% Text title : Purnatrayisha Stotram 2 % File name : pUrNatrayIshastotram2.itx % Category : vishhnu, stotra % Location : doc\_vishhnu % Proofread by : Mohan Chettoor % Description/comments : From Stotras Samahara Part 2 (ed. K.Raghavan Pillai) % Latest update : September 4, 2022 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Purnatrayisha Stotram 2 ..}## \itxtitle{.. pUrNatrayIshastotram 2 ..}##\endtitles ## gaNeshavANIgirijAmaheshvarAn praNamya sarvAn vibudhottamAn gurUn | pravaktumichChAmyabalApi satkathAM pipIlikA la~NghitumarNavaM yathA || 1|| vikhyAtAyAH pR^ithivyAM svakR^itavividhamR^iShTAnnadAnAdipuNyaiH ku~n~nipiLLArUparAj~nyA jaTharabhR^itasubhadrAsutAhaM pravaktum | udyuktA te.avatArAn vivarapalamahIdevavaryasya shiShyA brahmaprAptyai kuyogishrama iva viphalo mAstu pUrNatrayIsha ! || 2|| IkShAkShubdhaprakR^ityA mahadapi cha tato.ahaM cha tasmAdadhIshA devA bhUtendriyANItyaparimiLitatatvAni nirmAya bhUyaH | saMyojyAnyonyametAnyatha samanuvishan yo virADAvirAsIH sa tvaM mAM lokarUpasmR^itikR^idabhayadaH pAhi pUrNatrayIsha ! || 3|| vibhrad vArAharUpaM manuvachanamanudhyAyataH padmayone\- rAvirbhUyAbdhitoyAd drutamavanimathoddhR^itya saMsthApya cha tvam | nindantaM chAnuyAntaM samarabhuvi hiraNyAkShamakShINavIryaM hatvA bhaktaiH stuto yastadanu vidhimukhaiH pAhi pUrNatrayIsha ! || 4|| sarveShAM nirviMsha~NkaM nijapadasulabhaprAptyupAyaM vidhAtuM jAtastvaM devahUtyAmurutarakR^ipayA mAtaraM muktimArgam | sugrAhaM grAhayitvA tadanumatiyuto.adyApi pUrvottarAshAM yo.adhyAsse.adhyAtmabidbhiH kapila iti nutaH pAhi pUrNatrayasha! || dharmakShetre.ajaniShThAH svayamatha naranarAyaNAkhyAnayukto nItvA yo mR^ityugehaM dashashatakavachaM chaikavarmAvashiShTam | AkShipyadR^ikShayaj~nakShapaNaharavirishchAdibhiH stUyamAnaH shAntAtmA chintanIyastviha kalisamaye pAhi pUrNatrayIsha ! || 6|| mAturvAgvajrakR^ittAshayavibudhamunIndropadiShTakramAnu\- dhyAnaikAgryatrilokIjanapavanagatistambhakartre dhruvAya | gADhaprItyA sapatnakShitivalayapatitvaM cha yo.adhyAtmaniShThAM pashchAdAvR^ittishUnyaM paramapadamadAH pAhi pUrNatrayIsha ! || 7|| a~NgAd venasya sabhya~Nmathanata uditaH stotR^ibhiH stUyamAnaH pR^ithvI dohAd yatheShTaM pR^ithuriti bhuvane khyAtavIryasvabhAvaH | sakhyaM kR^itvA tvaduktyAnatamukhshatayaj~nena yaj~nAshvahartrA yaH sanmArgaM dvijAnAM sadayamupadishan pAhi pUrNatrayIsha ! || 8|| nAbheshAbhUH suto yo vijitashatamakhAt svIkR^itAyAM jayantyAM putrAn janmatrayAttAbhayabharatamukhAn suprasiddhAMshcha siddhAn | utpAdyoktvAtmavidyAM sadasi nijasutebhyo.api bhR^ito.avadhUta\- syAkAreNAchalAyAmurusukhamacharaH pAhi pUrNatrayIsha ! || 9|| veshyAkR^iShTAshayatvAdapagatanijadharmAdikaM tatkkuTumba kShemArtha kR^ityabhedArjitabahushamalaM kashchanAjAmiLAkhyam | tvannAmoktyaiva vipraM yamabhaTaparighAnmochayitvA svabhR^ityai\- rbhakti chotpAdayan yaH prakaTitakaruNaH pAhi pUrNatrayIsha ! || 10|| prahlAdAnugrahArthaM naraharivapuShA stambhataH kampayan kShmAM sambhUtaH sarvasambhrAntidaghaTaghaTaghorATTahAsAn vimu~nchan | krud.hdhyaddaityendravakShaH kharataranakharAgreNa nirmidya tadra\- ktAntrasragbhUShito