% Text title            : Paramapurusha Prarthana
% File name             : paramapuruShaprArthanA.itx
% Category              : vishhnu
% Location              : doc\_vishhnu
% Author                : raNganAthasUri
% Proofread by          : Rajesh Thyagarajan
% Description/comments  : From Stotrasamuchchaya 2, Edited by Pandit K. Parameshwara Aithal
% Latest update         : May 10, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Paramapurusha Prarthana ..}##
\itxtitle{.. paramapuruShaprArthanA ..}##\endtitles ##
(viShNupAdAdikeshAntavarNanastutipUrvikA )
sevAhevAkadevAdhipamakuTataTIsrastamandAramAlA\-
      lIlamAlambamAnA madhurasapR^iShatashreNikenA~Nghripadme |
ga~NgAbha~NgAnuSha~NgAdiva danujaripoH pANDimAnaM vahantI
      pAyAdasmAnapAyAnnakhamaNisaraNistArakAkArakAntA || 1||
sevAghUrNanmR^iDAnIparivR^iDhamakuTIkoTikAntAravATI\-
      lIlAlolormimAlochchaladamarasaritpUrabinduprabandhAH |
shobhante haMsashAlA iva nalinadhiyA yatra saMshleShabhAjo
      rAjIvAkShasya dadyAt kisalayasadR^ishaM tatpadaM sampadaM naH || 2||
ga~NgAM vAmA~Nghrisa~NgAnmahimagarimagAM kAmamatyetukAmA
      sA mArtANDasya kanyA charaNanalinayoH kinnu lagnA chirAya |
ityeShA sha~NkyamAnA vibudhasamudayaiH shrIpaterindranIla\-
      pratyuptAtyantadIpyatkaTakaruchijharI rakShatAdakShatAnnaH || 3||
nAdaM kAdambinInAmiva taraladhiyo yAM samAkarNya bhUri
      trAsAdAsAditAshAvidhisitagaruto nAbhipadmopaviShTAH |
ChatrAyante murAreruparivalayinaH sAdyama~njIrashi~njA\-
      nalpA kalpAntayUno mama duritatateH kalpatAmarUpatAyai || 4||
pUrvaM pAdAravinde paripatanajuShAM yoginAM mAnasAnA\-
      mUrdhvArohAya shAtakratavamaNisamAbaddhanishreNikeva |
anyonyAMshuprarohaprasaraNasubhagaM bhAvukaM shaurija~NghA\-
      yugmaM tigmAMshulIlAmiha bahatu tamomUlanirmUlanena || 5||
astAshloShAdhirajyaddinakarakiraNashreNishoShIkR^itAbhra\-
      chChAyAlIDhendranIlAchalavipulataTIsAmyamATIkamAnam |
shrImatpItAmbarashrIparikalanavashAdUruyugmaM murAreH
      kAntaM svAntaM dhinotu sthiracharakadalIkANDadaNDopamaM naH || 6||
UruvyAjena rAjanmR^idulakadalikAmUlakandAyamAnau
      saMvItau pItimashrIvihasitavikasatkiMshukenAMshukena |
lAvaNyasyeva rAshI maNimayaviraNatkA~nchidAmAbhirAmau
      pAtAM pItAmbarasya pramuShitanalinashrIkadambau nitambau || 7||
vakShodeshasthalakShmIvadanavilasitasteyakR^ityai nilIya\-
      chChidrAnveShIva nidrArasamapi vijahAtyadya nAlIkamekam |
nimnaM nAbhIbilaM taddanujavijayinaH kAntilIlAtaTAkaM
      lokasyaikaM vitAnaM vihitavadasitaM pAtu no madhyamasya || 8||
eShA me.asheShadoShA~nChamayatu shayanIbhUtabhogIndrasAndra\-
      sphAyanniHshvAsavAtairanavaratamadhaH preryamANA murAreH |
lakShmIlIlAgR^ihAntarjvaladamalamahAkaustubhachChadmadIpa\-
      prodbhUtashyAmadhUmAvaliriva viralAnyetarA romarAjiH || 9||
ashrAntaM divyalIlAkamalavikasanApAdanAya priyAyAH
      pArshve vishvaprasiddhAdbhutamahimavatA kAminA keshavena |
nirmAya sthApitAnyo nidhiriva mahasAmeSha vakShaHsthalasthaH
      pratyakparyAyamUrtirvitaratu chaturaM kaustubhaM prAtibhaM naH || 10||
sha~NkhaM chakraM kR^ipANaM dhanurapi danujachChedanAyodvahantaH
      krAntA mUrtaiH pratApairiva bhujavalayaiH padmarAgAnuviddhaiH |
arthAnAmarthitAnAM samasamayamiva tyAgahetoshchaturNAM
      chAturvidhyaM dadhAnA madhumathanabhujA bhUtaye no bhavantu || 11||
svAntaHshuddhAntadIvyajjalanidhitanayAlolanetrAntasImA\-
      niryatkAruNyadhArAvalibhiriva samAmuktamuktAlatAbhiH |
bibhrANaM shAradendudyutijhararuchirAbhogatArAdhvalakShmIM
      vakShaH shrIvatsalakShma kShapayatu duritaM nyakShamakShINaraukShyam || 12||
madhye lAvaNyasindhordayitadR^iDhaparIrambhagambhIralIlA\-
