% Text title            : parashurAmatantram merutantre
% File name             : parashurAmatantrammerutantre.itx
% Category              : vishhnu, dashAvatAra, vishnu
% Location              : doc\_vishhnu
% Proofread by          : DPD
% Latest update         : June 4, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIparashurAmatantram ..}##
\itxtitle{.. shrIparashurAmatantraM merutantrAntargatam ..}##\endtitles ##

 | atha merutantroktaM shrIparashurAmatantram |

athAtaH sampravakShyAmi rAmamantraM samAhR^itam |
Akalpameka evAyaM jAmadagnyo mahAbalaH || 1||
duShTakShatratamodhvaMsI reNukodbhUtabhAskaraH |

mantraH
brahmakShatrAya vidmahe kShatriyAntAya dhImahi |
tanno rAmaH prachodayAt ||
bhAradvAjamuniprokto gAyatraM Chanda Iritam || 2||
shrImAnparashurAmo.asya devatA bhaktavatsalaH |
aShTeShu tryakShivedArNairmanoH proktaM ShaDa~Ngakam || 3||
netrayoH karNayornAsAdvaye chAdharayugmake |
stanayorbhujayoH pArshvadvayeM.aghryorvinyasetpadam || 4||
AdhAre hR^idaye mUrdhni kramAtpAdAnpravinyaset |
ke dR^ishi shrotranAsAyAM kapole hanuvakrayoH || 5||
kaNThAMsabAhuhasteShu pArshvahR^itpR^iShThakodare |
nAbhikaTyorgude li~Nge UrvorvA jAnuja~NghayoH || 6||
pAde cha vinyasedvarNAntato dhyAyettridhA tanum |

sAtvikadhyAnam |
sAttvike shvetavarNaM cha bhasmoddhUlitavigraham || 7||
kirITinaM kuNDalinaM varaM svakShavarAbhayAn |
karairdadhAnaM taralaM vipraM kShatravadhodyatam |
pItAmbaradharaM kAmarUpaM bAlAnirIkShitam || 8||
tAmasadhyAnam |
dhyAyechcha tAmasaM kShatraM rudhirAktaparashvadham |
AraktanetrakarNasthabrahmasUtraM yamaprabham || 9||
rAjasadhyAnam |
dhanuShTa~NkAranirghoShasantrastabhuvanatrayam |
chaturbAhuM musalinaM rAjasaM kruddhameva cha || 10||

viniyogaH
asya shrIparashurAmamantrasya bharadvAja R^iShiH |
bhaktavatsala shrIparashurAmo devatA | gAyatrI ChandaH |
shrIparashurAmaprItyarthaM abhIShThasiddhyarthaM jape viniyogaH ||
karanyAsaH
brahmakShatrAya vidmahe a~NguShThAbhyAM namaH |
tanno anAmikAbhyAM namaH |
kShatriyAntAya tarjanIbhyAM namaH |
rAmaH kaniShThikAbhyAM namaH |
dhImahi madhyamAbhyAM namaH |
prachodayAt karatalakarapR^iShThAbhyAM namaH ||
hR^idayAdi nyAsaH
brahmakShatrAya vidmahe hR^idayAya namaH | tanno kavachAya hum |
kShatriyAntAya shirase svAhA | rAmaH netratrayAya vauShaT |
dhImahi shikhAyai vaShaT | prachodayAt astrAya phaT ||
mantra padanyAsaH
brahmakShatrAya vidmahe netrayoH | tanno adharayugmake |
kShatriyAntAya karNayoH | rAmaH stanayoH bhujayoH |
dhImahi nAsAdvaye | prachodayAt pArshvayugmake a~NghryoH ||
mantra varNanyAsaH

