% Text title            : Narayaniya Mahatmyam
% File name             : nArAyaNIyamAhAtmyam.itx
% Category              : vishhnu, mAhAtmya
% Location              : doc\_vishhnu
% Author                : Angirasa
% Transliterated by     : Mohan Chettoor
% Proofread by          : Mohan Chettoor
% Latest update         : February 18, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Angirasamunipranitam Shriman Narayaniya Mahatmyam ..}##
\itxtitle{.. a~NgiromunipraNItaM shrImannArAyaNIyamAhAtmyam ..}##\endtitles ##
dhyAnaM\- (1)
shrImannArAyaNIye nihitanijatanuM nityamArttiM harantaM
bAlAnAnandayantaM gurupavanapurAdhIshamArdrAntara~Ngam |
bAhubhyAM dhArayantaM priyatara navanItAmR^itaM chAtmalilA\-
pUrNaM granthaM cha bhAntaM janahR^idayanabhashchandramekaM bhajehaM !
dhyAnaM\- (2)
shrIkR^iShNakamalAkAnta karuNAvaruNAlaya |
vayaM tvAM sharaNaM yAmo hara no nikhilAmayAn ||
gururUpamahAbhAga kathAkathanakovida |
kartavyaM bodhayitvA no jIvitaM saphalaM kuru ||
\section{prathamo.adhyAyaH}
vyAsa uvAcha\-
ulppattisthitinAsheShu rajassatvatamojuShe |
aguNAya mahAtApanAshanAyAtmane namaH || 1||
R^iShima~NgirasaM kautsaH kadAchit sAdhu pR^iShTavAn |
kaliM durviShahaM lokaH kathaM laghu tariShyati || 2||
tadA khalu purANAnAM prachAro vA bhavedapi |
tAMstAMshcha mahato granthAn shrotuM kashshaknuyAjjanaH || 3||
a~Ngira uvAcha\-
j~nAnenAtmani pashyAmi tava prashnasya nirNayaM |
vyAsavAkyena talsarvaM vakShyAmi shruNu sAmpratam || 4||
vyAsa uvAcha\-
pAvanImilitA yatra ga~NgA yamunayA saha |
tatra puNyatame deshe kadAchidR^iShisattamAH || 5||
taponirastaduritA dayAvantassunirmalAH |
jagatAM hitamichChantassatataM vratashAlinaH || 6||
kalidoShaprashamanaM niHshreyasakaraM paraM |
bahuvatsaranirvartyaM mahAsatraM vitenire || 7||
samastaduritachChedi bhavAmayamahauShadhaM |
sarvalokahitaM buddhvA vartamAnaM tadadbhutam || 8||
shiShyo maharShervyAsasya sUtaH sarvapurANavit |
kautukAdAgatastatra didyakShurmunimaNDalam || 9||
te cha tatra samAyAntaM munayo harShatundilAH |
nirIkShya satvaratarAH sadakurvata sAdhu tam || 10||
pragR^ihya cha samAsInaM saparyAM prItamAnasaM |
prochushcha munivaryAste vachanaM vinayAnvitAH || 11||
R^iShayaH UchuH\-
he sUta svAgataM testu sudinaM jAtamadya naH |
dhanyAshcha vayamete tvaM sahasA yadihAgataH || 12||
vyAsasya priyashiShyatvAdvichitrANAM tvamAkaraH |
kathAnAM chArumahasAM maNInAmiva sAgaraH || 13||
yachcha bhUtaM yachcha bhAvi vartamAnaM cha bhAti yat |
tvayA nAviditaM ki~nchidasti lokeShu sAmpratam || 14||
asmad bhAgyamahimnaiva sampratyAgatavAnasi |
shubhAshubhedya lokAnAM shrotavyaM ki~nchidasti naH || 15||
