaM hantuM pralayajaladAnambarabhuvi prahiNvan bibhrANaH kulishamayamabhrebhagamanaH | pratasthe.anyairantardahanamarudAdyairvihasito bhavanmAyA naiva tribhuvanapate mohayati kam || 62\-9|| surendraH kruddhashchedvijakaruNayA shailakR^ipayA\- pyanAta~Nko.asmAkaM niyata iti vishvAsya pashupAn | aho kiM nAyAto giribhiditi sa~nchintya nivasan marudgehAdhIsha praNuda muravairin mama gadAn || 62\-10|| iti dviShaShTitamadashakaM samAptam | \iti \section{triShaShTitamadashakam (63)} \yyy{govardhanoddhAraNam | ## 63 - Holding Up the Govardhana Mountain##} dadR^ishire kila tatkShaNamakShatastanitajR^imbhitakampitadiktaTAH | suShamayA bhavada~NgatulAM gatA vrajapadopari vAridharAstvayA || 63\-1|| vipulakarakamishraistoyadhArAnipAtai\- rdishi dishi pashupAnAM maNDale daNDyamAne | kupitaharikR^itAnnaH pAhi pAhIti teShAM vachanamajita shruNvanmA bibhItetyabhANIH || 63\-2|| kula iha khalu gotro daivataM gotrashatro\- rvihatimiha sa rundhyAtko nuH vaH saMshAyo.asmin | iti sahasitavAdI deva govardhanAdriM tvaritamudamumUlo mUlato bAladorbhyAm || 63\-3|| tadanu girivarasya proddhR^itasyAsya tAvat sikatilamR^idudeshe dUrato vAritApe | parikaraparimishrAndhenugopAnadhastA\- dupanidadhadadhatthA hastapadmena shailam || 63\-4|| bhavati vidhR^itashaile bAlikAbhirvayasyai\- rapi vihitavilAsaM kelilApAdilole | savidhamilitadhenUrekahastena kaNDU\- yati sati pashupAlAstoShamaiShanta sarve || 63\-5|| atimahAn girireSha tu vAmake karasaroruhi taM dharate chiram | kimidamadbhutamadribalanviti tvadavalokibhirAkathi gopakaiH || 63\-6|| ahaha dhArShTyamamuShya vaTorgiriM vyathitabAhurasAvavaropayet | iti haristvayi baddhavigarhaNo divasasaptakamugramavarShayat || 63\-7|| achalati tvayi deva padAtpadaM galitasarvajale cha ghanotkare | apahR^ite marutA marutAM patistvadabhisha~NkitadhIH samupAdravat || 63\-8|| shamamupeyuShi varShabhare tadA pashupadhenukule cha vinirgate | bhuvi vibho samupAhitabhUdharaH pramuditaiH pashupaiH parirebhiShe || 63\-9|| dharaNimeva purA dhR^itavAnasi kShitidharoddharaNe tava kaH shramaH | iti nutastridashaiH kamalApate gurupurAlaya pAlaya mAM gadAt || 63\-10|| iti triShaShTitamadashakaM samAptam | \iti \section{chatuHShaShTitamadashakam (64)} \yyy{govindapaTTAbhiShekam | ## 64 - Crowning As Govinda##} Alokya shailoddharaNAdirUpaM prabhAvamuchchaistava gopalokAH | vishveshvaraM tvAmabhimatya vishve nandaM bhavajjAtakamanvapR^ichChan || 64\-1|| gargodito nirgadito nijAya vargAya tAtena tava prabhAvaH | pUrvAdhikastvayyanurAga eShAmaidhiShTa tAvadbahumAnabhAraH || 64\-2|| tato.avamAnoditatattvabodhaH surAdhirAjaH saha divyagavyA | upetya tuShTAva sa naShTagarvaH spR^iShTvA padAbjaM maNimaulinA te || 64\-3|| snehasnutaistvAM surabhiH payobhirgovindanAmA~NkitamabhyaShi~nchat | airAvatopAhR^itadivyaga~NgApAthobhirindro.api cha jAtaharShaH || 64\-4|| jagattrayeshe tvayi gokuleshe tathA.abhiShikte sati gopavATaH | nAke.api vaikuNThapade.apyalabhyAM shriyaM prapede bhavataH prabhAvAt || 64\-5|| kadAchidantaryamunaM prabhAte snAyan pitA vAruNapUruSheNa | nItastamAnetumagAH purIM tvaM tAM vAruNIM kAraNamartyarUpaH || 64\-6|| sasambhramaM tena jalAdhipena prapUjitastvaM pratigR^ihya tAtam | upAgatastatkShaNamAtmagehaM pitA.avadattachcharitaM nijebhyaH || 64\-7|| hariM vinishchitya bhavantametAn bhavatpadAlokanabaddhatR^iShNAn | nirIkShya viShNo paramaM padaM taddurApamanyaistvamadIdR^ishastAn || 64\-8|| sphuratparAnandarasapravAhaprapUrNakaivalyamahApayodhau | chiraM nimagnAH khalu gopasa~NghAstvayaiva bhUman punaruddhR^itAste || 64\-9|| karabadaravadevaM deva kutrAvatAre nijapadamanavApyaM darshitaM bhaktibhAjAm | tadiha pashuparUpI tvaM hi sAkShAtparAtmA pavanapuranivAsin pAhi mAmAmayebhyaH || 64\-10|| iti chatuHShaShTitamadashakaM samAptam | \iti \section{pa~nchaShaShTitamadashakam (65)} \yyy{gopikAnAM bhagavatsAmIpyaprAptiH | ## 65 - Gopikas' Coming To Krishna##} gopIjanAya kathitaM niyamAvasAne mArotsavaM tvamatha sAdhayituM pravR^ittaH | sAndreNa chAndramahasA shishirIkR^itAshe prApUrayo muralikAM yamunAvanAnte || 65\-1|| sammUrChanAbhiruditasvaramaNDalAbhiH sammUrChayantamakhilaM bhuvanAntarAlam | tvadveNunAdamupakarNya vibho taruNya\- stattAdR^ishaM kamapi chittavimohamApuH || 65\-2|| tA gehakR^ityaniratAstanayaprasaktAH kAntopasevanaparAshcha saroruhAkShyaH | sarvaM visR^ijya muralIravamohitAste kAntAradeshamayi kAntatano sametAH || 65\-3|| kAshchinnijA~NgaparibhUShaNamAdadhAnA veNupraNAdamupakarNya kR^itArdhabhUShAH | tvAmAgatA nanu tathaiva vibhUShitAbhya\- stA eva saMruruchire tava lochanAya || 65\-4|| hAraM nitambabhUvi kAchana dhArayantI kA~nchIM cha kaNThabhuvi deva samAgatA tvAm | hAritvamAtmajaghanasya mukunda tubhyaM vyaktaM babhASha iva mugdhamukhI visheShAt || 65\-5|| kAchitkuche punarasajjitaka~nchulIkA vyAmohataH paravadhUbhiralakShyamANA | tvAmAyayau nirupamapraNayAtibhAra\- rAjyAbhiShekavidhaye kalashIdhareva || 65\-6|| kAshchidgR^ihAtkila niretumapArayantya\- stvAmeva deva hR^idaye sudR^iDhaM vibhAvya | dehaM vidhUya parachitsukharUpamekaM tvAmAvishanparamimA nanu dhanyadhanyAH || 65\-7|| jArAtmanA na paramAtmatayA smarantyo nAryo gatAH paramahaMsagatiM kShaNena | tattvAM prakAshaparamAtmatanuM katha~nchi\- chchitte vahannamR^itamashramamashnuvIya || 65\-8|| abhyAgatAbhirabhito vrajasundarIbhi\- rmugdhasmitArdravadanaH karuNAvalokI | nissImakAntijaladhistvamavekShyamANo vishvaikahR^idya hara me paramesha rogAn || 65\-9|| iti pa~nchaShaShTitamadashakaM samAptam | \iti \section{ShaTShaShTitamadashakam (66)} \yyy{gopIjanAhlAdanam | ## 66 - Delighting the Gopikas##} upayAtAnAM sudR^ishAM kusumAyudhabANapAtavivashAnAm | abhivA~nChitaM vidhAtuM kR^itamatirapi tA jagAtha vAmamiva || 66\-1|| gaganagataM muninivahaM shrAvayituM jagitha kulavadhUdharmam | dharmyaM khalu te vachanaM karma tu no nirmalasya vishvAsyam || 66\-2|| AkarNya te pratIpAM vANImeNIdR^ishaH paraM dInAH | mA mA karuNAsindho parityajetyatichiraM vilepustAH || 66\-3|| tAsAM ruditairlapitaiH karuNAkulamAnaso murAre tvam | tAbhiH samaM pravR^itto yamunApulineShu kAmamabhirantum || 66\-4|| chandrakarasyandalasatsundarayamunAtaTAntavIthIShu | gopIjanottarIyairApAditasaMstaro nyaShIdastvam || 66\-5|| sumadhuranarmAlapanaiH karasa~NgrahaNaishcha chumbanollAsaiH | gADhAli~Nganasa~Ngaistvama~NganAlokamAkulIchakR^iShe || 66\-6|| vAsoharaNadine yadvAsoharaNaM pratishrutaM tAsAm | tadapi vibho rasavivashasvAntAnAM kAntasubhruvAmadadhAH || 66\-7|| kandalitagharmaleshaM kundamR^idusmeravaktrapAthojam | nandasuta tvAM trijagatsundaramupagUhya nanditA bAlAH || 66\-8|| viraheShva~NgAramayaH shR^i~NgAramayashcha sa~Ngame.api tvam | nitarAma~NgAramayastatra punaH sa~Ngame.api chitramidam || 66\-9|| rAdhAtu~NgapayodharasAdhuparIrambhalolupAtmAnam | ArAdhaye bhavantaM pavanapurAdhIsha shamaya sakalagadAn || 66\-10|| iti ShaTShaShTitamadashakaM samAptam | \iti \section{saptaShaShTitamadashakam (67)} \yyy{shrIkR^iShNatirodhAnaM tathA punaH pratyakShIbhUya gopikAH prINanam | ## 67 - Disappearance of the Lord and Reappearance, Etc##} sphuratparAnandarasAtmakena tvayA samAsAditabhogalIlAH | asImamAnandabharaM prapannA mahAntamApurmadamambujAkShyaH || 67\-1|| nilIyate.asau mayi mayyamAyaM ramApatirvishvamanobhirAmaH | itisma sarvAH kalitAbhimAnA nirIkShya govinda tirohito.abhUH || 67\-2|| rAdhAbhidhAM tAvadajAtagarvAmatipriyAM gopavadhUM murAre | bhavAnupAdAya gato vidUraM tayA saha svairavihArakArI || 67\-3|| tirohite.atha tvayi jAtatApAH samaM sametAH kamalAyatAkShyaH | vane vane tvAM parimArgayantyo viShAdamApurbhagavannapAram || 67\-4|| hA chUta hA champaka karNikAra hA mallike mAlati bAlavallyaH | kiM vIkShito no hR^idayaikachora ityAdi tAstvatpravaNA vilepuH || 67\-5|| nirIkShito.ayaM sakhi pa~NkajAkShaH puro mametyAkulamAlapantI | tvAM bhAvanAchakShuShi vIkShya kAchittApaM sakhInAM dviguNIchakAra || 67\-6|| tvadAtmikAstA yamunAtaTAnte tavAnuchakruH kila cheShTitAni | vichitya bhUyo.api tathaiva mAnAttvayA viyuktAM dadR^ishushcha rAdhAm || 67\-7|| tataH samaM tA vipine samantAttamovatArAvadhi mArgayantyaH | punarvimishrA yamunAtaTAnte bhR^ishaM vilepushcha jagurguNAMste || 67\-8|| tathAvyathAsa~NkulamAnasAnAM vrajA~NganAnAM karuNaikasindho | jagattrayImohanamohanAtmA tvaM prAdurAsIrayi mandahAsI || 67\-9|| sandigdhasandarshanamAtmakAntaM tvAM vIkShya tanvyassahasA tadAnIm | kiM kiM na chakruH pramadAtibhArAtsa tvaM gadAtpAlaya mArutesha || 67\-10|| iti saptaShaShTitamadashakaM samAptam | \iti \section{aShTaShaShTitamadashakam (68)} \yyy{gapikAnAM AhlAdaprakaTanam | ## 68 - Gopikas In the Lord's Joyous Company##} tava vilokanAdgopikAjanAH pramadasa~NkulAH pa~NkajekShaNa | amR^itadhArayA samplutA iva stimitatAM dadhustvatpurogatAH || 68\-1|| tadanu kAchana tvatkarAmbujaM sapadi gR^ihNatI nirvisha~Nkitam | ghanapayodhare saMvidhAya sA pulakasaMvR^itA tasthuShI chiram || 68\-2|| tava vibho purA komalaM bhujaM nijagalAntare paryaveShTayat | galasamudgataM prANamArutaM pratinirundhatIvAtiharShulA || 68\-3|| apagatatrapA kApi kAminI tava mukhAmbujAtpUgacharvitam | pratigR^ihayya tadvaktrapa~Nkaje nidadhatI gatA pUrNakAmatAm || 68\-4|| vikaruNo vane saMvihAya mAmapagato.asi kA tvAmiha spR^ishet | iti saroShayA tAvadekayA sajalalochanaM vIkShito bhavAn || 68\-5|| iti mudAkulairvallavIjanaiH samamupAgato yAmune taTe | mR^idukuchAmbaraiH kalpitAsane ghusR^iNabhAsure paryashobhathAH || 68\-6|| katividhA kR^ipA ke.api sarvato dhR^itadayodayAH kechidAshrite | katichidIdR^ishA mAdR^isheShvapItyabhihito bhavAnvallavIjanaiH || 68\-7|| ayi kumArikA naiva sha~NkyatAM kaThinatA mayi premakAtare | mayi tu chetaso vo.anuvR^ittaye kR^itamidaM mayetyUchivAnbhavAn || 68\-8|| ayi nishamyatAM jIvavallabhAH priyatamo jano nedR^isho mama | tadiha ramyatAM ramyayAminIShvanuparodhamityAlapo vibho || 68\-9|| iti girAdhikaM modamedurairvrajavadhUjanaiH sAkamAraman | kalitakautuko rAsakhelane gurupurIpate pAhi mAM gadAt || 68\-10|| iti aShTaShaShTitamadashakaM samAptam | \iti \section{ekonasaptatitamadashakam (69)} \yyy{rAsakrIDA | ## 69 - Rasakreeda##} keshapAshadhR^itapi~nChikAvitati sa~nchalanmakarakuNDalaM hArajAlavanamAlikAlalitama~NgarAgaghanasaurabham | pItacheladhR^itakA~nchikA~nchitamuda~nchadaMshumaNinUpuraM rAsakeliparibhUShitaM tava hi rUpamIsha kalayAmahe || 69\-1|| tAvadeva kR^itamaNDane kalitaka~nchulIkakuchamaNDale gaNDalolamaNikuNDale yuvatimaNDale.atha parimaNDale | antarA sakalasundarIyugalamindirAramaNa sa~ncharan ma~njulAM tadanu rAsakelimayi ka~njanAbha samupAdadhAH || 69\-2|| vAsudeva tava bhAsamAnamiha rAsakelirasasaurabhaM dUrato.api khalu nAradAgaditamAkalayya kutukAkulAH | veShabhUShaNavilAsapeshalavilAsinIshatasamAvR^itA nAkato yugapadAgatA viyati vegato.atha suramaNDalI || 69\-3|| veNunAdakR^itatAnadAnakalagAnarAgagatiyojanA\- lobhanIyamR^idupAdapAtakR^itatAlamelanamanoharam | pANisa~NkvaNitaka~NkaNaM cha muhuraMsalambitakarAmbujaM shroNibimbachaladambaraM bhajata rAsakelirasaDambaram || 69\-4|| shraddhayA virachitAnugAnakR^itatAratAramadhurasvare nartane.atha lalitA~NgahAralulitA~NgahAramaNibhUShaNe | sammadena kR^itapuShpavarShamalamunmiShaddiviShadAM kulaM chinmaye tvayi nilIyamAnamiva sammumoha savadhUkulam || 69\-5|| svinnasannatanuvallarI tadanu kApi nAma pashupA~NganA kAntamaMsamavalambate sma tava tAntibhAramukulekShaNA | kAchidAchalitakuntalA navapaTIrasAranavasaurabhaM va~nchanena tava sa~nchuchumba bhujama~nchitorupulakA~Nkuram || 69\-6|| kApi