% Text title            : Nandakritam Shri Krishna Stotram
% File name             : nandakRRitaMshrIkRRiShNastotram.itx
% Category              : vishhnu, vishnu, krishna, brahmavaivartapurANa, stotra
% Location              : doc\_vishhnu
% Proofread by          : PSA Easwaran
% Description/comments  : brahmavaivartapurANa | shrIkRRiShNajanma, pUrvabhAga | adhyAya 21/204-228||
% Latest update         : March 22, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nandakritam Shri Krishna Stotram ..}##
\itxtitle{.. nandakR^itaM shrIkR^iShNastotram ..}##\endtitles ##
nanda uvAcha |
namo brahmaNyadevAya gobrAhmaNahitAya cha || 204||
jagaddhitAya kR^iShNAya govindAya namo namaH |
namo brahmaNyadevAya brahmaNe paramAtmane || 205||
anantakoTibrahmANDadhAmadhAmne namo.astu te |
namo matsyAdirUpANAM jIvarUpAya sAkShiNe || 206||
nirliptAya nirguNAya nirAkArAya te namaH |
atisUkShmasvarUpAya sthUlAtsthUlatamAya cha || 207||
sarveshvarAya sarvAya tejorUpa namo.astu te |
atipratyakSharUpAya dhyAnAsAdhyAya yoginAm || 208||
brahmaviShNumaheshAnAM vandyAya nityarUpiNe |
dhAmne chaturNNAM varNAnAM yugeShveva chaturShu cha || 209||
shuklaraktapItashyAmAbhidhAnaguNashAline |
yogine yogarUpAya gurave yoginAmapi || 210||
siddheshvarAya siddhAya siddhAnAM gurave namaH |
yaM stotumakShamo brahmA viShNuryaM stotumakShamaH || 211||
yaM stotumakShamo rudraH sheSho yaM stotumakShamaH |
yaM stotumakShamo dharmo yaM stotumakShamo raviH || 212||
yaM stotumakShamo lambodarashchApi ShaDAnanaH |
yaM stotumakShamAH sarve munayaH sanakAdayaH || 213||
kapilo na kShamaH stotuM siddhendrANAM gurorguruH |
na shaktau stavanaM kartuM naranArAyaNAvR^iShI || 214||
anye jaDadhiyaH ke vA stotuM shaktAH parAtparam |
vedA na shaktA no vANI na cha lakShmIH sarasvatI || 215||
na rAdhA stavane shaktA kiM stuvanti vipashchitaH |
kShamasva nikhilaM brahmannaparAdhaM kShaNekShaNe || 216||
rakSha mAM karuNAsindho dInabandho bhavArNave |
purA tIrthe tapastaptvA putraH prAptaH sanAtanaH || 217||
svakIyacharaNAmbhoje bhaktiM dAsyaM cha dehi me |
brahmatvamamaratvaM vA sAlokyAdikameva vA || 218||
tvatpadAmbhojadAsyasya kalAM nArhanti ShoDashIm |
indratvaM vA suratvaM vA samprAptiM siddhisvargayoH || 219||
rAjatvaM chirajIvitvaM sudhiyo gaNayanti kim |
etadyatkathitaM sarvaM brahmatvAdikamIshvara || 220||
bhaktasa~NgakShaNArddhasya nopamA te kimarhati |
tvadbhakto yastvatsadR^ishaH kastvAM tarkitumIshvaraH || 221||
kShaNArddhAlApamAtreNa pAraM kartuM sa cheshvaraH |
bhaktasa~NgAdbhavatyeva bhaktiM kartumanekadhA || 222||
tvadbhaktajaladAlApajalasekena varddhate |
abhaktAlApatApAttu shuShkatAM yAti tatkShaNam || 223||
tvadguNasmR^itisekAchcha varddhate tatkShaNe sphuTam |
tvadbhaktya~NkuramudbhUtaM sphItaM mAnasajaM param || 224||
na nashyaM varddhanIyaM cha nityaM nityaM kShaNe kShaNe |
tataH samprApya brahmatvaM bhaktasya jIvanAya cha || 225||
dadAtyeva phalaM tasmai haridAsyamanuttamam |
samprApya durlabhaM dAsyaM yadi dAso babhUva ha || 226||
sunishchayena tenaiva jitaM sarvaM bhayAdikam |
ityevamuktvA bhaktyA cha nandastasthau hareH puraH || 227||
prasannavadanaH kR^iShNo dadau tasmai tadIpsitam |
evaM nandakR^itaM stotraM nityaM bhaktyA cha yaH paThet || 228||
sudR^iDhAM bhaktimApnoti sadyo dAsyaM labheddhareH ||

iti shrIbrahmavaivarte mahApurANe shrIkR^iShNajanmakhaNDe pUrve ekaviMshAdhyAyAntargataM
         nandakR^itaM shrIkR^iShNastotraM samAptam |

brahmavaivartapurANa | shrIkR^iShNajanma, pUrvabhAga | adhyAya 21/204\-228||
##
brahmavaivartapurANa . shrIkRRiShNajanma, pUrvabhAga . adhyAya 21/204-228..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}