% Text title : Shri Parthasarathi Stavah % File name : pArthasArathistavaH.itx % Category : vishhnu, krishna % Location : doc\_vishhnu % Transliterated by : Muthuraman Krishnamurthy % Proofread by : Muthuraman Krishnamurthy, PSA Easwaran % Description/comments : Encoded from Grantha Tamil text Parthasarathi Stavah % Latest update : September 15, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Parthasarathi Stavah ..}## \itxtitle{.. shrIpArthasArathistavaH ..}##\endtitles ## shriyai namaH | shrImate rAmAnujAya namaH | shrImannR^isiMhavarada shrIra~NgesharaghottamaiH mUrtibhedaishshubhaissasvya jayatyarjunasAradhiH Aviyur shrInivasachAryavirachitaH shrIpArthasArathistavaH prapannasa~njIvanaM yatInduguNachandrikA cha \section{prathamo bhAgaH |} shrIH | shyAmAbhaM dvibhujaM kirITaruchiraM sha~NkhArirAjatkaraM rAjIvAyatalochanaM vikasitAmbhojoparisthAyinam | shrIvatsA~NkitavakShasaM parilasadrAkendubimbAnanaM dhyAyAmo hR^idi vAsudevamitaraiH pUrNairguNaira~nchitam || padmasthAmavaku~nchya dakShiNapadaM saMsthApya vAmaM padaM shyAmAbhAM varadAyidakShiNakarAM vistArya bAhvantarAm | ratnAbhAM dadhatIM prasUnavilasatphAlord.hdhvabhAgAM hR^idi dhyAyAmo ghanapIvarastanabharAM bhUShojjvalAM rukmiNIm || shriyai namaH | shrIrukmiNisametapArthasArathiparabrahmaNe namaH | shrImatkairaviNI kShetrA kalpakaM kalpakaM nR^iNAm | rukmiNIlatikAshliShTaM pArthasArathimAshraye || 1 || AchAryassarvasheShI sa yasmAttasmAddhR^itAtmanAm | anyatra na patedeva matkR^itAnati santatiH || 2 || yattaduktamavij~nAtaM shrutibhiH pratibhAvatAm | aj~natvAdeva sa.nprApte vettR^itvaM vaktR^itA cha me || 3 || adhikAro.atra noveti kalpanA na haristutau | pashyantu sAdhu vibudhAH tAvatkAlaphalAnayam || 4|| athavA kuru kAdhIsha padapadmamadhudravaiH | nirdhUtatApavaMshotthaH nArhAmi na haristutau || 5 || yadvA ramAnR^iharikArijadR^iShTitIrNa\- mAyApravAhavibhavo mamatAvihInaH | atyantasheShamatirAtmapatIkShaNena stotrAya satkulapateryatate jano.ayam || 6 || yadi vA pa~nchaShAshshlokAH ArabdhAH paramANavaH | Ahvaye tArkikAn sAdhUn aNukAraNavAdinaH || 7 || yadvA shrIpatisa~NkalpavishvahetutvavAdinaH | Ashraye nigamAntAryAn(1) j~nAnavatkhyApitAtmakAn || 8|| ## var ## (1) trayyantavR^iddhAn || aho nu vishvapatinA svatantreNA.asvatantradhIH | praveshito.asmi sudR^iDhaM guNaratnAkare nije || 9 || yadvatkhe marutaH surAsuragaNAH kAntAH surANAM striyaH jyotishchakramathANDajAshcha shashabhR^itsUryastadanye grahAH | anye satyaparAyaNA munigaNA ye chApi divyarShayaH te chintAM na cha yanti yAnti cha punaryAvatphalAviShkR^iti || 10|| yadvA sadAryaparivIkShaNalabdhahR^idya j~nAnapradIpavilasaddhR^idayAvakAshaH | rAjAdhirAjayadurAT\-charitAmR^itAbdhi\- ratnAni tAni kalayAmi yathA svashakti || 11 || tamohantA kR^iShNaH gaganacharatejovilasitaH nirundhan draShTR^INAM nayanapathanimno.antatayiyam | manuShyAnanyAnvA nijanijapadasthAMshcha kalayan kathaM taddharmmAsau jaladhisutayA bhAti sakashaH || 12 || phenaiH puShpaissukalitamahAvIchibhiH dorbhiruchchairlakShmIsthAnAyitasuhR^idayo | vArAMrAshiH kimeShaH sattvastomAnajahada ## var ## vArirAshiH malA~NgohyayaM vAtha kR^iShNaH shvAsodbhedA hatasuraripuH chitradhAmaikarAshiH || 13 || kalpastomaH prasUnairasusuparimaLairbhuShaNairbhuShito vA shAkhAlakShopajuShTo dvijavaranivahairAttagAnairgariShThaH | sUryendubhyAmamuktaH svapadanatimatAM ChAyayA tApahArI hantAyaM lokanAthaH natabhavaharaNAbhItimudrAvilAsaH || 14 || kiM vA viShNupadasthameghanivahaH vidyuchChriyA bhUShitaH santaptAkhilatApahR^innijaguNo dR^iShTassadaivonmukhaiH | addhA dikShuvidikShu kIrttikalitaH doShairajuShTassvataH yadvedaM sudinaM yadIkShaNadinaM kR^iShNashshriyA modate || 15 || bahuLapadasujuShTaH ChandasAM vAtharAshiH nikhilajanapavitrAtmIyashabdaprachAraH | bahumukhabhujashakhAkalpitAsheShabhogo\- .anavaratakalitashrI shrIsakhaH pArthasUtaH || 16 || surANAmAsthAnaM vividhachidachidvR^indanilayaH sadA gItAnandaprakaTitamahAtmIyavibhavaH | sadA.a.agatyAshliShTaH sakalajanarakShAmatipadaM sumerurvA yadvA harirakhilanirmmANanipuNaH || 17 || ratha iva kalitAkSho yojitAtmIyachakraH ripudamanaparAtmA divyagandharvajuShTaH | svakalitabahushaktiH dUradR^iShTasvaketuH sakalanayanadR^iShTaH kiM rameshaH svatantraH || 18 || surabhiriva surANAM sthAnabhUtA~NgayaShTiH sakalamunigaNejyA homarakShApradhAnaH | sukalita bahudharmmaireva dR^iShTasvarUpaH sa cha yadukulanAthaH strIsamAjAdvishiShTaH || 19 || ratnAkaro jaladhivatsuvishAlamUrttiH strIratnajanmanilayo nilayo guNAnAm | muktApravALavilasatparabhAgajuShTaH lakShmIpatitvavibhavena visheShito.asau || 20 || AnandAkhyavimAnatallajaruchA nityaM samudbhAsite kShetre kairaviNIpade.ativilasaddivyAlaye.antargR^ihe | udyaddakShiNavR^ittabAhuvilasachcha~NkhAravAmoditA sheShaprANichayastadanyabhujasannirdiShTapAdAmbujaH || 21 || shrImAnve~NkaTakR^iShNanAmayadurAD\-bhaktAn nijaikAshrayAn kurvan sodaraputramitrasahitAn subhrAtR^iputraissaha | shrItoNDAdimabhUbhR^ite shuchidhiye sarndashayan svAM tanuM shrIvaikhAnasabhaktamudkhamunivaryAtripratiShThApitaH || 22|| dvAbhyAmeva na tebhya eSha yadurADiShTaihikAmuShmikA\- bhikhyArthaM pradadatsmitAnanavidhurdorbhyAmatIvojjvalaH | shrImadrAmasusAtyakipraguNavatpradyumnaputrottama\- svArAtiprachayAniruddhadayitairvidyotate sa~NgataH || 23 || shrImannR^isiMhavaradashrIra~NgesharaghUttamaiH | mUrttibhedaishshubhaissvasya jayatyarjunasArathiH || 24 || siddhaM jagaddhetutayA bhavantaM ramApatiM vedashataissutarkaiH | sarvaj~nasAmrAjyapade.abhiShiktaM jAnanti santo bahushaktimantam || 25 || kAruNyAviShTachittaH kamalasamadR^ishA vishvalakShmyA samAnaH tattatkarmAnurUpaprakR^itavirahitakleshavishvaprachAraH | tattattattvAntarAtmApyakalitatanubhR^itkR^ityatatkAryasa~Nga\- shchAmokShaM klR^iptatantraH pariNatisamaye.apekShite mokShadAyI || 26 || shrIvaikuNThAvasthito vAsudevaH shrIbhUnILAbhishcha sheShAsanasthaH | sheShashvAsahrAsavR^id.hdhyAnuguNyAt pAtraM vishvaM bha~NgasR^iShTyoH karoShi || 27 || vaktraprabhApariNatistavadivyadehaH dehochitAnanaruchirnu chirAya sha~NkA | smeraM mukhaM praNatakarShakamanyada~NgaM yattachcha tatsamaguNaM vada pArthasUta || 28 || pAdAmbujAtakalitau maNinUpurau te ma~njupraNAdamukharau makaradhvajasya | shiShyaprashiShyaviShaye niyamena sA~Nga\- shR^i~NgAranarmanigamaM