% Text title : Narasimhamangalam % File name : narasiMhamangalam.itx % Category : vishhnu, dashAvatAra, mangala % Location : doc\_vishhnu % Author : araiyaradAsa % Proofread by : M K Barman % Description/comments : nRRisiMhakosha 2 upAsanA khaNDa % Latest update : August 4, 2025 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Narasimhamangalam ..}## \itxtitle{.. narasiMhama~Ngalam ..}##\endtitles ## (melukoTe girinR^isiMha viShayakaM varNanam) sadyaH sujAta narasiMha vibho giriShTha prahlAdabhaktakR^it kArtayugapratiShTha | sevAkutUhali janaiH satataM ghaniShTha svAmin prasIda nR^ihare yadushailanAtha || 1|| gomantaparvatanivAsini siMharAje sAyandinArchana didR^ikShurayaM hi lokaH | sopAnapa~Nktimadhiruhya sukhaM suhR^iShTaH svAmin prasIda nR^ihare yadushailanAtha || 2|| shailAdhirohaNapathe phalakAH shilAnAM shrInArikelaphala~NghaTTana toyachinhAH | svAdUdakaiH sukhasushItala mArdavAdyAH svAmin prasIda nR^ihare yadushailanAtha || 3|| pathyAsate sumatamAlavaTaprachampAH chAmrAstathA panasanimbasupATalAdyAH | ChAyApradaH sudR^iDhabhUruhaShaNDamAlAH svAmin prasIda nR^ihare yadushailanAtha || 4|| bhetAlikAdi ghanabhUtapishAchaviShTAH chitrIkR^itAH pathikabhaktapadAravindam | prApyaiva muktimahahA niyatAM labhante svAmin prasIda nR^ihare yadushailanAtha || 5|| vR^indAvanaM tadidamasti shaThAriramyaM lakShmIsanAthamathavApi savAsudevam | rAmAnujArya padavI vapuShA cha ramyaM svAmin prasIda nR^ihare yadushailanAtha || 6|| stambhA.a.aDhyamaNTapagaNA baladAH hanUmat sAkAramUrtaya aho.atra vivartasiMhau | svAdUdakaM bahushilAgahanaM sarashcha svAmin prasIda nR^ihare yadushailanAtha || 7|| bhaTTArakaM shrutivirUpamamuM subAlAH ArohaNArtha patha evamahovadanti | Arohayema badhirAdipate girIndraM svAmin prasIda nR^ihare yadushailanAtha || 8|| hArdAM gatiM priyahitAnilaklR^iptadhATIM prAptA janA vitatadUrasvadR^iShTipAtAH | bhUgolameva ravalu sAnubhavaM bhajante svAmin prasIda nR^ihare yadushailanAtha || 9|| gopAshcharanti cha suchAru cha chArayanti gAyanti chA.atra susukhaM tvajagogaNAnsvAn | sarpanti sarpanivahAstvatha bhItidUrAH svAmin prasIda nR^ihare yadushailanAtha || 10|| dUrAt samastajanatA tava gopurAgraM dR^iShTvaiva shAntamanasastvatha bhaktibhAjaH | tatraiva tatra namanaM bahudhA charanti svAmin prasIda nR^ihare yadushailanAtha || 11|| kArtIkamAsi tava gopuradIpasevA bhaktAgragaNyavihitA janamAnasaM cha | tvad dAsyadIpitamadhAt tava mAnasaM cha svAmin prasIda nR^ihare yadushailanAtha || 12|| rAjAgireravati naH paramaH pumAn vai shrInArasiMhavapuratra ramAsakho yaH | tasyedamasti sakalaM tviti lokabhAShA svAmin prasIda nR^ihare yadushailanAtha || 13|| sandhyAsurAga athamatra na sAndhyarAgaH hairaNya deha hananAdatha raktapAtaH | vyApnoti khaM tviti shaThArimunerhi sUktiH svAmin prasIda nR^ihare yadushailanAtha || 14|| nIchairgirirvasati chA.atra tatopari tvaM giryADhyamUrtirahahA kimidaM tu yugmam | hairaNya dehagirireka athApi cha tvaM svAmin prasIda nR^ihare yadushailanAtha || 15|| dUre girIndra shatamAkShitijaM samantAt pashyanti chApi cha suchArutaTAkasa~NghAn | kAverikAdi jalabhUri suvAhinIstAH svAmin prasIda nR^ihare yadushailanAtha || 16|| brahmAnubhUtiriyameva tavAtra sR^iShTau | cheto vishAlasukhabhAvamaye labheta | ArogyabhAgyamapi siddhyati nArasiMha | svAmin prasIda nR^ihare yadushailanAtha || 17|| shrIbhAShyakAra ShaThakopasurakShitastvaM dvAre mahatyahaha thAvubhaye cha pArshve | vastroryatantubhiraho.architasiMhaDimbha svAmin prasIda nR^ihare yadushailanAtha || 18|| sopAnapa~Nktimiha vai navasa~NkhyayA.a.aDhyAM tAvadbhireva suphalaiH shubhanArikelaiH | ArAdhayanti janatA vividhAstvadIyAH svAmin prasIda nR^ihare yadushailanAtha || 19|| pa~nchottaratrishataShaShTimitAstvadIyAH sopAnapa~Nktaya imA tavanAma saukhyAH | ekapravatsarakR^ite katichijjanAnAM svAmin prasIda nR^ihare yadushailanAtha || 20|| bhittau suvarNaphalakA~nchita siMharUpa bhadrAM dashA.a.akR^itimayan nayanAbhirAma | dvAre samA.a.agatasamAdaramAtanoShi svAmin prasIda nR^ihare yadushailanAtha || 21|| vAyavyakoNa iha rAjitapAdayugmaM siMvat prakAmakaruNaM gurulakShmaNasya | AlokapAtramita eva svapAdatIrthaM svAmin prasIda nR^ihare yadushailanAtha || 22|| UrdhvordhvagAmi janasannutapAdapadma dehAtmarogaparihAri guhAsupadma | hairaNyarAkShasakuvR^ittimimAM pravidma svAmin prasIda nR^ihare yadushailanAtha || 23|| santApashAntiriti kAmanayA sametAH chintAvimuktimarare prabhajanta eva | prahlAdayasya mitabhAgyamato yatastvaM svAmin prasIda nR^ihare yadushailanAtha || 24|| ekArthamAvirasi bhaktavachashcha satyaM kartuM tadetadidamadbhutarUpamA.a.adhAH | kShIraM yayA sughaTitaM shubhasharkarA.a.aDhyaM svAmin prasIda nR^ihare yadushailanAtha || 25|| mAdhyAnhiko vidhirayaM kimuyogasiMha prAyo bhavAn pratidinaM niyatAbhiShekaH | dUrAt svabhaktajanatA.a.agrahayoga eShaH svAmin prasIda nR^ihare yadushailanAtha || 26|| saMkShIrashuddhadadhipUtaghR^itAbhiShechya shrIkhaNDasharkarasutIrthasugandha lepya | hAridrachUrNa paripUrNa sukhA~Ngavedya svAmin prasIda nR^ihare yadushailanAtha || 27|| kalyANatIrtha sukhamajjanamarjito.asi tvatsUktipAThamukharIkR^itabhUdharo.asi | pa~nchAsya kesarasaTAbahubhUShito.asi svAmin prasIda nR^ihare yadushailanAtha || 28|| nityAbhiSheka bahuveShakutUhalArha bAlAdikAn svapadasevanamAnanArha | mle~nchChAdirAjasahajArpita bhUShaNArha svAmin prasIda nR^ihare yadushailanAtha || 29|| akShNA vikUNita suvR^ittashubhekShaNo.asi daMShTrAsu sundara mukho.asi ghanaprashAnta | hastA~NgulInakha supAdanakhaprakAsha svAmin prasIda nR^ihare yadushailanAtha || 30|| bhAlapradeshavilasattilako.asi deva shmashruprabhAchakitavIryaraso.asi deva | karNAgralolakachalanmadhuro.asi deva svAmin prasIda nR^ihare yadushailanAtha || 31|| madhyapradesha suvirAjitanAgapaTTa hastadvayena suvidhArita yogapaTTa | pAdadvayena suvilomasukhArha paTTa svAmin prasIda nR^ihare yadushailanAtha || 32|| vR^ittAbhirAmamukuTA~nchita divyamUrdhan pArshve supuchCha sukhasundara sanniveshin | UrdhvAgra