% Text title : parashurAmakalpasUtram % File name : parashurAmakalpasUtram.itx % Category : tantra, vishhnu, dashAvatAra, yoga % Location : doc\_vishhnu % Transliterated by : Claudia Weber (first part) DPD (second part) % Proofread by : Claudia Weber, DPD % Source : Parasurama-Kalpasutra by A. Mahadeva Sastri 1923 % Latest update : July 27, 2017 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Parashurama Kalpasutram ..}## \itxtitle{.. shrIparashurAmakalpasUtram ..}##\endtitles ## anukramaNikA prathamobhAgasya khaNDAH 1\. dIkShAvidhiH 2\. shrIgaNanAyakapaddhatiH 3\. shrIkramaH lalitA.adhikAraH 4\. lalitAkramaH shrIchakre parachityAvAhanam 5\. lalitAnavAvaraNapUjA 6\. shyAmAkramaH 7\. vArAhIkramaH 8\. parAkramaH 9\. homavidhiH 10\. sarvasAdhAraNakramaH dvitIyobhAgasya khaNDAH 11\. yantravidhAnam 12\. mantravidhAnam 13\. prastArakramaH 14\. naShToddiShTakathanam 15\. kR^itanaShTanirUpaNam 16\. yonili~NgayantrarachanAvidhAnam 17\. a~NgavidyA 18\. vAsanAdhyAyaH prathamobhAgaH prathamaH khaNDaH dIkShAvidhiH athAto dIkShAM vyAkhyAsyAmaH || 1\.1|| bhagavAn paramashivabhaTTArakaH shrutyAdyaShTAdashavidyAH sarvANi darshanAni lIlayA tattadavasthA.a.apannaH praNIya saMvinmayyA bhagavatyA bhairavyA svAtmAbhinnayA pR^iShTaH pa~nchabhiH mukhaiH pa~nchAmnAyAn paramArthasArabhUtAn praNinAya || 1\.2|| tatrAyaM siddhAntaH || 1\.3|| ShaTtriMshattattvAni vishvam || 1\.4|| sharIraka~nchukitaH shivo jIvo niShka~nchukaH parashivaH || 1\.5|| svavimarshaH puruShArthaH || 1\.6|| varNAtmakA nityAH shabdAH || 1\.7|| mantrANAmachintyashaktitA || 1\.8|| sampradAyavishvAsAbhyAM sarvasiddhiH || 1\.9|| vishvAsabhUyiShThaM prAmANyam || 1\.10|| gurumantradevatA.a.atmamanaHpavanAnAm aikyaniShphAlanAdantarAtmavittiH || 1\.11|| AnandaM brahmaNo rUpaM tachcha dehe vyavasthitaM tasyAbhivya~njakAH pa~nchamakArAH tairarchanaM guptyA prAkaTyAnnirayaH || 1\.12|| bhAvanAdArDhyAdAj~nAsiddhiH || 1\.13|| sarvadarshanAnindA || 1\.14|| agaNanaM kasyApi || 1\.15|| sachChiShye rahasyakathanam || 1\.16|| sadA vidyA.anusaMhatiH || 1\.17|| satataM shivatAsamAveshaH || 1\.18|| kAmakrodhalobhamohamadamAtsaryAvihitahiMsAsteyalokavidviShTavarjanam || 1\.19|| ekagurUpAstirasaMshayaH || 1\.20|| sarvatra niShparigrahatA || 1\.21|| phalaM tyaktvA karmakaraNam || 1\.22|| anityakarmalopaH || 1\.23|| mapa~nchakAlAbhe.api nityakramapratyavamR^iShTiH || 1\.24|| nirbhayatA sarvatra || 1\.25|| sarvaM vedyaM havyamindriyANi sruchaH shaktayojvAlAH svAtmA shivaH pAvakaH svayameva hotA || 1\.26|| nirviShayachidvimR^iShTiH phalam || 1\.27|| AtmalAbhAnna paraM vidyate || 1\.28|| saiShA shAstrashailI || 1\.29|| veshyA iva prakaTA vedAdividyAH | sarveShu darshaneShu gupteyaM vidyA || 1\.30|| tatra sarvathA matimAn dIkSheta || 1\.31|| dIkShAstisraH shAktI shAmbhavI mAntrI cheti | tatra shAktI shaktipraveshanAt shAmbhavI charaNavinyAsAt mAntrI mantropadiShTayA sarvAshcha kuryAt || 1\.32|| ekaikAM vetyeke || 1\.33|| sadguruH kramaM pravartya sA~NgaM hutvA taruNollAsavAn shiShyamAhUya vAsasA mukhaM baddhvA gaNapatilalitAshyAmAvArtAlIparApAtra bindubhistamavokShya siddhAntaM shrAvayitvA || 1\.34|| tachChirasi raktashuklacharaNaM bhAvayitvA tadamR^itakShAlitaM sarvasharIramala~NkuryAt || 1\.35|| tasyAmUlamAbrahmabilaM prajvalantIM prakAshalaharIM jvaladanalanibhAM dhyAtvA tadrashmibhistasya pApapAshAn dagdhvA || 1\.36|| trikaTutriphalAchaturjAtatakkolamadayantIsahadevIdUrvA bhasmamR^ittikAchandanaku~NkumarochanAkarpUravAsitajalapUrNaM vastrayugaveShTitaM nUtanakalashaM bAlAShaDa~NgenAbhyarchya shrIshyAmAvArtAlIchakrANi nikShipya tisR^iNAmAvaraNa mantrairabhyarchya saMrakShyAstreNa pradarshya dhenuyonI || 1\.37|| shivayuksauvarNakarNike svaradvandvajuShTaki~njalkAShTake | ka cha Ta ta pa ya sha LAkSharavargAShTayuktAShTadale || digaShTakasthita ThaM vaM chaturashre mAtR^ikAyantre shiShyaM niveshya | tena kumbhAmbhasA tisR^ibhiH vidyAbhiH snapayet || 1\.38|| sadukUlaM sAlepaM sAbharaNaM samAlaM suprasannaM shiShyaM pArshve niveshya mAtR^ikAM tada~Nge vinyasya vimuktamukhakarpaTasya tasya haste trIn prathamasiktAn chandanokShitAn dvitIyakhaNDAn puShpakhaNDAnnikShipya tattvamantrairgrAsayitvA dakShiNakarNe bAlamupadishya pashchAdiShTamanuM vadet || 1\.39|| tatastasya shirasi svacharaNaM nikShipya sarvAn mantrAn sakR^id vA krameNa vA yathA.adhikAramupadishya svA~NgeShu kimapya~NgaM shiShyaM sparshayitvA tada~NgamAtR^ikAvarNAdi dvayakSharaM tryakSharaM chaturakSharaM vA AnandanAthashabdAntaM tasya nAma dishet || 1\.40|| bAlopadiShTeH pUrvamAtmanaH pAdukAM ShaTtArayuktAM dadyAt || 1\.41|| AchArAnanushiShya hArdachaitanyamAmR^ishya vidyAtrayeNa tada~NgaM triH parimR^ijya parirabhya mUrdhanyavaghrAya svAtmarUpaM kuryAt || 1\.42|| shiShyo.api pUrNatAM bhAvayitvA kR^itArthastaM guruM yathAshakti vittairupacharya viditaveditavyo.asheShamantrAdhikArI bhavediti shivam || 1\.43|| iti reNukAgarbhasambhUta\-shrIduShTakShatriyakulAntaka\- shrIbhArgavopAdhyAya\-jAmadagnya\-mahAdevapradhAnashiShya\- mahAkaulAchArya\-shrImatparashurAmakR^itau\-kalpasUtre dIkShAvidhir nAma prathamaH khaNDaH samAptaH || 1|| \medskip\hrule\medskip dvitIyaH khaNDaH shrIgaNanAyakapaddhatiH itthaM sadgurorAhitadIkShaH mahAvidyA.a.arAdhanapratyUhApohAya gANanAyakIM paddhatimAmR^ishet || 2\.1|| brAhme muhUrte utthAya dvAdashAnte sahasradalakamalakarNikAmadhyaniviShTagurucharaNayugala vigaladamR^itarasavisarapariplutAkhilA~Ngo hR^idayakamalamadhye jvalantaM udyadaruNakoTipATalamasheShadoShanirveShabhUtaM anekapAnanaM niyamitapavanamanogatirdhyAtvA tatprabhApaTalapATalIkR^itatanuH bahirnirgatya muktamalamUtro dantadhAvanasnAna\-vastraparidhAnasUryArghyadAnAni vidhAya udyadAdityavartine mahAgaNapataye tatpuruShAya vidmahe vakratuNDAya dhImahi || tanno dantI prachodayAt ityarghyaM datvA nityakR^ityaM vidhAya chaturAvR^ittitarpaNaM kuryAt | AyurArogyamaishvaryaM balaM puShTirmahadyashaH | kavitvaM bhuktimuktI cha chaturAvR^ittitarpaNAt || 2\.2|| prathamaM dvAdashavAraM mUlamantreNa tarpayitvA mantrAShTAviMshativarNAn svAhA.antAnekaikaM chaturvAraM mUlaM cha chaturvAraM tarpayitvA punaH shrIshrIpatigirijAgirijApatiratiratipatimahImahIpati mahAlakShmImahAlakShmIpati R^iddhyAmodasamR^iddhipramodakAnti sumukhamadanAvatIdurmukhamadadravA.avighnadrAviNIvighnakartR^i vasudhArAsha~NkhanidhivasumatIpadmanidhitrayodasha mithuneShvekaikAM devatAM chaturvAraM mUlaM chaturvAraM cha tarpayetevaM chatushchatvAriMshadadhikachatushshatatarpaNAni bhavanti || 2\.3|| atha yAgavidhiH \- gR^ihamAgatya sthaNDilamupalipya dvAradesha ubhayapArshvayorbhadrakAlyai bhairavAya\-dvArordhve lambodarAya namaH iti antaHpravishya AsanamantreNa Asane sthitvA prANAn Ayamya ShaDa~NgAni vinyasya mUlena vyApakaM kR^itvA svAtmani devaM siddhalakShmIsamAshliShTapArshvamardhendushekharamAraktavarNaM mAtulu~NgagadApuNDrekShukArmukashUlasudarshanasha~Nkha\- pAshotpaladhAnya\-ma~njarInijadantA~nchalaratna kalashapariShkR^itapANyekAdashakaM prabhinnakaTamAnandapUrNamasheShavighnadhvaMsanighnaM vighneshvaraM dhyAtvA || 2\.4|| purato mUlasaptAbhimantritena gandhAkShatapuShpapUjitena shuddhena vAriNA trikoNaShaTkoNavR^ittachaturashrANi vidhAya tasmin puShpANi vikIrya vahnIshAsuravAyuShu madhye dikShu cha ShaDa~NgAni vinyasya agnimaNDalAya dashakalA.a.atmane arghyapAtrAdhArAya namaH sUryamaNDalAya dvAdashakalA.a.atmane arghyapAtrAya namaH somamaNDalAya ShoDashakalA.a.atmane arghyAmR^itAya namaH iti shuddhajalamApUrya astreNa saMrakShya kavachenAvakuNThya dhenuyonimudrAM pradarshayet || 2\.5|| saptavAramabhimantrya tajjalavipruDbhirAtmAnaM pUjopakaraNAni cha samprokShya tajjalena pUrvoktaM maNDalaM parikalpya tadvad AdimaM saMyojya tatropAdimaM madhyamaM cha nikShipya vahnyarkendukalAH abhyarchya vakratuNDagAyatryA gaNAnAM tvetyanayA R^ichA chAbhimantrya astrAdirakShaNaM kR^itvA tadbindubhistrishaH shirasi gurupAdukAmArAdhayet || 2\.6|| purato raktachandananirmite pIThe mahAgaNapatipratimAyAM vA chaturasrAShTadalaShaTkoNatrikoNamaye chakre vA tIvrAyai jvAlinyai nandAyai bhogadAyai kAmarUpiNyai ugrAyai tejovatyai satyAyai vighnanAshinyai R^iM dharmAya R^IM j~nAnAya L^iM vairAgyAya L^IM aishvaryAya R^iM adharmAya R^IM aj~nAnAya L^iM avairAgyAya L^IM anaishvaryAya nama iti pIThashaktIrdharmAdyaShTakaM chAbhyarchya mUlamuchchArya mahAgaNapatiM AvAhayAmItyAvAhya pa~nchadhopacharya dashadhA santarpya mUlena mithunA~NgabrAhmyAdIndrAdirUpapa~nchAvaraNapUjAM kuryAt || 2\.7|| trikoNe devaH tasya ShaDasrasyAntarAle shrIshrIpatyAdichaturmithunAni a~NgAni cha R^iddhyAmodAdiShaNmithunAni ShaDasre mithunadvayaM ShaDasrobhayapArshvayostatsandhiShva~NgAni brAhmayAdyAH aShTadale chaturasrAShTadikShvindrAdyAH pUjyAH sarvatra devatAnAmasu shrIpUrvaM pAdukAmuchchArya pUjayAmItyaShTAkSharIM yojayet || 2\.8|| evaM pa~nchAvaraNImiShTvA punardevaM gaNanAthaM dashadhopatarpya ShoDashopachArairupacharya praNavamAyA.ante sarvavighnakR^idbhayaH sarvabhUtebhyo huM svAhA \- iti triH paThitvA baliM datvA gaNapatibuddhyaikaM baTukaM siddhalakShmIbuddhyaikAM shaktiM chAhUya gandhapuShpAkShatairabhyarchyAdimopAdimamadhyamAn datvA mama nirvighnaM mantrasiddhirbhUyAdityanugrahaM kArayitvA namaskR^itya yathAshakti japet || 2\.9|| yadyagnikAryasampattiH baleH pUrvaM vidhivat saMskR^ite.agnau svAhA.antaiH shrIshrIpatyAdivighnakartR^iparyantaiH mantrairhutvA punarAgatya devaM trivAraM santarpya yogyaissaha mapa~nchakaM urarIkR^itya mahAgaNapatimAtmanyudvAsya siddhasa~NkalpaH sukhI viharet iti shivam || 2\.10|| iti reNukAgarbhasambhUta\-shrIduShTakShatriyakulAntaka\- shrIbhArgavopAdhyAya\-jAmadagnya\-mahAdevapradhAnashiShya\- mahAkaulAchArya\-shrImatparashurAmakR^itau\-kalpasUtre gaNanAyakapaddhatir nAma dvitIyaH khaNDaH samAptaH || 2|| \medskip\hrule\medskip tR^itIyaH khaNDaH shrIkramaH lalitA.adhikAraH evaM gaNapatimiShTvA vidhUtasamastavighnavyatikaraH shaktichakraikanAyikAyAH shrIlalitAyAH kramamArabheta || 3\.1|| brAhme muhUrte brAhmaNo muktasvApaH pApavilApAya paramashivarUpaM gurumabhimR^ishya || 3\.2|| mUlAdividhibilaparyantaM taDitkoTikaDArAM taruNadivAkarapi~njarAM jvalantIM mUlasaMvidaM dhyAtvA tadrashminihatakashmalajAlaH kAdiM hAdiM vA mUlavidyAM manasA dashavAramAvartya || 3\.3|| snAnakarmaNi prApte mUlena datvA triH salilA~njalIn tristadabhimantritAH pItvA.apastrissantarpya triH prokShyAtmAnaM paridhAya vAsasI hrAM hrIM hrUM saH ityuktvA mArtANDabhairavAya prakAshashaktisahitAya svAheti trissavitre dattArghyaH || 3\.4|| tanmaNDalamadhye navayonichakramanuchintya vAchamuchchArya tripurasundari vidmahe kAmamuchchArya pIThakAmini dhImahi shaktiM uchchArya tan naH klinnA prachodayAd iti trirmaheshyai dattArghyaH shatamaShTottaramAmR^ishya manuM maunamAlambya || 3\.5|| yAgamandiraM gatvA kL^iptAkalpassa~NkalpAkalpo vA pIThamanunA Asane samupaviShTaH || 3\.6|| tritArImuchchArya raktadvAdashashaktiyuktAya