% Text title            : Padmanabhakataksha Nakshatramala
% File name             : padmanAbhakaTAkShanakShatramAlA.itx
% Category              : vishhnu, viShNu
% Location              : doc\_vishhnu
% Proofread by          : Aruna Narayanan
% Latest update         : October 28, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Padmanabhakataksha Nakshatramala ..}##
\itxtitle{.. shrIpadmanAbhakaTAkShanakShatramAlA ..}##\endtitles ##
                    || shrIH ||
         || shrImate rAmAnujAya namaH ||
|| shrImate ve~NkaTasheShAryamahAdeshikAya namaH ||
shrImadubhayave\. villar\. naDAdUra\. shrIbhAShyasiMhAsanAdhipati\.
sAhitya\-vyAkaraNa\-vAchaspati\. shrImadve~NkaTasheShAryamahAdeshikAnugR^ihItA

vande ve~NkaTasheShArya vAtsalyAdiguNArNavam |
vAtsyashrIvaradAchAryatanayaM karuNAnidhim ||
atha shrIpadmanAbhakaTAkShanakShatramAlA |
kAmaM kA~NkShitasid.hdhyai prathamaguruM naumi padmanAbhamaham |
prAchAryamaNNayAryaM svAchAryaM sundarAryaguruvaryam || 1||
bhArgavIprabhayA bhrAjadvakShobhAgena bhAsvaram |
bhajatAmabhayodyuktaM padmanAbhamahaM bhaje || 2||
shrIpadmanAbha ! mahite tava sannidhAne
kA shaktirasti mama varNamapIha vaktum |
stotuM punaH kimu dayAjaladhe ! tavaiva
kA.api prasaktiriha mAM mukharIkaroti || 3||
putrasnuShAshayanavAhananetrayugma\-
pautrAdimeShu tava satsvapi tAdR^isheShu |
ko vA na te savidhametya guNAnavochat
 nAplAvitastava dayAshishirairapA~NgaiH || 4||
shrIpadmanAbha ! lalitaM tava divyamUrti\-
rUpAnurUpamahamAbharaNaM praditsuH |
Atmanyashaktimatha vIkShya karomi vAchA
nakShatragumbhanalasannavaratnamAlAm || 5||
ApuryadIyalavataH kulashekharAdyAH shrIpuShTimashvayuganarghagajAdihR^idyAm |
yA puNyarAshivibhaveShu vihArashIlA sA padmanAbha ! tava pAtu kaTAkShamAlA || 6||
tvAmekadaivatadhiyA sharaNaM prapannaM kShAmetarAtmakaruNAbharaNIyamenam |
shrIpadmama~njulamukhenduvihArahelA shrIpadmanAbha ! tava pAtu kaTAkShamAlA || 7||
shrIpadmasambhavamukhairanaghairmakhAshaiH yA kR^ittikApaTadhareNa samaM makhaghnA |
Apadyate sharaNamAshritapakShapAlA shrIpadmanAbha ! tava pAtu kaTAkShamAlA || 8||
ArohiNIM dishati sampadamR^iddhimUlAM yA rohiNIshasudhayeva sadArdrashIlA |
tApatrayaprashamanopahitAtmalIlA sA padmanAbha ! tava pAtu kaTAkShamAlA || 9||
kiM padmajAt mR^igashiraH karato.anyato vA sampannamastu kR^ipaNAn kR^ipaNA bhajante |
ApaM chaturvidhapumarthamahAphalAya shrIpadmanAbha ! tava divyakaTAkShamAlAm || 10||
ArdrAparAdhamapi mAmanukampanIyaM sArdrAvalokanasudhArasavarShiNIyam |
he pa~NkajAkSha ! karuNAnR^itichandrashAlA shrIpadmanAbha ! tava pAtu kaTAkShamAlA || 11||
prAgjanmapuNyavirahAt vasuhInamenaM vAgjanyasaMstavaguNairudayadvikAsam |
pApaM punarvasuyutaM vidadhAtvasau mAM shrIpadmanAbha ! tava divyakaTAkShamAlA || 12||
puShyatprabhAparichitAM punaruktashItAM hR^iShyatprapannakularakShaNabaddhadIkShAm |
svApaM vinaiva sukhadAnamahe vilolAM shrIpadmanAbha ! tava dehi kaTAkShamAlAm || 13||
svAmin! sadA karuNayA hitayA vibhAsvadAshleShayA janitasarvajanaprasAdAm |
shrImannanantapuradivyavimAnadhAman ! shrIpadmanAbha ! tava dehi kaTAkShamAlAm || 14||
padmodbhavashcha sa cha bhavo maghavA cha shAstA sadmopari sthitijuShastava saMstavAshAH |
ApannivAraNachaNAM iti yAM stuvanti shrIpadmanAbha ! tava dehi kaTAkShamAlAm || 15||
valgu tvadIyapadapadmaratiM vihAya phalgunyahaM vyadhitadhIH viShaye hi pUrvam |
AptaM shramaM shamayituM tamanantashAyin ! shrIpadmanAbha ! tava dehi kaTAkShamAlAm || 16||
sarvottarA tava dayA yadi phalgunIyaM garvottarA.api sukhitA mama dhIshshubhA syAt |