kalAviha yuge ghore samprApte duritAkare |
varNAshramAchAraripau viShNubhaktivighAtini || 16||
kukarmanirato nityaM svArthapUraNatalparaH |
nipatenniraye loko naiti jAtu parAM gatim || 17||
na ko.api sukR^itaM kartuM shaknoti kalivaibhavAt |
ataH kimatra naH kAryaM vaktavyaM tadidaM tvayA || 18||
shrI sUta uvAcha\-
sadR^ishaM bhavatAmetat jagatAM hitamichChatAM |
kadAchit j~nAtamapyarthaM paraM pR^ichChanti paNDitAH || 19||
yadarthamanuyukto.ahamidaM sAdhu vadAmi vaH |
shyaNutAvahitAssantassaMshayAnAM nirastaye || 20||
asti bhAgavataM nAma purANaM guruNA kR^itaM |
niHshreyasakaraM santaH kalau kaluShachetasAm || 21||
same.api yAnti tachChrutvA saptAhena parAM gatiM |
tannAnveShTavyamaparaM satyasmin sarvasiddhide || 22||
sahasrabrahmahA vApi yachChrutvA yAti sadgatiM |
tannAnveShTavyamaparaM satyasmin sarvasiddhide || 23||
R^iShayaH UchuH\-
yadabhyadhAyi bhavatA satyametanna saMshayaH |
idamevAtra paryAptaM lokAnAM shivasiddhaye || 24||
kintu kAlena kiyatA kalau prabalatAM gate |
bhaviShyanti janAssarve lalanAmadyatatparAH || 25||
parApakAraniratAH paradArApahAriNaH |
vimuktasvakulAchArA nAstikAH paNDitabruvAH || 26||
anadhItAgamA vyagrAshchapalA mAraki~NkarAH |
satkarmavimukhAH pApA viShNubhaktivivarjitAH || 27||
purAtanaM kavikulaM hasanto mandabuddhayaH |
shrutismR^itipurANAni nindanto nirapatrapAH || 28||
kukarmaniratAssanto narakAdapi nirbhayAH |
bhUmerbhArAyamANAshcha bhramiShyanti tatastataH || 29||
vistIrNamarthabahuLamidaM bhAgavataM tadA |
shrotuM janA na shakShyanti nikhilenAkulAshayAH || 30||
ataH kimatra kartavyaM tadA shreyaskaraM nR^iNAM |
laghu chAnyadashakyaM vA vidhAtuM sarvamuchyatAm || 31||
sUta uvAcha\-
idameva bhR^ishaM nAsti paraM paramapAvanaM |
vidhAtuM ki~nchidanyatu guruNApi na shakyate || 32||
tathApi munayashchitte chintAM kuruta mA chiraM |
yatassa bhagavAneva pAtIdaM sacharAcharam || 33||
idameva susa~NkShiptaM vyAsaH kAle kariShyati |
ekAhenaiva sakalaM shrotuM shakyaM yathA janaiH || 34||
nArAyaNena vibhunA tathAj~naptassa madguruH |
ato bhavatbhiradhunA vichAro na vidhIyatAm || 35||
yadA dharmaH kShayaM yAti vR^iddhimeti tathetaraH |
tadA tu bhagavAnatra kiM na taM pAti shAshvatam || 36||
R^iShayaH UchuH\-
sUta sUta mahAbhAga vyAsashiShya dayAnidhe |
na yAmastR^iptimadhunA tatassarvaM vadasva naH || 37||
mandA nayanti taM kAlaM chintayaiva durantayA |
amandA hi kathAM sAdhu shR^iNvantassajjanoditAm || 38||
nArAyaNassa bhagavAn muniM satyavatIsutaM |
AdiShTavAn yathA tachcha shrotuM kautukamasti naH || 39||
sUta uvAcha\-
bhavadbhiH sAdhu pR^iShTaM tat kArtsnyenaiva vadAmi vaH |