dIpanAthAya nama iti bhUmau mu~nchet puShpA~njalim || 3\.7|| sarveShAM mantrANAmAdau tritArIsaMyogaH | tritArI vA~NmAyAkamalAH || 3\.8|| purataH pa~nchashaktichatuHshrIkaNThamelanarUpaM bhUsadanatrayavalitrayabhUpapatradikpatrabhuvanAra druhiNAravidhikoNadikkoNatrikoNabinduchakramayaM mahAchakrarAjaM sindUraku~NkumalikhitaM chAmIkarakaladhautapa~nchaloharatnasphaTikAdyutkIrNaM vA niveshya || 3\.9|| tatra mahAchakre amR^itAmbhonidhaye ratnadvIpAya nAnAvR^ikShamahodyAnAya kalpavR^ikShavATikAyai santAnavATikAyai harichandanavATikAyai mandAravATikAyai pArijAtavATikAyai kadambavATikAyai puShparAgaratnaprAkArAya padmarAgaratnaprAkArAya gomedharatnaprAkArAya vajraratnaprAkArAya vaiDUryaratnaprAkArAya indranIlaratnaprAkArAya muktAratnaprAkArAya marakataratnaprAkArAya vidrumaratnaprAkArAya mANikyamaNDapAya sahasrastambhamaNDapAya amR^itavApikAyai AnandavApikAyai vimarshavApikAyai bAlAtapodgArAya chandrikodgArAya mahAshR^i~NgAraparighAyai mahApadmATavyai chintAmaNigR^iharAjAya pUrvAmnAyamayapUrvadvArAya dakShiNAmnAyamayadakShiNadvArAya pashchimAmnAyamayapashchimadvArAyottarAmnAyamayottaradvArAya ratnapradIpavalayAya maNimayamahAsiMhAsanAya brahmamayaikama~nchapAdAya viShNumayaikama~nchapAdAya rudramayaikama~nchapAdAya Ishvaramayaikama~nchapAdAya sadAshivamayaikama~nchaphalakAya haMsatUlatalpAya haMsatUlamahopadhAnAya kausumbhAstaraNAya mahAvitAnakAya mahAjavanikAyai namaH \- iti chatushchatvAriMshanmantraistattadakhilaM bhAvayitvA archayitvA || 3\.10|| gandhapuShpAkShatAdIMshcha dakShiNabhAge dIpAn abhito dattvA mUlena chakramabhyarchya mUlatrikhaNDaiH prathamatryasre || 3\.11|| vAyvagnisalilavarNayukprANAyAmaiH shoShaNaM sandahanamAplAvanaM cha vidhAya || 3\.12|| triH prANAn Ayamya || 3\.13|| apasarpantu te bhUtA ye bhUtA bhuvi saMsthitAH | ye bhUtA vighnakartAraste nashyantu shivAj~nayA | iti vAmapAdapArShNighAtakarAsphoTasamuda~nchitavaktrastAlatrayaM datvA devyahambhAvayuktaH svasharIre vajrakavachanyAsajAlaM vidadhIta || 3\.14|| binduyuk shrIkaNThAnantatArtIyaiH madhyamAditalaparyantaM kR^itakarashuddhiH || 3\.15|| kumArImuchchArya mahAtripurasundarIpadamAtmAnaM rakSha rakSheti hR^idaye a~njaliM dattvA || 3\.16|| mAyAkAmashaktIruchchArya devyAtmAsanAya namaH \- iti svasyAsanaM dattvA || 3\.17|| shivayugbAlAmuchchArya shrIchakrAsanAya namaH \- shivabhR^iguyugbAlAmuchchArya sarvamantrAsanAya namo bhuvanA \- madanau blemuchchArya sAdhyasiddhAsanAya namaH \- iti chakramantradevatA.a.asanaM tribhirmantraishchakre kR^itvA || 3\.18|| bAlA\-dvirAvR^ittyA tridvyekadashatrisa~NkhyA.a~NgulivinyAsaiH kL^iptaShaDa~NgaH || 3\.19|| sabindUnachoblUmuchchArya vashinIvAgdevatAyai namaH \- iti shirasi | sarvatra vargANAM binduyogaH | kavargaM kalahrIM cha nigadya kAmeshvarIvAgdevatAyai namaH \- iti lalATe | chuM gaditvA nvlIM modinIvAgdevatAyai namaH \- iti bhrUmadhye | TuM bhaNitvA ylUM vimalAvAgdevatAyai namaH \- iti kaNThe | tuM cha prochya jmrIM aruNAvAgdevatAyai namaH \- iti hR^idi | puM cha hslvyUM uchchArya jayinIvAgdevatAyai namaH \- iti nAbhau | yAdichatuShkaM jhmryUM uchchArya sarveshvarIvAgdevatAyai namaH \- iti li~Nge | shAdiShaTkaM kShmrIM AkhyAya kaulinIvAgdevatAyai namaH \- iti mUle || 3\.20|| mUlavidyApa~nchadashavarNAn mUrdhni mUle hR^idi chakShustritaye shrutidvayamukhabhujayugalapR^iShThajAnuyugalanAbhiShu vinyasya ShoDhA chakre nyasyAnyasya vA || 3\.21|| shuddhAmbhasA vAmabhAge trikoNaShaTkoNavR^ittachaturashramaNDalaM kR^itvA puShpairabhyarchya sAdhAraM sha~NkhaM pratiShThApya shuddhajalamApUrya AdimabinduM dattvA ShaDa~NgenAbhyarchya vidyayA abhimantrya tajjalavipruDbhiH AtmAnaM pUjopakaraNAni cha samprokShya || 3\.22|| tajjalena trikoNaShaTkoNavR^ittachaturasramaNDalaM kR^itvA madhyaM vidyayA vidyAkhaNDaistrikoNaM bIjAvR^ittyA ShaDashraM sampUjya vAchamuchchArya agnimaNDalAya dashakalA.a.atmane arghyapAtrAdhArAya namaH \- iti pratiShThApya AdhAraM prapUjya pAvakIH kalAH || 3\.23|| madanAdupari sUryamaNDalAya dvAdashakalA.a.atmane arghyapAtrAya namaH iti saMvidhAya pAtraM saMspR^ishya kalAH saurIH sauH somamaNDalAya ShoDashakalA.a.atmane arghyAmR^itAya namaH \- iti pUrayitvA AdimaM dattvopAdimamadhyamau pUjayitvA vidhoH kalAShoDashakam || 3\.24|| tatra vilikhya tryasramakathAdimayarekhaM halakShayugAntasthitahaMsabhAsvaraM vAkkAmashaktiyuktakoNaM haMsenArAdhya bahirvR^ittaShaTkoNaM kR^itvA ShaDasraM ShaDa~Ngena purobhAgAdyabhyarchya mUlena saptadhA abhimantrya dattagandhAkShatapuShpadhUpadIpaH tadvipruDbhiH prokShitapUjAdravyaH sarvaM vidyAmayaM kR^itvA tat spR^iShTvA chaturnavatimantrAn japet || 3\.25|| tritArInamassampuTitAH tejastritayakalA aShTatriMshat | sR^iShTiR^iddhismR^itimedhAkAntilakShmIdyutisthirA\- sthitisiddhayo brahmakalA dasha | jarA pAlinI shAntirIshvarI ratikAmike varadAhlAdinI prItirdIrghA viShNukalA dasha | tIkShNA raudrI bhayA nidrA tandrI kShudhA krodhinI kriyodgArImR^ityavo rudrakalA dasha | pItA shvetA.aruNA.asitAshchatasra IshvarakalAH | nivR^ittipratiShThAvidyAshAntIndhikAdIpikArechikAmochikA parAsUkShmAsUkShmAmR^itA\-j~nAnAj~nAnAmR^itApyAyinIvyApinI vyomarUpAH ShoDasha sadAshivakalAH || haMsashshuchiShadvasurantarikShasaddhotAvvediShadatithirduroNasat | nR^iShadvarasadR^itasadvayomasadabjA gojA R^itajA adrijA R^itaM bR^ihat || pra tadviShNuH stavate vIryeNa mR^igo na bhImaH kucharo giriShThAH | yasyoruShu triShu vikramaNeShvadhikShiyanti bhuvanAni (?) vvishvA || tryambakaM yajAmahe sugandhiM puShTivardhanam | urvArukamiva bandhanAn mR^ityormukShIya mAmR^itAt || tadviShNoH paramaM padaM sadA pashyanti sUrayaH | divIva chakShurAtatam || tadviprAso vipanyavo jAgR^ivAMsaH samindhate | viShNoryat paramaM padam || viShNuryoniM kalpayatu tvaShTA rUpANi piMshatu | Asi~nchatu prajApatirdhAtA garbhaM dadhAtu te || garbhaM dhehi sinIvAli garbhaM dhehi sarasvati | garbhaM te ashvinau devAvAdhattAM puShkarasrajA || ityete pa~nchamantrAH || mUlavidyA chAhatya chaturnavatimantrAH || 3\.26|| atha haike pa~nchabhirakhaNDAdyairabhimantraNamAmananti || 3\.27|| akhaNDaikarasAnandakarai parasudhA.a.atmani | svachChandasphuraNamatra nidhehyakulanAyike || akulasthAmR^itAkAre shuddhaj~nAnakare pare | amR^itatvaM nidhehyasmin vastuni klinnarUpiNi || tadrUpiNyaikarasyatvaM kR^itvA hyetatsvarUpiNi | bhUtvA parAmR^itAkArA mayi chitsphuraNaM kuru || iti tisro.anuShTubho vidyAH || 3\.28|| atho vAchaM blUM jhaumiti jUM saH \- iti choktvA amR^ite amR^itodbhave amR^iteshvari amR^itavarShiNi amR^itaM srAvaya srAvaya svAheti chaturtho mantraH || 3\.29|| vAgbhavo vada vada tato vAgvAdini vA~Nmadanaklinne kledini kledaya mahAkShobhaM kuruyugalaM mAdanaM shaktirmokShaM kuru kuru shabdo hasa chaturdashapa~nchadashapiNDaH sahachaturdashaShoDashapiNDashcheti pa~nchamIyaM vidyaitAbhiH abhimantrya jyotirmayaM tad arghyaM vidhAya || 3\.30|| tadbindubhistrishaH shirasi gurupAdukAmiShTvA ArdraM jvalati jyotirahamasmi jyotirjvalati brahmAhamasmi yo.ahamasmi brahmAhamasmi ahamasmi brahmAhamasmi ahamevAhaM mAM juhomi svAheti tadbindumAtmanaH kuNDalinyAM juhuyAt || 3\.31|| etadarghyashodhanamiti shivam || 3\.32|| iti reNukAgarbhasambhUta\-shrIduShTakShatriyakulAntaka\- shrIbhArgavopAdhyAya\-jAmadagnya\-mahAdevapradhAnashiShya\- mahAkaulAchArya\-shrImatparashurAmakR^itau\-kalpasUtre shrIkrama nAma tR^itIyaH khaNDaH samAptaH || 3|| \medskip\hrule\medskip chaturthaH khaNDaH lalitAkramaH shrIchakre parachityAvAhanam atha hR^ichchakrasthitAm antassuShumNApadmATavInirbhedanakushalAM nirastamohatimirAM shivadIpadIptimAdyAM saMvidaM vahannAsapuTena nirgamayya lIlA.a.akalitavapuShaM tAM trikhaNDamudrAshikhaNDe kusumA~njalau haste samAnIya || 4\.1|| mAyAlakShmI parA uchchArya devInAma chAmR^itachaitanyamUrtiM kalpayAmi namaH \- iti kalpayitvA || 4\.2|| hasarayujaM vAchaM hasayuktAM kalarIM hasarachaturdashaShoDashAnapyuchchArya mahApadmavanAntaHsthe kAraNAnandavigrahe | sarvabhUtahite mAtarehyehi parameshvari || iti baindavachakre parachitimAvAhya || 4\.3|| chatuShShaShTyupachArAn kuryAt | sarve upachAramantrAH tritArIpUrvAH kalpayAmi namaH \- ityantAH kartavyAH || 4\.4|| tritArImuchchArya pAdyaM kalpayAmi namaH iti krameNa AbharaNAvaropaNaM sugandhitailAbhya~NgaM majjanashAlApraveshanaM majjanamaNDapamaNipIThopaveshanaM divyasnAnIyodvartanam uShNodakasnAnam kanakakalashachyutasakalatIrthAbhiShekaM dhautavastraparimArjanam aruNadukUlaparidhAnam aruNakuchottarIyam AlepamaNDapapraveshanamAlepamaNDapamaNipIThopaveshanaM chandanAgaruku~Nkuma sa~NkumR^igamadakarpUrakastUrIgorochanAdi divyagandhasarvA~NgINavilepanaM keshabharasya kAlAgarudhUpaM mallikAmAlatIjAtIchampakAshokashatapatrapUgakuDmalI punnAgakalhAra\-mukhyasarvartukusumamAlAM bhUShaNamaNDapapraveshanaM bhUShaNamaNDapamaNipIThopaveshanaM navamaNimakuTaM chandrashakalaM sImantasindUraM tilakaratnaM kAlA~njanaM pAlIyugalaM maNikuNDalayugalaM nAsAbharaNam adharayAvakaM prathamabhUShaNaM kanakachintAkaM padakaM mahApadakaM muktAvalimekAvaliM ChannavIraM keyUrayugalachatuShTayaM valayAvalimUrmikAvaliM kA~nchIdAma kaTisUtraM saubhAgyAbharaNaM pAdakaTakaM ratnanUpuraM pAdA~NgulIyakamekakare pAshamanyakare a~Nkushamitarakare puNDrekShuchApamaparakare puShpabANAn shrImanmANikyapAduke svasamAnaveShAbhirAvaraNadevatAbhiH saha mahAchakrAdhirohaNaM kAmeshvarA~Nkaparya~Nkopaveshanam amR^itAsavachaShakamAchamanIyaM karpUravITikAm AnandollAsavilAsa\-hAsaM ma~NgalArArtikaM ChatraM chAmarayugalaM darpaNaM tAlavR^intaM gandhaM puShpaM dhUpaM dIpaM naivedyaM kalpayAmi namaH \- iti chatuShShaShTyupachArAn vidhAya || 4\.5|| navamudrAshcha pradarshya || 4\.6|| mUlena tridhA santarpya || 4\.7|| devyA agnIshAsuravAyuShu madhye dikShu cha ShaDa~NgAni pUjayitvA || 4\.8|| vAksakalahrIM nityaklinne madadrave sauH \- iti kAmeshvarI | sarvatra nityAshrIpAduketi yojyam | vAgbhagabhuge bhagini bhagodari bhagamAle bhagAvahe bhagaguhye bhagayoni bhaganipAtini sarvabhagavasha~Nkari bhagarUpe nityaklinne bhagasvarUpe sarvANi bhagAni me hyAnaya varade rete surete bhagaklinne klinnadrave kledaya drAvaya amoghe bhagavichche kShubha kShobhaya sarvasattvAn bhageshvari aiM blUM jeM blUM bheM blUM heM blUM heM klinne sarvANi bhagAni me vashamAnaya strIM hara bleM hrIM bhaga\-mAlinI | tAro mAyA nitya\-klinne mada\-drave svAhA \- iti nityaklinnA | praNavaH kroM bhroM krauM jhrauM ChrauM jrauM svAhA \- iti bheruNDA | praNavo mAyA vahnivAsinyai namaH \- iti vahnivAsinI | mAyAklinne vAk kroM nityamadadrave hrIM \- iti mahAvajreshvarI | mAyA shivadUtyai namaH \- iti shivadUtI | praNavo mAyA huM khe cha Che kShaH strIM huM kSheM hrIM phaT \- iti tvaritA | kumArI kulasundarI | hasakalaraDavAgbhavahasakalaraDabindumAlinI hasakalaraDachaturdashaShoDashA\- iti nityA | mAyA phreM srUM a~NkushapAshasmaravAgbhavablUmpadanityamadadrave varma phreM mAyeti nIlapatAkA | bhamarayaUmiti vijayA | svaumiti sarvama~NgalA | tAro namo bhagavati jvAlAmAlini devadevi sarvabhUtasaMhArakArike jAtavedasi jvalanti jvala jvala prajvala prajvala trijAtiyuktamAyArephasaptakajvAlAmAlini varmaphaDagnijAyeti jvAlAmAlinI | (aM) chkauM \- iti chitreti pa~nchadasha nityAH prathamatryasrarekhAsthitapa~nchadashasvareShu pUjyaH | visR^iShTau ShoDashIM mUlavidyayA chAbhyarchya || 4\.9|| madhye prAktryasramadhyAntaH munivedanAgasa~NkhyAn yathAsampradAyaM pAdukAn divyasiddhamAnavaughasiddhAniShTvA pashchAt svashirasi nAthaM yajet | etallayA~NgapUjanam \- iti shivam || 4\.10|| iti reNukAgarbhasambhUta\-shrIduShTakShatriyakulAntaka\- shrIbhArgavopAdhyAya\-jAmadagnya\-mahAdevapradhAnashiShya\- mahAkaulAchArya\-shrImatparashurAmakR^itau\-kalpasUtre lalitAkramo nAma chaturthaH khaNDaH samAptaH || 4|| \medskip\hrule\medskip pa~nchamaH khaNDaH lalitAnavAvaraNapUjA atha prAthamike chaturasre aNimAlaghimAmahimeshitvavashitva prAkAmyabhuktIchChAprAptisarvakAmasiddhyantAH madhyame chaturasre brAhmyAdyAmahAlakShmyantAH tR^itIye chaturasre saMkShobhaNadrAvaNakarShaNavashyonmAdanamahA~NkushakhecharI bIjayonitrikhaNDAH sarvapUrvAstAH sampUjyAH || 5\.1|| etAH prakaTayoginyastrailokyamohanachakre samudrAH sasiddhayaH sAyudhAH sashaktayaH savAhanAH saparivArAH sarvopachAraiH sampUjitAH santviti tAsAmeva samaShTyarchanaM kR^itvA || 5\.2|| karashuddhimuchchArya tripurAchakreshvarImavamR^ishya drAmiti sarvasaMkShobhiNImudrAM pradarshayet | chakrayoginIchakreshInAM nAmAni bhinnAni | shiShTaM samAnam || 5\.3|| ShoDashapatre kAmAkarShiNI nityAkaleti nityAkalA.antAH buddhyAkarShiNI\-aha~NkArAkarShiNI\-shabdAkarShiNI\-sparshAkarShiNI\- rUpAkarShiNI\-rasAkarShiNI\-gandhAkarShiNI\-chittAkarShiNI\- dhairyAkarShiNI\-smR^ityAkarShiNI\-nAmAkarShiNI\-bIjAkarShiNI\- AtmAkarShiNI\-amR^itAkarShiNI\-sharIrAkarShiNI\-etA guptayoginyaH sarvAshAparipUrake chakre samudrAH ityAdi pUrvavat AtmarakShAmuchchArya tripureshImiShTvA drIM \- iti sarvavidrAviNIM pradarshayet || 5\.4|| dikpatre kusumAmekhalAmadanAmadanAturArekhAveginya~NkushA mAlinIrana~NgapUrvAH saMmR^ishyaitA guptatarayoginyaH sarvasaMkShobhaNachakre samudrAH ityAdi pUrvavadAtmAsanamuchchArya tripurasundarImiShTvA klImiti sarvAkarShiNImudrAM pradarshayet || 5\.5|| bhuvanAre saMkShobhiNIdrAviNyAkarShiNyAhlAdinIsaMmohinIstambhinI jR^imbhiNIvasha~NkarIra~njanyunmAdinyarthasAdhinI\- sampattipUraNI\-mantramayI\-dvandvakShaya~NkarIH sarvAdIravamR^ishyaitAH sampradAyayoginyaH sarvasaubhAgyadAyakachakre samudrAH \- ityAdi mantrasheShaH chakrAsanamuchchArya tripuravAsinIM chakreshvarImiShTvA blUM \- iti sarvavasha~NkarImudrAmudghATayet || 5\.6|| bahirdashAre siddhipradAsampatpradApriya~NkarIma~NgalakAriNI kAmapradAduHkhavimochinImR^ityuprashamanIvighnanivAriNya~Nga\- sundarIsaubhAgyadAyinIH sarvapUrvAH sampUjyaitAH kulottIrNayoginyaH sarvArthasAdhakachakre manusheShamuktvA mantrAsanamuchchArya tripurAshrIchakreshvarIM pratyavamR^ishya sa ityunmAdinImudrAM dadyAt || 5\.7|| antardashAre j~nAnashaktyaishvaryapradAj~nAnamayIvyAdhivinAshinyAdhArasvarUpA\- pApaharA.a.anandamayIrakShAsvarUpiNIpsitaphalapradAH sarvopapadAH yaShTavyA etAni garbhayoginyaH sarvarakShAkarachakre shiShTaM tadvat sAdhyasiddhAsanamuchchArya tripuramAlinI mAnyA kromiti sarvamahA~NkushAM darshayet || 5\.8|| aShTAre vashinyAdyaShTakaM namaHsthAne pUjAmantrasannAma etA rahasyayoginyaH sarvarogaharachakre shiShTaM spaShTaM mUrtividyAmuchchArya tripurAsiddhAmArAdhya shivabhR^iguR^iddhi\-yukphreM \- iti khecharI deyA || 5\.9|| bANabIjAnyuchchArya sarvajR^imbhaNebhyo bANebhyo namaH dhaM thaM sarvasaMmohanAya dhanuShe AM hrIM sarvavashIkaraNAya pAshAya kroM sarvastambhanAyA~NkushAya namaH \- iti mahAtryasrabAhyachaturdikShu bANAdyAyudhapUjA || 5\.10|| trikoNe vAkkAmashaktisamastapUrvAH kAmeshvarIvajreshvarIbhagamAlinImahAdevyaH bindau chaturthI || 5\.11|| tisR^iNAmAsAmanantaramabhedAya mUladevyAH pUjA | kAmeshvaryAdichaturthI nityAnAM ShoDashI chakradevInAM navamI binduchakrasthA chetyekaiva | na tatra mantradevatAbhedaH kAryaH | tanmahAdevyA eva | chaturShu sthaleShu visheShArchanamAvartate || 5\.12|| etA atirahasyayoginyaH sarvasiddhiprade chakre | parishiShTaM draShTavyam | AvAhanImuchchArya tripurAmbAM sambhAvya hsauM \- iti bIjamudrAkR^itiH || 5\.13|| binduchakre mUlena devImiShTvA eShA parApararahasyayoginI sarvAnandamaye chakre samudrA sasiddhiH sAyudhA sashaktiH savAhanA saparivArA sarvopachAraiH sampUjitA.astviti punarmUlamuchchArya mahAchakreshvarImiShTvA vAgbhavena yoniM pradarshya || 5\.14|| pUrvavaddhUpadIpamudrAtarpaNanaivedyAdi dattvA || 5\.15|| bindunA mukhaM bindudvayena kuchau saparArdhena yoniM kR^itvA kAmakalAmiti dhyAtvA || 5\.16|| saubhAgyahR^idayamAmR^ishya || 5\.17|| vAmabhAgavihitatrikoNavR^ittachaturasre gandhAkShatArchite vAgbhavamuchchArya vyApakamaNDalAya namaH ityardhabhaktabharitAmbhasA AdimopAdimamadhyamabhAjanaM tatra nyasya || 5\.18|| praNavamAyA.ante sarvavighnakR^idbhyaH sarvabhUtebhyo huM svAhA \- iti triH paThitvA baliM dattvA || 5\.19|| pradakShiNanamaskArajapastotraiH santoShya || 5\.20|| tadrUpiNImekAM shaktiM bAlayopachAraiH sampUjya tAM mapa~nchakena santarpya || 5\.21|| shiShTaiH sArdhaM chidagnau havishsheShaM hutvA || 5\.22|| khecharIM baddhvA kShamasveti visR^ijya tAmAtmani saMyojayet iti shivam || 5\.23|| iti reNukAgarbhasambhUta\-shrIduShTakShatriyakulAntaka\- shrIbhArgavopAdhyAya\-jAmadagnya\-mahAdevapradhAnashiShya\- mahAkaulAchArya\-shrImatparashurAmakR^itau\-kalpasUtre lalitAnavAvaraNapUjA nAma pa~nchamaH khaNDaH samAptaH || 5|| \medskip\hrule\medskip ShaShThaH khaNDaH shyAmAkramaH iyameva mahatI vidyA siMhAsaneshvarI sAmrAj~nI tasyAH pradhAnasachivapadaM shyAmA tatkramavimR^iShTiH sadA kAryA || 6\.1|| pradhAnadvArA rAjaprasAdanaM hi nyAyyam || 6\.2|| brAhme muhUrte chotthAya shayane sthitvaiva shrIpAdukAM praNamya prANAn Ayamya mUlAdidvAdashAntaparyantaM jvalantIM parasaMvidaM vichintya manasA mUlaM trisho japtvA bahirnirgatya vimuktamalamUtro dantadhAvanajihvAgharShaNakaphavimochananAsashodhana\- viMshatigaNDUShAn vidhAya || 6\.3|| mantrabhasmajalasnAneShviShTaM vidhAya vastraM paridhAya || 6\.4|| sandhyAmupAsya savitR^imaNDale devIM sAvaraNAM vichintya mUlena trirarghyaM dattvA yathAshakti santarpya || 6\.5|| yAgagR^ihaM pravishyAsane AdhArashaktikamalAsanAya nama ityupavishya || 6\.6|| samastaprakaTaguptasiddhayoginIchakrashrIpAdukAbhyo nama iti shirasya~njalimAdhAya svagurupAdukApUjAM cha vidhAya || 6\.7|| aiM hraH astrAya phaT ityastramantreNa a~NguShThAdikaniShThAntaM karatalayoH kUrparayoH dehe cha vyApakatvena vinyasya || 6\.8|| yaM \- iti vAyuM pi~NgalayA.a.akR^iShya dehamupavishoShya raM \- iti vAyumAkR^iShya dehaM dagdhvA vaM \- iti vAyumAkR^iShyAmR^itena dagdhadehabhasma siktvA laM \- iti vAyumAkR^iShya dR^iDhaM vidhAya haMsa \- iti vAyumAkR^iShya shivachaitanyamutpAdya || 6\.9|| mUlamekasha uchchArya vAyumAkR^iShya trishaH uchchArya kumbhayitvA sakR^id uchchArya rechayet | evaM rechakapUrakakumbhakaM tridhA saptadhA dashadhA ShoDashadhA vA virachya tejomayatanuH || 6\.10|| ShaDa~NgaM bAlAsahitAM mAtR^ikAM mUlahR^inmukheShu ratiprItimanobhavAn vinyasya || 6\.11|| mUlaM saptadashadhA khaNDayitvA ShaT brahmabile trINi lalATe chatvAri bhrUmadhye dakShavAmekShaNayoH ShaT chAShTau saptAsye dakShavAmashrutikaNTheShvekaikaM dakShavAmAMsayoraShTau cha dasha hR^idi dasha dakShavAmastanayoraShTAvaShTau nava nAbhau dviH svAdhiShThAne ShaD AdhAra evaM vinyasya || 6\.12|| punarAdhArAdibrahmabilaparyantaM saptadashakhaNDAnuktasthAneShu vinyasya || 6\.13|| amR^itodadhimadhyaratnadvIpe muktAmAlAdyala~NkR^itaM chaturdvArasahitaM maNDapaM vichintya tasya prAgAdichaturdvAreShu \- sAM sarasvatyai lAM lakShmyai shaM sha~Nkhanidhaye paM padmanidhaye namaH | lAM indrAya vajrahastAya surAdhipataye airAvatavAhanAya saparivArAya namaH | rAM agnaye shaktihastAya tejo.adhipataye ajavAhanAya saparivArAya namaH | TAM yamAya daNDahastAya pretAdhipataye mahiShavAhanAya saparivArAya namaH | kShAM nirR^itaye khaDgahastAya rakSho.adhipataye naravAhanAya saparivArAya namaH | vAM varuNAya pAshahastAya jalAdhipataye makaravAhanAya saparivArAya namaH | yAM vAyave dhvajahastAya prANAdhipataye ruruvAhanAya saparivArAya namaH | sAM somAya sha~NkhahastAya nakShatrAdhipataye ashvavAhanAya saparivArAya namaH | hAM IshAnAya trishUlahastAya vidyA.adhipataye vR^iShabhavAhanAya saparivArAya namaH | OM brahmaNe padmahastAya satyalokAdhipataye haMsavAhanAya saparivArAya namaH | shrIM viShNave chakrahastAya nAgAdhipataye garuDavAhanAya saparivArAya namaH | OM vAstupataye brahmaNe namaH | ityekAdashadikShu ekAdashadevAnarchayet || 6\.14|| shyAmAkramamantrANAmAdau tritArIkumArIyogaH kumArIyogo vA tritArI pUrvoktA kumArI bAlA sheShamuttAnam || 6\.15|| gandhadravyeNa liptA~NgastAmbUlAmoditavadanaH prasannamanA bhUtvA || 6\.16|| suvarNarajatatAmrachandanamaNDaleShu bindutrikoNa pa~nchakoNAShTadalaShoDashadalAShTadalachaturdala chaturasrAtmakaM chakrarAjaM vilikhya || 6\.17|| mUlena trivArajaptena shuddhajalena chaturasravR^ittaShaTkoNatrikoNabindUn praveshena matsyamudrayA vidhAya \- aM AtmatattvAya AdhArashaktaye vauShaT ityAdhAraM pratiShThApya dhUmrArchirUShmA jvalinI jvAlinI visphuli~NginI sushrIH surUpA kapilA havyavAhA kavyavAhetyagnikalA abhyarchya \- uM vidyAtattvAya padmAnanAya vauShaT \- iti pAtraM pratiShThApya \- tapinI tApinI dhUmrA marIchirjvAlinI ruchiH suShumnA bhogadA vishvA bodhinI dhAriNI kShamA \- iti pAtre sUryakalA abhyarchya \- maM shivatattvAya somamaNDalAya namaH \- iti shuddhajalamApUrya \- amR^itA mAnadA pUShA tuShTiH puShTI ratiH dhR^itiH shashinI chandrikA kAntirjyotsnA shrIH prItira~NgadA pUrNA pUrNAmR^itA \- cheti chandrakalA abhyarchya agnIshAsuravAyuShu madhye dikShu cha ShaDa~NgAni vinyasya astreNa saMrakShya kavachenAvakuNThya dhenuyonI pradarshya \- mUlamantreNa saptasho.abhimantrya tajjalavipruDbhiH yAgagR^ihaM pUjopakaraNAni chAvokShya || 6\.18|| tAbhirIkArA~NkitatrikoNavR^ittachaturasraM maNDalaM vidhAya tasmin puShpANi vikIrya pUrvavadAdhAraM pratiShThApya agnikalA abhyarchya pAtraM pratiShThApya tasmin pAtre hrIM aiM mahAlakShmIshvari paramasvAmini Urdhva shUnyapravAhini somasUryAgnibhakShiNi paramAkAshabhAsure AgachChAgachCha visha visha pAtraM pratigR^ihNa pratigR^ihNa huM phaT svAheti puShpA~njaliM vikIrya sUryakalA abhyarchya brahmANDAkhaNDasambhUtamasheSharasasambhR^itam | ApUritaM mahApAtraM pIyUSharasamAvaha || ityAdimamApUrya dvitIyaM nikShipya akathAditrirekhA.a~NkitakoNatraye halakShAn madhye haMsaM cha vilikhya \- mUlena dashadhA abhimantrya \- chandrakalAH abhyarchya \- agnIshAsuravAyuShu madhye dikShu ShaDa~NgAni vinyasya \-astreNa saMrakShya \- kavachenAvakuNThya dhenuyonI pradarshayet || 6\.19|| chakramadhye shrImAtamuktvA gIshvarImUrtaye namaH \- iti mUrtiM kalpayitvA bhUyaH shrImAtamuktvA