% Text title            : Nrisimhakavacham ApamrityuharaM
% File name             : nRRisiMhakavachamapamRRityuharam.itx
% Category              : vishhnu, kavacha, dashAvatAra
% Location              : doc\_vishhnu
% Transliterated by     : Ganesh Kandu kanduganesh at gmail.com
% Proofread by          : Ganesh Kandu, NA
% Description/comments  : sUryAruNasaMvAde
% Latest update         : August 12, 2018, July 5, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Nrisimha Kavacham ..}##
\itxtitle{.. apamR^ityuharaM shrInR^isiMhakavacham ..}##\endtitles ##
shrIgaNeshAya namaH |
athAparaM pravakShyAmi hyalpamR^ityu hara.nparam |
upAyaM yatkR^itenA~Nga shIghraM mR^ityurnivartate || 1||
nR^isiMhakavachaM nAma stotraM paramadurlabham |
yasya dhAraNayA kShipramalpamR^ityurvinashyati || 2||
aruNa uvAcha \-
bhagavandevadevesha kR^ipayA parayA.adhunA |
nR^isiMhakavachaM divyaM guhyaM bhaktAya me vada || 3||
sUrya uvAcha \-
shR^iNu putra pravakShyAmi nR^isiMhakavachaM shubham |
yasya vij~nAnamAtreNa nashyanti sakalApadaH || 4||
grahabAdhA pretabAdhA bAdhA yA kuladoShajA |
kR^ityayA janitA bAdhA shatrubAdhA svakarmajA || 5||
shIghraM nashyanti tAH sarvAH kavachasya prabhAvataH |
asAdhyA ye cha dussAdhyA mahArogA bhaya~NkarAH || 6||
sadyo nashyanti paThanAtkavachasyAsya sArathe |
jalabhItishchAgnibhItirbhItiH shatrugaNAdapi || 7||
siMhavyAghrAdijA bhItiH shIghraM sarvA vinashyati |
sa~NgrAme durgame.araNye sa~NkaTe prANasaMshaye || 8||
paThato vijayo rakShA sukhaM saubhAgyasampadaH |
putrasaukhyaM rAjasaukhyaM dhanasaukhyamR^iNakShayaH || 9||
kuTumbavR^iddhiH kalyANamArogyaM vijayaH sadA |
alpamR^ityubhayaM ghoraM pAThAdasya vinashyati || 10||
alpamR^ityuharashchAta upAyo na paraH smR^itaH |
alpamR^ityuharaM nAma kavachaM chedamuttamam || 11||
siMhapraNAdAnmatto.api gajendrastu palAyate |
alpamR^ityustathA chAsya pAThAtsadyo nirasyate || 12||
sahasrapa~nchakAvR^itiM paThedyaH susamAhitaH |
alpamR^ityubhayaM tasya prabhavennaiva karhichit || 13||
atha pAThaH \-
nR^isiMho me shiraH pAtu pAtu bhAlaM nR^ikesarI |
bhruvau nR^isiMho me pAtu nR^isiMho nayanadvayam || 14||
nR^isiMho nAsike pAtu karNau pAtu nR^ikesarI |
nR^isiMho me mukhaM pAtu kapolau rakShatAddhariH || 15||
nR^isiMhashchibukaM rakShetkaNThaM pAtu nR^ikesarI |
skandhau pAtu nR^isiMho me bhujau pAtu nR^ikesarI || 16||
karadvayaM nR^isiMho.avyAnnR^isiMho rakShatAduraH |
nR^isiMho hR^idayaM pAtu nR^isiMho.avyAttathodaram || 17||
kukShiM narahariH pAtu nAbhiM pAtu nR^ikesarI |
bastiM cha guhyadeshaM cha nR^isiMho.avyAtsadA mama || 18||
