% Text title            : nArAyaNa kavachaM
% File name             : narayana-kavacha.itx
% Category              : kavacha, vishhnu, narayana, vyAsa, vishnu
% Location              : doc\_vishhnu
% Author                : Maharshi Vyas
% Proofread by          : PSA Easwaran
% Description-comments  : bhAgavatamahApurANa pAramahaMsyAM saMhitAyAM  shhashhThaskandhe nArAyaNavarmakathanaM nAmAshhTamo.adhyAyaH
% Latest update         : January 19, 1999, December 4, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Narayana Kavacham ..}##
\itxtitle{.. shrInArAyaNakavacham ..}##\endtitles ##
OM shrIgaNeshAya namaH |
OM namo nArAyaNAya |
a~NganyAsaH \-
OM OM namaH pAdayoH |
OM naM namaH jAnunoH |
OM moM namaH UrvoH |
OM nAM namaH udare |
OM rAM namaH hR^idi |
OM yaM namaH urasi |
OM NAM namaH mukhe |
OM yaM namaH shirasi ||
karanyAsaH \-
OM OM namaH dakShiNatarjanyAm |
OM naM namaH dakShiNamadhyamAyAm |
OM moM namaH dakShiNAnAmikAyAm |
OM bhaM namaH dakShiNakaniShThikAyAm |
OM gaM namaH vAmakaniShThikAyAm |
OM vaM namaH vAmAnAmikAyAm |
OM teM namaH vAmamadhyamAyAm |
OM vAM namaH vAmatarjanyAm |
OM suM namaH dakShiNAMguShThordhvaparvaNi |
OM deM namaH dakShiNAMguShThAya parvaNi |
OM vAM namaH vAmAMguShThordhvaparvaNi |
OM yaM namaH vAmAMguShThAya parvaNi ||
viShNuShaDakSharanyAsaH  \-
OM OM namaH hR^idaye |
OM viM namaH mUrdhani |
OM ShaM namaH bhruvormadhye |
OM NaM namaH shikhAyAm |
OM veM namaH netrayoH |
OM naM namaH sarvasandhiShu |
OM maH astrAya phaT prAchyAm |
OM maH astrAya phaT AgneyAm |
OM maH astrAya phaT dakShiNasyAm |
OM maH astrAya phaT nairR^itye |
OM maH astrAya phaT pratIchyAm |
OM maH astrAya phaT vAyavye |
OM maH astrAya phaT udIchyAm |
OM maH astrAya phaT aishAnyAm |
OM maH astrAya phaT UrdhvAyAm |
OM maH astrAya phaT adharAyAm ||
atha shrInArAyaNakavacham |
rAjovAcha |
yayA guptaH sahasrAkShaH savAhAnripusainikAn |
krIDanniva vinirjitya trilokyA bubhuje shriyam || 1||
bhagavaMstanmamAkhyAhi varma nArAyaNAtmakam |
yathA.a.atatAyinaH shatrUn yena gupto.ajayanmR^idhe || 2||
shrIshuka uvAcha |
vR^itaH purohitastvAShTro mahendrAyAnupR^ichChate |
nArAyaNAkhyaM varmAha tadihaikamanAH shR^iNu || 3||
vishvarUpa uvAcha |
dhautA~NghripANirAchamya sapavitra uda~NmukhaH |
kR^itasvA~NgakaranyAso mantrAbhyAM vAgyataH shuchiH || 4||
nArAyaNamayaM varma sannahyedbhaya Agate |
pAdayorjAnunorUrvorudare hR^idyathorasi || 5||
mukhe shirasyAnupUrvyAdo~NkArAdIni vinyaset |
OM namo nArAyaNAyeti viparyayamathApi vA || 6||
karanyAsaM tataH kuryAddvAdashAkSharavidyayA |
praNavAdiyakArAntama~Ngulya~NguShThaparvasu || 7||
nyaseddhR^idaya o~NkAraM vikAramanu mUrdhani |
ShakAraM tu bhruvormadhye NakAraM shikhayA dishet || 8||
vekAraM netrayoryu~njyAnnakAraM sarvasandhiShu |
makAramastramuddishya mantramUrtirbhavedbudhaH || 9||
savisargaM phaDantaM tat sarvadikShu vinirdishet |
OM viShNave nama iti || 10||
AtmAnaM paramaM dhyAyeddhyeyaM ShaTshaktibhiryutam |
vidyAtejastapomUrtimimaM mantramudAharet || 11||
OM harirvidadhyAnmama sarvarakShAM
        nyastA~NghripadmaH patagendrapR^iShThe |
darAricharmAsigadeShuchApa\-
        pAshAndadhAno.aShTaguNo.aShTabAhuH || 12||
jaleShu mAM rakShatu matsyamUrti\-
         ryAdogaNebhyo varuNasya pAshAt |
sthaleShu mAyAvaTuvAmano.avyAt
        trivikramaH khe.avatu vishvarUpaH || 13||
durgeShvaTavyAjimukhAdiShu prabhuH
        pAyAnnR^isiMho.asurayUthapAriH |
vimu~nchato yasya mahATTahAsaM
        disho vinedurnyapataMshcha garbhAH || 14||
rakShatvasau mAdhvani yaj~nakalpaH
           svadaMShTrayonnItadharo varAhaH |
rAmo.adrikUTeShvatha vipravAse
            salakShmaNo.avyAdbharatAgrajo.asmAn || 15||
mAmugradharmAdakhilAtpramAdA\-
           nnArAyaNaH pAtu narashcha hAsAt |
dattastvayogAdatha yoganAthaH
           pAyAdguNeshaH kapilaH karmabandhAt || 16||