gIshvaryamR^itachaitanyamAvAhayAmi \- ityAvAhya ShoDashabhirupacharya AshushukShaNitryakSharakShaHprabha~njanadiShu devyA maulau paritashcha pUjyA a~NgadevyaH | tanmantrAH sarvajanAdayaH aShTau saptaikAdasha dasha punardashAShTAviMshatikhaNDAH tritArIkumArIvAgAdayaH sajAtayaH sAmAnyamanuyuktAH || 6\.20|| pashchAdAvaraNapUjAM kuryAt || 6\.21|| sarvachakradevatA.archanAni vAmakarA~NguShThAnAmikAsandaShTa dvitIyashakalagR^ihItashrIpAtraprathamabindusahapatitaiH dakShakarAkShatapuShpakShepaiH kuryAt || 6\.22|| trikoNe ratiprItimanobhavAn || 6\.23|| pa~nchAramUle pura AdikrameNa drAM drAvaNabANAya \- drIM shoShaNabANAya \- klIM bandhanabANAya \- blUM mohanabANAya \- saH unmAdanabANAya namaH \- iti tadagre mAyAkAmavAgblUM strImupajuShTAH kAmamanmathakandarpamakaraketanamanobhavAH || 6\.24|| aShTadalamUle brAhmI\-maheshvarI\-kaumArI \-vaiShNavI\-vArAhI\-mAhendrI\-chAmuNDA\-chaNDikAH\, sendusvarayugmAntyAdayaH pUjyAH | tadagre lakShmIsarasvatI\-rati\-prIti\-kIrti\-shAnti\-puShTi\-tuShTayaH || 6\.25|| ShoDashadale vAmA\-jyeShThA\-raudrI\-shAnti\-shraddhA\-sarasvatI\- kriyAshakti\-lakShmI\-sR^iShTi\-mohinI\-pramathinI\- AshvAsinI\-vIchI\-vidyunmAlinI\-surAnandA\-nAgabuddhikAH || 6\.26|| aShTadale asitA~Nga\-ruru\-chaNDa\-krodhana\-unmatta\-kapAla\-bhIShaNa\- saMhArAH sadaNDisvarayugmAdisaMyuktA bhairavAntAshcha bhAvanIyAH || 6\.27|| chaturdalaM mAyuktata~NgI siddhalakShmIshcha mahAmAyuktata~NgI mahAsiddhalakShmIshcha || 6\.28|| gaM gaNapati \- duM durgA \- baM baTuka \- kShaM kShetrapAlAH chaturasre sampUjyAH || 6\.29|| sAM sarasvatyai namaH itiprabhR^iti vAstupataye brahmaNe namaH itiparyantaM punastatraivAbhyarchya || 6\.30|| haMsamUrtiparaprakAshapUrNanityakaruNasampradAya gurUMshchaturasrapUrvarekhAyAmabhyarchya || 6\.31|| svashirasi sAmAnyavisheShapAduke abhyarchayet || 6\.32|| punardevImabhyarchya bAlayA ShoDashopachArAn vidhAya || 6\.33|| shuddhajalena trikoNavR^ittachaturasraM vidhAyArdhAnnapUrNasalilaM sAdimopAdimamadhyamaM su[sa]gandhapuShpaM sAdhAraM pAtraM nidhAya || 6\.34|| shrImAtamuktvA gIshvarImaM baliM gR^ihNa gR^ihNa huM phaT svAhA shrImAtamuktvA gIshvari sharaNAgataM mAM trAhi trAhi huM phaT svAhA kShetrapAlanAthemaM baliM gR^ihNa gR^ihNa phaT svAhA \- iti mantratrayeNa vAmapArShNighAtakarAsphoTasamuda~nchitavaktranArAchamudrAbhiH baliM pradAya || 6\.35|| shyAmalAM shaktimAhUya bAlayA tAmabhyarchya tasyA hasta AdimopAdimau dattvA tattvaM shodhayitvA tachCheShamurarIkR^itya yogyaiH saha havishsheShaM svIkuryAt || 6\.36|| evaM nityasaparyAM kurvan lakShajapaM japtvA taddashAMshakrameNa cha homatarpaNabrAhmaNabhojanAni vidadhyAt || 6\.37|| etanmanujApI na kadambaM ChindyAt girA kAlIti na vadet vINAveNunartanagAyanagAthAgoShThIShu na parA~Nmukho gachChet gAyakaM na nindyAt || 6\.38|| lalitopAsako nekShukhaNDaM bhakShayet na divA smared vArtAlIM \- na jugupseta siddhadravyANi \- na kuryAt strIShu niShThuratAM \- vIrastriyaM na gachChet \- na taM hanyAt \- na taddravyamapaharet \- nAtmechChayAmapa~nchakamurarI kuryAt kulabhraShTaiH saha nAsIt \- na bahu pralapet \- yoShitaM sambhAShamANAmapratisambhAShamANo na gachChet \- kulapustakAni gopAyet \- iti shivam || 6\.39|| || iti reNukAgarbhasambhUta\-shrIduShTakShatriyakulAntaka\- shrIbhArgavopAdhyAya\-jAmadagnya\-mahAdevapradhAnashiShya\- mahAkaulAchArya\-shrImatparashurAmakR^itau\-kalpasUtre shyAmAkramopa nAma ShaShThaH khaNDaH samAptaH || 6|| \medskip\hrule\medskip saptamaH khaNDaH vArAhIkramaH itthaM sA~NgAM sa~NgItamAtR^ikAmiShTvA saMvitsAmrAj~nIsiMhAsanAdhirUDhAyA lalitAyA mahArAj~nyA daNDanAyikAsthAnIyAM duShTanigrahashiShTAnugrahanirargalAj~nAchakrAM samayasa~NketAM kolamukhIM vidhivadvarivasyet || 7\.1|| tatrAyaM kramo mahArAtre buddhvA svahR^idayaparamAkAshe dhvanantam anAhatadhvanimUrjitAnandadAyakamavamR^ishya || 7\.2|| shivAdishrIgurubhyo namaH \- iti mUrdhni badhnIyAda~njalim || 7\.3|| vAchamuchchArya glaum \- iti cha paddhatAvasyAM sarve manavo japyAH || 7\.4|| mUlAdiShaNmantraiH yathAmantraM li~NgadehaM shodhayet || 7\.5|| mUlashR^i~NgATakAt suShumnApathena jIvashivaM parashive yojayAmi svAhA \- yaM sa~NkochasharIraM shoShaya shoShaya svAhA \- raM sa~NkochasharIraM daha daha pacha pacha svAhA \- vaM paramashivAmR^itaM varShaya varShaya svAhA \- laM shAmbhavasharIramutpAdayotpAdaya svAhA \- haMsaH so.ahamavatarAvatara shivapadAt jIva suShumnApathena pravisha mUlashR^i~NgATakamullasollasa jvala jvala prajvala prajvala haMsaH so.ahaM svAhA \- iti bhUtashuddhiM vidhAya || 7\.6|| mAtR^ikAsampuTitAM dvitArIM kAnanavR^ittadvyakShishruti nAsAgaNDoShThadantamUrdhAsyadoH patsandhyagrapArshva\- dvayapR^iShThanAbhijaTharahR^iddormUlAparagala kakShahR^idAdipANipAdayugalajaTharAnaneShu vinyasya || 7\.7|| andhe prabhR^iti saptArNapa~nchakama~NguShThAdikaniShThAntam || 7\.8|| vA~Nnamo bhagavatItyArabhya trayodashabhirhR^idayaM ShaDbhiH shiraH \- dashabhiH shikhAM\, saptabhiH saptabhiH saptabhiH kavachanetrAstrANi vinyasya || 7\.9|| gandhAdibhirala~NkR^itya arghyaM shodhayet || 7\.10|| Atmano.agrabhAge gomayena vilipte hetumishritajalena chaturasraM vartulaM ShaTkoNaM trikoNamantarAntaraM \- vilikhya \- arghyashodhanamanubhiH shyAmAkramoktaiH AdhArArghyapAtrANi saMshodhya \- sAmAnyenAbhyarchya \- tadarghyaM vaShaDityuddhR^itya \- svAheti saMsthApya huM \- ityavakuNThya \- vauShaT ityamR^itIkR^itya phaDiti saMrakShya \- namaH \- iti puShpaM nikShipya mUlena nirIkShya tatpR^iShataiH pAvayitvA saparyAvastUni || 7\.11|| (1) shirovadanahR^idguhyapAdeShu pUrvoktasaptakapa~nchakaM vinyasya (2) vidyAmaShTadhA khaNDayitvA pAdAdijAnu\-jAnvAdikaTi\-kaTyAdinAbhi\-nAbhyAdi hR^idaya \- hR^idayAdikaNTha \- kaNThAdibhrUmadhya \- bhrUmadhyAdilalATa \- lalATAdimauliShu ekatriMshat sapta sapta sapta sapta sapta pa~nchatriMshadekAdashArNakhaNDAn (3) mAtR^ikAsthAneShu mUlamanupadAni cha nyasya || 7\.12|| pUrvoktAnaShTakhaNDAnekaikasha uchchArya pUrvokteShu sthAneShu hlAM sharvAya kShititattvAdhipataye \- hlIM bhavAya ambu\-tattvAdhipataye hlUM rudrAya vahni tattvAdhipataye \- hlaiM ugrAya vAyutattvAdhipataye hlauM IshAnAya bhAnu\-tattvAdhipataye soM mahAdevAya somatattvAdhipataye haM mahAdevAya yajamAnatattvAdhipataye auM bhImAya AkAshatattvAdhipataye namaH \- iti tattvanyAsaH || 7\.13|| mUlena sarveNa vyApakaM kR^itvA devIM dhyAtvA || 7\.14|| purataH paTapaTTasuvarNarajatatAmrachandanapIThAdinirmitaM dR^iShTimanoharaM chaturasratraya\-sahasrapatra\-shatapatrAShTapatra\-ShaDasra pa~nchAsratryasra\-bindulakShaNaM kolamukhIchakraM virachya || 7\.15|| tatra kusumA~njaliM vikIrya svarNaprAkArAya sudhA.abdhaye varAhadvIpAya varAhapIThAya namaH iti | AM \-AdhArashaktaye kuM kUrmAya kaM kandAya aM \-anantanAlAya namaH \- iti cha dharmAdibhiH saha ShoDashamantraiH pIThe abhyarchya || 7\.16|| tripa~nchaShaDaradalAShTakashatasahasrArapadmAsanAya namaH \- iti chakramanunA chakramiShTvA || 7\.17|| vahnimaNDalAya sUryamaNDalAya somamaNDalAya namaH \- iti trayo guNamantrAH \-AtmamantrAH chatvAraH \- iti saptaviMshatikamidaM pIThe varivasanIyam || 7\.18|| hauM pretapadmAsanAya sadAshivAya namaH \- iti chakropari devyAsanavimR^iShTiH || 7\.19|| L^I ShA I vArAhImUrtaye ThaH ThaH ThaH ThaH huM phaT \- iti vAgglaumAdi glauMvAgantA mUrtikaraNI vidyA || 7\.20|| mUlavidyayA AvAhanasaMsthApanasaMnidhApanasaMnirodhana sammukhI karaNAvakuNThanavandanadhenuyonIrbaddhvA || 7\.21|| devya~NganyastaShaDa~Ngapa~nchA~NgaH || 7\.22|| pAdyArghyAchamanIyasnAnavAsogandhapuShpadhUpadIpanIrAjana ChatrachAmaradarpaNarakShAchamanIyanaivedyapAnIyatAmbUlAkhya ShoDashopachArakL^iptyante || 7\.23|| dhyAnaM devyAH meghamechakA kuTiladaMShTrA kapilanayanA ghanastanamaNDalA chakrakhaDgamusalAbhayasha~NkhakheTahalavarapANiH padmAsInA vArtAlI dhyeyA || 7\.24|| dashadhA tasyAstarpaNaM kuryAt || 7\.25|| tryasre jambhinImohinIstambhinyaH || 7\.26|| pa~nchAre andhinIrundhinyau tAshcha || 7\.27|| ShaTkoNe AkShAI brahmANI IlAI mAheshvarI UhAI kaumArI R^IsAI vaiShNavI aishAI indrANI auvAI chAmuNDA tasyaivAgreShu madhye cha yamarayUM yAM yIM yUM yaiM yauM yaH yAkini jambhaya jambhaya mama sarvashatrUNAM tvagdhAtuM gR^ihNa gR^ihNa aNimA.a.adivashaM kuru kuru svAheti | anyAsAM dhAtunAthAnAmapyevaM bIje nAmani dhAtau tvArAdhanakarmaNi mantrasannAmaH | ramarayUM rAkiNi raktadhAtuM piba piba lamarayUM lAkini mAMsadhAtuM bhakShaya bhakShaya DamarayUM DAkini medodhAtuM grasa grasa kamarayUM kAkini asthidhAtuM jambhaya jambhaya samarayUM sAkini majjAdhAtuM gR^ihNa gR^ihNa hamarayUM hAkini shukradhAtuM piba piba aNimA.a.adivashaM kuru kuru svAhA \- iti dhAtunAthayajanam || 7\.28|| anantaraM ShaDasrobhayapArshvayoH krodhinIstambhinyau chAmaragrAhiNyau tatraiva stambhanamusalAyudhAya AkarShaNahalAyudhAya namaH ShaDarAdbahiH purato devyAH kShrauM krauM chaNDochchaNDAya namaH \- iti tadyajanam || 7\.29|| aShTadale vArtAlIvArAhIvarAhamukhyandhinyAdayaH pa~ncha tadbahiH mahAmahiShAya devIvAhanAya namaH || 7\.30|| (1) shatAre devIpurato dalasandhau jambhinyA indrAyApsarobhyaH siddhebhyo dvAdashAdityebhyo.agnaye sAdhyebhyo vishvebhyo devebhyo vishvakarmaNe yamAya mAtR^ibhyo rudraparichArakebhyo rudrebhyo mohinyai nirR^itaye rAkShasebhyo mitrebhyo gandharvebhyo bhUtagaNebhyo varuNAya vasubhyo vidyAdharebhyaH kinnarebhyo vAyave stambhinyai chitrarathAya tumburave nAradAya yakShebhyaH somAya kuberAya devebhyo viShNave IshAnAya brahmaNe ashvibhyAM dhanvantaraye vinAyakebhyo namaH \- iti devatAmaNDalamiShTvA (2) tadbahiH auM kShauM kShetrapAlAya namaH siMhavarAya devIvAhanAya namaH \- iti cha tadubhayaM varivasyet | tadbahiH mahAkR^iShNAya mR^igarAjAya devIvAhanAya namaH \- iti tatpUjA || 7\.31|| (1) sahasrAre aShTadhA vibhakte airAvatAya puNDarIkAya vAmanAya kumudAyA~njanAya puShpadantAya sArvabhaumAya supratIkAya namaH \- iti tatpUjA bahiH sudhA.abdhervA | (2) bAhyaprAkArAShTadikShu adha upari cha hetukAdayaH \- bhairavakShetrapAlashabdayuktAH pratyekaM kShaumAdayashcha yaShTavyAH | hetukatripurAntakAgniyamajihvaikapAdakAlakarAlabhImarUpa hATakeshAchalAH dasha bhairavAH || 7\.32|| evaM ShaDAvaraNImiShTvA punardevIM tridhA santarpya sarvairupachArairupacharya || 7\.33|| purato vAmabhAge hastamAtraM jalenopalipya rudhirAnnaharidrA.annamahiShapalasaktusharkarAhetu phalatrayamAkShikamudgatrayamAShachUrNadadhikShIraghR^itaiH shuddhodanaM sammardya charaNAyudhANDapramANAn dashapiNDAn vidhAya tatra nidhAya kapitthaphalamAnamekaM piNDaM cha tatsamIpe sAdimopAdimamadhyamaM chaShakaM cha nikShipya dashapiNDAn hetukAdibhyo madhyamapiNDaM chaShakaM cha chaNDochchaNDAya tattanmantraiH datvA vR^indamArAdhya || 7\.34|| yathAvibhavaM shrIguruM santoShya || 7\.35|| sampUrNayauvanAH salakShaNAmadanonmAdinIstisraH shaktIrAhUya baTukaM chaikamabhyarchya snapayitvA gandhAdibhirala~NkR^itya vArtAlIbuddhyA ekAM shaktiM madhye krodhinIstambhinIbuddhyA