parito bruvAte || 29 || mahAmerurdarpAtpadakamalabhAvaM hR^idi lagan aho nu svarNA~NgaH nijahR^idayamaprApya bahushaH | padAmbhojApIThAyitakamalagAtro raviruchiH sphuratpadme mauLau vahati padapadmaM shritasukham || 30 || parAgaparamANavo yadi patantyamI vedhasaH itIva kila bhItadhIssurapadAchalaH padmataH | svarUpamatha kalpayan tava nu vishvamAtuH kR^ipA dharAdhara supAMsuLaM padayugaM vahanmUrddhani 31 tvatpAdAbje dhvajapavimahAsha~NkhachakradirekhAH dR^iShTAssantItyanaghavachaso ye stuvan pAdapadmam | taddraShTArau kamalanayanasvarNapAthojapIThaM sAkShAdbrahmA danujavijaye klR^iptapAdAbhiShekaH || 32 || tvaddivyalAvaNyanidhisvarUpaM kalyANasaMvAhidR^ishAM janAnAm | sarvAnukUlaM jaladhirnirIkShya nindatyaho ghoShamiShAtsvadeham || 33 || tava charaNagataM yatkarkkashatvaM mR^idutvaM yugapadudayabhAvAtsa~NgataM labdhasakhyam | vanabhuvi shakaTArau vArddhikanyAkarAbje muniyuvatidR^iShatva chedane cha pradR^iShTe || 34 || tvatsa~NkalpAdadhikashakanaM tAvakA~NgaM cha tatta\- ttvatto.apyuchchairakhilaviditaM nochyate pakShapAtAt | UrorjAtAsurajanamanaHkarShaNI chorvashI sA padAmbhojasphuritarajasaH pAdadR^igdharmapatnI || 35 || padasarasijavaibhavaM hi shakyaM na khalu budhairnigamaistvayApi vaktum | sarasijagR^ihayA kareNavA yattava vadane.arpitarasyatAprabhAvam || 36 || sheShabhogashayanAnmR^iduLaM kiM bhAgyashAlivaTapatramanargham | yatra klR^iptashayano.arbhakavR^ittyA kalpase.asya jagatoM.akuraNAya || 37 || nirmiteShvatha jagatsu cha sarveShUchchanIchaparikarburiteShu | antarAtmavidhayAkhilatattveShvadbhutAkR^itiramUni bibharShi || 38 || ekarUpamiva yA prakR^itirvA sA vivarttamupalabhya dR^ishA te | nAmarUpakalitaM cha yathArhaM bhUjalendriyagatIshcha bibharti || 39 || vyUhatrayaM vyUhachatuShTayaM vA ki~nchinnimittena karoShi rUpam | rUpAntaraM vArjunasUta hR^idyaM yadvishvarUpaM kuruparShadAttam || 40 || vishAle loke.asminvividhaphalajuShTe nR^inivahe yadIchChAvaiguNyAtprabhavati mitho hiMsravidhayA | tadA tatraikassan taduchitasukhAdyAshritamatiH svatasnehAdhikyAdvraNagaNaviropAya bhavasi || 41 || prakalpya jagadIkShaNaM tadanu vishvasaMrakShaNaM yathA\- vidhi tato layastadanu jIvasa~njIvanam | svato nijadhiyA kvachitkvacha parAtmasaMveshanaM tato.anyavidhayA kvachidbahu tanoShi narmashriyA || 42 || sarvaj~nabhAvAddayayA visR^iShTe jIvAtmavR^inde.apyadhikArabhAji | j~nAtvA.a.artihAripramukhapravR^ittiM tvAM svaM svatantraM manute hi kashchit || 43 || anudayAstamayo.amR^itasAgarAdamR^itadIdhitireSha mukhAbhidhaH | analaseshasureshamukhodbhavaprabhuratho pariluptatamaH katham || 44 || mukhamayaparipUrNachandrabimbe grahaNaruchI tava ketusaiMhikeyau | asitaruchibharabhruvormiSheNa pradhitadhiyaH kila sha~Nkayeti magnAH || 45 || ubhayavibhUtiyogasamayochitaratnamaho .a~NkuralaLitendraratnanilayo nilayo nR^idR^ishAm | jalanidhikanyakAkaradhR^itAmburuhadvitaye navanavahAsakR^ittava kirITapatIraviruk || 46 || kuNDalaM mukhamaNDanaM shrutilambitaM maNikalpitaM shrImadaMsasusa~NgataM nijabhAvidhUtatamogaNam | nityamuktasabhAgatArthigaNArthapUraNanistulaM neha nAsti cha nAsti cheti samatvavAdinR^ighoShitam || 47 || svAtantryadhairyArjavavatsalatvapUrNatvashUratvasamatvamukhyAn | saMsUchayatyAtmaguNAn budhAnAM tvajjAnulagnAyata vR^ittabAhuH || 48 || prachChAyabAhushAkhAnAM pallavoM.aguLayaH kila | arthivAyvanugAvairikamalAmarmakarttanAH || 49 || kamalodarasodarapANitalaM vinatAbhayasatrakathAkutukam | sagarAtmajapuNyanadIprabhavaM kapaTAkR^itisUtamahaM kalaye || 50 || viShayAgnishikhAparitaptanR^iNAM vimalAmR^itasAgarakarmaguNam | shikhivAhana tatpitR^ivandyapadaM kapaTAkR^itisUtamahaM kalaye || 51 || droNasutashastraparitaptatanurakShA\- kalpakadhiyaM sujanakalpakamihastham | devapatinandanajapAriyutajAtA karShakadhiyaM kaluShahAriguNamIDe || 52 || krIDitena sukhapradaM paripIDitAsuranAyakaM pAlitAmaranAyakaM paripiDitAsurarAkShasam | vArirAshisutAyutaM balavairiratnagiritviShaM vAmanonnatadhIvihInamathAshraye narasAradhim || 53 || karakalitakashaM gajendravashyaM balaripusodarabhAvadattachittam | mR^iditaripugaNaM shitaishcha shastraiH anusavanaM hR^idaye smarAmi sUtam || 54 || anugatachidachinniyantR^ibhAvaM smR^itigatasarvajanAvanAkhyasatram | vipinasumasR^ijA vibhUShitAMsaM shrutishatanirjitasadguNaM bhaje.aham || 55 || jalanidhitanayAkR^itAtmadeha\- shramaharavandanamAliketi sadbhiH | anukalakR^itasha~NkayA tamIDe kalitaruchA vanamAlayA prahR^iShTam || 56 || mukhakAntivArinidhisa~NgatAvimau shapharAviti stimitadR^iksarojayA | ramayA vishAlakR^ipayA sadekShite nayane smarAmi mama tApanuttaye || 57 || kalitord.hdhvapuNDratilakaM mR^igImadaiH smayamAnachandravadanaM jitashramam | kamalAkShipAtasubhagaM rasAvahaM tapanIyavastradharamAshraye sadA || 58 || aLikuladaLanArhakuntaLADhyaM vimaladR^ishAmaLikAkSharapraNAsham | aLikavachanadUrasatkaTAkShAdR^ita\- vibudhaM praNamAmi pArthasUtam || 59 || mukhakAntinAmni jaladhau sukhAvahe smitamauktikAdharasuvidrumaM navam | varanAsikAvratatinALabhAsvara\- dvikapadmadhIkaradR^ishaM shraye hareH || 60 || udarANDajAtagaNanArpitA atho radanA atIva dhavaLAshshubhAvahAH | ruchiraprabhAvijitakuDmalashriyaH smR^itisa~NgatA narasakhasya me shriyai || 61 || padmAmukhendukR^itasa~NgavaLarkShabhAvau tadbhAvasa~NgavishadIkR^itasundarA~Ngau | pArshvasthadraShTR^ijanadR^iShTanijAtmabimbau vande harestulitashailataTau kapolau || 62 || udArakR^itavIkShaNaM vinatashokanirvApaNaM vidarbhatanayA~nchitaM vividhatApasaMshoShaNam | vishAladhavaLaprabhAshrayavashAchcha nighnaM nR^iNAM pR^ithAsutarathAshrayaprabhunirIkShaNaM prArthaye || 63 || yatpAtaleshAtkila kauravANAM vR^indaM kathAsheShitameva dR^iShTam | kimatra chitraM mama janmahetu marmadrutaM nashyati tatprapAtAt || 64 || aho janAnAM vyasanAbhimukhyaM taddR^iShTipAtAdativartamAnAH | AbrahmasR^iShTeranuvartamAna\- saMsArakUpe yadamI patanti || 65 || yadA pArtthasUta prabhAtAruNAbja prabhAtulyadR^igleshadhUtAtmatApaH | abhUvaM prabhAtaprabhaH kALarAtriH kathaM mAM tu kuryAdbhavAkhyA kShitIndo || 66 || harinayanasudhApravAhapUtaH smitamayachandrikayAsya dhUtatApaH | tadanagha mahimA.a.atmadR^igjito.ahaM hR^idi kalaye kimu bhItimAtmanAtha || 67 || karakalitakashe sasha~Nkhachakre jaladhisutA vilasadbhujAntarALe | tvayi vilasati