% Text title            : Nrisimha Stavarajah
% File name             : nRRisiMhastavarAjaH2.itx
% Category              : vishhnu, dashAvatAra, stavarAja, viShNu
% Location              : doc\_vishhnu
% Proofread by          : M K Barman
% Description/comments  : nRRisiMhakosha 2 upAsanA khaNDa
% Latest update         : August 4, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nrisimha Stavarajah ..}##
\itxtitle{.. nR^isiMhastavarAjaH 2 ..}##\endtitles ##
sarvaj~naM vedakartAraM purANapuruShottamam |
papR^ichChuH munayaH kR^iShNaM kR^ipAluM bhaktavatsalam || 1||
bhagavAn bhUtabhavyesha sarvaj~na karUNAnidhe |
kiM tattvaM kiM paraM jApyaM dhyAnaM kiM muktisAdhanam || 2||
shrotumichChAmi he deva tadvada sarvasAdhanam |
sarvabhAvena jAtastvAM sharaNyaM sharaNaM prabho || 3||
shrIkR^iShNa uvAcha |
sachchidAnandamadvaitaM svaprakAshaM paraM shivam |
yajjyotijyotiShAM pUrNaM tattatvaM shrutayo viduH || 4||
shrInR^isiMhastavAnnAnyat tattvaM jApyaM paraM viduH |
sarvaduHkhaharaM j~nAnadAyakaM bhogasAdhanam || 5||
atha j~nAnaM pravakShyAmi sarvAbhIShTapradAyakam |
nR^isiMhastavarAjena sarvapApaharaM param || 6||
mahAchakrasya nAbhisthaM kShIrasAgaramadhyagam |
shvetadvIpe mahAdivye prAsAde ratnashobhite || 7||
siMhAsanasamArUDhaM ChatrIbhUtaM phaNIndrakam |
tryakShaM chakrapinAkADhyaM sarvadA.abhayadAyakam || 8||
sharachchandranibhaM svachChaM nIlakaNThaM manoharam |
sadA kesarasaMvItaM vikaTabhrUyutaM shivam || 9||
yogArUDhaM prasannAsyaM chandramauliM kR^ipAkaram |
nR^isiMhaM paramAnandaM satyaj~nAnasvarUpiNam || 10||
prahlAdavaradaM devaM chintayAmi parAtparam |
indrAdibhisstutaM lakShmyA sevitaM bhUShaNojjvalam || 11||
pItAmbaradharaM devaM chArudaMShTraM sulochanam |
shrIvatsakaustubhopetaM vanamAlAvibhUShitam || 12||
evaM dhyAtvA nR^isiMhAkhyaM paraM brahmasanAtanam |
santuShTahR^idayo mUrdhni kR^itA~njaliridaM paThet || 13||
nR^isiMhastavarAjaM cha sarvakAmapradaM shivam |
sarvAriShTaharaM divyaM duShTanAshanamuttamam || 14||

