% Text title            : Nirveda Taravali
% File name             : nirvedatArAvalI.itx
% Category              : vishhnu
% Location              : doc\_vishhnu
% Author                : kaushikaraNganAthasUri
% Proofread by          : Rajesh Thyagarajan
% Description/comments  : From Stotrasamuchchaya 2, Edited by Pandit K. Parameshwara Aithal
% Latest update         : May 10, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nirveda Taravali ..}##
\itxtitle{.. nirvedatArAvalI ..}##\endtitles ##
tarkeShu karkashatarApi madIyavANI naivojjahAti mR^idutAM kavitAprasa~Nge |
daMShTrAgramudbhaTasurArigirIndrabhedi kAntAdhare narahareH sukumArameva || 1||
kadA vA susnAto jalanidhisutAnAthacharaNa\-
      dvayAmbhojashraddhAsurasariti shuddhAtmahR^idayaH |
duhAnaM nirvANaM vasutilakamaShTAkSharamanuM
      mudA jApA~njApaM nimiShamiva neShyAmi divasAn || 2||
kadA vA nirlajjaM sukhataditare chApi tulayan
      samo nindAstutyorapi kalitashItoShNasahanaH |
prakR^ityevonmatto danujaripunAmAni bahudhA
      japa~nChR^iNvan gAyan nimiShamiva neShyAmi divasAn || 3||
kadA vA sammohAn viShayajanitAn budbudanibhAn
      dhigityetAnalpAn jaDajanamanomohanaphalAn |
parityajya prAj~nairmuraripupadAbjaikasharaNaiH
      pariShvaktaH sukhyan nimiShamiva neShyAmi divasAn || 4||
kadA vA saMsargaM paramapuruShadhyAnavimukhaiH
      sukhabhrAntyA pa~Nke mahati nipatadbhiH pariharan |
satAM sa~NgAjjAnannatha cha haridAsyaikavibhavaM
      svamAtmAnaM hR^iShyan nimiShamiva neShyAmi divasAn || 5||
kadA vA dIno.api prabaladanujArAticharaNa\-
      dvayAmbhojashraddhAkavachakhachitA~Ngo gatabhayaH |
apehi tvaM dUraM yamabhaTa vR^ithA te praharaNaM
      mayIti vyAkroshan nimiShamiva neShyAmi divasAn || 6||
kadA vA satkarmANyanudinamudAreNa manasA
      yathAshaktyAtiShThan haricharaNayorarpitaphalaH |
sudhIbhistrayyantapravaNamatibhiH sAdhu vimR^ishan
      gurUNAM shrIsUktIrnimiShamiva neShyAmi divasAn || 7||
kadA vA vetAlIM druhiNashatapUrNAyuravadhiM
      vivekaM dhunvAnAM viphaladhanachintAM vijahati |
navAdarshasvachChe mama manasi nAthe pratiphala\-
      tyamandAnando.ahaM nimiShamiva neShyAmi divasAn || 8||
kadA vA dAvAgnermR^iga iva haridveShijanatA\-
      mukhAlokAd bhIto bhagavadanubhUtyAhitahR^idAm |
satAM tu prekShAtaH kuvalayadR^ishAM kAmuka iva
      praharShAdunmatto nimiShamiva neShyAmi divasAn || 9||
kadA vA jitvArIn ShaDapi paravR^ittyAhamasatAM
      kathAyAmuttIrNo nipuNagaNanAM prAgiva tataH |
satAmeva prAptastridashamahitairdAsyavibhavai\-
      ramIShAM nirviShTairnimiShamiva neShyAmi divasAn || 10||
kadA vA ghorebhyo jaTharapiTharApUraNakR^ite
      kR^itebhyaH pApebhyo nirayajanakebhyo.atichakitaH |
hare lakShmIkAnta dviradavarabandho madhuripo
      dayasvetyAkroshan nimiShamiva neShyAmi divasAn || 11||
kadA vA kAntAre viShamaviShayAkhye tata ito
      yathechChAsa~nchArAt kathamapi nivartyA~Nghriyugale |
murArerAlAne hR^idayamurudantAvalamimaM
      nirundhan niShpandaM nimiShamiva neShyAmi divasAn || 12||
kadA vA mAMsAsR^i~NmayavapuShi samproShitaruchi\-
      staTitkalpe svalpe tridashanilayotthe.api cha sukhe |
mahAnandabrahmAnubhavakutukI kAlagaNanA\-
      samAsakto nityaM nimiShamiva neShyAmi divasAn || 13||
kadA yA kAmAdyairanupahatachittena murajit\-
      padaikAlambena prashamanidhinA kenachidiha |
kvachijjuShTe deshe kR^itavasatiranyAnadhigate
      tadIyaiH saMlApairnimiShamiva neShyAmi divasAn || 14||