pR^ichChatAmeva vaktavyamiti me guruNoditam || 40||
vandamAnaM dayAmUrttiM vyAsamAhUya jAtuchit |
nArAyaNassa bhagavAnuvAcha prA~njaliM vachaH || 41||
nArAyaNa uvAcha\-
mune bhAgavataM nAma purANaM yattvayA kR^itaM |
madbhaktijanakaM puNyaM matprItikaramuttamam || 42||
kalau satkarmahInAnAM sarvasiddhikaraM nR^iNAM |
saptAhena shrutamidaM bhavitA nAtra saMshayaH || 43||
upabarhaNagandharvaH shApagrastobhavat purA |
pashchAdidaM tu shrutvaiva sadbhyo majjanatAM gataH || 44||
kalau pApamaye chAtra bhUyo mUrchChati vistR^itaM |
shrotuM na nikhilenedaM shakShyanti hatabuddhayaH || 45||
ato bhavAnetadeva sa~NkShiptaM tantumarhati |
vivashairapi sampUrNaM shruyetaikAhato yathA || 46||
sahasrottarapadyADhyaM nAnAvR^ittavirAjitaM |
prasAdaguNasampannaM yamakAdyairala~NkR^itam || 47||
manaHprahlAdanaM sadyaH sarasaM kAvyasamitam |
laLitairllaukikaishshabdaiH kartavyaM bhavatAkhilam || 48||
purANasa.nj~nametattu stotrasa.nj~naM tadA bhavet |
kadA vidhIyatAmetat bAhulyena taduchyate || 49||
chatussahasre sharadAM vyatIte trishatAdhike |
kalau matkalayA yukto niLAtIre dvijAnvaye || 50||
mamaiva nAmnA vikhyAto bhaviShyati bhavAn punaH |
tadA mayoktaM kartavyaM vachmi ki~nchidapi sphuTam || 51||
bhuvametya bhavAnnUnaM mama mAyAvimohitaH |
vij~no.api viShayI tatra kAlaM ka~nchana neShyati || 52||
tathApi subahUn granthAn vidvatsUtamanaHpriyAn |
rachayan pavanavyAdhipIDitotha bhaviShyati || 53||
tato rAmAnujAkhyena keraLeShu yashovatA |
madbhaktenopadiShTTastvaM madvAkyaM saMsmariShyasi || 54||
tato vinA viLambena pUte gurumarutpure |
vasato megrataH sthitvA kuru kAryamidaM shubham || 55||
nArAyaNAbhisambandhAd dvedhA stotramidaM mahat |
nArAyaNIyamityeva sarvatra viditaM bhavet || 56||
sarvapApaharaM puNyaM kalau kaluShitAtmanAM |
niHshreyasakaraM chApi bhaviShyati na saMshayaH || 57||
sUta uvAcha\-
iti shrutvA mama guruH sAkShAnnArAyaNoditaM |
shrotuM cha ki~nchittasyaiva tasthau prA~njaliragrataH || 58||
pR^iShTaM bhavadbhiradhunA nanu sAvadhAnai\-
ryattanmayA gurumukhashrutamIritaM vaH || 59||
etAvatA tu bhavatAM yadi nApyalantA |
pR^ichChantu sAdhu munayaH kathayAmi sarvam || 60||
ityA~Ngirase shrImannArAyaNIyamAhAtmye nArAyaNIyolpattikathanaM nAma prathamo.adhyAyaH |
\section{dvitIyo.adhyAyaH}
vyAsa uvAcha\-
iti sUtavachaH shrutvA munayo hR^iShTachetasaH |
taM punaH paripaprachChurllokAnugrahatatparAH || 1||
R^iShayaH UchuH\-
sUta sUta mahAbhAga sarvaj~na viduShAM vara |
na tR^ipyAmo vayaM sarve tvadvAkyAmR^itapAnataH || 2||
nanu sUta bhavadvAkyAdashakyaM mantumanyathA |
suj~nAtamadhunAsmAbhiH kR^itArthAshcha vayaM mune || 3||