yaH subahu shushubhiShe pAhi pUrNatrayIsha ! || 11|| devastotrairashAntaH padakamalanataM brahmavAchA kumAraM prahlAdaM vIkShya sadyo vikasitavadanaH saumyarUpo.abhavastvam | sAmyAt sarvatra kAmyAdiShu vigataratestasya yashchottamA~Nge hastaM nyasya prashastaM vividhavaramadAH pAhi pUrNatrayIsha ||| 12|| grAhagrastaM gajendraM karaghR^itakamalenArchayantaM cha bhaktyA hastenodUdhR^itya chakrapradaLitavadanaM nakramapyAkalayya | yaH kAruNyArdradR^iShTyA gatashuchamakR^ithAH svasvarUpeNa tenai\- vAgAH sAkaM vikuNThaM padamapi cha tathA pAhi pUrNatrayIsha ! || 13|| kShIrAbdhau mathyamAne ditijadiviShadAM hInasa~NkhyAkasa~Nghai\- rmagnAdryuddhAraNArthaM ghR^itakamaThakaThorakR^itishchAbhavastvam | pR^iShThe yo.atisthaviShThe sukhataramadhR^ithA lIlayA shailarAjaM jAtastanmanthanAnte punaramR^itadharaH pAhi pUrNatrayIsha ! || 14|| daityeShvAhR^itya dhAvatsvamR^itamamalanArIvapurdhArayaMstAn sa~nchArairva~nchayan yo mR^idutaravilasadbhAvahAvAdiyuktaiH | dvedhA chaitAn niveshya tridashaditisutAn vyAjatashchAditeyAn modenApAyayastvaM sadayamatha sudhAM pAhi pUrNatrayIsha ! || 15|| prIto.adityAM tu jAtaH kapaTavaTutayA vAmano nAmatastvaM yAto.abhUryaj~navATe balisavidhamaho dhIradhIrasvabhAvaH | gAyaMstasyAnvayaM yo nirupamatatadharmaj~natAM chApi bhUyo yA~nchAM vR^ittyai chakartha tripadamitabhuvaM pAhi pUrNatrayIsha ! || 16|| shukraM dhikkR^itya tubhyaM kR^itavati nijasarvasvadAnaM satoyaM daitye gAtrapravR^iddhayA sakalamapaharan bandhanaM chAsya kurvan | garvaM chApohya yastvaM sutalasukhasureshatvamokShAdyabhIShTAn prItyA datvApi tR^iptiM nahi nahi gatavAn pAhi pUrNatrayIsha ! || 17|| jAto vedasya hetoH purutaramakarasvachCharUpeNa bhR^iya\- stoye naukAM gR^ihItvA dramiDanarapatiM tArayan sa~NkaTAd yaH | ashvagrIvaM cha vishvadruhamatha vigatagrIvamAdhAya vedA\- nAdAya brahmaNe.adAH pramuditahR^idayaH pAhi pUrNatrayIsha ! || 18|| tvatprItyai dvAdashIpAraNaniyamamahAniShThitasyAmbarISha\- syAghaM kartuM cha kR^ityodbhavakR^idamitakopiShThadurvAsasaM yaH | chakreNa bhrAmayitvA dishi dishi nijabhR^ityasya rakShAvidhAnAd bhaktAdhInatvavikhyApanamapi kR^itavAn pAhi pUrNatrayIsha ! || 19|| mUrtiM kR^itvA chaturdhA dasharathanR^ipateH putratAM prAptavAn yo devArthaM tATakAghnaH kushikasutamakhaM pAlayitvA shilAtvam | gautamyA mochayitvA puraharadhanurAropaNaprAptadAraH kR^ittakShatranavIryaH svapuramupagataH pAhi pUrNatrayIsha ! || 20|| kaikeyIvAgadhInaM janakamanunayan kAnanaM svAnujastrI\- yukto yAtaH kirAtAdhiparachitajaTashchitrakUTAdrivAsaH | tAtaM shrutvAnujoktyA mR^itamatha sukhayan pAdukAdAnatastaM mArge.atyugraM virAdhaM tvatha jaghanitha yaH pAhi pUrNatrayIsha ! || 21|| nAsAchChedAd bhaginyAH kupitakharamukhAnAshugairnAshayan yo mArIchaM chAsharAdhIshvarahR^itadayitAM mArgayana mArgamadhye | pakShIndraM vIkShya tasmai nijapadamadadA dagdhakAbandhakAyo muktiM dattvA shabaryai pavanasutanutaH pAhi pUrNatrayIsha ! || 22|| yaH sugrIveNa sakhyaM tadarivaravadhaM chAsya rAjyAdhipatyaM kR^itvA vArtAM priyAyAH pavanajavachasA j~nAtavAn sAdhu sarvAm | gatvAbdhestIramArAdupagatadashakaNThAnujAshliShTapAdo