% Text title            : navaratnastotram
% File name             : navaratnastotram.itx
% Category              : vishhnu, krishna, puShTimArgIya, nava, vallabhaachaarya
% Location              : doc\_vishhnu
% Author                : vallabhAchArya
% Proofread by          : PSA Easwaran psawaswaran at gmail.com
% Description/comments  : puShTimArgIya stotraratnAkara
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. navaratnastotram ..}##
\itxtitle{.. navaratnastotram ..}##\endtitles ##

chintA kApi na kAryA niveditAtmabhiH kadApIti |
bhagavAnapi puShTistho na kariShyati laukikIM cha gatim || 1||
nivedanaM tu smartavyaM sarvathA tAdR^ishairjanaiH |
sarveshvarashcha sarvAtmA nijechChAtaH kariShyati || 2||
sarveShAM prabhusambandho na pratyekamiti sthitiH |
ato.anyaviniyoge.api chintA kA svasya so.api chet || 3||
aj~nAnAdatha vA j~nAnAt kR^itamAtmanivedanam |
yaiH kR^iShNasAtkR^itaprANaisteShAM kA parivedanA || 4||
tathA nivedane chintA tyAjyA shrIpuruShottame |
viniyoge.api sA tyAjyA samartho hi hariH svataH || 5||
loke svAsthyaM tathA vede haristu na kariShyati |
puShTimArgasthito yasmAtsAkShiNo bhavatA.akhilAH || 6||
sevAkR^itirgurorAj~nAbAdhanaM vA harIchChayA |
ataH sevAparaM chittaM vidhAya sthIyatAM sukham || 7||
chittodvegaM vidhAyApi hariryadyatkariShyati |
tathaiva tasya lIleti matvA chintAM drutaM tyajet || 8||
tasmAtsarvAtmanA nityaM shrIkR^iShNaH sharaNaM mama |
vadadbhirevaM satataM stheyamityeva me matiH || 9||

iti shrIvallabhAchAryavirachitaM navaratnastotraM samAptam |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}