dve itare pArshvayoshchaNDochchaNDadhiyA baTukamagre sthApayitvA sarvairdravyaiH santoShya mama shrIvArtAlImantrasiddhirbhUyAditi tAH prativadet tAshcha prasIdantvadhidevatAH \- iti brUyuH || 7\.36|| evaM saparivArAmudArAM bhUdAravadanAmupatoShya lakShaM purashcharaNaM kR^itvA taddashAMshaM tApichChakusumairhutvA mantraM sAdhayet || 7\.37|| tatashcha pUjitAM devImAtmani yojayitvA svairaM viharannAj~nAsiddhaH sukhI viharet \- iti shivam || 7\.38|| iti reNukAgarbhasambhUta\-shrIduShTakShatriyakulAntaka\- shrIbhArgavopAdhyAya\-jAmadagnya\-mahAdevapradhAnashiShya\- mahAkaulAchArya\-shrImatparashurAmakR^itau\-kalpasUtre vArAhIkramo nAma saptamaH khaNDaH samAptaH || 7|| \medskip\hrule\medskip aShTamaH khaNDaH parAkramaH iti vidhivatkR^itavArtAlIvarivasyaH siMhAsanavidyAhR^idayamunuttaraM parAbIjarUpaM dhAma tatkramapUrvaM vimR^ishet || 8\.1|| prabhuhR^idayaj~nAtuH pade pade sukhAni bhavanti || 8\.2|| atho.anuttarapaddhatiM vyAkhyAsyAmaH || 8\.3|| kalye samutthAya brahmakoTaravartini sahasradalakamale sanniviShTAyAH sauvarNarUpAyAH parAyAshcharaNayugalavigaladamR^itarasavisarapariplutaM vapuH dhyAtvA || 8\.4|| snAtaH shuchivAsovasAnaH sauH varNena trirAchamya dviH parimR^ijya sakR^id upaspR^ishya chakShuShI nAsike shrotre aMse nAbhiM hR^idayaM shirashchAvamR^ishya evaM trirAchamya || 8\.5|| UrNAmR^idushuchitamamAsanaM sauvarNasUryajapAbhimantritaM mUlamantrokShitamadhiShThAya || 8\.6|| udagvadano maunI bhUShitavigraho mUlapUrveNa deshikamanunA mastake deshikamiShTvA || 8\.7|| vAmapArShNighAtaiH ChoTikAtrayeNa pAtAlAdigatAn bhedAvabhAsinaH vighnAnutsArya || 8\.8|| shiromukhahR^inmUlasarvA~NgeShu mUlaM vinyasya || 8\.9|| kAkacha~nchUpuTAkR^itinA mukhena sa~nchoShyAnilaM saptaviMshatisho mUlaM japtvA vedyaM nAbhau saMmudrya punaH saptaviMshatisho japtvA a~NguShThena shikhAM badhvA punaranilamApUrya tena mUle chidagnimutthApya tatra vedyasya vilayaM vibhAvya || 8\.10|| gomayenopaliptachaturasrabhUtale pravahatpArshvakarakR^itayA matsyamudrayA divyagandhAmbuyutayA bhUvyomavAyuvahnimaNDalAni kR^itvA || 8\.11|| shyAmAvat sAmAnyavisheShArghye sAdayet || 8\.12|| sarve.api parAkramamanavaH sauH varNapUrvAH kAryAH || 8\.13|| bhR^iguchaturdashaShoDashadvirAvR^ityA varNaShaDa~NgaM sarvamUlaShaDAvR^ityA mantraShaDa~NgaM cha kR^itvA || 8\.14|| ubhAbhyAmarchayitvA || 8\.15|| mUlamuchchArya tAM chinmayImAnandalakShaNAm amR^itakalashapishitahastadvayAM prasannAM devIM pUjayAmi namaH svAhA \- iti sudhAdevImabhyarchya tayA samprokShya varivasyAvastUni || 8\.16|| pUrvaM nAbhau sammudritaM chidagnivilInaM taptAyodravavat ShaTtriMshattattvakadambakaM hR^itsaroje samAnIya || 8\.17|| mUlajaptaiH kusumakShepaiH vakShyamANaishcha mantrairAsanakL^iptiM kuryAt \- mUlAdi\-yoga\-pIThAya namaH \- ityantAni tAni cha pR^ithivyaptejovAyvAkAshagandharasarUpasparsha shabdopasthapAyupAdapANivAgghrANajihvAchakShustvakshrotrA ha~NkArabuddhimanaHprakR^itipuruShaniyatikAla rAgakalAvidyAmAyAshuddhavidyeshvarasadAshivashaktishivAH | evaM parAchakraM kR^itvA || 8\.18|| tatraitadaikyavimarsharUpiNIM ShoDashakalAM parAM devImAvAhya || 8\.19|| akala~NkashashA~NkAbhA tryakShA chandrakalAvatI | mudrApustalasadbAhuH pAtu mAM paramA kalA || iti dhyAtvA || 8\.20|| mUlAdimuchchArya prakAsharUpiNI parAbhaTTArikA mUlamadhyamuchchArya vimarsharUpiNI parAbhaTTArikA mUlAntyamuchchArya prakAshavimarsharUpiNI parAbhaTTAriketi tribhiH devyA mUlahR^inmukheShvabhyarchya samastamuchchArya mahAprakAshavimarsharUpiNI parAbhaTTAriketi dashavAramavamR^ishya tAmeva devIM kAlAgnikoTidIptAM dhyAtvA || 8\.21|| tasyAM kriyAsamabhivyAhAreNa vedyamakhilaM hutvA || 8\.22|| mUlamuchchArya sAmAnyapAdukayA svamastakasthAya gurave arghyaM nivedya || 8\.23|| punashchidagnimuddIptaM vibhAvya || 8\.24|| divyaughaM tisraH pAdukAH siddhaughaM tisraH mAnavaughamaShTAvabhyarchya || 8\.25|| parAbhaTTArikA.aghorashrIkaNThashaktidharakrodhatryambakAnanda pratibhAdevyambA vIrasaMvidAnandamadhurAdevyambA j~nAnashrIrAmayogAH \- iti parAkramapAdukAH || 8\.26|| tataH kalAmanunA baliM nivedya || 8\.27|| havishsheShamAtmasAtkuryAt | iti shivam || 8\.28|| iti reNukAgarbhasambhUta\-shrIduShTakShatriyakulAntaka\- shrIbhArgavopAdhyAya\-jAmadagnya\-mahAdevapradhAnashiShya\- mahAkaulAchArya\-shrImatparashurAmakR^itau\-kalpasUtre parAkramo nAmAShTamaH khaNDaH samAptaH || 8|| \medskip\hrule\medskip navamaH khaNDaH homavidhiH atha sveShTamantrasya homavidhAnaM vyAkhyAsyAmaH || 9\.1|| chaturasraM kuNDamathavA hastAyAmama~NguShThonnataM sthaNDilaM kR^itvA || 9\.2|| sAmAnyArghyamupashodhya tenAvokShya || 9\.3|| prAchIrudIchIstisrastisro rekhA likhitvA || 9\.4|| tAsu rekhAsu brahmayamasomarudraviShNvindrAn ShaTtArInamassampuTitAnabhyarchya || 9\.5|| sahasrArchiShe hR^idayAya namaH svastipUrNAya shirase svAhA uttiShTha puruShAya shikhAyai vaShaT dhUmavyApine kavachAya huM saptajihvAya netratrayAya vauShaT dhanurdharAya astrAya phaT \- iti ShaDa~NgaM vidhAya tena ShaDa~Ngena kuNDamabhyarchya || 9\.6|| tatrAShTakoNaShaTkoNatrikoNAtmakaM agnichakraM vilikhya pItAyai shvetAyai aruNAyai kR^iShNAyai dhUmrAyai tIvrAyai sphuli~Nginyai ruchirAyai jvAlinyai nama \- iti trikoNamadhye vahneH pIThashaktIH sampUjya \- taM tamase raM rajase saM sattvAya Am Atmane am antarAtmane paM paramAtmane hrIM j~nAnAtmane namaH \- iti tatraivAbhyarchayet || 9\.7|| tato janiShyamANavahneH pitarau vAgIshvarIvagIshvarau pIThe.abhyarchya tayormithunIbhAvaM bhAvayitvA hrIM vAgIshvarIvAgIshvarAbhyAM namaH \- iti dhyAtvA || 9\.8|| araNeH sUryakAntAt dvijagR^ihAdvA vahnimutpAdya mR^itpAtre tAmrapAtre vA AgneyyAmaishAnyAM nairR^ityAM vA nidhAya agnishakalaM krAvyAdAMshaM nairR^ityAM visArya nirIkShaNaprokShaNatADanAvakuNThanAdibhiH vishodhya OM vaishvAnara jAtaveda ihAvaha lohitAkSha sarvakarmANi sAdhaya svAhA \- iti mUlAdhArodgatasaMvidaM lalATanetradvArA nirgamayya taM bAhyAgniyuktaM pAtayet || 9\.9|| kavachamantreNa indhanairAchChAdya || 9\.10|| agniM prajvalitaM vande jAtavedaM hutAshanam | suvarNavarNamanalaM samiddhaM vishvatomukham || ityupasthAya || 9\.11|| uttiShTha haritapi~Ngala lohitAkSha sarvakarmANi sAdhaya me dehi dApaya svAhA \- iti vahnimutthApya || 9\.12|| chitpi~Ngala hana hana daha daha pacha pacha sarvaj~nAj~nApaya svAhA iti prajvAlya || 9\.13|| ShaTtAravAcho namomantreNa puMsavanasImantajAtakarma nAmakaraNAnnaprAshanachaulopanayanagodAnavivAha karmANyamukAgneramukaM karma kalpayAmi namaH \- iti vidhAya || 9\.14|| pariShichya paristIrya paridhAya || 9\.15|| triNayanamaruNAbhaM baddhamauliM sushuklAM\- shukamaruNamanekAkalpamambhojasaMstham | abhimatavarashaktisvastikAbhItihastaM namata kanakamAlAla~NkR^itAMsaM kR^ishAnum || iti dhyAtvA || 9\.16|| (1) aShTakoNe jAtavedase saptajihvAya havyavAhAya ashvodarAya vaishvAnarAya kaumAratejase vishvamukhAya devamukhAya namaH \- iti (2) ShaTkoNe ShaDa~NgaM (3) trikoNe agnimantreNa agniM pUjayitvA || 9\.17|| hiraNyAyai kanakAyai raktAyai kR^iShNAyai suprabhAyai atiraktAyai bahurUpAyai namaH \- ityagneH saptajihvAsu mUlashuddhenAjyena saptAhutIH kuryAt || 9\.18|| vaishvAnarottiShTha chitpi~NgalairagnestridhA.a.ahutiM vidhAya || 9\.19|| bahurUpajihvAyAmiShTAM devatAmAvAhya pa~nchopachArairupacharya || 9\.20|| sarvAsAM chakradevInAmekAhutiM hutvA namo.antAn pAdukA.antAn sheShAn mantrAn svAhA.antAn vidhAya juhuyAt || 9\.21|| atha pradhAnadevatAyai dashAhutIrjuhuyAt || 9\.22|| yadi kAmyamIpsedabhIShTadevatAyai vij~nApya sa~NkalpaM kR^itvaitAvatkarmasiddhyarthametAvadAhutIH kariShyAmIti || 9\.23|| tilAjyaiH shAntyA\, annenAnnAyAmR^itAya\, samichchUta pallavairjvarashamAya\, dUrvAbhirAyuShe\, kR^itamAlairdhanAya\, utpalairbhAgAya\, bilvadalai rAjyAya\, padmaiH sAmrAjyAya\, shuddhalAjaiH kanyAyai\, nandyAvartaiH kavitvAya\, va~njulaiH puShTayai\, mallikAjAtIpunnAgairbhAgyAya\, bandhUkajapAkiMshukabakulamadhukarairaishvaryAya\, lavaNairAkarShaNAya\, kadambaiH sarvavashyAya\, shAlitaNDulairdhAnyAya\, ku~NkumarochanAdisugandhaiH saubhAgyAya\, palAshapuShpaiH kapilAghR^itairvA tejase\, dhattUrakusumairunmAdAya\, viShavR^ikShaiH nimbashleShmAtakavibhItakasamidbhiH shatru\-nAshAya\, nimbatailAktalavaNairmAraNAya\, kAkolUkapakShairvidveShaNAya\, tilatailAktamarIchaiH kAsashvAsanAshAya juhuyAt || 9\.24|| baliM pradAya || 9\.25|| OM bhUragnaye cha pR^ithivyai cha mahate cha svAhA | OM bhuvo vAyave chAntarikShAya cha mahate cha svAhA | OM suvarAdityAya cha dive cha mahate cha svAhA | OM bhUrbhuvassuvashchandramase cha nakShatrebhyashcha digbhyashcha mahate cha svAhA | iti chaturbhirmantraiH mahAvyAhR^itihomaM kR^itvA || 9\.26|| itaH pUrvaM prANabuddhidehadharmAdhikArato jAgratsvapnasuShuptyavasthAsu manasA vAchA karmaNA hastAbhyAM padbhyAmudareNa shishnA yat smR^itaM yaduktaM yat kR^itaM tat sarvaM brahmArpaNaM bhavatu svAhA\, iti brahmArpaNAhutiM kR^itvA || 9\.27|| chidagniM devatAM chAtmanyudvAsayAmi namaH \- ityudvAsya || 9\.28|| tadbhasmatilakadharo lokasammohanakAraH sukhI viharet | iti shivam || 9\.29|| iti reNukAgarbhasambhUta\-shrIduShTakShatriyakulAntaka\- shrIbhArgavopAdhyAya\-jAmadagnya\-mahAdevapradhAnashiShya\- mahAkaulAchArya\-shrImatparashurAmakR^itau\-kalpasUtre homavidhir nAma navamaH khaNDaH samAptaH || 9|| \medskip\hrule\medskip dashamaH khaNDaH sarvasAdhAraNakramaH athAtaH sarveShAM mantrANAM sAmAnyapaddhatiM vyAkhyAsyAmaH || 10\.1|| shyAmAvat sandhyA.a.adyarghyashodhanaparyantaM nyAsavarjam || 10\.2|| anuktaShaDa~Ngasya ShaDjAtiyuktamAyayA ShaDa~Ngam || 10\.3|| bindutriShaDaranAgadalachatuShpatrachaturasramayaM chakram || 10\.4|| bindau mukhyadevatechChAj~nAnakriyAshaktayastryasre ShaDare tattatShaDa~NgAnyaShTadale brAhmyAdyAH chaturdale gaNapatidurgAbaTukakShetreshAshchaturasre dikpAlAH || 10\.5|| tritArIkumArIbhyAM sarve kramamantrAH prayoktavyAH || 10\.6|| tattanmUlenAvAhanaM kalAmanunA baliranena krameNAhutiH || 10\.7|| atha rashmimAlA || 10\.8|| suptotthitenaiShA manasaikavAramAvartyA || 10\.9|| gAyatryAdi prathamaM rashmipa~nchakam (1) praNavo bhUrbhuvassuvaH \- tatsaviturvareNiyaM bhargo devasya dhImahi | dhiyo yo naH prachodayAt || iti triMshadvarNA gAyatrI || (2) yata indra bhayAmahe tato no abhayaM kuru | maghava~nChagdhi tava tan na Utaye vidviSho vimR^idho jahi || svastidA vishaspatirvR^itrahA vimR^idho vashI | vR^iShendraH pura etu naH svastidA abhaya~NkaraH || ityaindrI saptaShaShTyarNA sa~NkaTe bhayanAshinI || (3) praNavo ghR^iNissUrya Aditya ityaShTArNA saurI tejodA || (4) praNavaH kevalo brahmavidyA muktidA || (5) tAraH parorajase sAvadom iti navArNA turyagAyatrI svaikyavimarshinI || rashmipa~nchakametanmUlahR^itphAlavidhibiladvAdashAntabIjatayA vimR^iShTavyam || 10\.10|| chAkShuShmatIvidyA.adi dvitIyaM rashmipa~nchakam (1) sUryAkShitejase namaH | (2) khecharAya namaH | (3) asato mA sad gamaya | (4) tamaso mA jyotirgamaya | (5) mR^ityormA.amR^itaM gamaya | (6) uShNo bhagavAn shuchirUpaH | (7) haMso bhagavAn shuchirapratirUpaH || (8) vishvarUpaM ghR^iNinaM jAtavedasaM hiraNmayaM jyotirekaM tapantam | sahasrarashmiH shatadhA vartamAnaH prANaH prajAnAmudayatyeSha sUryaH || (9) OM namo bhagavate sUryAya aho vAhini vAhinyaho vAhini vAhini svAhA || (10) vayassuparNA upasedurindraM priyamedhA R^iShayo nAthamAnAH | apadhvAntamUrNuhi pUrdhi chakShurmumugdhyasmAnnidhayeva baddhAn || (11) puNDarIkAkShAya namaH | (12) puShkarekShaNAya namaH | (13) amalekShaNAya namaH | (14) kamalekShaNAya namaH | (15) vishvarUpAya namaH | (16) shrImahAviShNave namaH || iti ShoDashamantrasamaShTirUpiNI dUradR^iShTipradA chAkShuShmatI vidyA || 10\.11|| praNavo gandharvarAja vishvAvaso mama abhilaShitAmukAM kanyAM prayachCha tato.agnivallabhetyuttamakanyAvivAhadAyinI vidyA || 10\.12|| tAro namo rudrAya pathiShade svasti mA sampAraya \- iti mArgasa~NkaTahAriNI vidyA || 10\.13|| tArastAre padamuktvA tuttAre ture shabdaM cha dahanadayiteti jalApachChamanI vidyA || 10\.14|| achyutAya namaH anantAya namaH govindAya namaH \- iti mahAvyAdhivinAshinI nAmatrayI vidyA || 10\.15|| pa~nchemA rashmayo mUlAdiparikaratayA prapa~nchyAH || 10\.16|| praNavaH kamalA bhuvanA madano glAchchaturdashapa~nchadashau gaM gaNapataye varayugalaM da sarvajanaM me shabdo vashamAnayAgnivAmalochaneti mahAgaNapatividyA pratyUha shamanI || 10\.17|| praNavo namaH shivAyai praNavo namaH shivAyeti dvAdashArNA shivatattvavimarshinI vidyA || 10\.18|| praNavaH kAShTama dakShashrutibindupiNDo bhR^iguShoDasho mAM pAlayadvandvamiti dashArNA mR^ityorapi mR^ityureShA vidyA || 10\.19|| tAraH namo brahmaNe dhAraNaM me astvanirAkaraNaM dhArayitA bhUyAsaM karNayoH shrutaM mAchyoDhvaM mamAmuShya OM \- iti shrutadhAriNI vidyA || 10\.20|| shrIkaNThAdikShAntAH sarve varNAH bindusahitAH mAtR^ikA sarvaj~natAkarI vidyA || 10\.21|| rashmayaH pa~ncha mUlAdirakShA.a.atmakatayA yaShTavyAH || 10\.22|| shivashaktikAmakShitimAyAravIndusmarahaMsa purandarabhuvanAparAmanmathavAsavabhauvanAshcha shivAdividyA svasvarUpavimarshinI || 10\.23|| klashabdAdvAmekShaNabindureko.anantayonibindavo.anyaH sha~NkaraparAtrishUlavisR^iShTayo.aparashchaita eva khaNDAH pratilomAH ShaTkUTA sampatkarI vidyA || 10\.24|| samuchchArya sR^iShTinitye svAheti hamityuktvA sthitipUrNe namaH \- ityanalabindumahAsaMhAriNI kR^ishe padAchchaNDashabdaH kAli phaT \- ityagnibindusaptamamudrAbIjaM mahAnAkhye anantabhAskari mahAchaNDapadAt kAli phaT \- iti sR^iShTisthitisaMhArAkhyAnAM prAtilomyaM khecharIbIjaM mahAchaNDavANI cha yogIshvarIti vidyApa~nchakarUpiNI kAlasa~NkarShiNI paramAyuH pradAyinI || 10\.25|| tritArI saptamamudrA shivayukshaktirahaMyugalametatpa~nchaiva lomyamiti shuddhaj~nAnamayI shAmbhavI vidyA || 10\.26|| bhR^igutrishUlavisR^iShTayaH parAvidyA || 10\.27|| pa~nchemA rashmayo mUlAdyadhiShThAnatayA parikalpanIyAH || 10\.28|| vAkkAmashaktayo.anulomavilomAH punaranulomAH \- iti shriyo .a~NgabAlA || 10\.29|| bhuvanA kamalA subhagA tAro namo bhagavati pUrNe shekharamanna mamAbhilaShitamuktvA.annaM dehi dahanajAyeti shriya upA~NgamannapUrNA || 10\.30|| praNavaH pAshAditryarNA ehi parameshvarItyuktvA vahnivAmAkShyuktiriti shrIpratya~NgamashvArUDhA || 10\.31|| tAritrikaM saptamamudrA shivashaktisaMvartapupa~nchamapurandaravarayUM shaktishivakShamAnte vAdivarayIM shivabhR^igutrishUlabindubhR^igushivatrishUlavisR^iShTayaH shrIpUrvaM svagurunAmato.aShTAkSharI cheti shrIpAdukA cha || 10\.32|| etAbhishchatasR^ibhiryuktA mUlavidyA sAmrAj~nI mUlAdhAre vilochanIyA || 10\.33|| mAdanashaktibindumAlinIvAsavamAyAghoShadoShAkara kandarpagaganamaghavadbhuvanabhR^igupuShpabANabhUmAyeti seyaM tasyA mahAvidyA || 10\.34|| vA~NnatiruchChiShTachANDali mAtamuktvA gi sarvapadAdvasha~Nkari vahnivAmalochaneti shyAmA.a~NgaM laghushyAmA || 10\.35|| kumArImuchchArya vadadvandvaM vAkpadaM vAdini vahnipriyeti shyAmopA~NgaM vAgvAdinI || 10\.36|| praNava opinAkudampavR^ipasasyaichashAchAmAhadashabdAH ShThAdhAnalItaiHritAviHrvavAInArumihavAyechChekharA nakulI shyAmApratya~Ngam || 10\.37|| lalitApAdukAditrikasthAne kumArI yojyA shiShTaM tadvat \- iti shyAmApAdukA cha || 10\.38|| chatasR^ibhiryuktA hR^ichchakre shyAmA yaShTavyA || 10\.39|| tadvidyA tu tritArI kumArI nabhavashrItaMshvasajama hAsamuraMnimAyAsarAvakasastrIruvakasa dumR^ivakasasavakasalovakaakaMvamAyahAvarNA oMmogatimAgIrirvananorirvakha jimadanashrIMrvajashaMrirvapuShashaMrirva ShTagashaMrirvatvashaMrirvakashaMrimumeshanasvA.anta mantrAdi bIjaShaTkaM prAtilomyamiti aShTanavativarNAH || 10\.40|| haraH sabindurvApUrvarAhi sthANuH sabindurunmattapadaM bhaishabdo ravipAdukAbhyAM nama \- iti vArtAlya~NgaM laghuvArtAlI || 10\.41|| vedAdibhuvanaM namo vArAhi ghore svapnaM ThadvitayaM agnidArA \- iti vArtAlyupA~NgaM svapnavArtAlI svapne shubhAshubhaphalavaktrI || 10\.42|| vAgghR^idayaM bhagavati tiraskariNi mahAmAye pashupadAjjanamanashchakShustiraskaraNaM kuru dvitayaM varma phaT pAvakaparigraha iti vArtAlIpratya~NgaM tiraskariNI || 10\.43|| shyAmApAdukAmantrAditribIjamapahAya vAgglaum \- iti yojyam | eShA vArtAlIpAdukA || 10\.44|| vidyAbhiretAbhiryuktA phAlachakre paripUjyA bhagavatIyaM bhUdAramukhI || 10\.45|| manuridamIyo.ayaM vAkpuTitaM glauM na bhavavAlirtAvAhirAvahakhirAmuaMaMnimaH\- dhedhinaja~njaMnimaH hehina staMstaMnimaHrvaShTa dunAMrvesavAkttakShukhatihvAbhakukushIvashabdA yathAkramaM mogatirtAvAlirAvAhirAmuvahakhi dhedhinaruMruMnimaH bhebhinamomonimaH bhebhi nasadupraShTAsaShAMrvachicharmugajistaMnaM rurughraMshyaMshabdopetA vAk glauM visR^iShTyantAshcha saptamAshchatvAro varmAstrAya phaDiti dvAdashottarashatAkSharA || 10\.46|| pa~nchamaikAdashabIjavarjA shrIreva shrIpUrtividyA brahmakoTare yaShTavyA || 10\.47|| shyAmApAdukAprathamatrikasthAne tAratrayaM kumArI vAk glauM iti yojyam | tataH parastAchCheShaM samAnam || 10\.48|| iyaM mahApAdukA sarvamantrasamaShTirUpiNI svaikyavimarshinI mahAsiddhipradAyinI dvAdashAnte yaShTavyA || 10\.49|| evaM rashmimAlA sampUrNA | sarvagAtraH shuddhavidyAmayatanuH sa eva paramashivaH || 10\.50|| atha vighna\-devatAH | irimilikirikilipadAt parimiromityekaH | praNavo mAyA namo bhagavati mahAtripurAdbhaivarNAdravipadamanu mama traipurarakShAM kuru kuru \- iti dvitIyaH | saMhara saMhara vighnarakShovibhIShakAn kAlaya huM phaT svAhA \- iti tR^itIyaH | blUM raktAbhyo yoginIbhyo namaH \- iti chaturthaH | sAM sArasAya bahvAshanAya namaH \- iti pa~nchamaH | dumuluShumuluShu mAyA chAmuNDAyai namaH \- iti ShaShThaH | ete manavo lalitAjapavighnadevatAH || 10\.51|| hasanti hasitAlApe padaM mAtamuktvA gIparichArike mama bhayavighnanAshaM kurudvitayaM savisargaThatritayamiti shyAmAvighnadevI || 10\.52|| staM stambhinyai namaH \- iti kolamukhIvighnadevI || 10\.53|| ete tattajjapArambhe japtavyAH || 10\.54|| lalitA prAhNe | aparAhNe shyAmA | vArtAlI rAtrau | brAhme muhUrte parA || 10\.55|| vyavahAradeshasvAtmyaprANodvegasahAyAmayavayAMsi pravichAryaiva tadanukUlaH pa~nchamAdiparAmarshaH || 10\.56|| sarvabhUtairavirodhaH || 10\.57|| paripanthiShu nigrahaH || 10\.58|| anugrahaH saMshriteShu || 10\.59|| guruvat guruputrakalatrAdiShu vR^ittiH || 10\.60|| Adimasya svayaM sevanamAgamadR^iShTyA doShadaM tyAjyam || 10\.61|| sAnandasya ruchirasyAmodino laghuno vArkShasya gauDasya piShTaprakR^itinaH andhaso vAlkalasya kausumasya vA yathAdeshasiddhasya vA tasya parigrahaH || 10\.62|| tadanantaraM madhyamayorasvayamasuvimochanam | upAdime nAyaM niyamaH | madhyame tu svayaM saMj~napane tatrAyaM mantraH \- udbudhyasva pasho tvaM hi nAshivastvaM shivo hyasi | shivotkR^ittamidaM piNDaM mattastvaM shivatAM vraja || iti || 10\.63|| sarvatra vachanapUrvaM pravR^ittiH || 10\.64|| dashakulavR^ikShAnupaplavaH || 10\.65|| strIvR^indAdimakalashasiddhali~NgikrIDA.a.akulakumArIkula sahakArAshokaikataruparetAvanimattaveshyAshyAmArakta vasanAmattebhAnAM darshane vandanam || 10\.66|| pa~nchaparvasu visheShArchA || 10\.67|| ArambhataruNayauvanaprauDhatadantonmanAnavasthollAseShu prauDhAntAH samayAchArAH | tataH paraM yathAkAmI | svairavyavahAreShu vIrAvIreShvayathAmananAdadhaHpAtaH || 10\.68|| raktAtyAgaviraktA.a.akramaNodAsInApralobhanavarjanam || 10\.69|| ghR^iNAsha~NkAbhayalajjAjugupsAkulajAtishIlAnAM krameNAvasAdanam || 10\.70|| gurupragurusannipAte praguroH prathamaM praNatiH tadagre tadanurodhena tannativarjanam || 10\.71|| abhyarhiteShvaparA~Nmukhyam || 10\.72|| mukhyatayA prakAshavibhAvanA || 10\.73|| adhijigamiShA sharIrArthAsUnAM gurave dhAraNam || 10\.74|| etaduktakaraNam || 10\.75|| aparIkShaNaM tadvachane vyavasthA || 10\.76|| sarvathA satyavachanam || 10\.77|| paradAradhaneShvanAsaktiH || 10\.78|| svastutiparanindAmarmaviruddhavachanaparihAsa dhikkArAkroshatrAsanavarjanam || 10\.79|| prayatnena vidyA.a.arAdhanadvArA pUrNakhyAtisamAveshanechChA chetyete sAmAyikAchArAH || 10\.80|| pare cha shAstrAnushiShTAH || 10\.81|| itthaM viditvA vidhivadanuShThitavataH kulaniShThasya sarvataH kR^itakR^ityatA sharIratyAge shvapachagR^ihakAshyornAntaraM jIvanmuktaH || 10\.82|| ya imAM dashakhaNDIM mahopaniShadaM mahAtraipurasiddhAntasarvasvabhUtAmadhIte saH \- sarveShu yaj~neShu yaShTA bhavati yaM yaM kratumadhIte tena tenAsyeShTaM bhavati iti hi shrUyate ityupaniShat \- iti shivam || 10\.83|| athAtaH sarveShAM mantrANAM atha sveShTamantrasya iti vidhivat\, itthaM sA~NgAM\, iyameva mahatI vidyA\, atha prAthamike chaturasre\, atha hR^ichchakrasthitAM\, evaM gaNapatimiShTvA\, itthaM sadguroH\, athAto dIkShAM vyAkhyAsyAmaH | atha evaM\, atha itthaM\, atha sveShTeti pa~ncha || 10\.84|| iti reNukAgarbhasambhUta\-shrIduShTakShatriyakulAntaka\- shrIbhArgavopAdhyAya\-jAmadagnya\-mahAdevapradhAnashiShya\- mahAkaulAchArya\-shrImatparashurAmakR^itau\-kalpasUtre sarvasAdhAraNakrama nAma dashamaH khaNDaH samAptaH || 10|| iti shrIparashurAmakalpasUtraM prathamobhAgaH sampUrNam || \medskip\hrule\medskip dvitIyobhAgaH (anubandhaH \- parashurAmakalpasUtraparishiShTam) ekAdashaH khaNDaH yantravidhAnam athAto vArtAlIsiddhiyantraM vyAkhyAsyAmaH || 11\.1|| bhuvaneshvarIbIjamadhye vR^ittadvayaM vidhAya tanmadhye vyatibhinnaM chaturashradvayaM vidhAya tadantarvR^ittaM kR^itvA tadantarvR^ittasaptakayuktAni saptaShaTkoNAni yathAsampradAyaM vidadhyAt || 11\.2|| tatra aShTasu koNeShu aShTasvantarALeShu cha dashottarashatAkSharIvidyAyAH ShoDashavarNAn akArAdikakArAntaShoDashasvararahitaShoDashavarNasahitAn saMlikhya pUrvaShaTkoNaShaTsu koNeShu ShaTsu antarAleShu cha khakArAdiDakArAntAn taddvAdashavarNAn saMlikhya punaragnikoNasthaShaTkoNe DhakArAdimakArAntAn dvAdashavarNasahitAn dvAdashavarNAn rAkShasakoNasthaShaTkoNe yakArAdyAkArAntadvAdashavarNayuktAn dvAdashavarNAn pashchimakoNe ikArAdyaukArAntasahitAn vasukoNe a~NkArAdiTakArAntasahitAn dasha (Isha)koNe ThakArAdibakArAntayutAn madhyaShaTkoNe bhakArAdikShakArAntasaMyuktAn vilikhya lakShatAdyadvayavR^ittAntarAlavIthyAM