baddhvA setuM cha yAto rajanicharapurIM pAhi pUrNatrayIsha ! || 23|| hatvA la~NkAdhipaM yaH sutasahajabhaTAmAtyayuktaM cha yuddhe sItAmAdAya pUtAM jvalanapatanataH puShpakaM chAdhiruhya | rAjyaM gatvA cha pUjyairmunibhiratha kR^itasvAbhiShekaH svakIyaiH sArdhaM tatrAvasastvaM janamanuramayan pAhi pUrNatrayIsha ! || 24|| hA hanta! tyaktakAntastvatha vidhivashataH kShudrashUdrArdanAdIn kR^itvA putrAnugAtasvacharitamahimA kAlamAlokya cha tvam | sarvAn gIrvANalokAn nishicharanaranArIjanAn vAnarAdIn nItvA yogAt svadhAma drutamatimuditaH pAhi pUrNatrayIcha! || 25|| rAmasyAmeyakIrteshcharitamuruvidhaM kIrtitaM tattvavidbhi\- rdhanyairvAlmIkimukhyaiH shravaNapaThananidhyAnataH siddhidaM cha | ShaDbhiH sa~NkShipya padyairiha kathitavatI shaktihInApi bhaktyA prItyai bhrUyAdabaddhaprachuramapi tavedaM tu pUrNatrayIsha ! ||| 26|| jAto yo reNukAyAM mudamatha jamadagneshcha mAtushcha kurvan dattAtreyAttavidyAkR^itamadakR^itavIryAtmajAdIn narendrAn | nishsheShaM nAshayitvA bhuvamatha vigatakShatriyAM chApi kR^itvA choddhAraM keraLAnAM prasabhamakuruthAH pAhi pUrNatrayIsha ! || 27|| bhUpAn bhUbhArabhUtAn ditidanukulajAMshodbhavAn brahmavAchA saMhartuM sheShayukto yaduShu kR^itajanirvAsudevo.asurAriH | nItastAtena nandavajamatha sadayaM pUtanAM pAtayan yo muktiM bhaktaikalabhyAM daditha kulapate pAhi pUrNatrayIsha! || 28|| yo hatvA kaMsabhR^ityaM shakaTamatha tR^iNAvartamapyAttavAtyA\- mUrtiM mAtre svavaktre nikhilamapi jagad darshayan vishvarUpin! | lIlAbhirgokulasya pramadamatitarAM vardhayan baddhagAtro vR^ikShachChedena yakShadvayanutacharaNaH pAhi pUrNatrayIsha! || 29|| vatsaM hatvA bakAghAvapi kamalabhavaM mAyayA mohayan yo rAmAtmA chAmarAriM jaghanitha sahasA sAnugaM dhenukAkhyam | nR^ittenArtaM cha kR^itvA phaNipatimapibaH pAvakaM tAvakaishcha stotrairvR^itrArimukhyairnutapadakamalaH pAhi pUrNatrayIsha ! || 30|| sarvAlambaH pralambaM haladharavapuShA saMharan vallavInAM hR^itvA vastrANi dattvA dvijavarasudR^ishAM sadgatiM bhaktadAnAt | varShantaM shrImadAndhaM hR^itamadamakR^ithA gotrashatruM dhR^itAdri\- gopInAM tApahArI vihR^itibhirapi yaH pAhi pUrNatrayIsha ! || 31|| nandaM vindan jaleshAda yuvatiharaNataH sha~NkhachUDaM sapa~NkaM chokShANaM tIkShNashR^i~NgaM mayasutamashivaM keshinaM nAshayan yaH | sAkrUraH sAgrajaH shrImadhupuramagamo mAlyaveShAnulepaiH snigdhAM strIM vardhayaMstvaM hR^itarajakashirAH pAhi pUrNatrayIsha ||| 32|| kodaNDaM khaNDayan yo jaghanitha gajarAjaM cha mallAMshcha kalyAn ma~nchAgrAda~nchayitvA bhruvamanujayutaM mAtulaM pretabhartre | dattvA kR^itvA cha pitroH padanatimakaro rAjyamapyugrasene vidyAdAtre cha putraM mR^itamapi dadivAn pAhi pUrNatrayIsha! || 33|| kurvan santApashAntiM vrajapitR^isudR^ishAmuddhavoktyAtiraktAM sairandhrIM prINayitvA punarapi muchukundena yaH kShINapuNyam | mlechCheshaM dAhayitvA hyabhayapadamadAstasya chAShTAdashodya\- dyuddhe bhItAyamAno magadhapatikR^ite pAhi pUrNatrayIsha! || 34|| shrImatyAM dvAravatyAM sukhamatha nivasan rukmiNImagrahIstvaM sAmodaM satyabhAmAmudavaha uchitAM jAmbavatyA cha sArdham | bhadrAkAlindyavantIrapi