tadapyudeti shrotavyamaparaM ki~nchidasti naH |
viduShAmapi nApaiti vivitsA jAtu chetasaH || 4||
shrotavyaM kena vidhinA paThitavyaM cha tattadA |
idaM cha sakalaM sAdhu bhavAneva bravItu naH || 5||
adyAvadhi na chAsmAkaM tvaduktaM shrutigocharaM |
itihAsapurANeShu kutra kR^iShNena kIrtitam || 6||
trikAlaj~nena niyataM sadA lokahitaiShiNA |
priyashiShyAya bhavate kathitaM guruNAkhilam || 7||
sUta uvAcha\-
R^iShayaH sAdhu pR^iShTo.ahaM praShTavyaM yanmanIShibhiH |
shrotavyaM cha samaireva kalau martyairvisheShataH || 8||
praShTavyaM naiva pR^ichChanti shrotavyaM naiva shR^iNvate |
kartavyaM naiva kurvanti kalau muhyanti mAnavAH || 9||
santastadabhidhAsyAmi yanme gurumukhAchChrutaM |
svayaM nArAyaNenaiva gurave samudIritam || 10||
nArAyaNIyarachanA kIdR^ishI syAt kadeti cha |
shrutvAtha madguruH kR^iShNaH kR^iShNaM paprachCha sA~njaliH || 11||
kR^iShNa uvAcha\-
nArAyaNa mahAdeva devadeva jagat prabho |
tvadAj~nAM pAlayiShyAmi sandehosti tathApi me || 12||
ko vaktA kIdR^ishaH shrotA kAlaH kashcha phalapradaH |
asyArambhe virAme cha kiM kiM kartavyamasti cha || 13||
ityAdyasheShamadyaiva mahyaM shushrUShave vada |
yato viphalatAmeti yaj~no vidhivivarjitaH || 14||
sUta uvAcha\-
shrutvaitanmadgurorvAkyaM bhagavAn bhaktavatsalaH |
prahasya proktavAnasya yaj~nasya vidhimAditaH || 15||
shrI bhagavAnuvAcha\-
mune lokahitaM kartumadyApi tvaM samIhase |
kaH karotyevamanyastu tena tuShTosmyahaM tvayi || 16||
yAdR^igasya purANasya shrutipAThavidhau vidhiH |
stotrasyApi sadA tasya sa eva krama uttamaH || 17||
nirastasukR^itasya syAt kaleH praguNitainasaH |
samullasati sAmrAjye na shakyaM kartumeSha tu || 18||
varNAshramAchAramucho nAstikA dambhachAriNaH |
yayA kayApi vidhayA yatamAnA dhanAyitum || 19||
nindantaH svakulAchAraM samunnaddhAssanAtanaM |
viDambayantaH karmANi vaidikAni yathA tathA || 20||
jaghanyajAchAraparA nistrapA mandabuddhayaH |
ADambarapradhAnAshcha bhaviShyanti dhruvaM janAH || 21||
ki~ncha varShasahasreShu vyatIteShvatha pa~nchasu |
arAjakA cha jagatI sakaleyaM bhaviShyati || 22||
ato vidhiM pravakShyAmi shakyaM kartuM tadA janaiH |
punaretat svashiShyAya vaktavyaM bhavatAkhilam || 23||
Adau daivaj~namAhUya shubhakAlasya nirNayaH |
kartavyashchAtha yaj~nArthaM sambhArAnAharet sudhIH || 24||
maNDapaM kArayet pashchAt nAnAshilpavirAjitaM |
shaityasya cha tathoShNasya bAdhAtra na bhavedyathA || 25||
atha bhAgavatebhyashcha patraM preShyaM visheShataH |
prAyastatra vilekhyaM tu shrUyatAM munisattama! || 26||
adyArabhya mahAtmAno j~nAnayaj~no bhaviShyati |
atra nArAyaNIyasya vAchanaM sarvathA bhavet || 27||
