% Text title            : Shri Nityanandasvamikrita Shrihari Stuti
% File name             : nityAnandasvAmikRRitAshrIharistutiH.itx
% Category              : vishhnu, svAminArAyaNa, krishna, stuti
% Location              : doc\_vishhnu
% Author                : nityAnandasvAmi
% Acknowledge-Permission: Swaminarayan Sampradaya
% Latest update         : August 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Nityanandasvamikrita Shrihari Stuti ..}##
\itxtitle{.. shrInityAnandasvAmikR^itA shrIharistutiH ..}##\endtitles ##
(upajAtiH)
AnandadhAmaikamanantamAdyaM munIndradevendrasamarchyarUpam |
aNoraNIyAMsamaho dayAluM shrIsvAminArAyaNamAnamAmi || 1||
hariM ghanashyAmamanAdinAthaM shrIvarNirAjaprabhunIlakaNTham |
vR^iShapriyaM bhaktisutaM munIshaM shrIsvAminArAyaNamAnamAmi || 2||
AnandarUpaM samabhAvasaMsthaM pApaughanAshaM sumano.abhirAmam |
nijAshritavyAdhiharaM kR^ipAluM shrIsvAminArAyaNamAnamAmi || 3||
vidyotamAnaM sujaTAkalApairvibhAsamAnaM tulasIsuhAraiH |
sadUrdhvapuNDreNa chakAsamAnaM shrIsvAminArAyaNamAnamAmi || 4||
yadakSharaM vedapurANadiShTaM gItAsugItaM prathitaM yadAste |
tadakShare dhAmani rAjamAnaM shrIsvAminArAyaNamAnamAmi || 5||
asArasaMsArasamudrasetuM pIyUShavarShaM vividhasvarUpam |
AdityavarNaM tamaso vidUraM shrIsvAminArAyaNamAnamAmi || 6||
yanmUrtirUpaM paramaM chakAsti tadvarjitaM ki~nchidapIha nAsti |
ayamarghyaM prabhuvaryamIshaM shrIsvAminArAyaNamAnamAmi || 7||
yachChAsanAd vishvamidaM sutantraM yaddarshanAt sarvamidaM subhavyam |
taM sachchidAnandamayampareshaM shrIsvAminArAyaNamAnamAmi || 8||
yaddhAmakoTyarkavidhuprakAshaM yadvarNanaM vA~NmanasAtidUram |
tatrAvatArI prabhurasti yo.addhA shrIsvAminArAyaNamAnamAmi || 9||
gR^ihNAtyasau dAtumaho prabhUtaM karotyasau karma janAn prapAtum |
yastrAyate ghaurakaleH prabhAvAch\-shrIsvAminArAyaNamAnamAmi || 10||
yada~Nghrisa~NgAd hR^idaye vishAlaH saMvitprakAsho mudamAtanoti |
dhyAyanti nityaM cha yamakSharAdyAH shrIsvAminArAyaNamAnamAmi || 11||
yadAshritAH saMsR^itipAshamuktAstadakSharaM dhAma paraM vrajanti |
anAdimuktasthitimApnuvanti shrIsvAminArAyaNamAnamAmi || 12||

iti shrI svAminArAyaNabApAcharitrAmR^itasAgare tR^itIyapravAhe
trayastriMshattame tara~Nge nityAnandasvAmikR^itA shrIharistutiH sampUrNA |
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}