kadA vA nAthaikapravaNahR^idayeShu trikaraNaiH
      svasattAlopAderjanitamaparAdhaM pariharan |
prabhorAj~nAsetoH sakR^idapi mahAnigrahaphalAd
      vibhedAt santrasto nimiShamiva neShyAmi divasAn || 15||
kadA vA khaNDendupratimanakharekhAMshulaharI\-
      parIvAhaiH shashvanmanasi vimalaiH kShAlitamalaH |
galatsammohAshru prakaTapulakaM chApi charaNau
      harerdhyAyandhyAyaM nimiShamiva neShyami divasAn || 16||
kadA vA kaMsAreshcharaNaparicharyApraNayinAM
      satAM sa~NgaM labdhvA sukR^itaparipAkaikasulabham |
pavitraM chitraM tachcharitamamR^itasyandasubhagaM
      tataH shrAvaMshrAvaM nirmiShamiva neShyAmi divasAn || 17||
kadA vA kAlindItaTaparisare veNuninadaiH
      pavitre sutrAmaprabhR^itimahite vallavashishoH |
janitvA bandhUko vakulaviTapI vAtha kuTaja\-
      stribhistApaistyakto nimiShamiva neShyAmi divasAn || 18||
kadA vA gopInAM karakamalasaMvAhanavidhi\-
      kShamaM shrutyanteShu prathitavibhavaM vallavashishoH |
padAmbhojaM shrImadvijayarathabhUShAyitamahaM
      hR^idi premNA rundhan nimiShamiva neShyAmi divasAn || 19||
kadA vA santrasto viShamaviShayAhIndrapaTalAt
      pumAMsaM prAchInaM ravikulanarendraM sharaNayan |
aye pAhi svAmin sakR^idavanatatrANakutuka
      prasIdeti kroshan nimiShamiva neShyAmi divasAn || 20||
kadA vA sAmodairmarakatashilAbha~Ngasubhagai\-
      rvanAt svenAnItaistulasidalavR^indairabhinavaiH |
samabhyarchya shrImadraghupatipadatrANayugalaM
      dadhAno mUrdhnAhaM nimiShamiva neShyAmi divasAn || 21||
kadA vA sadvR^itto jagati gaNanIyo dhuri satAM
      sthirapraj~naH shrImAn bharata iva santyajya mamatAm |
gR^ihArAmakShetrAdiShu raghupatestAni charaNe
      samarpya svastho.ahaM nimiShamiva neShyAmi divasAn || 22||
kadA vA gabhbhIre prakR^itimarukAntArajaThare
      vR^ithA yAtAyAtaiH shramamadhigataH kevalamaham |
guNArAme rAme sakalasulabhAyAM gurukR^ipA\-
      sudhAvApyAM majjan nimiShamiva neShyAmi divasAn || 23||
kadA vA vaidehIramaNacharaNanyAsasubhage
      marutpotAkrAnte mahati sarayUrodhasi vasan |
manuM shrIrAmeti praNatajanachintAsurataruM
      japa~nChashvad bhaktyA nimiShamiva neShyAmi divasAn || 24||
kadA vA sAkete sakalajagadaMhaH prashamanaM
      rajaH srastaM vIthyAM raghukulapatera~NghrijalajAt |
pratIkeShvAlimpan niTilabhuvi kurveMshcha tilakaM
      vahan mUrdhnA dhanyo nimiShamiva neShyAmi divasAn || 25||
kadA vA sAkete rathacharaNasha~NkhA~Nkushayava\-
      dhvajAmbhojachChatrA~NkitacharaNamudrAparichayaiH |
pratolyAM puNyAyAM raghukulasudhAMshoH pariluThan
      surendrairlAlyo.ahaM nimiShamiva neShyAmi divasAn || 26||
kadA vA raktAmbhoruhadalasuvarNA~NgulitalaM
      naman nAkishreNImakuTamaNirochiHshabalitam |
padaM sItAjAneH kanakamayapIThe vinihitaM
      dR^ishA sAkShAtkurvan nimiShamiva neShyAmi divasAn || 27||
kadA vApAdAgraM raghutilakamAchUDamuchitai\-
      ranardhairlAvaNyairiva vilasitaM bhUShaNagaNaiH |
chiraM darshandarshaM pramadabharaniHShpandanayanaH
      kR^itArthammanyo.ahaM nimiShamiva neShyAmi divasAn || 28||

iti shrIkaushikara~NganAthasUrikR^itA nirvedatArAvalI samAptA |
stotrasamuchchayaH 2 (63)
##

The nirvedatArAvalI (63) is a fine specimen of
devotional lyric expressing the yearning of the
devotee to be constantly engaged in the service
of the Lord repeating his names.

Proofread by Rajesh Thyagarajan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}