dhIpa~njare mama sadaiva yathA bhavAn syAt shrIpadmanAbha ! tava dehi kaTAkShamAlAm || 17||
nyaste bhare tvayi mayA sahasaiva sarvaM haste bhavediti phalaM dR^iDhanishchayo.aham |
prApaM tavaiva charaNau sharaNaM sharaNyau shrIpadmanAbha ! tava dehi kaTAkShamAlAm || 18||
atrAkhilesha! bhuvane parichintyamAne chitrA vibhAti tava vishvajanInarItiH |
ApadmajAtamakhilasya guhAshayAtman! shrIpadmanAbha ! tava dehi kaTAkShamAlAm || 19||
svAtIpsitAni kurute tvayi kA.api bhaktiH nAtIvachitramidamapyahite.atyudAre |
sApatrapaM vibudhapAdapamAdadhAnAM shrIpadmanAbha ! tava dehi kaTAkShamAlAm || 20||
kAntaM tavA~NghriyugalaM nigalaM hR^ido me shrAntasya saMsR^itipathe sharaNaM gatasya |
shrIman ! vishAkhamukhalekhakulaikadeva ! shrIpadmanAbha ! tava dehi kaTAkShamAlAm || 21||
sarvAparAdhamapi tAvakasa~nchitaM te sharvAdayo.api nigadanti tavaiva bhogyam |
Apanna ityavigaNayya mamAparAdhAn shrIpadmanAbha ! tava dehi kaTAkShamAlAm || 22||
jyeShThA bhavanti guNashIlamukhaishcha bodhe shreShThAH pare kati katIha na vA taveShTAH |
rUpaM svamapyaviduShi svayameva bAle shrIpadmanAbha ! tava dehi kaTAkShamAlAm || 23||
shIlaM na vIkShya dayate hi bhavAn prapanne mUla ! tvameva sharaNaM mama he bhaveti |
dvaipaM vacho.api hR^idaye sadaye.ahyabhUttat shrIpadmanAbha ! tava dehi kaTAkShamAlAm || 24||
AShADhabhUtiriva pUrvamahaM mahatsu veShAntareNa rachituM kapaTaM paTIyAn |
he pa~NkajAkSha ! tava dAsyasukhaH kathaM syAM shrIpadmanAbha ! tava dehi kaTAkShamAlAm || 25||
AShADhamuttaramuDu tviha janmatAraM sheShA vadanti parameva tava prasakteH |
ApAdane na vitathaM vidadhAna etat shrIpadmanAbha ! tava dehi kaTAkShamAlAm || 26||
jAtAyatAdamalamAshravaNAt sujAtAt bhItAbhayapradarucheH nayanAmbujAtAt |
ApannarakShaNavidhau atimAtralolA shrIpadmanAbha ! tava pAtu kaTAkShamAlA || 27||
tvatkIrtanaM tava kathAshravaNaM tavArchAM satkIrtihetumapi sadgatikAraNAni |
ke pa~NkamochanachaNaM na vidanti dhIrAH shrIpadmanAbha ! tava dehi kaTAkShamAlAm || 28||
yuktAtmano.api jagati tvamabAdhaniShThAn bhaktAn svayaiva dayayA.abhayayA tanoShi |
kApathyashIlaruchirasmi kathaM kR^itI syAM ? shrIpadmanAbha ! tava dehi kaTAkShamAlAm || 29||
santApakAriNi bhR^ishaM bhavasa~njvare me chintAkulaiH shatabhiShagpravaraiH chikitsA |
Apadyate kimu bhavantamR^ite.amR^itesha ! shrIpadmanAbha ! tava dehi kaTAkShamAlAm || 30||
pUrvaM yathAkathamapi sthitibhAgino.api chArva~nchitAkShiyugabhAdrapadA hi te syuH |
ye patrilAstava kadAchidapA~NgavarSheH shrIpadmanAbha ! tava dehi kaTAkShamAlAm || 31||
ArdrAparAdhashatamUlamaho narAstvadAdyaM tara~Ngitatara~NgamapA~Ngasa~Ngam |
prApya dehamatha bhAdrapadottarAste shrIpadmanAbha ! tava dehi kaTAkShamAlAm || 32||
ghore.avatIha khalu ko bhavadAvavahnau dUre tvadekasharaNaM cha nitAntatAntam |
shrIpa ! kShamo janamimaM tvadR^ite dayAlo shrIpadmanAbha ! tava dehi kaTAkShamAlAm || 33||
AshAstathaiva bahusho.anubhavanti sarvAH AshAstathAbhijitavairigaNA bhajanti |
ye padmashobhi tava pAdayugaM natAste shrIpadmanAbha ! tava dehi kaTAkShamAlAm || 34||
padmAvalIyamakhilesha ! tava prasaktyai hR^idyA bhavatviti samarpayate vinamraH |
shrIpadmajAbjakaralAlitapAdapadma ! shrIpadmanAbha ! tava ve~NkaTasheShadAsaH || 35||

|| iti shrIpadmanAbhakaTAkShanakShatramAlA samAptA ||

vande ve~NkaTasheShAryaM vAtsalyaguNavAridhim |
vAtsyashrIvaradAchAryatanayaM karuNAnidhim ||

|| shrImate ve~NkaTasheShAryamahAdeshikAya namaH ||

##
Proofread by Aruna Narayanan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}