yathAvakAshamatraitya bhavantaH shraddhayAnvitAH |
bhAgaM kurvantu santApatrayanAsho yato bhavet || 28||
yadi syAdavakAsho vaH kArtsnyena shrotumatra yat |
pUrvapuNyena labhyaM tanmA mu~nchata kadAchana || 29||
AchAryaH saMskR^itAbhij~no bhaktimAn kAvyamarmavit |
vittalobhavihInashcha varaNIyaH sudhImatA || 30||
vastramAlyAdidAnena toShayettaM prayatnataH |
anyathA tu vidhirnyUno manyate sAdhubhistadA || 31||
atra pUjAvidhAnArthaM bhaktimantaM cha ka~nchana |
varayechcha yathAchAryaM pUrvaM mAhAtmyavAchanAt || 32||
sarvavighnavighAtArthaM gaNanAthaM prasAdayet |
yaj~nArambhe paThennityaM viShNornnAmasahasrakam || 33||
kathArambhe tu kartavyA bhagavatpuratorthanA |
atha vaktushcha sA kAryA krameNobhayamuchyate || 34||
shrIkR^iShNa kamalAkAnta karuNAvaruNAlaya |
vayaM tvAM sharaNaM yAmo hara no nikhilAmayAn || 35||
gururUpa mahAbhAga kathAkathanakovida |
kartavyaM bodhayitvA no jIvitaM saphalaM kuru || 36||
shrotAraH shraddhayA bhaktyA shR^iNuyuH stotramuttamaM |
upakramevasAne cha namaskuryuryathAvidhi || 37||
ekaikadashakasyAnte nIrAjanamupAcharet |
anyatrApi kvachit kAryaM karmiNA tu yathochitam || 38||
dine dine virAme tu vaktA shrotajanaissaha |
aShTottarashataM shaurernnAmnAM japyaM yathAyatham || 39||
trimadhura pAyasa laDDukamodakashaShkulyapUpapakvAdIn |
tattaddinAnuyojyaM nivedya dadyAt samastabhaktebhyaH || 40||
janmAShTamyAmidaM shrutvA sarvAn kAmAnavApnuyAt |
saptAhena shrAvaNe.asya shravaNaM muktidAyakam || 41||
chaitre tathA cha vaishAkhe shravaNaM varamuchyate |
shrutvaitat bahavaH siddhiM gamiShyanti tadA janAH || 42||
dinenAtha yathAshakti nirvartyaM yadidaM nR^ibhiH |
kR^itaM shraddhAlubhirbhaktaiH sarvaM priyakaraM hareH || 43||
draviDe bahavo bhaktAH paThiShyante tadAdarAt |
mahArAShTre visheSheNa prachArosya bhaviShyati || 44||
kalau mannityasAnnid.hdhyapUte gurumarutpure |
ad.hdhyeShyanti paraM bhaktA bAlakAH kavayopyadaH || 45||
AvabhR^ithyaM cha tat snAnaM karmayaj~ne mayoditaM |
j~nAnayaj~netra bhaktAnAM kAryamichChAnusArataH || 46||
vaktAraM toShayet sAdhu bhUShAvastradhanAdibhiH |
yaj~nAnte tatra tuShaTe tu prasIdeyushcha devatAH || 47||
atha tatrAgatAn bhaktAn tanmAlyatuLasIdaLaiH |
toShayedannadAnaishcha vachobhirmadhurairapi || 48||
sadA peyA kathA cheyaM shrImannArAyaNAshrayA |
yathAshakti yathAbuddhi yathAruchi yathAvidhi || 49||
kR^ityAntareNa baddho vA tApatrayahato.api vA |
ekAhenApi saMshrutya sukhameti na saMshayaH || 50||
sUta uvAcha\-
nArAyaNoktaM shrutvAsya vidhiM vistarato guruH |
tuShTTyA tuShTAva taM devamavatArAn dasha smaran || 51||
R^iShayaH UchuH\-
