% Text title            : Panduranga Stotram 4
% File name             : pANDurangastotram4.itx
% Category              : vishhnu, vishnu, moropanta, stotra
% Location              : doc\_vishhnu
% Author                : Mayurakavi or Moropanta
% Proofread by          : Rajesh Thyagarajan
% Description/comments  : Stotras composed by Moropanta mayUrakavi
% Latest update         : December 23, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Panduranga Stotram 4 ..}##
\itxtitle{.. pANDura~Ngastotram 4 ..}##\endtitles ##
(chaturtham)
(sragdharAvR^ittam)
shrIjAne! pANDura~Nga! tvamiha kaliyuge darshanAtpAsi pApA\-
nityAkhyAtaM dayArdraiH sumatibhirasakR^ittvajjanaiH satyasandhaiH |
tatsatyaM manyamAno.ahamapi tava vibho! |.apashyamevA~NghripadmaM
niShpApo.asmIti manye, tadapi khalu kuto.ayApi no tApashAntiH || 1||
vairAgyaM no na bhaktirna cha paricharaNaM sajjanAnAM batAsmA\-
ddhetostApopashAntirna mama yadi vibho! satyama~NgIkR^itaM me(1);
ko brUyAtsAkShiNaste pura iha vitathaM deva! | kintvatra ki~nchit
pR^ichChAsi tvAM namasyannanu kaluShahate tAni kiM santi pUrvaM ? || 2||
nAmno mAhAtmyataste bahava iha kalau viThThala ! prApuragryAM
shAntiM bhaktiM viraktiM gatimabhilaShitAM (2)yogibhirnAradAdyaiH |
tatte nAma shrutaM me.asakR^idapi cha vibho! | gItamuchchaistvadIyai\-
rhA kaShTaM naShTamadyApyatiguru na kathaM jAlamAH(3) saMshayAnAM ? || 3||
tvaM tu svAmin ! sa eva svayamasi tamasi svAshritAnAM pradIpa\-
srAtA yoM.atevasAyiprabhR^itimaladhiyAM kIrtanAdeva nAmnAm |
vipreShvatyAdaraste.avasi yadi sharaNaM tAnsvapAdAbjamAptAna
kiM chitraM viThThalAyaM dvijakulaja iti (4)trAhi mAM dInamadya || 4||
pApo.ahaM pApakarmeti cha satatamahaM snAnakAle bravImi |
kR^itvA pApaM kathaM me kR^itamiti bahushashchApi tapto bhavAmi ?
svAmin ! | rakSha kShamasvetyasakR^idapi vibho! prArthanAM te karomi |
brUhyanyatkiM karomi prabhuvara !? charaNau te.artishAntyai smarAmi || 5||
dIno.ahaM dInabandhustvamahamaghanidhiH pAvanastvaM prasiddho
bhIto.ahaM kAladaNDAchCharaNamupagatastvAmasi tvaM sharaNyaH
dAtA tvaM sadvarANAM varadagururahaM yAchakastvaM dayAvA\-
nArto.ahaM tvaM kShamAvAnahamapi vinataH pAdayoH sAparAdhaH || 6||
mAM kAmakrodhalobhAdibhiraribhiraraM chetasA mohitena
prastaM kiM nAtha! duShTo.ayamiti paraveshaM manyase me na doShaH ?
