% Text title            : Parashuramakritam Shri Krishna Stotram
% File name             : parashurAmakRRitaMshrIkRRiShNastotram.itx
% Category              : vishhnu, vishnu, krishna, brahmANDapurANa, stotra
% Location              : doc\_vishhnu
% Proofread by          : PSA Easwaran
% Description/comments  : brahmANDapurANa | madhyabhAga | upoddhAta | adhyAya 37/15-24||
% Latest update         : October 1, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Parashuramakritam Shri Krishna Stotram ..}##
\itxtitle{.. parashurAmakR^itaM shrIkR^iShNastotram ..}##\endtitles ##
parashurAmuvAcha |
namo namaH kAraNavigrahAya prapannapAlAya surArttihAriNe |
brahmeshaviShNvindramukhastutAya nato.asmi nityaM parameshvarAya || 2, 37\.15||
yaM vedavAdairvividhaprakArairnirNetumIshAnamukhA na shaknuyuH |
taM tvAmanirdeshyamajaM purANamanantamIDe bhava me dayAparaH || 2, 37\.16||
yastveka Isho nijavA~nchChitaprado dhatte tanUrlokavihAra rakShaNe |
nAnA vidhA devamanuShyatiryagyAdaH su bhUmerbharavAraNAya || 2, 37\.17||
taM tvAmahaM bhaktajanAnuraktaM viraktamatyantamapIndirAdiShu |
svayaM samakShaMvyabhichAraduShTachittAsvapi premanibaddhamAnasam || 2, 37\.18||
yaM vai prasannA asurAH surA narAH sakinnarAstiryagayonayo.api hi |
gatAH svarUpaM nikhalaM vihAya te dehastryapatyArthamamatvamIshvara || 2, 37\.19||
taM devadevaM bhajatAmabhIpsitapradaM nirIhaM guNavarjitaM cha |
achintyamavyaktamaghaughanAshanaM prApto.araNaM premanidhAnamAdarAt || 2, 37\.20||
tapanti tApairvividhaiH svadehamanye tu yaj~nairvividhairyajanti |
svapne.api te rUpamalaukikaMvibho pashyanti naivArthanibaddhavAsanAH || 2, 37\.21||
ye vai tvadIyaM charaNaM bhavashramAnnirviNNachittA vidhivatsmaranti |
namanti bhaktyAtha samarchayanti vai parasparaM saMsadi varNayanti || 2, 37\.22||
tenaikajanmodbhavapa~NkabhedanaprasaktachittA bhavatoM.aghripadme |
taranti chAnyAnapi tArayanti hi bhavauShadhaM nAma sudhA tavesha || 2, 37\.23||
ahaM prabho kAmanibaddhachitto bhavantamAryaM vividhaprayatnaiH |
ArAdhayaM nAtha bhavAnabhij~naH kiM te ha vij~nApyamihAsti loke || 2, 37\.24||

iti brahmANDapurANe madhyabhAge saptatriMshAdhyAyAntargataM
         parashurAmakR^itaM shrIkR^iShNastotraM samAptam |

brahmANDapurANa | madhyabhAga | upoddhAta | adhyAya 37/15\-24||
##
brahmANDapurANa . madhyabhAga . upoddhAta . adhyAya 37/15-24..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}