sarvade sundaraM te nanu rachitA~njaliranyataH kutassyAm || 68 || jalanidhitanayAdorvallipuShpaughasha~NkA prasR^imararuchirekhA ka~NkaNollAsikaNThaH | mR^igamadakaluSho.ayaM lokakAluShyahantA kalayatu kushalaM naH ko.api kAruNyarAshiH || 69 || udArabhujalochanaM sakalarakShaNe lolupaM shriyA cha nijashobhayA galitasundarA~NgaM harim | prakR^iShTavanamAlayA jaladhisAraratnashriyA sukarburitavigrahaM narasakhaM hR^idA saMshraye || 70 || pArijAtamiva nandanashriyaM nandagopamiva govishobhitam | devarAjamiva vajrasa~NgataM pArthasArathimupAshraye harim || 71 || chidachidavanadIkShaM chetanA padminInAM sadayavinatavIkShaM vismitAsheShadR^iShTam | jaladhitulitadehaM jAnulagnAtmabAhuM nararathanilayaM tvAM vIkShya hR^iShTo bhavAmi || 72 || kAshasumakAshatanumAtmapatimIshA\- vAsyamukhavedashikhareDitaguNAbdhim | abdhitanayAnayananighnanijavishvA\- dhIshvaraniyantraNadhiyaM harimupAse || 73 || sambhAShamANamiva ja~NgamapArijAtaM smerAyudhaprasavajAlavibhUShitA~Ngam | nityaM shriyA vasudhayA cha niShevyamANaM shrIpArthasArathitanuM manavai mukundam || 74 || AchAryaireva mukto mayi cha kR^itadayaiH sAstradIpaikadorbhiH yo.ayaM devo.akhileshaH jalanidhisutayA sArddhamAviShkR^itAtmA | tatpAdAmbhojayugmaM kalaya sharaNamityatra mA gA viShAdaM kurvANassatyametattvahamupakalitA sheShakAryaprahR^iShTaH || 75 || aShThavarNarathArUDhaM prathamAkSharabodhitam | tR^itIyo vA gato.asmyaddhA tachCheShatvaM svatasthitam || 76 || tAnto.ahaM mAnamutsR^ijya dhArakaM poShakaM shriyA | bhogyaM tvadAtmasugurud.hdhyAnapUrvaM smarAmyaham || 77 || sarvAvasthA salakShmIkapArthasUtadR^ishekShitaH | nirbhayassarvabhAvena sharaNaM yAmi tAdR^isham || 78 || taptasvarNasavarNapArtharathagaM vIkShAbhivR^iddhAkhilaM lokAdhIshvarakA~NkShitAtmavachanaM vAcho vidUrAdhvagam | gopAlAvaLikIrttyamAnavipaduttArAdivR^ittAmR^itaM bhiShmAdistutihR^iShTamAnasamamuM sambhAvaye mAnase || 79 || kalikalkabhagnakavimAnasAmbuja\- spR^ihaNIyakAntibhara eSha bhAskaraH | jayati prasiddhavibhavastrayIgaNe\- Shvatha puNDarIkanayanassatAM gatiH || 80 || pitA cha mAtA cha sharIradAtA poShTA gururj~nAnasudhApradAtA | strIprAyamajjIvanarottamaika\- saMyojitA pArtharathapraNetA || 81 || sha~NkhachakralaLito bhujadaNDaH bhItihR^innatadR^ishAM dyusadAM vA | shatruvArinidhimanthanajanmA\- rAti padmanilayA sukhasaktaH || 82 || pArthavR^indaparidarshitasAraM sArabhUtavachanaM nigamAnAm | bhAgyasAramiva sAdhujanAnAM Ashraye praNayasUchitabhAvam || 83 || saundaryasAramiva darpavihInamagryaM chakShuShmatAM hR^idayakarShakamAttatotram | vairaprasaktirahitAkhilabhogabhogyaM AtmeshvaraM hR^idayatApaharaM smarAmi || 84 || bhUbhAgyalabdhasukhaja~NgamapArijAtaM smeraprasUnasubhagaM phalabhUtarUpam | shAkhopashAkhaparijuShTamivAtmadorbhiH prachChAyatApashamanaM narasUtamIDe || 85 || vAtsalyavarAnnidhiradbhuto.asau dorbhistara~NgairabhitaH prajuShTaH | lakShmIsametaH kamanIyarUpaH kAntALakaH kambugaLo.astu bhUtyai || 86 || vishAlahR^idayodayollasitabhAvalakShmyojjvalaH dviShatkulavimardanochitasabhUShadormmaNDalaH | vinApi vinatiM budhe sukalitAtmabhAvaH prabhuH mamAhitavimardane bhavatu dIptapa~nchAyudhaH || 87 || sindUrarUShitamivonnatahastimallaM malleshadantapatanArhakaraprahAram | hArAvaLiprakR^itadoryugamad.hdhyashobhaM ratnatviShAvalitamAtmapatiM namAmi || 88 || mukhabhavakalitaprakarShaveda\- prakaTitavaibhavayaj~napUjitAtmA | vidhihayamakhaklR^ipta sadvapALi\- prakR^itakashAdharabandhuro.astu mahyam || 89|| darshaya darshaya chArumukhaM te pATaya pATaya pApamapAram | nandaya nandaya pAdanataM mAM keshava keshava kAraNasUta || 90 || sundarakarikarapIvarasakthiH mandaragiririva ja~NgamayuktaH | nAbhijapadmajakalpitavishvaM pAlaya pAlaya kAraNasUta || 91 || pAhi pAhi bhavapIDitavishvaM komaLA~Nga kusumairvanajAtaiH | vishvarakShaNasudIrghamakhesthaM padmayA vilasitAnanamIDe || 92 || yadunAtha mudabdhIndo tvada~NgamamR^itashchyuti | mamAtimugdhahR^idayamitashchetashcha karShati || 93 || svakAntyA nirdoShaM nirudayavibAdha~ncha susukhaM prakurvan vishvaM tvaM vimalalaLitAmbhojanayana | sudhAsArastomaprakalanamahAmeghalaLitaH vinA kShoNIsa~NgaM vinatahR^idaye varShasi sudhAm || 94 || aho mamedaM hR^idayaM vimugdhaM nAdena juShTaM jaladhiM cha pashyan | itastava stAvakabod.hdhyamAnaM sama~NgaLad.hdhvAnamavaiti nAtham || 95 || lAvaNyavApI tava dehakAntiH narmmochitA sAgarasambhavAyAH | nAbhisthitAmbhoruhayogaramyA velApyudArA bhujadaNDarUpA || 96 || tvadudaranilayaM kilANDajAtaM vibudhagaNA avalokayanti nUnam | yadi tava hi tanussvayamprakAshA pariNatameva hi sattvachittabhAgyaiH || 97 || padanakhaparimR^iShTachandrarekhA suhR^idayagA vR^ijine tamoguNe.asmin | kalitabahulayA tato.apunarjaM bahuvilasatyapunarbhavAya mahyam || 98 || tvatpAdAmbujarekhayA pariNataH ChatrAravindad.hdhvajai\- ryuktaH keturakaitavA.avanadhiyaM saMsUchayatyadbhutaH | yaddhatte manujo.asya kaitavadhiyA namre svamUrdhni svayaM saprAptaH paramaprasAdamasurapradveShi viShNoH shubham || 99 || sasnehaM nayanaM pravALasubhagaH yashchAdharaH shrIpateH kaNThashshrIkaraka~NkaNA~NkalaLitaH bhAvaH prasAdojjvalaH | vR^ittAste cha bhujAH purandarataroshshAkhojjvalAH prAMshavaH tanmad.hdhye sadaye kShaNA harisakhI sarvaM jaganma~NgaLam || 100 || shikhipi~nchavellitasugandhikuntaLaM kamalAyatAkShamapamR^ityunAshakam | amR^itadravashchyutikaTAkShavIkShaNaM harimAshraye vijayasAradhiM prabhum || 101 || sphuradindranIlasubhagatviShaM hariM yuvatIkaTAkShavishikhAvamarditam | prabhutAshrayochitavishAlalochanaM kamalAkaTAkShahatatattvasamplavam || 102 || plavagarShabhAnuguNashIlasAgaraM shritarAsamaNDaladhiyaM smitAnanam | bhujagendramUrdhni kR^itapAdamadbhutaM bhavasAgaraplavapadAmbujaM shraye || 103 || bhaja hR^idayasundarA~NgaM yadupatibhAvaM gataM svasaushilyAt | vrajayuvati netranighnaM nighnaM tadvastrasaMhatau shyAmam || 104 || shikhipi~nChasArakR^itanIlakuntaLaM kR^itayoganityaparidR^iShTavigraham | nigamAvataMsaramaNIyabhUShaNaM taruNIvashaM kamapi bAlamAshraye || 105 || sphuradindranIlasubhagA~NgameduraM duravagrahagrahavisheShamochakam | muraLIninAdajitayogiyauvataM kalaye shishuM kamapi pUtanAripum || 106 || pUtanAjitaDimbhavigrahavaktrapItatadAtmakaM kha~njarITajitAtmalochanapadmayA subhagAkR^itim | AkR^ititrayayuktavAridhisambhavA