cha pariNayan lakShaNAnAgnajityo yo hatvA bhUmiputraM bahuyuvatiyutaH pAhi pUrNatrayIsha ! || 35|| yuddhe bANaM cha jitvA nR^igasugatikaraH pauNDrakaM kAshirAjaM hatvA tattvaM cha mitragrahaNagamanato grAhayan gopanArIH | mImenAmoghavIryaM magadhakulapatiM ghAtayaMshchedipaM ya\- shchakrotkR^ittottamA~NgaM sukR^itinamakR^ithAH pAhi pUrNatrayIsha ! || 36|| yaj~naM nirvartya samyag yamasutavihitaM sAlvarAjaM cha saubhaM hatvA tvaM dantavaktraM bhavanagatakuchelAya dattAkhilarddhiH | bhUbhArakShepaNaM yaH prakupitakurupArthAdiyuddhena kR^itvA bhIShmAyAtmaikyadAtA hyanudinamiha mAM pAhi pUrNatrayIsha ! || vR^iddhayarthaM pArthakIrtemR^itadashatanayAn kasyachid bhUsurasya shrImadvaikuNThalokAd drutamatisuhR^idA sArdhamAhR^itya dattvA | kR^itvA sArathyadUtyAdyamitamamatayA yaH punaH pANDavAnAM dvArvatyAM sarvamitraiH saha sukhavasatiH pAhi pUrNatrayIsha ! || 39|| yo.anyonyaM ghAtayitvA nijakulamakhilaM viprashApApadeshAd bhaktottaMsoddhavAya praNayaparavasho dattavAMstattvavidyAm | kIrtiM vistArya cha tvaM bhuvi nijamanujAkAramUrti cha hitvA nityAnandasvarUpo nijapadamagamaH pAhi pUrNatrayIsha ! || 40|| kR^iShNashlakShNAvatArAt prabhR^iti nijapadaprAptiparyantalIlAH prAtaH kAle paThed yaH prashamitakaraNaH so.api vaikuNThamIyAt | itthaM vyAsoktito.ahaM charitamakaravaM tAvakaM sa~NgraheNa stotraM bhuyAnmadIyaM bhavabhayashamanaM tvatprasAdAdihaitat || 41|| viprAt tvaM sa~njaniShyasyatulasukR^itinaH shambhalagrAmamukhyAd vikhyAtaH kalkinAmnA turagamurujavaM yo.adhiruhyAttakhaDgaH | durvR^ittAn sarvamartyAn jhaTiti paTutayA pothayitvA pR^ithivyAM dharmaM saMsthApayiShyasyapi vipulatamaM pAhi pUrNatrayIsha ! ||| 42|| vairAjashrIkumArAH suramuninaranArAyaNavyAsadattA buddho yaj~nashcha dhanvantaripR^ithukapilA mohinI charShabhashcha | govindaH shrInR^isiMhaH kamaThakiTijhaShA vAmano jAmadagnyaH shrIrAmaH sIrikalkItyaja ! paramavatArAMstavatAn smarAmi || 43|| saubhadrametad bhavato.avatArakathAtisa~NkShepanutisvarUpam | satAM pramodAya sadAstu pUrNatrayIpurAdhIsha ! tava prasAdAt || 44|| anekAgoyuktAM bhavanigaLabaddhAM dR^iDhataraM bhavatpAdambhojaM sharaNamupayAtAM hyabhayada ! | yathA choraM rAjA damayati cha tadvad damaya mAM bhavagranthiM Chindhi prachurakaruNAlokavishikhaiH || 45|| ashraddhaM yadi yasya kasya hR^idayaM vyAsAtmajAsyodgata\- shrImadbhAgavatIkathAmR^itakaNaspR^iShTaM hi diShTyApi vA | sadyo.antaHkaraNaM tadIyamamalaM bhaktyAdiyuktaM bhave\- dityuktiM mama chittashuddhikaraNAt satyAM kuru tvaM hare ! || 46|| ##(This was composed by Subhadra Alias Valiya Ikku Amma Tampuran of Cochin royal family (M. E. 1019-1096). It is written in praise of Purnatrayisha, the deity of Trippunittura temple. Sri. Vatakkurmkur Raja Raja Varma and Dr. K. KuNNunni Raja have mentioned this work in their History of Kerala Sanskrit Literature (in Malayalam) and Contribution of Kerala to Sanskrit Literature respectively and they have not noticed it as a published work.)## iti subhadrAkR^itam pUrNatrayIshastotraM sampUrNam | ## Proofread by Mohan Chettoor \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}