gaNDabhuvi sannidhAya nijagaNDamAkulitakuNDalaM puNyapUranidhiranvavApa tava pUgacharvitarasAmR^itam | indirAvihR^itimandiraM bhuvanasundaraM hi naTanAntare tvAmavApya dadhura~NganAH kimu na sammadonmadadashAntaram || 69\-7|| gAnamIsha virataM krameNa kila vAdyamelanamupArataM brahmasammadarasAkulAH sadasi kevalaM nanR^itura~NganAH | nAvidannapi cha nIvikAM kimapi kuntalImapi cha ka~nchulIM jyotiShAmapi kadambakaM divi vilambitaM kimaparaM bruve || 69\-8|| modasImni bhuvanaM vilApya vihR^itiM samApya cha tato vibho kelisammR^iditanirmalA~NganavagharmaleshasubhagAtmanAm | manmathAsahanachetasAM pashupayoShitAM sukR^itachodita\- stAvadAkalitamUrtirAdadhitha mAravIraparamotsavAn || 69\-9|| kelibhedaparilolitAbhiratilAlitAbhirabalAlibhiH svairamIsha nanu sUrajApayasi chAru nAma vihR^itiM vyadhAH | kAnane.api cha visArishItalakishoramArutamanohare sUnasaurabhamaye vilesitha vilAsinIshatavimohanam || 69\-10|| kAminIriti hi yAminIShu khalu kAmanIyakanidhe bhavAn pUrNasammadarasArNavaM kamapi yogigamyamanubhAvayan | brahmasha~NkaramukhAnapIha pashupA~NganAsu bahumAnayan bhaktalokagamanIyarUpa kamanIya kR^iShNa paripAhi mAm || 69\-11|| iti ekonasaptatitamadashakaM samAptaM \iti \section{saptatitamadashakam (70)} \yyy{sudarshanashApamokShaM tathA sha~NkhachUDa\-ariShTavadham | ## 70 - Salvation of Sudarsana And Slaying of Shankhachuda And Arishta##} iti tvayi rasAkulaM ramitavallabhe vallavAH kadApi punarambikAkamiturambikAkAnane | sametya bhavatA samaM nishi niShevya divyotsavaM sukhaM suShupuragrasIdvrajapamugranAgastadA || 70\-1|| samunmukhamatholmukairabhihate.api tasminbalA\- damu~nchati bhavatpade nyapati pAhi pAhIti taiH | tadA khalu padA bhavAnsamupagamya pasparsha taM babhau sa cha nijAM tanuM samupasAdya vaidyAdharIm || 70\-2|| sudarshanadhara prabho nanu sudarshanAkhyo.asmyahaM munInkvachidapAhasaM ta iha mAM vyadhurvAhasam | bhavatpadasamarpaNAdamalatAM gato.asmItyasau stuvannijapadaM yayau vrajapadaM cha gopA mudA || 70\-3|| kadApi khalu sIriNA viharati tvayi strIjanai\- rjahAra dhanadAnugaH sa kila sha~NkhachUDo.abalAH | atidrutamanudrutastamatha muktanArIjanaM rurojitha shiromaNiM halabhR^ite cha tasyAdadAH || 70\-4|| dineShu cha suhR^ijjanaiH saha vaneShu lIlAparaM manobhavamanoharaM rasitaveNunAdAmR^itam | bhavantamamarIdR^ishAmamR^itapAraNAdAyinaM vichintya kimu nAlapan virahatApitA gopikAH || 70\-5|| bhojarAjabhR^itakastvatha kashchitkaShTaduShTapathadR^iShTirariShTaH | niShThurAkR^itirapaShThuninAdastiShThate sma bhavate vR^iSharUpI || 70\-6|| shAkvaro.atha jagatIdhR^itihArI mUrtimeSha bR^ihatIM pradadhAnaH | pa~NktimAshu parighUrNya pashUnAM ChandasAM nidhimavApa bhavantam || 70\-7|| tu~NgashR^i~NgamukhamAshvabhiyantaM sa~NgR^ihayya rabhasAdabhiyaM tam | bhadrarUpamapi daityamabhadraM mardayannamadayaH suralokam || 70\-8|| chitramadya bhagavan vR^iShaghAtAtsusthirAjani vR^iShasthitirurvyAm | vardhate cha vR^iShachetasi bhUyAnmoda ityabhinuto.asi suraistvam || 70\-9|| aukShakANi paridhAvata dUraM vIkShyatAmayamihokShavibhedI | itthamAttahasitaiH saha gopairgehagastvamava vAtapuresha || 70\-10|| iti saptatitamadashakaM samAptaM \iti \section{ekasaptatitamadashakam (71)} \yyy{keshI tathA vyomAsuravadham | ## 71 - Slaying of Kesi And Vyomasura##} yatneShu sarveShvapi nAvakeshI keshI sa bhojeshituriShTabandhuH | tvaM sindhujAvApya itIva matvA samprAptavAnsindhujavAjirUpaH || 71\-1|| gandharvatAmeSha gato.api rUkShairnAdaiH samudvejitasarvalokaH | bhavadvilokAvadhi gopavATIM pramardya pApaH punarApatattvAm || 71\-2|| tArkShyArpitA~Nghrestava tArkShya eSha chikShepa vakShobhuvi nAma pAdam | bhR^igoH padAghAtakathAM nishamya svenApi shakyaM taditIva mohAt || 71\-3|| prava~nchayannasya khurA~nchalaM drAgamuM cha chikShepitha dUradUram | sammUrChito.api hyatimUrChitena krodhoShmaNA khAditumAdrutastvAm || 71\-4|| tvaM vAhadaNDe kR^itadhIshcha bAhAdaNDaM nyadhAstasya mukhe tadAnIm | tadvR^iddhiruddhashvasano gatAsuH saptIbhavannapyayamaikyamAgAt || 71\-5|| AlambhamAtreNa pashoH surANAM prasAdake nUtna ivAshvamedhe | kR^ite tvayA harShavashAtsurendrAstvAM tuShTuvuH keshavanAmadheyam || 71\-6|| kaMsAya te shaurisutatvamuktvA taM tadvadhotkaM pratirudhya vAchA | prAptena keshikShapaNAvasAne shrInAradena tvamabhiShTuto.abhUH || 71\-7|| kadApi gopaiH saha kAnanAnte nilAyanakrIDanalolupaM tvAm | mayAtmajaH prApa durantamAyo vyomAbhidho vyomacharoparodhI || 71\-8|| sa chorapAlAyitavallaveShu chorAyito gopashishUnpashUMshcha | guhAsu kR^itvA pidadhe shilAbhistvayA cha bud.hdhvA parimardito.abhUt || 71\-9|| evaMvidhaishchAdbhutakelibhedairAnandamUrChAmatulAM vrajasya | pade pade nUtanayannasImAM parAtmarUpin pavaneshapAyAH || 71\-10|| iti ekachatvAriMshadashakaM samAptam | \iti \section{dvisaptatitamadashakam (72)} \yyy{akrUragokulayAtrA | ## 72 - Akrura's Journey To Gokula##} kaMso.atha nAradagirA vrajavAsinaM tvA\- mAkarNya dIrNahR^idayaH sa hi gAndineyam | AhUya kArmukamakhachChalato bhavanta\- mAnetumenamahinodahinAthashAyin || 72\-1|| akrUra eSha bhavada~NghriparashchirAya tvaddarshanAkShamamanAH kShitipAlabhItyA | tasyAj~nayaiva punarIkShitumudyatastvA\- mAnandabhAramatibhUritaraM babhAra || 72\-2|| so.ayaM rathena sukR^itI bhavato nivAsaM gachChanmanorathagaNAMstvayi dhAryamANAn | AsvAdayanmuhurapAyabhayena daivaM samprArthayanpathi na ki~nchidapi vyajAnAt || 72\-3|| drakShyAmi vedashatagItagatiM pumAMsaM sprakShyAmi kiMsvidapinAma pariShvajeyam | kiM vakShyate sa khalu mAM kvanu vIkShitaH syA\- ditthaM ninAya sa bhavanmayameva mArgam || 72\-4|| bhUyaH kramAdabhivishanbhavada~NghripUtaM vR^indAvanaM haraviri~nchasurAbhivandyam | Anandamagna iva lagna iva pramohe kiM kiM dashAntaramavApa na pa~NkajAkSha || 72\-5|| pashyannavandata bhavadvihR^itisthalAni pAMsuShvaveShTata bhavachcharaNA~NkiteShu | kiM brUmahe bahujanA hi tadApi jAtA evaM tu bhaktitaralA viralAH parAtman || 72\-6|| sAyaM sa gopabhavanAni bhavachcharitra\- gItAmR^itaprasR^itakarNarasAyanAni | pashyanpramodasarideva kilohyamAno gachChanbhavadbhavanasannidhimanvayAsIt || 72\-7|| tAvaddadarsha pashudohavilokalolaM bhaktottamAgatimiva pratipAlayantam | bhUman bhavantamayamagrajavantamanta\- rbrahmAnubhUtirasasindhumivodvamantam || 72\-8|| sAyantanAplavavisheShaviviktagAtrau dvau pItanIlaruchirAmbaralobhanIyau | nAtiprapa~nchadhR^itabhUShaNachAruveShau mandasmitArdravadanau sa yuvAM dadarsha || 72\-9|| dUrAdrathAtsamavaruhya namantamena\- mutthApya bhaktakulamaulimathopagUhan | harShAnmitAkSharagirA kushalAnuyogI pANiM pragR^ihya sabalo.atha gR^ihaM ninetha || 72\-10|| nandena sAkamamitAdaramarchayitvA taM yAdavaM taduditAM nishamayya vArtAm | gopeShu bhUpatinideshakathAM nivedya nAnAkathAbhiriha tena nishAmanaiShIH || 72\-11|| chandrAgR^ihe kimuta chandrabhagAgR^ihe nu rAdhAgR^ihe nu bhavane kimu maitravinde | dhUrtto vilambata iti pramadAbhiruchchai\- rAsha~Nkito nishi marutpuranAtha pAyAH || 72\-12|| iti dvisaptatitamadashakaM samAptam | \iti \section{trisaptatitamadashakam (73)} \yyy{shrIkR^iShNasya mathurAyAtrA | ## 73 - The Lord Leaving For Mathura##} nishamayya tavAtha yAnavArtAM bhR^ishamArtAH pashupAlabAlikAstAH | kimidaM kimidaM kathannvitImAH samavetAH paridevitAnyakurvan || 73\-1|| karuNAnidhireSha nandasUnuH kathamasmAnvisR^ijedananyanAthAH | bata naH kimu daivamevamAsIditi tAstvadgatamAnasA vilepuH || 73\-2|| charamaprahare pratiShThamAnaH saha pitrA nijamitramaNDalaishcha | paritApabharaM nitambinInAM shamayiShyan vyamuchassakhAyamekam || 73\-3|| achirAdupayAmi sannidhiM vo bhavitA sAdhu mayaiva sa~NgamashrIH | amR^itAmbunidhau nimajjayiShye drutamityAshvasitA vadhUrakArShIH || 73\-4|| saviShAdabharaM sayAch~namuchchairatidUraM vanitAbhirIkShyamANaH | mR^idu taddishi pAtayannapA~NgAn sabalo.akrUrarathena nirgato.abhUH || 73\-5|| anasA bahulena vallavAnAM manasA chanugato.atha vallabhAnAm | vanamArtamR^igaM viShaNNavR^ikShaM samatIto yamunAtaTImayAsIH || 73\-6|| niyamAya nimajya vAriNi tvAmabhivIkShyAtha rathe.api gAndineyaH | vivasho.ajani kinnvidaM vibhoste nanu chitraM tvavalokanaM samantAt || 73\-7|| punareSha nimajya puNyashAlI puruShaM tvAM paramaM bhuja~Ngabhoge | arikambugadAmbujaiH sphurantaM surasiddhaughaparItamAluloke || 73\-8|| sa tadA paramAtmasaukhyasindhau vinimagnaH praNuvanprakArabhedaiH | avilokya punashcha harShasindhoranuvR^ityA pulakAvR^ito yayau tvAm || 73\-9|| kimu shItalimA mahAn jale yatpulako.asAviti choditena tena | atiharShaniruttareNa sArdhaM rathavAsI pavanesha pAhi mAM tvam || 73\-10|| iti trisaptatitamadashakaM samAptam | \iti \section{chatuHsaptatitamadashakam (74)} \yyy{bhagavataH mathurApurIpravesham | ## 74 - Entry of the Lord Into Mathura##} samprApto mathurAM dinArdhavigame tatrAntarasminvasa\- nnArAme vihitAshanaH sakhijanairyAtaH purImIkShitum | prApo rAjapathaM chirashrutidhR^itavyAlokakautUhala\- strIpuMsodyadagaNyapuNyanigalairAkR^iShyamANo nu kim || 74\-1|| tvatpAdadyutivatsarAgasubhagAstvanmUrtivadyoShitaH samprAptA vilasatpayodhararucho lolA bhavaddR^iShTivat | hAriNyastvadurassthalIvadayi te mandasmitaprauDhiva\- nnairmalyollasitAH kachaugharuchivadrAjatkalApAshritAH || 74\-2|| tAsAmAkalayannapA~NgavalanairmodaM praharShAdbhuta\- vyAloleShu janeShu tatra rajakaM ka~nchitpaTIM prArthayan | kaste dAsyati rAjakIyavasanaM yAhIti tenoditaH sadyastasya kareNa shIrShamahR^ithAH so.apyApa puNyAM gatim || 74\-3|| bhUyo vAyakamekamAyatamatiM toSheNa veShochitaM dAshvAMsaM svapadaM ninetha sukR^itaM ko veda jIvAtmanAm | mAlAbhiH stabakaiH stavairapi punarmAlAkR^itA mAnito bhaktiM tena vR^itAM dideshitha parAM lakShmIM cha lakShmIpate || 74\-4|| kubjAmabjavilochanAM pathi punardR^iShTvA~NgarAge tayA datte sAdhu kilA~NgarAgamadadAstasyA mahAntaM hR^idi | chittasthAmR^ijutAmatha prathayituM gAtre.api tasyAH sphuTaM gR^ihNanma~njukareNa tAmudanayastAvajjagatsundarIm || 74\-5|| tAvannishchitavaibhavAstava vibho nAtyantapApA janA yatki~nchiddadate sma shaktyanuguNaM tAmbUlamAlyAdikam | gR^ihNAnaH kusumAdi ki~nchana tadA mArge nibaddhA~njali\- rnAtiShThaM bata hA yato.adya vipulAmArtiM vrajAmi prabho || 74\-6|| eShyAmIti vimuktayApi bhagavannAlepadAtryA tayA dUrAtkAtarayA nirIkShitagatistvaM prAvisho gopuram | AghoShAnumitatvadAgamamahAharShollaladdevakI\- vakShojapragalatpayorasamiShAttvatkIrtirantargatA || 74\-7|| AviShTo nagarIM mahotsavavatIM kodaNDashAlAM vrajan mAdhuryeNa nu tejasA nu puruShairdUreNa dattAntaraH | sragbhirbhUShitamarchitaM varadhanurmAmeti vAdAtpuraH prAgR^ihNAH samaropayaH kila samAkrAkShIrabhA~NkShIrapi || 74\-8|| shvaH kaMsakShapaNotsavasya purataH prArambhatUryopama\- shchApadhvaMsamahAdhvanistava vibho devAnaromA~nchayat | kaMsasyApi cha vepathustaduditaH kodaNDakhaNDadvayI\- chaNDAbhyAhatarakShipUruSharavairutkUlito.abhUttvayA || 74\-9|| shiShTairduShTajanaishcha dR^iShTamahimA prItyA cha bhItyA tataH sampashyanpurasampadaM pravicharansAyaM gato vATikAm | shrIdAmnA saha rAdhikAvirahajaM khedaM vadanprasvapa\- nnAnandannavatArakAryaghaTanAdvAtesha saMrakSha mAm || 74\-10|| iti chatuHsaptatitamadashakaM samAptam | \iti \section{pa~nchasaptatitamadashakam (75)} \yyy{kaMsavadham | ## 75 - Slaying of Kamsa##} prAtaH santrastabhojakShitipativachasA prastute mallatUrye sa~Nghe rAj~nAM cha ma~nchAnabhiyayuShi gate nandagope.api harmyam | kaMse saudhAdhirUDhe tvamapi sahabalaH sAnugashchAruveSho ra~NgadvAraM gato.abhUH kupitakuvalayApIDanAgAvalIDham || 75\-1|| pApiShThApehi mArgAddrutamiti