yAto daivena dInaH prabalakhalavashaM nirdayaiH pIDyamAna\-
stvAM smartuM nAlamanyatkimatha kathaya te ko.atra sevAvakAshaH? || 7||
sAkShI pashyasyapi tvaM svayamanayakR^ito.arInShaDagrAnsamartho
hu~NkAreNApi duShTAnasi bhuvanapate ! bhasmasAtkartumetAn |
hu~NkAreNAlamAramA(5) prabhuvara ! | bhavato mAstvihAyAsapAtraM
dR^iShTyA kiM na syurete bhasitamayi vibho! mayyupekShaiva nUnaM ? || 8||
dInopekShAM na kartA tvamahamiti vibho ! vedmi tattUktamartyAM(6)
martyAnAM devatAnAmapi khalu na hi bho tvAM vinAnyo.avitAsti |
shrAntaH prApto.asi nidrAM nanu kimayi vibho ! | tiShThatApIShTakAyAM
lokairAli~NgitenApyaviratamapi sA sevyate chitrametat || 9||
bho nAtha ! prAkR^ito.api prabhuriha bhavati tyaktanidraH kuTumbI
pa~nchAnAM pAlako.api kShaNamapi na manAgjAtu nidrAtyachintaH(7) |
tvaM tvekashchAsahAyo.api cha khalu jagatAM sAdhubhartA purANo
nidrAmAsevase chetkathayatu bhagavAnkA gatirviShTapasya ? || 10||
yogIsho.asvapnanAthaH(8) kathamavanavidhAvekadakShaH kathaM vA
yannidrAlutvamevaM sati matimati na tvayyadaH kiM yashoghnam?
kAlAddasyoH sulubdhAdalamapaharato mochayetkaH samartha\-
stvatto.anyo dInadAsadraviNanidhimimaM(9) mAM drutaM jAgR^ihIsha! || 11||
neyaM nidrA yadi syAdbhagavati jagatAM bhartari tvayyapIshe
gupte kR^itsnApi jIvavyavahR^itiranishaM kiM yathApUrvamAste ?
na hyastaM tigmarashmAvachalamupagate bhAsake bhavyabhAsi
loke dR^iShTA shrutA vA mR^igajalataTinI tatra chaiShAM pravR^ittiH || 12||
no nidrA no samAdhiH kvachidapi na cha te yAtamanyatra chittaM
nUnaM roShaH sadoShe mayi tava bhagavan ! vidyate tena maunam |
naivaitattarkitaM me sumatimatamaye prAkR^ito.api prabhuryat
sadyaH krodhaM jahAti praNatimati(10) kR^itAgasyarAtAvapashi ! || 13||
sha~Nke ra~Nke mayi tvaM prabhuvara kuruShe ka~nchanAmuM vinodaM
kiM vaktAyaM kavirmAmiti kutukitayA shrotukAmo vacho me |
no cheduchchaiH kR^ipAluH kathAmiyadaNuto.apyUnamadyApi kAryaM
kartuM kartA vilambaM na hi giridhara(11) ! te syAttR^iNasyAtibhAraH || 14||
prasto.asmyAkaNThamugraprakR^itimanasijenAhinA(12) bAlabhekaH
pAhyasmAttvaM tvadanyo nanu dR^ishamakarotsAnukampAmibhe(13) kaH ?
stotraM chechChrotukAmo.asyayi mayi vikale bAlishe sevake kAM
shaktiM pashyasyadR^iShTvA dhanamapi kurute kiM shikhI deva ! kekAM ? || 15||
tvaM chedadya prasAdaM dhruva iva kuruShe deva ! bAle mayIha
stotuM syAmeva kAmaM nipuNatarakaviH shrAvyabhavyaprabandhaH |
kaH stotA tAta ! | jAtastava jagati vinAnugrahAdvipradeve\-
ShvanyeShvapyabjayoniH prabhurapi bhavato.anugrahAdeva suj~naH || 16||
mahyaM dehi prabho! svastavakavanavaraM svasya cha prItihetuM
yattvaM stutyAtituShTo hR^idi bhavasi tathA nAnyasarakArakovyA |
nutyA nutyA cha tajj~nairajita! | na vijitaH kairbhavAnpAdadAsai \-
rAptaipto na modaM prabhutilaka ! yathA bhaktavR^indairasa~NgaiH? || 17||
ArabdhAsu tvada~NghristutiShu suradhunIvIchimAlAmalAsu
prAdurbhUte puraste navamudiraghaTAgarvasarvakaSheM.age
bhAvairAli~Ngito.ahaM sakhibhiriva samaM sAtvikairutsavotkai(14)\-
ryukto muktoktinatyA dara iva cha janau svaM vadAsyAM kadA syAM ? || 18||
shrImatyA bhImarathyAstaTabhuvi bhavatA tiShThatA viShTapesha !