braM namaH mUlAdhAre |
hmaM namaH hR^idaye |
kShaM namaH mUrdhni |
trAM namaH netratrayyaoH | netratrayeShu
yaM namaH karNayoH |
vid namaH nAsAyAm |
maM namaH kapole |
heM namaH hanau |
kShaM namaH vaktre |
triM namaH kaNThe |
yAM namaH bAhvoH |
ntAM namaH hastayoH |
yaM namaH pArshve |
dhIM namaH hR^idaye |
maM namaH pR^iShThe |
hiM namaH udare |
taM namaH nAbhau |
nnoM namaH karayoH |
rAM namaH gude |
maH namaH li~Nge |
praM namaH UrvoH |
choM namaH jAnvoH |
daM namaH ja~NghayoH |
yAt namaH pAdayoH ||
vaiShNave tu yajetpIThe devAgrAchcha chaturdale |
jamadagniM cha kAlaM cha reNukAM kAmamarchayet || 11||
taddaleShu ShaDa~NgAni tadbAhye.aShTadale yajet |
dikShu vedAn vidikpatreShUpavedAMstato yajet || 12||
tatashchAShTadale pUjyA vibuddhAshchAvatArakAH |
brahmAstraM vaiShNavAstraM cha raudraM vAyavyameva cha || 13||
AgneyaM chaiva nAgAstraM mohanaM stambhanaM tathA |
aindrapAlikamastraM cha mahApAshupataM tathA || 14||
pUjayeddashapatreShu dvAdashAre tato.archayet |
kashyapaM cha bharadvAjaM vishvAmitraM cha gautamam || 15||
vashiShThaM nAradaM chAtriM pulastyaM pulahaM kratum |
yAj~navalkyaM bhArgavaM cha ShoDashAre tato yajet || 16||
saMhitAshcha purANAni mImAMsA nyAyameva cha |
sA~NkhyaM pAta~njalaM shilpaM vedA~NgAni cha ShaT kramAt || 17||
sarvANyupapurANAni chetihAsapurANakam |
smR^itIstu bhUpurAgre cha digIshAnAyudhAni cha || 18||
yantra dhyAnam ##
Please consult a tantra practitioner or a guru/teacher
before using the yantra for worship.##