vachasA niShThurakruddhabuddhe\- rambaShThasya praNodAdadhikajavajuShA hastinA gR^ihyamANaH | kelImukto.atha gopIkuchakalashachiraspardhinaM kumbhamasya vyAhatyAlIyathAstvaM charaNabhuvi punarnirgato valguhAsI || 75\-2|| hastaprApyo.apyagamyo jhaTiti munijanasyeva dhAvangajendraM krIDannApatya bhUmau punarabhipatatastasya dantaM sajIvam | mUlAdunmUlya tanmUlagamahitamahAmauktikAnyAtmamitre prAdAstvaM hAramebhirlalitavirachitaM rAdhikAyai disheti || 75\-3|| gR^ihNAnaM dantamaMse yutamatha halinA ra~Ngama~NgAvishantaM tvAM ma~NgalyA~Ngabha~NgIrabhasahR^itamanolochanA vIkShya lokAH | haMho dhanyo nu nando na hi na hi pashupAlA~NganA no yashodA no no dhanyekShaNAH smastrijagati vayameveti sarve shashaMsuH || 75\-4|| pUrNaM brahmaiva sAkShAnniravadhiparamAnandasAndraprakAshaM gopeShu tvaM vyalAsIrna khalu bahujanaistAvadAvedito.abhUH | dR^iShTvAtha tvAM tadedamprathamamupagate puNyakAle janaughAH pUrNAnandA vipApAH sarasamabhijagustvatkR^itAni smR^itAni || 75\-5|| chANUro mallavIrastadanu nR^ipagirA muShTiko muShTishAlI tvAM rAmaM chAbhipede jhaTajhaTiti mitho muShTipAtAtirUkSham | utpAtApAtanAkarShaNavividharaNAnyAsatAM tatra chitraM mR^ityoH prAgeva mallaprabhuragamadayaM bhUrisho bandhamokShAn || 75\-6|| hA dhikkaShTaM kumArau sulalitavapuShau mallavIrau kaThorau na drakShyAmo vrajAmastvaritamiti jane bhAShamANe tadAnIm | chANUraM taM karodbhrAmaNavigaladasuM pothayAmAsithorvyAM piShTo.abhUnmuShTiko.api drutamatha halinA naShTashiShTairdadhAve || 75\-7|| kaMsassaMvArya tUryaM khalamatiravidankAryamAryAn pitR^IMstA\- nAhantuM vyAptamUrtestava cha samashiShaddUramutsAraNAya | ruShTo duShToktibhistvaM garuDa iva giriM ma~nchama~nchannuda~nchat khaDgavyAvadgadussa~Ngrahamapi cha haThAtprAgrahIraugrasenim || 75\-8|| sadyo niShpiShTasandhiM bhuvi narapatimApAtya tasyopariShTAt tvayyApAtye tadaiva tvadupari patitA nAkinAM puShpavR^iShTiH | kiM kiM brUmastadAnIM satatamapi bhiyA tvadgatAtmA sa bheje sAyujyaM tvadvadhotthA parama paramiyaM vAsanA kAlanemeH || 75\-9|| tadbhrAtR^InaShTa piShTvA drutamatha pitarau sannamannugrasenaM kR^itvA rAjAnamuchchairyadukulamakhilaM modayankAmadAnaiH | bhaktAnAmuttamaM choddhavamamaragurorAptanItiM sakhAyaM labdhvA tuShTo nagaryAM pavanapurapate rundhi me sarvarogAn || 75\-10|| iti pa~nchasaptatitamadashakaM samAptam | \iti \section{ShaTsaptatitamadashakam (76)} \yyy{uddhavadautyam | ## 76 - Uddhava Sent As A Messenger To the Gopikas##} gatvA sAndIpanimatha chatuShShaShTimAtrairahobhiH sarvaj~nastvaM saha musalinA sarvavidyAM gR^ihItvA | putraM naShTaM yamanilayanAdAhR^itaM dakShiNArthaM dattvA tasmai nijapuramagA nAdayanpA~nchajanyam || 76\-1|| smR^itvA smR^itvA pashupasudR^ishaH premabhArapraNunnAH kAruNyena tvamapi vivashaH prahiNoruddhavaM tam | ki~nchAmuShmai paramasuhR^ide bhaktavaryAya tAsAM bhaktyudrekaM sakalabhuvane durlabhaM darshayiShyan || 76\-2|| tvanmAhAtmyaprathimapishunaM gokulaM prApya sAyaM tvadvArtAbhirbahu sa ramayAmAsa nandaM yashodAm | prAtardR^iShTvA maNimayarathaM sha~NkitAH pa~NkajAkShyaH shrutvA prAptaM bhavadanucharaM tyaktakAryAH samIyuH || 76\-3|| dR^iShTvA chainaM tvadupamalasadveShabhUShAbhirAmaM smR^itvA smR^itvA tava vilasitAnyuchchakaistAni tAni | ruddhAlApAH kathamapi punargadgadAM vAchamUchuH saujanyAdInnijaparabhidAmapyalaM vismarantyaH || 76\-4|| shrIman kiM tvaM pitR^ijanakR^ite preShito nirdayena kvAsau kAnto nagarasudR^ishAM hA hare nAtha pAyAH | AshleShANAmamR^itavapuSho hanta te chumbanAnA\- munmAdAnAM kuhakavachasAM vismaretkAnta kA vA || 76\-5|| rAsakrIDAlulitalalitaM vishlathatkeshapAshaM mandodbhinnashramajalakaNaM lobhanIyaM tvada~Ngam | kAruNyAbdhe sakR^idapi samAli~NgituM darshayeti premonmAdAdbhuvanamadana tvatpriyAstvAM vilepuH || 76\-6|| evaM prAyairvivashavachanairAkulA gopikAstAH tvatsandeshaiH prakR^itimanayatso.atha vij~nAnagarbhaiH | bhUyastAbhirmuditamatibhistvanmayIbhirvadhUbhi\- stattadvArtAsarasamanayatkAnichidvAsarANi || 76\-7|| tvatprodgAnaiH sahitamanishaM sarvato gehakR^ityaM tvadvArtaiva prasarati mithaH saiva chotsvApalApAH | cheShTAH prAyastvadanukR^itayastvanmayaM sarvamevaM dR^iShTvA tatra vyamuhadadhikaM vismayAduddhavo.ayam || 76\-8|| rAdhAyA me priyatamamidaM matpriyaivaM bravIti tvaM kiM maunaM kalayasi sakhe mAninI matpriyeva | ityAdyeva pravadati sakhi tvatpriyo nirjane mA\- mitthaMvAdairaramayadayaM tvatpriyAmutpalAkShIm || 76\-9|| eShyAmi drAganupagamanaM kevalaM kAryabhArAd\- vishleShe.api smaraNadR^iDhatAsambhavAnmAstu khedaH | brahmAnande milati nachirAtsa~Ngamo vA viyoga\- stulyo vaH syAditi tava girA so.akaronnirvyathAstAH || 76\-10|| evaM bhaktiH sakalabhuvane nekShitA na shrutA vA kiM shAstraughaiH kimiha tapasA gopikAbhyo namo.astu | ityAnandAkulamupagataM gokulAduddhavaM taM dR^iShTvA hR^iShTo gurupurapate pAhi mAmAmayaughAt || 76\-11|| iti ShaTsaptatitamadashakaM samAptaM \iti \section{saptasaptatitamadashakam (77)} \yyy{jarAsandhAdibhiH saha yuddham | ## 77 - Fight Against Jarasandha And Others##} sairandhryAstadanu chiraM smarAturAyA yAto.abhUH salalitamuddhavena sArdham | AvAsaM tvadupagamotsavaM sadaiva dhyAyantyAH pratidinavAsasajjikAyAH || 77\-1|| upagate tvayi pUrNamanorathAM pramadasambhramakamprapayodharAm | vividhamAnanamAdadhatIM mudA rahasi tAM ramayA~nchakR^iShe sukham || 77\-2|| pR^iShTA varaM punarasAvavR^iNodvarAkI bhUyastvayA suratameva nishAntareShu | sAyujyamastviti vadedbudha eva kAmaM sAmIpyamastvanishamityapi nAbravItkim || 77\-3|| tato bhavAndeva nishAsu kAsuchinmR^igIdR^ishaM tAM nibhR^itaM vinodayan | adAdupashloka iti shrutaM sutaM sa nAradAtsAttvatatantravidbabhau || 77\-4|| akrUramandiramito.atha baloddhavAbhyA\- mabhyarchito bahu nuto muditena tena | enaM visR^ijya vipinAgatapANDaveya\- vR^ittaM viveditha tathA dhR^itarAShTracheShTAm || 77\-5|| vighAtAjjAmAtuH paramasuhR^ido bhojanR^ipate\- rjarAsandhe rundhatyanavadhiruShAndhe.atha mathurAm | rathAdyairdyorlabdhaiH katipayabalastvaM balayuta\- strayoviMshatyakShauhiNi tadupanItaM samahR^ithAH || 77\-6|| baddhaM balAdatha balena balottaraM tvaM bhUyo balodyamarasena mumochithainam | nishsheShadigjayasamAhR^itavishvasainyAt ko.anyastato hi balapauruShavAMstadAnIm || 77\-7|| bhagnassa lagnahR^idayo.api nR^ipaiH praNunno yuddhaM tvayA vyadhita ShoDashakR^itva evam | akShauhiNIH shiva shivAsya jaghantha viShNo sambhUya saikanavatitrishataM tadAnIm || 77\-8|| aShTAdashe.asya samare samupeyuShi tvaM dR^iShTvA puro.atha yavanaM yavanatrikoTyA | tvaShTrA vidhApya puramAshu payodhimadhye tatrAtha yogabalataH svajanAnanaiShIH || 77\-9|| padbhyAM tvaM padmamAlI chakita iva purAnnirgato dhAvamAno mlechCheshenAnuyAto vadhasukR^itavihInena shaile nyalaiShIH | suptenA~NghryAhatena drutamatha muchukundena bhasmIkR^ite.asmin bhUpAyAsmai guhAnte sulalitavapuShA tasthiShe bhaktibhAje || 77\-10|| aikShvAko.ahaM virakto.asmyakhilanR^ipasukhe tvatprasAdaikakA~NkShI hA deveti stuvantaM varavitatiShu taM nispR^ihaM vIkShya hR^iShyan | muktestulyAM cha bhaktiM dhutasakalamalaM mokShamapyAshu dattvA kAryaM hiMsAvishud.h{}dhyai tapa iti cha tadA prAstha lokapratItyai || 77\-11|| tadanu mathurAM gatvA hatvA chamUM yavanAhR^itAM magadhapatinA mArge sainyaiH pureva nivAritaH | charamavijayaM darpAyAsmai pradAya palAyito jaladhinagarIM yAto vAtAlayeshvara pAhi mAm || 77\-12|| iti saptasaptatitamadashakaM samAptaM \iti \section{aShTasaptatitamadashakam (78)} \yyy{dvArakAvAsaH tathA rukmiNIsandeshaprAptiH | ## 78 - Rukmini Swayamvaram##} tridashavardhakivardhitakaushalaM tridashadattasamastavibhUtimat | jaladhimadhyagataM tvamabhUShayo navapuraM vapura~nchitarochiShA || 78\-1|| daduShi revatabhUbhR^iti revatIM halabhR^ite tanayAM vidhishAsanAt | mahitamutsavaghoShamapUpuShaH samuditairmuditaiH saha yAdavaiH || 78\-2|| atha vidarbhasutAM khalu rukmiNIM praNayinIM tvayi deva sahodaraH | svayamaditsata chedimahIbhuje svatamasA tamasAdhumupAshrayan || 78\-3|| chiradhR^itapraNayA tvayi bAlikA sapadi kA~NkShitabha~NgasamAkulA | tava nivedayituM dvijamAdishatsvakadanaM kadana~Ngavinirmitam || 78\-4|| dvijasuto.api cha tUrNamupAyayau tava puraM hi durAshadurAsadam | mudamavApa cha sAdarapUjitaH sa bhavatA bhavatApahR^itA svayam || 78\-5|| sa cha bhavantamavochata kuNDine nR^ipasutA khalu rAjati rukmiNI | tvayi samutsukayA nijadhIratArahitayA hi tayA prahito.asmyaham || 78\-6|| tava hR^itAsmi puraiva guNairahaM harati mAM kila chedinR^ipo.adhunA | ayi kR^ipAlaya pAlaya mAmiti prajagade jagadekapate tayA || 78\-7|| asharaNAM yadi mAM tvamupekShase sapadi jIvitameva jahAmyaham | iti girA sutanoratanodbhR^ishaM suhR^idayaM hR^idayaM tava kAtaram || 78\-8|| akathayastvamathainamaye sakhe tadadhikA mama manmathavedanA | nR^ipasamakShamupetya harAmyahaM tadayi tAM dayitAmasitekShaNAm || 78\-9|| pramuditena cha tena samaM tadA rathagato laghu kuNDinameyivAn | gurumarutpuranAyaka me bhavAnvitanutAM tanutAmakhilApadAm || 78\-10|| iti aShTasaptatitamadashakaM samAptam | \iti \section{ekonAshItitama dashakam (79)} \yyy{rukmiNIharaNaM\-vivAham | ## 79 - Rukmini Haranam and Kalyanam##} balasametabalAnugato bhavAn puramagAhata bhIShmakamAnitaH | dvijasutaM tvadupAgamavAdinaM dhR^itarasA tarasA praNanAma sA || 79\-1|| bhuvanakAntamavekShya bhavadvapurnR^ipasutasya nishamya cha cheShTitam | vipulakhedajuShAM puravAsinAM saruditairuditairagamannishA || 79\-2|| tadanu vanditumindumukhI shivAM vihitama~NgalabhUShaNabhAsurA | niragamadbhavadarpitajIvitA svapurataH purataH subhaTAvR^itA || 79\-3|| kulavadhUbhirupetya kumArikA girisutAM paripUjya cha sAdaram | muhurayAchata tatpadapa~Nkaje nipatitA patitAM tava kevalam || 79\-4|| samavalokakutuhalasa~Nkule nR^ipakule nibhR^itaM tvayi cha sthite | nR^ipasutA niragAdgirijAlayAtsuruchiraM ruchira~njitadi~NmukhA || 79\-5|| bhuvanamohanarUparuchA tadA vivashitAkhilarAjakadambayA | tvamapi deva kaTAkShavimokShaNaiH pramadayA madayA~nchakR^iShe manAk || 79\-6|| kva nu gamiShyasi chandramukhIti tAM sarasametya kareNa haran kShaNAt | samadhiropya rathaM tvamapAhR^ithA bhuvi tato vitato ninado dviShAm || 79\-7|| kva nu gataH pashupAla iti krudhA kR^itaraNA yadubhishcha jitA nR^ipAH | na tu bhavAnudachAlyata tairaho pishunakaiH shunakairiva kesarI || 79\-8|| tadanu rukmiNamAgatamAhave vadhamupekShya nibadhya virUpayan | hR^itamadaM parimuchya baloktibhiH puramayA ramayA saha kAntayA || 79\-9|| navasamAgamalajjitamAnasAM praNayakautukajR^imbhitamanmathAm | aramayaH khalu nAtha yathAsukhaM rahasi tAM hasitAMshulasanmukhIm || 79\-10|| vividhanarmabhirevamaharnishaM pramadamAkalayanpunarekadA | R^ijumateH kila vakrAgirA bhavAn varatanoratanodatilolatAm || 79\-11|| tadadhikairatha lAlanakaushalaiH praNayinImadhikaM ramayannimAm | ayi mukunda bhavachcharitAni naH pragadatAM gadatAntimapAkuru || 79\-12|| iti ekonAshItitamadashakaM samAptaM \iti \section{ashItitamadashakam (80)} \yyy{syamantakopAkhyAnam | ## 80 - Story of the Syamantaka Jewel##} satrAjitastvamatha lubdhavadarkalabdhaM divyaM syamantakamaNiM bhagavannayAchIH | tatkAraNaM bahuvidhaM mama bhAti nUnaM tasyAtmajAM tvayi ratAM Chalato vivoDhum || 80\-1|| adattaM taM tubhyaM maNivaramanenAlpamanasA prasenastadbhrAtA galabhuvi vahanprApa mR^igayAm | ahannenaM siMho maNimahasi mAMsabhramavashAt kapIndrastaM hatvA maNimapi cha bAlAya dadivAn || 80\-2|| shashaMsuH satrAjidgiramanu janAstvAM maNiharaM janAnAM pIyUShaM bhavati guNinAM doShakaNikA | tataH sarvaj~no.api svajanasahito