% Text title            : Nrisimhatirtha Akhyanavarnanam
% File name             : nRRisiMhatIrthAkhyAnavarNanam.itx
% Category              : vishhnu, dashAvatAra, mAhAtmya, padmapurANa, tIrthakShetra, viShNu
% Location              : doc\_vishhnu
% Proofread by          : M K Barman
% Description/comments  : nRRisiMhakosha 2 upAsanA khaNDa. padmapurANe vatsagulmamAhAtmye chaturdasho.adhyAyaH
% Latest update         : August 4, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nrisimhatirtha Akhyanavarnanam ..}##
\itxtitle{.. nR^isiMhatIrthAkhyAnavarNanaM ..}##\endtitles ##
sa vai purANapuruShashchidAtmA mahAnubhAvaH sahasAvibhidya |
stambhaM mahogreNa cha vartmanA muhurvaktraM lihansadrasannAyakeNa || 1||
mukhaM mR^igendrasya dadhAra devo vapurnarasyAtha shubhaM chakAra |
daMShTrAkarAlaM rasanAlirhatamugraM sutAmrAkShamathochchanAsam || 2||
shashA~NkasUryAnaladIptanetraM saTAsphurantaM sa dadarsha daityaH |
ayaM sapatnaH sabhayo mameti jagAda khaDgena jaghAna tIvram || 3||
tatkhaDgaghAtena chukopa devashchakre sunAdaM ditinandanAlaye |
tadAlayaM tachcha puraM jagattrayaM sukampitaM tena viShaNNamAsIt || 4||
surA narAH pannagapakShivaryAH sammohitAste sabhayA nililyire |
athogratejA mR^igarAjarUpaM jagrAha dIptaM ditinandanArtham || 5||
taM khaDgapANiM pralapantamuchchairjagrAha taM vyAghra ivochitaM pashum |
krodhena jAnvorabhipAtya shIghraM dadAra vakShaH karajaiH sa tasya || 6||
antrANi chotkR^itya sasarja kaNThe prANA~njahau tatkShaNameva daityaH || 7||
nihataM taM tadA dR^iShTavA pitaraM chApirAdhinam |
utthAya paramodvignaH prahlAdaH praNanAma ha ||
baddhA~njalipuTaH shrIshaM tuShTAvAnandanirbharaH || 8||
prahlAda uvAcha\-
nR^ihare tavanAmachintanaM bhavitA siddhikaraM nirantaram |
yadi janmasu chArjitaM mahatsukR^itaM tatsuphalaM nR^iNAM bhavet || 9||
na vAsti satvA na vA ripurbhagavaMstvaM guNasa~NgavarjitaH |
viShamA tavabhUtasa~NgatA nanumAyAparito duratyayA || 10||
ata eva tayA vihito na bhajatyanyavilochano hi saH |
samatA tava yadyapi prabho na cha vaiShamyalavo hi kutrachit || 11||
guNato janatA jaDA hare viShamaM pashyati notyamaM kadA |
svamarujjalanAmbumedini samavAyena sharIramandiram || 12||
parinirmitamatra te kalA vishati prANaparA visheShataH |
sahasAnurUpaM hi cheShTate jagadetat khalu jIvamAyayA || 13||
yadi vAtra divAnishaM mudA ramate kevalamindriyAnugam |
bahuduHkhaparamparA na taM paritaH kleshasahaM jahAti vai || 14||
malinatvamupaiti karmaNA dhanadArAtmajagehahetunA |
kurute vividhaM phalechChayA paritaH saMshaya hetumIhate || 15||
abhimAnamadAttachetano na cha te nAma gR^iNAtyaho jaDaH |
na tavA~NghrisarojasevayA haratestvAM jaDatAmatArkitAm || 16||
bhajatAmabhayaM dadAsi bho iti matvA bhajane gataM manaH |
mama deva guruguhAnugaM na cha taddoShaphalaM bhajatyaho || 17||
akhilAni hinastyaghAni vA tava nAmasmR^itiratra kevalA |
sakalendriyahetusevanAnmahadenaH kShaNato.api nashyati || 18||
aparAdhijanaM batAnataM svahitAchAravichAravichyutam |
tava bhaktamito hi rakSha mAM naya tAta mamamuktimuttamAm || 19||
hara meM bhavabandhanaM pituH na cha ki~nchidihAsti sAdhanam |
amunA tava helanA kR^itA gatimiShTAM labhatAM tathApyasau || 20||
vasiShTha uvAcha\-
prahlAdena stuto devaH santuShTo bhagavAn hariH |
bhaktyA cha paramaprItaH prasannastho jagAda tam || 21||
bhaktyA vashIkR^itashchAhaM tvayA daityakulottama |
tavAdeyaM na me.atrAsti yato bhaktirgarIyasI || 22||
ayaM te nihatastAtastena mA ruShito bhava |
etasyaivAparAdhena nihanto.ayaM mayA na cha || 23||
sAyujyaM me gato daityastvaM chaivAtra sthiro bhava |
kuru rAjyaM mahAbhAga baleriva sunilam || 24||
chiraM bhuktvA sukhaM chAtra tato mAmApnuhi svayam |
 iti datvA varaM tasmai punaH prAha dayAnidhiH || 25||
prahlAda me stutirdivyA kR^itAchAdhyAtmadAyinI |
anayA mAM staviShyanti ye narAH shubhalakShaNAH || 26||
teShAmaj~nAnajaM shIghraM nAshamAyAti hattamaH |
shuddhA j~nAnasamutpattirjAyate nAtra saMshayaH || 27||
vasusampannatA nityaM nityaM bhogasukhodayaH |
pashuputrAyutaM gehaM bhaviShyati na chAnyathA || 28||
 itthamAbhAShya taM bhaktaM prahlAdaM j~nAninAM varam |
bhagavAn prayayau chAtha nakhashuddhyai jagatpatiH || 29||
kR^itashauchaM samuddishya tIrthAnAM pravaraM purA |
payovahA nadI ramyA payoShNI pApanAshinI || 30||
yatrAsti doShashamanI tatradevo mano dadhau |
madhye mArge dadarshAtha vatsagulmaM supAvanam || 31||
kShaNaM vishrAmamakarojjalArthI vatsakAnane |
na dR^iShTvA jalaM devastadA kuNDaM chakAra saH || 32||
tatra snAtvA cha pItvA cha nArasiMho janArdanaH |
kuNDaprAchyAM svanAmnA cha mUrtiM kR^itvA manoharAm || 33||
svAM kalAM tatra chAveshya kR^itashauchaM yayau javAt |
tadArabhya nR^isiMhAkhyaM tIrthaM jAtaM nR^ipottama || 34||
tAsmi tIrthe naraH snAtvA bhaktyA devaM jagadgurum |
pashyat sa naiva pApena yujyate nAtra saMshayaH || 35||
mandavAre visheSheNa tatkuNDe snAnamAcharet |
darshanaM nR^ihareH kR^itvA mukto bhavati kilbiShAt || 36||
stutistotraiH pavitraishcha shrutismR^itisamudbhavaiH |
saMstutya kamalAkAntaM naro yAti na durgatim || 37||
tadagre nanditIrthaM cha pavitraM pApanAshanam |
tatra snAnena dAnena koTiyaj~naphalaM labhet || 38||

iti shrIpadmapurANe vatsagulmamAhAtmye nR^isiMhatIrthAkhyAnavarNanaM nAma chaturdasho.adhyAyaH |
##
Proofread by M K Barman

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}