bindumadhye shrIparashurAmapUjanam ||
shrIparashurAmaM dhyAyAmi\, AvAhayAmi | parashurAmAya namaH |
AvAhanaM samarpayAmi | pAdyaM samarpayAmi | arghyaM samarpayAmi |
AchamanIyaM samarpayAmi | madhuparkaM samarpayAmi | snAnaM samarpayAmi |
vastrAla~NkArAn samarpayAmi | yaj~nopavItaM samarpayAmi |
gandhAn dhArayAmi | nAnAparimalapatraM puShpaM samarpayAmi |
dhUpamAghrApayAmi | dIpaM darshayAmi |
naivedyaM samarpayAmi | pAnIyaM uttarApoShaNa\, hastaprakShAlanaM\,
pAdaprakShAlanaM\, AchamanIyaM\, tAmbUlaM samarpayAmi |
karpUranIrAjanaM darshayAmi | mantrapuShpaM samarpayAmi |
pradakShiNAnamaskArAn samarpayAmi | anayA pUjayA shrIparashurAmaH
suprasanno varado bhavatu ||
chaturdale dhyAnamantrAH |
    OM jAmadagnyAya namaH | OM kAlAya namaH |
    OM reNukAyai namaH | OM kAmAya namaH ||
ShaDdale dhyAnamantrAH |
    OM hR^idayAya namaH | OM shirase svAhA | OM shikhAyai vaShaT |
    OM kavachAya huM | OM netratrayAya vauShaT | OM astrAya phaT ||
aShTadale bAhyadishAyAM vedapUjana evaM dhyAnam |
    R^igvedAya namaH | yajurvedAya namaH |
    sAmavedAya namaH | atharvavedAya namaH |
    AyurvedAya namaH | gAndharvavedAya namaH |
    dhanurvedAya namaH | sthApatyavedAya namaH ||
aShTadale viShNu avatArapUjanaM evaM dhyAnam |
    OM matsyAya namaH | OM kachChapAya namaH | OM varAhAya namaH |
    OM nR^isiMhAya namaH | OM vAmanAya namaH | OM rAmAya namaH |
    OM kR^iShNAya namaH | OM buddhAya namaH ||
dashadale astrapUjanaM evaM dhyAnam |
    OM brahmAstrAya namaH | OM vaiShNavAstrAya namaH |
    OM rudrAstrAya namaH | OM vAyavyAstrAya namaH |
    OM AgneyAstrAya namaH | OM nAgAstrAya namaH |
    OM mohanAstrAya namaH | OM stambhanAstrAya namaH |
    OM aindrAstrAya namaH | OM mahApAshupatAstrAya namaH ||
dvAdashadale R^iShipUjanaM evaM dhyAnam |
    OM kashyapAya namaH | OM bharadvAjAya namaH |
    OM vishvAmitrAya namaH | OM gautamAya namaH |
    OM vashiShThAya namaH | OM nAradAya namaH | OM atraye namaH |
    OM pulastyAya namaH | OM pulahAya namaH | OM kratave namaH |
    OM yAj~navalkyAya namaH | OM bhArgavAya namaH ||
ShoDashadale shAstrapUjanaM evaM dhyAnam |
    OM saMhitAyai namaH | OM purANAya namaH | OM mImAMsAyai namaH |
    OM nyAyAya namaH | OM sAdhyAya namaH | OM pAta~njalAya namaH |
    OM shilpAya namaH | OM shikShAyai namaH | OM kalpAya namaH |
    OM vyAkaraNAya namaH | OM Chandase namaH | OM niruktAya namaH |
    OM jyotiShAya namaH | OM upapurANAya namaH | OM itihAsAya namaH |
    OM smR^itaye namaH ||
bhUpureShu dashadigpAlAdipUjanaM evaM dhyAnam |
    OM shaM kuberAya namaH |
    OM maM yamAya namaH |
    OM laM indrAya namaH |
    OM vaM varuNAya namaH |
    OM haM IshAnAya namaH |
    OM raM agnaye namaH |
    OM yaM vAyave namaH |
    OM kShaM rAkShasAya namaH |
    OM hrIM brahmaNe namaH |
    OM klIM viShNave namaH |

aShTadishApUjanaM evaM dhyAnam
    pUrvadishAyAM OM indrAya namaH |
    dakShiNapUrvadishAyAM OM agnaye namaH |
    dakShiNadishAyAM OM yamAya namaH |
    dakShiNapashchimadishAyAM  OM nirR^itaye namaH |
    pashchimadishAyAM OM varuNAya namaH |
    uttarapashchima dishAyAM OM vAyave namaH |
    uttaradishAyAM  OM kuberAya namaH |
    uttarapUrvadishAyAM OM IshAnAya namaH |

    IshAnapUrvadishAyAM OM brahmaNe namaH |
    nairR^ityapashchimadishAyAM OM anantAya namaH ||

