% Text title            : Parasharamuniprokta Vishnu Stuti
% File name             : parAsharamuniproktAviShNustutiH.itx
% Category              : vishhnu, vishnu, viShNupurANa, stuti
% Location              : doc\_vishhnu
% Proofread by          : PSA Easwaran
% Description/comments  : viShNupurANa | adhyAya 6/8/57-64||
% Latest update         : October 2, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Parasharamuniprokta Vishnu Stuti ..}##
\itxtitle{.. parAsharamuniproktA viShNustutiH ..}##\endtitles ##
parAshara uvAcha |
yasminnyastamatirna yAti narakaM svargo.api yachchintane
vighno yatra niveshitAtmamanaso brAhmo.api loko.alpakaH |
muktiM chetasi yassthito.amaladhiyAM puMsAM dadAtyavyayaH
kiM chitraM yadaghaM prayAti vilayaM tatrAchyute kIrttite || 57||
yaj~nairyaj~navido yajanti satataM yaj~neshvaraM karmiNo
yaM vai brahmamayaM parAvaramayaM dhyAyanti cha j~nAninaH |
yaM sa~nchintya na jAyate na mriyate no varddhate hIyate
naivAsanna cha sadbhavatyati tataH kiM vA hareshshrUyatAm || 58||
kavyaM yaH pitR^irUpadhR^igvidhihutaM havyaM cha bhu~Nkte vibhuH
devatve bhagavAnanAdinidhanassvAhAsvadhAsa.nj~nite |
yasminbrahmaNi sarvashaktinilaye mAnAni no mAninAM
viShThAyai prabhavanti hanti kaluShaM shrotraM sa yAto hariH || 59||
nAnto.asti yasya na cha yasya samudbhavo.asti
vR^iddhirna yasya pariNAmavivarjitasya |
nApakShayaM cha samupaityavikAri vastu
yastaM nato.asmi puruShottamamIshamIDyam || 60||
tasyaiva yo.anu gumabhugbahudhaika eva shuddho\-
apyashuddha iva bhAti hi mUrttibhedaiH |
j~nAnAnvitassakalasattvavibhUtikarttA
tasmai namo.astu puruShAya sadA.avyayAya || 61||
j~nAnapravR^ittiniyamaikyamayAya puMso
bhogapradAnapaTave triguNAtmakAya |
avyAkR^itAya bhavabhAvanakAraNAya
vande svarUpabhavanAya sadA.ajarAya || 62||
vyomAnilAgnijalabhUrachanAmayAya
shabdAdibhogyaviShayopanayakShamAya |
puMsassamastakaraNairupakArakAya
vyaktAya sUkShmabR^ihadAtmavate nato.asmi || 63||
iti vividhamajasya yasya rUpaM prakR^itiparAtmamayaM sanAtanasya |
pradishatu bhagavAnasheShapuMsAM harirapajanmajarAdikAM sa siddhim || 64||

iti shrIviShNumahApurANe ShaShThAMshe aShTamAdhyAyAntargatA
                     parAsharamuniproktA viShNustutiH samAptA |

viShNupurANa | adhyAya 6/8/57\-64||
##
viShNupurANa . adhyAya 6/8/57-64..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}