shiShTAn dashavarNAn ogajaDadabalakR^isaMyuktAn vilikhet || 11\.3|| atha navagrahayantraM vyAkhyAsyAmaH | navakoShThAn vidhAya\, navasu koNeShu vR^ittatrayaM vidhAya\, navakarNikAsu navakoShThAn vilikhya\, navasu koShTheShu madhyakoShTheShu madhyakoShTha\- vR^ittatrayaM karNikAstha navakoShThaM\, madhyakoShThe makArasahitaM praNavaM vilikhya\, shiShTeShvaShTasu koShTheShu akArAdyR^IkArAntAnaShTasvarAn vilikhya\, antarvR^ittAntarAle makArasahitAn ShoDashasvarAn likhitvA bahirvR^ittAntarAle akArAdakShakArAntAn mAtR^ikArNAn vilikhet || 11\.4|| evaM bhAskaramaNDalaM madhye kR^itvA pUrvakoShThavR^ittatraya\- karNikAsthitanavasu koShTheShu madhyakoShThe L^ikAragarbhaM praNavaM vilikhya\, pUrvAdyaShTusu koShTeShu L^ikArAdivisargAntAnaShTasvarAMshcha vilikhya\, antarvR^ittAntarAle L^IkArasahitAn ShoDasha\- svarAn\, saMlikhya bAhyavR^ittAntarAle akArAdikShakA\- rAntAn likhet || 11\.5|| evaM chandramaNDalaM vidhAya\, agnisthitavR^ittatrayakarNikA\- navakoShThamadhyakoShThe praNavagarbhakakAraM vilikhya\, IshAnakoShThA\- dirAkShasakoShThAntaM kavargaM vilikhya\, pashchimakoShThAdisoma\- koShThAntakoShThatraye bhaumAyeti varNatrayaM vilikhya\, antarvR^ittA\- ntarAle kakArasahitAn ShoDashasvarAn saMlikhya\, bAhyavR^ittA\- ntarAlavIthyAM mAtR^ikAM likhet | evaM bhaumamaNDalaM vidhAya budhamaNDalaM likhet || 11\.6|| dakShiNakoShThasthavR^ittatrayakarNikAsthitanavakoShTheShu madhya\- koShThe cha kAgarbhaM praNavaM vilikhya\, IshAnAdipa~nchakoShTheShu chavargaM vilikhya\, koShTatraye budhAyeti varNatrayaM cha vilikhya pUrvavat ShoDashasvarasahitaM chakAraM vilikhya\, mAtR^ikArNaM cha vilikhya\, nairR^ItikoShThasthavR^ittatrayakarNikAsthitanavakoShThake madhyakoShThe pakAragarbhaM praNavaM vilikhya\, shivAdikoShThapa~nchake pavargaM vilikhya\, shiShTakoShThatraye sauraye iti shaninAmavarNAn Alikhya\, antarAladvaye pakAraM mAtR^ikAM cha vilikhya\, pashchimakoShThasthavR^ittatrayakarNikAmadhye koShThanavakaM vidhAya\, tanmadhyakoShThe TakAragarbhaM praNavaM vilikhya\, IshAnAdikoShTha\- pa~nchake TavarNAn vilikhya\, koShThatraye gurava iti vilikhya\, pUrvavadantarAladvaye TavargaM mAtR^ikAM cha vilikhet || 11\.7|| evaM gurumaNDalaM vidhAya vAyukoShThe madhye yakAragarbhaM praNavaM vilikhya\, IshAnAdikoShThapa~nchake yavargaM vilakhya\, rAhava iti likhitvA\, somakoShThamadhye koShThe takAragarbhaM praNavaM likhitvA\, IshAdikoShTheShu tavargaM shukrAyeti vilikhya\, IshAnakoShThe madhye shakAraM vilikhya\, IshAdyaShTasu koShTheShu ShavargaM ketava \- iti cha vilikhya\, antarAladvaye ShoDashasvarasahitaM shakAraM mAtR^ikAM cha vilikhet iti navagrahachakraM vidhAya\, navagrahapUjAM kuryAt \- iti shivam || 11\.8|| iti reNukAgarbhasambhUta\-shrIduShTakShatriyakulAntaka\- shrIbhArgavopAdhyAya\-jAmadagnya\-mahAdevapradhAnashiShya\- mahAkaulAchArya\-shrImatparashurAmakR^itau\-kalpasUtre yantravidhAna nAmaikAdashaH khaNDaH samAptaH || 11|| \medskip\hrule\medskip dvAdashaH khaNDaH mantravidhAnam athAtaH shivAtmakAn mantrAn vyAkhyAsyAmaH || 12\.1|| aiM hrIM shrIM hskhphreM hasahaharauH amR^itavigrahA pa~nchArNA (5) || 12\.2|| OM juM saH pAlaya pAlaya saH juM OM iti mR^ityu~njaya vidyA dvAdashArNA (12) || 12\.3|| shrIM hrIM klIM \- tripuTAvidyA \- iti trivarNA (3) || 12\.4|| OM hrAM hrIM hrUM vairimohi garuDapakShi hara hara hiMsa hiMsa svAhA \- iti garuDamantraH trayoviMshatyakSharAtmakaH (23) || 12\.5|| OM ehi parameshvari svAhA \- ityashvArUDhA dashAkSharI (10) || 12\.6|| OM namo bhagavati mAheshvari annapUrNe svAhA \- ityannapUrNAvidyA saptadashAkSharI (17) || 12\.7|| hasakShamalavarayUM \- ityekAkSharo navAtmako mantraH (1) || 12\.8|| sahakShamalavarayIM \- ityekAkSharA navAtmikA (1) || 12\.9|| OM hrIM nama \- iti devIhR^idayavidyA chaturvarNA (4) || 12\.10|| OM rudradayite yogeshvari svAhA iti dvAdashArNA gaurIvidyA (12) || 12\.11|| iTi iTi muTi muTi kAkaTamuNDi svAhA \- iti lakShasuvarNapradA pa~nchadashAkSharI (15) || 12\.12|| OM navakeshI kanakavatI svAhA \- iti niShkatrayapradA vidyA dvAdashAkSharI (12) || 12\.13|| ekAyakuNANAtuke \- ityabhIShTadAyinI vidyA.aShTAkSharI (8) || 12\.14|| aiM hrIM shrIM mAta~Nginyai svAhA shrIM hrIM aiM \- iti mAta~NginIvidyA dvAdashAkSharI (12) || 12\.15|| hrIM shrIM kleM a i rAjyade rAjyalakShmI saH kleM shrIM hrI \- iti rAjyalakShmIvidyA ShoDashAkSharI (16) || 12\.16|| OM shrIM hrIM shrIM kamale kamalAlaye prasIda prasIda shrIM hrIM shrIM mahAlakShmyai namaH \- iti mahAlakShmIvidyA saptaviMshativarNA (27) || 12\.17|| ja jha rI ma hA cha NDa te ja ssa ka rShi NI kA la maM thA ne haH \- iti siddhalakShmIvidyA saptadashArNA (17) || 12\.18|| OM galayauM OM\, hrIM galayauM hrIM\, klIM galayauM klIM\, aiM galayauM aiM\, klUM galayauM klUM\, strIM galayauM strIM\, hrIM klIM aiM klUM strIM galayauM drAM drIM klIM klUM saH\, ete saptagopAlamantrAH || 12\.19|| eteShAM pArAyaNAt sarvasiddhIshvaro bhavet \- iti shivam || 12\.20|| iti reNukAgarbhasambhUta\-shrIduShTakShatriyakulAntaka\- shrIbhArgavopAdhyAya\-jAmadagnya\-mahAdevapradhAnashiShya\- mahAkaulAchArya\-shrImatparashurAmakR^itau\-kalpasUtre mantravidhAna nAma dvAdashaH khaNDaH samAptaH || 12|| \medskip\hrule\medskip trayodashaH khaNDaH prastArakramaH athAtaH prastArakramaM vyAkhyAsyAmaH || 13\.1|| athAtaH svechChayA katichit dhuvAkSharANi kenachit prakAreNa vilikhya\, teShvantyashirasi binduM vilikhya\, upAntyavarNamArabhya prathamavarNaparyantaM vyutkrameNa ekaikasya varNasya shirasyekaikama~NkaM ekadvitrichatuHpa~nchaShaDAdirUpamekottarAbhivR^iddhiM vilikhya\, tata ekena dvayaM dvAbhyAM trayaM tribhishchatuShTayamityevaM krameNa tAna~NkAn guNayet || 13\.2|| tena hasakalahrIMrUpeShu dhruveShu mAyAbIjasya shirasi shUnyaM lakArasya shirasyekaM kakArasya dvau sakArasya ShaT hakArasya chaturviMshatiH \- iti sidhyati || 13\.3|| IdR^ishasya bindvAdyaM kavargasya khaNDA~Nka \- iti saMj~nA\, naShToddiShTAdiShu vyavahArArthaM kR^itA || 13\.4|| tata auttarAdharyeNa chaturviMshativAraM vilikhya tadadhastathaiva sakArAMstadadhaH kakArAMstadadhaH lakArAMstadadhaH mAyAM vilikhet || 13\.5|| tataH anayaiva rItyA sAdichatuShTayaM ShaTShaDvAraM likhet || 13\.6|| kAditrayaM dvidvivAraM likhet || 13\.7|| lakAramAyAM cha ekaikavAraM likhet || 13\.8|| evaM sati dvitIyapa~Nkau ekamakSharaM nyUnaM sampadyate || 13\.9|| taM lakAraM pa~nchamasthAne likhet || 13\.10|| prathamapa~Nkistu pUrvameva pUrNAstIti na tatra lekhanaprasaktiH || 13\.11|| tR^itIyAdiShu pa~NktiShu dvau dvau varNau nyUnau bhavataH\, tAvekasyAM pa~Nktau kramAdvilikhya tadadhastanapa~Nkau vyutkramAt tAveva likhet || 13\.12|| punastanapa~Nktidvaye vishiShTau dhruvau tau kramAn kramAbhyAM likhet || 13\.13|| evamAntakaraNenaikaH prastArakhaNDo bhavati || 13\.14|| yAvanto dhruvAstAvanta eva tatprastArasya khaNDAH samasa~NkhyAvR^ittakA bhavanti || 13\.15|| teShvAdye khaNDe vR^ittAdyo dhruvAdya eva\, dvitIye khaNDe dhruvadvitIya eva vR^ittAdyaH\, tR^itIye khaNDe dhuvatR^itIya evetyapi niyamo.asti || 13\.16|| tatashcha dvitIyakhaNDaprathamavR^itte pUrva eva kL^iptadvitIyasya sakArAt parataH saMsthApayet || 13\.17|| evaM tR^itIyakhaNDAdimavR^itte kahasalahrImiti kramaH || 13\.18|| chaturthakhaNDAdau lahasakahrIM pa~nchamakhaNDAdau hrIM hasakala iti kramaH || 13\.19|| prathamakhaNDAntatR^itIyavR^itte.api yau dvau shiShyete tau dvAvapi kahrImiti lekhyau prathamavR^itte tayoH paurvAparyasya kL^Iptasya tyAge mAnAbhAvAt || 13\.20|| etena navamAdivR^itteShvapi sakArahrI~NkArayoH krameNa lekha ityAdi sidhyati || 13\.21|| tattatkhaNDadvitIyAdivR^ittAni prathamakhaNDavadeva lekhanIyAni || 13\.22|| yAvatprathamakhaNDAdyavR^ittAkSharANi vyutkrameNa patanti tAvatparyanto.ayaM prastAraH prathamavR^ittaprathamAkSharashiro~Nko dhruvArNasa~NkhyayA guNitashchet prastAravR^ittasa~NkhayApi niShpadyate || 13\.23|| tena pa~nchadhruvake chaturviMshatiH chaturdhruvake ShaT dvitIyadhruvake dvau ekadhruvake ekaM \- iti shivam || 13\.24|| iti reNukAgarbhasambhUta\-shrIduShTakShatriyakulAntaka\- shrIbhArgavopAdhyAya\-jAmadagnya\-mahAdevapradhAnashiShya\- mahAkaulAchArya\-shrImatparashurAmakR^itau\-kalpasUtre prastArakrama nAma trayodashaH khaNDaH samAptaH || 13|| \medskip\hrule\medskip chaturdashaH khaNDaH naShToddiShTakathanam athAto naShToddiShTaM vyAkhyAsyAmaH || 14\.1|| hasakalahrIM ityeShAM pa~nchAnAmakSharANAM dhuvaprastAre viMshatyadhikashataM vR^ittAni teShu chaturashItitamavR^ittajij~nAsAyAM chaturashItisa~Nkhayaiva naShTo.a~NkaH || 14\.2|| khaNDA~NkAstu chaturviMshatiH ShaT (dve) ekaM shUnyaM cheti pUrvamevoktyA tenaikaikena naShTA~NkaM vibhajet || 14\.3|| tathA chaturviMshatyA chaturashIterharaNe trayo labdhAH dvAdashashiShTAstataH ShaDbhiH dvAdashAnAM haraNe yadyapi nishsheShatA bhavati tathA.a.api vibhAjakAnAM sasheShatvAdatrApyekaM ShaTkamavasheShyaM tenaikalabdhaM ShaT ShaShThA tato dvAbhyAM ShaNNAM haraNe sAvasheSha vibhajanena dvau labdhau dvau shiShTau tata ekena sasheShaharaNe ekaM labdhaM ekaM shiShTam | tasya shUnyena vibhajanena shUnyaM labdhaM shUnyaM shiShTaM tena tryekadvayekashUnyAni labdhA~NkAH \- ete pratyekaM saikA kAryAH | tena chaturdvitridvayekA~NkA bhavanti || 14\.4|| tatashcha pUrvakL^iptakrameShu hasakalahrIM ityAkArakeShu dhruvavarNeShu chaturdvidvayekasa~NkhyAvarNAstAn sa~NkhayAyai niShkAsya pR^ithak likhet || 14\.5|| yathA vAgbIjAtmakabIjachaturthe lakAraH || 14\.6|| sajij~nAsitavR^itte prathamo vAgbIjAtmake dvitIyaH sakAra eva tatra dvitIyaH || 14\.7|| athAnayoH lakArasakArayoH pUrvalikhitatvAt parityAge gaNane vAgbIjapa~nchama eva tR^itIyo bhavati || 14\.8|| mAyayaiva jij~nAsitavR^itte tR^itIyA kathakavargAt dvitIyopAttasakAraparityAgena gaNanayA kakAra eva pUrvo bhavatIti sa tatra chaturthaH || 14\.9|| vAgbIjasya prathamo hakAraH sa tatra pa~nchamo bhavatIti lasahrI~Nkaha ityAkArakaM chaturashItitamaM vR^ittaM niShpadyate \- iti shivam || 14\.10|| iti reNukAgarbhasambhUta\-shrIduShTakShatriyakulAntaka\- shrIbhArgavopAdhyAya\-jAmadagnya\-mahAdevapradhAnashiShya\- mahAkaulAchArya\-shrImatparashurAmakR^itau\-kalpasUtre naShToddiShTakathana nAma chaturdashaH khaNDaH samAptaH || 14|| \medskip\hrule\medskip pa~nchadashaH khaNDaH kR^itanaShTanirUpaNam itthaM kR^itanaShTo lasahrI~Nkaha ityAkArakaM vR^ittaM pa~ncha\- dhuvaprastAre katitamamiti jij~nAsAyAM tadvR^ittaM bhUmau vilikhya tachChirasi khaNDA~NkAn likhet || 15\.1|| te yathA \- chaturviMshatiH ShaT de ekaM shUnyaM cheti || 15\.2|| te cha lakArAdayaH varNAH kL^iptakrameShu hasakalahrIM \- ityAkArakeShu pa~nchasu dhruvavarNeShu pUrvalikhitaparityAgena gaNanayA chaturthadvitIyatutIyadvitIyaprathamAH krameNa bhavanti || 15\.3|| tena teShva~NkeShu pratyekamekA~NkanirAse sati tryekadvyekashUnyAni sampadyante || 15\.4|| te chA~NkAH lakArAdInAmadhaH kramAllekhyAH || 15\.5|| atha adho~NkenordhvA~NkaM guNayitvA tattadakSharA\- dho~NkAdhaHkrameNa