% Text title            : paramArthastutiH
% File name             : paramArthastutiH.itx
% Category              : vishhnu, vedAnta-deshika
% Location              : doc\_vishhnu
% Author                : vedAntadeshika
% Proofread by          : PSA Easwaran psawaswaran at gmail.com
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : December 24, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Paramarthastutih ..}##
\itxtitle{.. paramArthastutiH ..}##\endtitles ##
vedAntadeshikakR^itA |
(gR^idhrasarasi)
shrImadgR^idhrasarastIrapArijAtamupAsmahe |
yatra tu~Ngairatu~Ngaishcha praNatairgR^ihyate phalam || 1||
gurubhistvadananyasarvabhAvaiH guNasindhau kR^itasamplavastvadIye |
raNapu~Ngava vandibhAvamichChan ahamasmyekamanugrahAspadaM te || 2||
bhuvanAshraya bhUShaNAstravargaM manasi tvanmayatAM mamAtanotu |
vapurAhavapu~Ngava tvadIyaM mahiShINAmanimeShadarshanIyam || 3||
abhirakShitumagrataH sthitaM tvAM praNave pArtharathe cha bhAvayantaH |
ahitaprashamairayatnalabhyaiH kathayantyAhavapu~NgavaM guNaj~nAH || 4||
kamalA nirapAyadharmapatnI karuNAdyAH svayamR^itvijo guNAste |
avanaM shrayatAmahInamAdyaM sa cha dharmastvadananyasevanIyaH || 5||
kR^ipaNAH sudhiyaH kR^ipAsahAyaM sharaNaM tvAM raNapu~Ngava prapannAH |
apavarganayAdananyabhAvAH varivasyArasamekamAdriyante || 6||
avadhIrya chaturvidhaM pumarthaM bhavadarthe viniyuktajIvitaH san |
labhate bhavataH phalAni jantuH nikhilAnyatra nidarshanaM jaTAyuH || 7||
sharaNAgatarakShaNavratI mAM na vihAtuM raNapu~NgavArhasi tvam |
viditaM bhuvane vibhIShaNo vA yadi vA rAvaNa ityudIritaM te || 8||
bhujagendragarutmadAdilabhyaistvadanuj~nAnubhavapravAhabhedaiH |
svapade raNapu~Ngava svayaM mAM paricharyAvibhavaiH pariShkriyethAH || 9||
vimalAshayave~NkaTeshajanmA ramaNIyA raNapu~NgavaprasAdAt |
anasUyubhirAdareNa bhAvyA paramArthastutiranvahaM prapannaiH || 10||

iti vedAntadeshikakR^itA paramArthastutiH samAptA |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}