mArgaNaparaH prasenaM taM dR^iShTvA harimapi gato.abhUH kapiguhAm || 80\-3|| bhavantamavitarkayannativayAH svayaM jAmbavAn mukundasharaNaM hi mAM ka iha roddhumityAlapan | vibho raghupate hare jaya jayetyalaM muShTibhi\- shchiraM tava samarchanaM vyadhita bhaktachUDAmaNiH || 80\-4|| bud.hdhvAtha tena dattAM navaramaNIM varamaNiM cha parigR^ihNan | anugR^ihNannamumAgAH sapadi cha satrAjite maNiM prAdAH || 80\-5|| tadanu sa khalu vrIDAlolo vilolavilochanAM duhitaramaho dhImAnbhAmAM giraiva parArpitAm | aditamaNinA tubhyaM labhyaM sametya bhavAnapi pramuditamanAstasyaivAdAnmaNiM gahanAshayaH || 80\-6|| vrIlAkulAM ramayati tvayi satyabhAmAM kaunteyadAhakathayAtha kurUnprayAte | hA gAndineyakR^itavarmagirA nipAtya satrAjitaM shatadhanurmaNimAjahAra || 80\-7|| shokAtkurUnupagatAmavalokya kAntAM hatvA drutaM shatadhunaM samaharShayastAm | ratne sasha~Nka iva maithilagehametya rAmo gadAM samashishikShata dhArtarAShTram || 80\-8|| akrUra eSha bhagavan bhavadichChayaiva satrAjitaH kucharitasya yuyoja hiMsAm | akrUrato maNimanAhR^itavAnpunastvaM tasyaiva bhUtimupadhAtumiti bruvanti || 80\-9|| bhaktastvayi sthirataraH sa hi gAndineya\- stasyaiva kApathamatiH kathamIsha jAtA | vij~nAnavAnprashamavAnahamityudIrNaM garvaM dhruvaM shamayituM bhavatA kR^itaiva || 80\-10|| yAtaM bhayena kR^itavarmayutaM punasta\- mAhUya tadvinihitaM cha maNiM prakAshya | tatraiva suvratadhare vinidhAya tuShyan bhAmAkuchAntarashayaH pavanesha pAyAH || 80\-11|| iti ashItitamadashakaM samAptam | \iti \section{ekAshItitamadashakam (81)} \yyy{narakAsuravadhaM tathA subhadrAharaNam | ## 81 - Slaying of Narakasura And Abduction of Subhadra##} snigdhAM mugdhAM satatamapi tAM lAlayan satyabhAmAM yAto bhUyaH saha khalu tayA yAj~nasenIvivAham | pArthaprItyai punarapi manAgAsthito hastipuryAM shakraprasthaM puramapi vibho saMvidhAyAgato.abhUH || 81\-1|| bhadrAM bhadrAM bhavadavarajAM kauraveNArthyamAnAM tvadvAchA tAmahR^ita kuhanAmaskarI shakrasUnuH | tatra kruddhaM balamanunayan pratyagAstena sArdhaM shakraprasthaM priyasakhamude satyabhAmAsahAyaH || 81\-2|| tatra krIDannapi cha yamunAkUladR^iShTAM gR^ihItvA tAM kAlindIM nagaramagamaH khANDavaprINitAgniH | bhrAtR^itrastAM praNayavivashAM deva paitR^iShvaseyIM rAj~nAM madhye sapadi jahR^iShe mitravindAmavantIm || 81\-3|| satyAM gatvA punarudavaho nagnajinnandanAM tAM badhvA saptApi cha vR^iShavarAnsaptamUrtirnimeShAt | bhadrAM nAma pradaduratha te deva santarddanAdyA\- statsodaryAM varada bhavataH sApi paitR^iShvaseyI || 81\-4|| pArthAdyairapyakR^italavanaM toyamAtrAbhilakShyaM lakShaM ChitvA shapharamavR^ithA lakShaNAM madrakanyAm | aShTAvevaM tava samabhavan vallabhAstatra madhye shushrotha tvaM surapatigirA bhaumadushcheShTitAni || 81\-5|| smR^itAyAtaM pakShipravaramadhirUDhastvamagamo vahanna~Nke bhAmAmupavanamivArAtibhavanam | vibhindan durgANi truTitapR^itanAshonitarasaiH puraM tAvatprAgjyotiShamakuruthAshshoNitapuram || 81\-6|| murastvAM pa~nchAsyo jaladhivanamadhyAdudapatat sa chakre chakreNa pradalitashirA ma~NkShu bhavatA | chaturdantairdantAvalapatibhirindhAnasamaraM rathA~NkenachChitvA narakamakarostIrNarakam || 81\-7|| stuto bhUmyA rAjyaM sapadi bhagadatte.asya tanaye gaja~nchaikaM dattvA prajighAyitha nAgAnnijapurIm | khalenAbaddhAnAM svagatamanasAM ShoDasha punaH sahasrANi strINAmapi cha dhanarAshiM cha vipulam || 81\-8|| bhaumApAhR^itakuNDalaM tadaditerdAtuM prayAto divaM shakrAdyairmahitaH samaM dayitayA dyustrIShu dattahriyA | hR^itvA kalpataruM ruShAbhipatitaM jitvendramabhyAgama\- stattu shrImadadoSha IdR^isha iti vyAkhyAtumevAkR^ithAH || 81\-9|| kalpadruM satyabhAmAbhavanabhuvi sR^ijandvyaShTasAhasrayoShAH svIkR^itya pratyagAraM vihitabahuvapurlAlayankelibhedaiH | AshcharyAnnAradAlokitavividhagatistatra tatrApi gehe bhUyaH sarvAsu kurvan dasha dasha tanayAn pAhi vAtAlayesha || 81\-10|| iti ekAshItitamadashakaM samAptam | \iti \section{dvyashItitamadashakam (82)} \yyy{bANAsurayuddhaM tathA nR^igashApamokSham | ## 82 - Fight With Bana - Deliverence of Nriga##} pradyumno raukmiNeyaH sa khalu tava kalA shambareNAhR^itastaM hatvA ratyA sahApto nijapuramaharadrukmikanyAM cha dhanyAm | tatputro.athAniruddho guNanidhiravahadrochanAM rukmipautrIM tatrodvAhe gatastvaM nyavadhi musalinA rukmyapi dyUtavairAt || 82\-1|| bANasya sA balisutasya sahasrabAho\- rmAheshvarasya mahitA duhitA kiloShA | tvatpautramenamaniruddhamadR^iShTapUrvaM svapne.anubhUya bhagavan virahAturA.abhUt || 82\-2|| yoginyatIva kushalA khalu chitralekhA tasyAH sakhI vilikhatI taruNAnasheShAn | tatrAniruddhamuShayA viditaM nishAyA\- mAneShTa yogabalato bhavato niketAt || 82\-3|| kanyApure dayitayA sukhamAramantaM chainaM katha~nchana babandhuShi sharvabandhau | shrInAradoktatadudantadurantaroShai\- stvaM tasya shoNitapuraM yadubhirnyarundhAH || 82\-4|| purIpAlaH shailapriyaduhitR^inAtho.asya bhagavAn samaM bhUtavrAtairyadubalamasha~NkaM nirurudhe | mahAprANo bANo jhaTiti yuyudhAnena yuyudhe guhaH pradyumnena tvamapi purahantrA jaghaTiShe || 82\-5|| niruddhAsheShAstre mumuhuShi tavAstreNa girishe drutA bhUtA bhItAH pramathakulavIrAH pramathitAH | parAskandatskandaH kusumasharabANaishcha sachivaH sa kumbhANDo bhANDaM navamiva balenAshu bibhide || 82\-6|| chApAnAM pa~nchashatyA prasabhamupagate ChinnachApe.atha bANe vyarthe yAte sameto jvarapatirashanairajvari tvajjvareNa | j~nAnI stutvAtha dattvA tava charitajuShAM vijvaraM sajvaro.agAt prAyo.antarj~nAnavanto.api cha bahutamasA raudracheShTA hi raudrAH || 82\-7|| bANaM nAnAyudhograM punarabhipatitaM darpadoShAdvitanvan nirlUnAsheShadoShaM sapadi bubudhuShA sha~NkareNopagItaH | tadvAchA shiShTabAhudvitayamubhayato nirbhayaM tatpriyaM taM muktvA taddattamAno nijapuramagamaH sAniruddhaH sahoShaH || 82\-8|| muhustAvachChakraM varuNamajayo nandaharaNe yamaM bAlAnItau davadahanapAne.anilasakham | vidhiM vatsasteye girishamiha bANasya samare vibho vishvotkarShI tadayamavatAro jayati te || 82\-9|| dvijaruShA kR^ikalAsavapurdharaM nR^iganR^ipaM tridivAlayamApayan | nijajane dvijabhaktimanuttamAmupadishan pavaneshvara pAhi mAm || 82\-10|| iti dvyashItitamadashakaM samAptaM \iti \section{tryashItitamadashakam (83)} \yyy{pauNDrakavadhaM \- dninidavadham | ## 83 - Slaying of Paundraka and Dvivida##} rAme.athagokulagate pramadAprasakte hUtAnupetayamunAdamane madAndhe | svairaM samAramati sevakavAdamUDho dUtaM nyayu~Nkta tava pauNDrakavAsudevaH || 83\-1|| nArAyaNo.ahamavatIrNa ihAsmi bhUmau dhatse kila tvamapi mAmakalakShaNAni | utsR^ijya tAni sharaNaM vraja mAmiti tvAM dUto jagAda sakalairhasitaH sabhAyAm || 83\-2|| dUte.atha yAtavati yAdavasainikastvaM yAto dadarshitha vapuH kila pauNDrakIyam | tApena vakShasi kR^itA~NkamanalpamUlya\- shrIkaustubhaM makarakuNDalapItachelam || 83\-3|| kAlAyasaM nijasudarshanamasyato.asya kAlAnalotkarakireNa sudarshanena | shIrShaM chakartitha mamarditha chAsya senAM tanmitrakAshipashiro.api chakartha kAshyAm || 83\-4|| jADyena bAlakagirA.api kilAhameva shrIvAsudeva iti rUDhamatishchiraM saH | sAyujyameva bhavadaikyadhiyA gato.abhUt ko nAma kasya sukR^itaM kathamityaveyAt || 83\-5|| kAshIshvarasya tanayo.atha sudakShiNAkhyaH sharvaM prapUjya bhavate vihitAbhichAraH | kR^ityAnalaM kamapi bANaraNAtibhItai\- rbhUtaiH katha~nchana vR^itaiH samamabhyamu~nchat || 83\-6|| tAlapramANacharaNAmakhilaM dahantIM kR^ityAM vilokya chakitaiH kathito.api pauraiH | dyUtotsave kamapi no chalito vibho tvaM pArshvasthamAshu visasarjitha kAlachakram || 83\-7|| abhyApatatyamitadhAmni bhavanmahAstre hA heti vidrutavatI khalu ghorakR^ityA | roShAtsudakShiNamadakShiNacheShTitaM taM puploSha chakramapi kAshipurAmadhAkShIt || 83\-8|| sa khalu vivido rakShoghAte kR^itopakR^itiH purA tava tu kalayA mR^ityuM prAptuM tadA khalatAM gataH | narakasachivo deshakleshaM sR^ijan nagarAntike jhaTiti halinA yudhyannaddhA papAta talAhataH || 83\-9|| sAmbaM kauravyaputrIharaNaniyamitaM sAntvanArthI kurUNAM yAtastadvAkyaroShoddhR^itakarinagaro mochayAmAsa rAmaH | te ghAtyAH pANDaveyairiti yadupR^itanAM nAmuchastvaM tadAnIM taM tvAM durbodhalIlaM pavanapurapate tApashAntyai niSheve || 83\-10|| iti tryashItitamadashakaM samAptam | \iti \section{chaturashItitamadashakam (84)} \yyy{samantapa~nchakatIrthayAtrA | \- bandhumitrAdi samAgamam | ## 84 - Pilgrimage To Samantapanchaka - Meeting with Relatives and Friends.##} kvachidatha tapanoparAgakAle puri nidadhatkR^itavarmakAmasUnU | yadukulamahilAvR^itaH sutIrthaM samupagato.asi samantapa~nchakAkhyam || 84\-1|| bahutarajanatAhitAya tatra tvamapi punarvinimajjya tIrthatoyam | dvijagaNaparimuktavittarAshiH samamilathAH kurupANDavAdimitraiH || 84\-2|| tava khalu dayitAjanaiH sametA drupadasutA tvayi gADhabhaktibhArA | taduditabhavadAhR^itiprakArairatimumude samamanyabhAminIbhiH || 84\-3|| tadanu cha bhagavan nirIkShya gopAnatikutukAdupagamya mAnayitvA | chirataravirahAturA~NgarekhAH pashupavadhUH sarasaM tvamanvayAsIH || 84\-4|| sapadi cha bhavadIkShaNotsavena pramuShitamAnahR^idAM nitambinInAm | atirasaparimuktaka~nchulIke parichayahR^idyatare kuche nyalaiShIH || 84\-5|| ripujanakalahaiH punaH punarme samupagatairiyatI vilambanAbhUt | iti kR^itaparirambhaNe tvayi drAgativivashA khalu rAdhikA nililye || 84\-6|| apagatavirahavyathAstadA tA rahasi vidhAya dadAtha tattvabodham | paramasukhachidAtmako.ahamAtmetyudayatu vaH sphuTameva chetasIti || 84\-7|| sukharasaparimishrito viyogaH kimapi purAbhavaduddhavopadeshaiH | samabhavadamutaH paraM tu tAsAM paramasukhaikyamayI bhavadvichintA || 84\-8|| munivaranivahaistavAtha pitrA duritashamAya shubhAni pR^ichChyamAnaiH | tvayi sati kimidaM shubhAntarairityuruhasitairapi yAjitastadAsau || 84\-9|| sumahati yajane vitAyamAne pramuditamitrajane sahaiva gopAH | yadujanamahitAstrimAsamAtraM bhavadanuSha~NgarasaM pureva bhejuH || 84\-10|| vyapagamasamaye sametya rAdhAM dR^iDhamupagUhya nirIkShya vItakhedAm | pramuditahR^idayaH puraM prayAtaH pavanapureshvara pAhi mAM gadebhyaH || 11|| iti chaturashItitamadashakaM samAptaM \iti \section{pa~nchAshItitamadashakam (85)} \yyy{jarAsandhavadhaM \- shishupAlavadham | ## 85 - Slaying of Jarasandha And Shishupala##} tato magadhabhUmR^itA chiranirodhasa~NkleshitaM shatAShTakayutAyutadvitayamIsha bhUmIbhR^itAm | anAthasharaNAya te kamapi pUruShaM prAhiNo\- dayAchata sa mAgadhakShapaNameva kiM bhUyasA || 85\-1|| yiyAsurabhimAgadhaM tadanu nAradodIritA\- dyudhiShThiramakhodyamAdubhayakAryaparyAkulaH | viruddhajayino.adhvarAdubhayasiddhirityuddhave shashaMsuShi nijaiH samaM puramiyetha yaudhiShThirIm || 85\-2|| asheShadayitAyute tvayi samAgate dharmajo vijitya sahajairmahIM bhavadapA~NgasaMvardhitaiH | shriyaM nirupamAM vahannahaha bhaktadAsAyitaM bhavantamayi mAgadhe prahitavAnsabhImArjunam || 85\-3|| girivrajapuraM gatAstadanu deva yUyaM trayo yayAcha samarotsavaM dvijamiSheNa taM mAgadham | apUrNasukR^itaM tvamuM pavanajena sa~NgrAmayan nirIkShya saha jiShNunA tvamapi rAjayudhvA sthitaH || 85\-4|| ashAntasamaroddhataM viTapapATanAsa.nj~nayA nipAtya jarasassutaM pavanajena niShpATitam | vimuchya nR^ipatInmudA samanugR^ihya bhaktiM parAM dideshitha gataspR^ihAnapi cha dharmaguptyai bhuvaH || 85\-5|| prachakruShi yudhiShThire tadanu rAjasUyAdhvaraM prasannabhR^itakIbhavatsakalarAjakavyAkulam | tvamapyayi jagatpate dvijapadAvanejAdikaM chakartha kimu kathyate nR^ipavarasya bhAgyonnatiH || 85\-6|| tatassavanakarmaNi pravaramagryapUjAvidhiM vichArya sahadevavAganugatassa dharmAtmajaH | vyadhatta