% Text title            : Nrisimhastavanaharah
% File name             : nRRisiMhastavanahAraH.itx
% Category              : vishhnu, dashAvatAra, stava, viShNu
% Location              : doc\_vishhnu
% Proofread by          : M K Barman
% Description/comments  : nRRisiMhakosha 2 upAsanA khaNDa
% Latest update         : August 4, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nrisimhastavanaharah ..}##
\itxtitle{.. nR^isiMhastavanahAraH ..}##\endtitles ##
namo bhagavate tubhyaM puruShAya mahAtmane |
haraye.adbhutasiMhAya brahmaNe paramAtmane || 1||
vAgIshA yasya vadane lakShmIryasya vakShasi |
yasyAste hR^idayaM saMvit taM nR^isiMhamahaM bhaje || 2||
satyaj~nAnasukhasvarUpamamalaM kShIrAbdhimadhyasthalaM
yogArUDhamatiprasannavadanaM bhUShAsahasrojjvalam |
tryakShaM chakrapinAkasAbhayavarAn bibhrANamarkachChaviM
ChatrIbhUtaphaNIndramindudhavalaM lakShmInR^isiMhaM bhaje || 3||
trAhIti vyAvaharantaM tridasharipusutaM trAtukAmo rahasye
visR^istaM pItavastraM nijakaTiyugule savyahastena gR^ihNan |
vegashrAntaM nitAntaM khagapatimamR^itaM pAyayannanyapANau |
siMhAdrau shIghrapAtaH kShitipihitapadaH pAtu mAM nArasiMhaH || 4||
narasiMho mahAdevo mahAdevArtinAshanaH |
mude paro mahAlakShamyA(kShmyA) devAvara namo.astu te || 5||
nR^isiMha utsa~NgasamudrajAyAM samudrajadvIpagR^ihe niShaNNaH ||
samudrajo hInamatiH sadAvyAt samudrabhaktAkhila siddhidAyI || 6||
rAjA lakShmInR^isiMho jayati sukhakaraM shrInR^isiMhaM bhajeyaM
daityAdhIshau mahAntau harata nR^ihariNA shrInR^isiMhAya naumi |
sevyo lakShmInR^isiMhAdapara iha nahi shrInR^isiMhasya pAdau
seve lakShmInR^isiMhe vasatu mama manaH shrInR^isiMhAvabhaktam || 7||
lokAnAkulayan nabhaH kavalayan dikkumbhitaH kampayan
bhUgolaM chalayan trirItvidalayan ambhodhimudvelayan |
digvR^indaM bhramayan manovikasayan brahmANDamAsphoTayan
stambhAdAvirabhUdbhavaM prati tadA vaikuNThakaNThIravaH || 8||
tapanasomahutAshanalochanaM dhanavirAmahimAMshusamaprabham |
abhayachakrapinAkavarAnkarairdadhatAmindudharaM nR^ihariM bhaje || 9||
shrImannR^ikesaritano jagadekabandho
shrInIlakaNTha karuNArNava sAmarAja |
vahnIndutIvrakaranetra pinAkapANe
shItAMshushekhara rameshvara pAhi viShNo || 10||
kShIrAbdhau vasumukhyadevanikarairagrAdisaMveShTitaH
sha~NkhachakragadAmbujaM nijakarairbibhraMstrinetrAsitaH |
sarpAdhIshaphaNAtapatralasitaH pItAmbarAla~Nkato
lakShmyAshliShTakalevaro naraharistAM nIlakaNTho mude || 11||
vyAdhUtakesarasaTAvikarAlavaktraM
hastAgravisphuritashaM~NkhagadAsichakram |
AviShkR^itaM sapadi yena nR^isiMharUpaM
nArAyaNaM tamapi vishvasR^ijaM namAmi || 12||
kopAdAlolajihvaM vivR^itanijamukhaM somasUryAgninetraM
