% Text title            : narasiMhastutiHprahlAda 2
% File name             : narasiMhastutiHprahlAda2.itx
% Category              : vishhnu, dashAvatAra
% Location              : doc\_vishhnu
% Proofread by          : PSA Easwaran psawaswaran at gmail.com
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : May 13, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Narasimhastutihprahlada 2 ..}##
\itxtitle{.. shrInarasiMhastutiHprahlAda 2 ..}##\endtitles ##

(prahlAdakR^itA )
namaste puNDarIkAkSha namaste puruShottama |
namaste sarvakAlAtman namaste tigmachakriNe || 1||
brahmatve sR^ijate vishvaM sthitau pAlayate punaH |
rudrarUpAya kalpAnte namastubhyaM trimUrtaye || 2||
devA yakShAsurAH siddhA nAgA gandharvakinnarAH |
pishAchA rAkShasAshchaiva manuShyAH pashavastathA || 3||
pakShiNaH sthAvarAshchaiva pipIlikasarIsR^ipAH |
bhUrApo.agnirnabho vAyuH shabdaH sparshastathA rasaH || 4||
rUpaM gandho mano buddhirAtmA kAlastathA guNAH |
eteShAM paramArthashcha sarvametattvamachyuta || 5||
vidyAvidye bhavAnsatyaM asatyaM tvaM viShAmR^ite |
pravR^ittaM cha nivR^ittaM cha karma vedoditaM bhavAn || 6||
samastakarmabhoktA cha karmopakaraNAni cha |
tvameva viShNo sarvANi sarvakarmaphalaM cha yat || 7||
mayyanyatra tathA.anyeShu bhUteShu bhuvaneShu cha |
tavaiva vyAptiraishvaryaguNasaMsUchikI prabho || 8||
tvAM yoginashchintayanti  tvAM yajanti cha yAjakAH |
havyakavyabhugekastvaM pitR^idevasvarUpadhR^ik || 9||
rUpaM mahatte sthitamatra vishvaM tatashcha sUkShmaM jagadetadIsha |
rUpANi sarvANi cha bhUtabhedAsteShvantarAtmAkhyamatIva sUkShmam || 10||
tasmAchcha sUkShmAdivisheShaNAnAmagochare yatparamAtmarUpam |
kimapyachintyaM tava rUpamasti tasmai namaste puruShottamAya || 11||
sarvabhUteShu sarvAtman yA shaktiraparA tava |
guNAshrayA namastasyai shAshvatAyai sureshvara || 12||
yA.astIshAgocharA vAchAM manasAM chAvisheShaNA |
j~nAnij~nAnaparichChedyA tAM vande sveshvarIM parAm || 13||
oM namo vAsudevAya tasmai bhagavate sadA |
vyatiriktaM na yasyAsti vyatirikto.akhilasya yaH || 14||
namastasmai namastasmai namastasmai mahAtmane |
nAma rUpaM na yasyaiko yo.astitvenopalabhyate || 15||
yasyAvatArarUpANi samarchanti divaukasaH |
apashyantaH paraM rUpaM namastasmai mahAtmane || 16||
yo.antastiShThannasheShasya pashyatIshaH shubhAshubham |
taM sarvasAkShiNaM vishvaM namasye parameshvaram || 17||
namo.astu viShNave tasmai yasyAbhinnamidaM jagat |
dhyeyaH sa jagatAmAdyaH sa prasIdatu me.avyayaH || 18||
yatrotametatprotaM cha vishvamakSharamavyayam |
AdhArabhUtaH sarvasya sa prasIdatu me hariH || 19||
oM namo viShNave tasmai namastasmai punaH punaH |
yatra sarvaM yataH sarvaM yaH sarvaM sarvasaMshrayaH || 20||
shrIbhagavAnuvAcha \-
sarvagatvAdanantasya sa evAhamavasthitaH |
mattaH sarvamahaM sarvaM mayi sarvaM sanAtane || 21||
ahamevAkShayo nityaH paramAtmA.a.atmasaMshrayaH |
brahmasa.nj~no.ahamevAgre tathA.ante cha paraH pumAn || 22||
prahlAda uvAcha \-
deva prapannArtihara prasAdaM kuru keshava |
avalokanadAnena bhUyo mAM pAvayAchyuta || 23||
nAtha yonisahasreShu yeShu yeShu vrajAmyaham |
teShu teShvachyutA bhaktirachyutAstu sadA tvayi || 24||
yA prItiravivekAnAM viShayeShvanapAyinI |
tvAmanusmarataH sA me hR^idayAnmA.apasarpatu || 25||
namaste puNDarIkAkSha namaste puruShottama |
namaste sarvalokAtman namaste tigmachakriNe || 26||
namo brahmaNyadevAya gobrAhmaNahitAya cha |
jagaddhitAya kR^iShNAya govindAya namo namaH || 27||

iti prahlAdakR^itA 2 shrInarasiMhastutiH samAptA |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}