% Text title            : Parvatyadidevatakritam Shri Krishna Stotram
% File name             : pArvatyAdidevatAkRRitaMshrIkRRiShNastotram.itx
% Category              : vishhnu, vishnu, krishna, brahmavaivartapurANa, stotra
% Location              : doc\_vishhnu
% Proofread by          : PSA Easwaran
% Description/comments  : brahmavaivartapurANa | gaNapatikhaNDa | adhyAya 7/98-107||
% Latest update         : March 5, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Parvatyadidevatakritam Shri Krishna Stotram ..}##
\itxtitle{.. pArvatyAdidevatAkR^itaM shrIkR^iShNastotram ..}##\endtitles ##
shrImahAdeva uvAcha |
j~nAnAdhiShThAtR^idevo.ahaM staumi j~nAnaparaM cha kim |
sarvAnirvachanIyaM taM tvAM cha svechChAmayaM vibhum || 98||
dharma uvAcha |
adR^ishyamavatAreShu yaddR^ishyaM sarvajantubhiH |
kiM staumi tejorUpaM tadbhaktAnugrahavigraham || 99||
devA uchuH |
ke vayaM tvatkalAMshAshcha kiM vA tvAM stotumIshvarAH |
stotuM na shaktA vedA yaM na cha shaktA sarasvatI || 7\.100||
munaya uchuH |
vedAnpaThitvA vidvAMso vayaM kiM vedakAraNam |
stotumIshA na vANI cha tvAM vA~NmanasayoH param || 101||
sarasvatyuvAcha |
vAgadhiShThAtR^idevIM mAM vadante vedavAdinaH |
ki~nchinna shaktA tvAM stotumaho vA~NmanasoH param || 102||
sAvitryuvAcha |
vedaprasUrahaM nAtha sR^iShTvA tvatkalayA purA |
kiM staumi strIsvabhAvena sarvakAraNakAraNam || 103||
lakShmI uvAcha |
tvadaMshaviShNukAntAhaM jagatpoShaNakAriNI |
kiM staumi tvatkalAsR^iShTA jagatAM bIjakAraNam || 104||
himAlaya uvAcha |
hasanti santo mAM nAtha karmaNA sthAvaraM param |
stotuM samudyataM kShudraH kiM staumi stotumakShamaH || 105||
krameNa sarve taM stutvA devA viraramurmune |
devyashcha munayaH sarve pArvatI stotumudyatA || 106||
dhautavastrA jaTAbhAraM bibhratI suvratA vrate |
preritA paramAtmAnaM vratArAdhyaM shivena cha || 107||
jvaladagnishikhArUpA tejomUrtimatI satI |
tapasAM phaladA mAtA jagatAM sarvakarmaNAm || 108||
pArvatyuvAcha |
kR^iShNa jAnAsi mAM bhadra nAhaM tvAM j~nAtumIshvarI |
ke vA jAnanti vedaj~nA vedA vA vedakArakAH || 109||
tvadaMshAstvAM na jAnanti kathaM j~nAsyanti te kalAH |
tvaM chApi tattvaM jAnAsi kimanye j~nAtumIshvarAH || 7\.110||
sUkShmAtsUkShmatamo.avyaktaH sthUlAtsthUlatamo mahAn |
vishvastvaM vishvarUpashcha vishvabIjaM sanAtanaH || 111||
kAryaM tvaM kAraNaM tvaM cha kAraNAnAM cha kAraNam |
tejassvarUpo bhagavAnnirAkAro nirAshrayaH || 112||
nirlipto nirguNaH sAkShI svAtmArAmaH parAtparaH |
prakR^itIsho virADbIjaM virADrUpastvameva cha |
saguNastvaM prAkR^itikaH kalayA sR^iShTihetave || 113||
prakR^itistvaM pumAMstvaM cha vedA.anyo na kvachidbhavet |
jIvastvaM sAkShiNo bhogI svAtmanaH pratibimbakam || 114||
karma tvaM karmabIjaM tvaM karmaNAM phaladAyakaH |
dhyAyanti yoginastejastvadIyamasharIri yat |
kechichchaturbhujaM shAntaM lakShmIkAntaM manoharam || 115||
vaiShNavAshchaiva sAkAraM kamanIyaM manoharam |
sha~NkhachakragadApadmadharaM pItAmbaraM param || 116||
dvibhujaM kamanIyaM cha kishoraM shyAmasundaram |
shAntaM gopA~NganAkAntaM ratnabhUShaNabhUShitam || 117||
evaM tejasvinaM bhaktAH sevante santataM mudA |
dhyAyanti yogino yattatkutastejasvinaM vinA || 118||
tattejo bibhratAM deva devAnAM tejasA purA |
AvirbhUtA surANAM cha vadhAya brahmaNA stutA || 119||
nityA tejassvarUpA.ahaM dhR^itvA vai vigrahaM vibho |
strIrUpaM kamanIyaM cha vidhAya samupasthitA || 7\.120||
mAyayA tava mAyA.ahaM mohayitvA.asurAnpurA |
nihatya sarvA~nChailendramagamaM taM himAlayam || 121||
tato.ahaM saMstutA devaistArakAkSheNa pIDitaiH |
abhavaM dakShajAyAyAM shivastrI bhavajanmani || 122||
tyaktvA dehaM dakShayaj~ne shivA.ahaM shivanindayA |
abhavaM shailajAyAyAM shailAdhIshasya karmaNA || 123||
anekatapasA prAptaH shivashchAtrApi janmani |
pANiM jagrAha me yogI prArthito brahmaNA vibhuH || 124||
shR^i~NgArajaM cha tattejo nAlabhaM devamAyayA |
staumi tvAmeva tenesha putraduHkhena duHkhitA || 125||
vrate bhavadvidhaM putraM labdhumichChAmi sAmpratam |
devena vihitA vede sA~Nge svasvAmidakShiNA || 126||
shrutvA sarvaM kR^ipAsindho kR^ipAM me kartumarhasi |
ityuktvA pArvatI tatra virarAma cha nArada || 127||
bhArate pArvatIstotraM yaH shR^iNoti susaMyataH |
satputraM labhate nUnaM viShNutulyaparAkramam || 128||
saMvatsaraM haviShyAshI harimabhyarchya bhaktitaH |
supuNyakavrataphalaM labhate nAtra saMshayaH || 129||
viShNustotramidaM brahmansarvasampattivarddhanam |
sukhadaM mokShadaM sAraM svAmisaubhAgyavarddhanam || 7\.130||
sarvasaundaryabIjaM cha yashorAshivivarddhanam |
haribhaktipradaM tattvaj~nAnabuddhisukhapradam || 131||

iti shrIbrahmavaivartapurANe gaNapatikhaNDe saptamAdhyAyAntargataM
         pArvatyAdikR^itaM shrIkR^iShNastotrakathanaM samAptam |

brahmavaivartapurANa | gaNapatikhaNDa | adhyAya 7/98\-107||
##
brahmavaivartapurANa . gaNapatikhaNDa . adhyAya 7/98-107..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}