dashadikpAla AyudhapUjanaM evaM mantrAH |
    OM vajrAya namaH | OM shaktaye namaH | OM daNDAya namaH |
    OM khaDgAya namaH | OM pAshAya namaH | OM a~NkushAya namaH |
    OM gadAyai namaH | OM trishUlAya namaH | OM padmAya namaH |
    OM chakrAya namaH ||
varNalakShaM japenmantraM sitAdyaghR^itapAyasaiH |
hunedbrAhmaNabhojyAntaM kR^itvA siddho bhavenmanuH || 19||
brahmakarmarato nityaM gAyatrIjapatatparaH |
sa eva jAyate siddho nAnyavipraH kadAchana || 20||
gAyatryA HprathamaM pAdaM pUrvakR^itvA japenmanum |
lakShaM prAgvaddhunedrAmaM sAttvikaM tatra chintayet || 21||
santAnArthaM vivAhArthaM kR^iShyarthaM varShaNAya cha |
viShayArthaM dhanArtha~ncha vAksiddhyarthamudAhR^itam || 22||
sahasramayutaM lakShaM prayutaM koTimeva cha |
sAdhyakR^ichChre.atikR^ichChre cha daivasAdhye tvasAdhyake || 23||
kAryA japasya sa~NkhyeyaM kramAjj~neyA dashAMshataH |
homaH sarvatra vij~neyaH pratyavAyanirAkR^itau || 24||
tAvadeva japedvidvAngAyatrIjapatatparaH |
manAgapi na kartavyo brahmadveShaH kadAchana || 25||
gAyatryA madhyacharaNayuktaM mantraM japeddhunet |
tilaudanAjyaM rAmaM tu rAjasaM tatra bhAvayet || 26||
deshagrAmapurAdInAM bAlAnAM cha gavAmapi |
rakShaNaM syAnmahAmArI shItalA shAntaye tathA || 27||
gAyatryantimapAdena yuktaM mantraM japeddhruvam |
homaH sarShapatailAktaistAmasaM chintayedvibhum || 28||
sarvashatruvinAshaH syAdrogAdInAM tathA kShayaH |
evaM kuryAdyamuddishya tasya nAsho bhaveddhruvam || 29||
vaishAkhe shuklapakShe cha tR^itIyAyAM tu vArShikI |
bhavedasya mahApUjA tAM bhaktaH prayatashcharet || 30||
rAmabhaktaM dvijaM natvA sa~NgrAme yAti chennR^ipaH |
avashyaM sa ripU~njitvA kushalI svagR^ihaM vrajet || 31||
rAmabhaktena yo dattaH pustake likhito manuH |
sa tu siddhiprado j~neyo nAsti tasya puraskriyA || 32||
yatki~nchitpustakArUDhaM rAmabhaktamukhodgatam |
yantraM mantro.athavA vidyA tatsiddhaM nAsti saMshayaH || 33||
j~nAtvA ShoDashasaMskAraiH saMskR^itaM chAryavaMshajam |
kuladvayavishuddhaM tu rAmamantrAdhikAriNam || 34||
phira~NgA yavanAshchInAH khurAsAnAshcha mlechChajAH |
rAmabhaktaM pradR^iShTvaiva trasyanti praNamanti cha || 35||
kR^itvA tu vAlukAmUrtiM shrIrAmasyArchayedvane |
shAntaM shatrumadaM kuryAtkusumAni cha vai hunet || 36||
rAj~no.amukasya kaTakaM juhomIti tathA vadet |
saptAhArvAk tasya sainyaM naShTaM tAvanmitaM bhavet || 37||
mahendrAgre cha kAshyAM cha yo japennirjane vane |
varShAdarvAk tasya rAmaH pratyakSho jAyate dhruvam || 38||
somavAre kAshikAyAM gayAyAM pitR^ipakShake |
puShyArke paurNamAsyAM cha prayAge tu mR^ige ravau || 39||
godAvaryAM siMhage.arke ga~NgAdvAre ghaTasthite |
sUryagrahe kurukShetre rAmo gachChati sarvadA || 40||
Adyo rAmo jAmadagnyaH kShatriyANAM kulAntakaH |
parashvadhadharo dAtA mAtR^ihA mAtR^ijIvakaH || 41||
samudratIranilayo maheshapAThitAkhilaH |
gotrANakR^idgopradAtA viprakShatriyakarmakR^it || 42||
dvAdashaitAni nAmAni trisandhyaM yaH paThennaraH |
nApamR^ityuM na dAridryaM na cha vaMshakShayo bhavet || 43||
shrImatparashurAmasya gAyatryeShA mahAdbhutA |
rAjyakR^it kalibhUpAnAM sarvatantreShu gopitA || 44||

 || iti shrImerutantre parashurAmatantraM sampUrNam ||
##
Profread by DPD, PSA Easwaran


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}