% Text title            : Nandibhillakritam Krishnanarayana Stotram
% File name             : nandibhillakRRitaMkRRiShNanArAyaNastotram.itx
% Category              : vishhnu, vishnu, lakShmInArAyaNIyasaMhitA, stotra, krishna
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 4 | adhyAya 85/47-64||
% Latest update         : May 15, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nandibhillakritam Krishnanarayana Stotram ..}##
\itxtitle{.. nandibhillakR^itaM kR^iShNanArAyaNastotram ..}##\endtitles ##
nandibhilla uvAcha |
namo namaste nijarakShakAya namo namaste.anyavinAshakAya |
namo namaste shivasa~NgrahAya kalAdhinAthAya namo namaste || 47||
namo namaste bahumohanAya namo.atigarviShThasushAsakAya |
namo hR^idisthAya pareshvarAya chA.anAdinArAyaNa te namo.astu || 48||
namo.akShareshAya parAvarAya namo namaste.akhilakAraNAya |
namaH samastA~NgajatattvagarbhaprapUrakAyAchyuta te namo.astu || 49||
namo.avatArinnavatAradhartre hyanantamuktA.abhiniShevitAya |
anAdikR^iShNAya pareshvarAya nArAyaNAyeti namo.astu tubhyam || 50||
shrIkAntarUpAya rameshvarAya rAdhAdhinAthAya namo namaste |
namo.astu te shrIpurapAlakAya bhUmannamaste laliteshvarAya || 51||
sarveshvarIshAya samastasarveshvareshvareshAya namo.astu tubhyam |
vairAjanAthAya jaganniyantre mAyeshvarAyA.achyuta te namo.astu || 52||
pitR^irShidevarShisharIrakAya charAcharAntaHstha cha te namo.astu |
shrImANikIpAshavatIshcharAya prashAdhinAthAya namo.astu tubhyama || 53||
brahmapriyAvAmanivAsakAya haripriyAdyAbhirabhiShTutAya |
kR^itasthalI ku~NkumavApikAya gopAlabAlAya namo namaste || 54||
shrIkambharAmAtR^ibhavAya kR^iShNanArAyaNashrIsha cha te namo.astu |
sAdhusvarUpAya makhAtmakAya svAminnamaste raNara~njanAya || 55||
janmasthitibhraMshakarAya viShNo jiShNo namaste parameshvarAya |
sadbhaktalabhyAya kR^ipAvashAya shaktAya kAlAya namo bhavAya || 56||
rudrAya bANAya rathAya shAstre yamAya dharmAya namo dvijAya |
prANAya jIvAya tadAtmane te.anvitAya riktAya namo.avyayAya || 57||
nAgasvarUpAya madantakAya hR^idyAya nirvANakarAya dhAtre |
shIghraM sharaNyaM tvamabhiprapadya nayAkSharaM mokShapadaM hare mAm || 58||
kR^itAparAdhaM bahugarvadR^ibdhaM parashriyaM vIkShya sadA jvalantam |
raNe sthitaM prANagatiM tyajantaM kShamApya sarvaM naya mokShaNaM te || 59||
sarvaj~na sarvesha samastachakShuH samastakarNA.atmamanassu saMstha |
divyaM nijaM darshanamatra dehi mR^itAnsamastA.Nshcha samuddharA.atra || 60||
hare.agnirAtena vibodhitena mayApi garvAdavamAnitastvam |
atoShadAvAnalamadhyamAptaM samuddhara shrIsha vidhehi divyam || 61||
svargaM yathA vA narakaM madarthaM yadasti tatte.arpitamatra kR^iShNa |
prapannajIvaM paralokayAnaM nayA.akSharaM dhAma vinAshya pApam || 62||
hare kR^iShNa hare viShNo kR^iShNanArAyaNa prabho |
tavAsmIti tavAsmIti mokShaM mAM naya mAdhava || 63||
ityuktvA maunamAdAya kR^itA~njalirhR^idantare |
vivesha nandibhillo vai smaran dhyAyan prabhuM patim || 64||

iti shrIlakShmInArAyaNIyasaMhitAyAH tiShyasantAnAtmakasya chaturthakhaNDe
85\-adhyAyAntargataM nandibhillakR^itaM kR^iShNanArAyaNastotraM sampUrNam |

lakShmInArAyaNIyasaMhitA | khaNDa 4| adhyAya 85/47\-64||
##
lakShmInArAyaNIyasaMhitA . khaNDa 4. adhyAya 85/47-64..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}