% Text title            : Apsarobhih Kritam Naranarayana Stotram
% File name             : naranArAyaNastotraMapsarobhiHkRRitam.itx
% Category              : vishhnu, stotra
% Location              : doc\_vishhnu
% Proofread by          : PSA Easwaran
% Description/comments  : from Vishnudharma Upapurana. Adhyaya 103
% Latest update         : December 25, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Apsarobhih Kritam Naranarayana Stotram ..}##
\itxtitle{.. apsarobhiH kR^itam naranArAyaNastotram ..}##\endtitles ##

apsarasa UchuH \-
pashyAma nAdiM tava deva nAntaM na madhyamavyAkR^itarUpapAram |
parAyaNaM tvA jagatAmanantaM natAH sma nArAyaNamAtmabhUtam || 16||
mahI divaM vAyujalAgnayastvaM shabdAdirUpashcha parAparAtman |
tvatto bhavatyachyuta sarvametadabhedarUpo.asi vibho tvamebhiH || 17||
draShTAsi rUpasya rasasya vettA shrotA cha shabdasya hare tvamekaH |
spraShTA bhavAnsprashavato.akhilasya ghrAtAsi gandhasya pR^ithaksharIrI || 18||
sureShu sarveShu na so.asti kashchinmanuShyaloke cha na so.asti kashchit |
pashvAdivarge cha na so.asti kashchidyo nAMshabhUtastava devadeva || 19||
brahmAdyupendrapramukhAni saumyeShvindrAgnirUpANi cha vIryavatsu |
rudrAntakAdIni cha raudravatsu rUpeShu rUpANi tavottamAni || 20||
samudrarUpaM tava dhairyavatsu tejasvirUpeShu ravistathAgniH |
kShamAdhaneShu kShitirUpamagryaM rUpaM tavAgryaM balavatsu vAyuH || 21||
manuShyarUpaM tava rAjaseShu mUDheShu sarveshvara pAdapo.asi |
darpAnviteShvachyuta dAnavastvaM sanatsujAtashcha vivekavatsu || 22||
rasasvarUpeNa jale sthito.asi gandhasvarUpo bhavato dharitryam |
dR^ishyasvarUpashcha hutAshane tvaM sparshasvarUpo bhagavAnsamIre || 23||
shabdAtmakaM te nabhasi svarUpaM mantavyarUpo manasi prabho tvam |
bodhavyarUpashcha vibho tvamekaH sarvatra sarveshvara sarvabhUtaH || 24||
pashyAma te nAbhisarojamadhye brahmANametaM cha haraM bhrukUTyam |
tatrAshvinau karNagatau samastANavasthitAnbAhuShu lokapAlAn || 25||
ghrANe.anilaM netragatau ravIndU jihvA cha te nAtha sarasvatIyam |
pAdau dharitrIM jaTharaM samastAMllokAnhR^iShIkesha vilokayAmaH || 26||
ja~Nghe viyatpAdakarA~NgulIShu pishAcharakShoragasiddhasa~NghAn |
puMstve prajAnAM patiroShThayugme pratiShThitAste kratavaH samastAH || 27||
sarveShTayaste dashaneShu deva daMShTrAsu vidyA bhavatashchatasraH
romasvasheShAstava devasa~NghA vidyAdharA nAtha karA~NghrirekhAH |
sA~NghAH samastAstava deva vedAH samAsthitA bahuShu sandhibhUtAH || 28||
varAharUpaM dharaNIdhR^itaste nR^isiMharUpaM cha saTAkarAlam |
pashyAma te vAjishirastathochchaistrivikrame yashcha tavAprameyaH || 29||
amI samudrAstava deva dehe mervAdayaH shailavarAstavAmI |
imAshcha ga~NgApramukhAH sravatyo dvIpAnyasheShANi vanAni chaiva || 30||
stuvanti chaite munayastavesha dehe sthitAstvanmahimAnamagryam |
tvAmIshitAraM jagatAmanantaM yaj~neshamarchanti cha yajvino.amI || 31||
tvatto na saumyaM jagatIha ki~nchittvatto na raudraM  cha samastamUrte |
tvatto na shItaM na cha keshavoShNaM sarvasvarUpAtishayI tvamekaH || 32||
prasIda sarveshvara sarvabhUta sanAtanAtmanparameshvaresha |
tvanmAyayA mohitamAnasAbhiryatte.aparAddhaM tadidaM kShamasva || 33||
kiM vAparAddhaM tava deva mUDhairyanmAyayA no hR^idayaM tathApi |
pApAvashaM kiM praNatArtihArinmano hi no vi~NkalatA?mupaiti || 34||
na te.aparAddhaM yadi vAparAddhamasmAbhirunmArgavivartanIbhiH |
tatkShamyatAM sR^iShTikarastavaiva devAparAdhaM sR^ijato vivekAn || 35||
namo namaste govinda nArAyaNa janArdana |
tvannAmasmaraNAtpApamasheShaM naH praNashyatu || 36||
tato.ananta namastubhyaM vishvAtmanvishvabhAvana
tvannAmasmaraNAtpApamasheShaM naH praNashyatu
namo namaste vaikuNTha shrIvatsA~NkAbjalochana
vareNya yaj~napuruSha prajApAlaka vAmana
namo.astu te.abjanAbhAya prajApatikR^ite hare |
tvannAmasmaraNAtpApamasheShaM naH praNashyatu || 37||
saMsArArNavapotAya namastubhyamadhokShaja |
tvannAmasmaraNAtpApamasheShaM naH praNashyatu || 38||
namaH parasmai shrIshAya vAsudevAya vedhase |
svechChayA guNabhoktR^itve sargAntasthitikAriNe || 39||
upasaMhara vishvAtman rUpametatsamantataH |
vardhamAnaM na no draShTuM samarthaM chakShurIshvara || 40||
pralayAgnisahasrasya samA dIptistavAchyuta |
pramANena disho bhUmirgaganaM cha samAvR^itam || 41||
na vidmaH kva nu vartAmo bhavAnnaivopalakShyate |
sarvaM jagadihaikasthaM piNDitaM lakShayAmahe || 42||
kiM varNayAmo rUpaM te kiM pramANamidaM hare |
mAhAtmyaM kintu te deva jihvAyA yanna gocharam || 43||
vaktrANAmayutenApi buddhInAmayutAyutaiH |
guNAnAM varNanaM nAtha tava vaktuM na shakyate || 44||
tadetaddarshitaM rUpaM prasAdaH paramaH kR^itaH |
Chandato jagatAmIsha tadetadupasaMhara || 45||
shaunaka uvAcha \-
 ityevaM saMstutastAbhirapsarobhirjanArdanaH |
divyaj~nAnopapannAnAM tAsAM pratyakShamIshvaraH |
vivesha sarvabhUtAni svairaMshairbhUtabhAvanaH || 46||

iti viShNudharmeShu tryadhikashatatamo.adhyAyAntargataM apsarobhiH kR^itaM
                      naranArAyaNastotraM sampUrNam |
##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}