luLitA~NghrikaM vArirashinibhA~NgakAntimahaM bhaje.arjunasArathim || 107 || pItAmbaraM varabhujArgaLayogaramyaM shvAsAnuyAyinigamaM nigamAntavedyam | vedyAkhilAkR^itikR^itiM gajarAjalIlaM lIlArthavishvarachanaM kalaye hR^idistham || 108 || ativishAlabhujAntarashobhitaM vrajakR^ishodaribhAvahitAshayam | kamalasodarapANitalaM hariM hR^idi karomi tamAlavanaprabham || 109 || kuTilALakapALivishobhimukhaM shramahAridR^ishAM sudR^ishAM cha phalam | kalaye.anukalaM kamalAnilayaM vijayAjirathaspR^ihayALudhiyam || 110 || sandR^iShTaM pra~NmukhasthityA padmavadvishvatomukham | rukmiNyAdarshadR^iShTA~NgaM Ashraye sUtavigraham || 111 || rukmiNIsahitaM pArthasUtaM dR^iShTvA svakairvR^itam | lakShitaH praNavArthastvAM tvadAtmaparidarshitaH || 112 || athavA darshito.apyarthaH nArAyaNapadAnugaH | sarveShAmAshrayo yastvaM chetanAnAM shubhAtmanAm || 113 || anyo.api saMsmR^ito hyarthaH darshanAtpArthasUtate | namasashshabda ratnasya yastvaM gatirathAtmanAm || 114 || parasparAdarshanijA~NgahR^idyau hR^idyALakollAsi mukhendubimbau | bimbAtmanA dR^iShTajanau nijA~Nge bhaimIvrajeshau samupAshraye.aham || 115 || saMshleShotkarShasiddhau narahitanijarUpAshrayAvekatattvau kiMvetyAloladhIbhirvimR^iditalaLitotkR^iShTatattvAnubhAvau | bhAvAtItAtmabhAvAvapi janahitayA lokavAsaikamatyA klR^iptArchchAvigrahau tau janahitakalanau rukmiNI pArthasUtau || 116 || saundaryasyaikarAshI viditasamaguNau bimbabhUtAvivemau nAthau bhUtidvayasyApyakhilamakhaparau darshitAnyonyasAmyau | shrImantau kIrttimantau kvachana cha vidhayA.adR^iShTavaiguNyabhAvau bhAvau sarvashrutInAM kathamiva ghaTate tadguNAlApanAdau || 117 || Adau tau sR^iShTibhavAvakhilasamayasaMsaktadehau vinaikaM dAtuM vAsaM grahItuM nayanayugamivAklR^ipta pArthakyakAryau | shrIlakShmInayakau cha pradhitakaruNayA vyAjataH ki~nchidetau asmAkaM bhAgyArAshI janadR^ishi cha pR^ithagbhAvamAptau shraye.aham || 118 || unnatAMsaparilambikuNDalau kuNDalopamitasUryamaNDalau | maNDalAdhipativR^indavanditau rukmiNIvijayasArathI bhaje || 119 || shR^i~NgArashAntirasavArinidhI ubhau kiM kiM vA nR^ishokadahanAchiradIptameghau | kiM vArdhikA~NkShitasadarthitadevaratne chitte karomi taruNImaNipArthasUtau || 120 || abjanAbho hariH svarNakAntI ramA sa~Ngatau prANinAM prANadAnapriyau | padmanetrashriyau chArumandasmitau saMshraye rukmiNI pArthasUtAvubhau || 121 || nijA~NgalAvaNyagatAtmalokau parasparA~NgapratibimbitA~Ngau | haMsAvimau hR^idyaguNau surUpau vande ramApArtharathAshrayau tau || 122 || nijaruchiparimR^iShTahR^ittamaskau vimalaruchismitashobhi gaNDabhAgau | kusumita subhagAvashuttamAlA\- vivajaladhiprabhavA naraikasUtau || 123 || aho nu sa.nprArthayate guNaj~nau ayaM hi dAsaH praNayAmburAshI | kimasti vA tvattanu dR^iShTimR^iShTaM matpAtakaM vAM padapadmachUDaH || 124 || satAM niyogaM shirasA pragR^ihya nijAtmasAphalyaguNaM cha vIkShya | tatkAlaharShaM hR^idi chintayitvA yathA svadhIshaktikR^iteha mAlA || 125 || vAmarpitAhaM kR^itimUDhachitta\- kR^itApi yuShmadguNasa.nprayogAt | Amoda bhArAvahalabdhavarNA jIyAchchiraM vAM cha mude kavInAm || 126 || lakShminR^isiMhAdi shaThAriyogi samarpito vAM padapa~NkajAya | tvaddAsaklR^ipteti cha pashyataM tAM satsUktimAlA yuvayormmude.astu || 127 || shrImate shrIvaNshaThakopa shrIlakShmInarasiMha\- shaThakopayatIndramahAdeshikAya namaH | shrImate shrIvaNshaThakopa shrIra~NgashaThakopa\- yatIndramahAdeshikAya namaH || atisaraLapadaprasUnagumbhe haripadapadmamadhudrave spR^ihA vA | rasikabudhagaNAgragA bhuvisthAH naravarasUtanutiM prapashyatainAm || 128|| || shubhaM bhavatu || ## End of Part 1 ## \section{dvitIyo bhAgaH |} shrIgaNeshAya namaH | shrIH namashshriyaijaganmAtaH tubhyaM sarvanamaskR^ite | strIratnena tvayA viShNurdormadhyaM nityabhAsvaram || 1|| tvayA vinA na cha hariH na cha tvaM hariNA vinA | na yuvAbhyAM vinAhaM no yuvAmapi mayA vinA || 2|| jagatpatissa bhagavAn mAtastvaM harivallabhA | nityadAsyo.ahamiti cha praNavapratipAditAH || 3|| praNavamayarathe.agratassaviShNu\- rharisakhimadhyagatA sumadhyamA tvam | ahamapi yuvayoradhInavR^ittiH charamapadasthita eSha rakShya eva || 4|| kechidvadanti rathinaM harimeva mukhyaM anye tu nityakR^itadAsyamamu~ncha jIvam | AdyantatassthitimatoranukUladhIrya\- ttAM tvAM cha sUkShmamatayaH pravadanti mukhyAm || 5|| yashpha(?)ndo vR^iShabhastripAdakalitastadvaktrago.ayaM hariH tanmadhye bhavatI tataH kR^itapadaH jIvashcha dAsyochitaH | jIve klR^iptadayAbharA cha bhavatI tvaddR^ikprasanno hariH yuShmaddAsyakR^itodyamAnnatajanAnUrikaroti prabhuH || 6|| atichirasahavAsayogabhUmnA padavinataM na cha hAtumatra yuktam | tava tu sukaruNArdradR^i~NmahimnA hatavR^ijinaM sharaNoktisAdaraM mAm || 7|| pratApaparipATibhiH vimatadaNDanairbhIkaraM samIkShya patimIdR^ishaM harisakhissvapAdAmbuje | visheShavinataM naraM mR^iditakilbiShaM vIkShaNAt patiM nayasi sAntvanojjhitaruShaM satAM rakShakam || 8|| jagatAmanukUladR^igvilAsai\- stamasAM hantR^ibhirArtatApahR^idbhiH | jananetrachakorapAraNArhaiH sa shubhaM yachcha karoShi vishvametat || 9|| parA~NmukhAnathaparamArthadUragAn sudhAsakhipraNatividUragAnapi | janAn dhiyA jagadanukUlayA cha sA\- pyudakavAgamR^itarasena si~nchasi || 10|| paratvena parAmR^ishya patiM cha jagadIshvaram | bhItAnAM praNatAnAM cha vAkyaM shrutipuTe.akaroH || 11|| yathA sa sevyate viShNuH kalyANaguNasAgaraH | tathA tvamapi kalyANi kalyANAvahasadguNA || 12 || yachchakShurviShayaM gatAtha bhavatI santIrNaduHkhAmbudhiH martyo.ayaM yadi divyadR^iShTipadavIklR^iptAnuSha~Ngastava | so.ayaM dhUtaparAbhavaH parigatAsheShArthalAbhaH prabhuH sUchchaishChatrasuchAmarA~nchitakarairAptaishcha saMsevyate || 13 || haridormadhyagA yA ttvamatidInAn shritAnnarAn | vIkShaNAttulyavibhavAn karoShyamR^itasodari || 14|| yatra dR^iShTirnidhistatra gajAshvarathasambhR^itaH | putrapautrAbhivR^iddhishcha tava chittapraharShakR^it || 15|| sA tvaM sudhAbdhishitAMshupadmaviShNubhujAntarAt Anandanilaye bhAsi pArthasArathinA saha || 16|| shrIrastuH || ## End of Part 2 ## \section{tR^itIyo bhAgaH} shrIgaNeshAya namaH | shrIyai namaH | shrImate shrImachChaThakopashrIlakShmInarasiMhashaThakopayatIndramahAdeshikAya namaH | lakShmInR^isiMhamakhilAvanabaddhadIkShaM taddharmanityaniratAM dayitAM cha tasya | tatpAdapadmayugasaktanijAtmahaMsAn taddharmarakShaNaparAn