      lolAkShIrodakanyAmR^idulabhujalutAveShTanasya kShaNeShu |
kamborADambaraM yo vahati valayino vIrudhA vidrumANAM
      vaikuNThasyaiSha kaNThaH prachurayatu chiraM bhavyamavyAhataM naH || 13||
saMvartoddaNDachaNDachChavishatasadR^ishaM ghAma saudarshanaM ta\-
      jjvAlAmAlAvalIDhaM pradahatu duritaM tUlajAlaM samUlam |
chitraM yatrAdhirUDhe samarabhuvi harerdivyahastodayAdriM
      syandante chandrakAntA ditisutasudR^ishAmAyatA lochanAntAH || 14||
shaurerdivyAdharAgrodgaladamR^itarasAsvAdamedasvimUrtiH
      kalpAntonnidrapAthonidhivipulasamArambhagambhIranAdaH |
sha~Nkho.asau pA~nchajanyo danujaripuvapuHkAntikAlindiveNI\-
      lIlairyadrAjahaMso vishadayatu manaH kalmaShakShAlanena || 15||
shrInAsAvaMshabimbAdharadashanamaNishreNikAntitriveNI\-
      madhye kL^iptAvagAhaM prashamitavividhAnalpatApe vishuddham |
lolashrIkaNThanAle galadalakabhairaira~nchite kesaraughai\-
      rdhattAM lolambalIlAM mama hR^idayamidaM nAthavaktrAravinde || 16||
tvamAdirlokAnAM yugashatasahasrANi niyataH
      samArAdhya shrIman padanalinareNuM tava vidhiH |
trilokIdhAtR^itvaM punarapi samApanmunigaNA
      ghR^iNantyuchchairghoShaM paramapuruShaudAryamiti te || 17||
sakR^idvA pAdAbjaM tava namati yaH prAkR^itamatiH
      kuTumbaM svaM dInaM jhaTiti bhagavaMstyAjayasi tam |
chiropAttaM vittaM tirayasi tamante tu kuruShe
      paravyomni shrImannahaha karuNAnIradhirasi || 18||
na te rUpaM ki~nchinna cha jagati nAmApi bhavato
      na vAdhAraH kashchinna cha bhavasi dR^ishyaH kvachidapi |
bhuja~Nge vAsaste kvachana jalarAshau tu bhagava\-
      nnaho te vikhyAto nikhilajagadIshatvamahimA || 19||
vishvaM cha vishvamudare dadhato murAre
      cheto.abhavat sumanasAM paramANurUpam |
dhAmnaH parAdapi tavAdaraNAspadaM yad
      vyaktIkR^itaM kila tato natavatsalatvam || 20||
vimalaguNAvalIruchiramauktikahAralatA
      padanalinadvayena bhagavannavataMsavatI |
tava padareNubhirmalayajairanuliptatanU\-
      rdR^iDhaparirambhakelimayate shrutimaulisatI || 21||
sahR^idayashemuShIsphaTikashailataTIprasR^itA
      parihR^itamadhyalabdhavibudhAntarashailahatiH |
akR^itakasUktibhAvataTinI tvayi nimnatarA
      guNagaNasAgare puruShavarya patatyanaghA || 22||
nirudhya prANAdInapi munibhirantarvidhimukhai\-
      shchirAd ye mR^igye te charaNanaline mAdhava vibho |
apIme kAmaM me kalayasi purastAnnayanayo\-
      raho me saubhAgyaM mayi patati kAruNyalaharI || 23||
kva te bhUmAsImA nigamamakuTIkoTivinutaH
      kva chAhaM nIchAtmA viShayapadavIjA~Nghikapadam |
tadapyenaM dInaM svajanamanugR^ihvAsi bhagavan
      katha~NkAraM brUmastava kR^ipaNavAtsalyabahutAm || 24||
charanto.api shrImannanavaratamArAdiha vidhe\-
      rna vindeyurlokA bahirapagamA jAtvasi yathA |
tathA te sarvAtman vitatamapi sarvatra jagati
      svarUpaM no vidmaH kR^ipaNaviShaNAmohatamasA || 25||
jhaShashishukasya yAti baDishAmiShalobhavato
      viShayaniShadvare kR^itapa.Dhao vipadaM na chirAt |
punarapi jantureSha kurute padamatra hare
      na tu tava tArakaM charaNama~nchati dhig dhagamum || 26||
tridashakadambamAnyamapi mAnuShajanma hare
      sukR^itashatairvItIrNamadhigamya jano bhavatA |
ahaha na chintayatyayamupAyamapAyaharaM
      vanabhuvi chandrikamiva tanoti tavopakR^itim || 27||
trividhadurantatApabaDabArchirasahyatano\-
      rviShayajalabhramairavikalaM parimohayataH |
nanu bhavato vR^iNe paramapUruSha lipsurahaM
      bhavagurusAgarasya taraNaM charaNaM sharaNam || 28||

iti ra~NganAthasUrivirachitA shrIparamapuruShaprArthanA samAptA |
stotrasamuchchayaH 2 (65)
##
Proofread by Rajesh Thyagarajan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}