pAdAdAnAbhiraktaprabhumuparisataM bhinnadaityendragAtram |
sha~NkhaM chakraM cha pAshA~NkushakulishagadAdAruNAnyudvahantaM
bhImaM tIkShNogradaMShTraM maNimayavividhAkalpamIDe nR^isiMham || 13||
charaNasmaraNapremNA tava deva sudurlabham |
yathAkatha~nchinnR^ihare mama bhUyAdaharnisham || 14||
kvAhaM buddhyAdisaMruddhaH kva cha bhUmanmahastava |
dInabandho dayAsindho bhakti me nR^ihare disha || 15||
naravapupratipadya tvayi yadi shravaNavarNanasaMsmaraNAdibhiH |
narahare na bhajanti nR^iNAmidamiti vapuchChavasitaM viphalaM tataH || 16||
tvadIkShaNavasha kShobhamAyAbodhitakarmabhiH |
jAtAnsaMsarataH khinnA nR^ihare pAhi naH pitaH || 17||
antaryantA sarvalokasya gItaH shrutyA yuktyA chaivamevAvase yaH |
yaH sarvaj~naH sarvashaktirnR^isiMhaH shrImantaM taM chetasaivAvalambe || 18||
yasminnudyadvilayamapi yad bhAti vishvaM layAdau
jIvopetaM gurukaruNayA kevalAtmAvabodhe |
antyantAM taM vrajati sahasA sindhuvatsindhumadhye
madhye chittaM tribhuvanaguruM bhAvaye taM nR^isiMham || 19||
saMsArachakraR^ikachairvidIrNamudIrNanAnAbhavatApataptam |
katha~nchidApannamihaprapannaM tvamuddhara shrInR^ihare nR^ilokam || 20||
mukuTakuNDalaka~NkaNaki~NkiNIpariNataM kanakaM paramArthataH |
madaha~NkR^itisapramukhaM yathA narahare na paraM paramArthataH || 21||
nR^ityanti tava vIkShaNA~NgaNagatA kAlasvabhAvAdibhiH
bhAvAnsatvarajastamoguNamayAnunmIlayantI bahUn |
mAmAkramya padAshirasyatibharaM sammardayantyAturaM
mAyA te sharaNaM gato.asmi nR^ihare tvameva tAM vAraya || 22||
mu~nchanna~Ngatada~Ngasa~NgamanishaM tvAmeva saM~nchitayan
santaH santi yato yato gatamadAstAnAshramAnAvasan |
nityaM tanmukhapa~NkajAdvigalitatvatpuNyagAthAmR^ita
strotaH samplavasampluto narahare nasyAmahaM dehabhR^it || 23||
traiviShTaporubhayahA sa nR^isiMharUpaM
kR^itvA bhramadbhukuTidaMShTrakarAlavaktram |
daityendramAshugadayAbhipatantamArA
Urau nipAtya vidadAra nakhaiH sphurantam || 24||
satyaM vidhAtuM nijabhR^ityabhAShitaM
vyAptiM cha bhUteShvakhileShu chAtmanaH |
adR^ishyatAtyadbhutarUpamudvahan
stambho sabhAyAM na mR^igaM na mAnuSham || 25||
saTAvadhUtA jaladAH parApatan
grahAshcha tdR^iShTI vimuShTarochiShaH |
ambhodayaH shvAsahatA vichakShubhUH
nirhAdabhItA digibhA vichutraR^iShuH || 26||
shR^i~NgAraM padmayA yaH prathayati karuNaM daityaputreNa hAsyaM
vakrAkAreNa vIraM ripuvadhavidhinA siMhaveSheNa raudram |
bIbhatsaM raktajaryA shamamapi manasA bhItimapyagR^ihAsaiH
stambhotpatyAdbhutaM naH sa navarasamayaH shrInR^isiMhaH punAtu || 27||

iti nR^isiMhastavanahAraH sampUrNaH |
##
Proofread by M K Barman

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}