bhavate mudA sadasi vishvabhUtAtmane tadA sasuramAnuShaM bhuvanameva tR^iptiM dadhau || 85\-7|| tatassapadi chedipo muninR^ipeShu tiShThatsvaho sabhAjayati ko jaDaH pashupadurdurUTaM vaTum | iti tvayi sa durvachovitatimudvamannAsanA\- dudApatadudAyudhaH samapatannamuM pANDavAH || 85\-8|| nivArya nijapakShagAnabhimukhasya vidveShiNa\- stvameva jahR^iShe shiro danujadAriNA svAriNA | janustritayalabdhayA satatachintayA shuddhadhI\- stvayA sa paramekatAmadhR^ita yoginAM durlabhAm || 85\-9|| tatassumahito tvayA kratuvare nirUDhe jano yayau jayati dharmajo jayati kR^iShNa ityAlapan | khalaH sa tu suyodhano dhutamanAssapatnashriyA mayArpitasabhAmukhe sthalajalabhramAdabhramIt || 85\-10|| tadA hasitamutthitaM drupadandanAbhImayo\- rapA~NgakalayA vibho kimapi tAvadujjR^imbhayan | dharAbharanirAkR^itau sapadi nAma bIjaM vapan janArdana marutpurInilaya pAhi mAmAmayAt || 85\-11|| iti pa~nchAshItitayadashakaM samAptam | \iti \section{ShaDashItitamadashakam (86)} \yyy{sAlvavadham \- mahAbhAratayuddham | ## 86 - Slaying of Salva - Battle of Mahabharata##} sAlvo bhaiShmIvivAhe yadubalavijitashchandrachUDAdvimAnaM vindansaubhaM sa mAyI tvayi vasati kurUMstvatpurImabhyabhA~NkShIt | pradyumnastaM nirundhannakhilayadubhaTairnyagrahIdugravIryaM tasyAmAtyaM dyumantaM vyajani cha samarassaptaviMshatyahAntaH || 86\-1|| tAvattvaM rAmashAlI tvaritamupagataH khaNDitaprAyasainyaM saubheshaM taM nyarundhAH sa cha kila gadayA shAr~NgamabhraMshayatte | mAyAtAtaM vyahiMsIdapi tava puratastattvayApi kShaNArdhaM nAj~nAyItyAhureke tadidamavamataM vyAsa eva nyaShedhIt || 86\-2|| kShiptvA saubhaM gadAchUrNitamudakanidhau ma~NkShu sAlve.api chakre\- NotkR^itte dantavaktraH prasabhamabhipatannabhyamu~nchadgadAM te | kaumodakyA hato.asAvapi sukR^itanidhishchaidyavatprApadaikyaM sarveShAmeSha pUrvaM tvayi dhR^itamanasAM mokShaNArtho.avatAraH || 86\-3|| tvayyAyAte.atha jAte kila kurusadasi dyUtake saMyatAyAH krandantyA yAj~nasenyAH sakaruNamakR^ithAshchelamAlAmanantAm | annAntaprAptasharvAMshajamunichakitadraupadI chintito.atha prAptashshAkAnnamashnan munigaNamakR^ithAstR^iptimantaM vanAnte || 86\-4|| yuddhodyoge.atha mantre milati sati vR^itaH phalgunena tvamekaH kauravye dattasainyaH karipuramagamo dUtyakR^itpANDavArtham | bhIShmadroNAdimAnye tava khalu vachane dhikkR^ite kauraveNa vyAvR^iNvanvishvarUpaM munisadasi purIM kShobhayitvA.a.agato.abhUH || 86\-5|| jiShNostvaM kR^iShNa sUtaH khalu samaramukhe bandhughAte dayAluM khinnaM taM vIkShya vIraM kimidamayi sakhe nitya eko.ayamAtmA | ko vadhyaH ko.atra hantA tadiha vadhabhiyaM projjhya mayyarpitAtmA dharmyaM yuddhaM chareti prakR^itimanayathA darshayanvishvarUpam || 86\-6|| bhaktottaMse.atha bhIShme tava dharaNibharakShepakR^ityaikasakte nityaM nityaM vibhindatyayutasamadhikaM prAptasAde cha pArthe | nishshastratvapratij~nAM vijahadarivaraM dhArayankrodhashAlI\- vAdhAvanprA~njaliM taM natashirasamatho vIkShya modAdapAgAH || 86\-7|| yuddhe droNasya hastisthiraraNabhagadatteritaM vaiShNavAstraM vakShasyAdhatta chakrasthagitaravimahAH prArdayansindhurAjam | nAgAstre karNamukte kShitimavanamayankevalaM kR^ittamauliM tatre tatrApi pArthaM kimiva na hi bhavAn pANDavAnAmakArShIt || 86\-8|| yuddhAdau tIrthagAmI sa khalu haladharo naimishakShetramR^ichCha\- nnapratyutthAyisUtakShayakR^idatha sutaM tatpade kalpayitvA | yaj~naghnaM balvalaM parvaNi paridalayan snAtatIrtho raNAnte samprApto bhImaduryodhanaraNamashamaM vIkShya yAtaH purIM te || 86\-9|| saMsuptadraupadeyakShapaNahatadhiyaM drauNimetya tvaduktyA tanmuktaM brAhmamastraM samahR^ita vijayo mauliratnaM cha jahre | uchChittyai pANDavAnAM punarapi cha vishatyuttarAgarbhamastre rakShanna~NguShThamAtraH kila jaTharamagAshchakrapANirvibho tvam || 86\-10|| dharmaughaM dharmasUnorabhidadhadakhilaM ChandamR^ityuH sa bhIShma\- stvAM pashyanbhaktibhUmnaiva hi sapadi yayau niShkalabrahmabhUyam | saMyAjyAthAshvamedhaistribhiratimahitairdharmajaM pUrNakAmaM samprApto dvArakAM tvaM pavanapurapate pAhi mAM sarvarogAt || 86\-11|| iti ShaDashItitamadashakaM samAptam | \iti \section{saptAshItitamadashakam (87)} \yyy{kuchelopAkhyAnam | ## 87 - Kuchela Episode##} kuchelanAmA bhavataH satIrthyatAM gataH sa sAndIpanimandire dvijaH | tvadekarAgeNa dhanAdiniHspR^iho dinAni ninye prashamI gR^ihAshramI || 87\-1|| samAnashIlA.api tadIyavallabhA tathaiva no chittajayaM sameyuShI | kadAchidUche bata vR^ittilabdhaye ramApatiH kiM na sakhA niShevyate || 87\-2|| itIrito.ayaM priyayA kShudhArtayA jugupsamAno.api dhane madAvahe | tadA tvadAlokanakautukAdyayau vahanpaTAnte pR^ithukAnupAyanam || 87\-3|| gato.ayamAshcharyamayIM bhavatpUrIM gR^iheShu shaibyAbhavanaM sameyivAn | pravishya vaikuNThamivApa nirvR^itiM tavAtisambhAvanayA tu kiM punaH || 87\-4|| prapUjitaM taM priyayA cha vIjitaM kare gR^ihItvA.akathayaH purA kR^itam | yadindhanArthaM gurudArachoditairapartuvarShaM tadamarShi kAnane || 87\-5|| trapAjuSho.asmAtpR^ithukaM balAdatha pragR^ihya muShTau sakR^idAshite tvayA | kR^itaM kR^itaM nanviyateti sambhramAdramA kilopetya karaM rurodha te || 87\-6|| bhakteShu bhaktena sa mAnitastvayA purIM vasannekanishAM mahAsukham | batAparedyurdraviNaM vinA yayau vichitrarUpastava khalvanugrahaH || 87\-7|| yadi hyayAchiShyamadAsyadachyuto vadAmi bhAryAM kimiti vrajannasau | tvaduktilIlAsmitamagnadhIH punaH kramAdapashyanmaNidIpramAlayam || 87\-8|| kiM mArgavibhraMsha iti bhramankShaNaM gR^ihaM praviShTaH sa dadarsha vallabhAm | sakhIparItAM maNihemabhUShitAM bubodha cha tvatkaruNAM mahAdbhutAm || 87\-9|| sa ratnashAlAsu vasannapi svayaM samunnamadbhaktibharo.amR^itaM yayau | tvamevamApUritabhaktavA~nChito marutpurAdhIsha harasva me gadAn || 87\-10|| iti ShaDashItitamadashakaM samAptaM \iti \section{saptAshItitamadashakam (88)} \yyy{santAnagopAlam | ## 88 - Episode of Santana Gopalam##} prAgevAchAryaputrAhR^itinishamanayA svIyaShaTsUnuvIkShAM kA~NkShantyA mAturuktyA sutalabhuvi baliM prApya tenArchitastvam | dhAtushshApAddhiraNyAnvitakashipubhavAnshaurijAn kaMsabhagnA\- nAnIyainAn pradarshya svapadamanayathAH pUrvaputrAnmarIcheH || 88\-1|| shrutadeva iti shrutaM dvijendraM bahulAshvaM nR^ipatiM cha bhaktipUrNam | yugapattvamanugrahItukAmo mithilAM prApitha tApasaiH sametaH || 88\-2|| gachChandvimUrtirubhayoryugapanniketa\- mekena bhUrivibhavairvihitopachAraH | anyena taddinabhR^itaishcha phalaudanAdyai\- stulyaM praseditha dadAtha cha muktimAbhyAm || 88\-3|| bhUyo.atha dvAravatyAM dvijatanayamR^itiM tatpralApAnapi tvaM ko vA daivaM nirundhyAditi kila kathayanvishvavoDhA.apyasoDhAH | jiShNorgarvaM vinetuM tvayi manujadhiyA kuNThitAM chAsya buddhiM tattvArUDhAM vidhAtuM paramatamapadaprekShaNeneti manye || 88\-4|| naShTA aShTAsya putrAH punarapi tava tUpekShayA kaShTavAdaH spaShTo jAto janAnAmatha tadavasare dvArakAmApa pArthaH | maitryA tatroShito.asau navamasutamR^itau vipravaryaprarodaM shrutvA chakre pratij~nAmanupahR^itasutassannivekShye kR^ishAnum || 88\-5|| mAnI sa tvAmapR^iShTvA dvijanilayagato bANajAlairmahAstrai rundhAnaH sUtigehaM punarapi sahasA dR^iShTanaShTe kumAre | yAmyAmaindrIM tathAnyAssuravaranagarIrvidyayA.a.asAdya sadyo moghodyogaH patiShyanhutabhuji bhavatA sasmitaM vArito.abhUt || 88\-6|| sArdhaM tena pratIchIM dishamatijavinA syandanenAbhiyAto lokAlokaM vyatItastimirabharamatho chakradhAmnA nirundhan | chakrAMshukliShTadR^iShTiM sthitamatha vijayaM pashya pashyeti vArAM pAre tvaM prAdadarshaH kimapi hi tamasAM dUradUraM padaM te || 88\-7|| tatrAsInaM bhuja~NgAdhipashayanatale divyabhUShAyudhAdyai\- rAvItaM pItachelaM pratinavajaladashyAmalaM shrImada~Ngam | mUrtInAmIshitAraM paramiha tisR^iNAmekamarthaM shrutInAM tvAmeva tvaM parAtman priyasakhasahito nemitha kShemarUpam || 88\-8|| yuvAM mAmevadvAvadhikavivR^itAntarhitatayA vibhinnau sundraShTuM svayamahamahArShaM dvijasutAn | nayetaM drAgenAniti khalu vitIrNAnpunaramUn dvijAyAdAyAdAH praNutamahimA pANDujanuShA || 88\-9|| evaM nAnAvihArairjagadabhiramayanvR^iShNivaMshaM prapuShNa\- nnIjAno yaj~nabhedairatulavihR^itibhiH prINayanneNanetrAH | bhUbhArakShepadambhAtpadakamalajuShAM mokShaNAyAvatIrNaH pUrNaM brahmaiva sAkShAdyaduShu manujatArUShitastvaM vyalAsIH || 88\-10|| prAyeNa dvAravatyAmavR^itadayi tadA nAradastvadrasArdra\- stasmAllebhe kadAchitkhalu sukR^itanidhistvatpitA tattvabodham | bhaktAnAmagrayAyI sa cha khalu matimAnuddhavastvatta eva prApto vij~nAnasAraM sa kila janahitAyAdhunA.aste badaryAm || 88\-11|| so.ayaM kR^iShNAvatAro jayati tava vibho yatra sauhArdabhIti\- snehadveShAnurAgaprabhR^itibhiratulairashramairyogabhedaiH | ArtiM tIrvA samastAmamR^itapadamagussarvataH sarvalokAH sa tvaM vishvArtishAntyai pavanapurapate bhaktipUrtyai cha bhUyAH || 88\-12|| iti aShTAshItitamadashakaM samAptam | \iti \section{ekonanavatitamadashakam (89)} \yyy{vR^ikAsuravadhaM \- bhR^iguparIkShaNam | ## 89 - Slaying of Vrikasura - Test by Bhrigu##} ramAjAne jAne yadiha tava bhakteShu vibhavo na sadyaH sampadyastadiha madakR^ittvAdashaminAm | prashAntiM kR^itvaiva pradishasi tataH kAmamakhilaM prashAnteShu kShipraM na khalu bhavadIye chyutikathA || 89\-1|| sadyaHprasAdaruShitAnvidhisha~NkarAdIn kechidvibho nijaguNAnuguNaM bhajantaH | bhraShTA bhavanti bata kaShTamadIrghadR^iShTyA spaShTaM vR^ikAsara udAharaNaM kilAsmin || 89\-2|| shakunijaH sa tu nAradamekadA tvaritatoShamapR^ichChadadhIshvaram | sa cha didesha girIshamupAsituM na tu bhavantamabandhumasAdhuShu || 89\-3|| tapastaptvA ghoraM sa khalu kupitaH saptamadine shirashChittvA sadyaH puraharamupasthApya purataH | atikShudraM raudraM shirasi karadAnena nidhanaM jagannAthAdvavre bhavati vimukhAnAM kva shubhadhIH || 89\-4|| moktAraM bandhamukto hariNapatiriva prAdravatso.atha rudraM daityAdbhItyA sma devo dishi dishi valate pR^iShThato dattadR^iShTiH | tUShNIke sarvaloke tava padamadhirokShyantamudvIkShya sharvaM dUrAdevAgratastvaM paTuvaTuvapuShA tasthiShe dAnavAya || 89\-5|| bhadraM te shAkuneya bhramasi kimadhunA tvaM pishAchasya vAchA sandehashchenmaduktau tava kimu na karoShya~NgulIma~Nga maulau | itthaM tvadvAkyamUDhaH shirasi kR^itakaraH so.apatachChinnapAtaM bhraMsho hyevaM paropAsiturapi cha gatiH shUlino.api tvameva || 89\-6|| bhR^iguM kila sarasvatInikaTavAsinastApasA\- strimurtiShu samAdishannadhikasattvatAM veditum | ayaM punaranAdarAduditaruddharoShe vidhau hare.api cha jihiMsiShau girijayA dhR^ite tvAmagAt || 89\-7|| suptaM ramA~Nkabhuvi pa~NkajalochanaM tvAM vipre vinighnati padena mudotthitastvam | sarvaM kShamasva munivarya bhavetsadA me tvatpAdachihnamiha bhUShaNamityavAdIH || 89\-8|| nishchitya te cha sudR^iDhaM tvayi baddhabhAvAH sArasvatA munivarA dadhire vimokSham | tvAmevamachyuta punashchyutidoShahInaM sattvochchayaikatanumeva vayaM bhajAmaH || 89\-9|| jagatsR^iShTyAdau tvAM nigamanivahairvandibhiriva stutaM viShNo sachchitparamarasanirdvaitavapuSham | parAtmAnaM bhUman pashupavanitAbhAgyanivahaM parItapashrAntyai pavanapuravAsin paribhaje || 89\-10|| iti ekonanavatitamadashakaM samAptaM \iti \section{navatitamadashakam (90)} \yyy{viShNumahattattvasthApanam | ## 90 - Establishment of Greatness of Vishnu##} vR^ikabhR^igusunimohinyambarIShAdivR^itte\- Shvayi tava hi mahattvaM sarvasharvAdijaitram | sthitamiha paramAtman niShkalArvAgabhinnaM kimapi yadavabhAtaM taddhi rUpaM tavaiva || 90\-1|| mUrtitrayeshvarasadAshivapa~nchakaM yat prAhuH parAtmavapureva sadAshivo.asmin | tatreshvarastu sa vikuNThapadastvameva tritvaM punarbhajasi satyapade