% Text title            : parashurAmastotram 1
% File name             : parashurAmastotram.itx
% Category              : vishhnu, dashAvatAra
% Location              : doc\_vishhnu
% Author                : shrIpUsapATi raNganAyakAmAtya bhArgavarShi
% Transliterated by     : Malleswara Rao Yellapragada malleswararaoy at yahoo.com
% Proofread by          : Malleswara Rao Yellapragada, PSA Easwaran
% Latest update         : January 29, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Parashuramastotram ..}##
\itxtitle{.. shrIparashurAmastotram ..}##\endtitles ##
shrImadbhaktamano.ambujAtabhramaraM smerAnanaM chinmayaM
nAnArUpadharaM hariM nirupamaM nArAyaNaM sha~Nkaram |
shrImadbhArgavavaMshavArdhishashinaM shrIreNukAputrakaM
sarvAmnAyasusAramAryavinutaM rAmaM bhaje bhArgavam || 1||
vaikuNThaM parameshvarArchitapadaM bhavyAtmakaM chakriNaM
padmAkShaM shritavArasauratharajaM brahmANDasavyApinam |
kShIrAmbhonidhishAyinaM kunR^ipahaM shrIreNukAsuprajaM
ramyaM bhImaparashvadhiM dharaNipaM rAmaM bhaje bhArgavam || 2||
nityaM rAkShasavaMshanAshanakaraM nirvANasandhAyakaM
mAhiShmatyadhinAthadAnanipuNaM mahiShmatIdAhakam |
dUrADvaMshadavAnalaM shivakaraM durvArabhAShApradaM
satyaM bhUmavipashchitaM guNanidhiM dhyAyAmi A?rchIkajam || 3||
brahmakShAtramayaM mahAsmR^itimayaM gambhIrabhAShAmayaM
satkAruNyamayaM sadAshivamayaM sachChiShyabhAShAmayam |
j~nAnAnandamayaM bhayAnakamayaM sachChauryabhUShAmayaM
nAnAvAdasudhAmayaM kavimayaM shrIraiNukeyambhaje || 4||
nityAnandamayaM gurumparavibhuM nirvighnasandhAyakaM
sarvAtItamanantarUpamakhilaM sarvAmayaghnaM harim |
sarvaj~na~ncha mahAmahaM paratamaM sarvAtmakaM shAntidaM
antarjyotimajAdi durlabhataraM rAmambhaje bhArgavam	|| 5||
o~NkArAtmakamavyayaM sharadhishaM pAthodhigarvApahaM
gobhUdevakulArtinAshanakaraM gopAlasaddeshikam |
viShvaksenamudArachittamanaghaM vishveshvaraM sampadAM
dAtAraM munivanditA~NghriyugaLaM rAmambhaje chyAvanim	|| 6||
gobhUdevamayaM dhanuHshrutimayaM saujanyadhArAmayaM
nissAhAyyamayaM nirAmayamayaM nistulvavANImayam |
satsaushIlyamayaM parAkramamayaM kAlasya mR^ityurmayaM
bhaktArighnamayaM parAtparamayaM rAmambhaje bhArgavam || 7||
bhUmaishvaryasunirjarAmaramayaM kShIrAbdhiviShNurmayaM
aMhArtighnamayaM mahauravamayaM mR^ityoH pramR^ityurmayam |
sa~NgrAmeShu mahAbhayAnakamayaM shAntirmayaM sarvadA
sAdhvI reNukasattapaHphalamayaM dhyAyAmi shrIchyAvanim || 8||
rAmaM satyaparAkramaM shrutihitaM rAjIvapatrAkShakaM
raudraM dharmabhR^itA~NguruM kaluShahaM shreShThaM R^iShINA~Nkule |
AyurdAyakamAshritAmarataruM atyadbhutohApradaM
bhUbhArAghanibarhaNAgatahariM dhyAyAmi yarchIkajam || 9||
satsaubhAgyamayaM mahAshuchimayaM sampUrNamedhAmayaM
brahmAnandamayaM ripundamamayaM vAtsalyadhArAmayam |
brahmaj~nAnamayaM mahAgurumayaM vANImayaM sarvadA
bhaktavrAtasuchAtakAmbudamayaM vande sadA raiNukam || 10||
yasyApIchyasuvigrahaM kaluShahaM draShTuM mahApaNDitAH
yasyAnugrahamAptumabjajaharau maunIshvarAstepire |
tassArchIkasutasya sAndrakaruNAsAraH pravAho mahat
me rAmasya nirantaraM pravahatu prachChanna rUpojjvalaH || 11||
yaddR^iShTyA mahanIyakAntikalitaM dehammahAkAnane
lebhAte hariNau svapUrvajananapraj~nA~ncha mokShammahat |
tammAhAtmyanidhiM R^ichIkajabhavaM rAmaM sadAbhaktava\-
jraprAkAramanantakaM dasharathaM vande sadA raiNukam || 12||
Adau reNukagarbhavArdhijananaM ambAgaLachChedanaM
mahiShmatyadhinAthakaNThadaLanaM duHkShatriyotsAdanam |
nirmANa~ncha samantapa~nchakamaho sarvAMsahApAlanaM
etadbhArgavarAmabhUmacharitaM trailokyamodAvaham || 13||

 || iti shrIpUsapATi ra~NganAyakAmAtyabhArgavarShikR^itaM
              parashurAmastotraM sampUrNam ||
##
Encoded Malleswara Rao Yellapragada malleswararaoy at yahoo.com
Proofread by Malleswara Rao Yellapragada, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}