% Text title            : nirodhalakShaNam
% File name             : nirodhalakShaNam.itx
% Category              : vishhnu, krishna, puShTimArgIya, vallabhaachaarya, vishnu
% Location              : doc\_vishhnu
% Author                : vallabhAchArya
% Proofread by          : PSA Easwaran psawaswaran
% Description/comments  : puShTimArgIya stotraratnAkara
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. nirodhalakShaNam ..}##
\itxtitle{.. nirodhalakShaNam ..}##\endtitles ##

yachcha duHkhaM yashodAyA nandAdInAM cha gokule |
gopikAnAM tu yadduHkhaM tadduHkhaM syAnmama kvachit || 1||
gokule gopikAnAM cha sarveShAM vrajavAsinAm |
yatsukhaM samabhUttanme bhagavAn kiM vidhAsyati || 2||
uddhavAgamane jAta utsavaH sumahAnyathA |
vR^indAvane gokule vA tathA me manasi kvachit || 3||
mahatAM kR^ipayA yAvadbhagavAn dayayiShyati |
tAvadAnandasandohaH kIrtyamAnaH sukhAya hi || 4||
mahatAM kR^ipayA yadvatkIrtanaM sukhadaM sadA |
na tathA laukikAnAM tu snigdhabhojanarUkShavat || 5||
guNagAne sukhAvAptirgovindasya prajAyate |
yathA tathA shukAdInAM naivAtmani kuto.anyataH || 6||
klishyamAnA~njanAndR^iShTvA kR^ipAyukto yadA bhavet |
tadA sarvasadAnandahR^idisthaM nirgataM bahiH || 7||
sarvAnandamayasyApi kR^ipAnandaH sudurlabhaH |
hR^idgataH svaguNAchChrutvA pUrNaH plAvayate janAn || 8||
tasmAtsarvaM parityajya niruddhaiH sarvadA guNAH |
sadAnandaparairgeyAH sachchidAnandatA tataH || 9||
ahaM niruddho rodhena nirodhapadavIM gataH |
niruddhAnAM tu rodhAya nirodhaM varNayAmi te || 10
hariNA ye vinirmuktAste magnA bhavasAgare |
ye niruddhAsta evAtra modamAyAntyaharnisham || 11||
saMsArAveshaduShTAnAmindriyANAM hitAya vai |
kR^iShNasya sarvavastUni bhUmna Ishasya yojayet || 12||
guNeShvAviShTachittAnAM sarvadA muravairiNaH |
saMsAravirahakleshau na syAtAM harivatsukham || 13||
tadA bhaveddayAlutvamanyathA krUratA matA |
bAdhasha~NkApi nAstyatra tadadhyAso.api sid.h{}dhyati || 14||
bhagavaddharmasAmarthyAdvirAgo viShaye sthiraH |
guNairhareH sukhasparshAnna duHkhaM bhAti karhichit || 15||
evaM j~nAtvA j~nAnamArgAdutkarSho guNavarNane |
amatsarairalubdhaishcha varNanIyAH sadA guNAH || 16||
harimUrtiH sadA dhyeyA sa~NkalpAdapi tatra hi |
darshanaM sparshanaM spaShTaM tathAkR^itigatI sadA || 17||
shravaNaM kIrtanaM spaShTaM putre kR^iShNapriye ratiH |
pAyormalAMshatyAgena sheShabhAgaM tanau nayet || 18||
yasya vA bhagavatkAryaM yadA spR^iShTaM na dR^ishyate |
tadA vinigrahastasya kartavya iti nishchayaH || 19||
nAtaH parataro mantro nAtaH parataraH stavaH |
nAtaH paratarA vidyA tIrthaM nAtaH parAtparam || 20||

iti shrIvallabhAchAryavirachitaM nirodhalakShaNaM samAptam |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}