sanatkumAro.avatu kAmadevA\-
          ddhayashIrShA mAM pathi devahelanAt |
devarShivaryaH puruShArchanAntarAt
          kUrmo harirmAM nirayAdasheShAt || 17||
dhanvantarirbhagavAnpAtvapathyA\-
         ddvandvAdbhayAdR^iShabho nirjitAtmA |
yaj~nashcha lokAdavatA~njjanAntA\-
         dbalo gaNAtkrodhavashAdahIndraH || 18||
dvaipAyano bhagavAnaprabodhA\-
         dbuddhastu pAkhaNDagaNapramAdAt |
kalkiH kaleH kAlamalAtprapAtu
         dharmAvanAyorukR^itAvatAraH || 19||
mAM keshavo gadayA prAtaravyA\-
         dgovinda Asa~NgavamAttaveNuH |
nArAyaNaH prAhNa udAttashakti\-
         rmadhyandine viShNurarIndrapANiH || 20||
devo.aparAhne madhuhogradhanvA
         sAyaM tridhAmAvatu mAdhavo mAm |
doShe hR^iShIkesha utArdharAtre
         nishItha eko.avatu padmanAbhaH || 21||
shrIvatsadhAmApararAtra IshaH
         pratyUSha Isho.asidharo janArdanaH |
dAmodaro.avyAdanusandhyaM prabhAte
         vishveshvaro bhagavAn kAlamUrtiH || 22||
chakraM yugAntAnalatigmanemi
         bhramatsamantAdbhagavatprayuktam |
dandagdhi dandagdhyarisainyamAshu
         kakShaM yathA vAtasakho hutAshaH || 23||
gade.ashanisparshanavisphuli~Nge
         niShpiNDhi niShpiNDhyajitapriyAsi |
kUShmANDavainAyakayakSharakSho\-
         bhUtagrahAMshchUrNaya chUrNayArIn || 24||
tvaM yAtudhAnapramathapretamAtR^i\-
         pishAchavipragrahaghoradR^iShTIn |
darendra vidrAvaya kR^iShNapUrito
         bhImasvano.arerhR^idayAni kampayan || 25||
tvaM tigmadhArAsivarArisainya\-
         mIshaprayukto mama Chindhi Chindhi |
chakShUMShi charma~nChatachandra ChAdaya
         dviShAmaghonAM hara pApachakShuShAm || 26||
yanno bhayaM grahebhyo.abhUtketubhyo nR^ibhya eva cha |
sarIsR^ipebhyo daMShTribhyo bhUtebhyoM.ahobhya eva cha || 27||
sarvANyetAni bhagavannAmarUpAstrakIrtanAt |
prayAntu sa~NkShayaM sadyo ye naH shreyaHpratIpakAH || 28||
garuDo bhagavAn stotrastobhashChandomayaH prabhuH |
rakShatvasheShakR^ichChrebhyo viShvaksenaH svanAmabhiH || 29 ||
sarvApadbhyo harernAmarUpayAnAyudhAni naH |
buddhIndriyamanaHprANAnpAntu pArShadabhUShaNAH || 30||
yathA hi bhagavAneva vastutaH sadasachcha yat |
satyenAnena naH sarve yAntu nAshamupadravAH || 31||
yathaikAtmyAnubhAvAnAM vikalparahitaH svayam |
bhUShaNAyudhali~NgAkhyA dhatte shaktIH svamAyayA || 32||
tenaiva satyamAnena sarvaj~no bhagavAn hariH |
pAtu sarvaiH svarUpairnaH sadA sarvatra sarvagaH || 33||
vidikShu dikShUrdhvamadhaH samantA\-
             dantarbahirbhagavAnnArasiMhaH |
prahApaya.NlokabhayaM svanena
             svatejasA grastasamastatejAH || 34||
maghavannidamAkhyAtaM varma nArAyaNAtmakam |
vijeShyasya~njasA yena daMshito.asurayUthapAn || 35||
etaddhArayamANastu yaM yaM pashyati chakShuShA |
padA vA saMspR^ishetsadyaH sAdhvasAtsa vimuchyate || 36||
na kutashchidbhayaM tasya vidyAM dhArayato bhavet |
rAjadasyugrahAdibhyo vyAghrAdibhyashcha karhichit || 37||
imAM vidyAM purA kashchitkaushiko dhArayan dvijaH |
yogadhAraNayA svA~NgaM jahau sa marudhanvani || 38||
tasyopari vimAnena gandharvapatirekadA |
yayau chitrarathaH strIbhirvR^ito yatra dvijakShayaH || 39 ||
gaganAnnyapatatsadyaH savimAno hyavAkshirAH |
sa vAlakhilyavachanAdasthInyAdAya vismitaH |
prAsya prAchIsarasvatyAM snAtvA dhAma svamanvagAt || 40||
shrIshuka uvAcha |
ya idaM shR^iNuyAtkAle yo dhArayati chAdR^itaH |
taM namasyanti bhUtAni muchyate sarvato bhayAt || 41||
etAM vidyAmadhigato vishvarUpAchChatakratuH |
trailokyalakShmIM bubhuje vinirjitya mR^idhe.asurAn ||  42||

|| iti shrImadbhAgavatamahApurANe pAramahaMsyAM saMhitAyAM
ShaShThaskandhe nArAyaNavarmakathanaM nAmAShTamo.adhyAyaH ||
##
The nyAsa in the beginning is from 13 kavacha sangraha.
The kavacha is from Bhagavatam and does not include nyAsa system.

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}