OM asya shrInR^isiMhastavarAjasya shrIkR^iShNaH R^iShiH |
shrIlakShmInR^isiMho devatA |
anuShTup ChandaH | shrInR^isiMhaprItyarthe jape viniyogaH ||
OMkArAkShaM shivaM pUrNaM nArasiMhaM kR^ipAkaram |
nirvikAraM paraM dhAma chintayAmi parAtparam || 15||
satyaM j~nAnaparaM brahma yatphalaM yamanantakam |
evaM sadoditaM shAntaM nirmalaM niShphalaM param || 16||
nira~njanaM nirAkAramakhaNDaM tamasaH param |
bhaktAnugrahakartAraM prahlAdavaradaM prabhum || 17||
asAdhyasarvarogaghnaM samastAsuranAshanam |
kR^itAntavAhanaM bhImaM kAlamR^ityunivAraNam || 18||
bhIShaNaM vikaTaM shAntaM duShTagrahanivAraNam |
sarvAkShobhyaM mahAviShNuM nArAyaNamanAmayam || 19||
devadAnavadurdarshya jagadrakShakarakShaNam |
ugrasiMhaM sadAshAntaM smR^itimAtrAkhilapradam || 20||
OMkArarUpaM tridashAdhinAthaM brahmasvarUpaM vimalaM prashAntam |
anantamekaM paripUrNarUpaM smarAmi rAmaM praNamAmi siMham || 21||
pi~NgordhvakeshaM vivR^itAnanaM taM pi~NgatrinetraM dhavalaM susaumyam |
namAmi siMhaM parameshvaraM vai satyAdhirUpaM nihitaM guhAyAm || 22||
mokShaikahetuM paramaM sharaNyaM bhR^ityArtinAshaM jagadekahetum |
AnandarUpaM vitataM cha pUrNaM namAmi siMhaM paramaM dvitIyam || 23||
nArAyaNaM vai raghunAthamekaM brahmasvarUpaM vividhAtmarUpam |
nityaM nidAnaM paramIshitAraM matsyAdirUpaM praNamAmi siMham || 24||
rAjAdhirAjaM raghunAthamIshaM shrIrAmachandraM sharaNaM nR^isiMham |
shrIvAsudevaM shikhipichChachUDaM suveNuvAdyaM nirataM mahAntam || 25||
vishchaikadIpaM jvalanArkadIptiM jAjvalyamAnaM mahasA pareNa |
shrIdivyasiMhaM mahatAmmahAntaM hiraNyagarbhaM sharaNaM prapadye || 26||
vairAjarUpaM purUShaM purANaM sahasrashIrShaM shatapatrapAdam |
brahmesharUpaM kR^itavishvamIDyaM nR^isiMhamAdyaM paripUrNamIDe || 27||
annAdikoshaM jagadadvitIyaM puchChaM nR^isiMhaM sharaNaM sharaNyam |
j~nAnaikalabhyaM sudhiyAM hi puMsAM dharmAdihetuM sharaNaM prapadye || 28||
brahmA viShNurmaheshastvamindro vahniryamastathA |
varuNo vAyurIshAnaH kubero hare prabho || 29||
sUryAdigraharUpastvaM nR^ihare gururUpadhR^ik |
mantrarAjasvarUpastvaM sAmarAja namo.astu te || 30||
pitA mAtA suhR^id bandhurnR^ihare tvaM sadA mama |
tvameva sakalaM brahman tvAM vinA nAsti me gatiH || 31||
mAtR^ikA praNavAdishcha sarvamantramayAchyuta |
sarvadevamayAchintya siMhAsyAya namo.astu te || 32||
shrIkR^iShNa uvAcha |
anena stavarAjena nR^isiMho bhaktavatsalaH |
tataH prItaH prasanno.abhUt bhaktebhyaH puruShottamaH || 33||
shrInR^isiMha uvAcha |
bho bho bhaktavarAH sarve shruNudhvaM varamuttamam |
ahaM bhaktaparAdhIno anyeShAmatidurlabhaH || 34||
bhaktA UchuH |
yadi no.asi prasannastvaM devadeva kR^ipAnidhe |
tvameva nitarAM dehi tvayi bhaktiM dR^iDhAM prabho || 35||
shrInR^isiMha uvAcha |
shrUyatAM sAvadhAnena bhaktirvo.astu sadA mayi |
anyashcha shrUyatAM viprAH yena prIto bhavAmyaham || 36||
anena stavarAjena shraddhayA kR^itanishchayaH |
yaH stauti dIkShitaH bhaktaH tasyAhaM kAmapUrakaH || 37||
ekakAlaM trikAlaM vA chaturdashyAmathApi vA |
svAtyAM tu mandavAre cha stotrametatpaThanti ye || 38||
IpsitaM saphalaM teShAM bhavatyeva na saMshayaH |
aniShTasya cha vArtApi shrUyate tairna cha kvachit || 39||
bhaktA UchuH |
sarvAntaryAmiNAM deva hare chaitanyarUpiNA |
yo hi datto varo.asmabhyaM satyo.ayaM tvatprasAdataH || 40||
 iti kR^iShNena samprokto R^iShibhyo nR^ihare stavaH |
prIyatAM tena devesho nR^isiMho bhaktavatsalaH || 41||

iti shrIkR^iShNaR^iShisaMvAde shrInR^isiMhastavarAjaH sampUrNaH |
##
Proofread by M K Barman

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}