% Text title            : Nikamadevakhyadvijakritam Balakrishna Stotram
% File name             : nikAmadevAkhyadvijakRRitaMbAlakRRiShNastotram.itx
% Category              : vishhnu, vishnu, krishna, lakShmInArAyaNIyasaMhitA, stotra
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 4 | adhyAya 26/48-100||
% Latest update         : May 15, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nikamadevakhyadvijakritam Balakrishna Stotram ..}##
\itxtitle{.. nikAmadevAkhyadvijakR^itaM bAlakR^iShNastotram ..}##\endtitles ##
evaMvidhaM tu mAM dhyAyan pUjya sanmAnya mAnada |
avApsyasi dhruvaM tAta shAshvataM me.akSharaM padam || 48||
ityevaM bodhito vipro nikAmadeva AdR^itaH |
mahAharShaM samApannaH sAmovAcha tu nirbhayam || 49||
nR^ityan gAyan hasan dehaM kUrdayan cheShTayan muhuH |
uvAchA.a.aveshayogena nirbhayaM sAma gAyanam || 50||
\ldq{}bAlakR^iShNaM prapanno.asmi kiM me kAlaH kariShyati |
akShareshaM parameshaM brahmeshaM puruShottamam || 51||
sha~NkhachakragadApadmadhAriNaM parameshvaram |
adhokShajaM prapanno.asmi kiM me mR^ityuH kariShyati || 52||
anAdishrIkR^iShNanArAyaNaM shrIpatimachyutam |
gopAlajaM prapanno.asmi kiM me mAyA kariShyati || 53||
sarvAvatAriNaM sarvashaktisevitamAdhavam |
kAmbhareyaM prapanno.asmi kiM me pApaM kariShyati || 54||
ku~NkumavApikAtIrthaM lomashasya shubhAshramam |
ashvasaraH prapanno.asmi kiM me karma kariShyati || 55||
bhagavantaM sarvadhAmnAM nArAyaNanarAyaNam |
rAdhAkAntaM prapanno.asmi kiM me tR^iShNA kariShyati || 56||
mAyAtAraM kR^iShNanArAyaNaM shrImAdhavIpatim |
mANikIshaM prapanno.asmi kiM me kAmaH kariShyati || 57||
sarvAntaryAmiNaM sAkShAdbAlayoginIsvAminam |
parameshaM prapanno.asmi kiM me bhrAntiH kariShyati || 58||
akShareshaM cha mukteshaM muktAnikApatiM harim |
brahmapriyeshaM prApto.asmi kiM me sampat kariShyati || 59||
IshvareshaM cheshvarANIpatiM haripriyApatim |
prabhumpatiM prapanno.asmi ki me tamaH kariShyati || 60||
padmAvatIsvAminaM cha jaDachetanavartinam |
lakShmInAthaM prapanno.asmi kiM vAsanA kariShyati || 61||
ekarUpaM bahurUpaM vishvarUpaM tu bAlakam |
satAM patiM prapanno.asmi kiM me bandhaH kariShyati\rdq{} || 66||
\ldq{}OM namaH shrIkR^iShNanArAyaNAya pataye svAhA\rdq{} |
namo.akSharanivAsAya namo golokavAsine || 63||
namo vaikuNThanAthAya namaH shrIpuravAsine |
namo lalitAkAntAya sarvakAntAya te namaH || 64||
bAlayoginIkAntAya badrIkAntAya te namaH |
nikAmadevanAthAya vAsudevAya te namaH || 65||
namo.amR^itanivAsAya namo.avyAkR^itavAsine |
namaH kailAsavAsAya hiraNyagarbhavAsine || 66||
namaH siddhAdhivAsAya namaH surAdivAsine |
namaH pitR^inivAsAya namo mAnavarUpiNe || 67||
namaH sarvanivAsAya namo madAtmavAsine |
sureshvarIhR^idisthAya namo.anantasvarUpiNe || 68||
namo dehendriyaprANAntarAtmavAsine sadA |
namaste paramAnanda namaste j~nAnasambhR^ita || 69||
namaste j~nAnavij~nAnaprada shrIpuruShottama |
namaste vishvakR^idviShNo namaste sarvakAraNa || 70||
namaste gopagopIsha namaH sarvArthasAdhaka |
namaste.anugrahadAtarnamaste mokShada prabho || 71||
jaya kR^iShNa jaya viShNo mamA.abhayada mAdhava |
jaya shAnta chidAnanda sachchidAnanda keshava || 72||
jaya jIva jayada tvaM jaya sAkShAjjanArdana |
jaya shAstrAdisannyastabIjagarbhAdyupAsana || 73||
