% Text title            : nArAyaNastutiH
% File name             : nArAyaNastutiH.itx
% Category              : vishhnu, krishna, rAmAnujasampradAya
% Location              : doc\_vishhnu
% Proofread by          : PSA Easwaran psawaswaran at gmail.com
% Acknowledge-Permission: Shri Tripursundari Ved Gurukulam, Sahibabad (Ghaziabad), UP
% Latest update         : March 24, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. nArAyaNastutiH ..}##
\itxtitle{.. nArAyaNastutiH ..}##\endtitles ##

shAntAkAraM bhujagashayanaM padmanAbhaM sureshaM
vishvAdhAraM gaganasadR^ishaM meghavarNaM shubhA~Ngam |
lakShmIkAntaM kamalanayanaM yogibhirdhyAnagamyaM
vande viShNuM bhavabhayaharaM sarvalokaikanAtham || 1||
yaM brahmA varuNendrarudramarutaH stunvanti divyaisstavaiH
vedaiH sA~NgapadakramopaniShadairgAyanti yaM sAmagAH |
dhyAnAvasthitatadgatena manasA pashyanti yaM yogino
yasyAntaM na viduH surAsuragaNA devAya tasmai namaH || 2||
he rAma puruShottama narahare nArAyaNa keshava
govinda garuDadhvaja guNanidhe dAmodara mAdhava |
he kR^iShNa kamalApate yadupate sItApate shrIpate
vaikuNThAdhipate charAcharapate lakShmIpate pAhi mAm || 3||
Adau rAmatapovanAdigamanaM hatvA mR^iga~NkAchanaM
vaidehIharaNaM jaTAyumaraNaM sugrIvasambhAShaNam |
bAlInirdalanaM samudrataraNaM la~NkApurIdAhanaM
pashchAdrAvaNakumbhakarNahananaM etaddhi rAmAyaNam || 4||
Adau devakigarbhajananaM gopIgR^ihe varddhanaM
mAyApUtanajIvitApaharaNaM govardhanoddhAraNam |
kaMsochChedanakauravAdihananaM kuntIsutApAlanaM
etachChrImadbhAgavatapurANakathitaM shrIkR^iShNalIlAmR^itam || 5||
kastUrItilakaM lalATapaTale vakShaHsthale kaustubhaM
nAsAgre varamauktikaM karatale veNuH kare ka~NkaNam |
sarvA~Nge harichandanaM sulalitaM kaNThe cha muktAvaliH
gopastrIpariveShTito vijayate gopAlachUDAmaNiH || 6||
phullendIvarakAntiminduvadanaM barhAvataMsapriyaM
shrIvatsA~NkamudArakaustubhadharaM pItAmbaraM sundaram |
gopInAM nayanotpalArchitatanuM gogopasa~NghAvR^itaM
govindaM kalaveNunAdanaparaM divyA~NgabhUShaM bhaje || 7||
sasha~NkhachakraM sakarITakuNDalaM
sapItavastraM sarasIruhekShaNam |
sahAra vakShaHsthalakaustubhashriyaM
namAmi viShNuM shirasA chaturbhujam || 8||
tvameva mAtA cha pitA tvameva
tvameva bandhushcha sakhA tvameva |
tvameva vidyA draviNaM tvameva
tvameva sarvaM mama devadeva || 9||
rAma rAmeti rAmeti rame rAme manorame |
sahasranAma tattulyaM rAma nAma varAnane || 10||

iti nArAyaNastutiH samAptA |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}