% Text title            : Narayanaproktam Shri Krishna Stotram
% File name             : nArAyaNaproktaMshrIkRRiShNastotram.itx
% Category              : vishhnu, vishnu, krishna, lakShmInArAyaNIyasaMhitA, stotra
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 1 | adhyAya 202/54-75||
% Latest update         : January 13, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Narayanaproktam Shri Krishna Stotram ..}##
\itxtitle{.. nArAyaNaproktaM shrIkR^iShNastotram ..}##\endtitles ##
(nArAyaNaproktaMshrIkR^iShNakavacham)
vasiShThena pradattena mantraM taM ShoDashA.akSharam |
stotraM cha kavachaM tadvai shR^iNu tvaM kamaleshvari || 54||
OM namo bhagavate rAsamaNDaleshAya svAhA |
imaM mantraM kalpavR^ikShaM jAnIhi ShoDashA.akSharam || 55||
goloke kR^iShNa IshAya dattavAn cha tataH param |
brahmaNe tu purA kR^iShNaH puShkare dattavA.NstathA || 56||
kumArAya dattavA.Nshcha brahmA lokapitAmahaH |
brahmANDapAvanasyA.asya kavachasya hariH svayam || 57||
R^iShishChandashcha gAyatrI devo.ahaM bhagavAnhariH |
dhamArthakAmamokSheShu viniyogaH sadA mataH || 58||
trilakShavArajapanAt sarvasiddhiprado bhavet |
praNavo me shiraH pAtu namo rAmeshvarAya cha || 59||
bhAlaM pAyAnnetrayugmaM namo rAdheshvarAya cha |
kR^iShNaH pAyAchChrotrayugmaM shrIharirghrANamityapi || 60||
jihvikAM vahnijAyA tu kR^iShNAya sarvato namaH |
shrIkR^iShNAya svAheti cha kAShThaM pAtu ShaDakSharaH || 61||
hrIM kR^iShNAya namo vaktraM klIM pUrvashcha bhujadvayam |
namo gopA~NganeshAya skandhAvaShTAkSharo.avatu || 62||
dantapa~NktimoShThayugmaM namo gopIshvarAya cha |
OM namo bhagavate rAsamaNDaleshAya svAhA || 63||
harirvakShaHsthalaM pAtu mantrAtmA ShoDashAkSharaH |
shrIkR^iShNAya svAheti OM karNayugmaM sadA.avatu || 64||
OM viShNave svAheti cha kapolaM sarvato.avatu |
OM haraye nama iti pR^iShThaM pAdau sadA.avatu || 65||
OM govardhanadhAriNe svAhA sarvasharIrakam |
prAchyAM mAM pAtu shrIkR^iShNa AgneyyAM pAtu mAdhavaH || 66||
dakShiNe pAtu gopIsho nairR^ityAM nandanandanaH |
vAruNyAM pAtu govindo vAyavyAM rAdhikeshvaraH || 67||
uttare pAtu rAsesha aishAnyAmachyutaH svayam |
satataM sarvataH pAtu harirnArAyaNaH svayam || 68||
gurumabhyarchya vidhivad vastrAla~NkArachandanaiH |
snAtvA taM cha namaskR^itya kavachaM dhArayet sudhIH || 69||
kavachasya prasAdena jIvanmukto bhavennaraH |
yadi syAt siddhakavacho viShNureva bhavet priye || 70||
asya pAThAnmahatpuNyaM sarvatIrthaphalaM bhavet |
aputro labhate putramabhAryo labhate satIm || 71||
vidyArthI labhate vidyAM dhanArthI dhanamApnuyAt |
bhraShTarAjyo labhedrAjyamaishvaryaM siddhikAmanaH || 72||
rogArto muchyate rogAdbaddho muchyeta bandhanAt |
bhaktiM prApya hareshchAnte labhate dhAma chAkSharam || 73||
iha loke sukhaM bhuktvA kR^itvA kIrtiM sudurlabhAm |
pArShadapravaro bhUtvA golokaM dhAma yAti cha || 74||
evaM gandharvapravaraH upabarhaNasa.nj~nakaH |
reme kAlAvasheShaM cha tAbhiH patnIbhirAdarAt || 75||

iti shrIlakShmInArAyaNIyasaMhitAyAM prathame kR^itayugasantAne 202\-adhyAyAntargataM
nArAyaNaproktaM shrIkR^iShNastotraM tathA kavachaM sampUrNam |

lakShmInArAyaNIyasaMhitA | khaNDa 1| adhyAya 202/54\-75||
##
lakShmInArAyaNIyasaMhitA . khaNDa 1. adhyAya 202/54-75..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}