likhet || 15\.6|| yathA chaturviMshatistribhirhananAt dvAsaptatibhiH ShaNNA\- mekena hananAt ShaT dvayordvAbhyAM ghAte chatvAraH ekasyaikena hanane ekaM shUnyasya shUnyena guNane shUnyaM evameteShAM sarveShAM melane tryashItiH teShva~NkA~NkaprakShepe chaturashItiH sampadyate \- iti shivam || 15\.7|| iti reNukAgarbhasambhUta\-shrIduShTakShatriyakulAntaka\- shrIbhArgavopAdhyAya\-jAmadagnya\-mahAdevapradhAnashiShya\- mahAkaulAchArya\-shrImatparashurAmakR^itau\-kalpasUtre kR^itanaShTanirUpaNa nAma pa~nchadashaH khaNDaH samAptaH || 15|| \medskip\hrule\medskip ShoDashaH khaNDaH yonili~NgayantrarachanAvidhAnam athAto yoniyantraM vyAkhyAsyAmaH || 16\.1|| sveShTamAnena trikoNaM vilikhya\, tisR^iShu rekhAsu dashadasha chihnAni samAMshA~NkAni kR^itvA\, teShu dashadashasUtrANi pAtayet ityekaviMshatyadhikashatasa~NkhyAkAH prastotpannabhedA bhavanti te tatra lekhyAH sarvamadhyatrikoNe karma lekhyam || 16\.2|| itthaM yonichakraM vidhAya\, li~NgachakraM vyAkurmaH || 16\.3|| pUrve ekaM chatuShkoShThAtmakaM koShThaM vilikhya\, tadadhaH koShThatrayaM tadadhaH pa~ncha tadadhaH pArshvayoH ShaT ShaDvihAya yathAsampradAyaM chatvAriMshatkoShThAtmakaM li~NgaM vilikhya\, tatsaMlagnaM chaturashradrayaM vahnayAdikoNachatuShTayaM koShThachatuShTayavishiShTaM vilikhya\, tatra sampradAyena vAgbhave bIjabhedAn viMshatyadhika\- shatasa~NkhyAkAn prastArasa~njanitAn vilikhya\, vishiShTeShu tR^itIyabIjasya prastArasa~njanitachaturviMshatibhedAn vilikhet || atha chaturashradvayAntarAle ShaDrekhAyA(pA)tanena saptakoShThAn saMvidhAya\, tatra dinanityAyuganityAkSharANi ShaT saMvilikhya\, shiShTe koShThe chodayAkSharaM vilikhya tatrAvAhya pUjayet \- iti shivam || 16\.5|| iti reNukAgarbhasambhUta\-shrIduShTakShatriyakulAntaka\- shrIbhArgavopAdhyAya\-jAmadagnya\-mahAdevapradhAnashiShya\- mahAkaulAchArya\-shrImatparashurAmakR^itau\-kalpasUtre yonili~NgayantrarachanAvidhAna nAma ShoDashaH khaNDaH samAptaH || 16|| \medskip\hrule\medskip saptadashaH khaNDaH a~NgavidyA athAtaH sarvama~NgavidyAyAH svarUpabAhulyopadeshaM tadvi\- niyogaprastAvaM cha karoti || 17\.1|| tatra vAtAdyaiH grAsamayAntaiH akArAdyaiH kShakArAntaiH mAtR^ikAvisarAkSharaiH proktasa~NkhyairityarthaH || 17\.2|| shataiH pa~nchabhiH akArAdInAM ShoDashasvarANAM kakArAdInAM cha pa~nchatriMshatAM kShakArAntAnAM pratyekaM ShoDashasvarayo\- janataH ShoDashAnAM ShoDashAnAmapyevaM ShaTsaptatyadhikapa~nchashata\- sa~NkhyAnAM mAtR^ikAvisarAkSharANAM mUlavidyAyAH Adau kramashaH pratyekaM yojanataH ShaTsaptatyadhikapa~nchashatasa~NkhyAvidyArUpANi santIti tasyAnavasthAne mUlavidyAyAshchaturdashasvarasthAne svarAn ShoDasha yojayet || 17\.3|| pUrvoktairvidyAdiyojitaiH ShaTsaptatyadhikapa~nchashatairakSharaiH tatsa~NkhyArUpabhedAya antye pratyekaM kramAt ShoDashasvarayo\- janataH ShoDashAdhikadvishatottaranavasahasrasa~NkhyAvidyArUpANi bhavantIti taiH samproktasa~NkhyaiH vidyArUpaiH prayojayedyantrairiti Adau vR^ittatrayaM tadvahiH ShaTkoNaM tadbahiraShTadalaM vidhAya tadbahirvR^ittatrayaM vidadhyAt || 17\.4|| teShu vidyAkUTAnuktakrameNa nyaset || 17\.5|| teShvAdyaM madhyataH sAdhyasametaM vilikhet || 17\.6|| ShaTkoNeShu chatvAri chatvAri vilikhet || 17\.7|| aShTachChadeShu pratyekaM pa~nchapa~ncha samAlikhet || 17\.8|| bahirvR^ittAntarayuge mAtR^ikAM mAyayA chitAM vilomAmanulomAM svena samyak samAlikhet || 17\.9|| antaHShaDantarAleShu paryAyadinasambhave nitye likhet || 17\.10|| prAdakShiNyena sarvata evaM yantrANi jAyante || 17\.11|| taiH kUTairuktayogataH shataM cha chatvAriMshachcha chatvAri cha tataH kramAditi vR^itaM\, evamanyAni kUTAni proktAni krameNa vilikhet || 17\.12|| madhye nAmasametAni tadanyAnyabhito likhet || 17\.13|| trayodashamitairlakShyaiH saptaviMshatisa~NkhyAkaiH sahasraishcha shatenApi chaturbhiH tAni sa~NkhyayA yantrANi jAyante || 17\.14|| taishcha sA sarvama~NgalA evaM kAmeshvaryAdiShoDashanityAnAM pR^ithak pR^ithak yantrANi syuH || 17\.15|| tasmAdAbhirasAdhyAni na kadAchichcha kutrachit vidyate teShu yatki~nchit vakShye kosheShu tonyai vadennAthAtmakAni yena syustena cha mairbhittvA ShoDashadhA mantrI vidadhyAt || 17\.16|| viniyojakaM vishAlamadhyavinyAsaM vidadhyAt || 17\.17|| navakoShThakaM prAgAdimadhyaparyantaM prAdakShiNyakramAllikhet || 17\.18|| navAni navasu prAj~nasteShu R^ikShANi chAlikhet | saptamyA sAdhyasaMyuktaM nAthAM devIshcha tatkramAt || 17\.19|| yadyadvi (ddhi) vA~nChitaM karma tattatteShu vilikhya vai | pIThe vA bhUtale vA.api pUjayet proktavAsaram || 17\.20|| tataH prApte vA~nChitArthe svAtmanyudvAsya devatAH | chakraM prakShAlya tattoyaM kedArAdiShu nikShipet || 17\.21|| evamanyAni yantrANi proktAni kramasho bhuvi | viniyojyAnyabhIShTeShu kAryeShUktakrameNa vai || 17\.22|| parasa~NkhyAsametAni teShu teShvapyayaM vidhiH | sarvataH saumyakarmANi siddhyante vA.anayA drutam || 17\.23|| vashyeShu j~nAnasampattyai sarvapratyUhashAntaye | lakShmIprAptau tathArogyasiddhau rogArtishAntiShu || 17\.24|| vijayAya samastApattaraNAyAbhivR^iddhaye | putrAvAptyai cha rakShAyai pUjayet teShu tatkramAt || 17\.25|| gajAshvagokharoShTrAjamahiShINAM vivR^iddhaye | teShAM rogAdipIDAsu tachChAntyai cha yathAkramam || 17\.26|| nirmAya navayantrANi tatra tatrArchayechChivAm | teShu teShUktakAryeShu tattatsamprAptihetave || 17\.27|| navaprakArayuktAni ShoDashaprathamAdiShu | tithiShu proktarUpANi tatra tAM sarvama~NgalAm || 17\.28|| pUjayet kA~NkShitAvAptyai tena sarvasiddhirbhavediti shivam || 17\.29|| iti reNukAgarbhasambhUta\-shrIduShTakShatriyakulAntaka\- shrIbhArgavopAdhyAya\-jAmadagnya\-mahAdevapradhAnashiShya\- mahAkaulAchArya\-shrImatparashurAmakR^itau\-kalpasUtre a~NgavidyA nAma saptadashaH khaNDaH samAptaH || 17|| \medskip\hrule\medskip aShTAdashaH khaNDaH vAsanAdhyAyaH athAto vAsanAM vyAkhyAsyAmaH || 18\.1|| tadAtmakaM samudayaM madAtmikApi vishritam | hayAtmakaM AtmasvarUpaM tairbhAvayet || 18\.2|| kAlenAnyatvaduHkhArtivAsanAshatasho dhruvam | parAhantAmayaM sarvasvarUpasvAtmavigraham || 18\.3|| sadAtmakaM sphurattAkhyaM asheShopAdhivarjitam | prakAsharUpamAtmatve vastu sadbhAsate param || 18\.4|| varayante evamato loke nAnyatra mantravadakSharam | yadvidyeti hi manvIta sarvadhA sarvataH sadA || 18\.5|| atha mantrArthaH\- lalitAyAstribhirvarNaiH sakalArtho.abhidhIyate | sheSheNa devIrUpeNa tena syAdidamIritam || 18\.6|| asheShato jagat kR^itsnaM hR^illekhAtmakataH param | tasyAshchArthastu kathitaH sarvatantreShu gopitaH || 18\.7|| vyomnA prakAshamAnatvaM grasamAnatvamagninA | te yo vimarsha IkAra bindunA tanniphAlanam || 18\.8|| 1\. hrIM shrIM aM kAmeshvarIpAdukAM pUjayAmi | 2\. hrIM shrIM AM bhagamAlinIpAdukAM pUjayAmi 3\. hrIM shrIM iM nityaklinnApAdukAM pUjayAmi | 4\. hrIM shrIM IM bheruNDApAdukAM pUjayAmi | 5\. hrIM shrIM uM vahnivAsinIpAdukAM pUjayAmi | 6\. hrIM shrIM UM mahAvajreshvarIpAdukAM pUjayAmi 7\. hrIM shrIM R^iM shivadUtIpAdukAM pUjayAmi | 8\. hrIM shrIM R^IM tvaritApAdukAM pUjayAmi | 9\. hrIM shrIM L^iM kulasundarIpAdukAM pUjayAmi | 10\. hrIM shrIM L^IM nityApAdukAM pUjayAmi | 11\. hrIM shrIM eM nIlapatAkApAdukAM pUjayAmi | 12\. hrIM shrIM aiM vijayApAdukAM pUjayAmi | 13\. hrIM shrIM oM sarvama~NgalApAdukAM pUjayAmi | 14\. hrIM shrIM auM jvAlAmAlinIpAdukAM pUjayAmi 15\. hrIM shrIM aM chitrApAdukAM pUjayAmi | 16\. hrIM shrIM aH tripurasundarIpAdukAM pUjayAmi || 18\.9|| sha~NkuchChAyayA dikparij~nAnakramaM prastAvasahitaM upadishati || 18\.10|| tatra bhAnorgatyA AdityadakShiNottarAyaNakramagati\- bhedaj~nAnachChAyayeti yAvat || 18\.11|| tanmadhyaM bindumadhyaM ityetatkriyAvisheShaNam || 18\.12|| pUrvAparadvaye pUrvAparAtmikayoH dishoH prAgvachChinne kR^itvetyarthaH || 18\.13|| tadabhimataH taddvayamavaShTabhya samamAnapArabhrAntyA tachchi\- hnadvayAntarAlamAnaparibhrAntyAM svechChAdhikenArdhena mAnena anyonyatulyena paribhrAntyAM kR^itvA vR^ittadvayaM kR^itvetyarthaH || 18\.14|| tayoH pUrvAparayoH saMshleShasa~njAtamadhyadakShottarasthita ityasya uttaratra sandhidvaye ityete visheShaM prAkpratyak sUtramadhye prAkpratyagAtmasUtramadhye tu saMhAre dakShottaraM dakShiNottaraM teShAM maNDapAdInAmagraiH sUtrAgraiH || 18\.15|| etaduktaM bhavati \- jImUtAdyapariveShTitabhAnau divase ChAyAdibhiranAvR^itadeshe jalayantrAdibhiH susamIkR^itasya darpa\- Nodarasa~NkAshasya bhUtalasya madhye binduM kR^itvA tadavaShTambhataH pratidishaM dvAdashA~NgalamAnena vR^ittaM kR^itvA tatra ShaDa~NgalamAna\- pariNAhamUlamuttarottarapariNAhApachayena sUchImAtrIkR^itAgra \- pariNAhaM mR^idvAkR^itiM sha~NkumUlamAnochChrA(ChA)yasahitaM vR^ittAkAraM shilpivareNa nirmitaM vR^ittamadhyasthabindumadhye yathA sha~NkumUla\- pariNAhamadhyaM bhavati tathA tachCha~NkuchChAyAgrasya pUrvAhNe tattadvR^ittarekhApashchimabhAge yatra sampAtastatra tato.aparAhNe tachCha~NkuchChAyAgrasya tadvR^ittarekhApUrvabhAge chihnaM vidhAya tachchihnadvayaM prApayat sUtraM tatpUrvAparaM parikalpya tachchihnadvayA\- vaShTambhena tachchihnAntarAlamAnasya cheShTAdhikenArdhamAnenAnyonya\- samete ki~nchidanyonyasaMshliShTaM pUrvAparaM vR^ittadvayaM vidhAya tadvR^ittarekhAdakShiNottarasandhidvayaprApi prAkpashchimasUtramadhya \- gatyA tiryagrUpeNa yat sUtraM dakShiNottaraM parikalpya tatprAk pratyakdakShiNottarasUtradvayasampAtAdvR^ittavakShyamANamAnena tulya\- rUpaparikalpitasUtrAgraistaisteShAM maNDapAdInAM prAkpratyagda\- kShiNottarAtmakadikchatuShTayaM parikalpayet || 18\.16|| sarvaprayatnena vidyA.a.arAdhitadvArA pUrNatAkhyAtisamA\- veshanechChA chetyete samayAchArikAH | pare cha shAstrAnushiShTAH || 18\.17|| itthaM viditvA vidhivadanuShThitavataH kulaniShThasya sarvataH kR^itakR^ityatA sharIratyAge shvapachagrahakAshyornAntaraM jIvanmukto bhavati || 18\.18|| ya imAmaShTAdashakhaNDIM mahopaniShadaM mahAtraipura\- siddhAntasarvasvabhUtAmadhIte sa sarveShu yaj~neShu yaShTA bhavati | yaM yaM kratumadhIte tena tenAsyeShTaM bhavati iti hi shrUyate ityupaniShat \- iti shivam || 18\.19|| ya evaM vedetyupaniShat || 18\.20|| bhadraM no api vAdaya manaH OM shAntiH shAntiH shAntiH || 18\.21|| iti reNukAgarbhasambhUta\-shrIduShTakShatriyakulAntaka shrIbhArgavopAdhyAya\-jAmadagnya\-mahAdevapradhAnashiShya\- mahAkaulAchArya\-shrImatparashurAmakR^itau\-kalpasUtre vAsanA nAmAShTAdashaH khaNDaH samAptaH || 18|| iti shrIparashurAmakalpasUtraparishiShTaM dvitIyabhAgaH sampUrNam || iti shrIduShTakShatriyakulakAlAntakareNukAgarbhasambhUta mahAdevapradhAnashiShyajAmadagnyashrIparashurAmabhArgava\- mahopAdhyAyamahAkulAchAryanirmitaM kalpasUtraM sampUrNam || ## Encoded and proofread first part by Claudia Weber (available at GRETIL) and second by DPD Reference : Parasurama-Kalpasutra (a digest of Srividya, as system of worship of the Divine Mother) Based on the ed. by A. Mahadeva Sastri, Baroda : Central Library 1923 (Gaekwad's Oriental Series, 22) \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}