% Text title            : Papa Prashamana Stotram
% File name             : pApaprashamanastotram.itx
% Category              : vishhnu
% Location              : doc\_vishhnu
% Proofread by          : PSA Easwaran
% Description/comments  : Vamanamahapurana
% Acknowledge-Permission: http://kshetrayaatra.blogspot.com
% Latest update         : July 27, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Papa Prashamana Stotram ..}##
\itxtitle{.. pApaprashamanastotram ..}##\endtitles ##
pulastya uvAcha \-
nameste.astu jagannAtha devadeva namo.astu te |
vAsudeva namaste.astu bahurUpa namo.astu te || 1||
ekashR^i~Nga namastubhyaM namastubhyaM vR^iShAkape |
shrInivAsa namaste.astu namaste bhUtabhAvana || 2||
viShvaksena namastubhyaM nArAyaNa namo.astu te |
dhruvadhvaja namaste.astu satyadhvaja namo.astu te || 3||
yaj~nadhvaja namastubhyaM dharmadhvaja namo.astu te |
tAladhvaja namaste.astu namaste garuDadhvaja || 4||
vareNya viShNo vaikuNTha namaste puruShottama |
namo jayanta vijaya jayAnantAparAjita || 5||
kR^itAvarta mahAvarta mahAdeva namo.astu te |
anAdyAdyantamadhyAnta namaste padmajApriya || 6||
pura~njaya namastubhyaM shatru~njaya namo.astu te |
shubha~njaya namaste.astu namaste.astu dhana~njaya || 7||
sR^iShTigarbha namastubhyaM shuchishravaH pR^ithushravaH |
namo hiraNyagarbhAya padmagarbhAya te namaH || 8||
namaH kamalanetrAya kAlanetrAya te namaH |
kAlanAbha namastubhyaM mahAnAbha namo namaH || 9||
vR^iShTimUla mahAmUla mUlAvAsa namo.astu te |
dharmAvAsa jalAvAsa shrInivAsa namo.astu te || 10||
dharmAdhyakSha prajAdhyakSha lokAdhyakSha namo namaH |
senAdhyakSha namastubhayaM kAlAdhyakSha namo.astu te || 11||
gadAdhara shrutidhara chakradhArin shriyodhara |
vanamAlAdhara hare namaste dharaNIdhara || 12||
ArchiSheNa mahAsena namaste.astu puruShTuta |
bahukalpa mahAkalpa namaste kalpanAmukha || 13||
sarvAtman sarvaga vibho viri~nche shveta keshava |
nIla rakta mahAnIla aniruddha namo.astu te || 14||
dvAdashAtmaka kAlAtman sAmAtman paramAtmaka |
vyomakAtmaka subrahman bhUtAtmaka namo.astu te || 15||
harikesha mahAkesha guDAkesha namo.astu te |
mu~njakesha hR^iShIkesha sarvanAtha namo.astu te || 16||
sUkShma sthUla mahAsthUla mahAsUkShma shubha~Nkara |
shvetapItAmbaradhara nIlavAsa namo.astu te || 17||
kusheshaya namaste.astu padmeshaya jaleshaya |
govindaprItikartA cha haMsa pItAmbarapriya || 18||
adhokShaja namastubhyaM sIradhvaja janArdana |
vAmanAya namaste.astu namaste madhusUdana || 19||
sahasrashIrShAya namo brahmashIrShAya te namaH |
namaH sahasranetrAya somasUryAnalekShaNa || 20||
namashchA.atharvashirase mahAshIrShAya te namaH |
namaste dharmanetrAya mahAnetrAya te namaH || 21||
namaH sahasrapAdAya sahasrabhujamanyave |
namo yaj~navarAhAya mahArUpAya te namaH || 22||
namaste vishvadevAya vishvAtman vishvasambhava |
vishvarUpa namaste.astu tvatto vishvamabhUdidam || 23||
nyagrodhastvaM mahAshAkhastvaM mUlakusumArchitaH |
skandhapatrA~NkuralatApallavAya namo.astu te || 24||
mUlaM te brAhmaNA brahman skandhaste kShatriyAH prabho |