tribhAge || 90\-2|| tatrApi sAttvikatanuM tava viShNumAhu\- rdhAtA tu sattvaviralo rajasaiva pUrNaH | satvotkaTatvamapi chAsti tamovikAra\- cheShTAdikaM cha tava sha~NkaranAmni mUrtau || 90\-3|| taM cha trimUrtyatigataM purapUruShaM tvAM sharvAtmanApi khalu sarvamayatvahetoH | shaMsantyupAsanAvidhau tadapi svatastu tvadrUpamityatidR^iDhaM bahu naH pramANam || 90\-4|| shrIsha~Nkaro.api bhagavAnsakaleShu tAvat tvAmeva mAnayati yo na hi pakShapAtI | tvanniShThameva sa hi nAmasahasrakAdi vyAkhyadbhavatstutiparashcha gatiM gato.ante || 90\-5|| mUrtitrayAtigamuvAcha cha mantrashAstra\- syAdau kalAyasuShamaM sakaleshvaraM tvAm | dhyAnaM cha niShkalamasau praNave khalUktvA tvAmeva tatra sakalaM nijagAda nAnyam || 90\-6|| samastasAre cha purANasa~Ngrahe visaMshayaM tvanmahimaiva varNyate | trimUrtiyuksatyapadatribhAgataH paraM padaM te kathitaM na shUlinaH || 90\-7|| yadbrAhmakalpa iha bhAgavatadvitIya\- skandhoditaM vapuranAvR^itamIsha dhAtre | tasyaiva nAma harisharvamukhaM jagAda shrImAdhavaH shivaparo.api purANasAre || 90\-8|| ye svaprakR^ityanuguNA girishaM bhajante teShAM phalaM hi dR^iDhayaiva tadIyabhaktyA | vyAso hi tena kR^itavAnadhikArihetoH skAndAdikeShu tava hAnivacho.arthavAdaiH || 90\-9|| bhUtArthakIrtiranuvAdaviruddhavAdau tredhArthavAdagatayaH khalu rochanArthAH | skAndAdikeShu bahavo.atra viruddhavAdA\- stvattAmasatvaparibhUtyupashikShaNAdyAH || 90\-10|| yatki~nchidapyaviduShApi vibho mayoktaM tanmantrashAstravachanAdyabhidR^iShTameva | vyAsoktisAramayabhAgavatopagIta kleshAnvidhUya kuru bhaktibharaM parAtman || 90\-11|| iti navatitamadashakaM samAptam | iti dashamaskandhaM samAptam | ekAdashaskandham | \iti \section{ekanavatitamadashakam (91)} \yyy{bhaktimahattvam | ## 91 - Greatness of Devotion##} shrIkR^iShNa tvatpadopAsanamabhayatamaM baddhamithyArthadR^iShTe\- rmartyasyArtasya manye vyapasarati bhayaM yena sarvAtmanaiva | yattAvattvatpraNItAniha bhajanavidhInAsthito mohamArge dhAvannapyAvR^itAkShaH skhalati na kuhachiddevadevAkhilAtman || 91\-1|| bhUman kAyena vAchA muhurapi manasA tvadbalapreritAtmA yadyatkurve samastaM tadiha paratare tvayyasAvarpayAmi | jAtyApIha shvapAkastvayi nihitamanaH karmavAgindriyArtha\- prANo vishvaM punIte na tu vimukhamanAstvatpadAdvipravaryaH || 91\-2|| bhItirnAma dvitIyAdbhavati nanu manaHkalpitaM cha dvitIyaM tenaikyAbhyAsashIlo hR^idayamiha yathAshakti bud.h{}dhyA nirundhyAm | mAyAviddhe tu tasminpunarapi na tathA bhAti mAyAdhinAthaM taM tvAM bhaktyA mahatyA satatamanubhajannIsha bhItiM vijahyAm || 91\-3|| bhakterutpattivR^iddhI tava charaNajuShaM sa~Ngamenaiva puMsA\- mAsAdye puNyabhAjAM shriya iva jagati shrImatAM sa~Ngamena | tatsa~Ngo deva bhUyAnmama khalu satataM tanmukhAdunmiShadbhi\- stvanmAhAtmyaprakArairbhavati cha sudR^iDhA bhaktiruddhUtapApA || 91\-4|| shreyomArgeShu bhaktAvadhikabahumatirjanmakarmANi bhUyo gAyankShemANi nAmAnyapi tadubhayataH pradrutaM pradrutAtmA | udyaddhAsaH kadachitkuhAchidapi rudankvApi garjanpragAya\- nnunmAdIva pranR^ityannayi kuru karuNAM lokabAhyashchareyam || 91\-5|| bhUtAnyetAni bhUtAtmakamapi sakalaM pakShimatsyAnmR^igAdIn martyAnmitrANi shatrUnapi yamitamatistvanmayAnyAnamAni | tvatsevAyAM hi sidhyenmama tava kR^ipayA bhaktidArDhyaM virAga\- stvattattvasyAvabodho.api cha bhuvanapate yatnabhedaM vinaiva || 91\-6|| no muhyankShuttR^iDAdyairbhavasaraNibhavaistvannilInAshayatvA\- chchintAsAtatyashAlI nimiShalavamapi tvatpadAdaprakampaH | iShTAniShTeShu tuShTivyasanavirahito mAyikatvAvabodhA\- jjyotsnAbhistvannakhendoradhikashishiritenAtmanA sa~nchareyam || 91\-7|| bhUteShveShu tvadaikyasmR^itisamadhigatau nAdhikAro.adhunA chet tvatprema tvatkamaitrI jaDamatiShu kR^ipA dviTsu bhUyAdupekShA | archAyAM vA samarchAkutukamurutarashraddhayA vardhatAM me tvatsaMsevI tathApi drutamupalabhate bhaktalokottamatvam || 91\-8|| AvR^itya tvatsvarUpaM kShitijalamarudAdyAtmanA vikShipantI jIvAnbhUyiShThakarmAvalivivashagatIn duHkhajAle kShipantI | tvanmAyA mAbhibhUyAnmayi bhuvanapate kalpate tatprashAntyai tvatpAde bhaktirevetyavadadayi vibho siddhayogI prabuddhaH || 91\-9|| duHkhAnyAlokya jantuShvalamuditaviveko.ahamAchAryavaryA\- llabdhvA tvadrUpatattvaM guNacharitakathAdyudbhavadbhaktibhUmA | mAyAmenAM taritvA paramasukhamaye tvatpade moditAhe tasyAyaM pUrvara~NgaH pavanapurapate nAshayAsheSharogAn || 91\-10|| iti ekanavatitamadashakaM samAptam | \iti \section{dvinavatitamadashakam (92)} \yyy{karmamishrabhaktiH | ## 92 - Bhakti Combined With Karma##} vaidaissarvANi karmANyaphalaparatayA varNitAnIti bud.hdhvA tAni tvayyarpitAnyeva hi samanucharan yAni naiShkarmyamIsha | mA bhUdvedairniShiddhe kuhachidapi manaHkarmavAchAM pravR^itti\- rdurvarja~nchedavAptaM tadapi khalu bhavatyarpaye chitprakAshe || 92\-1|| yastvanyaH karmayogastava bhajanamayastatra chAbhIShTamUrtiM hR^idyAM sattvaikarUpAM dR^iShadi hR^idi mR^idi kvApi vA bhAvayitvA | puShpairgandhairnivedyairapi cha virachitaiH shaktito bhaktipUtai\- rnityaM varyAM saparyAM vidadhadayi vibho tvatprasAdaM bhajeyam || 92\-2|| strIshUdrAstvatkathAdishravaNavirahitA AsatAM te dayArhA\- stvatpAdAsannayAtAndvijakulajanuSho hanta shochAmyashAntAn | vR^ittyarthaM te yajanto bahukathitamapi tvAmanAkarNayanto dR^iptA vidyAbhijAtyaiH kimu na vidadhate tAdR^ishaM mA kR^ithA mAm || 92\-3|| papo.ayaM kR^iShNarAmetyabhilapati nijaM gUhituM dushchAritraM nirlajjasyAsya vAchA bahutarakathanIyAni me vighnitAni | bhrAtA me vandhyashIlo bhajati kila sadA viShNumitthaM budhAMste nindantyuchchairhasanti tvayi nihitaratIMstAdR^ishaM mA kR^ithA mAm || 92\-4|| shvetachChAyaM kR^ite tvAM munivaravapuShaM prINayante tapobhi\- stretAyAM sruksruvAdya~NkitamaruNatanuM yaj~narUpaM yajante | sevante tantramArgairvilasadarigadaM dvApare shyAmalA~NgaM nIlaM sa~NkIrtanAdyairiha kalisamaye mAnuShAstvAM bhajante || 92\-5|| so.ayaM kAleyakAlo jayati muraripo yatra sa~NkIrtanAdyai\- rniryatnaireva mArgairakhilada nachirAttvatprasAdaM bhajante | jAtAstretAkR^itAdAvapi hi kila kalau sambhavaM kAmayante daivAttatraiva jAtAnviShayaviSharasairmA vibho va~nchayAsmAn || 92\-6|| bhaktAstAvatkalau syurdramilabhuvi tato bhUrishastatra chochchaiH kAverIM tAmraparNImanu kila kR^itamAlA~ncha puNyAM pratIchIm | hA mAmapyetadantarbhavamapi cha vibho ki~nchida~nchidrasaM tva\- yyAshApAshairnibadhya bhramaya na bhagavan pUraya tvanniShevAm || 92\-7|| dR^iShTvA dharmadruhaM taM kalimapakaruNaM prA~NmahIkShitparIkShi\- ddhantuM vyAkR^iShTakhaDgo.api na vinihatavAn sAravedI guNAMshAt | tvatsevAdyAshu sidhyedasadiha na tathA tvatpare chaiSha bhIru\- ryattu prAgeva rogAdibhirapaharate tatra hA shikShayainam || 92\-8|| ga~NgA gItA cha gAyatryapi cha tulasikA gopikAchandanaM tat sAlagrAmAbhipUjA parapuruSha tathaikAdashI nAmavarNAH | etAnyaShTApyayatnAnyayi kalisamaye tvatprasAdapravR^id.h{}dhyA kShipraM muktipradAnItyabhidadhurR^iShayasteShu mAM sajjayethAH || 92\-9|| devarShINAM pitR^INAmapi na punarR^iNI ki~Ngaro vA sa bhUman yo.asau sarvAtmanA tvAM sharaNamupagataH sarvakR^ityAni hitvA | tasyotpannaM vikarmApyakhilamapanudasyeva chittasthitastvaM tanme pApotthatApAnpavanapurapate rundhi bhaktiM praNIyAH || 92\-10|| iti dvinavatitamadashakaM samAptaM \iti \section{trinavatitamadashakam (93)} \yyy{pa~nchaviMshati guravaH | ## 93 - Lessons from 25 Gurus##} bandhusnehaM vijahyAM tava hi karuNayA tvayyupAveshitAtmA sarvaM tyaktvA chareyaM sakalamapi jagadvIkShya mAyAvilAsam | nAnAtvAdbhrAntijanyAtsati khalu guNadoShAvabodhe vidhirvA vyAsedho vA kathaM tau tvayi nihitamatervItavaiShamyabuddheH || 93\-1|| kShuttR^iShNAlopamAtre satatakR^itadhiyo jantavassantyanantA\- stebhyo vij~nAnavattvAtpuruSha iha varastajjanirdurlabhaiva | tatrApyAtmA.a.atmanaH syAtsuhR^idapi cha ripuryastvayi nyastachetA\- stApochChitterupAyaM smarati sa hi suhR^itsvAtmavairI tato.anyaH || 93\-2|| tvatkAruNye pravR^itte ka iva na hi gururlokavR^itte.api bhUman sarvAkrAntApi bhUmirna hi chalati tataH satkShamAM shikShayeyam | gR^ihNIyAmIsha tattadviShayaparichaye.apyaprasaktiM samIrA\- dvyAptatva~nchAtmano me gaganaguruvashAdbhAtu nirlepatA cha || 93\-3|| svachChaH syAM pAvano.ahaM madhura udakavadvahnivanmA sma gR^ihNAM sarvAnnIno.api doShaM taruShu tamiva mAM sarvabhUteShvaveyAm | puShTirnaShTiH kalAnAM shashina iva tanornAtmano.astIti vidyAM toyAdivyastamArtANDavadapi cha tanuShvekatAM tvatprasAdAt || 93\-4|| snehAdvyAdhAstaputrapraNayamR^itakapotAyito mA sma bhUvaM prAptaM prAshnansaheya kShudhamapi shayuvatsindhuvatsyAmagAdhaH | mA paptaM yoShidAdau shikhini shalabhavadbhR^i~NgavatsArabhAgI bhUyAsaM kintu tadvaddhanachayanavashAnmAhamIsha praNesham || 93\-5|| mA badhyAsaM taruNyA gaja iva vashayA nArjayeyaM dhanaughaM hartAnyastaM hi mAdhvIhara iva mR^igavanmA muhaM grAmyagItaiH | nAtyAsajjeya bhojye jhaSha iva baDishe pi~NgalAvannirAshaH supyAM bhartavyayogAtkurara iva vibho sAmiSho.anyairna hanyai || 93\-6|| varteya tyaktamAnaH sukhamatishishuvannissahAyashchareyaM kanyAyA ekasheSho valaya iva vibho varjitAnyonyaghoShaH | tvachchitto nAvabudhyai paramiShukR^idiva kShmAbhR^idAyAnaghoShaM geheShvanyapraNIteShvahiriva nivasAnyundurormandireShu || 93\-7|| tvayyeva tvatkR^itaM tvaM kShapayasi jagadityUrNanAbhAtpratIyAM tvachchintA tvatsvarUpaM kuruta iti dR^iDhaM shikSheye peshakArAt | viDbhasmAtmA cha dehi bhavati guruvaro yo vivekaM viraktiM dhatte sa~nchintyamAno mama tu bahurujApIDito.ayaM visheShAt || 93\-8|| hI hI me dehamohaM tyaja pavanapurAdhIsha yatpremaheto\- rgehe vitte kalatrAdiShu cha vivashitAstvatpadaM vismaranti | so.ayaM vahneH shuno vA paramiha parataH sAmprata~nchAkShikarNa\- tvagjihvAdyA vikarShantyavashamata itaH ko.api na tvatpadAbje || 93\-9|| durvAro dehamoho yadi punaradhunA tarhi nishsheSharogAn hR^itvA bhaktiM draDhiShThAM kuru tava padapa~Nkeruhe pa~NkajAkSha | nUnaM nAnAbhavAnte samadhigatamimaM muktidaM vipradehaM kShudre hA hanta mA mA kShipa viShayarase pAhi mAM mArutesha || 93\-10|| iti trinavatitamadashakaM samAptam | \iti \section{chaturnavatitamadashakam (94)} \yyy{tattvaj~nAnotpattiH | ## 94 - Means of Enlightenment##} shuddhA niShkAmadharmaiH pravaragurugirA tatsvarUpaM paraM te shuddhaM dehendriyAdivyapagatamakhilavyAptamAvedayante | nAnAtvasthaulyakArshyAdi tu guNajavapussa~Ngato.adhyAsitaM te vahnerdAruprabhedeShviva mahadaNutAdIptatAshAntatAdi || 94\-1|| AchAryAkhyAdharasthAraNisamanumilachChiShyarUpottarAra\- NyAvedhodbhAsitena sphuTataraparibodhAgninA dahyamAne | karmAlIvAsanAtatkR^itatanubhuvanabhrAntikAntArapUre dAhyAbhAvena vidyAshikhini cha virate tvanmayI khalvavasthA || 94\-2|| evaM tvatprAptito.anyo nahi khalu nikhilakleshahAnerupAyo naikAntAtyantikAste kR^iShivadagadaShADguNyaShaTkarmayogAH | durvaikalyairakalyA api nigamapathAstatphalAnyapyavAptA mattAstvAM vismarantaH prasajati patane yAntyanantAnviShAdAn || 94\-3|| tvallokAdanyalokaH kvanu bhayarahito yatparArdhadvayAnte tvadbhItassatyaloke.api na sukhavasatiH padmabhUH padmanAbha | evambhAve tvadharmArjitabahutamasAM kA kathA nArakANAM tanme tvaM Chindhi bandhaM varada kR^ipaNabandho kR^ipApUrasindho || 94\-4|| yAthArthyAttvanmayasyaiva hi mama na vibho vastuto bandhamokShau mAyAvidyAtanubhyAM tava tu virachitau svapnabodhopamau tau | baddhe jIvadvimuktiM gatavati cha bhidA tAvatI tAvadeko bhu~Nkte dehadrumastho viShayaphalarasAnnAparo nirvyathAtmA || 94\-5|| jIvanmuktatvamevaMvidhamiti vachasA kiM phalaM dUradUre tannAmAshuddhabuddherna cha laghu manasaH shodhanaM