% Text title            : Naradena Proktam Vidya Stotram
% File name             : nAradenaproktaMvidyAstotram.itx
% Category              : vishhnu, vishnu, bhAgavatapurANa, stotra
% Location              : doc\_vishhnu
% Proofread by          : PSA Easwaran
% Description/comments  : bhAgavatapurANa | adhyAya 6/16/18-25||
% Latest update         : September 23, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Naradena Proktam Vidya Stotram ..}##
\itxtitle{.. nAradena proktaM vidyAstotram ..}##\endtitles ##
OM namastubhyaM bhagavate vAsudevAya dhImahi |
pradyumnAyAniruddhAya namaH sa~NkarShaNAya cha || 18||
namo vij~nAnamAtrAya paramAnandamUrtaye |
AtmArAmAya shAntAya nivR^ittadvaitadR^iShTaye || 19||
AtmAnandAnubhUtyaiva nyastashaktyUrmaye namaH |
hR^iShIkeshAya mahate namaste vishvamUrtaye || 20||
vachasyuparate.aprApya ya eko manasA saha |
anAmarUpashchinmAtraH so.avyAnnaH sadasatparaH || 21||
yasminnidaM yatashchedaM tiShThatyapyeti jAyate |
mR^iNmayeShviva mR^ijjAtistasmai te brahmaNe namaH || 22||
yanna spR^ishanti na vidurmanobuddhIndriyAsavaH |
antarbahishcha vitataM vyomavattannato.asmyaham || 23||
dehendriyaprANamanodhiyo.amI
yadaMshaviddhAH pracharanti karmasu |
naivAnyadA lohamivAprataptaM
sthAneShu taddraShTrapadeshameti || 24||
OM namo bhagavate mahApuruShAya mahAnubhAvAya
mahAvibhUtipataye sakalasAtvataparivR^iDha\-
nikarakarakamalakuDmalopalAlitacharaNA\-
ravindayugala parama parameShThin namaste || 25||

iti shrImadbhAgavatamahApurANe ShaShThaskandhe ShoDashAdhyAyAntargataM
         nAradena chitraketave proktaM vidyAstotraM samAptam |

bhAgavatapurANa | adhyAya 6/16/18\-25||
##
bhAgavatapurANa . adhyAya 6/16/18-25..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}