% Text title            : Naradakritam 6 Shrikrishna Stotram
% File name             : nAradakRRitaM6shrIkRRiShNastotram.itx
% Category              : vishhnu, vishnu, krishna, harivaMsha
% Location              : doc\_vishhnu
% Proofread by          : PSA Easwaran
% Description/comments  : harivaMsha | anubandha - parishiShTa | adhyAya a21.64||
% Latest update         : September 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Naradakritam 5 Shri Krishna Stotram ..}##
\itxtitle{.. nAradakR^itaM 5 shrIkR^iShNastotram ..}##\endtitles ##
nArada uvAcha |
namaH kR^iShNAya haraye vedhase bhUtadhAriNe  |
devadeva jagannAtha namaste chakradhAriNe  || 1||
namaste narasiMhAya daityavakShaHpradAriNe  |
namaste sakaleshAya nirguNAya guNAtmane  || 2||
namo vAmanarUpAya mAyAlokavihAriNe  |
namaste kroDarUpAya daMShTrayA kShitidhAraNe  || 3||
namo.ashvashirase tubhyaM vedAharaNarUpiNe  |
trivikrama namastubhyaM trayIrUpa janArdana  || 4||
nama oMkAramAtrAya trayIrUpAya viShNave  |
nirmalaj~nAnarUpAya vij~nAnanilayAya cha  || 5||
udgIthAya namastubhyaM rathaMtara namo.astu te  |
yaM vidurvedatattvaj~nA brahmAdyAH sanakAdAyaH  || 6||
vichinvantaH pradIpena vij~nAnAkhyena keshava  |
so.asi deva jagannAtha yo dR^iShTo brahmavAdibhiH  || 7||
yaM prApya na nivartante yogino yatachetasaH  |
so.asi deva purANAtmaMstubhyaM deva namo namaH  || 8||
tvAmahuH sakalA vedA brahmeti j~nAnanishchaye  |
tvamevedaM jagatsarvaM tvayi sarvaM pratiShThitam  || 9||
tvanmAyApaTalachChannAH prANinaH sarva eva hi  |
ahaM mAnakR^itA bhraShTrAH patanti narakeShu cha  || 10||
ye cha tvAM viShNurityAhuste cha tvAM yAnti yatnataH  |
ye tu j~nAnasahA martyA vedAntaj~nAnabR^iMhitAH  || 11||
te tu tvAM devadevesha pravishanti purAtanam  |
tavaiShA bhagavanmAyA yAmashritya jaganmayIm  || 12||
prANino niHshvasanti sma duHsahA sA hi nityashaH  |
vihAraH sarva evaiSha prANinAmudayAya hi  || 13||
pUrvamAsIjjagannAtha vArAha iti saMj~nitaH  |
adadhA bhUtadhAtrIM tvaM prANinAM cha hitAya hi  || 14||
punarashvashirA bhUtvA vedAnAhR^itya tiShThasi  |
AsIrvAmanarUpastvamabadhnA balimadhvare  || 15||
AhR^itya rAjyaM tasmAttvamindrAya prAhiNorvibho  |
abhUstvaM nArasiMhashcha hatavAn daityapuMgavam  || 16||
raghoratha jagannAtha vaMshe vaMshavatAM vara  |
AsIshcha rAmasaMj~nastvaM rAvaNaM hatavAn vibho  || 17||
niShkaNTakamimaM lokamakarordevasattama  |
abhUshcha jAmadagnyastvaM gR^ihItvA parashuM prabho  || 18||
hatavAMstvaM mahAvIryaM kR^itavIryasutaM raNe  |
niHkShatriyamimaM lokamadadAH kAshyapAya vai  || 19||
idAnImapi govinda lokAnAM hitakAmyayA  |
mAnuShaM vapurAsthAya dvAravatyAM pratiShThasi  || 20||
hatavAn pUtanAM bAlye gokule viharan prabho  |
arjunau hatavAn bhUyo baddholUkhalasaMpuTaH  || 21||
punashcha krIDatA viShNo tvayaiva nihato hayaH  |
adadhAstvaM punaH shailaM gavAM saMrakShaNAya hi  || 22||
govardhanaM mahAshailaM sarvagopasya pashyataH  |
nanarta bhagavAn bhUyo yamunAyA hrade hare  || 23||
akaroH kAliyaM viShNo vimadaM yamunAtaTe  |
ra~Ngamadhye hatau viShNo tvayA chANUramuShTikau  || 24||
duHsahaM lokavidviShTaM hatavAn kaMsamojasA  |
ugraseno.abhiShiktashcha rAjye nihatakaNTake  || 25||
sa idAnIM sthito rAjye tvAmAshrityendravaddivi  |
kimanena jagannAtha sarvaM tvadvashagaM jagat  || 26||
sarvAtman sarvabhUtesha sarvabhAvana bhAvana  |
namaste devadevesha namo bhUyo namo namaH  || 27||

iti harivaMshAntargataM nAradakR^itaM shrIkR^iShNastotraM sampUrNam |

harivaMsha | anubandha \- parishiShTa | adhyAya a21\.64||
##
harivaMsha . anubandha - parishiShTa . adhyAya a21.64..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}