% Text title            : Naradakritam 2 Narayana Stotram
% File name             : nAradakRRitaM2nArAyaNastotram.itx
% Category              : vishhnu, vishnu, skandapurANa, stotra
% Location              : doc\_vishhnu
% Proofread by          : PSA Easwaran
% Description/comments  : skandapurANa | vaiShNavakhaNDa | vAsudevakhaNDa | adhyAya 31/10-23||
% Latest update         : May 15, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Naradakritam 2 Narayana Stotram ..}##
\itxtitle{.. nAradakR^itaM 2 nArAyaNastotram ..}##\endtitles ##
nArada uvAcha |
namo namaste bhagava~njagadguro nArAyaNA.aprAkR^ita divyamUrte |
anantakalyANaguNAkarastvaM dAse mayi prItataraH sadA syAH || 9\.31\.10||
tvaM vAsudevo.asi jagannivAsaH kShemAya lokasya tapaH karoShi |
yogeshvareshopashamastha AtmArAmAdhipastvaM parahaMsasadguruH || 11||
vibhurR^iShINAmR^iShabho.akSharAtmA jIveshvarANAM cha niyAmako.asi |
sAkShI mahApUruSha AtmatantraH kAlo.abhavadyadbhrukuTermahAMshcha || 12||
sargAdilIlA jagatAM tvamIsha karoShi mAyApuruShAtmanaiva |
tathApyakarttA nanu nirguNo.asi bhUmA parabrahma parAtparashcha || 13||
satyaH svaya~njyotiratarkyashaktistvaM brahmabhUtAtmavichintyamUrttiH |
bR^ihadvratAchArya mahAmunIndra kandarpadarpApaharapratApa || 14||
tapasvinAM ye ripavaH prasiddhAH krodho raso matsaralobhamukhyAH |
apyAshramaM te.api kadApi veShTuM nemaM kShamA hyeSha tava pratApaH || 15||
Chandomayo j~nAnamayo.amR^itAdhvA dharmAtmako dharmasargAbhipoShTA |
unmUlitAdharmasargo mahAtmA tvamavyayashchAkShayo.avyaktabandhuH || 16||
nirdoSharUpasya tavA.akhilAH kriyA bhavanti vai nirguNA nirguNasya |
dharmArthakAmepsubhirarchanIyastvamIshvaro nAtha mumukShubhishcha |
tvaM kAlamAyAyamasaMsR^itibhyo mahAbhayAtpAtumekaH samarthaH |
bhaktAparAdhAnanavekShamANo mahAdayAluH kila bhaktavatsalaH || 18||
dhR^itAvatArasya hi nAmamAtraM rUpaM cha vA yaH smaredantakAle |
so.api prabho ghoramahAghasa~NghAtsadyo vimukto divamAshu yAti || 19||
taM tvAM vihAyA.atra tu yo manuShyo dehe tridhAtAvapi daihikeShu |
jAyA.a.atmajaj~nAtidhaneShu sajjate sa mAyayA va~nchita eva mUDhaH || 9\.31\.20||
tvadbhaktiyogyo naradeha eva yaM kAmayante.api cha nAkasaMsthAH |
tvadbhaktihInaM hi divo.api saukhyamahaM tu jAne narakeNa tulyam || 21||
tapastrilokyAH kuruShe sukhAya tatrApi te bhAratavAsipuMsu |
anugraho bhUritaro yadatra kR^itAvatAro vicharanvirAjase || 22||
tasyAshrayaM ye tava nAtra kurvate ta eva shAstreShu matAH kR^itaghnAH |
atastavaikAshrayameva bADhaM kurvatyajasraM mayi te.astu tuShTiH || 23||

iti shrIskandapurANe vaiShNavakhaNDe vAsudevamAsamAhAtmye ekatriMshAdhyAyAntargataM
         nAradakR^itaM nArAyaNastotraM samAptam |

skandapurANa | vaiShNavakhaNDa | vAsudevakhaNDa | adhyAya 31/10\-23||
##
skandapurANa . vaiShNavakhaNDa . vAsudevakhaNDa . adhyAya 31/10-23..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}