% Text title            : Parashuramaya Brahmaproktam Shri Krishna Stotram
% File name             : parashurAmAyabrahmaproktaMshrIkRRiShNastotram.itx
% Category              : vishhnu, vishnu, krishna, brahmavaivartapurANa, stotra
% Location              : doc\_vishhnu
% Proofread by          : PSA Easwaran
% Description/comments  : brahmavaivartapurANa | gaNapatikhaNDa | adhyAya 40/83-103||
% Latest update         : March 5, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Parashuramaya Brahmaproktam Shri Krishna Stotram ..}##
\itxtitle{.. parashurAmAya brahmaproktaM shrIkR^iShNastotram ..}##\endtitles ##
brahmovAcha |
shR^iNu rAma pravakShyAmi sarvasampatkaraM param |
kANvashAkhoktavachanaM satyaM vai sarvasammatam || 83||
pUjyAnAmeva sarveShAmiShTaH pUjyatamaH paraH |
janako janmadAnAchcha pAlanAchcha pitA smR^itaH || 84||
garIyA~njanmadAtushcha so.annadAtA pitA mune |
vinA.annaM nashvaro deho nityaM cha piturudbhavaH || 89||
tayoH shataguNaM mAtA pUjyA mAnyA cha vanditA |
garbhadhAraNapoShAbhyAM saiva proktA garIyasI || 86||
tebhyaH shataguNaM pUjyo.abhIShTadevaH shrutau shrutaH |
j~nAnavidyAmantradAtA.abhIShTadevAtparo guruH || 87||
guruvadguruputrashcha gurupatnI tato.adhikA |
deve ruShTe gurU rakShedgurau ruShTe na kashchana || 88||
gururbrahmA gururviShNurgururdevo maheshvaraH |
gurureva paraM brahma brAhmaNebhyaH priyaH paraH || 89||
gururj~nAnaM dadAtyeva j~nAnaM cha haribhaktidam |
haribhaktipradAtA yaH ko vA bandhustataH param || 90||
aj~nAnatimirAchChanno j~nAnadIpaM yato labhet |
labdhvA cha nirmalaM pashyetko vA bandhustataH paraH || 91||
gurudattaM sumantraM cha japtvA j~nAnaM tato labhet |
sarvaj~natvAchcha siddhiM cha ko vA bandhustato.adhikaH || 92||
sukhaM jayati sarvatra vidyayA gurudattayA |
yayA pUjyo.api jagati ko vA bandhustato.adhikaH || 93||
vidyAndho vA dhanAndho vA yo mUDho na yajedgurum |
brahmahatyAdikaM pApaM labhate nAtra saMshayaH || 94||
daridraM patitaM kShudraM narabud.hdhyA bhajedgurum |
tIrthasnAto.api na shuchirnAdhikArI cha karmasu || 95||
abhIShTadevaH shrIkR^iShNo guruste sha~NkaraH svayam |
sharaNaM gachCha he putra devapUjyatamaM gurum || 96||
trissaptakR^itvo nirbhUpA tvayA pR^ithvI kR^itA yataH |
prAptA tvayA harerbhaktistaM shivaM sharaNaM vraja || 97||
shivAM cha shivarUpaM cha shivadaM shivakAraNam |
shivArAdhyaM shivaM shAntaM guruM tvaM sharaNaM vraja || 98||
golokanAtho bhagavAnaMshena shivarUpadhR^ik |
ya iShTadevaH sa gurustameva sharaNaM vraja || 99||
AtmA kR^iShNaH shivo j~nAnaM mano.ahaM sarvajIviShu |
prANA viShNossA prakR^itissarvashaktiyutA suta || 100||
j~nAnadaM j~nAnarUpaM cha j~nAnabIjaM sanAtanam |
mR^ityu~njayaM kAlakAlaM taM guruM sharaNaM vraja || 101||
brahmajyotissvarUpaM taM bhaktAnugrahavigraham |
sharaNaM vraja sarvaj~naM bhagavantaM sanAtanam || 102||
prakR^itirlakShavarShaM cha tapastaptvA yamIshvaram |
kAntaM priyapatiM lebhe taM guruM sharaNaM vraja || 103||
ityuktvA munibhiH sArddhaM jagAma kamalodbhavaH |
rAmashcha gantuM kailAsaM manashchakre cha nArada || 104||

iti shrIbrahmavaivarttapurANe gaNeshakhaNDe chatvAriMshAdhyAyAntargataM
         parashurAmAya brahmaproktaM shrIkR^iShNastotraM samAptam |

brahmavaivartapurANa | gaNapatikhaNDa | adhyAya 40/83\-103||
##
brahmavaivartapurANa . gaNapatikhaNDa . adhyAya 40/83-103..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}