dashAvatArastotraM tat sUta no vaktumarhasi |
guravo bruvate guhyamapi shiShyajanAya hi || 52||
sUta uvAcha\-
stotraM tadupadekShyAmi shR^iNutAvahitAtmanA |
sArvakAmikametatu paThatAM shR^iNvatAmapi || 53||
dashAvatArastotraM\-1||
hayagrIvaM nihatyAshu vedAn saMrakShituM purA |
dhR^itamatsyasvarUpAya shrIkR^iShNAya namo namaH || 54||
dashAvatArastotraM\-2||
tadA kShIrodadhau magnamuddhartuM mandarAchalaM |
gR^ihItakUrmarUpAya shrIkR^iShNAya namo namaH || 55||
dashAvatArastotraM\-3||
hiraNyAkShahatAM bhUmimuddhartuM praLayArNavAt |
dhR^itapotrisvarUpAya shrIkR^iShNAya namo namaH || 56||
dashAvatArastotraM\-4||
hiraNyakashipuM hatvA jagatImavituM purA |
nR^isiMhagAtrasvIkartre shrIkR^iShNAya namo namaH || 57||
dashAvatArastotraM\-5||
balerddivaM samAdAya devebhyorppayituM purA |
dhR^itavAmanarUpAya shrIkR^iShNAya namo namaH || 58||
dashAvatArastotraM\-6||
nihatya duShTarAjanyAn dharmaM saMrakShituM purA |
gR^ihItarAmarUpAya shrIkR^iShNAya namo namaH || 59||
dashAvatArastotraM\-7||
rAvaNAdyasato hatvA trilokIM rakShituM purA |
dhR^itarAmasvarUpAya shrIkR^iShNAya namo namaH || 60||
dashAvatArastotraM\-8||
dhenukAdIn nihatyAshu sataH saMrakShituM purA |
dhR^itarAmasvarUpAya shrIkR^iShNAya namo namaH || 61||
dashAvatArastotraM\-9||
bhUbhAramupasaMhartuM vasudevasya veshmani |
gR^ihItAtbhutarUpAya shrIkR^iShNAya namo namaH || 62||
dashAvatArastotraM\-10||
kalerante khalAn hatvA satyaM sthApayituM sadA |
kalkirUpamupAdAtre shrIkR^iShNAya namo namaH || 63||
atha prItairmunishreShThaiH pUjito raumaharShaNiH |
punaH satsa~NgalAbhAya tIrthAtIrthaM chachAra ha || 64||
a~Ngira uvAcha\-
purANeShu na kutrApi kR^iShNenApi prakAshitaM |
nArAyaNIyamAhAtmyaM kautsa tubhyaM mayoditam || 65||
rahasyAtirahasyaM yadidaM nUnamitaH paraM |
karNAkarNikayA shrutyA sarvatra prachariShyati || 66||
nArAyaNIyastotrasya pArAyaNaparAyaNAH |
idaM pItvA pAyayantu yatheShTamaparAnapi || 67||
nArAyaNIyamahimAmatulaprabhAvA\-
mApIya sUtavadanAdamitAdareNa |
mokShArthino.api munayastvadasIyapAna\-
lolAyamAnamanasotha hariM praNemuH || 68||
dashAvatArAn saMsmR^itya stotraM tattu paThannaraH |
iha cha pretyabhAve chabhu~N kte kAmAnna saMshayaH || 69||
mayA tu pR^iShTo janitA kadAchi\-
dupAdishanmAmitivR^ittametat
puroditaM yaddhariNaiva tasmai |
mayA tavoktaM jagatAM hitAya || 70||
ityA~Ngirase shrImannArAyaNIyamAhAtmye shravaNavidhikathanaM nAma dvitIyo.adhyAyaH |
\section{tR^itIyo.adhyAyaH}
kautsa uvAcha\-
bhagavan saMsArasAgarasa~NkrAmaka sArvakAmikANi brAhma
vaiShNavashA~NkarashAktagANapatyaskAndavaivasvatachAndranAvagraharaudrANi