tat kanakaratnakirITadhArin svAmin prasIda nR^ihare yadushailanAtha || 33|| mArjArakAkapikamUShakapotakAnAM AdhArabhUta narasiMha sukhAdridesha | asmAdR^ishAnapi cha pAlaya sarvabandho svAmin prasIda nR^ihare yadushailanAtha || 34|| nirvIrya niShphala~Nkala~NkakukAryamandAM arthaikadhAvananijashramadUragandhAm | vidyAM vidAraya vibho.ashubhabAlakandAM svAmin prasIda nR^ihare yadushailanAtha || 35|| yogAnR^isiMha tavagarjana sakhyameti sAhastranAmapaThanaM shrutiramyameva | \ldq{}TippU\rdq{} samarpita subherikayA.a.aptanAdaM svAmin prasIda nR^ihare yadushailanAtha || 36|| ghaNTAninAdashubhasUchitaM bhogakAla luNThAkatAM harasi sarvajane salIla | sarvaM samarpitamaho kuruShe sulIla svAmin prasIda nR^ihare yadushailanAtha || 37|| bhojyA.a.asanena rahite paramehi dhAmni ghaNTAravaM kathamaye shruNuShe prabho tvam | chi~nchAnnamIdR^ishamapIha na tatra labhyaM svAmin prasIda nR^ihare yadushailanAtha || 38|| ghaNTAvatAragurughoShaNasaMsmR^itiH sA ghaNTAninAdata aho manasi prabuddhA | ghaNTAraveNa sadasatpriyabhIShaNehA svAmin prasIda nR^ihare yadushailanAtha || 39|| chitrAnnagandha surabhIkR^ita pANipAtrAH mudgAnnadadhyashana sharkarapAvanAnnAH | dhanyA bhavanti muhureva samastabhaktAH svAmin prasIda nR^ihare yadushailanAtha || 40|| sUpapradhAna kaTukA.a.amlarasArkamannaM te shrIphalAdi chaNanirmita vesavAram | bhuktvA kadApi ghanapAyapeyatuShTAH svAmin prasIda nR^ihare yadushailanAtha || 41|| devasya pAdatalatastvadharapradeshe svargya bilaM vilasatIha sukhAtsukhArham | ekatra yatra pR^ithudehi sukaShTaramyaM svAmin prasIda nR^ihare yadushailanAtha || 42|| sarve.api sAtvikatarA manasIva dehe sarvai.api pUritasukhAstava darshanena | sarvai.api bhAvitarasAstvarohaniShThAH svAmin prasIda nR^ihare yadushailanAtha || 43|| mantreShu siddhapuruShAya iha tvadIyAH tApatrayA.a.aturajanAMshcha vimochayanti | yantrA.a.adinA tavahi vatsalatA vareNya svAmin prasIda nR^ihare yadushailanAtha || 44|| nityaM dvivAramathavA.api bahupravAraM rohanti tIrthamapi kAShThachayaM cha havyam | shIrShe vahanti tulasIM tava sarvameva svAmin prasIda nR^ihare yadushailanAtha || 45|| tasmAt khalUttama sukhArha sunidritAste gehe bhavanti puruShAH shishavashcha nAryaH | tvachChAyayAshritamukhAdisamasvarUpAH svAmin prasIda nR^ihare yadushailanAtha || 46|| pa~nchApipANDavasutAhyavasanta yatra dhyAnAdi satkR^itiniketana saumya deshAn | tAM chAbhajanta ghanasAndraguhAM tamistrAM svAmin prasIda nR^ihare yadushailanAtha || 47|| sopAnapArshvagata bhUruha AlapantaH bAlAshcha sa~nchitasumAstava devadAroH | svIyAn gR^ihAnuparitaH kila nirdishati svAmin prasIda nR^ihare yadushailanAtha || 48|| pUrNaM pramaNDalamamuM shubhamaNDanaM te yo vai tu maNDaladinaM paramArthabhaktyA | japtA supAThakR^idatra paratra taM cha svAmin prasIda nR^ihare yadushailanAtha || 49|| iti tirunArAyaNapuraM araiyaradAsasya kR^itiShu nR^iharima~NgalaM sampUrNam | ## Proofread by M K Barman \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}