bhaktito.anyat | tanme viShNo kR^iShIShThAstvayi kR^itasakalaprArpaNaM bhaktibhAraM yena syAM ma~NkShu ki~nchidguruvachanamilattvatprabodhastvadAtmA || 94\-6|| shabdabrahmaNyapIha prayatitamanasastvAM na jAnanti kechit kaShTaM vandhyashramAste chirataramiha gAM bibhrate niShprasUtim | yasyAM vishvAbhirAmAssasakalamalAharA divyalIlAvatArAH sachchitsAndraM cha rUpaM tava na nigaditaM tAM na vAchaM bhriyAsam || 94\-7|| yo yAvAnyAdR^isho vA tvamiti kimapi naivAvagachChAmi bhUma\- nneva~nchAnanyabhAvastvadanubhajanamevAdriye chaidyavairin | tvalli~NgAnAM tvada~NghripriyajanasadasAM darshanasparshanAdi\- rbhUyAnme tvatprapUjAnatinutiguNakarmAnukIrtyAdaro.api || 94\-8|| yadyallabhyeta tattattava samupahR^itaM deva dAso.asmi te.ahaM tvadgehonmArjanAdyaM bhavatu mama muhuH karma nirmAyameva | sUryAgnibrAhmaNAtmAdiShu lasitachaturbAhumArAdhaye tvAM tvatpremArdratvarUpo mama satatamabhiShyandatAM bhaktiyogaH || 94\-9|| aikyaM te dAnohomavrataniyamatapassA~NkhyayogairdurApaM tvatsa~Ngenaiva gopyaH kila sukR^ititamAH prApurAnandasAndram | bhakteShvanyeShu bhUyassvapi bahumanuShe bhaktimeva tvamAsAM tanme tvadbhaktimeva dR^iDhaya hara gadAnkR^iShNa vAtAlayesha || 94\-10|| iti chaturnavatitamadashakaM samAptam | \iti \section{pa~nchanavatitamadashakam (95)} \yyy{dhyAnayogaH \- mokShaprAptimArgaH ## 95 - Yoga of Meditation - Means of Liberation##} Adau hairaNyagarbhIM tanumavikalajIvAtmikAmAsthitastvaM jIvatvaM prApya mAyAguNagaNakhachito vartase vishvayone | tatrodvR^iddhena sattvena tu gaNayugalaM bhaktibhAvaM gatena\- ChitvA sattvaM cha hitvA punaranupahito vartitAhe tvameva || 95\-1|| sattvonmeShAtkadAchitkhalu viShayarase doShabodhe.api bhUman bhUyo.apyeShu pravR^ittiH satamasi rajasi proddhate durnivArA | chittaM tAvadguNAshcha grathitamiha mithastAni sarvANi roddhuM turye tvayyekabhaktiH sharaNamiti bhavAnhaMsarUpI nyagAdIt || 95\-2|| santi shreyAMsi bhUyAMsyapi ruchibhidayA karmiNAM nirmitAni kShudrAnandAshcha sAntA bahuvidhagatayaH kR^iShNa tebhyo bhaveyuH | tva~nchAchakhyAtha sakhye nanu mahitatamAM shreyasAM bhaktimekAM tvadbhaktyAnandatulyaH khalu viShayajuShAM sammadaH kena vA syAt || 95\-3|| tvadbhaktyA tuShTabuddheH sukhamiha charato vichyutAshasya chAshAH sarvAssyuH saukhyamayyaH salilakuharagasyeva toyaikamayyaH | so.ayaM khalvindralokaM kamalajabhavanaM yogasiddhIshcha hR^idyA nAkA~NkShatyetadAstAM svayamanupatite mokShasaukhye.apyanIhaH || 95\-4|| tvadbhakto bAdhyamAno.api cha viShayarasairindriyAshAntiheto\- rbhaktyaivAkramyamANaiH punarapi khalu tairdurbalairnAbhijayyaH | saptArchirdIpitArchirdahati kila yathA bhUridAruprapa~nchaM tvadbhaktyaughe tathaiva pradahati duritaM durmadaH kvendriyANAm || 95\-5|| chittArdrIbhAvavamuchchairvapuShi cha pulakaM harShabAShpa~ncha hitvA chittaM shud.h{}dhyetkathaM vA kimu bahutapasA vidyayA vItabhakteH | tvadgAthAsvAdasiddhA~njanasatatamarImR^ijyamAno.ayamAtmA chakShurvattattvasUkShmaM bhajati na tu tathAbhyastayA tarkakoTyA || 95\-6|| dhyAnaM te shIlayeyaM samatanusukhabaddhAsano nAsikAgra\- nyastAkShaH pUrakAdyairjitapavanapathashchittapadmantvavA~ncham | UrdhvAgraM bhAvayitvA ravividhushikhinassaMvichintyopariShTAt tatrasthaM bhAvaye tvAM sajalajaladharashyAmalaM komalA~Ngam || 95\-7|| AnIlashlakShNakeshaM jvalitamakarasatkuNDalaM mandahAsa\- syandArdraM kaustubhashrIparigatavanamAloruhArAbhirAmam | shrIvatsA~NkaM subAhuM mR^idulasadudaraM kA~nchanachChAyachelaM chArusnigdhorumambhoruhalalitapadaM bhAvaye.ahaM bhavantam || 95\-8|| sarvA~NgeShva~Nga ra~NgatkutukamatimuhurdhArayannIsha chittaM tatrApyekatra yu~nje vadanasarasije sundare mandahAse | tatrAlInantu chetaH paramasukhachidadvaitarUpe vitanva\- nnanyanno chintayeyaM muhuriti samupArUDhayogo bhaveyam || 95\-9|| itthaM tvad.h{}dhyAnayoge sati punaraNimAdyaShTasaMsiddhayastA dUrashrutyAdayo.api hyahamahamikayA sampateyurmurAre | tvatsamprAptau vilambAvahamakhilamidaM nAdriye kAmaye.ahaM tvAmevAnandapUrNaM pavanapurapate pAhi mAM sarvatApAt || 95\-10|| iti pa~nchanavatitamadashakaM samAptam | \iti \section{ShaNNavatitamadashakam (96)} \yyy{bhagavadvibhUtayaH tathA j~nAnakarmabhaktiyogAH | ## 96 - Glories of the Lord and JnAna-Karma-Bhakti Yogas##} tvaM hi brahmaiva sAkShAt paramurumahimannakSharANAmakAra\- stAro mantreShu rAj~nAM manurasi muniShu tvaM bhR^igurnArado.api | prahlAdo dAnavAnAM pashuShu cha surabhiH pakShiNAM vainateyo nAgAnAmasyanantaH surasaridapi cha srotasAM vishvamUrte || 96\-1|| brahmaNyAnAM balistvaM kratuShu cha japayaj~no.asi vIreShu pArtho bhaktAnAmuddhavastvaM balamasi balinAM dhAma tejasvinAM tvam | nAstyantastvadvibhUtervikasadatishayaM vastu sarvaM tvameva tvaM jIvastvaM pradhAnaM yadiha bhavadR^ite tanna ki~nchitprapa~nche || 96\-2|| dharmaM varNAshramANAM shrutipathavihitaM tvatparatvena bhaktyA kurvanto.antarvirAge vikasati shanakaissantyajanto labhante | sattAsphUrtipriyatvAtmakamakhilapadArtheShu bhinneShvabhinnaM nirmUlaM vishvamUlaM paramamahamiti tvadvibodhaM vishuddham || 96\-3|| j~nAnaM karmApi bhaktistritayamiha bhavatprApakaM tatra tAva\- nnirviNNAnAmasheShe viShaya iha bhavet j~nAnayoge.adhikAraH | saktAnAM karmayogastvayi hi vinihito ye tu nAtyantasaktA nApyatyantaM viraktAstvayi cha dhR^itarasA bhaktiyogo hyamIShAm || 96\-4|| j~nAnaM tvadbhaktatAM vA laghu sukR^itavashAnmartyaloke labhante tasmAttatraiva janma spR^ihayati bhagavan nAkago nArako vA | AviShTaM mAM tu daivAdbhavajalanidhipotAyite martyadehe tvaM kR^itvA karNadhAraM gurumanuguNavAtAyitastArayethAH || 96\-5|| avyaktaM mArgayantaH shrutibhirapi nayaiH kevalaj~nAnalubdhAH klishyante.atIva siddhiM bahutarajanuShAmanta evApnuvanti | dUrasthaH karmayogo.api cha paramaphale nanvayaM bhaktiyoga\- stvAmUlAdeva hR^idyastvaritamayi bhavatprApako vardhatAM me || 96\-6|| j~nAnAyaivAtiyatnaM munirapavadate brahmatattvaM tu shruNvan gADhaM tvatpAdabhaktiM sharaNamayati yastasya muktiH karAgre | tvad.h{}dhyAne.apIha tulyA punarasukaratA chittachA~nchalyaheto\- rabhyAsAdAshu shakyaM tadapi vashayituM tvatkR^ipAchArutAbhyAm || 96\-7|| nirviNNaH karmamArge khalu viShamatame tvatkathAdau cha gADhaM jAtashraddho.api kAmAnayi bhuvanapate naiva shaknomi hAtum | tadbhUyo nishchayena tvayi nihitamanA doShabud.h{}dhyA bhajaMstAn puShNIyAM bhaktimeva tvayi hR^idayagate ma~NkShu na~NkShyanti sa~NgAH || 96\-8|| kashchitkleshArjitArthakShayavimalamatirnudyamAno janaughaiH prAgevaM prAha vipro na khalu mama janaH kAlakarmagrahA vA | cheto me duHkhahetustadiha guNagaNaM bhAvayatsarvakArI\- tyuktvA shAnto gatastvAM mama cha kuru vibho tAdR^ishIM chittashAntim || 96\-9|| ailaH prAgurvashIM pratyativivashamanAH sevamAnashchiraM tAM gADhaM nirvidya bhUyo yuvatisukhamidaM kShudrameveti gAyan | tvadbhaktiM prApya pUrNaH sukhataramacharattadvaduddhUya sa~NgaM bhaktottaMsaM kriyA mAM pavanapurapate hanta me rundhirogAn || 96\-10|| iti ShaNNavatitamadashakaM samAptaM \iti \section{saptanavatitamadashakam (97)} \yyy{uttamabhaktiprArthanA | ## 97 - Prayer For Supreme Devotion##} traiguNyAdbhinnarUpaM bhavati hi bhuvane hInamadhyottamaM yat\- j~nAnaM shraddhA cha kartA vasatirapi sukhaM karma chAhArabhedAH | tvatkShetratvanniShevAdi tu yadiha punastvatparaM tattu sarvaM prAhurnairguNyaniShThaM tadanubhajanato ma~NkShu siddho bhaveyam || 97\-1|| tvayyeva nyastachittaH sukhamayi vicharansarvacheShTAstvadarthaM tvadbhaktaissevyamAnAnapi charitacharAnAshrayan puNyadeshAn | dasyau vipre mR^igAdiShvapi cha samamatirmuchyamAnAvamAna\- spardhAsUyAdidoShaH satatamakhilabhUteShu sampUjaye tvAm || 97\-2|| tvadbhAvo yAvadeShu sphurati na vishadaM tAvadevaM hyupAstiM kurvannaikAtmyabodhe jhaTiti vikasati tvanmayo.ahaM chareyam | tvaddharmasyAsya tAvatkimapi na bhagavan prastutasya praNAsha\- stasmAtsarvAtmanaiva pradisha mama vibho bhaktimArgaM manoj~nam || 97\-3|| ta~nchainaM bhaktiyogaM draDhayitumayi me sAdhyamArogyamAyu\- rdiShTyA tatrApi sevyaM tava charaNamaho bheShajAyeva dugdham | mArkaNDeyo hi pUrvaM gaNakanigaditadvAdashAbdAyuruchchaiH sevitvA vatsaraM tvAM tava bhaTanivahairdrAvayAmAsa mR^ityum || 97\-4|| mArkaNDeyashchirAyussa khalu punarapi tvatparaH puShpabhadrA\- tIre ninye tapasyannatulasukharatiH ShaT tu manvantarANi | devendrassaptamastaM surayuvatimarunmanmathairmohayiShyan yogoShmapluShyamANairna tu punarashakattvajjanaM nirjayetkaH || 97\-5|| prItyA nArAyaNAkhyastvamatha narasakhaH prAptavAnasya pArshvaM tuShTyA toShTUyamAnaH sa tu vividhavarairlobhito nAnumene | draShTuM mAyAM tvadIyAM kila punaravR^iNodbhaktitR^iptAntarAtmA mAyAduHkhAnabhij~nastadapi mR^igayate nUnamAshcharyahetoH || 97\-6|| yAte tvayyAshu vAtAkulajaladagalattoyapUrNAtighUrNa\- tsaptArNorAshimagne jagati sa tu jale sambhramanvarShakoTIH | dInaH praikShiShTa dUre vaTadalashayanaM ka~nchidAshcharyabAlaM tvAmeva shyAmalA~NgaM vadanasarasijanyastapAdA~NgulIkam || 97\-7|| dR^iShTvA tvAM hR^iShTaromA tvaritamabhigataH spraShTukAmo munIndraH shvAsenAntarniviShTaH punariha sakalaM dR^iShTavAn viShTapaugham | bhUyo.api shvAsavAtairbahiranupatito vIkShitastvatkaTAkShai\- rmodAdAshleShTukAmastvayi pihitatanau svAshrame prAgvadAsIt || 97\-8|| gauryA sArdhaM tadagre purabhidatha gatastvatpriyaprekShaNArthI siddhAnevAsya dattvA svayamayamajarAmR^ityutAdIn gato.abhUt | evaM tvatsevayaiva smararipurapi sa prIyate yena tasmA\- nmUrtitrayyAtmakastvaM nanu sakalaniyanteti suvyaktamAsIt || 97\-9|| tryaMshe.asminsatyaloke vidhiharipurabhinmandirANyUrdhvamUrdhvaM tebhyo.apyUrdhvaM tu mAyAvikR^itivirahito bhAti vaikuNThalokaH | tatra tvaM kAraNAmbhasyapi pashupakule shuddhasattvaikarUpI sachchidbrahmAdvayAtmA pavanapurapate pAhi mAM sarvarogAt || 97\-10|| iti saptanavatitamadashakaM samAptam | iti ekAdashaskandhaM samAptam | dvAdashaskandham | \iti \section{aShTanavatitamadashakam (98)} \yyy{niShkalabrahmopAsanam | ## 98 - Meditation On Nirguna Brahman##} yasminnetadvibhAtaM yata idamabhavadyena chedaM ya eta\- dyo.asmAduttIrNarUpaH khalu sakalamidaM bhAsitaM yasya bhAsA | yo vAchAM dUradUre punarapi manasAM yasya devA munIndrA no vidyustattvarUpaM kimu punarapare kR^iShNa tasmai namaste || 98\-1|| janmAtho karma nAma sphuTamiha guNadoShAdikaM vA na yasmin lokAnAmUteya yaH svayamanubhajate tAni mAyAnusArI | bibhrachChaktIrarUpo.api cha bahutararUpo.avabhAtyadbhutAtmA tasmai kaivalyadhAmne pararasaparipUrNAya viShNo namaste || 98\-2|| no tirya~nchanna martyaM na cha suramasuraM na striyaM no pumAMsaM na dravyaM karma jAtiM guNamapi sadasadvApi te rUpamAhuH | shiShTaM yatsyAnniShedhe sati nigamashatairlakShaNAvR^ittitastat kR^ichChreNAvedyamAnaM paramasukhamayaM bhAti tasmai namaste || 98\-3|| mAyAyAM bimbitastvaM sR^ijasi mahadaha~NkAratanmAtrabhedai\- rbhUtagrAmendriyAdyairapi sakalajagatsvapnasa~Nkalpakalpam | bhUyaH saMhR^itya sarvaM kamaTha iva padAnyAtmanA kAlashaktyA gambhIre jAyamAne tamasi vitimiro bhAsi tasmai namaste || 98\-4|| shabdabrahmeti karmetyaNuriti bhagavan kAla ityAlapanti tvAmekaM vishvahetuM sakalamayatayA sarvathA kalpyamAnam | vedAntairyattu gItaM puruShaparachidAtmAbhidhaM tattu tattvaM prekShAmAtreNa mUlaprakR^itivikR^itikR^itkR^iShNa tasmai namaste || 98\-5|| sattvenAsattayA vA na cha khalu sadasattvena nirvAchyarUpA dhatte yAsAvavidyA guNaphaNimativadvishvadR^ishyAvabhAsam | vidyAtvaM saiva yAtA shrutivachanalavairyatkR^ipAsyandalAbhe saMsArAraNyasadyastruTanaparashutAmeti tasmai namaste || 98\-6|| bhUShAsu svarNavadvA jagati ghaTasharAvAdike mR^ittikAvat tattve