triMshadaShTottarashatastotrANi adyAvadhi mayAdhigatAni
yAni nAradAnakushalamukhabhAgavatarShINAM mukhAravindAt
tApatrayasantaptAnAmanugrahArthaM tadA tadA vinissR^itAni || 1||
atha kimetasmAt bhagavan brahmAnuttamastutinikurumba
makarandabindusandohAt vichitya viniyojyamiti nitAntamandaM mama svAntaM |
hanta doLAyate || 2||
atastattu stotravariShThaM R^iShichChandodevatAdi vidhAnuvidhayA saha |
kArtsanenAchaShTumarhati namo namaste || 3||
a~Ngira uvAcha\- bhostAta! tvayA sAdhveva mamAbhipR^iShTam || 4||
shushrUShubhirantevAsibhiH sadaivameva nitarAM bhAvyam || 5||
tvanmukhAdevameva vatsa manastu mama shushrUShate || 6||
atha kathayAmi te tat stotrodghaM yattu rahasyAtirahasyam || 7||
ata evAdhikAriNApi gurumukhAdevAvagantavya\-miti vaidika
mArggapradIpakeShu nAnArggaLakavachasahasranAmAdi
mantrAkareShu purANetihAseShu
kutrApyanAviShkR^itaM akR^itakavachasAmAdividhAturvidhAtumama
piturmukha chatuShTayAH kadAchidekAnte pUrvamukhAt sAvadhAnasyAsya |
shrotrA~njalipuTe vAmetara evAmIlitAkShaM trirabhivR^iShTam || 8\-9||
tathAhi pitA me mAmekAnte kadAchidAhUyAha || 10||
vatsa, ki~nchit kathayAmi shR^iNuShvAvahitAtmA || 11||
tvayA lokasa~NgrahArthaM martyaloke tatra tatra kAle pravrajanIyam || 12||
ala~Nghyavegena bhagavatA kAlAkhyena parivartamAnayugayugaLayoH charameNa |
kalinA kaluShamatInAM yadetadupadeShTavyam || 13||
mayaivaitat sarggakarmaNi viniyojyamAnAya
svapravR^ittasarggakarmanirvighnasampAdanArthaM mama pautrAya
mArIchAya sakalakAraNakAraNAbhAva\-pratiyogino majjanakAnnArAyaNamUrtte
yathAvagatamupadiShTacharamasti || 14||
yat ki~nchidapilipsuH Adau mantrAplavanapUtaH vihitaM sAndhyAdikaM
yathAvidhi vidhAya mantramUrttiM golokanAthaM\-
golokanAthaM natapArijAtaM |
gogopagopInayanAbjasUraM
nAnAvibhUShAparibhUShitA~NgaM
namAmi kR^iShNaM karuNApayodhim || 15||
iti sandhyAya pUjyatvAdR^iShiM nArAyaNaM shirasi akSharatvAchChanda
AnuShTubhamadhinAsottaroShThaM, dhyeyatvAddevatAM golokanAthaM
shrIkR^iShNaparamAtmAnaM hR^idi cha mArggashIrSheNa hastena nyasyaivaM |
sa~njapet || 16||
\section{shrIkR^iShNAShTottarashatanAmastotram}
shrInArAyaNaH R^iShiH \- anuShTup ChandaH \-
golokanAthaH kR^iShNaparamAtmA devatA |
golokanAtho (1) govindo (2) gopikAjanavallabhaH (3) |
rAdhikAramaNo (4) ramyo (5) rAjIvadaLalochanaH (6) || 17||
karuNAsAgaraH (7) kR^iShNaH (8) kAmakoTimanoharaH (9) |
sarvakartA (10) sarvahartA (11) sachchidAnandavigrahaH (12) || 18||
vedavedyo (13) virADrUpo (14) viri~nchiharavanditaH (15) |
vaikuNThanilayo (16) viShNur (17) vAsudevo (18) virATdhvajaH (19) || 19||
payaHpayodhimad.hdhyasthaH (20) pannagAdhipatalpagaH (21) |