kalaye sadAham || 1|| shrIra~NganAthapadamadbhutadAnavR^itta\- bhAvAnvitaM vibudhasa~NghasamAshritaM cha | sarvatra dR^iShTabahudharmadhiyaM svabhaktaiH dR^iShTAtmavaibhavamamuM yativaryamIDe || 2 || shrIviShNupAdaparisa~ncharadakShashIlaM nityaM narArpitamahopaniShatsusAram | sArAtmahR^idyavachanaM vachanAtidUraM kR^iShNaM shraye sukalitAmR^itameghavR^ittim || 3|| lakShmInR^isiMhashaThajitkaruNAmburAshiM nimnonnatakramavivarjitamadvitIyam | nirdhUtatApamavanItaladevatAnA\- mujjIvanapradamamuM ramaNIyabhAvam || 4|| padmAnubandhasukhagandhavahaM sadaiva svAntargatAkhilasusadgaNaramyamUrtim | sachCha~NkhachakravilasachChubhahetubhUtaM nirddhUtasannatabhavaM bhavi bhAgyarAshim || 5|| matsyAdikUrmakiTisundarasiMhakharva\- nityArpitAshayamavarjitarAmabhAvam | kR^iShNaM tvachichchakalane kvachidachChabhAva\- mashvAdhirohapaTupoShaNatatparAsham || 6|| nArAyaNaikanilayaM svavashAmaraughaM saddharmavarddhanaparaM parabhAgajuShTam | gambhIrabhAvasubhagaM smR^itishuddhidAyi saddharmakR^iddharaNidevagaNairamuktam || 7|| haMsALijuShTamavivarjitasetudharmaM taM ka~nchana kramakarAvaLishobhamAnam | nirddhUtakalmaShagaNaM nijasevinA~ncha satvaikasaMshrayamanundhitanaijasAram || 8|| akalitaparabha~NgaM svAshrite.adattabha~NgaM vinatajanasamAje.adR^iShTakAluShyalesham | gurumiha samabhAvaM grIShmakAle.apivarShA\- svamalarasasametaM yoginAthaM namAmi || 9|| nityaM cha haMsadhvanirAgayuktaM sa~NgItaratnAkaravadgabhIram | vAdeShu sammohanavatsuyuktiM kalyANyanulla~NghitagovilAsam || 10|| sadaiva punnAgavarALijuShTaM shrIrAgayuktaM mahitaM rasaj~naiH | yathochite kAla upAsyamAnaM bhaktaissvapAdArpitasarvabhAvaiH || 11|| svapadavinatahaMsaM shobhitAsyaM suvANyA shuchibahumukharamyaM vedavedArthadakSham | vidhimiva sukhasatyaM kA~NkShitaM yogivR^indaiH aviraLitapadaM taM martyasiMhAdipuMsaH || 12|| vistIrNashrutirochiShA parigataM lokAMshcha kAruNyataH nikShipyAkhilachakShuShAM sukhakare kaNThe pavitrA~nchite | tattatkR^ityavashAtphalapradamatiM nIchochchabhAvaM vinA shrIlakShmInarasiMhakArijayatiM vidyoditaM dhAtR^ivat || 13|| vinatasujanavR^indaprItivisphAritAkShaM bahuguNaramaNIyaM lokarakShAvatIrNam | dvirasanakR^itapAdaM guptagosampadaM vA karakalitamahAgovardhanaM nAthamIDe || 14|| dattAmbaraM natajaneShu nijechChayaiva dharmAdaraM pihitavandyaparatvabhAvam | subhrUlatAgrakalitotkanarapradR^iShTiM gItAryavadyatimavaimi virAjamAnam || 15|| dR^iShTe mukhe.asyalaLite shritaviShNupAde tAdR^igvidhau kva cha tirohitavR^ittabhAve | kAle suvR^ittavati vA sukaLa~Nkayukte kassatpatAvapi matiM na jahAti dhIraH || 16|| yA vai shikhA yativarasya nijAnurUpA kauTilyalesharahitA pravibhAtyanalpA | yadvA shikhI sa cha tayA kva cha sAdhuvR^indAH dhAmnA shikhIti gadituM kila sa.npravR^ittAH || 17|| mUrdhnApi sadvR^ittamayo yatIshaH yadenamAhurbhuvi bhUsurANAm | mUrdhAnamapyantyasharIrabhAjAM mUrddhanyapAdAmbuja eSha yogI || 18|| advaitagandhAnavadhUya shIghraM svAdhInavedAntasuradrugandhaH | bhogyoyadasyAshu jitAtmashatroH nAsAtidIrghA saphalA yatIndoH || 19|| anuditaraviyogamantrajApaH yatinR^ipatiH kila mUkabhAvapadme | uShasi niyatadhIryato mahAnsyAt mukhakamalaM phalavadrasaj~nayADhyam || 20|| yAvatIha vasudhA suvishAlA tAvatI khalu nR^isiMhavibhUtiH | tAvadasya hR^idayaM suvishAlaM sarvarakShaNachaNaM suvibhAti || 21|| yadasya vAkyAdadharIkR^itAste prachChannabauddhA.asakR^iddharaNyAm | tato dharo nAma radachChado.asya tadyogabhUmnA kila vAgjayo.ayam || 22|| athavAsya dharApi no samA bhavatI vochitadAnakarmaNi | vinivedayituM parAjitAn adharo bhAti mukhe yatIshituH || 23|| garbhekurvan goptukAmo nataughaM yasmAdyogI bhAti kAruNyachittaH | tasmAtpIno bhAti vAsyodaro.ayaM antasthAnAM klR^iptapa~NktistrivaLyA || 24|| pArshve vasanto vasudhAdhipendrAH samAnachittA viShamAtidUrAH | teShAM pradR^iShTyAnuniShevitatvAt pramR^iShTapArshvo yatinAthachandraH || 25|| pItAmbaro harishshrImAn halI kR^iShNAmbaraH punaH | raktAmbaro narahariH tasmAdraktAmbaro yatiH || 26|| parivR^ittabAhusukhalagnajAnukaH yatinAtha eSha satataM shubhAvahaH | vinivArya bhItimavanItalaukasAM sharaNaM sharaNyaguNalakShito yatiH || 27|| bhadrAsane jAgrati yoginAthe samunnate svAtmaguNaishcha shashvat | tatashcha saMlabdhaphalau tadUrU tatrochitau pIvaratAmupAttau || 28|| kashchit svArthaM yAti panthAnamAtmA lokArtho.asau bhAti vedAd.hdhvanI naH | ChettA yeShAM saMsR^itervAgvilAsaiH teShAM nR^INAM saukhyasampatpradAtA || 29|| aShTottare shatapade kR^itasannidhAna\- lokeshadivyasupavitradhR^itikShamAM saH | yaj~nopavItavilasadramaNIyavakShaH sushrAvyanAdamahito bahuraktakaNThaH || 30|| vR^ittabAhuvilasattrayadaNDaH prAptanamrabudhapApanibarhaH | se.avito na yadi yogivariShThaH kA gatirbhavajigIShujanAnAm || 31|| brahmasUtrahR^idayo yatirAjaH vyAsapAda iva viShNupadasthaH | bhUsureshakulavR^iddhikaro.asau saMshriteShTabahuvR^iddhikarassyAt || 32|| bAhunA sukalitatrayadaNDaH yoginAM parivR^iDhaH karuNAbdhiH | yUyamevamakhilAvanadakShaM hR^itsu mAM kalayateti girannu || 33|| pAda~NguLIyanakhanUtanachandralokhA sevAparA yadi narA vibudhA bhaveyuH | teShAM manAMsi sunirastatamAMsi loke naiva kvachit punaramIShu tamovikArAH || 34|| charaNAviha sha~Nkhachakrarekho\- llasitau shlakShNatamau budhairdhR^itau yau | bhavasAgaramagnamartyapotau yatibhUbhR^inmahitasya saMshraye.aham || 35|| sAmudrike vA yadi vA bubhutsA yateH padAbjaM tu nirIkShya samyak | yathAvidhAnaM nanu lakShaNAni svayA dhiyA kalpayata prabhuddhAH || 36|| saddharmashAstre yadi vA.anyashAstre nityAhnike vA hariyAgakR^itye | ado yatIndoH paripashyatAtra kR^itaM yadete na hi shAsanaM vaH || 37|| anyatra vA yatra hi saMshayassyAt bhaktyA samudvIkShya yatIndradharmam | nishchitya tannirNayameva satyaM jAnIta dharmaM cha tameva yUyam || 38|| shrIra~NgavAsarasikaM suguNAmburAshiM prAtaH sphuratsurabhidarshanaharShayuktam | shlAghyairnavaishcha sumanobhirajasya yuktaM shrIshaM cha tatsamaguNaM yatinAthamIDe || 39|| gatabhayaM shrutipAlanadhIryatiH akhilakAlamanantanatadvijaiH | nigamayogyadine smR^itigauravAt nikhilavedavichAramachArayat || 40|| amR^itadAnamatirnijasevinAM sumanasAmajahannijavigrahaH | yatirihAdbhutalakShmNayogivA\- gamR^itadAnamahAdaradhIrasau || 41|| bhUsuraughamasheSheNa hiraNyAkShaM vacho.amR^itaiH | vinivartya rasAsvAde kR^itabuddhInakArayat || 42|| hiraNyado harishchAsau yatishchetyenayordvayoH | AdyaH kvachidyatishshashvadvismayaH kasya vA kR^itau || 43|| haMsadvayaM smR^itigataM supavitramUrti\- smR^ityA nR^iNAM vidhikR^itAkhilavedajAtaH | eko.anya eSha narasiMhashaThAriyogI sarvatra dattanigamo dvijavaryajAte || 44|| vibhudharADavane vilasanmatiH kavimakopapadaM kalayan yatiH | ajahadeva nijAkhilavaibhavaM nikhilavikramashAlipadAmbujaH || 45|| yeShAM cha smR^itimArUDhaM yateshcharitama~NgaLam | te nR^ipAssannatA yasya tatsAmyena nR^ipA hitaH || 46|| yatkR^ityadarshanavashAdakhilAghanAshaH yaddarshane sumanasAM na cha tR^iptirasti | gurvAj~nayA niyamitAviha yogirAmau vishvAvanakShamaguNau sharaNaM prapadye || 47|| tIrthe kR^itAdarau dvau tu rohiNIshAnayoginau | kR^iShNaikasaMshrayau nAthau tAratAraprakAshakau || 48|| kvachitpuNyadeshe kR^itAtmAvatArau kvachiddarshitAsheSharakShAsvabhAvau | jitAsheShashatrU mudA sarvasevyau varau satyavAchau sudharmmaikachittau || 49|| varAsheShalokapramANasvavAkyau natottArakau yogikR^iShNau gurU tau | rasoddhAradakShau mahAyAmuneya\- prabhAvAdarau dUradhUtAmareshau || 50|| guNAmbhonidhI divyapadmAkShamAlA\- vR^itAMsau suhaMsAdR^itasvIyavAkyau | svavAkyAvaLIdhUtagA~NgeyapUra\- d.hdhvanIdhvAnamAdhuryanamrAkhileshau || 51|| tejastrayollAsito.asau kR^iShNo nR^iharikArijaH | lakShmImartyamR^igendrashcha bhaje.ahaM tullyavarchasaH || 52|| karNashcha dAnAdbhuvi suprasiddhaH sUryAtmajo.ayaM nakulasya vairI | sureshadattAnaghadivyashaktiH smR^ityA tu hInaH smR^itimAn yatistu || 53|| anAdikAlAdaghakAShThadIpta\- jvAlAbhavAttapitasya me.adya | tattApashAntyai nanu dR^iShTameva divyauShadhaM shrInR^iharI shaThAriH || 54|| anAdikAlopachitA hyavidyA tayAbhitaptasya mamAdya loke | sa~njIvanaM sarvavidhopayogyaM lakShmInR^isiMhAdyashaThAriyogI || 55|| na cha snAnaM na vA bhuktiH bhuktimuktiphalapradAt | lakShmInR^iharikAryAtmajAtayogismR^itermatA || 56|| bhavAbhidhamahAhinA sudR^iDhadaShTanaShTAtmanAM sudhAM samupajIvanIM jhaTiti yo dadAti svayam | ramAnR^iharikArijAtyadhipaterathAnyo bhiSha\- gvaro.asti yadi vochyatAM kvachana nAsti satyaM hi tat || 57|| viShayaviShAgninA kR^itamukhena dashendriyataH prathulabhavAhinA samupadaShTanijAtmavataH | naraharireSha eva ramayA sudraDhaM kalitaH naramR^igarAjakArijamukhena sujIvayati || 58|| kiyantau svarvaidyau harikR^itasujanmA cha sumatiH sudhAkumbhoddhAro.anupadhidayadhanvantaripadaH | sa rAmaH kR^iShNo vA nR^iharirathavA shrInR^imR^igarAT\- shaThArirvA yogI bhavadahanataptAya sukhadAH || 59|| mR^itasa~njIvanaM shAstre kR^iShNo rAma iti shrutam | lakShmInR^isiMhashaThajidyogisa~njIvanaM puraH || 60|| kalitabrahmacharyeNa kR^itaM sa~njIvanaM kvachit | kR^iShNenAnena yatinA bahusa~njIvanaM kR^itam || 61|| yatpAdakalpatarupallavasaktamUrdhnAM naivAsti tApanivahaH paridR^iShTa eShaH | taChrInR^isiMhapatikArijayoginAthAt nAnyastrivargaphaladastriguNaprabhedI || 62|| shirassu yatipAdAbjasha~NkhachakrA~NkiteShu vaH | mumukShUNAM svadormmUlasha~NkhachakrA~Nkanairalam || 63|| adhikadayaikasArahR^idaye yatibhUmipatau naraharikArisUnupadage nayanAdhvagate | kimiha rasAyanaiH navanavauShadhisa~NghaTitaiH pibata suchakShuShA bhavabhR^idArtiharaM suyatim || 64|| kvachana doShayute.api natavraje nikaTamAshu gate yatishekharaH | anaghadR^iShTisupUtatadAtmakaH jayati vatsalatAnidhiradbhutaH || 65|| hiraNyasya chaikasya hantA nR^isiMhaH nihantA cha ShaNNAmarINAM yatIndraH | R^iShishchetpurANasya kartA sa cha syAt naso.astyatra naivAsti vaktA tadanyaH || 66|| anyopamarde.apyadhikAtmakAntiH AdarshavatspaShTaparAtmabhAvaH | svachChassvato darshitasaumyabhAvaH nijena dhAmnA prachakAsti yogI || 67|| lakShmInR^isiMhashaThajitkaruNAnidhiM taM bhUsa~NgataM cha sudR^ishAmapi gUDhabhAvam | shashvatkR^ite parichaye gahanaM gabhIraM bhaktyA~njanena sudR^ishaH paripashyatainam || 68|| yAvatkAlaM sannataughe samIpaM sa.nprApte vA svAtmabhArArpaNAya | nAyaM yogI yogadR^iShTAkhileshaH khinno dR^iShTo dR^iShTapuMsiMhachittaH || 69|| sarvaj~nashcha kalAdharashcha suyatI rAmArpitAtmAshayaH kandarpaprashamAya kalpitamatiH pUrNo hyahInairguNaiH | hAsenAdharakalpitAhitagaNassampUjitashchAmaraiH kaNThe nirviShavattayA sumanasAM pUjyo yatIndushshivAt || 70|| jaDo.ashktavAn tathA vR^ijinashantamImohitaH trivargaphaladhIH punaH ShaDarivargabhinnAshayaH | sadA bhayabharAkulaH bahuLatApasantApitaH yatIndukaruNAmR^itAplutatanushcha nirbhIraham || 71|| yadi chirajIvikAsu vibudhA bhavatAM spR^ihaNaM na khalu tapaHkriyA na cha payonidhisammathanam | api tu ramAnR^isiMhapatikArijayogiguNAM\- budhimamR^itAptaye kalayatAgryadhiyA nijayA || 72|| karuNApariNAma eSha yogI yatinAthasya cha lakShmaNAbhidhasya | na hi chedavanItalasthitAnA\- mavane.asya kva bhavetsvato.anukampA || 73|| ra~NganAthamiva lokabhUShaNaM vedarAshimiva viprabhUShaNam | satpatiM vidhumivAnishaM bhaje shrInR^isaMhashaThajidyatIshvaram || 74|| padmarAshimiva tIrthabhUShaNaM padmayonimiva haMsabhUShaNam | padmajAtamiva satyabhUShaNaM bhAvaye nR^iharikArijAbhidham || 75|| mUlamantramiva sarvatho.arthadaH vyApakeShu mahitashcha sarvataH | janmashuddhikarashaktibhUShitaH bhaktibhAvarahitairalakShitaH || 76|| mantraratnavadasheShabhogyadhIH darshitAkhilasutattvanirNayaH | sAd.hdhyasAdhanatayA cha sevitaH saMyamI naraharIshakArijaH || 77|| antyashloko yathA.amogho narachittapradArDhyadaH | tathAyaM sevito yogI chittotsAhapradaH shubhaH || 78|| bhIShmabhUpa iva ra~NgaklR^iptadhIH darshitAkhilasutattvanirNayaH | dharmajAtabahuvistarAshayaH sarvapArthivagaNaishcha pUjitaH || 79|| sudhAbdhivatsaktagajAshvaghoShaH ramApatisthAnavarasvarUpaH | kalAdharotpAdakaro gariShThaH nR^isiMhakAryAtmajayoginAthaH || 80|| sAvadhAna iva darshitasmR^itiH svargavadruchirabhAvabandhuraH | kalpavatsaphalarUpameduraH shrInR^isiMhashaThajidyatIshvaraH || 81|| sarvakAlakalitA guNA yateH shrIramAnR^iharirAT\-shaThadviShaH | naiva yAnti hi samAptimadbhutAH kAla eva vilayaM gato bhavet || 82|| ye ye guNA nigamashekharadeshikoktA shrIlakShmaNAkhyayatirAjasudhAmaniShThAH | ye kUranAthaniyatA mahitAshcha sarve te shrInR^isiMhapatikArijayoginiShThAH || 83|| vAchAmagocharatayA prathitA guNAste kIrtyullasattribhuvanasya dayAmburAsheH | shrImannR^isiMhapatikArijayoginetuH