sa~nchintyamAne sphurati tadadhunApyadvitIyaM vapuste | svapnadraShTuH prabodhe timiralayavidhau jIrNarajjoshcha yadvad\- vidyAlAbhe tathaiva sphuTamapi vikasetkR^iShNa tasmai namaste || 98\-7|| yadbhItyodeti sUryo dahati cha dahano vAti vAyustathAnye yadbhItAH padmajAdyAH punaruchitabalInAharante.anukAlam | yenaivAropitAH prA~Nnijapadamapi te chyAvitArashcha pashchAt tasmai vishvaM niyantre vayamapi bhavate kR^iShNa kurmaH praNAmam || 98\-8|| trailokyaM bhAvayantaM triguNamayamidaM tryakSharasyaikavAchyaM trIshAnAmaikyarUpaM tribhirapi nigamairgIyamAnasvarUpam | tisro.avasthA vidantaM triyugajanijuShaM trikramAkrAntavishvaM traikAlye bhedahInaM tribhirahamanishaM yogabhedairbhaje tvAm || 98\-9|| satyaM shuddhaM vibuddhaM jayati tava vapurnityamuktaM nirIhaM nirdvandvaM nirvikAraM nikhilaguNagaNavya~njanAdhArabhUtam | nirmUlaM nirmalaM tanniravadhimahimollAsi nirlInamanta\- rnissa~NgAnAM munInAM nirupamaparamAnandasAndraprakAsham || 98\-10|| durvAraM dvAdashAraM trishataparimilatShaShTiparvAbhivItaM sambhrAmyatkrUravegaM kShaNamanu jagadAchChidya sandhAvamAnam | chakraM te kAlarUpaM vyathayatu na tu mAM tvatpadaikAvalambaM viShNo kAruNyasindho pavanapurapate pAhi sarvAmayaughAt || 98\-11|| iti aShTanavatitamadashakaM samAptaM \iti \section{navanavatitamadashakam (99)} \yyy{vedamantramUlAtmakA viShNustutiH | ## 99 - Praise of the Glory of the Lord##} viShNorvIryANi ko vA kathayatu dharaNeH kashcha reNUnmimIte yasyaivA~NghritrayeNa trijagadabhimitaM modate pUrNasampat | yo.asau vishvAni dhatte priyamiha paramaM dhAma tasyAbhiyAyAM tadbhaktA yatra mAdyantyamR^itarasamarandasya yatra pravAhaH || 99\-1|| AdyAyAsheShakartre pratinimiShanavInAya bhartre vibhUte\- rbhaktAtmA viShNave yaH pradishati havirAdIni yaj~nArchanAdau | kR^iShNAdyaM janma yo vA mahadiha mahato varNayetso.ayameva prItaH pUrNo yashobhistvaritamabhisaretprApyamante padaM te || 99\-2|| he stotAraH kavIndrAstamiha khalu yathA chetayad.hdhve tathaiva vyaktaM vedasya sAraM praNuvata jananopAttalIlAkathAbhiH | jAnantashchAsya nAmAnyakhilasukhakarANIti sa~NkIrtayadhvaM he viShNo kIrtanAdyaistava khalu mahatastattvabodhaM bhajeyam || 99\-3|| viShNoH karmANi sampashyata manasi sadA yaiH sa dharmAnabadhnA\- dyAnIndrasyaiSha bhR^ityaH priyasakha iva cha vyAtanotkShemakArI | vIkShante yogasiddhAH parapadamanishaM yasya samyakprakAshaM viprendrA jAgarUkAH kR^itabahunutayo yachcha nirbhAsayante || 99\-4|| no jAto jAyamAno.api cha samadhigatastvanmahimno.avasAnaM deva shreyAMsi vidvAnpratimuhurapi te nAma shaMsAmi viShNo | taM tvAM saMstaumi nAnAvidhanutivachanairasya lokatrayasyA\- pyUrdhvaM vibhrAjamAne virachitavasatiM tatra vaikuNThaloke || 99\-5|| ApaH sR^iShTyAdijanyAH prathamamayi vibho garbhadeshe dadhustvAM yatra tvayyeva jIvA jalashayana hare sa~NgatA aikyamApan | tasyAjasya prabho te vinihitamabhavatpadmamekaM hi nAbhau dikpatraM yatkilAhuH kanakadharaNibhR^it karNikaM lokarUpam || 99\-6|| he lokA viShNuretadbhuvanamajanayattanna jAnItha yUyaM yuShmAkaM hyantarasthaM kimapi tadaparaM vidyate viShNurUpam | nIhAraprakhyamAyAparivR^itamanaso mohitA nAmarUpaiH prANaprItyaikatR^iptAshcharatha makhaparA hanta nechChA mukunde || 99\-7|| mUrdhnAmakShNAM padAnAM vahasi khalu sahasrANi sampUrya vishvaM tatprotkramyApi tiShThanparimitavivare bhAsi chittAntare.api | bhUtaM bhavyaM cha sarvaM parapuruSha bhavAn ki~ncha dehendriyAdi\- ShvAviShTo.apyudgatatvAdamR^itasukharasaM chAnubhu~NkShe tvameva || 99\-8|| yattu trailokyarUpaM dadhadapi cha tato nirgato.anantashuddha\- j~nAnAtmA vartase tvaM tava khalu mahimA so.api tAvAnkimanyat | stokaste bhAga evAkhilabhuvanatayA dR^ishyate tryaMshakalpaM bhUyiShThaM sAndramodAtmakamupari tato bhAti tasmai namaste || 99\-9|| avyaktaM te svarUpaM duradhigamatamaM tattu shuddhaikasattvaM vyakta~nchApyetadeva sphuTamamR^itarasAmbhodhikallolatulyam | sarvotkR^iShTAmabhIShTAM tadiha guNarasenaiva chittaM harantIM mUrtiM te saMshraye.ahaM pavanapurapate pAhi mAM kR^iShNa rogAt || 99\-10|| iti navanavatitamadashakaM samAptam | \iti \section{shatatamadashakam (100)} \yyy{bhagavataH keshAdipAdavarNanam | ## 100 - Description of the Vision of the Lord##} agre pashyAmi tejo nibiDatarakalAyAvalIlobhanIyaM pIyUShAplAvito.ahaM tadanu tadudare divyakaishoraveSham | tAruNyArambharamyaM paramasukharasAsvAdaromA~nchitA~Ngai\- rAvItaM nAradAdyaivilasadupaniShatsundarImaNDalaishcha || 100\-1|| nIlAbhaM ku~nchitAgraM ghanamamalataraM saMyataM chArubha~NgyA ratnottaMsAbhirAmaM valayitamudayachchandrakaiH pi~nChajAlaiH | mandArasra~NnivItaM tava pR^ithukabarIbhAramAlokaye.ahaM snigdhashvetordhvapuNDrAmapi cha sulalitAM bhAlabAlenduvIthIm || 100\-2|| hR^idyaM pUrNAnukampArNavamR^idulaharIcha~nchalabhrUvilAsai\- rAnIlasnigdhapakShmAvaliparilasitaM netrayugmaM vibho te | sAndrachChAyaM vishAlAruNakamaladalAkAramAmugdhatAraM kAruNyAlokalIlAshishiritabhuvanaM kShipyatAM mayyanAthe || 100\-3|| uttu~NgollAsinAsaM harimaNimukuraprollasadgaNDapAlI\- vyAlolatkarNapAshA~nchitamakaramaNIkuNDaladvandvadIpram | unmIladdantapa~NktisphuradaruNatarachChAyabimbAdharAntaH\- prItiprasyandimandasmitamadhurataraM vaktramudbhAsatAM me || 100\-4|| bAhudvandvena ratnojjvalavalayabhR^itA shoNapANipravAle\- nopAttAM veNunAlIM prasR^itanakhamayUkhA~NgulIsa~NgashArAm | kR^itvA vaktrAravindre sumadhuravikasadrAgamudbhAvyamAnaiH shabdabrahmAmR^itaistvaM shishiritabhuvanaissi~ncha me karNavIthIm || 100\-5|| utsarpatkaustubhashrItatibhiraruNitaM komalaM kaNThadeshaM vakShaH shrIvatsaramyaM taralatarasamuddIprahArapratAnam | nAnAvarNaprasUnAvalikisalayinIM vanyamAlAM vilola\- llolambAM lambamAnAmurasi tava tathA bhAvaye ratnamAlAm || 100\-6|| a~Nge pa~nchA~NgarAgairatishayavikasatsaurabhAkR^iShTalokaM lInAnekatrilokIvitatimapi kR^ishAM bibhrataM madhyavallIm | shakrAshmanyastataptojvalakanakanibhaM pItachelaM dadhAnaM dhyAyAmo dIptarashmisphuTamaNirashanAki~NgiNImaNDitaM tvAm || 100\-7|| UrU chArU tavorU ghanamasR^iNaruchau chittachorau ramAyA vishvakShobhaM visha~Nkya dhruvamanishamubhau pItachelAvR^itA~Ngau | AnamrANAM purastAnnyasanadhR^itasamastArthapAlIsamudga\- chChAyAM jAnudvayaM cha kramapR^ithulamanoj~ne cha ja~Nghe niSheve || 100\-8|| ma~njIraM ma~njunAdairiva padabhajanaM shreya ityAlapantaM pAdAgraM bhrAntimajjatpraNatajanamanomandaroddhArakUrmam | uttu~NgAtAmrarAjannakharahimakarajyotsnayA chA.ashritAnAM santApadhvAntahantrIM tatimanukalaye ma~NgalAma~NgulInAm || 100\-9|| yogIndrANAM tvada~NgeShvadhikasumadhuraM muktibhAjAM nivAso bhaktAnAM kAmavarShadyutarukisalayaM nAtha te pAdamUlam | nityaM chittasthitaM me pavanapurapate kR^iShNa kAruNyasindho hR^itvA niHsheShatApAnpradishatu paramAnandasandohalakShmIm || 100\-10|| aj~nAtvA te mahattvaM yadiha nigaditaM vishvanAtha kShamethAH stotraM chaitatsahasrottaramadhikataraM tvatprasAdAya bhUyAt | dvedhA nArAyaNIyaM shrutiShu cha januShA stutyatAvarNanena sphItaM lIlAvatArairidamiha kurutAmAyurArogyasaukhyam || 100\-11|| iti melpattUr shrInArAyaNabhaTTatirivaryavirachitaM nArAyaNIyaM stotraM samAptam || \iti \section{anubandham} shrIkR^iShNapAdAmbujaM ma~NgaLaM ma~njulaM kR^iShNapAdAmbujaM ma~NgalyadAyakaM kR^iShNapAdAmbujam | sa~NkaTanAshanaM kR^iShNapAdAmbujaM santoShadAyakaM kR^iShNapAdAmbujam || duShTavinAshanaM kR^iShNapAdAmbujaM shiShTajanapriyaM kR^iShNapAdAmbujam | muktipradAyakaM kR^iShNapAdAmbujaM shaktipradAyakaM kR^iShNapAdAmbujam || sanmayaM chinmayaM kR^iShNapAdAmbujaM kalmaShanAshanaM kR^iShNapAdAmbujam | niShkalaM nistulaM kR^iShNapAdAmbujaM nityanirAmayaM kR^iShNapAdAmbujam || AnandadAyakaM kR^iShNapAdAmbujaM AkulanAshanaM kR^iShNapAdAmbujam | modapradAyakaM kR^iShNapAdAmbujaM mohavinAshanaM kR^iShNapAdAmbujam || shrIguruvAyupureshapAdAmbujaM shrIshrIdAyakaM kR^iShNapAdAmbujam | nityaM namaskaru nityaM bhaja bhaja nityaM smara smara kR^iShNapAdAmbujam || \section{ma~Ngalam} ma~NgaLaM ma~NgaLAkAnta tava vakShasthale sthitA | ma~NgaLaM prArthyamAnasya karotu mama ma~NgaLam || 1|| tvameva ma~NgaLAkAntaH lokama~NgaLakArakaH | ma~NgaLaM te pravakShyAmi mama ma~Ngalahetave || 2|| nArAyaNAya haraye sR^iShTisthityantakAriNe | guruvAtapurIshAya vishvarUpAya ma~NgaLam || 3|| sha~NkhachakragadApadmamAlAkaustubhadhAriNe | guruvAtapurIshAya viShNurUpAya ma~NgaLam || 4|| praLayAbdhicharAyAstu namo vedavikAsine | guruvAtapurIshAya matsyarUpAya ma~NgaLam || 5|| lakShmInAthAya shAntAya namo mandaradhAriNe | guruvAtapurIshAya kUrmarUpAya ma~NgaLam || 6|| kShityuddhAravihArAya hiraNyAkShAsuhAriNe | guruvAtapurIshAya kroDarUpAya ma~NgaLam || 7|| prahlAdarakShakAyAstu hiraNyakashipughAtine | guruvAtapurIshAya nArasiMhAya ma~NgaLam || 8|| vAmanAya namastubhyaM balidarpApahAriNe | guruvAtapurIshAya yaj~narUpAya ma~NgaLam || 9|| balyarpitapadAbjAya krAntatribhuvanAya cha | guruvAtapurIshAya vishvarUpAya ma~NgaLam || 10|| namaH parashuhastAya keraLoddhArakAya cha | guruvAtapurIshAya bhArgavAyAdya ma~NgaLam || 11|| namaH kodaNDahastAya dashagrIvAntakAya cha | guruvAtapurIshAya rAmachandrAya ma~NgaLam || 12|| bAlagopAlaveShAya pUtanAmokShadAyine | guruvAtapurIshAya govindAyAstu ma~NgaLam || 13|| varabhaTTAtrivandyAya vAtaroganivAriNe | j~nAnapradAya devAya vAteshAyAstu ma~NgaLam || 14|| dayAsArAya saumyAya mama ma~NgaLakAriNe | sarvarogApahArAya vAteshAyAdya ma~NgaLam || 15|| mayA vandyAya nityAya jagatkAraNamUrtaye | mama tApavinAshAya jAgarUkAya ma~NgaLam || 16|| shubhamastu || \section{pArAyaNAvasAnashlokAH} svasti prajAbhyaH paripAlayantAM nyAyyena mArgeNa mahIM mahIshAH | gobrAhmaNebhyaH shubhamastu nityaM lokAssamastAssukhino bhavantu || kAle varShatu parjanyaH pR^ithivI sasyashAlinI | loko.ayaM kShobharahitaH sajjanAssantu nirbhayAH || aputrAH putriNaH santu putriNassantu pautriNaH | adhanAH sadhanAssantu jIvantu sharadAM shatam || tvameva mAtA cha pitA tvameva tvameva bandhushcha sakhA tvameva | tvameva vidyA draviNaM tvameva tvameva sarvaM mama deva deva || kAyena vAchA manasendriyairvA bud.h{}dhyA.a.atmanA vA prakR^itessvabhAvAt | karomi yadyatsakalaM parasmai shrImannArAyaNAyeti samarpayAmi || hare rAma hare rAma rAma rAma hare hare | hare kR^iShNa hare kR^iShNa kR^iShNa kR^iShNa hare hare || nArAyaNa nArAyaNa nArAyaNa nArAyaNa nArAyaNa nArAyaNa nArAyaNa nArAyaNa nArAyaNa nArAyaNa nArAyaNa nArAyaNa nArAyaNa nArAyaNa nArAyaNa nArAyaNa \section{nArAyaNIya Arati} jaya jagadIsha hare kR^iShNa jaya jagadIsha hare jaya gurumArutamandiranAtha | jaya jagadIsha hare kR^iShNa jaya jagadIsha hare || ki~NkiNipadakamala kR^iShNa ka~NkaNakarayugaLa ku~Nkumapa~NkilavakShasthalavara kuvalayadaLanIla kR^iShNa jaya jagadIsha hare || dadhinavanItahara kR^iShNa taruNIchittahara dayayA pAlaya dAmodara hara tuLasIdAmadhara kR^iShNa jaya jagadIsha hare || govardhanadharaNa kR^iShNa gopIjanaramaNa komaLapallavasundaracharaNa kokilamadhuvachana kR^iShNa jaya jagadIsha hare || nandakumAra hare kR^iShNa nAradagItaguNa nArAyaNavara bhaTTatirIkR^itastutivarashubhaphalada kR^iShNa jaya jagadIsha hare || pUntAnabhaktapriya kR^iShNa vR^indAvana rasika premikabhAvukamaNDalapUjitapAdasarojayuga kR^iShNa jaya jagadIsha hare ##The Arati is composed by Shri Shri Krishna Premi Anna. Reference system: Preliminary version from http://iu.ff.cuni.cz/pandanus/electronictexts/ Converted to Itrans for Devanagari display. Proofread by M.K. Krishnaswamy surfings at attbi.com, M.G.Vasudevan mgv at lntecc.com, and PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}