vaishyAH shAkhA dalaM shUdrA vanaspate namo.astu te || 25||
brAhmaNAH sA.agnayo vaktrAH dordaNDAH sAyudhA nR^ipAH |
pArshvAdvishashchoruyugAjjAtAH shUdrAshcha pAdataH || 26||
netrAdbhAnurabhUttubhyaM padbhyAM bhUH shrotrayordishaH |
nAbhyA hyabhUdantarikShaM shashA~Nko manasastava || 27||
prANAdvAyuH samabhavatkAmAdbrahmA pitAmahaH |
krodhAttrinayano rudraH shIrShNordyauH samavartata || 28||
indrAgnI vadanAttubhyaM pashavo malasambhavAH |
oShadhyo romasambhUtA virAjastvaM namo.astu te || 29||
puShpahAsa namaste.astu mahAhAsa namo.astu te |
o~NkArastvaM vaShaTkAro vauShaTtvaM cha svadhA sudhA || 30||
svAhAkAra namastubhyaM hantakAra namo.astu te |
sarvAkAra nirAkAra vedAkAra namo.astu te || 31||
tvaM hi vedamayo devaH sarvadevamayastathA |
sarvatIrthamayashchaiva sarvayaj~namayastathA || 32||
namaste yaj~napuruSha yaj~nabhAgabhuje namaH |
namaH sahasradhArAya shatadhArAya te namaH || 33||
bhUrbhuvaH svaH svarUpAya godAyAmR^itadAyine |
suvarNabrahmadAtre cha sarvadAtre cha te namaH || 34||
brahmeshAya namastubhyaM brahmAde brahmarUpadhR^ik |
parabrahma namaste.astu shabdabrahma namo.astu te || 35||
vidyAstvaM vedyarUpastvaM vedanIyastvameva cha |
buddhistvamapi bodhyashcha bodhastvaM cha namo.astu te || 36||
hotA homashcha havyaM cha hUyamAnashcha havyavAT |
pAtA potA cha pUtashcha pAvanIyashcha OM namaH || 37||
hantA cha hanyamAnashcha hriyamANastvameva cha |
harttA netA cha nItishcha pUjyo.agryo vishvadhAryasi || 38||
sruksruvau paradhAmAsi kapAlolUkhalo.araNiH |
yaj~napAtrAraNeyastvaM ekadhA bahudhA tridhA || 39||
yaj~nastvaM yajamAnastvaM IDyastvamasi yAjakaH |
j~nAtA j~neyastathA j~nAnaM dhyeyo dhyAtA.asi cheshvaraH || 40||
dhyAnayogashcha yogI cha gatirmokSho dhR^itiH sukham |
yogA~NgAni tvamIshAnaH sarvagastvaM namo.astu te || 41||
brahmA hotA tathodgAtA sAma yUpo.atha dakShiNA |
dIkShA tvaM tvaM puroDAshastvaM pashuH pashuvAhyasi || 42||
guhyo dhAtA cha paramaH shivo nArAyaNastathA |
mahAjano nirayanaH sahasrA.arkendurUpavAn || 43||
dvAdashAro.atha ShaNNAbhistrivyUho dviyugastathA |
kAlachakro bhavAnIsho namaste puruShottama || 44||
parAkramo vikramastvaM hayagrIvo harIshvaraH |
nareshvaro.atha vrahmeshaH sUryeshastvaM namo.astu te || 45||
ashvavaktro mahAmedhAH shambhuH shukraH prabha~njanaH |
mitrAvaruNamUrtistvamamUrtiranaghaH paraH || 46||
prAgvaMshakAyo bhUtAdirmahAbhUto.achyuto dvijaH |
tvamUrdhvakarttA Urdhvashcha UrdhvaretA namo.astu te || 47||
mahApAtakahA tvaM cha upapAtakahA tathA |
anIshaH sarvapApebhyastvAmahaM sharaNaM gataH || 48||

phalashrutiH |
ityetatparamaM stotraM sarvapApapramochanam |
maheshvareNa kathitaM vArANasyAM purA mune || 49||
keshavasyAgrato gatvA snAtvA tIrthe sitodake |
upashAntastathA jAto rudraH pApavashAttataH || 50||
etatpavitraM tripuraghnabhAShitaM paThannaro viShNuparo maharShe |
vimuktapApo hyupashAntamUrtiH sampUjyate devavaraiH prasiddhaiH || 51||

|| iti shrIvAmanamahApUrANe pApaprashamanastotraM sampUrNam ||
##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}