% Text title            : Parashurama Stotram 3
% File name             : parashurAmastotram3.itx
% Category              : vishhnu, dashAvatAra, vAsudevAnanda-sarasvatI, vishnu
% Location              : doc\_vishhnu
% Author                : AchArya amRitavAgbhava
% Transliterated by     : Bageshri Sathe
% Proofread by          : Bageshri Sathe
% Latest update         : May 22, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Parashurama Stotram ..}##
\itxtitle{.. shrIparashurAmastotram ..}##\endtitles ##
shrIparashurAmamantro yathA mantramahArNave pratipAditaH  \-
\ldq{}OM rA.N rA.N OM rA.N rA.N OM parashuhastAya namaH\rdq{} iti mUlamantraH |
atha parashurAmagAyatrImantrastatraiva yathA\-
\ldq{}OM jAmadagnyAya vidmahe mahAvIrAya dhImahi |
        tannaH parashurAma prachodayAt\rdq{} iti |

atha a~NganyAsaH |
OM jAmadagnyAya hR^idayAya namaH |
OM vidmahe shirase svAhA |
OM mahAvIrAya shikhAyai vaShaT |
OM dhImahi kavachAya huM |
OM tannaH parashurAmo netratrayAya vauShaT |
OM prachodayAdastrAya phaT |
iti ShaDa~NganyAsaH ||

atha karanyAsaH |
OM jAmadagnyAya a~NguShThAbhyAM namaH |
OM vidmahe tarjanIbhyAM namaH |
OM mahAvIrAya madhyamAbhyAM namaH |
OM dhImahi anAmikAbhyAM namaH |
OM tannaH parashurAmo kaniShThikAbhyAM namaH |
OM prachodayAt karatalakarapR^iShThAbhyAM namaH ||

dhyAnam \-
sampUrNA vilasanti sopaniShado vedopavedo puraH
pR^iShThe mArgaNapUrNatUNavilasatkodaNDadaNDo mahAn |
barhiShTomakamaNDalU cha parashu pANyorvahan shAstravit
shApe shAstravare cha peShalakaraH shrIbhArgavo bhrAjate || 1||
mattakShatriyakR^ittakaNThavigaladraktaughasamplAvitaM
bhaktA.anugrahaNaM kaThoraparashuM dhR^itvA.avatIryA.adhunA |
dR^iptoddaNDadurIhaduShTadamano dInA.a.avalIpAlako
dharmoddhAradhurandharo bhR^iguvaro rAmaH samujjR^imbhatAm || 2||
shrImadreNukayA dhR^itaM svajaThare bhUbhAranAshAya yat
shrImadbhArgavajAmadagnyamatulaM rAmAbhidhAnaM mahaH |
dR^ipyatpArthivavR^indakAnanalalajjvAlADhyavaishvAnara\-
shchaNDIprANapatipriyasya parashorAdAyi tatsaMstumaH || 3||
lakShmIpaterurasi roShakaShAyitAkShaH
pAdaprahAramakaronmunipu~Ngavo yaH |
brahmarShivR^indaparichumbitapAdapadmaH
sa shrIbhR^igurjayati viprakulaprakAshaH || 4||
shrImAnudAracharito jayatAdajasraM
brahmarShisomajamadagniriti prasiddhaH |
dR^ipyannR^ipAntakaraNaM tanayaM prasUya
yenA.akhilaM jagadidaM parito vyarakShi || 5||
sampUrNabhUmigatavIramahIgatAnA
manyAyamAshritavatAM pramadoddhatAnAm |
sA kAlarAtririva nAshakarI samantAt
shrIreNukA bhagavatI vijayAya bhUyAt || 6||
devena yena tatamasti samastameta\-
dvishvaM svashaktikhachitaM svavilAsarUpam |
taM tvAM maharShigaNapUjitapAdapadmaM
sarvAtmanA bhR^iguvaraM sharaNaM bhajAmaH || 7||
dharmadviShAM niyamanAya gR^ihItadIkSham
shrIreNukAbhagavatIjaTharAtprasUtam |
shrIbhArgavasya jamadagnimuneH suputraM
rAmaM lasatparashupANitalaM namAmaH || 8||
sphUrjanmadoddhatanR^ipAvalikAnanA.a.alI\-
rdagdhvA mahIsuragaNAnparirakShya bandhUn |
trAtaM bhuvastalamidaM bhavatA samastaM
samprApya khaNDaparashoH parashuM prasannAt || 9||
lokatrayA.atulaparAkramajanmabhUmeH
shIrShaM nikR^itya kR^itavIryasutA.arjunasya |
triHsaptavAramakarorvasudhAM samastAM
niHkShatriyAM svapitR^itarpaNakAmanAyAH || 10||
durnItapArthivakadambanikR^ittashIrSha\-
grAvadravadrudhirasiddhadhunIjalaughaiH |
AkaNThato nijapitR^Inparitarpya pashchAt
prAdAd dharAM vasumatIM kila kashyapAya || 11||
pANau vilokya parashuM bhagavaMstvadIye
strIveShabhAgdasharatho.api palAyito.abhUt |
yaH svAsanArdhamupaveshya purandareNa
sammAnito.abhavadamoghabalena shashvat || 12||
shrIrAma ! bhArgava ! bhavachcharaNAravinda\-
mUlaM sharaNyamadhunA vayamAgatAH smaH |
kAruNyapUrNasudR^ishA kila no.anugR^ihya
shaktiM nijAmanayanAshakarIM pradehi || 13||
vAkchAturI chalati no chaturAnanasya
yachChiktavarNanavidhau khalu tatra keyam |
asmAkamalpaviduShAM nR^igirA varAkI
shaktA bhavettadapi nAtha! varaM pradehi || 14||
vIrashrIjAmadagnyasya puNyaM stotramidaM narAH |
paThantyananyamanaso ye.arthabodhapurassaram || 15||
duHshAsanAntakaraNI bhImA dharmaprabodhinI |
teShAM karagatA shaktishchakAstyeva na saMshayaH || 16||
a~NkAShTanandapR^ithivImitavaikramAbde
vaishAkha shukla girijAdivase graheshe |
mArtaNDatIrthabhavane jamadagniputra\-
stotraM vyadhAyi viduShA.amR^itvAgbhavena || 17||

iti shrIsarvatantrasvatantra mahAmahima AchArya
shrImadamR^itavAgbhavapraNItaM shrI parashurAmastotraM sampUrNam |

vidhinyAsapUrvakajapAd brahmatejaprAptirbhavatIti me matiH |
tantrokta chamatkArika mantra dhyAnam \-
sAtvikaM shvetavarNaM cha bhasmoddhUlitavigrahaM
agrihotrasthalAsInaM nAnAmunigaNAvR^itam |
kambAsanamArUDhaM svarNatArakushA~NguliM
shvetavastradvayopetaM juhvantaM rAmamAshraye ||
OM asya mantrasya bhAradvAja R^iShiH, gAyatrI ChandaH,
shrIparashurAmo devatA manokAmanA prAptaye jape viniyogaH |
mantraH \-
OM brahmakShetrAya vidmahe kShatriyAntAya dhimahi tanno rAmaH prachodayAt |
(iti)
##

Encoded and proofread by Bageshri Sathe

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}