tadbhaktikalpitadhiyA kalitA hi kechit || 84|| j~nAnato.aj~nAnato vApi kR^ite karmmaNi yaH phalI | phalI shrInR^iharirbhUyAt nijamUrttyantarastuteH || shrIH || 85|| shrImate shrImachChaThakopashrIlakShmInarasiMha\- shaThakopayatIndramahAdeshikAya namaH | shubhaM bhavatu || ##End of Part 3## \section{chaturtho bhAgaH |} shrIgaNeshAya namaH | shrIH | shrImate shrImachChaThakopashrIlakShmInarasiMhashaThakopa\- yatIndramahadeshikAya namaH | vande shrIra~NgagashaThajidyoginAthasudhAkaram | yadvANIchandrikAtR^iptAssadA budhachakorakAH || 1|| AjAnashuddhavibhavaM dattabhUdevabhUShaNam | lakShmInR^isiMhanilayaM sudhAbdhimaparaM shraye || 2|| svavR^ittAmodisujanaM anIchochchasamAdaram | gurulabdhabalaishvaryamaparaM rAmamAshraye || 3|| sadAgamollAsadhiyaM vA~NmAdhuryAnmadhudviSham | rasArNavaikanilayamAdimatsyamivAparam || 4|| amR^itotpAdanopAyaM vibudhAnAM dR^iDhAshayam | haryaMshAduddhR^itasvA~NgamAdikUrmmamivAparam || 5|| rasAshrayojjvalatanuM hiraNyAkShaniShUdanam | shrImuShNasa~NgollasitaM bhUvarAhamivAparam || 6|| prahlAdadarshitAtmAnaM sandhyAkAlapratIkShakam | lokAvanakShamaguNaM shrInR^isiMhamivAparam || 7|| sarvonnatasvabhAvADhyaM sadAgamasamujjvalam | sarvaj~nepsitavattoyaM trivikramamivAparam || 8|| nirAkR^itAvanIpAlaM shrIrAmArpitahR^idgatim | shrIra~NgashaThajinnAthamAdiM rAmamivAshraye || 9|| sarvalokepsitaguNaM sarvAhlAdaikamUrttikam | lasanmunigaNAmodikR^ityaM rAmamivAparam || 10|| kR^iShNaprabhAvilasitaM sphAratAraprakAshakam | shubhatIrthakR^itAhlAdaM balarAmamivAparam || 11|| kR^iShNAM cha yena rAjantaM dharmasthApanatatparam | vijayaikakaraM lokapUjyaM kR^iShNamivAparam || 12|| kaliM nipAtya dharmANAM sthApanArhakR^itodyamam | shrIra~NgashaThajidyogividhuM kalkimivAshraye || 13|| anadhItya shrutiM samyagalabdhvA shAstrasampadam | shrutishAstrollasadra~NgashaThajidvR^ittavAk tu kaH || 14|| smR^itipAvanasatkIrtteshshrIra~NgashaThavairiNaH | yogIndrasya shubhaM vR^ittaM madvAchA nissaratyaho || 15 || svabhAsA bhUShayan lokaM vinirbhidya tamogaNam | sarvadA pUrNamUrttirhi chandramA aparo hyayam || 16 || sarvatrochchaissthitishshrIkR^it budhAshleShasamunnatiH | makare.avatarannuchchaiH vishvadevarkShago guruH || 17|| jAyamAnaM hariH pashyan sAttvikAnAM samR^iddhaye | yathAmumAtmanA.a.atmAnaM premNA hR^iShTamanA abhUt || 18|| ahaM rekhAmayIvidyA yAvatyasyochiteti sA | svAM cha taM grAhayAmAsa lokAvidyAnivR^ittaye || 19|| bhavitA brahmasUtrIti roddhA nirguNavAdinAm | sAvittryudaikShatAmuM cha saguNabrahmasUttriNam || 20|| bhaviShyati tridaNDIti trayImAtrAnugAminI | vivesha madhurAtmAnaM madhunAthasamAnanam || 21|| padakramAnugashchArtha ityeva shubhadhIrasau | pUrvaM padakramaM pashchAdarthavistAramagrahIt || 22|| tarke prAdhAnyabud.hdhyaiva tarkashAstraM savistaram | praNetR^ipratibhAyogyaM dR^iDhaM chetasi sandadhe || 23|| atra chitramidantveva prativaktuM kShametarAH | svadhIvilAsabhUmnAmuM hR^idyakurvannatAnanAH || 24|| dharmashAstrakriyAssarvAH guruNA bahumAnitAH | pashchAdrakShiShyamANAssyurityasa~Nkochavistaram || 25|| AvIkShakI sAhitI cha te hyasmin satpathAnuge | samUShatuH kavitayA sarvara~njanayA mudA || 26|| pUrvasUriprabandhAshcha sAvakAshaM samAdR^itAH | sametyAsmin gurau vidyA UShurAbharaNAni vA (iva)|| 27|| sukhitAstAssamIkShyApi gurau j~nAneshabodhitA | sparddhayevAvishat sauttrIsAgrAtAbhyo.atishAyinI || 28|| tattadvidyAsu yAvattA sarvApyasmin gurau sthirA | svasvAla~NkAra ityeva nityAvAsamamanyata || 29|| AbhirjuShTaM guruM vIkShya kShamAshAntyAdayo guNAH | mAnase.asya kR^itasthAnAH vajralepA~nchitA iva || 30|| vidyaguNairAtmaguNairnibaddhaM bandhadUragam | nR^iharissatyasa~NkalpaH svachetasyakarodgurum || 31|| gurorAshAlavAle syuH tattadvidyAlatAshshubhAH | vAkpuShpairarchchitadishaH shAlinyashcha yashaH phalaiH || 32|| shrutvA.asyavANIM vibudhAH sudhAyAM harigauravAt | spR^ihAM chakruH svabud.hdhyA na yadvA~NnityAmR^itapradA || 33|| vidyAchandrikayA juShTe rAjamAne dvijeshvare | sachchakorAH kR^itAsvAdAH anye kAkapadAnugAH || 34|| parishuddhairhavirbhissamanasA cha yathochitaiH | atha nityoktavidhinA toShayAmAsa mAdhavam || 35|| pA~nchakAlikadharmaj~naH yajan tenaiva vartmanA | svArchAmArAdhya saMhR^iShTaH dakSho dakShAdbhabhau sudhIH || 36|| ye sAttvikA mahAtmAnaH shrutisa~NgapraharShadAH | upamAnamabhUtteShAM tattatkR^ityasadharmakR^it || 37|| natAtmanAM gururbandhuH loke nArAyaNo yathA | yasya shaktisthirodarkA sarvaj~nasya mahatyabhUt || 38|| parAsharo vA munirADratnaM yena vinirmitam | mumukShvAbharaNaM pUrvAparAdhiShu cha dharShaNam || 39|| vyAsashshrutiparAmarshI shrutisAraikasUtradhIH | abhij~no lokavR^ittAnAM sadbhireShaH prakIrttitaH || 40|| shuko.ayaM kR^iShNapakShashcha vardhamAnaH padepade | nirdoShakalayA pUrNo gururlokaikavanditaH || 41|| dayayA yati bhUpAlaH pAramaikAntyasampadA | kUranAtho bhaTTavaraH tattvAnAM nirNayoktibhiH || 42|| tattvavistArabhUmnA chopakArakarasUktibhiH | trayyantadeshikassarvatantre svAtantryatAyutaH || 43|| nR^isiMhaprItikaraNe prahlAdo.abhUdgurussvayam | sadvR^ittaiH prINayan samyagjyotsnayaiva janaM shashI || 44|| divyakShetreShu sarvatra varShantaM vachanAmR^itam | sarvatR^iT\-shamanaM santo menire lakShmaNaM yatim || 45|| prabandhArthapravaktAraM bhIkaraM tadvirodhinAm | kalighnamathavA kArisUnuM sarve shasha~Nkire || 46|| shabhakR^idvR^ittasampannaH pAramaikAntyabhasvaraH | hR^idaya~NgamakIrttyADhyaH gururlokaikavanditaH || 47|| tattAdR^igguNasampannaM sachchAritryaikavatsalaH | lakShmInR^ikesarI svArthe yatIndumakarodgurum || 48|| lakShmInR^ikesarI sAtkShAt shaThArishchetyubhau gurU | ekIbhUyoditau yenAbhiShiktastena tatpade || 49|| brAhmyA shriyA laukikayA shrInR^isiMhasya tejasA | bhAsvantaM bhAskarAbhaM taM natahR^itpadmarAshiShu || 50|| shrInR^isiMhashaThArAtiyatIndrassvIyatejasA | kR^itanIrAjanaM premNAkarotsarvatra bhAsvaram || 51|| lakShmInR^isiMhashaThajinmanaHkumudachandramAH | shrIra~NgashaThajidyogI jayatyadbhutacheShThitaH || 52|| yatIndvormeLane shlAghyA shobhAharShakarI satAm | avichChinnAmR^itAsvAdA rAmalakShmaNayoriva || 53|| kR^itAnvayashshrInR^iharau yogI bhAti hyananvayaH | lakShmInR^isiMhashaThajidyogIndrakaruNAplutaH || 54|| yena lakShmInR^isiMhashaThakopayatIndreNa rUpeNa ekIbhUya uditau tena yogIndreNa tatpade abhiShiktaH || yatIndreNa svapade.abhiShiktaH || pashuvyAghraikyasampattiH gajasiMhasamAshayaH | nirvairamabhavattatra prashAntAshramasannidhau || 55|| sadA tattvavichArashcha sadA.amR^itavigAhanam | shravaNairviduShAM shrImaddhaMsadvitayasannidhau || 56|| sarvasaMshayavichChittirahitArthanirAsanam | sarvavidyAprachArashcha varahaMsayugAntike || 57|| vR^iShTirvasoshcha vidyAyAH puShpasya madhuno yathA | sarvAmodakarI lakShmInR^isiMhahR^idaya~NgamA || 58|| sarvathA sa.npravR^ittA sA devAnAmapi durlabhA | dashadhA lasadAtmApi tuShyatyAtmeshvaro hariH || 59|| gurusantoShakR^idvR^ittaH haMsashshiShyo yatissadA | shiShyahaMsAbhimAnI cha yatirAD\-dharmatattvavit || 60|| sAtvikI paramA dR^iShThistayoH paramahaMsayoH | vibhAti dehamAtreNa bhedo naivAshaye kvachit || 61|| parasparaguNAdarshau parasparaguNAdarau | parasparaprItinidhIviduShAM vismayAvahau || 62|| brahmavidyojjvalatsvA~NgaM vishvAmodakR^itodayam | padmollAsakaraM bhAntaM viShNvekanilayaM yatim || 63|| sarvasantApaharaNachChAyollAsitavigraham | AshritAbhIShThaphaladaM saumyaM sUryaM vilakShaNam || 64|| dvAraM bhavatitIrShUNAM sadbhAvaM dvijajanmanAm | abhAvaM doShavargANAM shrIra~NgashaThajidyatim || 65|| sanmArgabuddhisaddhetuM varatejonidhiM shubham | sarvArogyapradadhiyaM shuchikAraNamAshraye || 66|| nR^isiMhAnuShTubhA prIto ra~NgikArijadattayA | lakShmInR^isiMho yannighnaH shraye ra~NgashaThadviSham || 67|| dehavAgvR^ittahR^idayagAmbhIryAt kavimohanam | itthaM tvena girAvaktuM yatInduM muhyatIva dhIH || 68|| nityAriyAtuhantAraM bhavasindhuvishoShaNam | mamatAvindhyadamanaM kumbhajaM menire yatim || 69|| garutmantamivodyantaM pakShapAtaM vinorjitam | vinatAnandanaM ra~NgashaThajinnAma yoginam || 70|| sarvathAsheShabhAvena dyotamAnaM nijashriyA | mAdhavArpitasarvAMshaM sheShaM ra~NgashaThadviSham || 71|| sheShAshanaM shrIshadharmmanetAraM harisammatam | tatsenAnyamivApyanyaM shraye ra~NgashaThadviSham || 72|| anuShThitakratushataM sarvajyaiShyapadasthitim | yatiM mahendramaparaM narasiMhaikapAlitam || 73|| dhIprachodanakartAraM sarvasanmArgadAyinam | puNDarIkAkShanilayaM savitAramivAparam || 74 || sudarshanaM dyotamAnaM hareH karasamujjvalam | chakreshamiva yogIndraM vimatAshAvibAdhakam || 75|| rAmAnvayakaraM viShNupadadyotitavigraham | haMsaM haMsAnvayAddIptaM bhasvantamaparaM yatim || 76|| pA~nchajanyamivAsheShamodAvahashubhad.hdhvanim | satAM jayapradaguNamasatAM cha bhayAvaham || 77|| shlAghyAbhijanasambhUtaM sadaiva ramayekShitam | yatimanyaM kaustubha~ncha hR^idgataM cha harerguNaiH || 78|| avichChinnaguNaM shrImaddharishAr~NgamivAparam | avinAbhUtavijayaM nityashatruvinAshanam || 79|| sadAdhiShThitadeveshaM gurudR^iShTyAbhipAlitam | kR^itapuNyairjanairdR^iShTaM yatiM svargamiva sthitam || 80 || sarasvatIpadamukhaM satyapAlanatatparam | svabhaktituShTahastIshamanyaM padmabhavaM yatim || 81|| jAhnavItIrthapUtA~NgaM kalayollasitAnanam | vishvAtishAyisArvaj~nyaM IshAnamaparaM yatim || 82|| ameghabhItinilayamatamassa~NgaduHkhitam | anAbhijAtasaMsargaM haMsaM vande vipashchitam || 83|| atha tebhyo namo.apyastu yatInduM vidviShanti ye | atra pravR^ittamanasaH yaishcha sandhukShitA vayam || 84|| yadanvayAdvishuddhAssyuH bhaktyA dUShaNayA dhiyA | ubhaye shuddhamanasaH smaraNaM tatra kAraNam || 85|| vichArya bud.hdhyA.amalayA yatIndornirmalAshayAH | vR^ittAbdhau santa AsAyaM nimagnA bhavatashriyai || 86|| apApabhIruhR^idayaiH ayatIndrAnuvarttibhiH | anR^isiMhekShitaiH kiM vA sadbhireva hi kevalaiH || 87|| yasminnupadishatyarthaM praNavaikasamudgatam | mene janassvamAtmAnaM jAtaM sheShaM punarnavam || 88|| sarvadvijasamakShaM hi kR^itasnAnAdikakriyaH | jagaddheturramAnAthamarghyadAnAdinArchchayat || 89|| raviprabhe japatyasmin padmarAshissmitAnanaH | svayaM cha nishchalastasthau yatinA shikShito yathA || 90|| shuddhabhAnukarAshliShTaM lakShmInaramR^igeshvaram | atoShayattvabhigamaiH parivAreNa saMyugam || 91|| nityasevAvishuddhAtmabhUmidevagaNeShvasau | shrIbhAShyAmR^itavarShANi yathA megho.abhyavarShayat || 92|| uchchasthe.atha ravau yogI yogatuShTaramApatim | ijyA.a.arAdhanasantuShTaM kArayAmAsa vAgyamI || 93|| hutashiShTaM yatiH samyak shikyalabdhaM sudhopamam | pavitramannaM hArdAya nyavedayadyathochitam || 94|| atha dvayArthavaktA.asau dvandvAtItassatAM vraje | toShayAmAsa yogIndraM shrInR^isiMhashaThadviSham || 95|| samakSha~ncha dineshasya kR^itasnAno yatIshvaraH | sandigdhAyAM ravisthityAM nR^isiMhAradhane yataH || 96|| lakShmInR^isiMhashaThajidyogIndraM sa.npraNmya cha | kaTAkShAmR^itasantuShTaH jayatyakhilavanditaH || 97|| atha yogAsane yogI yogatuShTanR^isiMhadhIH | sheShiNaM jagatAM svasya dhyAyati shrIramAshrayam || 98|| evaM vidhairbudhAshcharyaiH kR^ityairhaMsau parasparam | harShayantau sadA namrAn jIyAtastAM bahuvatsarAn || 99|| yatraitaddhaMsayoshshuddhapadapa~NkajareNavaH | pAvanAssarvajantUnAM sA bhUmirdvArakAdikA || 100|| shrUyatehaMsayornAdaH yatrayadviShayo.api vA | sA prANanADividyAyAshshIkShAdyAyAshcha sampadaH || 101|| aho hyadUShayaM ra~NgashaThajidyogivaibhavam | yadapAraM kaluShayA vAchA goShpadamabhruvam || 102|| nandantu santo yadi vA dUShayantu kR^itiM mama | ubhayaM bhUShaNaM naiva prAj~netarasamAdaraH || 103|| japyametaddhi viduShAM manovAgvR^ittabhUShaNam | na hi tyajanti vibudhA vidhuM doShA~nchitaM kvachit || 104|| na chArthatR^iShNayA khyAtyai yatInduguNachandrikA | tadguNAviduShAM bhaktyA darshanArthamiyaM kR^itiH || 105|| shabde svargaduhAnena sUribhishshikShitA vayam | lakShmInR^isiMhashaThajidyogidR^iShThyAvishodhitAH || 106|| tuShyatvanena vachasA shubhalakShmInR^ikesarI | lakShmInR^isiMhashaThajigyogIndro daivataM mama || 107|| anuShThubhA paramayA vAchA sAphalyamIphsatA | shrIra~NgashaThajidyogividhorvR^ittaM cha rvaNitam || 108|| || shubhamastu || shaThArilakShmaNamunIndrArchchAdhIH jayati shrutaH | lakShmInR^isiMhashaThajit chApAdi proShThapAdbhavaH || jayatyuchchairgurushshrIkR^idbudhAshleShasamunnatiH | makare.avataran ra~NgashaThajidvishvadevabhaH || shrImate shrImachChaThakopa shrIra~NgashaThakopayatIndramahAdeshikAya namaH || iti Aviyur shrInivasachAryavirachitaH shrIpArthasArathistavaH samAptaH | ## End of Part - 4 Encoded by Muthuraman Krishnamurthy Proofread by PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}