svAmin ! saubhAgyamasyA gamitamatinutiM svardhunIbhAgyato.api |
pAthaHsparshAdapa~NkAmalamiyamavanImeva no chandrabhAgA
kartuM kIrtyA trilokImapi cha vijayate tIrthapAdapriyA te || 19||
devAstIrthAni santaH khalu satatamapi snAtumAyAnti harShA\-
ditthaM sAdhUktameva shrutamasakR^idado deva ! dAsena te me;
tasmAdasmAkameShA sakalamaladhiyAM nAtha ! | mAteva sadyaH
pa~NkaprakShAlanena priyamuchitamaraM kiM na kuryAdrayArdrAH ? || 20||
bho shrImaviThThala ! shrIpatimatithirahaM tvAmupeto.asmi | kiM mAM
satkAryaM nAdriyante bata bhavadanugAH sAdhavaH sadvichArAH ?
brahmaNya stvaM tu lakShmyA vasasi dayitayA nityamantaHpure hA! |
kaShTaM ! naShTaM vrataM te | mama cha yadaphalaprArthanaH sannivR^ittaH || 21||
bho brahman ! puNDarIka! dvijavara! bhavataH svAsthyamabhyetu chittaM
\ldq{}dInAMstApatrayArtAn sharaNamupagatAnuddhariShye.ahamAshu\rdq{}
 ityevaM suprasiddhaM suramunisavidhaM yatpratij~nAtamagre
tatsatyaM satyasandhastvamiha kaliyuge kurvaghAre ! namaste || 22||
duHkhAbdheruddhR^itAnAM prabhuvara ! bhavatA mAdR^ishAnAM janAnA\-
mAkaNThaM tarpitAnAmalamamR^itarasenottamenAdareNa |
AshIbhiH puShkalAbhirjagati nR^ipasurairapyaraM durlabhAbhiH(15)
prAptaM pUrvaM yashaste paramamiha punaH prAjyamapyApnuhIsha! || 23||
dInAnAM dainyanAshAtsamupagatamudAmAnanAdAdareNa
prodbhUtA AshiShastvAM patimabhivR^iNate kAntamekaM vareNyam |
daNDyo duShTo.asmi yadyapyahamuchitatarA me gR^ihItuM kubuddhe\-
rAshIrAshIviShasyArpitamaNiriva te syAtprabho bhUShaNAya || 24||

iti shrIrAmanandanamayUreshvarakR^itaM pANDura~NgastotraM samAptaM tachcharaNayorarpitaM cha |
TippaNi
1| bhe iti vibhaktipratirUpakamavyayam | mayetyarthaH |
2| \ldq{}yogino nAradAdyAH\rdq{} iti paThitumuchitam |
3| AH iti manaHkhedeH |
4| trAhItyapANinIyam | trAyasvetyarthaH |
5| he prabhuvara! bhavata AtmA ihAsmin karmaNi AyAsapAtraM mAstu ityanvayaH |
6| tattu tadvachanaM tu mayA artyA pIDyoktamiti yojanA |
7| \ldq{}nidrAti sAdhiH\rdq{} iti pAThaH | sAdhiH manasastApaH |
8| asvapnAnAM devAnAM nAthaH |
9| \ldq{}svIyadAsa\rdq{} iti pAThAntaram |
10| namanapare |
11| giridhareti sAbhiprAyaM visheShaNam | parikarAla~NkAraH |
12| \ldq{}prakR^itipatimanojAhinA\rdq{} iti pAThAntaram | manojo madanaH |
13| nakropapIDite gajendre |
14| utsavenAnandena utkAH utkaNThitA utpannA iti yAvat |
15| hastadoShaH\-j |
##
Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}