nR^isiMho jAnunI pAtu ja~Nghe pAtu nR^ikesarI |
pAdau gulphau sadA pAtu nR^isiMho mama rakShakaH || 19||
agrataH pR^iShThato me.avyAttathA pArshvadvayaM sadA |
nR^isiMhaH sarvagAtrANi mama rakShatu sarvadA || 20||
nR^isiMho rakShatAtpUrve vahnikoNe nR^ikesarI |
nairR^ityAM narasiMho.avyAnR^isiMhaH pAtu pashchime || 21||
nR^isiMho vAyukoNe.avyAduttare.avyAnnR^ikesarI |
nR^isiMho.avyAttatheshAne hyadha UrdhvaM samantataH || 22||
jale sadA rakShatu mAM nR^isiMhaH sthaleShu mAM pAtu sadA nR^isiMhaH |
nabhastale bhUmitale samantAnR^ikesarI rakShatu sarvadA mAm || 23||
durgAdhvadurgabhavaneShu cha sa~NkaTeShu
     prANaprayANabhayavighnasamuchchayeShu |
shItoShNavAtaripurogabhayeShu yuddhe
     sa~NkaShTanAshanaparo.avatu mAM nR^isiMhaH || 24||
Chinattu chakreNa sadA.arivargAnsarvAnnR^isiMho mama mR^ityurUpAn |
asAdhyadussAdhyasamastarogAnbhindyAnnR^isiMhaH svagadAbhighAtaiH || 25||
pretAnpishAchAnsagaNAnsvanena sha~Nkhasya vidrAvayatAnnR^isiMhaH |
kUShmANDabAlagrahayakSharakShaH sa DAkinIH shAkinikAH samastAH || 26||
khaDgena me mR^ityunisargapAshaM sa~nChidya mAM pAtu sadA nR^isiMhaH |
sadA.apamR^ityoshcha tathA.alpamR^ityorvimochya mAM rakShatunArasiMhaH || 27||
bhaktasaMrakShaNArthAya vidAryastambhamudgataH |
nR^isiMho rakShakaH so.astu mR^ityuH kiM meM kariShyati || 28||
aTTATTahAsato yasya sarve devAshchakampire |
nR^isiMho rakShakaH so.astu mR^ityuH kiM me kariShyati || 29||
hiraNyakashiporvakSho dadAranishitairnakhaiH |
nR^isiMho rakShakaH so.astu mR^ityuH kiM me kariShyati || 30||
yasya bhrUbha~NgamAtreNa trastamAsIjjagattrayam |
nR^isiMho rakShakaH so.astu mR^ityuH kiM me kariShyati || 31||
utkShiptasaTayA vyagrA devA daityA vidudruvuH |
nR^isiMho rakShakaH so.astu mR^ityuH kiM me kariShyati || 32||
yannAmasmaraNAdeva dahyante vighnarAshayaH |
nR^isiMho rakShakaH so.astu mR^ityuH kiM me kariShyati || 33||
yada~NghrighyAnataHsadyo vilIyante.agharAshayaH |
nR^isiMho rakShakaH so.astu mR^ityuH kiM me kariShyati || 34||
mAtA nR^isiMhashcha pitA nR^isiMho bhrAtA nR^isiMhashcha sakhA nR^isiMhaH |
balaM nR^isiMho draviNaM nR^isiMhaH sarvaM nR^isiMho mama devadevaH || 35||
iti te kathitaM putra nR^isiMhakavachaM shubham |
asya dhAraNataH pAThAdalpamR^ityuH prashAmyati || 36||
shataM vA.atha tadardhaM vA tadardhaM vA sadakShiNam |
viprebhyaH pustakaM dadyAdalpamR^ityuprashAntaye || 37||

iti shrIsUryAruNasaMvAde apamR^ityuharaM
nR^isiMhakavachaM samAptam ||

|| OM tatsatparamAtmanenamaH ||
##
Encoded by Ganesh Kandu kanduganesh at gmail.com
Proofread by Ganesh Kandu, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}