tvaM gurustvaM pitA bhrAtA suhR^idbandhuH prasUrmama |
tvaM mokShastvaM parAnandastvaM me sarvasvamachyuta || 74||
tvamuddhartA cha pAtA cha netA tvaM viratirbhavAn |
jagat sarvaM tava rUparUpitaM samprakAshate || 75||
tvaM parabrahma bhagavan devAdyaistu durAsadaH |
mayA tvAsAditashchA.atra bAlayoginIvaibhavAt || 76||
kastvAM jAnAti chAtmesha muktagamyaM parAtparam |
sanAtanapumAMsaM taM purANapuruShottamam || 77||
paraM rUpamajAnto divaukaso maharShayaH |
avatAramayImUrtIste bhajanti sugocharAH || 78||
avatArA bhajante tvAM pumAMsamavatAriNam |
nArAyaNA asa~NkhyAstvAM bhajante paramAyaNam || 79||
nArAyaNyashcha muktAnyastvAM bhajante paraM patim |
santo muktAstvAM bhajante sarvAvasthAsu satpatim || 80||
tavA.aj~nAnena bhagavan mAnuShAdinisargataH |
kShantumarhasi sarvaM me yatkR^itaM na kR^itaM tava || 81||
sarvAvasthAsu sarvatra sarvakAleShu sarvathA |
achalA tu hare bhaktisteM.aghriyuge.astu me prabho || 82||
prItistvayyeva satataM bhavatvAtyantikI mama |
sarvakAmaphaladAtastvayi bhaktirdR^iDhAstu me || 83||
stotraM kartumanantasya kaH shaknoti tu mAnavaH |
tathApi vyApR^itaM vAkyaM kShamasva nAtha te namaH || 84||
puruShottamayogena nirbhayatvaM prajAyate |
tava yogena puruShaH puruShottamatAM vrajet || 85||
adhanyo jAyate dhanyastvasAdhuH sAdhutAM vrajet |
abhAgyo bhAgyavAn syAchcha te stavAt puruShottama || 86||
api lokabahiShkAryA yadi te sharaNaM gatAH |
sAdhushIlA hi te sarve jAyante pa~NktipAvanAH || 87||
yeShAM sarvAdhipe kR^iShNe bhaktiravyabhichAriNI |
api chANDAlakarmANaste.api viprottamottamAH || 88||
api shauchasamAchArAH kR^iShNe te sa~NgavarjitAH |
shmashAnavAsAste sarve sarvakilbiShasambhR^itAH || 89||
tava dhyAnaparA ye cha tava pUjAparAyaNAH |
tava prasAdabhoktAraste sadA vighasAshinaH || 90||
ArAdhya satataM tvAM shrIhariM sarvasukhapradam |
prApya tvAM paramAtmAnameShTavyaM nAvashiShyate || 91||
sAdhubhishchintyate yashcha sAdhvIbhiH kAmyate tu yaH |
pIyate yogamApannairyaH sa kR^iShNo.astu me hR^idi || 92||
bhAvapuShpaiH pUjayAmi shraddhA~njaliprado.asmi cha |
AtmAnaM dakShiNAM kR^itvA.arpayAmi te pareshvara || 93||
yathA sarpiH sharIrasthaM gavAM na kurute balam |
nirgataM karmasaMyuktaM dattaM tAsAM balapradam || 94||
tathA tvaM hR^idayastho.api mAnavAnAM balAya na |
tvameva nirgataH sAkShAdbhUto balAya vidyase || 95||
vinA.a.arAdhanayA kR^iShNa tvaM kR^ipAvashago mama |
pratyakShaM mAnavaM rUpaM dR^iShTaM nArAyaNAchyuta || 96||
sadaiva sevitaM chApi divyaM rUpaM pradarshaya |
yadyahaM pAtramasmyatra kR^ipApAtraM bhavAmi chet || 97||
vipratvaM me gataM chApi tvayyeva tatsamarpitam |
muktatvaM vartate me chet sarvAMshe tava bhaktimAn || 98||
evaM shrIbadarIdevi prArthitaH parameshvaraH |
kR^ipayaiva bhUsurAya divyaM rUpamadarshayat || 99||
akSharasthaM chA.avatArairasa~NkhyairAprapUritam |
muktairmuktAnikAbhishcha sevitaM kamalAdibhiH || 100||

iti shrIlakShmInArAyaNIyasaMhitAyAH tiShyasantAnAtmakasya chaturthakhaNDe
26\-adhyAyAntargataM nikAmadevAkhyadvijakR^itaM bAlakR^iShNastotraM sampUrNam |

lakShmInArAyaNIyasaMhitA | khaNDa 4| adhyAya 26/48\-100||
##
lakShmInArAyaNIyasaMhitA . khaNDa 4. adhyAya 26/48-100..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}