sarvabhUtaguhAvAsaH (22) sUryendunayanaH (23) svarAT (24) || 20||
shAr~NgadhanvA (25) sha~NkhachakragadAmbujalasadbhujaH (26) |
shritAbhIShTadamandAraH (27) sharaNyaH (28) shrIdharAdhavaH (29) || 21||
navanIlaghanachChAyo (30) naranArAyaNAtmakaH (31) |
mumukShusevyo (32) mAyesho (33) mukundo (34) madhusUdanaH (35) || 22||
matsyarUpadharo (36) mAyI (37) manurUpo (38) manustutaH (39) |
kaThorapR^iShThavidhR^itamandaraH (40) kamaThAkR^itiH (41) || 23||
helAdhR^itakroDatanu (42) rhiraNyAkShanihA (43) hariH (44) |
addhvarAtmA (45) chaloddhartA (46).achyuto (47).anupamavaibhavaH (48) || 24||
narasiMhAkR^iti (49) rnnAdanirAkR^itamahAsuraH || 50||
bhaktaprahlAdavarado (51) bhavasAgaratArakaH (52) || 25||
valabhitsahajo (53) vandyo (54) vAmano (55) balidarppahA (56) |
trikramAkrAntabhuvana (57) stridiveDya (58) strivikramaH (59) || 26||
bhagavAn (60) bhArggavo rAmo (61) bhImakarmA (62) bhavapriyaH (63) |
dashAsyahantA (64) durddharSho (65) rAmo dasharathAtmajaH (66) || 27||
bhavyo (67) bharatashatrughnalakShmaNAgrimasodaraH (68) |
vasiShThavishvAmitrAdigurvAj~nAparipAlakaH (69) || 28||
jAnakImAnasollAsI (70) jaTAyusvarggadAyakaH (71) |
vaivasvatasakho (72) bAlihantA (73) vAyusutapriyaH (74) || 29||
shabarIsalkR^itiprItaH (75) shAkhAmR^igasahAyavAn (76) |
rohiNInandano rAmo (77) revatIprANavallabhaH (78) || 30||
sUrajAbhedanaH (79) sIramusalAdyudyadAyudhaH || 80||
devakInandano (81) dAmodaro (82) daravinAshanaH (83) || 31||
vR^indAvanacharo (84) vatsabakAghAdyasurAntakaH (85) |
yogesho (86) yAdavAdhIsho (87) yashodAnandanandanaH (88) || 32||
goptA (89) govarddhanoddhartA (90) gurvabhIShTapradAyakaH (91) |
kALiyAhIndradarppaghnaH (92) kaleshaH (93) kAlanemihA (94) || 33||
viduroddhavabhIShmAdivandyo (95) bANamadApahaH (96) |
pAkArinandanasakhaH (97) pAkashAsanashAsakaH (98) || 34||
sudAmasabrahmachArI (99) sIrapANisahodaraH (100) |
bhaiShmyAdyaShTAdhikadvyaShTasahasrastrIvareshvaraH (101) || 35||
sadgIyamAnasatkIrtiH (102) satyakAmaH (103) satA~NgatiH (104) |
purANapuruShaH (105) pUrNaH (106) pAvanaH (107) parameshvaraH (108) || 36||
phalashrutiH\-
evaM golokanAthasya shrIkR^iShNasya mahAprabhoH |
aShTottarashataM nAmnAM divyaM sarvArthasiddhidam || 37||
guhyAdguhyamidaM stotraM prayato yaH paThennaraH |
shR^iNuyAdvA shuchirnnityaM sa kR^iShNapadavImiyAt || 38||

ityA~Ngirase shrImannArAyaNIyamAhAtmye shrIkR^iShNAShTottarashatakathanaM
                             nAma tR^itIyo.adhyAyaH |

##


Encoded and proofread by Mohan Chettoor
mohanchettoor at gmail.com     999545896

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}